Tag: بھارت

بھارتی ریاست مدھیہ پردیش کے ایک گاؤں کے ایک شہری نے بھارت کے یوم آزادی سے متعلق تقریب کے دوران صرف ایک لڈو ملنے پر براہِ راست وزیر اعلیٰ کی ہیلپ لائن پر شکایت درج کروا دی۔

بھارتی میڈیا کے مطابق تقریبات کے دوران گرام پنچایت بھون میں ایک تقریب کے شرکاء میں مٹھائی تقسیم کی گئی، جب گاؤں کے رہائشی کملیش کشواہا کی باری آئی تو اِنہیں ایک ہی لڈو دیا گیا، کشواہا نے فوراً دوسرے لڈو کا مطالبہ کرتے ہوئے کہا کہ ان کے ساتھ بیٹھے شخص کو دو لڈو ملے ہیں لیکن انہیں منع کر دیا گیادوسرا لڈو نہ ملنے پر کملیش کشواہا ناراض ہوگئے اور پنچایت بھون کے باہر سے ہی وزیراعلیٰ کی ہیلپ لائن نمبر پر کال کر کے شکایت درج کروا دی،کشواہا نے موقف اپنایا کہ آزادی کے موقع پر مٹھائیوں کی تقسیم درست طریقے سے نہیں ہوئی اور اس معاملے پر کارروائی کی جانی چاہیے۔

رپورٹس کے مطابق شکایت موصول ہونے کے بعد پنچایت نے معاملے کو رفع دفع کرنے کے لیے غیر معمولی قدم اٹھایااور فیصلہ کیا ہے کہ مارکیٹ سے ایک کلو مٹھائی خرید کر شکایت کنندہ کو دے کر اس سے معافی مانگی جائے گی۔

امریکا نے بھارت کے ساتھ تجارتی مذاکرات معطل کر دیے، تجارتی مذاکرات کاروں کا اس ماہ کے آخر میں نئی دہلی کا طے شدہ دورہ منسوخ کر دیا گیا ہے۔

سی این بی سی نے رپورٹ کیا کہ بھارتی نیوز براڈکاسٹر ’این ڈی ٹی وی پرافٹ‘ نے ذرائع کے حوالے سے بتایا کہ یہ دورہ 25 اگست سے 29 اگست کے درمیان متوقع تھا لیکن اب اسے دوبارہ شیڈول کیے جانے کا امکان ہے۔

امریکی صدر ڈونلڈ ٹرمپ نے بھارتی برآمدات پر 25 فیصد اضافی ڈیوٹی عائد کی ہے، اور اس کے ساتھ مزید 25 فیصد ڈیوٹی روس سے تیل خریدنے پر بطور سزا نافذ کرنے کا اعلان کیا ہے، جو 27 اگست سے فعال ہونے کی توقع ہے، دونوں ممالک رابطے میں ہیں، لیکن بات چیت کے نئے شیڈول پر ابھی فیصلہ نہیں ہوا۔

بھارت پر عائد ٹرمپ کا مجموعی 50 فیصد ٹیرف شرح امریکا کے کسی بھی تجارتی شراکت دار پر سب سے زیادہ میں سے ایک ہے، اور اس پر نئی دہلی کی جانب سے سخت ردعمل آیا ہےبھارت نے کہا ہے کہ اسے ناانصافی کا نشانہ بنایا جا رہا ہے، جب کہ یورپی یونین اور امریکا کو روس کے ساتھ جاری تجارت پر تنقید کا نشانہ بنایا۔

بھارتی وزارتِ خارجہ نے اس ماہ کے آغاز میں اپنے بیان میں کہا تھا کہ یہ بات قابلِ غور ہے کہ وہی ممالک جو بھارت پر تنقید کر رہے ہیں، خود روس کے ساتھ تجارت میں مصروف ہیں، ہمارے معاملے کے برعکس، ان کی یہ تجارت کوئی قومی مجبوری بھی نہیں ہے۔

امریکا بھارت کا سب سے بڑا برآمدی شراکت دار ہے، تازہ سرکاری اعداد و شمار کے مطابق مارچ 2025 کو ختم ہونے والے مالی سال میں بھارت کی کل برآمدات کا تقریباً 20 فیصد (یعنی 86 ارب 51 کروڑ ڈالر مالیت کا سامان) امریکا بھیجا گیا۔

بھارت میں اگلے ماہ 9 ستمبر کو ہونے والے نائب صدر کے انتخاب کے لیے راجستھان کے جیسلمیر سے تعلق رکھنے والے مسلمان طالب علم جلال الدین نے کاغذات نامزدگی جمع کرا دیے۔

بھارتی میڈیا کے مطابق، گزشتہ ماہ موجودہ نائب صدر جگدیپ دھنکھر کے مستعفی ہونے کے بعد یہ عہدہ خالی ہوا، جس کے لیے امیدوار نامزدگی کر رہے ہیں۔ جلال الدین، جو جے پور کی ہری دیو جوشی یونیورسٹی میں صحافت کے طالب علم ہیں، نے ضلع کلکٹر کے دفتر میں ضروری کارروائی مکمل کرتے ہوئے 15 ہزار روپے فیس جمع کرائی۔الیکشن میں باضابطہ شرکت کے لیے انہیں تجویز کنندہ، حمایتی اور دیگر دستاویزات جمع کرانا ہوں گی، جو وہ آئندہ تین دن میں مکمل کرنے کا ارادہ رکھتے ہیں۔

میڈیا سے گفتگو میں جلال الدین نے کہا کہ ان کا مقصد صرف جیت یا ہار نہیں بلکہ جمہوری عمل میں حصہ لینا اور عام شہریوں کو سیاست میں آنے کی ترغیب دینا ہے۔ وہ ماضی میں وارڈ پنچ، ریاستی اسمبلی اور لوک سبھا کے انتخابات کے لیے بھی کاغذات نامزدگی جمع کرا چکے ہیں۔

شانِ پاکستان .تحریر: زین العابدین مخلص

یوم آزادی اور معرکہ حق تقریب، آذربائیجان و ترکیہ کے فوجی دستوں کا مارچ پاسٹ

پنجاب سے سینیٹ کی خالی نشست کا انتخابی شیڈول جاری

بھارتی وزیراعظم نریندر مودی اگلے ماہ امریکا میں صدر ڈونلڈ ٹرمپ سے ملاقات کرسکتے ہیں۔

انڈین ایکسپریس نے ذرائع کے حوالے سے رپورٹ کیا کہ بھارتی وزیراعظم نریندر مودی اگلے ماہ امریکا کے دورے کے دوران صدر ڈونلڈ ٹرمپ سے ملاقات کر سکتے ہیں، یہ دورہ اقوام متحدہ کی جنرل اسمبلی کے اجلاس میں شرکت کے لیے ہوگا،بھارتی وزارتِ خارجہ نے اس پر فوری طور پر کوئی ردعمل نہیں دیا-

ایک بھارتی اہلکار نے بتایا کہ ابھی کوئی حتمی فیصلہ نہیں ہوا اور عام طور پر ممالک جنرل اسمبلی کے جنرل مباحثے کے لیے پہلے سے وقت مختص کر لیتے ہیں، اسی لیے بھارتی حکومت کے سربراہ کا نام 26 ستمبر کے لیے مقررہ فہرست میں پہلے سے شامل ہے،اس فہرست میں تبدیلی ہوتی رہتی ہے اور اس حوالے سے ابھی کوئی حتمی فیصلہ نہیں ہوا کہ مودی اجلاس میں شرکت کریں گے یا نہیں۔</s

فیلڈ مارشل عاصم منیر کو آذربائیجان کے اعلیٰ ترین میڈل سے نواز دیا گیاtrong>

رپورٹ کے مطابق،جنرل اسمبلی 9 ستمبر سے شروع ہوگی، تاہم سالانہ اجلاس میں سربراہانِ مملکت و حکومت کا مباحثہ 23 سے 29 ستمبر تک ہوگا اگرچہ دورے کی بنیادی وجہ نیویارک میں اقوام متحدہ کا اجلاس ہوگا، لیکن ایک اہم مقصد صدر ٹرمپ سے بات چیت کرنا اور تجارتی و ٹیرف کے تنازعات کو حل کرنا بھی ہوگا، جو حالیہ دنوں میں دونوں ملکوں کے تعلقات میں تناؤ کا سبب بنے ہیں۔

مودی کے ممکنہ دورہ امریکا کی خبر ایسے وقت آئی ہے جب چند روز قبل ٹرمپ نے بھارتی مصنوعات پر 25 فیصد اضافی ٹیرف عائد کرنے کا اعلان کیا تاکہ نئی دہلی کو روسی تیل کی خریداری جاری رکھنے پر سزا دی جا سکےاس جرمانے کے بعد امریکا کو برآمد کی جانے والی بھارتی مصنوعات پر کل عائد محصولات 50 فیصد تک پہنچ گئے، جو امریکا کے کسی بھی تجارتی شراکت دار پر لگائے جانے والے سب سے زیادہ ٹیرف میں شمار ہوتے ہیں۔

مودی کے ’ایکس‘ پر نصف سے زائد فالوورز جعلی نکلے

نئی دہلی اور واشنگٹن کے درمیان تجارتی مذاکرات پانچ مرحلوں کے بعد اس وقت ناکام ہوگئے جب بھارت نے اپنے وسیع زرعی اور ڈیری شعبے کو کھولنے اور روسی تیل کی خریداری بند کرنے سے انکار کر دیا،منگل کے روز امریکی وزیر خزانہ اسکاٹ بیسنٹ نے کہا کہ کئی بڑے تجارتی معاہدے ابھی مکمل ہونا باقی ہیں، جن میں سوئٹزرلینڈ اور بھارت کے ساتھ معاہدے بھی شامل ہیں، تاہم نئی دہلی نے واشنگٹن کے ساتھ بات چیت میں کچھ ہچکچاہٹ کا مظاہرہ کیا ہے۔

بھارت میں امریکی مصنوعات کے خلاف بائیکاٹ کی مہم زور پکڑ رہی ہے، جس کی بڑی وجہ امریکی صدر ڈونلڈ ٹرمپ کی جانب سے بھارتی برآمدات پر 50 فیصد ٹیرف عائد کرنا ہے۔

امریکی صدر ڈونلڈ ٹرمپ کی جانب سے بھارتی مصنوعات پر بھاری محصولات عائد کیے جانے کے بعد بھارت میں امریکی برانڈز کے بائیکاٹ اور مقامی مصنوعات کو فروغ دینے کی مہم زور پکڑ گئی ہے،جس کی بڑی وجہ امریکی صدر ڈونلڈ ٹرمپ کی جانب سے بھارتی برآمدات پر 50 فیصد ٹیرف عائد کرنا ہے،اس فیصلے نے دونوں ممالک کے درمیان تجارتی تعلقات کو سخت دباؤ میں ڈال دیا ہے اور سماجی و کاروباری حلقوں میں "میک ان انڈیا” اور مقامی مصنوعات کو ترجیح دینے کا نعرہ دوبارہ گونجنے لگا ہے۔

بھارت دنیا کی سب سے زیادہ آبادی والا ملک اور امریکی برانڈز کے لیے ایک اہم منڈی ہے، جہاں مڈل کلاس کے بڑھتے ہوئے طبقے کو عالمی معیار کے برانڈز خاص کشش دیتے ہیں،میٹا کی واٹس ایپ کے سب سے زیادہ صارفین بھارت میں ہیں، ڈومینوز پیزا کے سب سے زیادہ آؤٹ لیٹس بھی یہیں ہیں، جبکہ پیپسی اور کوکا کولا مشروبات کی مارکیٹ میں نمایاں مقام رکھتے ہیں، ایپل اسٹورز کے افتتاح پر لمبی قطاریں لگنا عام بات ہے، اور اسٹاربکس کی خصوصی ڈسکاؤنٹ آفرز پر کافی شاپس بھر جاتی ہیں۔

کرپٹو کے لیے بجلی کا ابھی تک کوئی ریٹ آفر نہیں کیا،اویس لغای

وفاقی دارالحکومت میں13 اگست کو بھی عام تعطیل کا اعلان

ٹرمپ کے ٹیرف فیصلے کے بعد اگرچہ ابھی امریکی مصنوعات کی فروخت میں کسی بڑی کمی کی اطلاع نہیں، مگر سوشل میڈیا پر اور مختلف شہروں میں "بائیکاٹ امریکن برانڈز” کے پیغامات تیزی سے پھیل رہے ہیں، مودی کے حامی گروپ اور کاروباری رہنما صارفین کو مقامی برانڈز کی حمایت کرنے پر زور دے رہے ہیں۔

بھارت کی ’واؤ اسکن سائنس‘ کے شریک بانی منیش چوہدری نے لنکڈ اِن پر جاری ویڈیو پیغام میں کسانوں اور اسٹارٹ اپس کی حمایت کرنے اور ’میڈ اِن انڈیا‘ کو عالمی جنون بنانے کی اپیل کی اور جنوبی کوریا سے سبق سیکھنے پر زور دیا، جہاں کے کھانے اور بیوٹی پروڈکٹس دنیا بھر میں مشہور ہیں۔

انہوں نے کہا کہ ہم نے ہزاروں میل دور سے آنے والی مصنوعات کے لیے قطار لگائی ہے، ہم نے ان برانڈز پر فخر سے خرچ کیا جو ہمارے اپنے نہیں تھے، جب کہ ہمارے مقامی بنانے والے اپنے ہی ملک کے لوگوں کی توجہ حاصل کرنے کے لیے محنت کرتے رہے۔

فیلڈ مارشل کادورہ امریکا: پاکستان کی سفارتی تاریخ میں ایک اہم باب رقم، بھارت کا دہشتگردانہ چہرہ پھر بےنقاب

بھارت کی ڈرائیو یو کے سی ای او رہم شاستری نے لنکڈ اِن پر لکھا کہ بھارت کو اپنا مقامی ٹوئٹر/گوگل/یوٹیوب/واٹس ایپ/فیس بک بنانا چاہیے، جیسے چین نے بنایا ہے۔

امریکا مخالف مظاہروں کے دوران ہی ٹیسلا نے بھارتی دارالحکومت نئی دہلی میں اپنا دوسرا شو روم کھولا، جس کی افتتاحی تقریب میں بھارتی وزارت تجارت اور امریکی سفارت خانے کے اہلکار شریک ہوئے،نریندر مودی کی جماعت بی جے پی سے منسلک سودیشی جاگرن منچ گروپ نے اتوار کو بھارت کے مختلف شہروں میں چھوٹے عوامی مظاہرے کیے، جن میں امریکی برانڈز کے بائیکاٹ کی اپیل کی گئی۔

بھارتی حکومت نے کہا ہے کہ امریکا کو بھارت کی تقریباً 55 فیصد اشیائے تجارت کی برآمدات صدر ڈونلڈ ٹرمپ کی جانب سے عائد کردہ ٹیرف کے تحت آئیں گی۔

روئٹرز کی رپورٹ کے مطابق گزشتہ ہفتے، ٹرمپ نے روس سے تیل کی خریداری پر بطور سزا بھارتی سامان پر اضافی 25 فیصد ٹیرف عائد کیا تھا جس کے بعد امریکی منڈی میں بھارتی برآمدات پر کُل ڈیوٹی 50 فیصد تک پہنچ گئی، جو کسی بھی امریکی تجارتی شراکت دار پر عائد کردہ ڈیوٹی کی بلند ترین شرح میں سے ایک ہے۔

بھارت کے جونیئر وزیر خزانہ پنکج چوہدری نے ایک قانون ساز کے سوال کے تحریری جواب میں بتایا کہ بھارتی حکومت نے پیر کو فراہم کیے گئے تخمینے میں اس 25 فیصد ٹیرف کو شامل کیا تھا جو ٹرمپ نے ابتدائی طور پر عائد کیا تھا،محکمہ تجارت تمام اسٹیک ہولڈرز، بشمول برآمد کنندگان اور صنعت، کے ساتھ رابطے میں ہے تاکہ صورتحال کے بارے میں ان کی رائے حاصل کی جا سکے۔

راولپنڈی: پسند کی شادی کرنے پر بھائی نے بہن اورشیرخوار بھانجے کو ذبح کردیا

بھارتی وزیر اعظم نریندر مودی نے صدر ٹرمپ کی جانب سے بھارتی اشیا پر 50 فیصد ٹیرف کے نفاذ کے ایک دن کے بعد، گذشتہ جمعرات کو کہا تھا کہ وہ زرعی شعبے پر کوئی سمجھوتہ نہیں کریں گے،3 بھارتی عہدیداروں کے مطابق، نئی دہلی نے نئے امریکی ہتھیار اور طیارے خریدنے کے اپنے منصوبے بھی معطل کر دیے ہیں، جو اس بات کی پہلی ٹھوس علامت ہے کہ برآمدات پر صدر ٹرمپ کی جانب سے بلند ترین ٹیرف نافذ کرنے کے اعلان کے بعد دہائیوں میں پہلی بار دونوں ممالک کے تعلقات کشیدہ سطح پر پہنچ گئے ہیں۔

عمران خان کے گھر کی نیلامی کی خبریں بے بنیاد ہیں، نیب ذرائع

بھارت نے امریکی ٹیرف کے آگے گھٹنے ٹیک دیے ہیں۔

روئٹرز کے مطابق بھارت روسی تیل کی درآمدات میں کمی کرنے پر آمادہ ہوگیا ہے ،بھارت امریکا سے ٹیرف کےمعاملے پر بات چیت کا منتظر ہے،دوسری جانب بھارت نے امریکا سے دفاعی معاہدے روک دیے ہیں،رائٹرز کے مطابق بھارت نے گاڑیوں، طیاروں اور میزائلز کی خریداری روک دی۔بھارتی وزیر دفاع کی جانب سے دورہ امریکا بھی منسوخ کردیا گیا ہے۔

بھارت پر اضافی امریکی ٹیرف پر کانگریس رہنما ششی تھرور نے ردعمل دیتے ہوئے کہا کہ امریکا کا مزید ٹیرف بھارت کے لیے اچھی خبر نہیں،پاکستان،بنگلادیش اور دیگر ممالک پر کم ٹیرف عائد کیا گیا ہےاضافی ٹیرف کے بعد بھارتی مصنوعات امریکی منڈی میں مہنگی ہو جائیں گی،بھارت پر پاکستان،ویتنام،انڈونیشیا اور فلپائن سے زیادہ ٹیرف عائد کیا گیا ہے۔