Tag: بھارت

پیار ہو تو ایسا،اتر پردیش کے ضلع ہرپال پور میں ایک چونکا دینے والا واقعہ پیش آیا ہے جس میں 36 سالہ خاتون اپنے شوہر راجو اور 6 بچوں کو چھوڑ کر ایک بھکاری کے ساتھ فرار ہو گئی۔

بھارتی میڈیا کے مطابق راجو نامی شہری نے اپنی بیوی کے بھکاری کے ساتھ بھاگ جانے کے خلاف پولیس میں شکایت درج کرائی ہے جس کے بعد پولیس نے مقدمہ درج کر کے ملزمان کی تلاش شروع کر دی ہے۔
میڈیا رپورٹس کے مطابق راجو، جو کہ 45 سال کا ہے، نے اپنی شکایت میں بتایا کہ وہ اپنی بیوی راجیشوری اور 6 بچوں کے ساتھ ہرپال پور کے علاقے میں رہتا تھا۔ اس دوران محلے میں 45 سالہ ننھے پنڈت نامی شخص آ کر بھیک مانگتا تھا اور کبھی کبھار راجیشوری سے بات کرتا تھا۔ راجو کا کہنا تھا کہ اس بھکاری کے ساتھ بیوی کی فون پر بھی بات چیت ہوتی تھی، جس سے اسے شک ہونے لگا تھا۔راجو نے بتایا کہ 3 جنوری 2025 کی دوپہر تقریباً 2 بجے اس کی بیوی نے اپنی بیٹی خوشبو کو بتایا کہ وہ کپڑے اور سبزی خریدنے بازار جا رہی ہے، مگر اس کے بعد وہ واپس نہیں آئی۔ راجو نے اس کے بعد اپنی بیوی کو ہر جگہ تلاش کیا، مگر وہ کہیں بھی نہیں ملی۔ راجو کا کہنا تھا کہ وہ سمجھتا ہے کہ اس کی بیوی بھکاری ننھے پنڈت کے ساتھ بھاگ گئی ہے۔

راجو نے مزید کہا کہ اس نے ایک بھینس بیچ کر جو رقم حاصل کی تھی، وہ بھی اس کی بیوی اپنے ساتھ لے گئی۔ اس بات سے ظاہر ہوتا ہے کہ یہ فرار ایک سوچے سمجھے منصوبے کا حصہ تھا۔پولیس نے راجو کی شکایت پر مقدمہ درج کر لیا ہے اور ملزمان کی تلاش شروع کر دی ہے۔ بھارتی پولیس کے مطابق، ننھے پنڈت اور خاتون کی تلاش کے لیے مختلف جگہوں پر چھاپے مارے جا رہے ہیں۔راجو کی شکایت کے مطابق، اس کی بیوی کا بھکاری کے ساتھ یہ تعلق طویل عرصے سے تھا اور پولیس کو شک ہے کہ یہ فرار کسی پہلے سے طے شدہ منصوبے کے تحت کیا گیا ہے۔

اس واقعے نے علاقے میں سنسنی پھیلادی ہے اور مقامی افراد میں مختلف قیاس آرائیاں کی جا رہی ہیں۔ کچھ لوگ اس بات پر یقین رکھتے ہیں کہ یہ ایک غیر متوقع اور جذباتی فیصلہ تھا، جبکہ دیگر کا کہنا ہے کہ اس میں کچھ خفیہ وجوہات ہو سکتی ہیں، جن کے بارے میں ابھی تک معلومات نہیں مل سکیں۔پولیس کی تفتیش ابھی جاری ہے اور جب تک دونوں ملزمان گرفتار نہیں ہوتے، یہ واقعہ علاقہ میں موضوع بحث بنا رہے گا۔ تاہم، راجو نے یہ بھی کہا کہ وہ اپنی بیوی اور بچوں کو واپس لانے کے لیے ہر ممکن کوشش کرے گا۔

پی ایس ایل 10 کے ڈرافٹ کیلیے غیر ملکی کھلاڑیوں کی کیٹیگریز سامنے آگئیں

ٹک ٹاکر بسمہ بی بی پر شوہر کے قتل کا الزام ثابت، عدالت نے سزا سنا دی

چین کے علاقے تبت میں آج صبح 7.1 شدت کے زلزلے نے علاقے کو ہلا کر رکھ دیا۔ اس زلزلے کے نتیجے میں متعدد عمارتیں گر گئیں اور 53 افراد کی ہلاکت کی تصدیق کی گئی ہے۔ اس زلزلے نے نہ صرف چین بلکہ نیپال اور بھارت کے بعض حصوں میں بھی شدید اثرات مرتب کیے۔

چین کے زلزلہ نیٹ ورک سینٹر کے مطابق، یہ زلزلہ چین کے تبت کے علاقے ٹنگری کاؤنٹی کے قریب آیا تھا، جس کی شدت 7.1 ریکارڈ کی گئی۔ زلزلے کی گہرائی 10 کلومیٹر بتائی گئی ہے، چینی وقت کے مطابق یہ زلزلہ صبح 9 بج کر 5 منٹ پر آیا اور اس کے فوراً بعد متعدد آفٹر شاکس بھی محسوس کیے گئے، جنہوں نے مزید تباہی مچائی۔چینی میڈیا نے رپورٹ کیا ہے کہ ٹنگری کاؤنٹی میں متعدد مکانات اور عمارتیں گرنے کے باعث کم از کم 53 افراد ہلاک ہو چکے ہیں، جب کہ درجنوں افراد زخمی بھی ہیں۔ زخمیوں میں کئی کی حالت نازک بتائی جا رہی ہے، جس کے سبب ہلاکتوں میں مزید اضافے کا خدشہ ظاہر کیا جا رہا ہے۔

نیپال کے دارالحکومت کھٹمنڈو میں بھی اس زلزلے کے شدید اثرات محسوس کیے گئے اور عمارتیں لرزنے لگیں۔ نیپال میں زلزلے کی شدت 7.1 ریکارڈ کی گئی ہے، جس کے نتیجے میں بھی شہر میں عمارتوں کو نقصان پہنچا ہے۔ اگرچہ ابھی تک نیپال میں کسی بڑے جانی نقصان کی اطلاع نہیں ملی

بھارت کے شمالی علاقے اور بہار ریاست میں بھی زلزلے کے اثرات محسوس کیے گئے۔ بھارت میں زلزلے کی شدت 5.1 ریکارڈ کی گئی۔ بھارتی ریاست بہار میں اس زلزلے کے دوران عمارتیں چند سیکنڈز تک لرزتی رہیں، تاہم وہاں بھی کسی بڑے نقصان کی اطلاع نہیں ملی۔

چینی میڈیا کے مطابق یہ زلزلہ گزشتہ پانچ سالوں میں تبت میں آنے والا سب سے طاقتور اور خطرناک زلزلہ تھا۔ تبت کے پہاڑی علاقے میں اس طرح کے قدرتی آفات کا سامنا معمول کی بات ہے، لیکن اس بار زلزلے کی شدت اور اس کی تباہی نے تمام علاقے کو چونکا دیا ہے۔چینی حکام نے فوری طور پر امدادی کاموں کا آغاز کر دیا ہے اور فوج کو بھی ہنگامی طور پر روانہ کر دیا گیا ہے تاکہ متاثرہ علاقوں میں لوگوں کو بچایا جا سکے اور امداد فراہم کی جا سکے۔

زلزلے کے بعد عالمی برادری کی جانب سے چین کے متاثرہ علاقوں کے لیے اظہار ہمدردی اور امداد کی پیشکش کی گئی ہے۔ کئی ممالک نے چینی حکام سے رابطہ کیا اور ان کی مدد کے لیے تیار ہونے کی یقین دہانی کرائی ہے۔تبت میں اس شدید زلزلے نے جہاں ایک طرف علاقے میں خوف و ہراس پیدا کیا، وہیں دوسری جانب حکومتی اور مقامی امدادی ٹیموں کی فوری کارروائی سے متاثرین کی مدد کی جا رہی ہے۔

پاکستان میں سکواش کے فروغ کے حوالے سے ایک بڑی خوشخبری

جمائما جنوبی افریقا میں پہاڑی سے گر کر زخمی

پاکستان کاچین میں زلزلے کے نتیجے میں قیمتی جانوں کے نقصان پر تعزیت کا اظہار
اسلام آباد: پاکستان نے چین کے علاقے ژیژانگ (Xizang) میں آنے والے زلزلے کے نتیجے میں قیمتی جانوں کے نقصان پر گہرے دکھ اور افسوس کا اظہار کیا ہے۔ پاکستان کی حکومت اور عوام نے چین کی حکومت اور عوام کے ساتھ یکجہتی کا اظہار کرتے ہوئے متاثرین کے لیے دعائیں کی ہیں۔پاکستانی وزارت خارجہ کی جانب سے جاری کردہ بیان میں کہا گیا ہے کہ "ہم ژیژانگ میں زلزلے کے باعث قیمتی جانوں کے ضیاع پر انتہائی افسردہ ہیں اور ہم چین کے عوام و حکومت کے ساتھ اس دردناک موقع پر کھڑے ہیں۔ ہم اپنے چینی بھائیوں اور بہنوں کے لیے دل کی گہرائیوں سے تعزیت پیش کرتے ہیں۔”پاکستان نے چین کی حکومت کو مکمل حمایت کی پیشکش کرتے ہوئے کہا ہے کہ "ہم چین کے متاثرہ علاقوں میں جاری امدادی کوششوں میں مکمل تعاون فراہم کرنے کے لیے تیار ہیں۔ ہماری دعائیں زخمیوں کے ساتھ ہیں اور ہم ان کے جلد صحت یاب ہونے کی خواہش رکھتے ہیں۔ ہم ان لوگوں کے لیے بھی دعاگو ہیں جو ابھی تک لاپتہ ہیں۔”مزید برآں، پاکستان نے چین کی حکومت اور امدادی اداروں کو نیک تمناؤں کے ساتھ حوصلہ افزائی کی ہے، پاکستانی حکومت نے امدادی کوششوں کی کامیابی کے لیے اپنی مکمل حمایت کا عہد کیا اور امید ظاہر کی کہ چین اس سانحے کے بعد جلد از جلد اپنے شہریوں کی بحالی کی طرف قدم اٹھائے گا۔پاکستان کے عوام نے بھی اس سانحے کے حوالے سے چین کے ساتھ گہری ہمدردی کا اظہار کیا ہے اور سوشل میڈیا پر متاثرین کے ساتھ یکجہتی کے پیغامات جاری کیے ہیں۔

چھتیس گڑھ:بھارتی ریاست چھتیس گڑھ کے ضلع بیجاپور میں سیکیورٹی اہلکاروں کی گاڑی پر ماو نواز باغیوں کے حملے میں 10 اہلکار ہلاک ہوگئے۔

باغی ٹی وی: غیر ملکی میڈیا کے مطابق نکسل باغیوں نے پولیس اہلکاروں کو لے جانے والی گاڑی کو آئی ای ڈی دھماکے سے اڑا دیا، واقعے میں 8 پولیس اہلکار اور ڈرائیور سمیت 9 افراد ہلاک ہوگئے،ہلاک سیکیورٹی اہلکار نارائن پور، دانتے واڈا اور بیجاپور میں آپریشن کے بعد واپس آرہے تھے،پولیس کے مطابق دھماکے کے وقت گاڑی میں 20 اہلکار موجود تھے۔

پچھلے دنوں چھتیس گڑھ میں سیکیورٹی اہلکاروں اور ماو نواز باغیوں کے درمیان جھڑپیں جاری رہیں جس میں دونوں طرف سے لوگوں کی ہلاکت ہوئی بھارت کی بہت سی ریاستیں مودی سرکار کی انتہا پسند پالیسیوں سے تنگ ہیں جبکہ آئے روز فالس فلیگ آپریشنز کی آڑ میں بے گناہ لوگ جان سے جاتے ہیں، چھتیس گڑھ میں ہونے والا حملہ بھی بھارت میں بگڑتی سیکیورٹی صورتحال کی جانب اشارہ کرتا ہے۔

معروف بھارتی اداکارہ نے نند ساس اور شوہر کے خلاف مقدمہ درج کروا دیا

یہ حملہ گزشتہ دو برسوں کے دوران نکسل باغیوں کی جانب سے کیا جانے والا سب سے بڑا حملہ ہے، اس سے قبل اپریل 2023 میں ہونے والے ایک حملے میں 10 پولیس اہلکار اور ایک سویلین سمیت 11 افراد ہلاک ہوئے تھے۔

بانی پی ٹی آئی کی توشہ خانہ ٹو کیس میں ضمانت منظوری کا تفصیلی فیصلہ جاری

بنگلہ دیش نے بھارت میں 50 ججوں اور عدالتی افسران کے تربیتی پروگرام کو منسوخ کرنے کا فیصلہ کیا ہے۔ یہ فیصلہ اتوار کے روز بنگلہ دیش کی وزارت قانون، انصاف اور پارلیمانی امور کی جانب سے جاری کردہ ایک سرکلر میں کیا گیا۔

اس تربیتی پروگرام میں شامل ہونے والے اہلکاروں میں اسسٹنٹ ججز، سینئر اسسٹنٹ ججز، جوائنٹ ڈسٹرکٹ اینڈ سیشن ججز، ایڈیشنل ڈسٹرکٹ اینڈ سیشن ججز، ڈسٹرکٹ اینڈ سیشن ججز اور دیگر مساوی سطح کے عدالتی افسران شامل تھے۔ یہ پروگرام بھارت میں 10 سے 20 فروری تک منعقد ہونا تھا، تاہم اب اس کی منسوخی کا اعلان کر دیا گیا ہے۔وزارت قانون کے سرکلر کے مطابق، یہ فیصلہ سپریم کورٹ کی طرف سے جاری کی گئی ہدایات کی تعمیل میں کیا گیا۔ سرکلر میں کہا گیا کہ بھارت میں ججز کی تربیت کے لیے منظور شدہ اس پروگرام کو اب منسوخ کیا جا رہا ہے۔

ڈھاکہ ٹریبیون کی رپورٹ کے مطابق، بنگلہ دیشی عبوری حکومت کے اقتدار میں آنے کے بعد سے بھارت اور بنگلہ دیش کے تعلقات مزید کشیدہ ہو چکے ہیں۔ محمد یونس کی سربراہی میں بنگلہ دیشی حکومت کی تشکیل کے بعد دونوں ملکوں کے تعلقات میں تناؤ آیا ہے، جس کے نتیجے میں اس تربیتی پروگرام کو منسوخ کرنے کا فیصلہ کیا گیا۔
اس فیصلے کے بعد، دونوں ممالک کے عدالتی افسران اور دیگر حکومتی اہلکاروں کے درمیان تعلقات مزید پیچیدہ ہو سکتے ہیں۔ بھارت اور بنگلہ دیش کے درمیان سیاسی تناؤ کا یہ واقعہ دونوں ممالک کے حکومتی تعلقات اور عدالتی تعاون پر ایک نیا سوالیہ نشان بن کر ابھرا ہے۔

اس پیش رفت کے بعد، بھارت اور بنگلہ دیش کے درمیان عدالتی اور قانونی تعاون میں ممکنہ تبدیلیوں کا امکان ظاہر کیا جا رہا ہے، جس سے دونوں ملکوں کی عدالتوں میں کام کرنے والے افسران کو نئے چیلنجز کا سامنا ہو سکتا ہے۔

آئندہ مالی سال کی پہلی سہ ماہی میں بھی رسک برقرار رہیں گے،گورنر اسٹیٹ بینک

ووٹ لوگ ایک امیدوار کو دیتے ہیں، بکسی سے کچھ اور نکلتا ہے،مولانا فضل الرحمان

بھارت میں انسانی میٹا نیومو وائرس (HMPV) کا پہلا کیس رپورٹ ہوا ہے جس سے عوام میں تشویش کی لہر دوڑ گئی ہے۔

بھارتی ریاست بنگلورو سے تعلق رکھنے والے 8 ماہ کے بچے میں اس وائرس کی تصدیق ہوئی ہے۔ بعض میڈیا رپورٹس کے مطابق، اس وائرس کے مزید دو کیسز بھی رپورٹ ہوئے ہیں، جن میں سے ایک بچہ 8 ماہ کا ہے اور دوسرا 3 ماہ کا۔ ایچ ایم پی وی، جس کا مطلب ہیومن میٹا نیومو وائرس ہے، ایک وائرس ہے جو سانس کی نالیوں کو متاثر کرتا ہے اور برونکوپنیومونیا جیسے سنگین مرض کا سبب بن سکتا ہے۔ اس وائرس کی موجودگی میں شدید بخار، کھانسی، سانس میں تکلیف، اور جسمانی تھکاوٹ جیسی علامات ظاہر ہو سکتی ہیں۔ماہرین کا کہنا ہے کہ یہ وائرس خاص طور پر بچوں اور بزرگ افراد کے لیے زیادہ خطرناک ثابت ہو سکتا ہے، کیونکہ ان کی قوت مدافعت کمزور ہوتی ہے۔

ان بچوں کو اسپتال لایا گیا تھا جہاں ڈاکٹرز نے ان میں برونکوپنیومونیا کی علامات پائیں۔ برونکوپنیومونیا ایک قسم کا نمونیا ہوتا ہے جس میں پھیپھڑوں کے برونچی اور چھوٹے ہوا کے تھیلے (الیوولی) میں سوزش پیدا ہو جاتی ہے۔ اس بیماری کی علامات میں بخار، کھانسی، سانس میں دقت، تیز سانس، جسم میں درد، تھکاوٹ اور بھوک میں کمی شامل ہو سکتی ہیں۔

چین میں تیزی سے پھیلنے والا ہیومن میٹا نیومو وائرس گزشتہ دو دہائیوں سے پاکستان میں بھی موجود ہے۔ قومی ادارہ صحت پاکستان کے مطابق، اس وائرس کی موجودگی پاکستان میں پچھلے کئی سالوں سے ہے، لیکن حالیہ برسوں میں اس کی شدت میں اضافہ ہوا ہے۔

بھارتی میڈیا "انڈیا ٹوڈے” کے مطابق، دونوں بچوں کی کوئی سفری تاریخ سامنے نہیں آئی ہے، یعنی ان دونوں بچوں نے کسی بھی ایسے علاقے کا سفر نہیں کیا جہاں یہ وائرس پہلے سے پھیل چکا ہو۔ اس کا مطلب ہے کہ یہ وائرس مقامی سطح پر بھی پھیل سکتا ہے، جس سے مزید تشویش پیدا ہو گئی ہے۔ماہرین صحت کا کہنا ہے کہ اس وائرس سے بچاؤ کے لیے احتیاطی تدابیر اختیار کرنا ضروری ہے، جیسے کہ ہاتھ دھونا، ماسک کا استعمال، اور کمزور قوت مدافعت والے افراد کو وائرس کے اثرات سے بچانا۔ اس کے علاوہ، اگر کسی میں برونکوپنیومونیا کی علامات ظاہر ہوں، تو فوراً ڈاکٹر سے رابطہ کرنا ضروری ہے تاکہ بیماری کی شدت سے بچا جا سکے۔

اداکارہ ریما خان پر دھوکا دہی کا الزام

مذاکرات کے باوجود پی ٹی آئی کا سوشل میڈیا پر ریاست مخالف پراپیگنڈا جاری

بھارتی ہیلی کاپٹرز حادثات، فضائی عملے کی صلاحیتوں پر سنگین سوال اٹھنے لگے

5 جنوری 2025ء کوبھارتی ریاست گجرات میں کوسٹ گارڈ ہیلی کاپٹر تباہ ہوا،ہیلی کاپٹر حادثے میں تین افراد ہلاک ہوئے،بھارتی پولیس کے مطابق ”ہیلی کاپٹر معمول کی پرواز کے دوران گر کر تباہ ہوا” "عملے کے 3 افراد کو شدید زخمی حالت میں ریسکیو کیا گیا“

مودی کے دور اقتدار میں دیگر شعبوں میں نااہلی کے ساتھ شعبہ ہوا بازی میں بھی آئے روز حادثات ہو رہے ہیں ،کبھی بھارت کے جنگی طیارے تباہ ہوتے ہیں، کبھی بحریہ کے جہازوں کو حادثات پیش آتے ہیں اور کبھی ہیلی کاپٹر موت بن جاتے ہیں ،اس کی بڑی وجہ کرپشن اور اہم شعبوں میں رشوت کے عوض نااہل افراد کی بھرتیاں ہیں،بھارت میں ہیلی کاپٹر حادثات کی ایک لمبی فہرست ہے،گزشتہ دو سالوں کے دوران بھارت میں کئی ہیلی کاپٹر حادثات ہوچکے ہیں جن میں فوجی اور نیم فوجی ہیلی کاپٹر شامل ہیں

16 مارچ 2023ء کو آرمی چیتا ہیلی کاپٹر ریاست ارونا چل پردیش میں گر کر تباہ ہوا جس میں دونوں پائلٹ ہلاک ہوئے، اپریل 2023 میں ہندوستانی بحریہ کو ALH Dhruv ہیلی کاپٹر کوممبئی میں تکنیکی خرابی کے باعث ہنگامی لینڈنگ کرنا پڑی، مئی 2023 میں ہندوستانی کوسٹ گارڈ کا ALH دھروہیلی کاپٹر بحیرہ عرب میں دوران آپریشن تباہ ہوا ،اس حادثے نے آپریشنل حفاظتی انتظامات پر سوال اٹھا دئیے، اکتوبر 2023 میں ہندوستانی فضائیہ کے ALH دھرو ہیلی کاپٹرکو ریاست بہار میں امدادی مشن کے دران ہنگامی لینڈنگ کرنا پڑی،اس حادثے نے آپریشنل صلاحیتوں پر سوال اٹھادئیے،4 نومبر2023 کو کوچی میں چیتک ہیلی کاپٹر گر کر تباہ ہوا جس میں ایک ہلاکت ہوئی ، مارچ 2024 میں پوربندر میں کوسٹ گارڈ ALH دھرو ہیلی کاپٹر گجرات میں لینڈنگ کے دوران تباہ ہوا جس میں عملے کے تین افراد ہلاک ہوئے،2 ستمبر 2024 کو بحیرہ عرب میں ایک اور کوسٹ گارڈ ALH Dhruv ہیلی کاپٹر ریسکیو آپریشن کے دوران تباہ ہوا،ایک سال میں دوسرے حادثے نے طیاروں کی حفاظت پر سنگین سوالات اٹھائے

بھارتی فضائی ماہرین کا کہنا ہے کہ بھارت میں آئے روز ہیلی کاپٹرز کے حادثات نے عملے کی صلاحیتوں پر سوالات اٹھادئیے،ہیلی کاپٹرز کے آئے روز حادثات کے باعث ان کا کسی بھی ریسکیو آپریشن میں استعمال بھی اب خطرناک بن چکا ہے، اس طرح کے ہیلی کاپٹر حادثات دراصل مودی سرکار کی کرپشن اور میرٹ سے ہٹ کر تعیناتیوں کا نتیجہ ہیں،

کراچی،تاجر پر حملے کا مقدمہ ترجمان میئر کے خلاف درج

سعودیہ سمیت دیگر ممالک سے 63 پاکستانیوں کی بے دخلی

ریاست گجرات میں بھارتی کوسٹ گارڈ کا ہیلی کاپٹر زمین بوس ہوگیا اور اس میں آگ بھڑک اُٹھی۔

باغی ٹی وی : بھارتی میڈیا کے مطابق ریاست گجرات کے علاقے پوربندر میں انڈین کوسٹ گارڈ کے ایڈوانسڈ لائٹ ہیلی کاپٹر نے معمول کی تربیتی پرواز بھری تھی، ہیلی کاپٹر میں 5 افراد موجود تھے پرواز بھرنے کے کچھ ہی دیر بعد ہیلی کاپٹر کا کنٹرول ٹاور سے رابطہ منقطع ہوگیا تھا سرچ آپریشن کے لیے بھیجی گئی ٹیم کو کچھ ہی دوری پر ہیلی کاپٹر کا ملبہ مل گیا ملبے سے تین لاشیں اور دو زخمیوں کو نکالا گیا۔

بھارتی کوسٹ گارڈ کے ترجمان نے بتایا کہ واقعے کی تحقیقات کی جا رہی ہیں تاہم ابتدائی طور پر لگتا ہے کہ ہیلی کاپٹر کو حادثہ فنی خرابی کے باعث پیش آیا۔

بھارت کو ایک اور دھچکا، چین نے لداخ کے اہم حصے اپنے نام کرلئے

واضح رہے کہ نااہلی، غفلت اور کرپشن کے باعث بھارتی فوج کے طیاروں اور ہیلی کاپٹرز کے خزاں رسیدہ پتوں کی طرح بکھرنے کے درجنوں واقعات کے بعد گزشتہ برس ایک اہم حفاظتی اپ گریڈ کا آغاز کیا گیا تھا یہ اپ گریڈیشن مکمل ہوچکی ہے اور مقامی طور پر بنائے گئے ہیلی کاپٹرز پر نصب اپ گریڈ شدہ کنٹرول سسٹم سے ان کی فضائی صلاحیت میں بہتری کی توقع بھی کی جا رہی تھی لیکن حادثات پھر بھی نہ رک سکے۔

کوئٹہ گلیڈی ایٹرز نے سرفراز احمد کو ڈرافٹ سے ریلیز کر دیا

چین نے ہوتان پریفیکچر میں لداخ کے کچھ حصے شامل کر کےدو نئی کاؤنٹیوں کے قیام کا اعلان کر دیاہے ، اس پیشرفت پر مودی حکومت سیخ پا ہے-

باغی ٹی وی : بھارتی وزارت خارجہ نے جمعہ کو بیجنگ کے خلاف احتجاج بھی ریکارڈ کرایایہ پہلا موقع ہے جب بھارت اور چین نے ہمالیائی سرحدی تنازعے پر کھلے طور پر اعتراض کیا ہےچین کی جانب سے یہ اعلان 5 سال بعد سرحدی مذاکرات دوبارہ شروع کرنے کے چند دن بعد کیا گیا ،بھارتی قومی سلامتی کے مشیر اجیت دوول نے گزشتہ ماہ بیجنگ کا دورہ کرکے سرحدی علاقوں پر مذاکرات بھی کئے تھے

دسمبر 2024ء میں چینی دفاعی ترجمان نے کہا تھا کہ:’’سرحدی علاقوں میں امن برقرار رکھنے کیلئے مشترکہ کوششوں کیلئے تیار ہیں‘‘

بھارت کو ایک اور دھچکا، چین نے لداخ کے اہم حصے اپنے نام کرلئے

بھارتی وزارت خارجہ کے ترجمان رندھیر جسوال کا کہنا ہے کہ ’’ہوتان پریفیکچر میں دو نئی کاونٹیز کے کچھ حصے لداخ میں آتے ہیں‘‘

چینی خبر رساں ادارے ژنہوا کے مطابق ’’ہیآن کاؤنٹی اور ہیکانگ کاؤنٹی کا قیام چینی کمیونسٹ پارٹی اور ریاستی کونسل کی منظوری کے بعد کیا گیا‘‘،ہیان کی کاؤنٹی کا سیٹ ہونگلیوٹاؤن شپ ہے، جبکہ ہیکانگ کی کاؤنٹی کا سیٹ زیڈولا ٹاؤن شپ ہے، ان کاؤنٹیوں میں اکسائی چن کے علاقے کا ایک بڑا حصہ شامل ہے، جس پر بھارت چین پر غیر قانونی طور پر قبضے کا الزام لگاتا ہے-

امریکی صدر جوبائیڈن اور اہلیہ کو کتنے قیمتی تحائف موصول ہوئے؟

دفاعی ماہرین کا کہنا ہے کہ 2020 میں لداخ میں سرحدی کشیدگی کے دوران دونوں ممالک کی فوجوں کے درمیان جھڑپوں میں کئی بھارتی فوجی ہلاک ہوئے بھارت اور چین کے درمیان سرحدی تنازع پر نئی پیشرفت خطے میں مزید کشیدگی کا باعث بن سکتی ہے، چین کبھی بھی ایسا قدم نہیں اٹھاتا جس میں اسے کوئی شک و شبہ ہو لہٰذا اب بھارت کیلئے مشکلات بڑھیں گی-

دفاعی ماہرین کا کہنا ہے کہ بھارت کی وزارت خارجہ کی جانب سے واویلا دراصل خطے میں اسکی بالادستی کے خواب کو لگے دھچکے کارد عمل ہے، بھارت نے مقبوضہ کشمیر پر غیر قانونی قبضہ جمارکھا ہے اوراب چین کے ہاتھوں اسکےساتھ بھی وہی ہوا  –

کوئٹہ گلیڈی ایٹرز نے سرفراز احمد کو ڈرافٹ سے ریلیز کر دیا

نئی کاؤنٹیز کے قیام کا نہ تو علاقے پر ہماری خودمختاری کے حوالے سے ہندوستان کے دیرینہ اور مستقل موقف پر کوئی اثر پڑے گا اور نہ ہی اس پر چین کے غیر قانونی اور زبردستی قبضے کو قانونی حیثیت ملے گی۔

دونوں فریقوں نے گزشتہ اکتوبر میں ایل اے سی کے ساتھ ملٹری گشت پر ایک معاہدے پر اتفاق کیا تھا، جو مئی 2020 سے کشیدگی کا مسئلہ بنا ہوا تھا جب حریف فوجیں لداخ میں 3,500 کلومیٹر (2,174 میل) لائن آف ایکچوئل کے ساتھ مٹھی لڑائی میں مصروف تھیں۔ کنٹرول — متنازعہ جموں و کشمیر کے علاقے لداخ میں ان کی ڈی فیکٹو بارڈر۔

شادی سے انکار کرنے پر 50 سالہ خاتون ڈاکٹر کا نوجوان پر تشدد،زبان کاٹ دی

جولائی 2020 میں ہونے والی جھڑپوں میں کم از کم 24 فوجی مارے گئے تھے جن میں سے 20 ہندوستان اور چار چین سے تھے۔ اس کے نتیجے میں ایک کشیدہ اور طویل عرصے سے جاری تعطل پیدا ہوا جس میں دونوں فریقوں نے خطے میں ہزاروں فوجی اہلکار اور بھاری ہتھیاروں کو تعینات کرتے دیکھا ہے۔

خطے میں کشیدگی بھارت کی جانب سے جموں و کشمیر کو تقسیم کرنے اور لداخ کو خطے سے دو وفاق کے زیر انتظام مرکزی زیر انتظام علاقوں میں تقسیم کرنے کے چند ماہ بعد شروع ہوئی تھی، تاہم، کشیدگی میں آسانی اس وقت آئی جب دونوں ممالک کے سفارت کاروں نے کئی میٹنگیں کیں اور بعد میں ہندوستانی قومی سلامتی کے مشیر اجیت ڈوول نے دسمبر میں بیجنگ کا دورہ کیا جہاں انہوں نے چینی نائب صدر ہان ژینگ سمیت حکام سے ملاقات کی۔

سائبر ٹرک دھماکے سے پھٹنے کے بعد ٹیسلا کا بڑا قدم