Baaghi TV

Tag: بھارت

  • نیپال میں زلزلے نے تباہی مچا دی،128 اموات

    نیپال میں زلزلے نے تباہی مچا دی،128 اموات

    نیپال میں زلزلے نے ہر طرف تباہی مچا دی،مکان ملیا میٹ ہو گئے، 128 افراد کی موت جبکہ ایک ہزار سے زائد افراد زخمی ہو چکے ہیں.

    میڈیا رپورٹس کے مطابق زلزلہ گزشتہ شب آیا، بھارت میں بھی زلزلے کے جھٹکے محسوس کئے گئے تھے تاہم بھارت میں کوئی نقصان نہیں ہوا البتہ نیپال میں زلزلے نے تباہی مچائی ہے، نیپال کے زلزلہ پیما مرکز کے مطابق زلزلے کی شدت 6.4 ریکارڈ کی گئی۔زلزلے کا مرکز جاجرکوٹ کا دیہی علاقہ رامیندا تھا ،زلزلے سے جاجر کورٹ،روکم ویسٹ کے علاقوں میں تباہی ہوئی کئی مکانات گر گئے،نیپالی وزیراعظم آج زلزلہ متاثرہ علاقوں کا دورہ کریں گے اور امدادی کاموں کا جائزہ لیں گے

    نیپال میں ایک ماہ میں تیسری بار زلزلہ آیا، پاکستان کے نگران وزیراعظم انوارالحق کاکڑ نے نیپال میں زلزلے سے اموات اور تباہی پر گہرے دکھ اور افسوس کااظہار کیا ہے ۔انہوں نے ایک ٹویٹ میں کہا ہم اس قدرتی آفت سے متاثرہ افراد کیلئے دعا گو ہیں،وزیراعظم انوارلحق کاکڑ کا کہنا تھا کہ پاکستان اس مشکل وقت میں نیپال کے ساتھ ہے اور ہرطرح کی مدد کرنے کو تیار ہے

     افغانستان میں گزشتہ نو دنوں کے دوران تیسری بار زلزلہ

  • نامناسب کپڑے،بھارتی اداکارہ عرفی جاوید گرفتار

    نامناسب کپڑے،بھارتی اداکارہ عرفی جاوید گرفتار

    بھارتی اداکارہ و ماڈل عرفی جاوید کو نامناسب کپڑےپہننے پر گرفتار کر لیا گیا

    عرفی جاوید میڈیا کی زینت بنی رہتی ہیں، آئے روز وہ کوئی نہ کوئی ایسا کام کرتی ہیں کہ میڈیا میں انکی انٹری رہے،اب عرفی جاوید نامناسب لباس پہن کر ریسٹورینٹ پہنچیں تو انہیں پولیس نے گرفتار کر لیا،عرفی جاوید کو کئی بار دھمکیاں بھی مل چکی ہیں، عرفی جاوید کو جب پولیس نے گرفتار کیا تو ان سے پوچھا گیا کہ کیا وجہ ہے، جس پر خاتون پولیس افسر غصے سے بولیں، اتنے چھوٹے کپڑے پہن کر کون گھومتا ہے؟ عرفی جاوید کو جب پولیس نے گرفتار کیا اس وقت انہوں نے ٹوٹا ہوا دل والا بیک لیس ٹاپ اور جینز پہن رکھی تھی،

    عرفی جاوید کو پولیس نے گرفتار کر کے تھانے منتقل کر دیا ہے، ویڈیو سوشل میڈیا پر وائرل ہو رہی ہے،عرفی جاوید سے جب سوال کیا گیا تو انہوں نے کہا کہ میری مرضی،عرفی نے مزاحمت کی تو پولیس نے انہیں زبردستی گاڑی میں بٹھایا،

    کیا عرفی جاوید نے منگنی کر لی ؟‌

    بولڈ مناظر شوٹ کروانے کےلئے میرے کپڑے تک پھاڑ دئیے گئے عرفی جاوید کا دعوی

    ارسلان خان نے عرفی جاوید کے بارے کر دی حیران کن بات

    گلوکارہ نازیہ حسن کو مداحوں سے بچھڑے 23 برس بیت گئے

    مری میں‌ہوٹل مالکان نے لوٹ مار کا بازار گرم کر رکھا ہے فضا علی

    ہیروئنز سیٹ پر ایک دوسرے کے ساتھ تصاویر نہیں لیتیں آمنہ ملک

    کپڑوں پر تبصرہ کرنا ہے تو اپنی گرل فرینڈ اور ماں بہن کے گھر پر جا کر کرو، عرفی جاوید میڈیا پر برس پڑی

  • سری لنکا کو شکست ،بھارت نےسیمی فائنل کیلئے کوالیفائی کرلیا

    سری لنکا کو شکست ،بھارت نےسیمی فائنل کیلئے کوالیفائی کرلیا

    آئی سی سی ورلڈکپ کے 33 ویں میچ میں ورلڈ کپ میں بھارت نے سری لنکا کو یک طرفہ مقابلے کے بعد 302 رنز سے شکست دے دی۔

    باغی ٹی وی : ممبئی کے وانکھڈے اسٹیڈیم میں کھیلے گئے میگا ایونٹ کے 33 ویں میچ میں سری لنکا کی بیٹنگ لائن ریت کی دیوار ثابت ہوئی اور 20 ویں اوور میں 55 رنز پر ڈھیر ہوگئی, سری لنکا کی جانب سے کسون رجیتھا 14 اور اینجلو میتھیوز 12 رنز بنا کر آؤٹ ہوئے مہیش ٹھیکشانا 12 رنز بنا کر ناقابلِ شکست پویلین لوٹے،، مدوشانکا 5 رنز بناکر آؤٹ ہوئےسری لنکا کے 5 کھلاڑی صفر پر آؤٹ ہوئے۔اس کے علاوہ کوشل مینڈس اور چیریتھ اسالنکا ایک ایک رن بناسکے۔

    بھارت کی جانب سے محمدشامی نے 18 رنز دے کر 5 کھلاڑیوں کو آؤٹ کیا جبکہ محمد سراج نے 16 رنز کے عوض 3 وکٹیں حاصل کیں،جسپریت بمرا اور رویندرا جڈیجا نے ایک ، ایک وکٹ لی۔

    302 رنز کے بھاری مارجن سے کامیابی کے بعد بھارت ورلڈکپ کے سیمی فائنل میں پہنچ گیا، روہت الیون سیمی فائنل میں پہنچنے والی پہلی ٹیم ہے،بھارتی ٹیم اب تک ٹورنامنٹ میں ناقابل شکست ہے، بھارت نے 7 میچز کھیلے اور تمام میں کامیابی حاصل کی ہے جبکہ سری لنکا 7 میچز میں صرف 2 میچ جیت سکا ہے۔

    قبل ازیں بھارتی ٹیم کے اوپنر روہت شرما ٹیم کو اچھا آغاز دینے میں ناکام رہے محض 4 رنز بناکر پویلین لوٹ گئےشبمن گل اور ویرات کوہلی نے 189 رنز کی پارٹنرشپ قائم کی تاہم گل 92 اور کوہلی 88 رنز بناکر آؤٹ ہوئے۔ دیگر کھلاڑیوں میں کے ایل راہول 21، سوریا کمار یادیو نے 12 رنز بنائے-

    سری لنکا کی جانب سے دلشان مدھوشانکا نے 80 رنز دیکر 5 وکٹیں حاصل کیں اور دشمنتھا چمیرا نے ایک وکٹ حاصل کی جبکہ دو کھلاڑی رن آؤٹ ہوئے۔

    سری لنکا بھارت میچ،بھارت کے تین کھلاڑی آؤٹ

    بھارت کا اسکواڈ

    کپتان روہت شرما، شبمن گل، ویرات کوہلی، شریاس ایر، کے ایل راہول، رویندرا جڈیجا، شاردول ٹھاکر، جسپریت بمراہ، کلدیپ یادیو اور محمد سراج

    سری لنکا کا اسکواڈ

    کپتان کوشل مینڈس، ڈیموتھ کرونارتنے، پاتھم نسانکا، سدیرا سمارا وکرما، چارتھ اسالنکا، دشن ہیمنتھا، اینجلو میتھیوز، مہیش تھیکشنا، کسن راجیتھا، دشمنتھا چمیرا اور دلشان مدھوشانکا

    پاکستان اور نیوزی لینڈ کا میچ،بارش کی پیشنگوئی

  • سری لنکا بھارت میچ،بھارت کے تین کھلاڑی آؤٹ

    سری لنکا بھارت میچ،بھارت کے تین کھلاڑی آؤٹ

    آئی سی سی کرکٹ ورلڈکپ، آج 33 واں میچ بھارت اور سری لنکا کے مابین کھیلا جا رہا ہے

    دونوں ٹیموں کے مابین میچ واکھنڈے میں ہو رہا ہے، سری لنکن کپتان کوشل مینڈیس نے ٹاس جیت کر بھارتی کپتان روہت شرما کو پہلے بیٹنگ کی دعوت دی،میچ شروع ہوا تو بھارتی کپتان روہت شرما اور شبمن گل کھیلنے آئے لیکن اوپنرز سری لنکن بولرز کے سامنے بھارتی ٹیم کو لمبی پارٹنر شپ نہ مل سکی، سری لنکن بولر مدوشنکا نے بھارتی کرکٹ ٹیم کے کپتان روہت شرما کو پہلے اوور کی دوسری گیند پر بولڈ کرتے ہوئے صرف 4 رنز کیساتھ واپس بھیجا، اسکے بعدبھارت کی دوسری وکٹ 193 رنز پر شبمن گل کی گری، مدوشنکا نے شبمن گل کو 92 رنز پر کیچ آؤٹ کیا،مدوشنکا نے ہی ویرات کوہلی کو 88 رنز کھیل کر آؤٹ کردیا

    پوائنٹس ٹیبل کے مطابق ورلڈ کپ میں بھارت کی ٹیم ابھی تک ناقابل شکست ٹیم ہے جوہ 12 پوائنٹس کے ساتھ دوسرے جبکہ سری لنکا 4 پوائنٹس کیساتھ 7 ویں نمبر پر موجود ہے.

    راشد لطیف نے سابق کرکٹر اور تجزیہ کار پی جے میر کو ایک ارب ہرجانے کا لیگل نوٹس بھیجا ہے

  • بھارت میں قرض دار باپ بیٹے کو فروخت کرنے پر مجبور

    بھارت میں قرض دار باپ بیٹے کو فروخت کرنے پر مجبور

    علی گڑھ: بھارت میں قرض دار باپ بیٹے کو فروخت کرنے پر مجبور ہوگیا۔

    باغی ٹی وی : یہ دل دہلا دینے والا واقعہ بھاتے کے شہر علی گڑھ کی ایک سڑک پر پیش آیا جس کی ویڈیو بھارتی میڈیا پر شئیرکی گئی ،ویڈیو ایک مجبور اور لاچار قرض دار باپ کی اہلیہ اور دو بچوں کے ہمراہ شیئر کی گئی ہے جس میں 45 سالہ راج کمار کو علی گڑھ کے ایک بس اسٹینڈ پر ’ بیٹا برائے فروخت ‘ کا بینر گلے میں لٹکائے غمگین انداز میں کھڑے دیکھا جاسکتا ہے، بینر پر درج ہے کہ ’میرا بیٹا برائے فروخت ہے اسے میں بیچنا چاہتا ہوں-
    https://x.com/HateDetectors/status/1718167525455024150?s=20

    اسرائیلی بمباری سے سات یرغمالی ہلاک

    بھارتی میڈیا کو راج کمار نے بتایا کہ انہوں نے گھر خریدنے کے لیے چندرا پال نامی شخص سے 50 ہزار روپے سود پر ادھار لیے تھے لیکن چندرا پال کی ہیرا پھیری کے بعد انہیں جائیداد اور پیسوں دونوں سے ہاتھ دھونا پڑا حتیٰ کہ وہ اس سے پہلے تک چندراپال کو 6 لاکھ روپے ادا کرچکے ہیں اور باقی ادائیگی کی کوشش کررہا ہے اب چندراپال مجھے میرے بچوں کے سامنے بے عزت کرتا ہے حتیٰ کہ اس نے مجھے اور میرے بچوں کو مار پیٹ کر گھر سے بھی باہر نکال دیا ہے، میرے پاس روزگار کا ذریعہ ہی صرف میرا رکشہ تھا اس رکشے کو بھی چندراپال نے مجھ سے چھین لیا، میں نے جب چندرا پال پر مقدمے کیلئے پولیس اسٹیشن گیا تو انہوں نے ایف آئی آر کاٹنے سے انکار کردیا،تاہم قرضے سے تنگ اب وہ 8 لاکھ میں اپنا چھوٹا سا بیٹا فروخت کرنا چاہتے ہیں-

    اسرائیلی فوج کا جبالیا کے کیمپ پر حملہ،100 سے زیادہ فلسطینی ہلاک

    https://x.com/aligarhpolice/status/1718168549573972144?s=20
    دوسری جانب علی گڑھ پولیس کا کہنا ہے کہ واقعہ چند روز قبل پیش آیا، ایک شخص نے اپنے رشتہ دار سے کچھ رقم ادھار لی، جس کے بعد اس نے اپنے رشتہ دار پر سود کھانے کا الزام لگایا، اس سلسلے میں متاثرہ کی شکایت پر مقدمہ درج کرکے ملزم رشتہ دار کو گرفتار کرلیا گیا، اور شکار کا مسئلہ حل ہو گیا ہے-

    یو اے ڈبلیو نے جی ایم کے ساتھ معاہدہ کرلیا، ڈیٹرائٹ آٹومیکرز کے خلاف ہڑتال …

  • نیوزی لینڈ کا ٹاس جیت کر جنوبی افریقہ کیخلاف باؤلنگ کا فیصلہ

    نیوزی لینڈ کا ٹاس جیت کر جنوبی افریقہ کیخلاف باؤلنگ کا فیصلہ

    آئی سی سی کرکٹ ورلڈ کپ، آج 32 واں میچ نیوزی لینڈ اور جنوبی افریقہ کی ٹیموں‌کے مابین کھیلا جا رہا ہے

    نیوزی لینڈ نے ٹاس جیتا اورجنوبی افریقا کیخلاف باؤلنگ کا فیصلہ کر لیا، میچ پونے میں کھیلا جا رہا ہے، نیوزی لینڈ کپتان ٹام لیتھم نے ٹاس جیت کر جنوبی افریقی کپتان ٹیمبا بواما کو پہلے بولنگ کی دعوت دی

    نیوزی لینڈ کرکٹ ٹیم کے کپتان کین ولیمسن جنوبی افریقا کے خلاف میچ کے لیے دستیاب نہیں ہیں جس کے بعد کین ولیمسن کی جگہ وکٹ کیپر بیٹر ٹام لیتھم ٹیم کی قیادت کررہے ہیں،نیوزی لینڈ اور جنوبی افریقہ اب تک چھ چھ میچ کھیل چکی ہیں، جن میں سے جنوبی افریقہ نے پانچ اور نیوزی لینڈ نے چار جیتے ہیں،پوائنٹس ٹیبل کے مطابق جنوبی افریقہ دوسرے اور نیوزی لینڈ تیسرے نمبر پر ہے

  • پاکستان بنگلہ دیش میچ کے دوران سٹیڈیم میں فلسطینی جھنڈا لہرانے والے گرفتار

    پاکستان بنگلہ دیش میچ کے دوران سٹیڈیم میں فلسطینی جھنڈا لہرانے والے گرفتار

    بھارت میں پاکستان اور بنگلہ دیش کے میچ کے دوران بھارتی سٹیڈیم میں فلسطین کا جھنڈا لہرا دیا گیا، پولیس نے کاروائی کرتے ہوئے فلسطینی جھنڈا لہرانے والے کو گرفتار کر لیا ہے

    31 اکتوبر کو ہونے والے میچ میں فلسطین کا جھنڈا سٹیڈیم میں لہرایا گیا،بھارتی میڈیا کے مطابق کولکتہ میں سٹیڈیم میں فلسطینی جھنڈا لہرانے والے چار افراد کو حراست میں لیا ہے.ایڈن گارڈنز سٹیڈیم سے گرفتارکئے گئے دو افراد کا تعلق جھار کنڈ سے ہے اور دو کولکتہ کے رہائشی ہیں،پولیس حکام کے مطابق دو افراد کو گیٹ نمبر چھ اور دو افراد کو بلاک جی ون سے گرفتارکیا گیا ہے.

    بھارتی میڈیا کے مطابق گرفتار کئے گئے چاروں افراد نوجوان ہیں، انہوں نے فلسطین کا جھنڈا لہرانے والے افراد کو گرفتار کیا ہے تا ہم انہوں نے کوئی نعرہ نہیں لگایا تھا،گرفتار افراد کی عمریں بیس برس ہیں،انہوں نے اسرائیل کے خلاف احتجاج کرتے ہوئے اور فلسطین کے ساتھ یکجہتی کے لئے پاکستان اور بنگلہ دیش کے میچ کا انتخاب کیا،

    واضح رہے کہ آئی سی سی ون ڈے ورلڈ کپ میں پاکستان نے بنگلہ دیش کو سات وکٹوں سے شکست دی تھی، پاکستان چار میچ ہارنے کے بعد ایک میچ جیتا ہے،

    ہسپتال حملہ،اسرائیل کا انکار،اسلامک جہاد کو ذمہ دار قرار دے دیا

    وائرل ویڈیو،حماس کے ہاتھوں گاڑی میں بندھی یرغمال لڑکی کون؟

    اسرائیل کی طرف سے عالمی قوانین کی خلاف ورزی جاری ہے. فلسطینی صحافی

    اسرائیل پر حماس کے حملے کا ماسٹر مائنڈ،ایک پراسرارشخصیت،میڈیا کو تصویر کی تلاش

    اقوام متحدہ کا غزہ میں جنگ بندی کا مطالبہ

    ہسپتال پر اسرائیلی حملہ ،جوبائیڈن کا دورہ اردن منسوخ

    ہسپتال پر ‘اسرائیلی حملہ’ ایک ‘گھناؤنا جرم’ ہے،سعودی عرب

    الاہلی ہسپتال پر حملے کا اسرائیل کا حماس پر الزام،امریکی اخبار نے اسرائیلی جھوٹ کو کیا بے نقاب

    اسرائیلی حملے میں صحافی کے خاندان کی موت

  • نیپاہ وائرس وبا ؛ چمگادڑوں کی حفاظت کے لئے اقدامات کی ضرورت

    نیپاہ وائرس وبا ؛ چمگادڑوں کی حفاظت کے لئے اقدامات کی ضرورت

    نیپاہ وائرس کی وبا نے چمگادڑوں کی حفاظت کے لیے کی جانے والی اپیلوں کو ایک بار پھر دہرایا ہے، ڈاکٹروں کو یہ احساس ہونے میں دو ہفتے سے بھی زیادہ کا عرصہ لگا تھا کہ وہ کیا علاج کر رہے ہیں، یہ بھارت کے کیرالہ خطے میں مہلک، دماغی سوجن والے نیپاہ وائرس کی پانچ سالوں میں چوتھی وبا ہے۔ اس وقت تک سیکڑوں افراد چمگادڑوں کے جراثیم سے متاثر ہو چکے تھے۔ عالمی ادارہ صحت کے مطابق اس بیماری کے پھیلاؤ کو روکنے کے لیے کارکنوں کی ایک فوج تعینات کرنے کی ضرورت تھی، جنہوں نے اس گاؤں اور آٹھ دیگر افراد کو دو ہفتوں کے لیے جزوی لاک ڈاؤن پر رکھا، بیماری کی علامات کے لیے 53،000 سے زیادہ گھروں کا سروے کیا اور 1،200 لوگوں کا سراغ لگایا جو متاثرہ مریضوں کے رابطے میں آئے تھے۔

    خبررساں ایجنسی روئیٹرز کے مطابق آخر کار، چھ افراد متاثر ہوئے، اور ان میں سے دو کی موت ہو گئی. اگرچہ وبا پر قابو پانے کے لئے کیرالہ کے ردعمل کو بین الاقوامی سطح پر سراہا گیا ہے ، لیکن وائرس کے تیزی سے پھیلنے اور ہزاروں لوگوں پر اس کے اثرات اس بات کی عکاسی کرتے ہیں کہ بہت سے سائنسدان اور عالمی صحت کے رہنما صحت عامہ کی پالیسی میں ایک کمزوری ہے یہ ہے کہ صرف بیماری کی روک تھام پر انحصار کرنا ہے۔ ان کا کہنا ہے کہ حکومتوں کو زمین کی ترقی کو بھی کنٹرول کرنا چاہیے اور ان علاقوں میں جانوروں کی رہائش گاہوں کی حفاظت کرنی چاہیے جہاں جانوروں سے انسانوں میں جراثیموں کے پھیلنے کا خطرہ زیادہ ہوتا ہے۔

    جبکہ عالمی صحت کے رہنما مستقبل کے عالمی صحت کے بحرانوں سے نمٹنے کے لیے قانونی طور پر پابند معاہدے پر کام کر رہے ہیں۔ اگرچہ بہت سے لوگ اسپل اوور کی روک تھام کے اقدامات کی وکالت کر رہے ہیں ، لیکن اب تک مذاکرات میں ایک اہم مشکل ابھرتی ہوئی معیشتوں کی ضروریات کو بلا روک ٹوک ترقی کے خطرے کے خلاف متوازن کرنا رہا ہے۔ چونکہ اسپل اوور کا خطرہ ٹراپیکل جنوب میں کم آمدنی والے ممالک میں مرکوز ہے .
    مزید یہ بھی پڑھیں؛
    سوئس خاتون کو پلاسٹک بیگ میں ڈال کرمبینہ دوست نے کیا قتل
    عمران خان کے لانگ مارچ میں حادثے میں مرنیوالی خاتون صحافی کی پہلی برسی
    واضح رہے کہ اس پر کافی لاگت بتائی جارہی اور انڈیا کے حکام کا کہنا ہے کہ یہ ایک ایسی قیمت ہے جسے نظر انداز نہیں کیا جا سکتا۔ بھارت کی وزارت ماحولیات کے ایک افسر سبرت مہاپاترا نے کہا کہ چمگادڑوں کے وائرس کو پھیلنے سے روکنے کے لیے نہ صرف وبا پر فوری ردعمل کی ضرورت ہے بلکہ چمگادڑوں کی محتاط نگرانی کی بھی ضرورت ہے۔ اس مقصد کے لیے وفاقی اور ریاستی حکام کا کہنا ہے کہ وہ ان علاقوں میں چمگادڑوں کی رہائش گاہوں کی حفاظت کے طریقوں کے بارے میں بات کر رہے ہیں جہاں چمگادڑوں کے پھیلاؤ کا خطرہ زیادہ ہے۔

  • بریانی کیوں نہیں دی؟ پاکستانی ٹیم کا کھانا کھانے سے انکار

    بریانی کیوں نہیں دی؟ پاکستانی ٹیم کا کھانا کھانے سے انکار

    آئی سی سی کرکٹ ورلڈ کپ، پاکستانی کرکٹ ٹیم بھارت میں موجود ہے، پاکستان کی کرکٹ ٹیم نے کھانے میں بریانی نہ ملنے پر کھانا کھانے سے انکار کر دیا، فوڈ ایپ کے ذریعے خود کھانا آرڈر کر کے بریانی منگوا لی.

    پاکستان کرکٹ ٹیم مسلسل شکست کے بعد شدید تنقید کا شکار ہے، پاکستانی ٹیم صرف دو میچ جیت چکی ہے اور موجودہ صورتحال میں ٹیم ورلڈ کپ سے باہرہونے کے قریب ہے،پاکستان کا اگلا مقابلہ 31 اکتوبر کو ایڈن گارڈنز، کولکتہ میں ہو گا، پاکستانی ٹیم کولکتہ میں موجود ہے،

    بابر اعظم کی قیادت میں ٹیم جس ہوٹل میں ٹھہری ہوئی،اس میں رات کے کھانے میں بریانی شامل نہیں تھی جس پر ٹیم نے کھانا کھانے سے انکار کر دیا،پاکستانی ٹیم نے ایک باہر کے ریسٹورینٹ سے فوڈ ایپ کے ذریعے بریانی، کباب، شاہی ٹکڑا اور دیگر پکوان منگوائے، ٹیم نے مٹھائی بھی منگوائی،

    پاکستانی ٹیم جب حیدر آباد پہنچی تھی تو وہاں انہیں حیدرآبادی بریانی کھانے میں دی گئی تھی، تاہم کولکتہ میں ایسا نہیں ہوا،ٹیم کو بریانی دوسرے ہوٹل سے منگوانا پڑی،

     بھارتی اداکار ایوشمان کھرانہ بھی خاموش نہ رہ سکے

  • جیل میں مجھے برہنہ بھی کیا گیا تھا،راج کندرا کا انکشاف

    جیل میں مجھے برہنہ بھی کیا گیا تھا،راج کندرا کا انکشاف

    بالی وڈ اداکارہ شلپا شیٹھی کے شوہر اور بزنس مین راج کندرا نے جیل میں گزارے گئے دنوں کے حوالہ سے اہم انکشافات کئے ہیں

    راج کندرا کو 19 جولائی کو ممبئی پولیس نے گرفتار کیا تھا، راج کو فحش فلمیں بنانے کے الزام میں گرفتار کیا تھا، راج کندرا کو بھارت کی آرتھر جیل میں رکھا گیا تھا اور تقریبا ڈھائی ماہ بعد وہ ضمانت پر رہا ہوئے تھے،راج کندرا نے جیل میں گزرے دنوں کے حوالہ سے کہا کہ انہیں جیل میں ہتک آمیز رویوں کا سامنا کرنا پڑا،راج نے بات کرتے ہوئے کہا کہ جیل میں یہ دیکھنے کے لئے کہ کہیں آپ منشیات تو ساتھ نہیں لے آئے، آپ کو سب کے سامنے برہنہ کر دیا جاتا ہے اور جب ایساہوتا ہے تو لگتا ہے کہ آپ نے اپنی ساری عزت کھودی ، میں یہ سوچ رہاتھا کہ مجھے میڈیا تو ننگا کرہی رہا تھا اب یہ بھی ہوگیا اس واقعے نے مجھے خاصا مایوس اور پریشان کیا، جیل میں‌مجھے عام قیدیوں کے ساتھ رکھا گیا جہاں ہر دن ایک مہم جوئی کی طرح ہوتا تھا میری آنے والی فلم میں ان تمام تجربات کا ذکر ہے

    ایک اور انٹرویو میں راج کندرا کا کہنا تھا کہ انکی اہلیہ شلپا شیٹی نے دوران قید بیرون ملک منتقل ہونے کا مشورہ دیا لیکن میں اس بدنامی کے داغ کا خاتمہ چاہتا تھا، اہلیہ نے کہا کہ تم لندن میں پلے بڑھے ہو وہاں چلتے ہیں جس پر میں نے کہا کہ مجھے بھارت سے پیار ہے میں بھارت چھوڑنا نہیں چاہتا لوگ بڑے گناہ کرتے ہیں ہزاروں کروڑ کماتے ہیں اور ملک چھوڑ جاتے ہیں میں نے شلپا سے کہا کہ میں نے کچھ ایسا نہیں کیا کہ ملک چھوڑ جاؤں

    خواجہ سراؤں کا چار رکنی گروہ گھناؤنا کام کرتے ہوئے گرفتار

    چار ملزمان کی 12 سالہ لڑکے کے ساتھ ایک ہفتے تک بدفعلی،ویڈیو بنا کر دی دھمکی

    ماموں کی بیٹی کے ساتھ گھناؤنا کام کرنیوالا گرفتار

    پانی پینے کے بہانے گھر میں گھس کر لڑکی سے گھناؤنا کام کرنیوالا ملزم گرفتار

    زبانی نکاح،پھر حق زوجیت ادا،پھر شادی سے انکار،خاتون پولیس اہلکار بھی ہوئی زیادتی کا شکار

    یاد رہے کہ ”فحش مواد کی تیاری کے الزام میں گرفتاری کے بعد راج کندرا نے جیل تجربات پر مبنی فلم بنائی ہے،” جس کےذریعے انہوں نے اداکاری کی دنیا میں قدم رکھا ہے۔فلم کی کہانی گرفتاری کے بعد ان کی فیملی کو نشانہ بنانے اور جیل ٹرائل پر مبنی ہے، راج کندرا کی فلم 3 نومبر کو ریلیز ہو گی۔راج اور شلپا شیٹی فلم کو لیکر کافی پر امید ہیں ان کا کہنا ہےکہ فلم اس کیس سے جڑی بہت ساری حقیقتوں سے پردہ اٹھائے گی .

    آج فلسطین تو کل ہم بھی ظلم کا شکار ہو سکتے ہیں زارا نور عباس

    میں‌نے کراچی میں‌اپنا ریسٹورانٹ شروع کیا ہے فاطمہ آفندی

    اداکارائوں کو امیر مرد سے محبت ہوتی ہے سلیم معراج