Baaghi TV

Tag: بھارت

  • سزا پوری، پاکستان نے 80 بھارتی ماہی گیر رہا کر دیئے

    سزا پوری، پاکستان نے 80 بھارتی ماہی گیر رہا کر دیئے

    کراچی: کینٹ اسٹیشن سے بھارتی ماہی گیروں کی وطن واپسی ہوئی ہے

    ملیر جیل میں سزا پوری ہونے کے بعد 80 ماہی گیروں کو واپس بھارت روانہ کردیاگیا،ایدھی فاونڈیشن کے تحت 80 ماہی گیروں کو بذریعہ ٹرین روانہ کیاگیا ،سعد ایدھی کا کہنا تھا کہ ایدھی انتظامیہ نے بھارتی ماہی گیروں کے تمام سفری اخراجات اٹھائے ہیں ،پاک بھارت کے مسائل جلد حل کیے جائیں اچھا ہے،بھارتی ماہی گیروں کو کراچی کینٹ اسٹینشن سے علامہ اقبال ایکسپریس کے ذریعے لاہور پہنچایا جائے گا،80 ماہی گیروں میں سے19 مسلمان ماہی گیر شامل ہیں .ایدھی حکام کی جانب سے بھارتی ماہی گیروں کو نقد رقم، کپڑے اور ضرورت کا سامان دیاگیاہے

    تمام ماہی گیر گزشتہ روز ایدھی فاونڈیشن کے حوالے کردئے گئے جن کی کوششوں سے انہیں کراچی سے بذریعہ ٹرین لاہور پہنچادیا گیا جہاں سے یہ آج شام واہگہ بارڈر کے راستے بھارتی حکام کے حوالے کردئے جائیں گے۔ وفاقی وزارت داخلہ نے ان ماہی گیروں کی رہائی کے لئے 18 اکتوبر کو حکومت سندھ کو ایک خط کے ذریعے مطلع کردیا تھا جس کے بعد ایدھی فاونڈیشن نے ان ماہی گیروں کی بھارت روانگی کے لئے انتظامات کئے تھے۔ ہوم ڈیپارٹمنٹ حکومت سندھ نے 30 اکتوبر کو ان ماہی گیروں کی رہائی کے لئے خط ارسال کردیا تھا جس کے بعد ان ماہی گیروں کی لاہور منتقلی کے لئے بذریعہ ریل ٹکٹوں اور ان کے کھانے پینے کا انتظام کیا گیا۔ 

    رپورٹ، خالد محمود خالد
    بھارتی قید سے آزاد 19ماہی گیر کراچی فشریز پہنچ گئے

  • سری لنکا نے نیوزی لینڈ کو 172 کا ٹارگٹ دے دیا

    سری لنکا نے نیوزی لینڈ کو 172 کا ٹارگٹ دے دیا

    آئی سی سی ورلڈ کپ، آج 41 واں میچ جاری ہے، میچ نیوزی لینڈ اور سری لنکا کی ٹیموں کے مابین کھیلا جا رہا ہے

    بنگلورو میں کھیلے جانے والے میچ کے لئے نیوزی لینڈ نے سری لنکا کے خلاف ٹاس جیت کر پہلے بولنگ کرانے کا فیصلہ کیا،نیوزی لینڈ کیخلاف سری لنکا کی پہلی وکٹ 3 رنز پر گرگئی، اس کے بعد ستر رنز پر نیوزی لینڈ کے پانچ کھلاڑی آؤٹ ہو گئے،سری لنکا کی نیوزی لینڈ کے خلاف آٹھویں وکٹ 113 رنز پر گرگئی، چمیکا کورونا رتنے 6 رنز بناکر لوکی فرگیوسن کی گیند پر آؤٹ ہوگئے

    سری لنکا نے نیوزی لینڈ کو 172 کا ٹارگٹ دے دیا، سری لنکا کی پوری ٹیم 46.4 اوورز میں 171 رنز بنا کر آؤٹ ہو گئی،سری لنکا کی جانب سے کوشل پریرا سب سے زیادہ 51 رنز اور مہیش تھیکشنا 39 رنز بنا کر نمایاں رہے،

    نیوزی لینڈ کی جانب سے ٹرینٹ بولٹ نے 3 ، مچل سینٹنر ، لوکی فرگوسن ، راچن رویندرا نے 2،2 جبکہ ٹم ساؤتھی نے ایک وکٹ حاصل کی

    خیال رہے کہ دونوں ٹیمیں میگا ایونٹ میں اب تک اپنے 8،8 میچز کھیل چکی ہیں جن میں سے نیوزی لینڈ 4 میچز میں فاتح اور 4 میں ناکام رہی ہے جبکہ سری لنکا اب تک صرف 2 میچز میں ہی فتح سے ہمکنار ہوئی جبکہ 6 میں اسے ناکامی کا سامنا کرنا پڑا ہے۔

    نیوزی لینڈ اور سری لنکا دونوں ٹیموں اس ورلڈ کپ میں آٹھ آٹھ میچز کھیل چکی ہیں اور یہ دونوں ٹیموں کا پہلے مرحلے کا آخری میچ ہے.نیوزی لینڈ نے ورلڈ کپ میں اپنے 4 اور سری لنکا نے 2 میچز جیتے ہیں

  • بھارت میں سموگ، بین الاقوامی کھلاڑیوں‌کو مشکلات کا سامنا

    بھارت میں سموگ، بین الاقوامی کھلاڑیوں‌کو مشکلات کا سامنا

    پاکستان کی طرح بھارت میں بھی سموگ نے ڈیرے ڈال لئے، بھارت میں ورلڈ کپ جاری ہے تا ہم سموگ کی وجہ سے بین الاقوامی کھلاڑیوں کو مشکلات کا سامنا کرنا پڑ رہا ہے

    بھارت میں سموگ کی وجہ سے بین الاقوامی کھلاڑی مضر صحت فضا میں سانس لینے پر مجبور ہیں،تو وہیں ڈاکٹرز کے مشورے پر کھلاڑیوں کا تربیتی سیشن منسوخ کر دیا گیا،سموگ کی وجہ سے کچھ کھلاڑیوں کو سانس میں تکلیف کی شکایت پر ہوٹل منتقل کر دیا گیا ہے، کھلاڑی ہوٹلوں میں ہی قید ہو کر رہ گئے ہیں، سموگ کی وجہ سے انہیں باہر نکلنے میں پریشانی کا سامنا کرنا پڑتا ہے

    آلودگی کی نگرانی کرنے والی کمپنی آئی کیو ائیر کی جانب سے جاری کردہ اعداد و شمار کے مطابق بھارت کے جن بڑے شہروں میں کرکٹ ورلڈ کپ کی میزبانی کی جا رہی ہے ان میں کہیں فضا غیر صحت بخش ہے تو کہیں انتہائی غیر صحت بخش،نئی دہلی، ممبئی اور کولکتہ جیسے شہر فضائی آلودگی میں دنیا کے10 بڑے شہروں میں شامل ہیں،ممبئی میں سموگ کی وجہ سے شہریوں‌کی زندگیاں متاثر ہو رہی ہیں، شہری گلے کی سوزش ، بخار جیسی بیماریوں کا شکار ہو رہے ہیں، ہسپتالوں میں گلے کی خرابی کے مریضوں میں تیس سے چالیس فیصد اضافہ ہوا ہے،دہلی سمیت دیگر علاقوں میں بھی سموگ کی یہی صورتحال دیکھی جا رہی ہے،

    بیرون ملک سے آنے والے مسافروں کی کورونا اسکریننگ دوبارہ سخت کرنے کا فیصلہ 

    فردجرم عائد کرنی تھی توکرونا ہو گیا،عدالت نے شہباز شریف کو پھر طلب کر لیا

    نیب میں اکثر سوالوں کے جواب میں شہباز شریف نے کہا مجھے نہیں پتہ ،ارشاد بھٹی

    سائیکل کرائے پر دینے کے لیے مختلف پوائنٹ بنانے کے لیے اسیکم بنائی جائے

  • پاکستان خطے میں استحکام اور امن کے لیے پرعزم ہے،وزیر دفاع

    پاکستان خطے میں استحکام اور امن کے لیے پرعزم ہے،وزیر دفاع

    فرانس کے سفیر نکولس گیلی نے وزیر دفاع لیفٹیننٹ جنرل (ر) انور علی حیدر سے وزارت دفاع میں ملاقات کی۔

    وزیر دفاع نے اس بات پر روشنی ڈالی کہ پاکستان فرانس کے ساتھ اپنے تعلقات کو دو طرفہ اور یورپی یونین کے تناظر میں بہت اہمیت دیتا ہے۔ انہوں نے دونوں ممالک کی مسلح افواج کے درمیان تعاون بڑھانے پر زور دیا۔وزیر دفاع نے زور دیا کہ پاکستان خطے میں استحکام اور امن کے لیے پرعزم ہے اور خاص طور پر افغانستان اور بھارت کے ساتھ اپنے تعلقات پر توجہ مرکوز رکھے ہوئے ہے۔

    وزیر دفاع نے کہا کہ پاکستان دوطرفہ دلچسپی کے تمام امور پر فرانس کے ساتھ مل کر کام کرتا رہے گا۔ انہوں نے یہ بھی کہا کہ دہشت گردی اور انتہا پسندی جیسے عالمی چیلنجز سے نمٹنے میں تعاون ہمارے دوطرفہ تعلقات کا اہم حصہ ہے۔ وفاقی وزیر نے اس بات پر روشنی ڈالی کہ پاکستان ہر قسم کی دہشت گردی کی شدید مذمت کرتا ہے۔

    معزز مہمان نے علاقائی استحکام میں پاکستان کے کردار کو سراہا اور پاکستان کے ساتھ ہر سطح پر سفارتی تعاون میں مزید بہتری کے لیے اپنا کردار ادا کرنے کو یقینی بنایا۔

    سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

    شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

    سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

    بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟

  • سری لنکن کھلاڑی بغیر کوئی گیند کھیلے آؤٹ

    سری لنکن کھلاڑی بغیر کوئی گیند کھیلے آؤٹ

    آئی سی سی ورلڈ کپ بھارت میں جاری ہے، آج بنگلہ دیش اور سری لنکا کے مابین میچ ہو رہا ہے

    کرکٹ کی تاریخ میں پہلی بار ایسا ہوا کہ کسی کھلاڑی کو بغیر کوئی گیند کھیلے آؤٹ قرار دے دیا، دہلی کے ارون جیٹلی اسٹیڈیم میں کھیلے جانے والے ورلڈکپ کے میچ میں پہلی بار سری لنکا کے اینجیلو میتھوز بغیر کوئی گیند کھیلے آؤٹ ہوگئے ہیں

    اینجیلو میتھیوز ٹوٹا ہوا ہیلمٹ لے کر میدن میں آگئے تھے جس کے بعد لنکن کرکٹر نے میچ میں فیلڈ امپائر کو قائل کرنے کی کوشش کی مگر انہوں نے اجازت نہیں دی،بنگلہ دیش کے کپتان شکیب الحسن سمیت کھلاڑیوں کی جانب سے ٹائم آؤٹ کا کہہ کر آؤٹ کرنے کی اپیل کی امپائر نے اینجیلو میتھیوز کو ٹائم آؤٹ کی بنیاد پر آؤٹ قرار دے دیا

    آئی سی سی قانون کے مطابق کسی بھی کھلاڑی کو کسی بیٹر کے آؤٹ یا کریز چھوڑ کر جانے کے بعد2 منٹ میں گیند کا سامنا کرنا ہوتا ہے یعنی کسی بھی کھلاڑی کو وکٹ گرنے کے 2 منٹ کے اندر گیند کا سامنا کرنا ہوتا ہے لیکن میتھیوز ایسا نہیں کرپائے جس کی بنا پر امپائر نے انہیں آؤٹ قرار دیا

  • ٹیم کی ناقص کارکردگی، سری لنکن کرکٹ بورڈ کو فارغ کر دیا گیا

    ٹیم کی ناقص کارکردگی، سری لنکن کرکٹ بورڈ کو فارغ کر دیا گیا

    بھارت میں آئی سی سی کرکٹ ورلڈ کپ کھیلا جا رہا ہے، سری لنکن ٹیم کی ناقص کارکردگی پر سری لنکن کرکٹ بورڈ کو فارغ کر دیا گیا

    سری لنکا کے وزیر کھیل روشن رانا سنگھے نے سری لنکن کرکٹ بورڈ کو فارغ کرنے کی تصدیق کی اور کہا کہ بورڈ کو ہٹا دیا گیا ہے،میڈیا رپورٹس کے مطابق سری لنکن وزیر کھیل کے بورڈ سے کرپشن الزامات کی وجہ سے تعلقات پہلے ہی کشید ہ تھے تاہم اب ورلڈ کپ میں ناقص کارکردگی اور بھارت کے ہاتھوں شکست کے بعد بورڈ کو فارغ کر دیا گیا، وزیر کھیل نے 1996 ورلڈ کپ فاتح ٹیم کے کپتان ارجنا رانا ٹنگا کو بورڈ کی ذمہ داری سونپ دی اور انہیں سری لنکن کرکٹ بورڈ کا عبوری چیئرمین مقرر کر دیا

    سری لنکا کے وزیر کھیل کے آفس کی جانب سے بورڈ کو فارغ کرنے اور رانا ٹنگا کو ذمہ داری سونپنے کا بیان جاری کیا گیا ہے وزیر کھیل کی جانب سے 7 رکنی پینل تشکیل دیا گیا ہے، پینل میں سپریم کورٹ کے ریٹائرڈ جج بھی شامل ہیں،وزیر کھیل نے سری لنکن کرکٹ بورڈ سے استعفیٰ مانگا تھا تا ہم استعفےنہ آنے پر سب کو ہٹایا گیا،بورڈ کے سیکرٹری موہن ڈی سلوا نے ایک روز قبل عہدہ چھوڑدیا تھا

    ورلڈ کپ میں سری لنکن کرکٹ ٹیم اس وقت پوائنٹس ٹیبل پر ساتویں نمبر پر ہے جس نے سات میچ کھیلے اور پانچ میچ ہاری جبکہ صرف دو میچ جیتے

  • بھارتی فوج کا ہیلی کاپٹر گر کر تباہ

    بھارتی فوج کا ہیلی کاپٹر گر کر تباہ

    نئی دہلی: بھارتی ریاستوں مدھیہ پردیش اور چھتیس گڑھ میں آج دو مختلف واقعات میں بھارتی فوج کے 2 اہلکار ہلاک ہوگئے۔

    باغی ٹی وی: بھارتی میڈیا کے مطابق ریاست مدھیہ پردیش کے شہر کوچی میں انڈین نیول اسٹیشن پر مرمت کے بعد جانچ پڑتال کے دوران ایک ہیلی کاپٹر ہچکولے کھاتے ہوئے زمین بوس ہوگیا،اس حادثے میں بھارتی بحریہ کے ایک اہلکار یوگیندرا سنگھ کی موقع پر مو ت واقع ہوگئی جو بھارتی بحریہ کےمشاق ایئر مینز میں سب سے نمایاں تھےان کی ہلاکت پر انڈین نیوی نے رنج اور دکھ کا اظہار کیا ہے۔

    بھارتی فوج کے مگ طیارے اور ہیلی کاپٹرز کے حادثات میں سالانہ درجن سے زائد اہلکار ہلاک ہوجاتے ہیں جس کے باعث بھارتی فوج کے پائلٹس نے طیارے اور ہیلی کاپٹرز اُڑانے سے احتجاجاً انکار بھی کردیا تھا-

    اسرائیلی وزیر کی غزہ پر ایٹم بم گرانے کی دھمکی دی

    دوسرے واقعے میں ریاست چھتیس گڑھ میں بھارتی فوجی نےسرکاری رائفل سے خود کو گولی مار کر اپنی زندگی کا خاتمہ کرلیاخودکشی کرنے والے اہلکار کو شدید زخمی حالت میں اسپتال لایا گیا تھادوران علاج زیادہ خون بہہ جانے کے باعث بھارتی فوج کے اہلکار نے دم توڑ دیا۔ لاش کو ضروری کارروائی کے بعد آبائی علاقے بھیج دیا گیا۔ خودکشی کی وجہ کا تاحال تعین نہیں ہوسکا۔

    ایلون مسک نے پہلی اے آئی چیٹ بوٹ گروک متعارف کرا دی

  • اسموگ کی روک تھام کیلئے پنجاب حکومت کا بھارت کو خط لکھنے کا فیصلہ

    اسموگ کی روک تھام کیلئے پنجاب حکومت کا بھارت کو خط لکھنے کا فیصلہ

    لاہور: آلودگی اسموگ کی روک تھام کے لیے حکومت پنجاب نے بھارت کو خط لکھنے کا فیصلہ کیا ہے۔

    باغی ٹی وی: محکمہ تحفظ ماحولیات پنجاب نے اس حوالے سے حکومت پنجاب کو مراسلہ بھجوایا ہے جس میں کہا گیا کہ بھارتی پنجاب کے علاقوں میں فصلوں کی باقیات کو جلایا جا رہا ہے، گوگل امیجز سے بھارت میں فصلوں کی باقیات کو لگنے والی آگ کو دیکھا جا سکتا ہے،بھارت کے شہر جالندھر،لدھیانا میں سب سے زیادہ آگ لگائی جارہی ہے جبکہ پاکستان میں لاہور ، شیخوپورہ ، گوجرانوالہ اور حافظ آباد میں فصلوں کی باقیات کو جلایا جا رہا ہے، ڈپٹی کمشنرز ملوث افراد کے خلاف کارروائی کریں۔

    خیبرپختونخوا میں عام انتخابات کی تیاریاں شروع

    ڈی جی تحفظ ماحولیات پنجاب ظہیر عباس ملک نے کہا کہ لاہور میں ایئر کوالٹی انڈیکس بڑھنے کی بڑی وجہ بھارت ہے، پنجاب میں آلودگی پھیلانے والے عناصر کو تو روکا جا سکتا ہے لیکن بھارت سے آنے والی ہواؤں کو نہیں، لہذا بھارت کو خط لکھ کر اس پر اسموگ کی روک تھام کےلیے دباؤ ڈالا جائے۔

    اسرائیل میں ہزاروں افراد کا نیتن یاہو کے خلاف احتجاج

    دوسری جانب بھارتی دارالحکومت نئی دلی میں بدترین فضائی آلودگی ریکارڈ کی گئی ہے جس کے بعد اسکول مزید ایک ہفتے کیلئے بند کردیے گئے نئی دلی میں فضائی معیار خطرناک حد تک خراب ہو گیا ہے بتایا جارہا ہے کہ نئی دلی کے فضائی معیار عالمی صحت کی تنظیم(ڈبلیو ایچ او ) کی جانب سے مقرر کی گئی حد سے100گنا تجاوز کرگیا ہے۔

    بدترین فضائی آلودگی کی وجہ سے حکومت نے دارالحکومت کے اسکول مزید ایک ہفتے تک بند رکھنے کی ہدایات جاری کردیں، نئی دلی کے وزیر تعلیم کا کہنا ہے کہ پرائمری اسکول 10 نومبر تک بند رہیں گے جبکہ 6 سے 12 ویں جماعت کی کلاسز کو آن لائن کرنےکا آپشن دیا گیا ہے، رئیل ٹائم ائیر کوالٹی انڈیکس (اے کیو آئی) نئی دلی کے مختلف حصوں میں 500 سے زیادہ ہے جبکہ دوپہر کے وقت نئی دلی میں فضائی معیار کی سطح 859 ریکارڈ کی گئی۔

    ملک بھر کی جیلوں سے 496 غیر ملکی قیدی ڈی پورٹ

  • بغیر اجازت بھنویں کیوں بنوائیں،شوہر نے بیوی کو طلاق دے دی

    بغیر اجازت بھنویں کیوں بنوائیں،شوہر نے بیوی کو طلاق دے دی

    کانپور: شوہر نے بیوی کو بغیر اجازت بھنویں بنوانے پر طلاق دے دی۔

    باغی ٹی وی : یہ حیرت انگیز واقعہ بھارت میں پیش آیا،بھارتی میڈیا کے مطابق جوڑے کا تعلق بھارتی ریاست اترپردیش کے شہر کانپور سے ہے، غیر معمولی واقعہ اس وقت منظر عام پر آیا جب خاتون نے اپنی طلاق کے حوالے سے پولیس کو آگاہ کیا خاتون گل سائبہ کی شادی محمد سالم سے گزشتہ سال کے آغاز میں ہوئی تھی خاتون نے پولیس کو شکایت درج کرواتے ہوئے بتایا کہ اس کا شوہر رواں سال اگست میں سعودی عرب چلا گیا تھا جس کے بعد ان کے سسرال والوں نے انہیں جہیز کیلئے ہرا سا ں کرناشروع کردیا دوسری جانب اس کے شوہر پرانےخیالات کے ہیں اور وہ اس کےفیشن کرنےپر اکثر اعتراض کرتے رہتے تھے۔

    اسرائیلی فضائی حملوں کی وجہ سے 60 یرغمالی لاپتہ ہو گئے ہیں،ترجمان حماس

    خاتون نے بتایا کہ کچھ روز قبل وہ اپنے شوہر سے ویڈیو کال پر بات کررہی تھیں کہ ان کے شوہر نے بغیر اجازت بھنویں بنانے پر اعتراض کیا اور کہا کہ بغیر پوچھے کیوں بنوائی ہیں؟ اب میں تمہیں طلاق دے رہا ہوں اس کے بعد شو ہر نے ویڈیو کال پر ہی تین بار طلاق دے دی۔

    پولیس کے مطابق خاتون کی شکایت پر شوہر سمیت ساس اور مزید 5 سسرالیوں کیخلاف ایف آئی آر درج کروالی گئی ہے۔

    راولپنڈی:مسافر وین میں نامعلوم افراد کی فائرنگ ایک خاتون ہلاک ایک زخمی

  • ورلڈ کپ:بھارت کا جنوبی افریقا کے خلاف ٹاس جیت کر بیٹنگ کا فیصلہ

    ورلڈ کپ:بھارت کا جنوبی افریقا کے خلاف ٹاس جیت کر بیٹنگ کا فیصلہ

    کولکتہ: انٹرنیشنل کرکٹ کونسل (آئی سی سی) ون ڈے ورلڈکپ کے 13 ویں ایڈیشن کا 37 واں میں میچ بھارت نے جنوبی افریقا کے خلاف ٹاس جیت کر بیٹنگ کا فیصلہ کرلیا۔

    باغی ٹی وی : کولکتہ کے تاریخی ایڈن گارڈنز میں آج بھارت اور جنوبی افریقا کے درمیان میچ کھیلا جارہا ہے،ٹاس کے بعد گفتگو کرتے ہوئے بھارتی کپتان روہت شرما کا کہنا تھا کہ دونوں ٹیموں نے ورلڈکپ کے دوران بہترین کرکٹ کھیلی ہے اچھا میچ دیکھنے کو ملے گا، ٹیم میں کوئی تبدیلی نہیں کی گئی ہے۔

    دوسری طرف پروٹیز کپتان ٹیمبا باووما نے کہا کہ اگر ٹاس جیت جاتے تو پہلے بیٹنگ کرتے،ٹیم میں تبدیلی کے حوالے سے انہوں نے بتایا کہ تبریز شمسی کو ٹیم میں واپس لایا گیا ہے-

    جنوبی افریقا کا اسکواڈ

    کپتان، ٹمبا باؤما، ایڈن مارکرم، کوئنٹن ڈی کوک، راسی وین ڈیر ڈوسن، ہینرک کلاسن، ڈیوڈ ملر، مارکو جانسن، ، کیشو مہاراج، کاگیسو ربادا اور لنگی نگیڈی

    بھارت کا اسکواڈ

    کپتان روہت شرما، شبمن گل، ویرات کوہلی، شریاس ایر، کے ایل راہول، رویندرا جڈیجا، شاردول ٹھاکر، جسپریت بمراہ، کلدیپ یادیو اور محمد سراج