Tag: بھارت

وزیر دفاع خواجہ آصف نے کہا ہے کہ پاک بھارت جنگ کے دوران بھارت نے امریکا کو اپروچ کیا جبکہ چین سے بھی رابطہ کیا گیا، اگر بھارت نے اب بھی کوئی ایڈونچر کیا تو ویسے ہی جواب دیا جائےگا-

نجی ٹی وی سے گفتگو کرتے ہوئے انہوں نے کہاکہ بھارت کو شکست دے کر ہماری عزت میں اضافہ ہوا، جہاز ٹیسٹ ہوگئے، جس کے بعد آرڈر مل رہے ہیں، اور ہو سکتا ہے کہ 6 ماہ بعد آئی ایم ایف کی ضرورت نہ پڑے،پاک بھارت جنگ میں پاکستان کا جواب پوری دنیا نے دیکھا، مودی کو پھینٹی لگی ہے جس کے بعد اس کی اپنے ملک اور بیرون ممالک میں کوئی عزت نہیں رہی،بھارت نے اگر دوبارہ حملہ کیا تو ہم جنگ کے لیے تیار ہیں، اور مئی 2025 میں ہم نے یہ ثابت بھی کر کے دکھا دیا۔

خواجہ آصف نے کہاکہ پاک بھارت جنگ کے دوران بھارت نے امریکا کو اپروچ کیا جبکہ چین سے بھی رابطہ کیا گیا، اگر بھارت نے اب بھی کوئی ایڈونچر کیا تو ویسے ہی جواب دیا جائےگا پاکستانی فوج کا لوہا پوری دنیا مانتی ہے، جبکہ مئی 2025 کی جنگ کے بعد بھارت کا اعتماد تباہ ہوگیا ہے۔

انہوں نے کہاکہ افغان طالبان اور ٹی ٹی پی قابل اعتبار نہیں، یہ لوگ بھارت کے ساتھ ملے ہوئے ہیں، جبکہ خیبرپختونخوا حکومت میں شامل کچھ لوگ طالبان کو بھتہ دیتے ہیں خیبرپختونخوا کے معاملے کو سیاسی طور پر حل کرنا چاہیے، میں پی ٹی آئی پر پابندی اور گورنر راج کے حق میں نہیں، کیوں سیاسی پارٹیوں پر پابند ی کا تجربہ ماضی میں کامیاب نہیں رہا۔

اسلام آباد: اسپیکر قومی اسمبلی سردار ایاز صادق نے انکشاف کیا ہے کہ بھارتی وفد نے انہیں بنگلہ دیش کی سابق وزیراعظم خالدہ ضیاء کا جنازہ پڑھنے سے روکنے کی کوشش کی تاکہ اس کو ایشو بنایا جاسکے۔

اسپیکر قومی اسمبلی ایاز صادق نے وزیراعظم شہباز شریف سے ملاقات کی اور دورۂ بنگلہ دیش اور بھارتی وزیر خارجہ سے ملاقات سے متعلق بریف کیا ملا قا ت میں انہوں نے انکشاف کیا کہ پاکستان، مالدیپ، نیپال اور بھوٹان کے وفود کو ایک بس میں جنازہ گاہ لایا گیا بھارتی وزیر خارجہ اور ہائی کمشنر اگلی نشست پر پہلے ہی بیٹھے تھےبھارتی وفد نے بس کے شیشوں پر لگے پردے آگے کر رکھے تھے تا کہ لوگوں سے بچ سکیں جب کہ وہ پاکستانی ہائی کمشنر کے ساتھ پچھلی نشست پر بیٹھ گئے اور پردے سائیڈ پر کر کے بنگلہ دیشی عوام کے نعروں کا ہاتھ ہلا کر جواب دیتے رہے۔

جاپان:مچھلی90 کروڑ روپے میں نیلام

انہوں نے بتایا کہ بھارتی وفد پوری تیاری اور منصوبہ بندی کے تحت وہاں آیا تھا۔ جیسے ہی بس جنازہ گاہ پہنچی، تو بھارتی ہائی کمشنر بس کے دروازے پر کھڑے ہو گئے، اور جب میں نیچے اترنے لگا تو بولے کہ آپ مت جائیں نیچے رش ہے اور آپ کو خطرہ ہے میں نے بھارتی ہائی کمشنر سے کہا کہ دروازہ کھولیں، میں تو آیا ہی جنازے میں شرکت کے لیے ہوں جب انہوں نے دروازہ نہیں کھولا تو میں نے غصہ میں زور سے کہا کہ دروازہ کھولو اور دروازہ کھلنے کے بعد میں نیپال اور مالدیپ کے وفود کو ساتھ لے کر نیچے اترا،بھارتی وزیر خارجہ اور ہائی کمشنر بس میں ہی بیٹھے رہے، کیونکہ انہیں جنازہ پڑھنا نہیں تھا ان کی پوری کوشش تھی کہ میں بھی جنازہ نہ پڑھ سکوں اور یہ ایشو بنا سکیں۔

نسیم شاہ پر میچ فیس کا 10 فیصد جرمانہ عائد

سوات:خیبرپختونخوا کے ضلع سوات میں ٹریفک وارڈن پر تشدد کے واقعے پر پاکستان تحریک انصاف (پی ٹی آئی) کے رکن صوبائی اسمبلی کے خلاف ایف آئی آر درج کرلی گئی۔

سوات پولیس کے مطابق سوات میں بشام چوک خوازہ خیلہ میں ٹریفک جام کے دوران پی ٹی آئی کے رکن صوبائی اسمبلی علی شاہ خان آپے سے باہر ہو گئے اور ڈیوٹی پر موجود ٹریفک وارڈن عزت علی پر تشدد کیاراہگیروں نے رکن صوبائی اسمبلی کی جانب سے وارڈن پر کی گئی مار پیٹ اور دھکے دینے کی ویڈیو بنا لی،ٹریفک وارڈن عزت علی پولیس اسٹیشن خوازہ خیلہ ضلع سوات میں تعینات ہیں اور واقعے کے بعد علی شاہ خان کے خلاف ایف آئی آر درج کر لی گئی ہے۔

ایف آئی آر کے متن میں بتایا گیا ہے کہ علی شاہ خان نے تھپڑے مارے اور دھکے بھی دیے اور محکمہ پولیس کے خلاف انتہائی نازیبا الفاظ بھی استعمال کرتے ہوئے گالم گلوچ کی،ٹریفک وارڈن نے الزام عائد کیا کہ پی ٹی آئی کے رکن صوبائی اسمبلی نے سنگین نتائج کی دھمکیاں بھی دیں-

شدید دھند کے باعث موٹروے کے مختلف حصے بند

بلوچستان میں دفعہ 144 نافذ

سجل علی اورہانیہ عامر کس سے شادی کرنے والی ہیں؟ بڑا دعویٰ سامنے آگیا

اسلام آباد: پاکستان نے کہا ہے کہ بھارت کی جانب سے معاہدے کی یکطرفہ خلاف ورزی خطے کے استحکام کو نقصان پہنچائےگی۔

بھارتی وزیر خارجہ کے پاکستان کے حوالے سے حالیہ بیانات کے جواب میں پاکستان نے کہا ہے کہ وہ سندھ طاس معاہدے کے تحت اپنے جائز حقوق کے تحفظ کے لیے تمام ضروری اقدامات کرے گا، بھارت کی جانب سے معاہدے کی یکطرفہ خلاف ورزی خطے کے استحکام کو نقصان پہنچائےگی۔

ترجمان دفتر خارجہ نے بھارتی الزامات کو غیر ذمہ دارانہ قرار دیتے ہوئے کہاکہ بھارت بار بار اپنی دہشتگردی اور خطے میں عدم استحکام پیدا کرنے میں کردار سے توجہ ہٹانے کی کوشش کر رہا ہےبھارت کا خطے میں دہشتگردی کو فروغ دینے میں ملوث ہونا دستاویزی طور پر ثابت ہے، اور کلبھوشن یادو کیس پاکستان کے خلاف ریاستی سرپرستی میں دہشتگردی کی واضح مثال ہے۔

لاہور: وفاقی سیکرٹری مذہبی امور کا زیر تعمیر نئے حاجی کیمپ کا دورہ

ترجمان نے مزید کہاکہ بھارت پر بیرونِ ملک ہدفی قتل، تخریب کاری اور دہشتگرد نیٹ ورکس کی معاونت کے سنگین الزامات ہیں، ہند و توا نظریہ انتہا پسندی اور تشدد کو فروغ دیتا ہے اور بھارتی طرزعمل اسی سوچ کا عکاس ہے،بھارت کا مقبوضہ جموں و کشمیر میں غیر قانونی اور جابرانہ فوجی قبضہ جاری ہے، اور پاکستان کشمیری عوام کو ان کے حق خود ارادیت کی جدوجہد میں مکمل سیاسی، اخلاقی اور سفارتی حمایت فراہم کرتا رہے گا-

جماعت اسلامی کا اسلام آباد میں بلدیاتی انتخابات کے التوا کے خلاف احتجاج کا اعلان

دفتر خارجہ نے کہاکہ سندھ طاس معاہدہ ایک بین الاقوامی معاہدہ ہے جو نیک نیتی کے ساتھ طے پایا، اور اس کی کسی بھی یکطرفہ خلاف ورزی خطے کے استحکام کو نقصان پہنچا سکتی ہے،انہوں نے واضح کیا کہ پاکستان اپنے قانونی حقوق کے تحفظ کے لیے تمام ضروری اقدامات کرے گا۔

وزیر دفاع خواجہ آصف نے کہا ہے کہ بھارت میں اقلیتوں کے خلاف بڑھتا ہوا تشدد نہ صرف خطے بلکہ عالمی امن کی کوششوں کے لیے بھی سنگین خطرہ بنتا جا رہا ہے۔

وزیر دفاع خواجہ آصف نے کہا کہ بھارت میں ماضی میں بھی اقلیتوں کے ساتھ امتیازی سلوک روا رکھا جاتا رہا، تاہم اب اقلیتی تشدد کو باقاعدہ ریاستی پالیسی کا درجہ دیا جا رہا ہےبھارت میں مسلمانوں، سکھوں اور عیسائی برادری کو منظم انداز میں نشانہ بنایا جا رہا ہے مودی کے دور حکومت میں اقلیتوں کے خلاف تشدد کے واقعات میں مسلسل اضافہ ہوا ہے-

انہوں نے مودی کی گجرات حکومت کا حوالہ دیتے ہوئے کہا کہ اس دور میں مسلمانوں کا قتل عام کیا گیا اور ہزاروں گھروں کو نذرِ آتش کیا گیا،بھارت میں سکھوں کے ساتھ کئی دہائیوں سے بدترین سلوک روا رکھا جا رہا ہے جبکہ اب عیسائی برادری بھی تشدد کی زد میں ہے، کر سمس کے موقع پر عیسائیوں کی عبادت گاہوں پر حملے کیے گئے، جو مودی حکومت کے اصل چہرے کو دنیا کے سامنے بے نقاب کر تے ہیں۔

اسلام آباد میں جدید کرکٹ اسٹیڈیم کی تعمیر کیلئے باضابطہ بولی کا عمل شروع

خواجہ آصف نے کہا کہ بھارت ڈیڑھ ارب آبادی کا ملک ہونے کے باوجود اقلیتوں کو تحفظ فراہم کرنے میں ناکام ہے اور مذہبی جنو نیت رکھنے والی حکومت عالمی برادری کے لیے خطرہ بنتی جا رہی ہے ہندتوا سوچ اور انتہا پسندی خطے کے امن کے لیے شدید خطرہ ہے جو قومیں تباہی کی طرف بڑھتی ہیں، وہ ایسے ہی انتہاپسندانہ رویے اختیار کرتی ہیں۔

انہوں نے امید ظاہر کی کہ ٹرمپ انتظامیہ بھارت میں مسیحی برادری کو نشانہ بنانے پر ردعمل دے گی، پاکستان اور بنگلہ دیش میں اقلیتیں ہمیشہ سے محفوظ رہی ہیں اور پاکستان میں اقلیتوں کو برابری کی بنیاد پر مکمل تحفظ فراہم کیا جاتا ہے۔

نریندر مودی اور ہندوستان کی ہندوتوا شناخت پر وال اسٹریٹ جرنل کی کھلی چارج شیٹ