Baaghi TV

Tag: تازہ ترین

  • سیف انداز بیاں رنگ بدل دیتا ہے

    سیف انداز بیاں رنگ بدل دیتا ہے

    سیف انداز بیاں رنگ بدل دیتا ہے
    ورنہ دنیا میں کوئی بات نئی بات نہیں ہے

    سیف الدین سیف

    پیدائش:20مارچ 1922ء
    امرتسر، ہندستان
    وفات:12 جولائی1993ء
    لاہور، پاکستان

    سیف الدین نام اور سیف تخلص تھا۔ 20 مارچ 1922ء کو امرتسر میں پیدا ہوئے۔بعض سیاسی ومذہبی مسائل پر ارباب کالج سے الجھ پڑنے کی وجہ سے امتحان سے روک دیا گیا۔ مجبوراً سیف نے تعلیم سے منہ موڑلیا اور تلاش معاش میں سرگرداں ہو گئے ۔ ۱۹۴۶ء میں فلمی لائن اختیار کی۔ فلمی نغمہ نگاری او رمکالمے لکھنا ان کا ذریعہ معاش بن گیا۔ انھوں نے مستقل طور پر لاہور میں اقامت اختیار کرلی۔ سیف کو کم سنی ہی سی شعروسخن سے دل چسپی تھی۔ انھوں نے غزل ، رباعی ، طویل ومختصر نظمیں اور گیت سبھی کچھ لکھا ہے۔ مگر غزل سے فطری لگاؤ تھا۔ 12جولائی 1993ء کو لاہور میں انتقال کرگئے۔’’خم کا کل‘‘ کے نام سے ان کا شعری مجموعہ شائع ہوگیاہے ۔ ’’کف گل فروش‘‘ ان کے دوسرے شعری مجموعے کا نام ہے۔ بحوالۂ:پیمانۂ غزل(جلد دوم)،محمد شمس الحق،صفحہ:129

    منتخب اشعار
    ۔۔۔۔۔۔۔۔
    کیا قیامت ہے ہجر کے دن بھی
    زندگی میں شمار ہوتے ہیں

    دل ویراں کو دیکھتے کیا ہو
    یہ وہی آرزو کی بستی ہے

    سیفؔ انداز بیاں رنگ بدل دیتا ہے
    ورنہ دنیا میں کوئی بات نئی بات نہیں

    تمہارے بعد خدا جانے کیا ہوا دل کو
    کسی سے ربط بڑھانے کا حوصلہ نہ ہوا

    آج کی رات وہ آئے ہیں بڑی دیر کے بعد
    آج کی رات بڑی دیر کے بعد آئی ہے

    تم کو بیگانے بھی اپناتے ہیں میں جانتا ہوں
    میرے اپنے بھی پرائے ہیں تمہیں کیا معلوم

    کتنا بیکار تمنا کا سفر ہوتا ہے
    کل کی امید پہ ہر آج بسر ہوتا ہے

    مری داستان حسرت وہ سنا سنا کے روئے
    مرے آزمانے والے مجھے آزما کے روئے

    بولے وہ کچھ ایسی بے رخی سے
    دل ہی میں رہا سوال اپنا

    زندگی کس طرح کٹے گی سیفؔ
    رات کٹتی نظر نہیں آتی

    شور دن کو نہیں سونے دیتا
    شب کو سناٹا جگا دیتا ہے

    غم گسارو بہت اداس ہوں میں
    آج بہلا سکو تو آ جاؤ

    جس دن سے بھلا دیا ہے تو نے
    آتا ہی نہیں خیال اپنا

    شاید تمہارے ساتھ بھی واپس نہ آ سکیں
    وہ ولولے جو ساتھ تمہارے چلے گئے

    کتنے انجان ہیں کیا سادگی سے پوچھتے ہیں
    کہیے کیا میری کسی بات پہ رونا آیا

    حسن جلوہ دکھا گیا اپنا
    عشق بیٹھا رہا اداس کہیں

    کبھی جگر پہ کبھی دل پہ چوٹ پڑتی ہے
    تری نظر کے نشانے بدلتے رہتے ہیں

    پاس آئے تو اور ہو گئے دور
    یہ کتنے عجیب فاصلے ہیں

    کوئی ایسا اہل دل ہو کہ فسانۂ محبت
    میں اسے سنا کے روؤں وہ مجھے سنا کے روئے

    چلو میکدے میں بسیرا ہی کر لو
    نہ آنا پڑے گا نہ جانا پڑے گا

    تم نے دیوانہ بنایا مجھ کو
    لوگ افسانہ بنائیں گے تمہیں

    ہمیں خبر ہے وہ مہمان ایک رات کا ہے
    ہمارے پاس بھی سامان ایک رات کا ہے

    میرا ہونا بھی کوئی ہونا ہے
    میری ہستی بھی کوئی ہستی ہے

    جی نہیں آپ سے کیا مجھ کو شکایت ہوگی
    ہاں مجھے تلخئ حالات پہ رونا آیا

    اپنی وسعت میں کھو چکا ہوں میں
    راہ دکھلا سکو تو آ جاؤ

    دل ناداں تری حالت کیا ہے
    تو نہ اپنوں میں نہ بیگانوں میں

    ایسے لمحے بھی گزارے ہیں تری فرقت میں
    جب تری یاد بھی اس دل پہ گراں گزری ہے

    آپ ٹھہرے ہیں تو ٹھہرا ہے نظام عالم
    آپ گزرے ہیں تو اک موج رواں گزری ہے

    یہ آلام ہستی یہ دور زمانہ
    تو کیا اب تمہیں بھول جانا پڑے گا

    سیفؔ پی کر بھی تشنگی نہ گئی
    اب کے برسات اور ہی کچھ تھی

    تھکی تھکی سی فضائیں بجھے بجھے تارے
    بڑی اداس گھڑی ہے ذرا ٹھہر جاؤ

    کیوں اجڑ جاتی ہے دل کی محفل
    یہ دیا کون بجھا دیتا ہے

    دل نے پایا قرار پہلو میں
    گردش کائنات ختم ہوئی

    دشمن گئے تو کشمکش دوستی گئی
    دشمن گئے کہ دوست ہمارے چلے گئے

    کیسے جیتے ہیں یہ کس طرح جیے جاتے ہیں
    اہل دل کی بسر اوقات پہ رونا آیا

    رات گزرے نہ درد دل ٹھہرے
    کچھ تو بڑھ جائے کچھ تو گھٹ جائے

    قریب نزع بھی کیوں چین لے سکے کوئی
    نقاب رخ سے اٹھا لو تمہیں کسی سے کیا

    اس مسافر کی نقاہت کا ٹھکانہ کیا ہے
    سنگ منزل جسے دیوار نظر آنے لگے

    پھول اس خاکداں کے ہم بھی ہیں
    مدعی دو جہاں کے ہم بھی ہیں

  • نیوزی لینڈ کے دورہ پاکستان کا شیڈول تبدیل

    نیوزی لینڈ کے دورہ پاکستان کا شیڈول تبدیل

    لاہور: نیوزی لینڈ کے دورہ پاکستان کے شیڈول میں تبدیلی کردی گئی ہے۔

    باغی ٹی وی: پاکستان کرکٹ بورڈ (پی سی بی) کے مطابق دونوں ممالک کے بورڈز میں نئے شیڈول پر اتفاق ہو گیا ہے،اس سیریز کے دوران پانچ ٹی ٹوئنٹی اور پانچ ہی ون ڈے میچ کھیلے جائیں گےاب میچز پہلے لاہور، راولپنڈی اور پھر کراچی میں ہوں گے،اس سے قبل سیریزکا آغازکراچی سے اور اختتام راولپنڈی میں ہونا تھا۔


    لاہورمیں تین ٹی ٹوئنٹی میچ 14،15اور17اپریل کوکھیلے جائیں گےراولپنڈی میں دو ٹی ٹوئنٹی میچ بالترتیب 20 اور 24 اپریل کو کھیلے جائیں گے، پہلا ون ڈے بھی کراچی میں 26 اپریل کو کھیلا جائے گا کراچی میں باقی چار ون ڈے میچز 30 اپریل،3مئی، 5مئی اور 7مئی کو کھیلے جائیں گے۔

    پی سی بی کا کہنا ہے کہ ون ڈے میچز سے پاکستان ٹیم کو ایشیا کپ اور ورلڈکپ کی تیاریوں کا موقع ملے گا،ٹی ٹوئنٹی ورلڈکپ 2024 کے لیے ٹیم کو ری بلڈ کرنے کے عمل کو معاونت بھی ملے گی۔

  • ثاقب نثار اور خواجہ طارق رحیم کی مریم نواز بارے آڈیو لیک

    ثاقب نثار اور خواجہ طارق رحیم کی مریم نواز بارے آڈیو لیک

    باغی ٹی وی کی رپورٹ کے مطابق سابق چیف جسٹس ثاقب نثار کی ایک اور آڈیو لیک ہوئی ہے جس میں وہ عمران خان کے وکیل خواجہ طارق رحیم سے بات کر رہے ہیں

    مبینہ آڈیو میں مریم نواز کی تنقید پر دونوں کےدرمیان گفتگوہوتی ہے، لیک ہونے والی آڈیو میں ثاقب نثار کال کرتے ہیں اور سلام کرتے ہیں جس کے جواب میں خواجہ طارق رحیم سلام کا جواب دیتے ہوئے کہتے ہیں کہ سرا ایدا جواب کوئی چنگی طرح دیئے،کوئی، اینہوں باہر ٹھوکئے کسے طریقے دے نال، جیڑی گلاں کردی اے،اے خاتون جیڑی بولدی اے، جس کے جواب میں ثاقب نثار کہتے ہیں کہ سر میں پتا کی سوچیاسی اہدے تے ، خواجہ طارق رحیم کہتے ہیں ہاں، ثاقب نثار کہتے ہیں کہ فیر مینوں وڈے تارڑ صاحب دی ایک گل یاد آئی،او کہندے سن میاں کتیاں دے بھونکے تے دور دور کھلوتے ہوئے نے،خواجہ طارق رحیم کہتے ہیں کہ اے وی گل ٹھیک اے،

    خواجہ طارق رحیم مبینہ طورپر کہتے ہیں کہ یہ بھی بات ٹھیک ہے آپ نے اے آروائے پر ایک جواب اچھا دے دیا ہے،ثاقب نثار نے کہا کہ دوسرا،شکرا لحمدللہ، ابھی بھی میرے اندر حوصلہ ہے کہ میں برداشت کرسکتا ہوں لیکن جا کر کنفیوژ یا ڈیپریس نہیں ہوتا،جب ضرورت ہوئی تو آپ کو بتا دیں گے، آپ کچھ کردینا، آپ نے کردینا ہے مجھے پتہ ہے ،خواجہ طارق رحیم کہتے ہیں کہ مجھے بتا دینا، جو کہیں گے ،اسی طرح ہوجائے گا۔ اس کے بعد فیملی کا حال احوال پوچھنے کے بعد کسی دن چکرلگانے کی دعوت کیساتھ ہی آڈیو ختم ہوجاتی ہے

    سینئر صحافی و اینکر حامد میر کہتے ہیں کہ یہ آڈیو لیک ثاقب نثار صاحب کے خلاف نہیں انکے حق میں جا رہی ہے انہوں نے کوئی غیر قانونی بات تو کی نہیں البتہ الزامات لگانے والوں کو کتوں سے تشبیہہ دیدی انہیں کتے برے لگتے ہوں گے مجھے تو بہت اچھے لگتے ہیں ایسی آڈیو لیکس سے کوئی ڈرنے والا نہیں

    وزیراعظم شہباز شریف نے آڈیو لیک پر کہا ہے کہ سابق چیف جسٹس اورسینئروکیل کی آڈیو لیک میں مریم نواز سے متعلق گفتگو قابل مذمت ہے،معاشرے میں خواتین کے بارے میں ایسے لب و لہجے کی مذمت کرنی چاہیے،اجتماعی مذمت ہی معاشرے میں منفی سوچ روک سکتی ہے

    اسلام آبادم پنڈی، کراچی، صادق آباد و دیگر شہروں میں مقدمے درج 

    عدالت نے کہا کہ میں کیوں ایسا حکم جاری کروں جو سسٹم ہے اسی کے مطابق کیس فکس ہوگا،

    عمران خان نے باربار قانون کی خلاف ورزی کی جس پر انہیں جواب دینا ہوگا

    چیف جسٹس عامر فاروق نے ریمارکس دیتے ہوئے کہا کہ جو کچھ ہو رہا ہے وہ آپ کا اپنا کیا دھرا ہے 

  • لاہوریوں کے لیے بڑی آفرریسٹورنٹ میں فاسٹ فوڈ وہ بھی ڈسکاؤنٹ پرنئی برانچ ، مزیدار ذائقے

    لاہوریوں کے لیے بڑی آفرریسٹورنٹ میں فاسٹ فوڈ وہ بھی ڈسکاؤنٹ پرنئی برانچ ، مزیدار ذائقے

    لاہور ڈی ایچ اے میں Sallys نامی ریسٹورنٹ کی افتتاحی تقریب ہوئی جس میں شہریوں کی ایک بڑی تعداد نے شرکت کی-

    باغی ٹی وی: لاہوریوں کے بارے میں مشہور ہے کہ لاہور کے شہری کھانے پینے کے بہت شوقین ہیں،پاکستان میں اگر کسی شہر کو نت نئے اور لاجواب کھانوں کا مرکز کہا جائے تو وہ لاہور کے سوا کوئی او رنہیں ہوسکتا، کھانا پینا اور کھانے سے بھرپور لطف لینا لاہوریوں کی ثقافت بھی ہے اور روایت بھی ، لاہور میں کئی انٹرنیشنل برانڈز بھی آئے جنہوں نے پہلے ہی روز ریکارڈ کمائی کی-

    رمضان المبارک کا چاند 22 مارچ کو نظر آنے کا قوی امکان

    تاہم اب لاہور کے علاقے ڈی ایچ ا ے میں Sallys نامی ریسٹورنٹ کی نئی برانچ کا فتتاح ہوا افتتاح پر شہریوں نے خوشی کا اظہار کیا اس موقع پر ریسٹورنٹ کے مالک عبدالسلام نے شہریوں کا شکریہ ادا کرتے ہوئے کہا کہ ہم اپنی بہترین ڈ شز یہاں کی کمیونٹی کو فراہم کریں گے اور کوشش کریں گے کہ معیاری ذائقہ دا ر کھانوں سے یہاں پر بسنے والے لطف اندوز ہوں-

    خاتون جج دھمکی کیس کی سماعت میں 11 بجے تک وقفہ

  • نیب نے عمران خان کو فارن فنڈنگ کیس میں کل طلب کر لیا

    نیب نے عمران خان کو فارن فنڈنگ کیس میں کل طلب کر لیا

    نیب ٹیم فارن فنڈنگ کیس میں نوٹس کی تعمیل کرانے زمان پارک پہنچ گئی۔

    فارن فنڈنگ کیس میں نیب نے عمران خان کو کل 21 مارچ طلب کر لیا نیب کی 2 رکنی ٹیم فارن فنڈنگ کیس میں نوٹس لے کر عمران خان کے گھر پہنچی ہے۔ فارن فنڈنگ کیس میں نیب راولپنڈی عمران خان کیخلاف تحقیقات کر رہا ہے ،نیب ٹیم کو عمران خان کے سیکورٹی سٹاف نے اندر جانے کی اجازت دے دی ۔ نیب کا نوٹس اویس نیازی نے وصول کیا۔ٹیم نوٹس نوٹس کی تعمیل کے بعد زمان پارک سے روانہ ہوگی

    عمران خان کے خلاف توشہ خانہ کیس میں بھی نیب کی تحقیقات جاری ہیں،نیب نے توشہ خانہ کیس میں عمران خان کو اور ان کی اہلیہ بشری بی بی کو 9 مارچ کو طلب کیا تھا، تا ہم وہ پیش نہ ہوئے، عمران خان کو نیب راولپنڈی کی جانب سے نوٹس جاری کیا گیا اور انہیں ریکارڈ بھی ساتھ لانے کی ہدایت کی گئی تھی نوٹس میں کہا گیا ہے کہ عمران خان نے اپنے دور حکومت میں ملنے والے تحائف کو خلاف قانون فروخت کیا

    قومی احتساب بیورو نے 8 نومبر 2022 کو چیئرمین پاکستان تحریک انصاف کے خلاف توشہ خانہ کیس کی تحقیقات شروع کی تھیں جس کے بعد کابینہ ڈویژن اور سرکاری توشہ خان سے عمران خان کے تحائف کا ریکارڈ حاصل کیا گیا۔ذرائع کے مطابق کابینہ ڈویژن، سرکاری توشہ خانہ کے افسران کا ابتدائی بیان بھی قلمبند کر لیا گیا ہے، ڈی جی نیب راولپنڈی توشہ خانہ کیس کی تحقیقات کی نگرانی کر رہے ہیں، واضح رہے سابق وزیر اعظم عمران خان پر توشہ خانہ کے تحائف لیتے ہوئے اشیاء کے کم ریٹ لگانے کا الزام ہے

    اس سے تو یہ ثابت ہوا کہ پلی بارگین کے بعد بھی ملزم کا اعتراف جرم تصور نہیں ہو گا،چیف جسٹس

    ، 25 کروڑ آبادی میں سے عمران خان ہی نیب ترامیم سے متاثر کیوں ہوئے؟

    ، نیب ترامیم کیس گزشتہ سال جولائی میں شروع ہوا اس کیس کو ختم ہونے میں وقت لگے گا،

  • عمران خان مارچ نہیں تو اپریل میں گرفتار ہوجائیں گے،منظور وسان

    عمران خان مارچ نہیں تو اپریل میں گرفتار ہوجائیں گے،منظور وسان

    پیپلز پارٹی کے رہنما، مشیر زراعت منظور وسان نے کہا ہے کہ جب تک زراعت میں نئی ٹیکنالوجی نہیں آئے گی، ہم کامیاب نہیں ہوسکیں گے ،

    منظور وسان کا کہنا تھا کہ کسانوں کو موسمیاتی تبدیلی سے متعلق بھی آگاہی دی جارہی ہے،سیلاب سے متاثرہ کسانوں کو بیج کی مد میں سبسڈی دے رہے ہیں ،سندھ کے ہر محکمے میں اعداد و شمار کا بحران ہے،میرے ڈپارٹمنٹ کے پاس یہ ڈیٹا نہیں تھا کہ کتنی زمین اور کتنے کسان ہیں ،ٹڈی دل کے منصوبے میں جو بھی کوتاہیاں ہوئی ہیں ان پر ایکشن لیا جائے گا،

    منظور وسان کا مزید کہنا تھا کہ میرے سارے سیاسی خواب درست ہوتے ہیں ،سیاستدانوں کے احتساب کی طرح سب کا احتساب ہونا چاہیے،پورے ملک کے انتخابات ایک ساتھ ہوں گے ،عمران خان مارچ نہیں تو اپریل میں گرفتار ہوجائیں گے ،75 سال میں جو کبھی نہیں ہوا وہ ہونے والا ہے ، عمران نے کم سے کم مسلسل دو سال جیل میں گزارے تو انہیں سیاست دان مانوں گا عمران لاڈلا پلس ہونے اور سپر ڈومیسائل کی وجہ سے نخرے دکھا رہا ہے

    شیخوپورہ سے ہمیں اسلام آباد لا کر چھوڑ دیا گیا، خاتون کی دکھ بھری کہانی

    بڑے اسکولز میں کس طرح کے بگڑے بچے پڑھتے ہیں؟

    فاٹا کے جرگوں میں لڑکیوں کے ساتھ کیا ہوتا ہے؟ 15 لاکھ میں ڈیل ڈن

    مردانہ کمزوری کی حقیقت کیا؟ہم ایسے سوالات کیوں نہیں اٹھاتے؟

    دوسری جانب پیپلز پارٹی کی رہنما، وفاقی وزیر،شیری رحمان کا کہنا ہے کہ حالیہ بارشوں کے باعث بلوچستان میں 10 افراد جاں بحق ہوئے،سندھ میں بارشوں اور ژالہ باری سے گندم کی تیار فصل کونقصان ہوا ہے، انسانی جانوں اور کھڑی فصل کو نقصانات پر دل افسردہ ہے، متاثرہ لوگوں اور کسانوں سے دلی ہمدردی ہے، ہم گزشتہ سال کی بارشوں اور سیلاب کی تباہ کاریوں سے نہیں نکلے، بلوچستان اور سندھ میں ابھی سیلاب متاثرین کی بحالی اور تعمیر نو کا سلسلہ جاری ہے،ایک طرف بارشوں سے تباہی ،دوسری طرف سیاسی تماشہ ختم ہی نہیں ہو رہا، بلوچستان اور سندھ میں بارشوں سے پیدا ہونے والے نقصانات پر توجہ دیں،

  • کراچی سے اسلام آباد جانیوالی پی آئی اے کی پرواز لاہور اترنے پر مسافروں کا احتجاج

    کراچی سے اسلام آباد جانیوالی پی آئی اے کی پرواز لاہور اترنے پر مسافروں کا احتجاج

    کراچی سے اسلام آباد آنے والی پی آئی اے کی پرواز کا رخ لاہور موڑ دیا گیا

    کپتان نے طیارے کو لاہور ائیرپورٹ پر اتار دیا لاہور لینڈنگ پر مسافروں نے احتجاج کیا اور جہاز سے اتر نے سے انکارکر دیا،مسافروں کا کہنا تھا کہ ہم نے اسلام آباد جانا تھا اور قومی ایئر لائن ہمیں لاہور لے آئی، اب ہم اسلام آباد کیسے جائیں، ہمارا وقت بھی ضائع کیا گیا، میڈیا رپورٹس کے مطابق ترجمان سی اے اے سیف اللہ کا کہنا ہے کہ سول ایوی ایشن اتھارٹی معاملے سے باخبر ہے، اعلی ٰ حکام معاملے کو دیکھ رہے ہیں،ترجمان پی آئی اے نے بھی اس بات کی تصدیق کی ہے کہ طیارے کا رخ موڑ دیا گیا،

    نوٹ، اس خبر کو اپڈیٹ کیا جا رہا ہے

  • جوڈیشل کمپلیکس میں پولیس کا مقصد تحفظ فراہم کرنا تھا،لیکن شرپسندوں نےپولیس کو تشدد کا نشانہ بنایا

    جوڈیشل کمپلیکس میں پولیس کا مقصد تحفظ فراہم کرنا تھا،لیکن شرپسندوں نےپولیس کو تشدد کا نشانہ بنایا

    اسلام آباد پولیس کا کہنا ہے کہ ہمارا مقصد تحفظ فراہم کرنا تھا لیکن شرپسند عناصر نے پولیس کو تشدد کا نشانہ بنایا اور سرکاری املاک کو نقصان پہنچایا-

    باغی ٹی وی: ایس پی اسلام آباد صدر تھانہ نوشیرواں نے سوشل میڈیا پر جاری ویڈیو پیغام میں کہا کہ گزشتہ روز انتہائی افسوسناک واقعہ ہوا اسلام آباد پولیس نے جوڈیشل کمپلیکس کے سیکیورٹی خدشات سے متعلق ایک سیکیورٹی پلان جاری کیا اس کے مطابق کوڈیشل کمپلیکس کے اردگرد ڈیوٹی لگائی گئی اس کا مقصد بس یہی تھا کہ تجفظ فراہم کیا جائے لیکن اس کے بعد ایک بہت ہی افسوسناک واقعہ پیش آیا اس میں شر پسند عناصر نے پتھراؤ جلاؤ گھیراؤ کیا پولیس کی گاڑیاں جلائیں پولیس کی چوکی کو جلایا گیا سرکاری املاک کو نقصان پہنچایا گیا اور ہمارے بے شمار جوان اس سارے عمل میں زخمی ہوئے-


    ایس پی نے کہا کہ ہمارا ڈیوٹی کامقصد صرف یہ تھاکہ تحفظ فراہم کریں لیکن جس طرح سےجوڈیشل کمپلیکس پر حملہ کیا گیا اور پتھراو کیا گیا وہ انتہائی افسوسناک ہے اور اس کے بعد پھر قانون نافذ کرنے والے ادارے اور اسلام آباد پولیس حرکت میں آئی کچھ شرپسندوں کو گرفتار کیا گیا اور دیگر شرپسندوں کی گرفتاری کیلیے آپریشن جاری ہے جن لوگوں نے قانون کو ہاتھ میں لیا ان کے خلاف قانونی کارروائی عمل میں لائی جا رہی ہے –

    انہوں نے کہا کہ کل بھی اسلام آباد پولیس اپنے شہریوں کےلیے اور اپنے شہر کی حفاظت کے لیے کھڑی تھی آج بھی کھڑے ہیں اور آگے بھی ہم اس شہر کی حفاظت کے لیے کھڑے رہیں گے اسلام آباد پولیس کے جوان اور افسران جو زخمی ہوئے آئی جی اسلام آباد ڈاکٹر اکبر ناصر خان نے ان کا حال احوال پوچھا ان کے پاس گئے اسلام آباد پولیس کا ہر افسر ہر جوان اسی طرح باہمت اور باحوصلہ ہے جیسے وہ پہلے تھا ہم آج بھی تیار ہیں کل بھی تیار ہوں گے اگر کوئی بھی شرپسند اس شہر کا امن تباہ کرنے کی کو شش کرے گا اس کے خلاف بھر پور کارروائی کی جائے گی –

    ایس پی نوشیرواں نے کہا کہ ہماری گاڑیوں اور چوکیوں کا نقصان کیا گیا اور ہمارے متعدد جوانوں اور افسران پر پتھراو کیا گیا ان پر تشدد کیا گیالیکن اس کے باوجود ہم نے قانون کا دامن ہاتھ سے نہیں چھوڑا قانون کے مطابق ہم نے کارروائی کی ہے اور باقی جو شرپسند عناصر ہیں وہ قانون کی گرفت میں جلد آ جائیں گے۔

  • پولیس کی جانب کسی نے ہاتھ بڑھایا اس کا ہاتھ توڑا جائے گا،وزیراعلیٰ پنجاب

    پولیس کی جانب کسی نے ہاتھ بڑھایا اس کا ہاتھ توڑا جائے گا،وزیراعلیٰ پنجاب

    باغی ٹی وی کی رپورٹ کے مطابق نگران وزیراعلیٰ پنجاب محسن نقوی نے کہا ہے کہ پنجاب میں ایک کروڑ 58لاکھ خاندانوں کو مفت آٹا دیا جائے گا،4 کروڑ 74 لاکھ آٹے کے تھیلے تقسیم کیے جائیں گے شہری ترتیب اور صبرسے آٹا وصول کریں

    پریس کانفرنس کرتے ہوئے نگران وزیراعلیٰ پنجاب محسن نقوی کا کہنا تھا کہ ہماری کوشش ہے ماحول خراب نہ ہو اورنہ ہی کوئی جانی نقصان ہو ،دو روز قبل کینال روڈ کو کلیئر کروایا ،میں نے کہا تھا کہ اس ایریا کو کھولیں ،پولیس کو کہہ دیا جو کرنا پڑے وہ کریں گے ،جب کینال روڈ کو کھولا تو اہلکاروں کو تشدد کا نشانہ بنایا گیا، مظاہرین نے ایلیٹ کی گاڑی کو روکا اہلکاروں پر تشدد کیا گیا، ایلیٹ کے اہلکاروں سے اسلحہ چھینا گیا اور گاڑی کو نہر میں پھینک دیا گیا،کوئی سیاسی کارکن اس طرح کی حرکت ہیں کرتا ،میں نے آئی جی کو کہا ہے کہ ان سے بات کریں ،پولیس کو کہا ہے کہ اب حکومتی رٹ قائم کریں گے ،اب پولیس کی جانب کسی نے ہاتھ بڑھایا اس کا ہاتھ توڑا جائے گا،اب جو قانون توڑے گا اس کے ساتھ کوئی رعایت نہیں دی جائے گی میں اپنے پولیس فورس کے ساتھ کھڑا ہوں ،اب اگر کسی نے کوئی حرکت کی تو اس کا بھرپور جواب دیں گے،پولیس کو ہدایات دی ہیں کہ اب جو قانونی کارروائی ہے وہ کریں سیاسی معاملات چلائیں لیکن اس طرح کی حرکتوں کی اجازت نہیں دی جائے گی،

    نگران وزیراعلیٰ پنجاب محسن نقوی نے گزشتہ ہفتے لاہور میں واقعات کی تحقیقات کے لیے جے آئی ٹی بنا نے کا اعلان کیا اور کہا کہ آج الیکشن کمیشن کو بھی خط لکھ رہے ہیں ، تفصیلات بھی بھیج رہے ہیں ،کسی کو اجازت نہیں دیں گے کہ پولیس اہلکاروں کو کھل عام دھمکیاں دیں،اگر آپ کو پولیس پر اعتماد نہیں تو سیکیورٹی واپس کردیں روز پولیس افسران کو دھمکیاں دیں اور سیکیورٹی بھی دیں یہ ممکن نہیں ہے،پی ٹی آئی سے درخواست ہے کہ اس طرح معاملات چلانا درست نہیں ،پیغامات اور آڈیوز موجود ہیں جس میں پولیس اہلکار ان سے درخواست کررہے ہیں،پولیس اہلکار انہیں کہہ رہے ہیں کہ سرچ وارنٹ ہے ہمارے ساتھ چلیں ،آج تک سرچ وارنٹ پر عملدرآمد نہیں کرایا گیاپولیس اہلکار عمران خان کے گھر کے اندر نہیں گئے ، اگر کوئی پیٹرول بم چلائے تو کیا کریں،پیٹرول بم گرانے کی ویڈیوز بھی موجود ہیں مسلسل پولیس اہلکاروں پر تشدد کیا جارہا ہے،پولیس اہلکاروں نے اگر صبر نہ کیا ہوتا تو دیکھتے،اب بس ہوگئی ،وہ کتنا صبر کریں گے،

    عدالت نے کہا کہ میں کیوں ایسا حکم جاری کروں جو سسٹم ہے اسی کے مطابق کیس فکس ہوگا،

    عمران خان نے باربار قانون کی خلاف ورزی کی جس پر انہیں جواب دینا ہوگا

    چیف جسٹس عامر فاروق نے ریمارکس دیتے ہوئے کہا کہ جو کچھ ہو رہا ہے وہ آپ کا اپنا کیا دھرا ہے

    زمان پارک سے اسلحہ ملنے کی ویڈیو

    زمان پارک، اسلحہ ملا،شرپسند عناصر تھے،آئی جی سب دکھائینگے،وزیر داخلہ

  • جلاؤ گھیراؤ کرنے والے 198 ملزمان گرفتار،ترجمان اسلام آباد پولیس

    جلاؤ گھیراؤ کرنے والے 198 ملزمان گرفتار،ترجمان اسلام آباد پولیس

    باغی ٹی وی کی رپورٹ کے مطابق عمران خان کے بھانجے حسان نیازی کو اسلام آباد پولیس نے گرفتار کر لیا

    حسان نیازی کی گرفتاری جوڈیشل کمپلیکس کے باہر سے کی گئی، وکیل نعیم حیدر کا کہنا ہے کہ حسان خان نیازی میرے ساتھ نکلے ، ہم نے بتایا ضمانت ہو گئی ہے ، تحریک انصاف کے رہنما فرح حبیب کا کہنا ہے کہ تمام مقدمات میں ضمانت کے باوجود ایس پی نوشیروان نے دہشت گردی عدالت کے باہر سے حسان نیازی کو اغوا کرلیا ہے۔ پولیس گردی کی انتہا ہوگئی ہے حسان نیازی وکیل جس کی ابھی عدالت نے ضمانت منظور کی ہے اسکو اغوا کرلیا ہے ، تحریک انصاف کے رہنما اسد عمر کا کہنا ہے کہ عدالت سے ضمانت ملنے کے بعد حسان نیازی کو گرفتار کر لیا گیا ایسی صورتحال میں آئین اب معطل ہی نظر آ رہا ہے، تحریک انصاف کے رہنما اسد قیصر کا کہنا ہے کہ ملک قانون اور آئین کے مطابق چلے گا جو جنگل کا قانون بنانے کی کوشش کرے گا اس کا حساب ہوگا،

    اسلام آباد پولیس نے عمران خان کی عدالت پیشی کے موقع پر مختلف کارروائیوں میں جلاؤ گھیراؤ کرنے والے 198 ملزمان کو گرفتارکرلیا،

    ترجمان اسلام آباد پولیس کا کہنا ہے کہ مزید گرفتاریوں کے لیے ٹیمیں چھاپے مار رہی ہیں،جلاؤ گھیراؤ میں ملوث ملزمان کی کیمروں کی مدد سے شناخت کا عمل جاری ہے،مظاہروں میں شامل شرپسندوں کے پتھراو، جلاؤ گھیراؤ سے پولیس کے 58 افسران و جوان زخمی ہوئے،جلاؤ گھیراؤ میں پولیس کی 4 گاڑیاں جل گئیں، 9 توڑ دی گئیں، 25 موٹر سائیکل جلائے گئے، پرتشدد کارروائیوں میں ملوث تمام شرپسند عناصر کو قانون کے کٹہرے میں لایا جائے گا،

    ترجمان اسلام آباد پولیس کا کہنا ہے کہ اسلام آباد کیپیٹل پولیس اور دیگر قانون نافذ کرنیوالے اداروں کے خلاف سوشل میڈیا پر منظم پراپیگنڈہ مہم چلائی جارہی ہے۔اسلام آباد پولیس نے کسی 10 سال کے کم عمر بچے کو گرفتار نہیں کیا۔ پولیس افسران کو ان کے قانونی فرائض سے روکنے کے لئے نفرت انگیز پراپیگنڈہ کیا جارہا ہے پولیس اپنے فرائض منصبی قانون کے دائرے میں رہ کر انجام دے رہی ہے۔ قانون سب کے لیے برابر ہے۔ والدین اپنے کم عمر بچوں کو ممکنہ ہجوم سے دور رکھیں۔

    تحریک انصاف کے کارکنان نے عمران خان کی عدالت پیشی کے موقع پر ہنگامہ آرائی کی تھی جس پر پولیس نے گزشتہ رات سے ایکشن لیا اور پی ٹی آئی کارکنان کے گھروں پر چھاپے مارے،

    دوسری جانب تحریک انصاف کے رہنما اسد عمر نے لاہور میں درج مقدمے میں گرفتاری سے بچنے کیلئے حفاظتی ضمانت کیلئے اسلام آباد ہائیکورٹ سے رجوع کرلیا، اسد عمر کی جانب سے درخواست دائر کی گئی ہے جس میں موقف اختیار کیا گیا ہے کہ لاہورمیں پیشی کیلئے حفاظتی ضمانت منظور کی جائے درخواست میں استدعا کی گئی ہے کہ اسلام آباد میں درج مقدمات کی تفصیلات فراہمی کا حکم دیا جائے

    عمران خان کہتے تھےعدالت جاؤں گا تو قتل ہوجاؤں گا اب کل پیش ہوئے تو کیا قتل ہوگئے؟ مریم اورنگزیب
    ایکواڈوراورپیرو میں زلزلہ،15 افراد ہلاک اور 125 سے زائد زخمی،بلوچستان میں بھی زلزلے کے جھٹکے
    جوڈیشل کمپلیکس سانحہ: امجد نیازی سمیت تمام ملزمان کو جوڈیشل ریمانڈ پر اڈیالہ جیل بھیجنےکا حکم
    ٹیم غازی نے نیشنل برج فیڈریشن آف ایشیاء اینڈ مڈل ایسٹ چیمپئن شپ میں کوالیفائی کرلیا