Baaghi TV

Tag: تازہ ترین

  • سینیٹ آف پاکستان کے قیام کی گولڈن جوبلی،اجلاس میں اہم فیصلے

    چیئرمین سینیٹ محمد صادق سنجرانی نے سینیٹ گولڈن جوبلی تقریبات کے حوالے سے ایوان بالا ء میں پارلیمانی رہنماؤں پر مشتمل ایک اہم کمیٹی کے اجلاس کی صدارت کی ہے۔

    اس اہم کمیٹی اجلاس میں ڈپٹی چیئرمین سینیٹ سینیٹر مرزا محمد آفریدی، قائد ایوان سینیٹ سینیٹر اسحاق ڈار، قائد حزب اختلاف سینیٹر ڈاکٹر شہزاد وسیم، سینیٹرز سلیم مانڈوی والا، اعظم نذیر تارڑ، انوار الحق کاکڑ، مشتاق احمد، سردار محمد شفیق ترین، حاجی ہدایت اللہ، مولانا عبدالغفور حیدری، دلاور خان اور سیکرٹری سینیٹ محمد قاسم صمد خان نے شرکت کی۔

    چیئرمین سینیٹ محمد صادق سنجرانی نے سینیٹ آف پاکستان کے قیام کی گولڈن جوبلی منانے کے حوالے سے منعقد ہونے والی خصوصی تقریبات کے بارے میں پارلیمانی رہنماؤں سے تفصیلی مشاورت کی۔ چیئرمین سینیٹ نے آگاہ کیا کہ ایوان بالاء کا 50سالہ سفر جمہوری اقدار کو فروغ دینے، وفاقی اکائیوں کے حقوق اور بھر پور نمائندگی کو یقینی بنانے کیلئے کردار تاریخی اور قابل تحسین ہے۔ انہوں نے اجلاس میں تجویز دی کہ سینیٹ کی گولڈن جوبلی تقریبات جو کہ ملک بھر میں بھر پور جوش و جذبے کے ساتھ منانے کا فیصلہ کیا تھا کو ملک کے معاشی حالات کو ملحوظ خاطر رکھتے ہوئے محدود کیا جائے تا کہ اُن تقریبات کے انعقاد پر آنے والے اخراجات کو حتیٰ لامکان کم سے کم کیا جائے۔ اجلاس میں شریک پارلیمانی رہنماؤں نے چیئرمین سینیٹ محمد صادق سنجرانی کی تجویز کو سراہتے ہوئے اتفاق کیا کہ صوبائی سطح پر منعقد ہونے والی تقریبات کی بجائے صرف وفاقی دارلحکومت میں مختصر اور پُر وقار تقریب کا انعقاد کیاجائے۔ اس سلسلے میں 15 سے 17مارچ 2023 تک ایوان بالا کا خصوصی اجلاس پارلیمنٹ ہاؤس اسلام آباد میں طلب کیا جائے گا۔ جس میں تمام اراکین سینیٹ کو اپنے اظہار خیال پیش کرنے کا بھر پور موقع دیا جائے۔ گولڈن جوبلی تقریبات میں سابق اراکین سینیٹ سمیت غیر ملکی مہمانوں کو بھی مدعو کیا جائے گا۔

    عمران ریاض کو واقعی خطرہ ہے ؟ عارف علوی شہباز شریف پر بم گرانے والے ہیں

    ویڈیو آ نہیں رہی، ویڈیو آ چکی ہے،کپتان کا حجرہ، مرشد کی خوشگوار گھڑیاں

    عمران خان کی محبت بھری شاموں کا احوال، سب پھڑے جان گے، گالی بریگیڈ پریشان

    عمران خان پرلاٹھیوں کی برسات، حالت پتلی، لیک ویڈیو، خواجہ سرا کے ساتھ

    محمد صادق سنجرانی نے کہا کہ ایوان بالاء کی گولڈن جوبلی تقریبات کے انعقاد کا مقصد ایوان بالاء کی تاریخی اور مثالی اہمیت کو اجاگر کرنا ہے۔ اس جمہوری سفر میں جمہوری پارلیمانی نظام اور قانون کی حکمرانی کے فروغ دینے کے ایوان بالاء کے نصف صدی پر محیط کردار کو احسن طریقے سے اجاگر کرنا ہے۔ اس سلسلے میں ہر ممکن اقدام اٹھایا جائے گاکہ تقریبات پر اخراجات کم سے کم صرَف ہوں۔ انہوں نے کہا کہ جہاں معاشی سطح پر مسائل ہیں وہاں سیلاب متاثرین کی بحالی کاکام بھی جاری ہے اور اس ضمن میں بہتر ہوگا کہ کفایت شعاری پر عمل کرتے ہوئے اخراجات کو کم کیاجائے۔ چیئرمین سینیٹ نے تجویز پر اتفاق کے سلسلے میں تمام پارلیمانی رہنماؤں کاشکریہ بھی اد ا کیا۔

  • آصف زرداری شوق سے ہتک عزت کا دعویٰ کریں،عمران خان

    آصف زرداری شوق سے ہتک عزت کا دعویٰ کریں،عمران خان

    چیئرمین پی ٹی آئی عمران خا ن سے زمان پارک میں صحافیوں کی ملاقات ہوئی ہے

    ملاقات کے موقع پر عمران خان کا کہنا تھا کہ آصف زرداری سے متعلق دیے گئے بیان پر قائم ہوں،آصف زرداری شوق سے ہتک عزت کا دعویٰ کریں، اسمبلیاں تحلیل کرنا میری بہترین حکمت عملی تھی اسمبلیاں تحلیل ہوتے ہی حکومت بند گلی میں آ چکی ہے اسمبلیاں تحلیل نہ کرتے تو عام انتخابات نہیں ہونے تھے،90 روز میں انتخابات نہ کرائے گئے تو آئین شکنی ہو گی، ابھی میرا ایک اور میڈیکل چیک اپ ہونا ہے، صحتیاب ہو کر انتخابی مہم کا آغاز کروں گا،

    ہم نے افغانستان کیلئے جنگ لڑی 30سال پہلے قبائلی علاقوں پر ایک کتاب لکھی، پروپیگنڈے کے ذریعے کسی کی جنگ کو اپنی جنگ بنایا گیا، یہ جنگ ہماری نہیں تھی، ہم نےاس کیلئے ڈالرز لیے، امریکا افغانستان میں گیا تو سب کو پتہ تھا اس کا ردعمل آئے گا، قبائلی علاقہ پاکستان کے دیگر علاقوں کے مقابلے میں بہت پرامن تھا، قبائلی علاقے میں فوج بھیجنا بہت بڑی غلطی تھی،میری جماعت اور ایم ایم اے نے امریکی مداخلت کی بہت مخالفت کی تھی،2002میں پشتونوں نے ایم ایم اے کو ووٹ دیا اور بتا دیا کہ وہ امریکا کیخلاف ہیں، 2001میں امریکا افغانستان میں گیا تو سب کو پتہ تھا اس کا ردعمل آئے گا، ہم امریکا کی جنگ میں پڑتے گئے تو ردعمل آتا گیا،میں نے پہلی بار ٹی ٹی پی کا نام سنا، مجھے طالبان خان کہا گیا، اس کے بعد ڈرون حملے شروع ہوئے جو آہستہ آہستہ بڑھتے گئے، قبائلی علاقے میں ڈرون حملوں میں بے گناہ لوگ مارے جاتے تھے،ہماری حکومت نے خیبرپختونخوا پولیس کو اپنے پیروں پر کھڑا کیا، ہماری حکومت آئی تو افغان طالبان کے ساتھ بات چیت میں معاونت کی، ہمارا مؤقف تھا افغانستان میں امن ہو گا تو پاکستان میں امن ہو گا،اشرف غنی صدر تھے تو میں خود بھی کابل گیا تھا،حکومت اور اسٹیبلشمنٹ کے ایک پیج پر ہونے سے بہت فائدہ ہوا،

    واضح رہے کہ عمران خان نے گزشتہ دنوں ایک بیان میں آصف زرداری پر کڑی تنقید کی تھی اور الزام بھی لگایا تھا کہ آصف زرداری نے مجھے مروانے کے لئے دہشت گرد تنظیموں کو پیسے دیئے، عمران خان کے الزام پر پیپلز پارٹی کی جانب سے شدید ردعمل سامنے آیا تھا، پیپلز پارٹی نے عمران خان کے خلاف عدالت جانے کا اعلان کیا تھا

    عمران خان کے بیان کے بعد آصف زرداری نے عمران خان کو لیگل نوٹس بھی بھجوا رکھا ہے، آصف زرداری کی جانب سے عمران خان کو بھجوائے گئے لیگل نوٹس میں کہا گیا ہے کہ لیگل نوٹس ملنے کے 14 روز میں غیر مشروط معافی مانگیں معافی نہ مانگی تو قانونی کارروائی کا حق رکھتا ہوں،معافی نہ مانگی تو 10 ارب روپے ہرجانے کا کیس کروں گا،عمران خان کے الزامات سے آصف زرداری کی ساکھ متاثر ہوئی عمران خان نے اپنے بیان میں بے بنیاد الزامات لگائے، آصف زرداری پاکستان کے صدر رہ چکے ہیں ،نوٹس قتل کی منصوبہ بندی کرنے کے الزام کو سامنے رکھتے ہوئے بھیجا جارہا ہے،نپیپلز پارٹی کو ہر دور میں دہشتگردی کا سامنا رہا ہے،بے نظیر بھٹو بھی دہشت گردی کے حملے میں شہید ہوئیں

     عمران خان کے بیان پر پیپلز پارٹی کے چیئرمین، وزیر خارجہ بلاول بھٹو کا ردعمل 

     عمران خان کی طرف سے الزام تراشییوں کا سلسلہ پرانا نہیں عمران یو ٹرن لینے کی بجائے قلابازیاں کھا رہا ہے

    مریم نواز نکلیں گی، ہم ہر صورت یہ کام کریں گے، مریم اورنگزیب کا چیلنج

    بطور جانشین مشن کو آگے بڑھانے کا ذمہ دار ہوں،بلاول

    آصفہ بھٹو مریم نواز پر پہلے روز ہی بازی لے گئی

  • بلڈ شوگر کاعلاج کچن میں موجود عام سی سبزی سے ممکن

    بلڈ شوگر کاعلاج کچن میں موجود عام سی سبزی سے ممکن

    ماہرین کے مطابق ذیابیطس ٹائپ ٹو یا بلڈ شوگر کاعلاج پیاز سےممکن ہے پیاز خون میں شوگر کو 50 فیصد تک کم کر سکتی ہے۔

    باغی ٹی وی :ماہرین نے انکشاف کیا ہے کہ پیاز کا عرق، اینٹی ذیابیطس دوا میٹفارمین کے ساتھ ملا کر دینے سے ہائی بلڈ شوگر اور مجموعی کولیسٹرول کی سطح کوتیزی سے کم کر سکتا ہے۔

    غذا جو بڑھتی عمر کیساتھ دل و دماغ کی حفاظت کرتی ہے

    محققین نے چوہوں پر اس نظریے کا تجربہ کیا طبی طورپرذیابیطس کے شکار چوہوں کے تین گروپوں کو پیاز کے عرق کی مختلف خوراکیں دی گئیں خوراک 200، 400 اور 600 ملی گرام فی کلوگرام جسمانی وزن تھی-

    جن چوہوں کو 400 ملی گرام اور 600 ملی گرام فی کلوگرام جسمانی وزن خوراک دی گئی، ان کے خون میں شوگر کی سطح بنیادی سطح کے مقابلے میں بالترتیب 50 فیصد اور 35 فیصد تک تیزی سے کم ہو جاتی ہے۔

    پیاز کے عرق نے ذیابیطس کے چوہوں میں کولیسٹرول کی کل سطح کو بھی کم کردیا 400 ملی گرام اور 600 ملی گرام کے سب سے زیادہ اثرات مرتب ہوئے۔

    ماہرین کا کہنا ہے کہ تجربات سے ثابت ہوتا ہے کہ پیاز کا استعمال خون میں شوگر کی مقدارکو کنٹرول کر سکتا ہے تاہم اس کے استعمال کے طریقہ کار اور مقدار سے متعلق کوئی جواب موجود نہیں ۔ اس معاملے پر مزید تحقیق کرنے کی ضرورت ہے۔

    رات دیر تک جاگنا ٹائپ 2 ذیا بیطس کے خطرات بڑھا دیتا ہے، تحقیق

    واضح رہے کہ ذیابیطس ٹائپ ٹو میں مریض کے خون میں چینی کی مقدار بہت زیادہ ہو جاتی ہے جسے بلڈ شوگر کا نام بھی دیا جاتا ہے۔ ٹائپ ٹو ذیابیطس کے شکار افراد بلڈ شوگر کو ریگولیٹ کرنے کے لیے اپنے لبلبے سے مناسب انسولین نہیں پیدا کرسکتے،جس کا مطلب ہے کہ ان کا بلڈ شوگر خطرناک حد تک بڑھ سکتا ہے۔

    پاکستان میں ذیابیطس کےمریضوں کی تعداد تقریباً 3 کروڑ 30 لاکھ سےزائد ہےجن میں سےلاکھوں مریض روزانہ ادویات لینے اور انسولین لگانے پر مجبور ہیں۔ پاکستان میں جس رفتار سےذیابیطس کا مرض پھیل رہا ہے اس سے خدشہ یہ ہے کہ 2045 تک پاکستان میں اس مرض میں مبتلا افراد کی تعداد 6 کروڑ 20 لاکھ تک پہنچ جائے گی۔

    روزانہ دودھ کا ایک گلاس پینا اوردہی کھانا ٹائپ 2 ذیا بیطس کیلئے مفید ہے،تحقیق

  • 50 ہزار سال بعد پہلی بار زمین کے قریب سے گزرنے والا سبز دم دار ستارہ آج آسمان پر دیکھ سکتے ہیں

    50 ہزار سال بعد پہلی بار زمین کے قریب سے گزرنے والا سبز دم دار ستارہ آج آسمان پر دیکھ سکتے ہیں

    آج رات آسمان پر سبز دم دار ستارہ 50 ہزار سال بعد پہلی بار زمین کے قریب سے گزرنے والا ہے-

    باغی ٹی وی:سی 2002 ای 3 (ZTF) نامی اس دم دار ستارے کو آج دیکھ سکیں گے یہ دم دار ستارہ زمین کے شمالی نصف کرے کے اوپر 2 کروڑ 60 لاکھ سے 2 کروڑ 70 لاکھ میل کے فاصلے سے گزرے گا،اتنے قریب ہونے کے باوجود یہ دم دار ستارہ زمین سے چاند کے مقابلے میں 100 گنا سے زیادہ دور ہوگا۔

    سبز دم دار ستارہ زمین کے قریب سے 50 ہزار سال بعد دوبارہ گزرے گا

    زمین کے کچھ مقامات (جہاں روشنی کی آلودگی نہ ہو اور آسمان مکمل تاریک ہو) پر اس کا نظارہ آنکھوں سے بھی کرنا ممکن ہوگا اور قطبی ستارے کے قریب اس کی مدھم سبز جگمگاہٹ نظر آئے گی یہ دم دار ستارہ دور بین اور ٹیلی اسکوپ پر زیادہ واضح نظر آئے گا۔

    ویسے دوربین یا ٹیلی اسکوپ سے اسے زیادہ آسانی سے دیکھنا ممکن ہے جبکہ آن لائن بھی ورچوئل ٹیلی اسکوپ پراجیکٹ کے یوٹیوب چینل پر اسے دیکھا جاسکتا ہے مگر اسے دیکھنے کا وقت زیادہ طویل نہیں، فروری کے وسط میں یہ مدھم ہونا شروع ہوجائے گا اور پھر دوبارہ واپسی کے سفر پر روانہ ہوجائے گا۔

    2 فروری کے بعد یہ ایک بار پھر زمین سے دور ہونے لگے گا اور پھر اس کی واپسی ایک تخمینے کے مطابق لاکھوں سال سے قبل ممکن نہیں ہوگی 10 فروری کو یہ مریخ کے قریب ہوگا۔

    زمین جیسا سیارہ دریافت

    اس دم دار ستارے کو مارچ 2022 میں امریکا کے کیلیفورنیا انسٹیٹیوٹ آف ٹیکنالوجی کے ماہرین نے دریافت کیا تھا، اس وقت وہ سورج سے 37 کروڑ 70 لاکھ میل کی دوری پر موجود تھا۔

    ماہرین کے تخمینے کے مطابق یہ دم دار ستارہ ہمارے سورج کے مدار میں ہر 50 ہزار سال بعد داخل ہوتا ہے، یعنی یہ آخری بار زمین کے قریب سے اس وقت گزرا تھا جب ہمارے سیارے میں پتھر کا عہد چل رہا تھا۔

    دم دار ستارے گرد اور برف کی ایسی گیندوں کو کہا جاتا ہے جو سورج کے بڑے بیضوی مداروں کے گرد گھومتی رہتی ہیں جب دم دار ستارے سورج کے قریب آتے ہیں تو ان کے جسم گرم ہوجاتے ہیں جبکہ برفانی سطح گیس میں تبدیل ہوجاتی ہے اور گرد پھیل جاتی ہے ان سب عناصر سے بادل سا بنتا ہے جس کے پیچھے گرد کی دم ہوتی ہے۔

    C/2022 E3 کی تصاویر پہلے ہی سامنے آچکی ہیں جس میں اس کے اردگرد سبز جگمگاہٹ نظر آئی ہے اور خیال کیا جارہا ہے کہ اس رنگت کی وجہ diatomic کاربن نامی مالیکیول ہے یہ مالیکیول شمسی ریڈی ایشن کی الٹرا وائلٹ شعاعوں میں سبز روشنی خارج کرتا ہے۔

    جیمز ویب ٹیلی سکوپ نے کائنات کے ابتدائی دور میں بنتے ستاروں کی تصویر جاری کردی

  • چاکلیٹس کے زیورات پہننے اور بالوں میں چاکلیٹس سجانے والی دلہن کی ویڈٰیو وائرل

    چاکلیٹس کے زیورات پہننے اور بالوں میں چاکلیٹس سجانے والی دلہن کی ویڈٰیو وائرل

    ممبئی: بھارتی دلہن کی ویڈیو سوشل میڈیا پر وائرل ہورہی ہے جس میں ان کے بالوں پرمختلف چاکلیٹس دیکھی جا سکتی ہیں۔

    باغی ٹی وی : خاتون اور خود میک اپ آرٹسٹ کے بارے میں زیادہ معلومات نہیں مل سکی ہیں البتہ انسٹاگرام پر سب سے پہلے یہ ویڈیو _chitras_makeup_artist_28 نے شیئر کی ہے،بھارت کی اس دلہن کا دلچسپ انداز پوری دنیا میں مشہور ہو رہا ہے-

    اس کے بال چترا نامی میک اپ آرٹسٹ نے بنائے ہیں اور ان میں ٹافیاں اور چاکلیٹ کو بہت مہارت سے لگایا گیا ہے کہ وہ آرائش کی طرح دکھائی دیتی ہیں۔ اس خاتون نے جھومر، جھمکے اور گلے کا ہار بھی چاکلیٹ اور ٹافیوں سے بنا ہوا پہنا ہے جبکہ دلہن کا لباس پیلا ہے۔

    انسٹاگرام پر مشہور ہونے کے بعد اب تک 67 لاکھ لوگ یہ ویڈیو دیکھ چکے ہیں اور3لاکھ سے زائد افراد نے اسے پسند کیا ہےاس کے نیچے لوگوں نے اپنے اپنے انداز میں ردِ عمل دیا ہے۔ ایک صارف نے لکھا کہ ’بچوں سے بچ کر‘ جبکہ ایک خاتو نےکہا کہ بچپن میں ہم بالوں کو پھولوں سے بھرتے تھے لیکن چاکلیٹ یا ٹافی کا کبھی نہیں سوچا۔

    کچھ افراد نے اس عمل پر تنقید بھی کی ہے جس کے جواب میں ایک انسٹاگرام صارف نے لکھا ہے کہ ’یہ کسی کی ذہانت اور تخلیقی صلاحیت ہے جسے تنقید کی بجائے سراہا جانا چاہیے-

  • جب میرے پاس کوئی عہدہ نہیں تھا تب بھی عوام میری طاقت تھی،مریم نواز

    جب میرے پاس کوئی عہدہ نہیں تھا تب بھی عوام میری طاقت تھی،مریم نواز

    باغی ٹی وی کی رپورٹ کے مطابق مسلم لیگ ن کی رہنما مریم نواز نے کہا ہے کہ بہاولپور کے شیروں کو سلام پیش کرتی ہوں نوازشریف نے لند ن سے آپ کیلئے سلام بھیجا ہے،

    بہاولپور میں تقریب سے خطاب کرتے ہوئے مریم نواز کا کہنا تھا کہ ہمارے مخالفین سمجھتے تھے کہ ن لیگ دب گئی ہے، اب مسلم لیگ ن کی باری ہے نواز شریف نے کہا کہ تنظیم کا آغاز بہاولپور سے ہوگا،مسلم لیگ ن کے نوجوانوں کے ونگ کو اور مضبوط کریں گے،مسلم لیگ ن نہ تو کبھی کمزور ہوئی اور نہ ہی دبی ہے،برے وقت میں جس طرح عوام نے نواز شریف کا ساتھ دیا میں سلام پیش کرتی ہوں پشاور دھماکے میں قیمتی جانوں کاضیاع ہوا،ملک میں ہونے والی مہنگائی کا احساس ہے، انہوں نے 4 سال میں ملک کو تباہ کردیا،انہوں نے 12سال اقتدار میں رہنے کا پلان بنایا ہوا تھا،پی ٹی آئی حکومت نے ملکی معیشت کو تباہ کردیا،عمران خان نے ملک کو آئی ایم ایف کے پاس گروی رکھ دیا،جب میرے پاس کوئی عہدہ نہیں تھا تب بھی عوام میری طاقت تھی، نوازشریف اور شہبازشریف نے ملک کو سری لنکا بننے سے بچایا ہے،

    مریم نواز کا مزید کہنا تھا کہ 5لوگوں کاٹولہ ملکرملک کو لوٹ رہا تھا،اگر5 کاٹولہ بیٹھا رہتا تو سوچیں ملک کا کیا حال ہوتا، میرے عہدوں کی بات ہوتی ہے میں عہدوں کی محتاج نہیں،جب ن لیگ آئی ایم ایف پروگرام میں گئی تو پیٹرول مہنگا نہیں کیا تھا،نوازشریف کے دور میں روٹی 2روپےاورچینی 50روپے کلو بکتی تھی،ن لیگ کی حکومت نے آئی ایم ایف کاپروگرام مکمل کیا،پھر کون تھا جس نے آئی ایم ایف پروگرام کو واپس لایا،

    ‏عمران خان دی بندہ کی عزت کرسکدا اے….فواد چودھری کی آڈیو لیک

    پرویز الہی کی مبینہ آڈیو لیک جس میں وہ تحریک انصاف کے رہنما فواد چودھری کو گندی گالیاں دے رہے ہیں

    علی امین گنڈاپور اور امتیاز نامی شخص کے مابین آڈیو لیک

    عمران خان کی جاسوسی، آلات برآمد،کس کا کارنامہ؟

    آڈیو لیکس، عمران خان گھبرا گئے،زمان پارک میں جاسوسی آلات نصب ہونے کا ڈر، خصوصی سرچ آپریشن

    مریم نواز سے قائم مقام برطانوی ہائی کمشنر زوئی وئیر کی ملاقات

  • ویڈیو: ہمیں تحفظ فراہم کیا جائے،خیبر پختونخوا میں پولیس اہلکار سڑکوں پر نکل آئے

    ویڈیو: ہمیں تحفظ فراہم کیا جائے،خیبر پختونخوا میں پولیس اہلکار سڑکوں پر نکل آئے

    باغی ٹی وی کی رپورٹ کے مطابق خیبر پختونخواہ کے صوبائی دارالحکومت پشاور میں پولیس لائنز کی مسجد میں ہونیوالے دھماکے میں ایک سو اموت ہوئی ہیں، مرنیوالے میں زیادہ تر پولیس اہلکار تھے، جنکی نماز جنازہ سرکاری اعزاز کے ساتھ ادا کی گئی

    پولیس لائن میں ہونیوالے حملے پر بہت سارے سوالات اٹھائے جا رہے ہیں،کہ ایک ایسا علاقہ جہاں سرکاری دفاتر ہیں اور ریڈ زون ہے وہاں تک حملہ آور کیسے پہنچا؟ پولیس حکام نے سیکورٹی کی کوتاہی تسلیم کی ہے اور کہا ہے کہ اسکی تحقیقات ہوں گی کہ حملہ آور کیسے پہنچا، یہ سیکورٹی کی ناکامی ہی ہے کہ حملہ آور اپنے ہدف تک پہنچنے میں کامیاب ہوا

    پشاور میں پولیس لائن مسجد پر حملے کے بعد ہر پاکستانی غم اور سوگ میں مبتلا ہے، حکومت نے اسے قومی سانحہ قرار دیا ہے، حکومت و اپوزیشن رہنماؤں نے واقعہ کی مذمت کی ہے، اور دہشت گردوں کیخلاف کاروائی کا مطالبہ کیا ہے اب وہیں، پولیس اہلکار اس حملے کے خلاف سڑکوں پر آ گئے ہیں، مردان پولیس کے اہلکار پشاور پولیس لائن سانحے کے خلاف سڑکوں پر نکل آئے اور پولیس اہلکاروں نے پریس کلب کے سامنے احتجاج کیا، پولیس اہلکاروں نے سبز ہلالی پرچم اٹھا رکھا تھا اور مظاہرے میں شریک پولیس اہلکاروں نے پلے کارڈز اٹھا رکھے تھے جس پر ان کے حق میں مطالبات درج تھے، پولیس اہلکاروں کا کہنا تھا کہ جب تک پولیس محفوظ نہیں عوام کیسے محفوظ ہونگے ، پولیس کو تحفظ فراہم کیا جائے ، سانحہ پشاور کی شفاف انکوائری کی جائے ،مظاہرین یہ بھی نعرے لگاتے رہے کہ یہ جو نامعلوم ہے یہ کب تک نامعلوم رہینگے ،

    سیکیورٹی کے باوجود خود کش حملہ آور کیسے مسجد پہنچا انکوائری ہو گی،وزیر داخلہ

    پشاور دھماکہ / شہداء فہرست

    امریکہ، ایران، ترکی، سمیت دیگر ممالک نے بھی مذمت کی

    ہوسکتا ہے کہ حملہ آور پہلے سے ہی پولیس لائنز میں موجود ہو 

    نیشنل ایکشن پلین پر سختی سے عمل کرنے کی ضرورت ہے،

    ہ پشاور کا سانحہ دہشت گردوں کی مزاحمت کا تقاضا کر رہا ہے،

  • امریکا کا یوکرین کوطویل فاصلے تک مار کرنے والے میزائل بھیجنے کا فیصلہ

    امریکا کا یوکرین کوطویل فاصلے تک مار کرنے والے میزائل بھیجنے کا فیصلہ

    امریکا نے پہلی بار یوکرین کو طویل فاصلے تک مار کرنے والے میزائل بھیجنے کا فیصلہ کیا ہے-

    باغی ٹی وی : عالمی خبر رساں ادارے روئٹرز نے اپنی رپورٹ میں بتایا کہ امریکا پہلی بار یوکرین کو طویل فاصلے تک مار کرنے والے میزائل بھیجنے کا ارادہ رکھتا ہے –

    امریکہ یوکرین کو ایف سولہ لڑاکا طیارے فراہم نہیں کرے گا،جوبائیڈن

    اخبار نے دو باخبر امریکی حکام کے حوالے سے بتایا کہ امریکا یوکرین کے لیے 2.2 ارب ڈالر کا فوجی امدادی پیکج تیار کر رہا ہے توقع ہے کہ کیف کو امریکی فوجی امداد میں پہلی بار گولہ بارود اور دیگر ہتھیاروں کے علاوہ طویل فاصلے تک مار کرنے والے میزائل بھی شامل ہوں گے۔

    یہ پیشرفت ایک ایسے وقت میں سامنے آئی ہے جب روسی صدر ولادیمیر پیوٹن نے کہا ہےکہ ان کی حکومت منسک کے ساتھ بیلاروس کے ساتھ مشترکہ فوجی تربیتی مراکز قائم کرنے کے لیے مذاکرات کرے گی۔

    دوسری جانب یوکرین کے وزیر اعظم ڈینس شمیگل نے اگلے جمعے کو یوکرین اور یورپی یونین کے درمیان ایک سربراہی اجلاس کیف میں منعقد ہونے کا اعلان کیا ہے۔

    یوکرین کے صدر ولادیمیر زیلنسکی مغرب سے طویل فاصلے تک مار کرنے والے میزائلوں اور لڑاکا طیاروں سمیت مزید فوجی امداد کے لیے زور دے رہے ہیں-

    یوکرین کے خلاف جنگ میں روس کی مدد،امریکا نے ایران پر مزید پابندیاں عائد کر دیں

    امریکی صدر جو بائیڈن نے کل منگل کو کہا تھا کہ وہ اپنے یوکرینی ہم منصب ولادیمیر زیلنسکی سے کیف سے روس کا مقابلہ کرنے کے لیے جدید ہتھیاروں کی درخواستوں پر بات کریں گے جوبائیڈن کا کہنا تھا کہ امریکا یوکرین کو’ایف سولہ‘ جنگی طیارے نہیں دے گا۔

    یوکرین کے وزیر خارجہ دیمیٹرو کولیبا نے تصدیق کی کہ یوکرین کو مغربی ساختہ "120 سے 140” بھاری ٹینک بھیجے جائیں گے۔ توقع ہے کہ یہ ٹینک چند روز میں انہیں مل جائیں گے۔

    کولیبا نے’فیس بک‘ پر ایک ویڈیو کلپ میں کہا کہ عطیات کی پہلی کھیپ میں یوکرین کی افواج کو 120 سے 140 کے درمیان جدید مغربی ٹینک ملیں گے”۔ ان ٹینکوں میں جرمن "لیپرڈ 2″، برٹش چیلنجر 2، اور امریکی ابرامس شامل ہیں۔

    حال ہی میں جرمنی اور امریکا کی جانب سے مشکل بات چیت کے بعد کیف کو بھاری ٹینک فراہم کرنے کے اعلان کے بعد مغربی ممالک یوکرین کو فوجی امداد کے معاملے میں ایک نئی بحث کررہے ہیں۔

    ناسا نےزمین سے 1450 نوری سال کےفاصلے پرموجود ویری ایبل ستاروں کی تصویر جاری کر دی

  • فیکٹ چیک؛ مولانا طارق جمیل کے پرانے بیان کو موجودہ ظاہر کرکے وائرل کردیا گیا

    فیکٹ چیک؛ مولانا طارق جمیل کے پرانے بیان کو موجودہ ظاہر کرکے وائرل کردیا گیا

    فیکٹ چیک؛ مولانا طارق جمیل کے پرانے بیان کو موجودہ ظاہر کرکے وائرل کردیا گیا

    سوشل میڈیا پر ایک ویڈیو وائرل ہے جس میں مولانا طارق جمیل فرما رہے ہیں کہ بم دھماکوں سے میرے ملک کو کچھ نہیں ہوتا بلکہ وہ اس سے زیادہ ترقی کرے گا، انہوں نے مزید کہا کہ جو لوگ ان دھماکوں میں شہید ہوتے ہیں وہ تو سیدھا جنت جاتے ہیں لیکن جو لوگ ایسا کررہے ہیں وہ اس جہاں نہیں تو اگلے جہاں پکڑ میں آئیں گے.

    لیکن جب اس ویڈیو بیان کے حوالے سے باغی ٹی وی کے نیوز ایڈیٹر ملک رمضان اسراء نے فیکٹ چیکنگ کی تو معلوم ہوا کہ پوری بات کو ایک غلط انداز میں پیش کیا جارہا ہے تا کہ ایسے وقت میں اس ویڈیو بیان کو ایڈیٹ کرکے پیش کرکے وائرل کیا جائے جب پشاور میں بم دھماکہ سے ایک سو سے زائد لوگ شہید ہو گئے ہیں.


    امریکا جانے والا ایک شخص لاپتہ ہوگیا
    شیخ رشید کی رہائش گاہ لال حویلی کو سیل کردیا گیا
    بجلی بریک ڈاؤن پر نئی رپورٹ نے حکومتی بیانات کا بھانڈا پھوڑ دیا
    ہماری طرف آئیں ہم اچھے میزبان ہیں آپ کو دکھائیں گےکہ ہم کیسے نظر آتے ہیں،عدنان صدیقی کا بھارتی فلم ’مشن مجنوں‘ پر ردعمل
    عدالت نے مونس الہٰی کی اہلیہ کے وکیل کو جواب جمع کروانے کیلئے وقت دے دی


    اس ویڈیو پر ایک صارف نے تبصرہ کرتے ہوئے لکھا کہ؛ "کہیں ایسا نہ ہو میں جذبات میں کچھ زیادہ کہہ جاؤں ۔ گو کہ میری بات حقیقت پر مبنی ہوگی لیکن بہت سوں کے مزاج پر گراں گزرے گی۔”لیکن حقیقت یہ ہے یہ ویڈیو بیان پرانا ہے جسے اب صرف مولانا طارق جمیل کے خلاف ایک منفی پروپیگنڈہ پھیلانے کے لیئے سوشل میڈیا پر وائرل کیا جارہا ہے. حالانکہ اس بیان میں مولانا نے جو بات کی تھی اس کا تناظر کچھ اور تھا جسے اب غلط رنگ دے کر پیش کیا جارہا ہے. خیال رہے کہ حالیہ دنوں بھی ایک جھوٹ پھیلا گیا تھا کہ ان کے بینک اکاؤنٹس بند ہوئے تاہم مولانا طارق جمیل کے صاحبزادے یوسف جمیل نے وضاحت کی تھی کہ والد کے اکاؤنٹس سیل ہونے اور اربوں روپے اکاؤنٹس میں ہونے سے متعلق چلنے والی خبریں جھوٹی ہیں ۔

  • مریم نواز کی جمہوریت اور پارٹی کیلئے قربانیاں ہیں،رانا ثناء اللہ

    مریم نواز کی جمہوریت اور پارٹی کیلئے قربانیاں ہیں،رانا ثناء اللہ

    باغی ٹی وی کی رپورٹ کے مطابق مسلم لیگ ن کے رہنما، وفاقی وزیر داخلہ رانا ثناء اللہ نے کہا ہے کہ مریم نوازکو بہاولپور میں خوش آمدید کرتا ہوں تنظیمی اجلاس جلسے کی صورت اختیارکرگیا ہے،عوام کا اتنی زیادہ تعداد میں آنا ن لیگ کی مقبولیت کا بتاتا ہے،مریم نواز نے پنجاب سے پارٹی تنظیمی دورے کا آغازبہاولپورسے کردیا

    تقریب سے خطاب کرتے ہوئے وفاقی وزیر داخلہ رانا ثناء اللہ کا کہنا تھا کہ مریم نواز پورے پاکستان میں مسلم لیگ ن کو متحرک کریں گی،مریم نوازپارٹی کو متحرک اور منظم کریں گی،مسلم لیگ ن کے ورکرزکا جذبہ دیدنی ہے،اس میں کوئی شک نہیں کہ گیس اور بجلی کے بل بڑھے ہیں،اس میں کوئی شک نہیں کہ پیٹرول کی قیمتوں میں اضافہ ہوا ہے،عمران خان کے آئی ایم ایف سے معاہدے کی وجہ سے پیٹرول مہنگا ہوا،گزشتہ حکومت کے آئی ایم ایف معاہدے پرعمل کرنا ہماری مجبوری ہے،نوازشریف نے ہمیشہ ملک کو بحران سے نکالا،سازش کے تحت نوازشریف کو اقتدارسے ہٹایا گیا،مسلم لیگ پہلے کی طرح اب بھی ملک کو بحران سے نکالے گی، عمران خان اپنی جھوٹی مقبولیت کا دعوی کرتا ہے،عمران خان نے سخت شرائط پر آئی ایم ایف سے معاہدہ کیا، نوازشریف کو نکال کر2018میں نااہل ٹولے کو اقتدار میں لایا گیا،عمران خان ملک کیلئے ایک فتنہ ہے،عوام کو چاہیے عمران خان کے فتنے کو رد کریں،عمران خان کو ووٹ کی طاقت سے شکست دیں گے،شیر کا نشان پاکستان کی ترقی کا نشان ہے،عمران خان نے یہ دعوی بھی کیا تھا کہ عوام کا سمندر لے کراسلام آباد آوں گا، مریم نواز کی جمہوریت اور پارٹی کیلئے قربانیاں ہیں،جب ہمارے سینئررہنما جیلوں میں تھےتو مریم نوازنے پارٹی کو سنبھالا،

    ‏عمران خان دی بندہ کی عزت کرسکدا اے….فواد چودھری کی آڈیو لیک

    پرویز الہی کی مبینہ آڈیو لیک جس میں وہ تحریک انصاف کے رہنما فواد چودھری کو گندی گالیاں دے رہے ہیں

    علی امین گنڈاپور اور امتیاز نامی شخص کے مابین آڈیو لیک

    عمران خان کی جاسوسی، آلات برآمد،کس کا کارنامہ؟

    آڈیو لیکس، عمران خان گھبرا گئے،زمان پارک میں جاسوسی آلات نصب ہونے کا ڈر، خصوصی سرچ آپریشن

    مریم نواز سے قائم مقام برطانوی ہائی کمشنر زوئی وئیر کی ملاقات

    دوسری جانب مریم نواز بہاولپور پہنچیں تو انکا کارکنان کی جانب سے بھر پور استقبال کیا گیا،مریم نواز دو فروری کو بہاولپور میں پارٹی کا تنظیمی اجلاس منعقد ہوگا پانچ فروری کو ملتان میں کنونشن اور چھ فروری کو پارٹی کا تنظیمی اجلاس ہوگا 9 فروری کو مریم نواز ایبٹ آباد میں کنونشن سے خطاب کریں گی 10 فروری کو ایبٹ آباد میں پارٹی کا تنظیمی اجلاس منعقد ہوگا 15 فروری کو مریم نواز ڈیرہ غازی خان میں کنونشن اور جلسے سے خطاب کریں گی 16 فروری کو ڈی جی خان میں پارٹی کے تنظیمی اجلاس کی صدارت کریں گی 19 فروری کو راولپنڈی میں ورکرز کنونشن ہوگا، 20 فروری کو تنظیمی اجلاس ہوگا 23 فروری کو مریم نوازشریف سرگودھا میں ورکرز کنونشن سے خطاب کریں گی 24 فروری کو مریم نواز سرگودھا میں پارٹی تنظیمی اجلاس کی صدارت کریں گی 27 فروری کو ساہیوال میں ورکرز کنونشن 28 فروری کو پارٹی تنظیمی اجلاس ہوگا گوجرانوالہ میں 3 مارچ کو کنونشن اور 4 مارچ کو پارٹی تنظیمی اجلاس منعقد ہوگا