Tag: تازہ ترین

ایمنسٹی دینے کا اختیار پارلیمنٹ یا صوبائی اسمبلی کو حاصل ہے۔ جسٹس قاضی فائز عیسیٰ

سپریم کورٹ نے جعلی نمبر پلیٹ والی گاڑی کے خلاف کسٹمز کی اپیل مسترد کرتے ہوئے ریمارکس دیے کہ ایمنسٹی دینے کا اختیار پارلیمنٹ یا صوبائی اسمبلی کو حاصل ہے۔ جسٹس قاضی فائز عیسیٰ کی سربراہی میں سپریم کورٹ کے تین رکنی بینچ نے جعلی نمبر پلیٹ والی گاڑی کے خلاف کسٹمز کی اپیل کی سماعت کی۔ جسٹس قاضی فائز عیسیٰ نے کسٹمز وکیل سے کہا کہ آپ سو رہے ہیں یا اپنی پوسٹیں بیچ رہے ہیں، گاڑی کوئی جیب میں ڈال کر نہیں لاتا اور نہ ہی اڑ کر آتی ہے، جب گاڑی آ جاتی ہے تو اس کے پیچھے پڑ جاتے ہیں، گاڑی آئی کیسے اس کا کوئی جواب نہیں، آپ ذرا چمن بارڈر پر جائیں اور دیکھیں گاڑی کیسے آتی ہے۔

کسٹمز کے وکیل نے کہا کہ اس حوالے سے پشاور ہائیکورٹ کا ایک فیصلہ موجود ہے، اگر ایک گاڑی غیر قانونی طریقے سے آتی ہے تو وہ کسٹمز کے دائرہ اختیار میں آتی ہے۔ جسٹس قاضی فائز عیسیٰ نے کہا کہ لیکن آپ یہ جواب نہیں دیتے کہ گاڑی آئی کیسے؟ آپ کی استدعا یہ ہونی چاہیے کہ آپ اپنے ٹیکس وصول کریں لیکن آپ گاڑی کے پیچھے پڑ گئے ہیں۔ دوران سماعت کسٹمز ایمنسٹی اسکیمز کا حوالے دینے پر جسٹس قاضی فائز عیسیٰ نے اظہار برہمی کرتے ہوئے کہا کہ پاکستان کا بیڑہ غرق ہی ایمنسٹی نے کیا ہے، ون ٹائم ایمنسٹی کوئی سو بار ہو چکی ہے، ہر ادارہ ایمنسٹی دے رہا ہے، ہم نالائق ہیں گاڑیاں روک نہیں سکتے اس لیے ایمنسٹی دے رہے ہیں، ہم ایف بی آر سے ڈیٹا منگوا لیتے ہیں آج تک کتنی ایمنسٹی دی ہیں۔

جسٹس قاضی فائز عیسیٰ نے کہا کہ سونا، چاندی کی اسمگلنگ کی تو سمجھ آتی ہے گاڑی کیسے اسمگل ہو سکتی ہے؟ ابھی اسلام آباد کی سڑکوں پر عجیب نمبر پلیٹ والی گاڑیاں چل رہی ہیں، یہ گاڑیوں والے شاید بہت طاقتور لوگ ہیں نہ کسٹمز والے چیک کرتے ہیں نہ پولیس، آپ نے قانون کا مذاق بنا کر رکھ دیا ہے، برطانوی وزیراعظم کا سیٹ بیلٹ نہ باندھنے کیوجہ سے چالان ہو گیا، برطانوی وزیراعظم نے اپنے عمل پر معافی بھی مانگی، آپ اپنے وزیراعظم تو دور کسی ڈی سی یا سی ڈی اے افسر کا چالان کر کے دکھائیں۔ عدالت نے گاڑی ضبط کرنے کی پاکستان کسٹمز کی اپیل مسترد کردی۔ پاکستان کسٹمز نے 1998 ماڈل کا ہینو ٹرک 2018 میں پکڑا تھا۔ اپیلٹ ٹربیونل نے فیصلہ پاکستان کسٹمز کے خلاف دیا تھا، جسے کسٹمز نے چیلنج کیا تھا۔

نامور صحافی طلعت حسین نے ایک تصویر ٹوئیٹ کی جس میں انہوں تاثر دیا کہہ جیسے نگران وزیر اعلیٰ کو بھی جنرل (ر) باجوہ نے ہی لگوایا ہو جبکہ وزیر اعلیٰ پنجاب کیلئے محسن نقوی کا نام الیکشن کمیشن کی جانب سے منتخب ہونے کے بعد انہوں تبصرہ کیا کہ؛ "کتنی فکر ہے پاکستان کی۔ جہاز میں بھی اپنے ملک کا خیال بیٹھنے نہیں دیتا۔ یہ ہوتے ہیں خیر خواہ۔ اس کو کہتے ہیں جنون۔”

تاہم جب باغی ٹی وی کے نیوز ایڈیٹر نے اس بارے میں فیکٹ چیکنگ کی تو معلوم ہوا کہ جنرل ریٹائرڈ باجوہ کے ساتھ نظر آنے والا شخص نگران وزیر اعلیٰ محسن نقوی نہیں بلکہ ایک وکیل زاہد جمیل ہے. تاہم پندرہ گھنٹے گزرنے کے باوجود بھی سینئرصحافی طلعت حسین نے ابھی تک اپنی اس ٹوئیٹ کو حذف کیا اور نہ ہی کوئی اس پر وضاحت کی.

Fact-check; Person in the picture with Gen. Bajwa is not @MohsinnaqviC42 he a lawyer Zahid Jameel.
فیکٹ چیک: جنرل باجوہ کے ساتھ تصویر میں نظر آنے والا شخص محسن نقوی نہیں بلکہ زاہد جمیل ہے۔ https://t.co/dHaKOlVchs pic.twitter.com/auboP31bNH

— Malik Ramzan Isra (@MalikRamzanIsra) January 23, 2023

خیال رہے کہ اس تصویر کو پھیلانے اور نامور صحافیوں سمیت عام عوام کی آنکھوں میں دھول جھوکنے کی شروعات تحریک انصاف نے کی تھی. تحریک انصاف کے سوشل میڈیا برگیڈ نے محسن نقوی کی مختلف پی ٹی آئی مخالف سیاستدانوں کے ساتھ والی تصاویر سوشل میڈیا پر پھیلا کر یہ تاثر دیا کہ یہ محسن نقوی تو ہماری مخالف سیاسی جماعتوں کے ساتھ ملا ہوا ہے جبکہ اس کے جواب میں پیپلزپارٹی کے رہنماء فیصل میر نے لکھا کہ؛ "آج اگر کوئی فرشتہ بھی پنجاب کا نگران وزیراعلی نامزد کیا جائے گا تو پی ٹی آئی کا جھوٹ بریگیڈ اس پر بھی حملہ آور ہو جائے گا۔ محسن نقوی صاحب کی عمران خان کے ساتھ یہ دو تصویریں کیا انہیں ن لیگ اور پیپلز پارٹی کا مخالف ثابت کرتی ہیں ؟ اتنی ساری شکستوں نے پی ٹی آئی کو پاگل کر دیا ہے ۔”

کیا دو تصویروں سے جو پی ٹی آئی کے سربراہ @ImranKhanPTI کے ساتھ ہیں سے @MohsinnaqviC42 دوسری جماعتوں کا مخالف ہوگیا؟ نہیں تو پھر اگر ان کسی اور کے ساتھ تصاویر ہیں تو اس سے کیسے ثابت ہوتا کہ وہ پی ٹی آئی کا مخالف ہے؟ https://t.co/iPPpFgaJuR

— Malik Ramzan Isra (@MalikRamzanIsra) January 20, 2023

پی ٹی آئی رہنماء شیریں مزاری نے بھی جنرل باجوہ کے ہمراہ والی تصویر میں شامل زاہد جمیل کو محسن نقوی پیش کرتے ہوئے ٹوئیٹر پر لکھا کہ: "الیکشن کمیشن اپنے متعصبانہ رویے سے کبھی مایوس نہیں ہوا۔ محسن نقوی کو نگراں وزیراعلیٰ پنجاب کے طور پر منتخب کیا گیا جبکہ دیکھ لیں جنرل ریٹائرڈ باجوہ کے ساتھ دبئی جانے والی امارات فلائٹس کی پرواز میں نظر آرہا۔” انہوں نے مزید کہا کہ فرض کریں کہ اس کے نیچے ایک سیاہ بادل کی طرف سے اٹھائے گئے اسناد نے ای سی پی کو متاثر کیا ہے!

First of all this Bajwa was given extension by the great @ImranKhanPTI in 2019 and the whole political elite including PTI, PML-N and PPP were on one page , secondly the person in the picture is not Mohsin Naqvi but a lawyer Zahid Jameel. Please stop spreading disinformation. https://t.co/G3i6VYKZk6

— Hamid Mir حامد میر (@HamidMirPAK) January 23, 2023

شیریں مزاری کے جواب میں سینئر صحافی حامد میر نے لکھا کہ؛ "سب سے پہلے تو یہ کہ عمران خان نے ہی اس جنرل باجوہ کو بطور فوجی سربراہ 2019 میں توسیع دی تھی جس میں پیپلزپارٹی، مسلم لیگ ن اور تقریباّ سبھی جماعتیں اس معاملہ پر ایک صفحہ پر تھیں. اور دوسرا غلظ معلومات پھیلانا بند کریں کیوں باجوہ صاحب کے ساتھ تصویر میں نظر آنے والا شخص محسن نقوی نہیں بلکہ زاہد جمیل ہے. تاہم شیریں مزاری نے بجائے اپنی غلطی کو ماننے کے دوسری تصویر جس میں شہباز شریف اور خواجہ آصف نظر آرہے جو غالباّ لندن کی ہے کو شیئر کرتے ہوئے دعویٰ کردیا کہ ان کے ساتھ محسن نقوی نظر آرہا ہے.

لہذا یہاں پر سوال یہ ہے کہ اگر محسن نقوی کی کسی سیاستدان یا جنرل وغیرہ کے ساتھ کوئی تصویر ہو بھی تو اس میں کیا قباحت ہے کیوں کہ ان کی تصاویر تو تحریک انصاف کے سربراہ عمران خان کے ساتھ بھی ہیں اور دوسرا وہ ایک صحافی بھی تو رہے ہیں لہذا ایسے شخص جو سی این این کے ساتھ منسلک رہا ہو اور اب ایک ٹی وی چینل 24 نیوز گروپ کا مالک ہو اس کی تصویر کسی کے ساتھ ہونے میں کیسے ثابت ہوتا ہے کہ وہ دوسرے کا مخالف ہے؟