Tag: تازہ ترین

گوادر میں ایک ماہ کے لیے دفعہ 144 نافذ

گوادر میں دھرنے کے شریک مظاہرین کو منشتر کرنے کے بعد میرین ڈرائیو پورٹ روڈ کو آمدورفت کے لیے کھول دیا گیا ہے، دوسری طرف بلوچستان حکومت نے امن وامان کی صورتحال کے پیش نظر ضلع گوادر میں ایک ماہ کے لیے دفعہ 144 نافذ کردی۔ ترجمان حکومت بلوچستان کے مطابق گوادر میں دیرپا امن کا قیام اور عوام کی جان مال کا تحفظ صوبائی حکومت کی اولین ترجیح ہے، ضلعی انتظامیہ اور پولیس کی جانب سے سیکیورٹی کے سخت انتظامات کئے گئے ہیں،کاشتی چوک گوادر میں دھرنے میں شریک احتجاجی مظاہرین منشتر ہوگئے، میرین ڈرائیو پورٹ روڈ کو دوبارہ کھول دیا گیا جبکہ سید ظہور شاہ روڈ پر دھرنا ختم کردیا گیا ہے۔

ترجمان کا مزید کہنا ہے کہ ایکسپریس وے سربندر کراس پر 5 سو اہلکار تعینات کئے گئے ہیں، پسنی میں احتجاجی دھرنے کے ختم ہونے پر معمولات زندگی بحال ہو گئی ہے۔ حکومت بلوچستان کے ترجمان کا کہنا ہے کہ گوادر میں ’حق دو تحریک‘ کے دھرنے اور مظاہرین کی اشتعال انگیزی سے پرامن ماحول کو سبوتاڑ کرنے کوشش کی جارہی ہے جو ناقابل برداشت عمل ہے۔
مزید یہ بھی پڑھیں؛
روسی رکن پارلیمنٹ اور صدر پیوٹن کے نقاد کی بھارت میں پراسرار ہلاکت
خواتین پرپابندیاں،اقوام متحدہ کی سلامتی کونسل کا طالبان حکومت سے پالیسیاں بدلنے کا مطالبہ
افسانہ نویس و ناول نگار اور مترجم قیصر نذیر خاورانتقال کرگئے.

دوسری طرف امن وامان کی صورتحال کے پیش نظر ضلع گوادر میں دفعہ 144 نافذ کردی گئی۔ محکمہ داخلہ بلوچستان کے مطابق ایک ماہ تک گوادر میں ریلی ، دھرنا اور پانچ یا پانچ سے زائد افراد کے اکٹھا ہونے پر پاپندی عائد کردی گئی ہے ، اس کے علاوہ اسلحہ کی نمائش پر بھی پاپندی ہوگی ۔

خواتین سے گزارش ہے کہ شر پسند افراد کے بہکاوے میں نہ آئیں. وزیر داخلہ بلوچستان ضیاء لانگو

وزیر داخلہ بلوچستان ضیاء لانگو نے کہا ہے کہ گوادر میں مشتعل افراد امن و امان اور گوادر کی ترقی کو سبوتاژ کرنے کی کوشش کر رہے ہیں ۔ وزیر داخلہ بلوچستان میر ضیاءلانگو نے کہا ہے کہ گوادر میں حق دو تحریک کے احتجاج کے حوالے سے حکومت بلوچستان نے بار بار مذاکرت کئے اور وزیر اعلی بلوچستان کی قیادت میں حق دوتحریک کے تمام مطالبات تسلیم کئے۔ ضیاء لانگو کا کہنا تھا کہ گوادر میں مشتعل افراد سرکاری املاک کو نقصان پہنچانے ، گوادر میں امن و امان کو سبوتاژ کرتے ہوئے ترقی کی راہ میں رکاوٹیں کھڑی کر رہے ہیں۔

صوبائی وزیر داخلہ کا کہنا تھا کہ حق دو تحریک کے مشتعل افراد نے سرکاری املاک کا نقصان پہنچانے کی کوشش کی جس کے بعدقانون حرکت میں آیا اور کئی افراد کو گرفتار کر لیا گیا۔ وزیر داخلہ کا کہنا تھا کہ گوادر میں شرپسند عناصر خواتین کو ڈھال بنا کر استعمال کررہے ہیں، حکومت جب سرکاری املاک کو نقصان پہنچانے شرپسندوں کو گرفتار کرنے جاتی ہے تو وہ خواتین کو گھروں سے نکال دیتے ہیں۔

ضیاء لانگو کا کہنا تھا کہ گوادر کی خواتین پر باشعور ہے اور انہیں حالات کی سنجیدگی کا ادارک ہے، گوادر میں خواتین پر تشدد، لاٹھی چارج اور ان کی گرفتاریوں سے متعلق بیانات جھوٹ پر مبنی ہیں، اپنی سیاسی ساکھ اور جھوٹی شہرت حاصل کرنے کے لئے گوادر میں مشتعل افراد شرپسندی اتر آئے ہیں۔ وزیر داخلہ نے کہا کہ گوادر کے خواتین اور عوام سے اپیل کرتا ہوں کہ شرپسند عناصر کے بہکاوے میں نہ آئیں، بلوچستان کے ایک قبائلی صوبہ ہے جہاں خواتین کو قدر و احترام کی نگاہ سے دیکھا جاتا ہے، گوادر کی ماؤں،بہنوں سے گزراش کرتا ہوں کہ گوادر، ریاست اور حکومت آپ کے ساتھ کھڑی ہے۔

ضیاء لانگو کا کہنا تھا کہ ماؤں، بہنوں اور بھائیوں سے اپیل کرتا ہوں کہ مشتعل افراد کی شکل میں شرپسندافراد سے دور رہیں، گوادر کی آنے والی نسلوں کامستقبل شہر میں جاری سی پیک اور دیگر ترقیاتی منصوبوں سے وابستہ ہے۔حکومت گوادر کے شہریوں کو تحفظ فراہم کرنے کیلئے ہر ممکن اقدام اٹھارہی ہے۔

عامر لیاقت نازیبا ویڈیو؛ دانیہ کی درخواست ضمانت دوسری عدالت منتقل

کراچی کی سیشن کورٹ نے ڈاکٹرعامر لیاقت کی نازیبا ویڈیو وائرل کرنے سے متعلق کیس میں ملزمہ دانیہ کی درخواست ضمانت ایڈیشنل سیشن جج کی عدالت منتقل کردی۔ سٹی کورٹ کراچی میں سیشن جج نے معروف اینکر پرسن اور سیاستدان عامر لیاقت کی نازیبا ویڈیو وائرل ہونے سے متعلق کیس میں ملزمہ دانیہ ملک کی درخواست ضمانت کی سماعت کی۔

سماعت کے دوران عامر لیاقت کی سابق اہلیہ بشریٰ اقبال، ملزمہ دانیہ ملک کی والدہ اور ایف آئی اے حکام بھی موجود تھے۔ سیشن جج نے درخواست ضمانت ایڈیشنل سیشن جج کی عدالت منتقل کردی۔ دوران سماعت دانیا ملک کے وکیل نےعدالت سےدلائل کے لئے مہلت مانگ لی، عدالت نے درخواست ضمانت پر سماعت 5 جنوری تک ملتوی کردی جبکہ عدالت نے ایف آئی اےکو شوکاز نوٹس کا جواب دینے کی آخری مہلت دیتے ہوئے آئندہ سماعت پر چالان بھی طلب کر لیا۔
مزید یہ بھی پڑھیں؛
روسی رکن پارلیمنٹ اور صدر پیوٹن کے نقاد کی بھارت میں پراسرار ہلاکت
خواتین پرپابندیاں،اقوام متحدہ کی سلامتی کونسل کا طالبان حکومت سے پالیسیاں بدلنے کا مطالبہ
افسانہ نویس و ناول نگار اور مترجم قیصر نذیر خاورانتقال کرگئے.

یاد رہے گزشتہ روز ایف آئی اے کے سائبر کرائم سرکل نے مرحوم اینکر پرسن عامر لیاقت حسین کی نازیبا ویڈیو وائرل کرنے سے متعلق کیس میں لاہور کے ایک یو ٹیوبر کو طلب کرنے کا فیصلہ کیا تھا۔ عامر لیاقت کی موت کے چند ہفتوں قبل ان کی نازیبا ویڈیوز وائرل ہوئی تھیں، ان ویڈیو کے خلاف عامر لیاقت کی بیٹی نے ایف آئی اے کے سائبر کرائم سرکل میں درخواست دی تھی۔

جبکہ نازیبا ویڈیو کے معاملے میں عامر لیاقت کی بیوہ دانیہ شاہ گرفتار ہیں جب کہ ایف آئی اے نے اس معاملے پر لاہور کے یوٹیوبر (یاسر شامی) کو بھی طلب کرنے کا فیصلہ کیا ہے۔ یاسر شامی کی جانب سے ہی مبینہ نازیبا ویڈیو سوشل میڈیا پر اپ لوڈ کی گئی تھیں، یوٹیوبر سے مذکورہ ویڈیو کے حصول کا ذریعہ پوچھا جائے گا۔