Tag: تازہ ترین

مارگلہ کی پہاڑیوں پر نایاب نسل کا تیندوہ مردہ حالت میں پایا گیا

اسلام آباد کی مارگلہ کی پہاڑیوں پر نایاب نسل کا تیندوہ مردہ حالت میں برآمد ہوا ہے. وائلڈ لائف مینجمنٹ بورڈ کے ترجمان نے کہا کہ تیندوا مارگلہ ہلز کے علاقے سنہیاری میں مردہ حالت میں پایا گیا ہے، ابتدائی رپورٹ کے مطابق تیندوے کی موت بلندی سے گرنے کے باعث ہوئی۔ بلندی سے گرنے کے باعث چوٹ تیندوے کے دماغ پر لگی۔ تیندوے کی ہسٹوپتھالوجی رپورٹ کے بعد موت کی دیگر وجوہات کا تعین ہو سکے گا۔

ذرائع کا کہنا ہے کہ واقع چند روز پرانا ہے، وائلڈ لائف کے اہلکار مردہ تیندوے کو سینٹر لے گئے تھے۔ یاد رہے کہ چند روز قبل بھی شاہراہ کاغان پر پہاڑی سے گر کر زخمی ہونے والا تیندوا زخموں کی تاب نہ لاتے ہوئے دوران علاج دم توڑ گیا تھا۔ تاہم اس سے قبل پاکستان کے صوبہ بلوچستان کے دارالحکومت کوئٹہ میں کئی دہائیوں بعد معدومی کے خطرے سے دو چار تیندوے کا ایک جوڑا دیکھا گیا تھا.

 
محکمہ جنگلات و جنگلی حیات بلوچستان کے حکام کے مطابق تیندوے کا یہ جوڑا نایاب اقسام میں سے ایک ‘پرشیئن لیپرڈ’ ہے اور اسے عالمی ادارہ برائے تحفظ فطرت آئی یو سی این نے 2016 میں معدومی کے خطرے سے دو چار جانوروں کی فہرست یعنی ریڈ لسٹ میں شامل کر رکھا ہے۔
چیف کنزرویٹر محکمہ جنگلات و جنگلی حیات بلوچستان شریف بلوچ نے عالمی ادارے کو بتایا تھا کہ ’تیندوے کے جوڑے کو کوئٹہ کے جنوب مغربی پہاڑی کوہ چلتن کے دامن میں واقع 27 ہزار ہیکٹر پر مشتمل چلتن نیشنل پارک ہزار گنجی میں پہلی مرتبہ چھ سے سات ماہ قبل دیکھا گیا تھا۔ تب سے محکمہ جنگلات و جنگلی حیات کا عملہ اس کی تلاش میں تھا۔‘

تاکہ ان کا تحفظ یقینی بنایا جائے اس حوالے سے اسلام باد مارگلہ میں بھی نایاب نسل کو دیکھا گیا اور انکے تحفظ کیلئے بھی قوانین موجود ہیں.

الیکشن کمیشن میں قومی ووٹرز ڈے کی تقریب ہوئی چیف الیکشن کمشنر مہمان خصوصی تھے

اس موقع پر الیکشن کمیشن کی جانب سے پیغام میں کہا گیا کہ ملک میں آزاد منصفانہ اور غیر جانبدارانہ انتخاب کرانا ای سی پی کی ذمہ داری ہے تمام رجسٹرڈ ووٹرز کے شناختی کارڈ پر درج پتہ معلومات تصویری ریکارڈ ہوتا ہے خواتین ، مرد ،نوجوان ،معذورافراد، واجہ سرا اور اقلیتوں سب کو ووٹ دینے کا حق ہے،خواتین کے شناختی کارڈ بنوائیں اور اُن کے ووٹ کا اندراج یقینی بنائیں،ٹیکنالوجی کے حوالے سے اہم اقدامات اٹھائے ہیں 8300ایس ایم ایس سروس ، آن لائن ریکروٹمنٹ سسٹم سمیت دیگر اقدامات اٹھائے ہیں،

تقریب سے خطاب کرتے ہوئے سیکرٹری الیکشن کمیشن عمر حمید نے کہا کہ دنیا میں ترقی جنگوں سے نہیں بیلٹ پیپر سے آئی ،بیلٹ پیپر سے عوام کو خوابوں کی تعبیر ملی ،جمہوریت دنیا کا پسندیدہ نظام ہے ،تحریک پاکستان میں بیلٹ نے اہم کردار ادا کیا ،الیکشن کمیشن کمیشن کے سامنے بہت سے چیلنجز تھے ،ووٹر آگاہی اور خواتین کو ووٹر لسٹوں میں شامل کرنا چیلنج تھا کوئی بھی صوبائی حکومت بلدیاتی انتخابات کے لیے تیار نہیں تھی،آج الیکشن کمیشن ایک مضبوط ادارہ بن چکا جسکی الگ پہچان ہے ،چیف الیکشن کمشنر کی سربراہی میں شفاف انتخابات کو یقینی بنانے کے لیے کوشاں ہیں پی ایم یو کے ذریعے الیکٹرانک ووٹنگ اور اوورسیز ووٹرز کے لیے کام کیا جارہا ہے،آر ایم ایس کو اپڈیٹ کررہے ہیں ،بلوچستان میں جینڈر گیپ کم کرنے کے لیے عالمی اداروں کے ساتھ ملکر کام کررہے ہیں ،خیبرپختونخوا میں مشکل حالات کے باوجود ضمنی الیکشن کروائے گئے بلوچستان میں پرامن بلدیاتی انتخابات کا عمل مکمل ہوا،

چیف الیکشن کمشنر سکندرسلطان راجہ نے تقریب سے خطاب کرتے ہوئے کہا کہ حلقہ بندیاں آسان کام نہیں، کم از کم 6ماہ درکار ہوتے ہیں،پنجاب میں بلدیاتی الیکشن کے لیے 2 بار حلقہ بندیاں کی گئیں ،صوبائی حکومت نے 2 بار الیکشن قوانین تبدیل کیے ،الیکشن کمیشن نے پنجاب میں بلدیاتی الیکشن کے لیے حکومت کو پابند کیا ،ڈیجیٹل حلقہ بندیوں پر تاحال کام شروع نہیں ہوا ،ڈیجیٹل مردم شُماری کے نتائج وقت پر آگئے تو بروقت انتخابات کے لیے تیار ہو نگے، ملک میں بلدیاتی انتخابات اہم ہوتے ہیں،انتخابی نظام میں شفافیت یقینی بنائی جارہی ہے،الیکشن کے دوران بدامنی کی کوشش کرنے والے عناصر کے خلاف قانونی کارروائی کی گئی اپریل کے آخر ی ہفتے میں پنجاب کے بلدیاتی انتخابات کرادیں گے،کوئی صوبائی حکومت بلدیاتی انتخابات کے لیے تیار نہیں ہوتی بلدیاتی انتخابات کا قانون دوبارہ تبدیل کیا تو آئینی اختیارکے تحت پرانے قانو ن پر الیکشن کرائیں گے ،بلوچستان کے 32 اضلاع میں 29 مئی کو انتخابات کا عمل مکمل کیا گیا،بلوچستان کے باقی اضلاع میں الیکشن 11دسمبر کو کرائے جا ر ہے ہیں،ضابطہ اخلاق خلاف ورزی پر پارٹی سربراہ سمیت کارکنوں کے خلاف کارروائی کی گئی کراچی ، حیدرآباد ڈویژ ن میں الیکشن ملتوی ہوا جو 15 جنوری کو ہوگا

چیف الیکشن کمشنر سکندرسلطان راجہ کا مزید کہنا تھا کہ الیکشن کمیشن نے کسی بھی فورم پر ای وی ایم اور اوورسیز ووٹنگ کی مخالف نہیں کی،ایسا نہیں ہوسکتا کہ جلد بازی میں پورا الیکشن متنازعہ بنادیں ، برازیل کے سفیر نے کہا اگر پاکستان 2023 کا الیکشن ای وی ایم پر کروائے تو یہ کرشمہ ہوگا جو ممالک الیکٹرانک ووٹنگ مشین استعمال کررہے ہیں پورے مراحل سے گزرے ،6،9ماہ میں الیکٹرانک ووٹنگ مشین سے الیکشن نہیں کیا جاسکتا ،آئندہ ضمنی الیکشن میں بطور پائلٹ پراجیکٹ الیکٹرانک ووٹنگ مشین کا استعمال کیا جائیگا، اوورسیز ووٹنگ کے لیے 2 پائلٹ پراجیکٹ مکمل کیے اور رپورٹ حکومت کو بھیجی ،

چیف الیکشن کمشنر سکندر سلطان راجہ نے صحافیوں سے غیر رسمی گفتگو کرتے ہوئے کہا کہ الیکشن کمیشن عام انتخابات کے لئے تیار ہے،اپنی تعیناتی کیلئے کسی سے درخواست نہیں کی تھی بطور الیکشن کمشنر تعیناتی کا پتہ میڈیا سے چلا چیف الیکشن کمشنر کیلئے نامزدگی پر پی ٹی آئی کا مشکورہوں،تعیناتی کے وقت میرا ٹریک ریکارڈ سب کے سامنے تھا ،الیکٹرانک ووٹنگ مشین کا بہت بڑا حامی ہوں،خواہش تھی جلدی سے الیکٹرانک ووٹنگ مشین آئے،پنجاب بلدیاتی انتخابات میں الیکٹرانک ووٹنگ مشین کا استعمال ممکن نہیں پنجاب میں الیکٹرانک ووٹنگ قانون کے باوجود آئینی اختیار استعمال کریں گے،

قبل ازیں قومی اسمبلی اسپیکر اور ڈپٹی اسپیکر نے ‘ووٹرز ڈے’ پر پیغام میں کہا کہ ووٹرز ڈے منانے کا مقصد عوام میں ووٹ کی اہمیت کو اُجاگر کرنا ہے، پاکستان کا آئین ملک کے تمام لوگوں کو حق رائے دہی کے ذریعے جمہوری قوتوں کو مضبوط بنانے کا مکمل اختیار دیتا ہے،

صوبہ پنجاب میں 7دسمبر کو قومی ووٹرز ڈے نہائیت جوش و خروش سے منایا گیا۔صوبہ پنجاب کے تمام اضلاع میں ضلعی الیکشن کمشنرز کی سربراہی میں ووٹر آگاہی کیلئے مختلف سیمینارز، آگاہی واک، اور تقریبات کا انعقاد کیا گیا، جن میں مختلف طبقات سے تعلق رکھنے والی شخصیات نے بڑھ چڑھ کر شرکت کی۔ صوبائی الیکشن کمشنر پنجاب کے زیر اہتمام صوبائی دارالحکومت میں قومی ووٹرز کے دن کی مناسبت سے مرکزی تقریب کا انعقاد کیا گیا۔ تقریب کی سربراہی صوبائی الیکشن کمشنر پنجاب سعید گل نے کی جب کہ جوائینٹ صوبائی الیکشن کمشنر عبد الحفیظ، جوائینٹ صوبائی الیکشن کمشنر سائیں بخش چنڑ اور دیگر سینئیر افسران نے بھی تقریب میں شرکت کی۔ علاوہ ازیں مختلف مکاتب فکر سے تعلق رکھنے والی شخصیات، سول سوسائیٹی نمائیندگان، الیکشن کمیشن کے ڈویلپمنٹ پارٹنرز، اداروں کی سرکردہ شخصیات اور میڈیا نے بھی بھرپور شرکت کی۔

صوبائی الیکشن کمشنر پنجاب، سعید گل نے اس موقع پر ووٹ کی اہمیت کو اجاگر کرتے ہوئے شرکاء سے خطاب کیا اور کہا کہ الیکشن کمیشن کی یہ آئینی ذمہ داری ہے کہ وہ شفاف الیکشن کے انعقاد کے لئے تمام ایسے اقدامات کرنا جن سے انتخابی نظام کو تقویت ملے۔ انہوں نے کہا کہ ہم نہ صرف آج قومی ووٹر ز ڈے کو جوش وخروش سے صوبہ بھر میں منا رہے ہیں بلکہ اس توسط سے پاکستان کے تمام اہل ووٹرز سے اپیل کر رہے ہیں کہ وہ ووٹ کے اندراج کو یقینی بنائیں اور انتخابات کے دن ا پنا حق رائے دہی استعمال کرنے کیلئے پولنگ اسٹیشنز پر ضرور تشریف لائیں۔ صوبائی الیکشن کمشنر پنجاب نے اس موقع پر الیکشن کمیشن کے مختلف اقدامات پر روشنی ڈالتے ہوئے کہا کہ الیکشن کمیشن انتخابی نظام کو نئے دور کے تقاضوں سے ہم آہنگ کرنے کیلئے ہمہ وقت کوشاں ہے۔ انہوں نے بتایا کہ الیکشن کمیشن پانچ سالہ سٹریجک پلان 2019-23کے زیادہ تر اہداف مکمل کر چکا ہے۔ الیکشن کمیشن میں جدید بنیادوں پر ریسرچ اینڈ ڈویلمپنٹ سنٹر قائم کیا گیا ہے، جو کہ ایک تحقیقاتی ونگ ہے اس کا کام ای وی ایم (EVM)اور اوورسیز پاکستانیوں کے لئے ووٹنگ کے مختلف طریقہ کار اور دنیا میں استعمال ہونے والی جدید ترین طریقوں پر ریسرچ کرنا ہے۔انہوں نے بتایا کہ ووٹرز کی آگاہی کیلئے ووٹر ایجوکیشن اور آگاہی کا کام بھی چاروں صوبوں میں جاری ہے۔ جنوری 2022؁ء سے صوبائی اور ضلعی سطح پر Student Voter’s Awareness Sessions منعقد کئے جارہے ہیں جن کو ہمارے ضلعی الیکشن کمشنر حضرات پورے جوش و خروش سے مختلف تعلیمی اداروں میں جاری رکھے ہوئے ہیں۔ الیکشن کمیشن نے حال ہی میں انتخابی فہرستوں کی نظر ثانی کاکام مکمل کر لیا ہے یہ کام اکتوبر 2021؁ء کو شروع کیا گیا اور مختلف مراحل سے گز رکر 7اکتوبر2022؁ء کو حتمی انتخابی فہرست جاری کر دی گئی جس کے مطابق صوبہ پنجاب میں 7کروڑ 6لاکھ 34ہزار735رجسٹرڈ ووٹرز ہیں۔انہوں نے بتایا کہ ووٹ رجسٹریشن اب بھی جاری ہے، صوبہ پنجاب میں 2080فارم وصولی سینٹر ز قائم کئے ہیں۔ علاوہ ازیں ضلعی الیکشن کمشنر دفاتر میں ون ونڈو رجسٹریشن ڈیسک بھی قائم کئے گئے ہیں۔ عوام الناس سے اپیل ہے کہ 8300پر اپنا شناختی کارڈ نمبر بھیج کر ووٹ کی تفصیلات چیک کر لیں۔ انہوں نے کہا کہ الیکشن کمیشن نے ووٹر لسٹون میں مرد اور خواتین ووٹرز کے مابین فرق کو کاطر خواہ حد تک کم کرلیا ہے۔ یہ فرق 2018 میں 12 فیصد تھا جبکہ آج الیکشن کمیشن، نادرا اور سول سوسائیٹی کی کاوشوں سے یہ فرق کم ہو کر 8فیصد رہ گیا ہے۔

تقریب میں موجود شرکاء نے الیکشن کمیشن کے اقدامات کو سراہا اور ووٹرز کی آگاہی کے سلسلے میں اپنے تعاون کی یقین دہانی کرائی۔ تقریب میں موجود اقلیتی نمائینوں، اور افراد باہم معذوری نے بھی حق رائے دہی کے استعمال میں درپیش مشکلات پر روشنی ڈالی۔ صوبائی الیکشن کمشنر پنجاب نے انہیں یقین دہانی کرائی کہ تمام مشکلات کا حل جلد کیا جائے گا۔

عمران نیازی کی فسطائی سوچ،گزشتہ روز سویلین مارشل لا نافذ کیا،شہباز

دھمکی آمیز خط کا معاملہ وائیٹ ہاؤس پہنچ گیا، امریکی رد عمل بھی آ گیا

دھمکی آمیز خط 7 مارچ کوملا،21 مارچ کو گرمجوشی سے استقبال.قوم کو بیوقوف بنانیکی چال

3 سال میں 57 لاکھ لوگوں کو روز گار فراہم کیا،اسد عمر کا دعویٰ

ہارے ہوئے عمران خان کی الوداعی تقریر قوم نے کل سن لی، اہم شخصیت بول پڑی

وزیراعظم شہباز شریف کے بیٹے سلمان شہباز کا پاکستان واپس آنے کا فیصلہ ،سلمان شہباز نے اسلام آباد ہائیکورٹ میں حفاظتی ضمانت کی درخواست دائر کر دی

وزیراعظم کے بیٹے سلمان شہباز کی جانب سے دائر درخواست میں کہا گیا ہے کہ پاکستان واپس آ کر اپنے خلاف مقدمہ میں متعلقہ عدالت پیش ہونا چاہتا ہوں، اسلام آباد ہائیکورٹ حفاظتی ضمانت منظور کر کے متعلقہ عدالت میں پیش ہونے کا موقع دے،کبھی پبلک آفس ہولڈر نہیں رہا ،منی لانڈرنگ کے الزامات جھوٹے بے بنیاد ہیں ، بزنس مین ہونے کے ناطے تمام شئیرز ایس ای سی پی میں رجسٹرڈ ہیں ،27اکتوبر 2018 سے برطانیہ میں ہوں کبھی ایف آئی اے کا نوٹس نہیں ملا ، ایف آئی اے نے میرے خلاف مقدمہ میری غیر حاضری میں درج کیا ،عدالت دو ہفتے کی حفاظتی ضمانت منظور کرے ،2018میں بیرون ملک گیا 2020 میں مقدمہ بنا اور اس کے بعد اشتہاری قرار دیا گیا ،

سلمان شہباز کا ہفتے کی رات کو اسلام آباد پہنچنے کا امکان ہے سلمان شہباز کے ہمراہ ا اہلخانہ کی بھی پاکستان آمد متوقع ہے،میڈیا رپورٹس کے مطابق سلمان شہباز کی اسلام آباد لینڈنگ کا فیصلہ وفاق میں ن لیگی حکومت کے باعث کیا گیا، سلمان شہباز کا اسلام آباد ہائیکورٹ میں حفاظتی ضمانت دائر کرنے کا امکان ہے سلمان شہباز کا پیر کولاہور ہائیکورٹ میں پیش ہونے کا امکان ہے

سلمان شہباز پر رمضان شوگر اور العریبیہ ملز کے ذریعے 25 ارب روپے کی منی لانڈرنگ کا الزام ہے عدالت نے2019میں سلمان شہباز کے وارنٹ گرفتاری جاری کر کے جائیدادیں ضبط کرنے کا حکم دیا تھا گزشتہ سال احتساب عدالت نے سلمان شہباز کے ناقابل ضمانت وارنٹ گرفتاری جاری کیے تھے رواں سال جولائی میں لاہور کی اسپیشل سینٹرل کورٹ نے سلمان شہباز کے دائمی وارنٹ جاری کیے تھے سلمان شہباز 27 اکتوبر 2018 کو لاہور ایئرپورٹ سے برطانیہ چلے گئے تھے سلمان شہباز نے گزشتہ چار سال سے خود ساختہ جلا وطنی اختیار کر رکھی ہے

شہبازشریف خاندان کے خلاف منی لانڈرنگ ریفرنس،تحریری حکم نامہ جاری

شہباز شریف کو بکتر بند گاڑی میں عدالت پیش کرنے پر تحریری حکم جاری

یہ کم ظرف لوگ ہیں،میں نے لفظ "کمینا” استعمال نہیں کیا،شہباز شریف

امریکی جیل میں قید پاکستانی ڈاکٹر عافیہ صدیقی کی رہائی سے متعلق کیس کی سماعت ہوئی

عدالت نے وزارت خارجہ کو معاملہ پاکستان میں موجود امریکی سفیر کے سامنے رکھنے کی ہدایت کر دی،عافیہ صدیقی کیس میں فارن آفس کی جانب سے کی گئی خط و کتابت عدالت میں پیش کی گئی،عدالت نے ریمارکس دیتے ہوئے کہا کہ یہ خط و کتابت عدالت میں پیش کرنے کی بجائے ریکارڈ پر رکھی جانی چاہیے تھی، جسٹس اعجاز اسحاق خان نے ریمارکس دیتے ہوئے کہا کہ 17اکتوبر کے بعد ڈیڑھ ماہ میں کچھ نہیں کیا گیا. پچھلی بار بھی کہا تھا کہ وزارت خارجہ کے سیکریٹری کو عدالت بلا لیتے ہیں عافیہ صدیقی کی صحت کے بارے میں کیا اطلاعات ہیں؟

وکیل وزارت خارجہ نے عدالت میں کہا کہ کوششیں جاری ہیں مگر ابھی تک خاطر خواہ رسپانس نہیں ملا،عدالت نے ریمارکس دیتے ہوئے کہا کہ ہر تاریخ پر آپ ایک رپورٹ، کچھ کاغذات پکڑا دیتے ہیں یہ کیس آگے کیسے بڑھے گا،وکیل درخواست گزار نے کہا کہ ڈاکٹر فوزیہ صدیقی نے امریکہ کا ویزہ اپلائی کیا تھا جسے مسترد کر دیا گیا، وکیل نے کہا کہ ویب سائٹ سے چیک کیا امریکا میں عافیہ صدیقی کا کیس زیرِ التوا ہے اور یہی وزارت خارجہ کا جواب ہے. وکیل درخواست گزار نے کہا کہ شاید ان کا سورس بھی ویب سائٹ ہے،اگر ہمیں ویزا مل جائے تو اپنے طور پر کچھ کوشش کی جا سکتی ہے، وزارت خارجہ کے خط و کتابت کا کوئی ایسا جواب بتا دیا جائے جس سے ہمیں کوئی روشنی کی کرن نظر آجائے،وکیل حافظ یاسر عرفات نے کیس پر مزید کام کرنے کیلئے وقت مانگ لیا

عدالت نے استفسار کیا کہ مارچ 2020 میں فارن آفس نے ایک خط لکھا اس کا فالو اپ کیا ہے؟فالو اب کچھ نہیں، یہاں تک کہ کوئی ریمائنڈر بھی نہیں لکھا گیا، وکیل وزارت خارجہ نے کہا کہ امریکی ڈیپارٹمنٹ آف جسٹس کی ویب سائٹ پر سٹیٹس پینڈنگ آرہا ہے، اس سے زیادہ انفارمیشن نہیں نہ وہ بتاتے ہیں کہ کیس کس ا سٹیج پر ہے، عدالت نے کہا کہ فارن آفس کے مطابق امریکی ڈیپارٹمنٹ آف جسٹس کو لیٹر لکھا کہ عافیہ کی صحت کے بارے میں بتایا جائے، امریکی ڈیپارٹمنٹ آف جسٹس کو لکھے گئے خط کا کوئی جواب نہیں آیا، فارن آفس پاکستان میں موجود امریکی سفیر سے کیوں نہیں پوچھتے؟وزارت خارجہ آئندہ رپورٹ وزیر خارجہ اور سیکریٹری خارجہ کے دستخط سے جمع کرائے،

عافیہ صدیقی کی رہائی کیلئے کراچی میں احتجاج

اچھا ہوتا وزیراعظم اپنی تقریر میں ڈاکٹر عافیہ کا ذکر کرتے۔ حافظ سعد رضوی

 یہودی عبادت گاہ میں ہلاک یرغمالی ملک فیصل اکرم نے ڈاکٹرعافیہ صدیقی کی رہائی کا مطالبہ کیا

ڈاکٹر عافیہ صدیقی سے ملاقات کروائی جائے، اہلخانہ عدالت پہنچ گئے

نئی حکومت ڈاکٹرعافیہ صدیقی کو رہا کرائے،مولانا عبدالاکبر چترالی کا مطالبہ

 ایک ماہ کے بعد دوسری رپورٹ آئی ہے جو غیر تسلی بخش ہے ،

عالمی یوم تعلیم امریکی جیل میں قید ڈاکٹر عافیہ صدیقی کے نام منسوب

امریکی جیل میں ڈاکٹرعافیہ صدیقی پرحملہ:پاکستان نے امریکہ سے بڑا مطالبہ کردیا ،

یاد رہے کہ ڈاکٹر عافیہ صدیقی اس وقت امریکہ کی جیل میں‌ ہیں اور انہیں‌ چھیاسی برس کی سزا سنائی گئی ہے. اہل خانہ کی طرف سے حکومت سے بار بار اپیل کی گئی ہے کہ وہ ان کی رہائی کیلئے کردار ادا کرے

سپریم کورٹ ،صحافی ارشد شریف قتل کیس ازخود نوٹس پر سماعت ہوئی

عدالتی حکم پر فیکٹ فائنڈنگ کمیٹی کی رپورٹ سپریم کورٹ میں جمع کروا دی گئی،ارشد شریف قتل کیس پرفیکٹ فائنڈنگ کمیٹی کی رپورٹ 592 صفحات پر مشتمل ہے ،رپورٹ ڈی جی ایف آئی اے اور ڈی جی آئی بی کے دستخط کیساتھ جمع کرائی گئی ،

فیکٹ فائنڈنگ رپورٹ میں کہا گیا ہے کہ ارشد شریف کو 20جون 2022 کو یواے ای ویزے کا اجرا ہوا،ویزہ 18اگست 2022 تک کیلئے تھا،ارشدشریف کینیا گئے تو ان کے ویزے میں 20دن باقی تھے، ارشد شریف نے نئے ویزے کیلئے 12 اکتوبر 2022 کو دوبارہ رجوع کیا،ارشد شریف کی درخواست کو ردکردیا گیا، رپورٹ میں فائرکی جانیوالی گولیوں کی ٹریجکٹری کو بھی بیان کیا گیا، رپورٹ میں مزید کہا گیا کہ ارشد شریف کے سینے میں لگنےوالی گولی ٹریجکٹری فائرنگ پیٹرن سے نہیں ملتی،ارشد شریف کو ایک گولی کمر کے اوپری حصے میں لگی، گولی گردن سے تقریباً6سے 8انچ نیچے لگی جو سینے کی جانب سے باہر نکلی،زخم سے یہ اخذ کرنا مشکل نہیں کہ گولی قریب سے چلائی گئی، جس زاویے سے گولی چلی اس کے نتیجے میں گاڑی کی سیٹ میں بھی سوراخ ہونا چاہیے تھا،ارشد شریف شہیدنے وقار احمد کے گیسٹ ہاؤس میں 2ماہ 3دن قیام کیا، رپورٹ کے مطابق وقار احمد کے کینین پولیس اور وہاں کی انٹیلی جنس ایجنسیوں سے روابط ہیں

وقار احمد کے کینیا کی نیشنل انٹیلی جنس ایجنسی سے قریبی تعلقات ہیں، وقارکے مطابق حادثے کے بعد پولیس نے ارشد کا آئی فون،آئی پیڈ،وائلٹ ،2یو ایس بیز حوالے کیں وقاراحمد نے آئی فون اور آئی پیڈ نیشنل انٹیلی جنس ایجنسی کے افسر کو دے دیا،ایک دن بعد پاکستانی ہائی کمیشن نے ایک افسر کو ارشد شریف کی چیزیں لینے کیلئے بھیجا گیا وقار کے مطابق اس نے این آئی ایس کے افسر کو کال کرکے بتایا،این آئی ایس کے افسر نے وقار کو پاکستانی ہائی کمیشن کو کسی بھی چیز کو تحویل میں لینے سے روکا،بعد ازاں ایک اسسٹنٹ ڈائریکٹر پوسٹ کا بندہ بھیجا گیا، رپورٹ کے مطابق ہائی کمیشن افسروں کو اہم شواہد ملے ہائی کمیشن افسروں کو 2 موبائل،ایک کمپیوٹر اور ارشدکی ایک ذاتی ڈائری ملی ،ارشدشریف یہ چیزیں کینیا میں رہائش کے دوان استعمال کررہے تھے وقار احمدسے پہلی 3ملاقاتیں کافی مددگا رثابت ہوئیں فیکٹ فائنڈنگ ٹیم نے ارشد شریف کی رہائش گا دورہ کیا،دورے کے دورا ن ٹیم کو ارشد شریف کا پاسپورٹ ملا، یو ایس بیز ،پاسپورٹ کی کمیشن کوحوالگی پر سوال کا جواب تسلی بخش نہیں وقار احمد نے پہلے سی سی ٹی وی فوٹیج دینے پہلے آمادگی ظاہر کی رپورٹ کے مطابق وقارنے بعدمیں فوٹیج دینے سے معذرت کرلی

وقاراحمد نے کہا فوٹیج لوکل اتھارٹیز کے حوالے نہیں کی گئی،وقارنے کہا وکیل اور بیوی نے فوٹیج نہ دینے کا مشورہ دیا ہے ،فیکٹ فائنڈنگ کی رپورٹ میں وقار کے چھوٹے بھائی خرم کا بھی ذکر ہے خرم کاکہنا تھا کہ وہ کھانے کے بعد ارشد شریف کو ساتھ لےکر نکلے گا،راستے میں انہیں سڑ ک پر پتھر نظر آئے جس پرخرم نے ارشد کو بتایا کہ یہ ڈاکو ہوں گے،جیسے سے سڑک پرپڑے پتھروں کو پار کیا توانہیں گولیاں کی آواز سنائی دی، گولیوں کی آواز سنتے ہی وہ وہا ں سے بھاگ گئے، خرم نے محسوس کیا ارشد شریف کو گولی لگی ہے، خرم نے اپنے بھائی وقار کو فون کیا اور فارم ہاؤس پر پہنچنے کا کہا ،فارم ہاؤس 18کلو میٹر دور تھا، فارم ہاؤس پہنچ کر خرم نے گاڑی کو گیٹ پر ہی چھوڑ دیااور اندر بھاگ گیا،خرم کا کہنا ہے ارشد کی ہلاکت فارم ہاؤس کے گیٹ پر ہوئی وقوعہ کی جگہ سے فارم ہاؤس تک خرم کے علم میں نہیں تھا کہ ارشدزندہ ہےیا نہیں ، جس زاویےپر خرم بیٹھاتھا اسے نظر آنا چاہیے تھاکہ ارشدبری طرح زخمی ہے، ارشد کے قتل بارے میں فیصل واوڈاکی پریس کانفرنس پر ان سے 15نومبر کو رابطہ کیا گیا،

فیصل واوڈاسے ارشدشریف کے قتل سے متعلق شواہد طلب کیے گئے، اُن کی درخواست پر ٹیم نے انہیں 7 سوال تحریری طورپر دیئے دوبارہ رابطے کی کوشش پر انہوں کو کوئی جواب نہیں دیا ،کیس میں کئی غیرملکی کرداروں کا کردار اہمیت کا حامل ہے ارشد شریف کے کینیا میں میزبان خرم اور وقار کا کردار اہم اور مزید تحقیق طلب ہے،وقار احمد کمیٹی کے سوالات کا تسلی بخش جواب نہ دے سکے، گاڑی چلانے والے خرم کے بیانات تضاد سے بھرپور ہیں، دونوں افراد مطلوبہ معلومات دینے سے ہچکچا رہے ہیں،

ارشد شریف قتل کا مقدمہ ایف آئی اے میں انسداد دہشتگردی ونگ میں درج کرنے کی سفارش کی گئی،اور کہا گیا کہ صحافی ارشد شریف پر تشدد کے ٹھوس شواہد نہیں مل سکے،پاکستان اور کینیا کی پوسٹمارٹم رپورٹس میں تضاد ہے،کینیا کی پوسٹمارٹم رپورٹ کے مطابق ارشد شریف کا ناخن ڈی این اے کیلئے لیا گیا،کینیا حکام نے نہیں بتایا کہ کتنے ناخن بطور سیمپل لیے گئے، پاکستانی ڈاکٹرز کے پوسٹمارٹم رپورٹ سےارشد شریف پر تشدد کے خدشات کو تقویت ملتی ہے، پاکستانی پوسٹمارٹم رپورٹ کے مطابق ارشد شریف کے بائیں ہاتھ کی انگلیوں کے چار ناخن نہیں تھے،

‏ارشد شریف کو گولی کیسے لگی؟ حقائق سامنے آ گئے

ارشد شریف کی موت،قیاس آرائیوں سے گریز کیا جائے،وفاقی وزیر اطلاعات

 وزیر اطلاعات مریم اورنگزیب ارشد شریف کی والدہ کے پاس تعزیت کے لئے پہنچ گئیں

جویریہ صدیق نے ٹویٹر پر ارشد شریف کی جانب سے مریم نواز کی والدہ کے لیے دعا کا سکرین شاٹ شیئر کیا اور مریم نواز کو مخاطب کرتے ہوئے کہا کہ کچھ شرم کر۔ اللہ سے ڈر

اسلام آباد ہائیکورٹ کاسیکرٹری داخلہ و خارجہ کو ارشد شریف کے اہلخانہ سے رابطے کا حکم

 ارشد شریف کا لیپ ٹاپ ، تحریک انصاف کے چیئرمین عمران خان کے قریبی ساتھی کے پاس ہے

ارشد شریف قتل کیس، رپورٹ میں ایسا کیا ہے جو سپریم کورٹ میں جمع نہیں کرائی جا رہی؟ سپریم کورٹ

خیال رہے کہ 23 اکتوبر کو نیروبی مگاڈی ہائی وے پر شناخت میں غلطی پر پولیس نے ارشد شریف کو سر پر گولی مار کر ہلاک کردیا تھا تاہم ارشد شریف کے قتل کیس کی تحقیقات جاری ہیں جس میں کینیا پولیس کے مؤقف میں تضاد پایا گیا ہے۔

[wp-embedder-pack width=”100%” height=”400px” download=”all” download-text=”” attachment_id=”578106″ /]

دسمبرکیلیے ٹیکس وصولیوں کا ہدف 965.28 ارب روپے مقرر

ایف بی آر نے رواں ماہ دسمبرکیلیے ٹیکس وصولیوں کا ہدف 965.28 ارب روپے مقرر کر دیا ہے جسے حاصل کرنے کیلیے ایف بی آرکو مجموعی طور پر60.7 فیصد گروتھ درکار ہوگی. رواں سہ ماہی (اکتوبر تا دسمبر) کیلیے ٹیکس وصولیوں کا ہدف2036.1 ارب روپے مقرر کیا گیا ہے جسے حاصل کرنے کیلئے33.7 فیصد گروتھ درکار ہوگی،اس سے قبل ایف بی آر کی جانب سے گزشتہ ماہ نومبر اور رواں مالی سال کے پہلے پانچ ماہ (جولائی تا نومبر) میں ٹیکس وصولیاں مقررہ اہداف سے زائد رہی ہیں.

اکتوبر میں ایف بی آر کو21 ارب روپے کے لگ بھگ ریونیو شارٹ فال کا سامنا کرنا پڑا تھا اور 534.08 ارب روپے کے ہدف کے مقابلے میں513ارب روپے اکٹھے کئے جا سکے۔ دستیاب دستاویز کے مطابق دسمبر کیلئے انکم ٹیکس، سیلز ٹیکس، فیڈرل ایکسائز ڈیوٹی پر مشتمل ان لینڈ ریونیو ٹیکسوں کی مد میں مجموعی طور پر859.88ارب روپے وصولی کا ہدف مقرر کیا گیا ہے۔

اس میں ڈائریکٹ ٹیکس (انکم ٹیکس)کی مدمیں وصولیوں کاہدف546.12 ارب، سیلز ٹیکس کی مد میں 272.561 ارب اور فیڈرل ایکسائز ڈیوٹی کی مد میں وصولیوں کا ہدف41.20ارب روپے مقرر کیا گیا ہے۔ کسٹمز ڈیوٹی کی مد میں وصولیوں کا ہدف102.40ارب روپے مقرر کیا گیا ہے۔ ایف بی آر نے رواں سہ ماہی (اکتوبر تادسمبر) کیلئے ٹیکس وصولیوں کا ہدف2036.1ارب روپے مقررکیا ہے جسے حاصل کرنے کیلئے انکم ٹیکس، سیلز ٹیکس اور فیڈرل ایکسائز ڈیوٹی پر مشتمل ان لینڈ ریونیو ٹیکسوں کی مدمیں مجموعی طور پر1744.69 ارب روپے اکٹھے کرنے ہونگے۔

ڈائریکٹ ٹیکس (انکم ٹیکس) کی مد میں وصولیوں کاہدف910.611ارب، سیلز ٹیکس کی مد میں 728.48ارب، فیڈرل ایکسائز ڈیوٹی کی مد میں 105.60ارب اور کسٹمز ڈیوٹی کی مد میں وصولیوں کا ہدف291.40ارب روپے مقرر کیا گیا ہے۔ ایف بی آر حکام کا کہنا ہے کہ تمام فیلڈ فارمیشنز کو ہدایت کی گئی ہے کہ نہ صرف دسمبر بلکہ رواں سہ ماہی کیلئے ٹیکس وصولیوں کے اہداف کے حصول کو ہر صورت یقینی بنایا جائے۔رواں مالی سال کے پانچ ماہ (جولائی تا نومبر) کیلئے ٹیکس وصولیاں 2688رہیں جو 2680 ارب کے ہدف سے آٹھ ارب روپے زیادہ ہیں۔ یہ وصولیاں گزشتہ سال کے انہی پانچ ماہ کی ٹیکس وصولیوں کے مقابلے میں 15.3فیصد زیادہ تھیں۔ گزشتہ ماہ نومبرکیلئے ہدف سے ایک ارب بیس کروڑ روپے کی زائد ٹیکس وصولیاں کی گئی ہیں۔