Tag: تازہ ترین

اسلام آباد:قومی اسمبلی کی قائمہ کمیٹی برائے پٹرولیم کا اجلاس عامر اقبال گوپانگ کی زیرصدارت ہوا۔جس میں سردیوں میں گیس کی قلت کےحوالے سے اٹھائے گئے اقدامات پرتفصیلی گفتگو ہوئی،اجلاس کے دوران کراچی میں گیس لوڈ شیڈنگ کا معاملہ زیر غور آیا۔ اس حوالے سے سوئی سدرن گیس کمپنی نے کمیٹی کے ارکان کو بریفنگ دی۔

ذرائع کے مطابق اس حوالے سے جاری اہم اجلاس میں ایس ایس جی سی کے حکام نے بتایا کہ اس وقت سوئی سدرن کو 300 ایم ایم سی ایف ڈی گیس قلت کا سامنا ہے، کراچی میں ایک لاکھ 90 ہزار کنکشنز ہیں، پورے کراچی میں فوری گیس کی فراہم ممکن نہیں ہے، کوشش ہے جہاں گیس پریشر کم ہے وہاں ایل پی جی پہنچائیں، کراچی میں ایک لاکھ صارفین کو ایل پی جی سلنڈر فراہم کریں گے۔

سوئی سدرن گیس کمپنی کے حکام نے کہا کہ سردیوں میں گھریلو صارفین کو گیس کی فراہمی ترجیح ہے، کمپنیوں کے پریشر پمپس چلنے سے گھریلو صارفین کو مشکلات ہوتی ہے، فیکٹریوں کے پریشر پمپس کو چھاپے مار کر روکیں گے۔

اجلاس کے دوران سیکریٹری پیٹرولیم نے بتایا کہ 10 سال بعد پاکستان میں مقامی گیس کا ذخیرہ ختم ہوجائےگا، سیاسی عدم استحکام کے باعث غیر ملکی کمپنیاں نہیں آ رہیں،

سیکرٹری پٹرولیم کا کہنا تھا کہ ہم ایل این جی 40 ڈالر کی خرید کر گھریلو صارفین کو 3 ڈالر میں دے رہے ہیں، مہنگی ایل این جی خرید کر سستی نہیں بیچ سکتے، بقایا جات جمع ہونے سے گیس کمپنیاں دیوالیہ ہونےکے قریب ہیں۔

گیس کی ترسیل کے حوالے سے سیکریٹری پیٹرولیم نے بتایا کہ پابندیوں کے باعث ایران اور روس سےگیس نہیں لےسکتے، روس اور یوکرین جنگ کے بعد دنیا میں گیس ہی نہیں، اگر پیسوں کا بندوبست کر بھی لیں تو گیس نہیں ملے گی۔

موسم سرما میں گیس لوڈ شیڈنگ کے حوالے سے سیکرٹری پٹرولیم نے کہا کہ گھریلوصارفین کو سردیوں میں ناشتے اور کھانے کے اوقات میں صرف 8 گھنٹےگیس ملےگی، صارفین کو 16گھنٹےگیس لوڈ شیڈنگ کا سامنا رہےگا، سی این جی اسٹیشن کو بتا دیا اگلے دو ماہ گیس نہیں ملےگی۔ موجودہ بحرانی صورتحال میں گھریلو صارفین کو 8 گھنٹے گیس دے دیں توبڑی کامیابی ہوگی۔

ویتنام، پاکستان کے درمیان 50 سال سفارتی تعلقات؛ مشترکہ تقریب میں دو طرفہ تعلقات کو مضبوط بنانے کا عزم
ہنوئی میں پاکستانی سفارت خانے نے ویتنام انسٹی ٹیوٹ آف انڈین اینڈ ساؤتھ ویسٹ ایشین اسٹڈیز کے تعاون سے 50 سال مکمل ہونے کی خوشی میں "انٹرنیشنل کانفرنس آن ویتنام پاکستان سفارتی تعلقات کے 50 سال” کے عنوان سے ایک بین الاقوامی کانفرنس کا انعقاد کیا تھا۔ سفارتی تعلقات بارے اس بین الاقوامی کانفرنس کے انعقاد کا مقصد دوطرفہ تعلقات کو دوبارہ متحرک کرنا اور ویتنام اور پاکستان کے پالیسی سازوں کے درمیان باہمی تعلقات کے حوالے سے انتہائی ضروری معاملات میں سفرا کو متحرک کرنے کا عزم تھا۔

واضح رہے کہ کانفرنس کی مہمان خصوصی محترمہ لی تھی تھو ہینگ، جبکہ ویتنام کی وزارت خارجہ کی معاون ترجمان تھیں۔ اس موقع پرانہوں نے امید ظاہر کی کہ دونوں اطراف کی مسلسل کوششیں دو طرفہ تعلقات کو مضبوط بنانے کا باعث بنیں گی۔ جبکہ اپنے کلمات کے دوران ویتنام میں پاکستان کی سفیر ثمینہ مہتاب نے دو طرفہ تعلقات کی موجودہ صورتحال کا جائزہ لیا اور کانفرنس کے دوران ہونے دوران ہونی گفتگو کا خیرمقدم کیا جبکہ کانفرنس کے دوران کیک کاٹنے کی تقریب بھی منعقد کی گئی تھی۔
مزید یہ بھی پڑھیں؛
پاکستان میں سیاسی عدم استحکام انارکی کا باعث بن سکتا ہے۔ ماہرین
پی ٹی آئی لانگ مارچ کا دوبارہ آغاز؛ لیکن سڑکیں بند ہونے سے عوام پریشان
جیت میں ہار میں، خوشی میں غم میں ہم ایک ہیں،شاداب خان
کانفرنس میں دونوں ممالک کے مختلف شعبوں کے 100 سے زائد مندوبین، سفارتی کور کے ارکان، سکالرز اور کاروباری شخصیات نے شرکت کی تھی۔ کانفرنس ہائبرڈ فارمیٹ میں منعقد ہوئی اور متعدد شرکاء زوم کے ذریعے شامل ہوئے تھے۔ اس کانفرنس میں سیاسی تعلقات، تجارت، سرمایہ کاری، سیاحت اور انفارمیشن ٹیکنالوجی سمیت دو طرفہ تعامل کے تمام بڑے شعبوں کا احاطہ کرنے والے چار سیشنز شامل تھے۔ پاکستان اور ویتنام کے 20 کے قریب ریسرچ اسکالرز اور متعلقہ محکموں کے نمائندوں نے دوطرفہ تعلقات پر روشنی ڈالی۔ کانفرنس کے دوران دونوں اطراف کے مقررین نے 50 سالہ دوطرفہ تعلقات پر تفصیلی تبادلہ خیال کیا اور تعلقات کو مضبوط بنانے کے لیے حکمت عملی کی تجویز پیش کی۔

ایف بی آر نے کاسمیٹک سیکٹر میں کروڑوں روپے کی مبینہ ٹیکس چوری کے بڑے اسکینڈل کا سراغ لگا کر تحقیقات شروع کردیں۔

نجی ٹی وی کے مطابق ایف بی آر کے ماتحت ادارے ڈائریکٹریٹ جنرل انٹیلی جنس اینڈ انویسٹی گیشن ان لینڈ ریونیو نے یہ تحقیقات بائیو آملہ شیمپو اور ہیئر آئل بنانے والی فارول کاسمیٹکس نامی کمپنی کے خلاف شروع کی ہیں۔ ذرائع کے مطابق ایف بی آر کی طرف سے کمپنی کی سیلز ٹیکس رجسٹریشن معطل ہے مگر اس کے باوجود دوسرے صوبوں سے وینڈرز کو آؤٹ سورس کرکے اسی برانڈ کی مصنوعات تیار کرکے فروخت کی جارہی ہیں جس کا نہ کوئی ریکارڈ ہے اور نہ ہی اس پر سیلز ٹیکس و دیگر ٹیکس ادا کیے جارہے ہیں۔

ذرائع کا کہنا ہے اس سے قبل ایف بی آر کی طرف سے اس کمپنی کے مینجنگ پارٹنر محمد اویس کے فیملی ممبر ذکاء الدین کی طرف سے فارول کاسمیٹک پرائیویٹ لمیٹڈ کے نام سے چلائی جانے والی کمپنی کے ایک ارب روپے کے لگ بھگ مالیت کی ٹیکس چوری پر بینک اکاؤنٹس اور ٹریڈ مارک کو منجمد کیا جاچکا ہے۔ ٹیکس واجبات کی ریکوری کیلئے فارول کاسمیٹک پرائیویٹ لمیٹڈ کے مالکان کے نام ایف بی آر کی طرف سے اٹیچ کردہ جائیداد نیلامی کے مرحلے میں ہے اب اسی فیملی کے دوسرے ممبر محمد اویس کی طرف سے فارول کاسمیٹک کے نام سے کمپنی رجسٹرڈ کروارکھی ہے۔

یہ کمپنی بھی کروڑوں روپے کی ٹیکس چوری میں ملوث ہے جس پر اس کمپنی کے بھی سیلز ٹیکس رجسٹریشن معطل ہیں مگر اس کے باوجود کام جاری رکھے ہوئے ہے اورآؤٹ سورس کرکے کیے جانے والے کاروبار پر بھی بڑے پیمانے پر ٹیکس چوری کی جارہی ہے جب کہ بینک اکاؤنٹس منجمد ہونے پر مختلف ڈسٹری بیوٹرز اور دوسرے لوگوں کے بینک اکاونٹس کے ذریعے ٹرانزیکشنز کیے جانے کا انکشاف ہوا ہے۔ دستیاب دستاویز کے مطابق ڈائریکٹریٹ جنرل انٹیلی جنس اینڈ انویسٹی گیشن ان لینڈ ریونیو کی ابتدائی تحقیقات میں انکشاف ہوا ہے کہ فارول کاسمیٹکس تین مختلف سیلز ٹیکس رجسٹریشن نمبر کے ذریعے ریجنل ٹیکس آفس پشاور اور ریجنل ٹیکس آفس لاہور میں کام کررہی ہے جن میں سے میسز فارول کاسمیٹکس کے نام سے ایک کمپنی ریجنل ٹیکس آفس پشاور کی حدود میں کام کررہی ہے۔ اسی طرح میسز فارول کاسمیٹکس کے ہی نام سے دوسری کمپنی الگ سیلز ٹیکس رجسٹریشن نمبر سے ریجنل ٹیکس آفس لاہور میں کام کررہی ہے جبکہ میسز فارول کاسمیٹکس پرائیویٹ لمیٹڈ لاہور کے نام سے تیسرے سیلز ٹیکس رجسٹریشن نمبر کے ساتھ کارپوریٹ ٹیکس آفس لاہور کی حدود میں کام کررہی ہے۔

دستاویز کے مطابق ڈائریکٹریٹ جنرل انٹیلی جنس اینڈ انویسٹی گیشن ان لینڈ ریونیو نے مبینہ طور پر بھاری ٹیکس چوری میں ملوث تین مختلف سیلز ٹیکس رجسٹریشن نمبرز کے ساتھ کام کرنے والی تینوں کمپنیوں کے بارے میں ریجنل ٹیکس آفس لاہور، کارپوریٹ ٹیکس آفس لاہور اور ریجنل ٹیکس آفس پشاور سے پچھلے پانچ سال کا ریکارڈ طلب کرلیا ہے۔ دستاویز کے مطابق ریجنل ٹیکس آفس پشاور، ریجنل ٹیکس آفس لاہور اور کارپوریٹ ٹیکس آفس لاہور کے ڈائریکٹرز انٹیلی جنس اینڈ انویسٹی گیشن ان لینڈ ریونیو لکھے جانے والے لیٹر میں کہا گیا ہے کہ مذکورہ کمپنی کے خلاف بھاری ٹیکس چوری میں ملوث ہونے پر تحقیقات جاری ہیں لہٰذا یہ کمپنی آر ٹی او پشاور، آر ٹی او لاہور اور سی ٹی او لاہور کی حدود میں مختلف سیلز ٹیکس رجسٹریشن نمبرز(ایس ٹی آر این) سے کام کررہی ہے ۔

اسی لیے تینوں ادارے اس کمپنی کے بارے میں تمام متعلقہ ریکارڈ اور جامع رپورٹ تیار کرکے ڈائریکٹریٹ جنرل انٹیلی جنس ینڈ انویسٹی گیشن ان لینڈ ریونیو کو بھجوائی جائے۔ دستاویز کے مطابق مذکورہ تینوں علاقائی دفاتر کے سربراہان سے کہا گیا ہے کہ مذکورہ کمپنی کے پچھلے پانچ سال کی انکم ٹیکس اور سیلز ٹیکس کی تفصیلات پرمبنی رپورٹ بھجوائی جائے اور یہ بھی بتایا جائے کہ اگراس کمپنی کے خلاف کوئی انکم ٹیکس اور سیلز ٹیکس کا آڈٹ ہوا ہے یا انکم ٹیکس اور سیلز ٹیکس اسیسمنٹ ہوئی ہے یا ٹیکس واجبات کی ریکوری زیر التواء ہے تو اس کی بھی تفصیلات فراہم کی جائیں۔