اٹارنی جنرل اشتر اوصاف علی نے خرابی صحت کے باعث استعفیٰ دے دیا

اٹارنی جنرل آف پاکستان اشتر اوصاف علی نے آج بروز بدھ 12 اکتوبر کو عہدے سے استعفی دے دیا ہے۔ استعفی کے بعد وزیراعظم کی جانب سے اٹارنی جنرل کو نئی تعیناتی تک کام جاری رکھنے کی ہدایت کی گئی ہے۔ ذرائع کے مطابق اٹارنی جنرل نے خرابی صحت کے باعث مزید کام جاری رکھنے سے معذرت ظاہر کی۔ وفاقی حکومت نے نئے اٹارنی جنرل کی تلاش شروع کر دی۔

واضح رہے کہ رواں برس مئی میں وفاقی حکومت کی جانب سے اشتر اوصاف علی کو اٹارنی جنرل مقرر کیا گیا تھا۔ وزیرِاعظم میاں محمد شہباز شریف نے اشتر اوصاف علی کی تعیناتی کی منظوری دی تھی۔ جبکہ اس سے قبل پاكستان تحریک انصاف (پی ٹی آئی) كے دور حکومت میں اٹارنی جنرل آف پاكستان خالد جاوید خان نے سابقہ حكومت كے خاتمے كے فورا بعد عہدے سے استعفی دے دیا تھا۔ اشتر اوصاف 16-2015ء میں وزیرِ اعظم کے اسپیشل اسسٹنٹ قانون و انصاف بھی رہ چکے ہیں، انہیں اس سے قبل سابق وزیرِ اعظم میاں نواز شریف نے 2016ء میں اٹارنی جنرل مقرر کیا تھا۔
مزید یہ بھی پڑھیں؛ مسلم ورلڈ لیگ کے سیکریٹری کی آرمی چیف جنرل قمر جاوید باجوہ سے ملاقات
سوات اسکول وین حملہ؛ معصوم بچوں کو نشانہ بنانا درندگی کا پست سے پست تر رجحان ہے. بلاول بھٹو
ڈی جی آئی ایس پی آر سمیت 12 میجر جنرلزکی لیفٹیننٹ جنرل کے عہدے پر ترقی
اشتر اوصاف نے 2018ء تک بطور اٹارنی جنرل خدمات انجام دی تھیں، وہ 12-2011ء میں صوبے کے پراسیکیوٹر جنرل بھی رہے ہیں۔ اشترا وصاف 2 مرتبہ ایڈووکیٹ جنرل پنجاب بھی رہے ہیں۔ انہوں نے بطور اٹارنی جنرل فاٹا کے خیبر پختونخوا میں انضمام کے حوالے سے آئینی ترمیم کے مسودے کی تیاری میں کردار ادا کیا تھا۔ اشتر اوصاف نے جی ایس پی پلس تجارتی پیکیج کی تجدید میں بھی کردار ادا کیا، انہیں 2018ء میں ستارۂ امتیاز دیا گیا تھا.

پاکستان میں پہلی بار بچوں کی پڑھائی لکھائی میں مشکل کو دور کرنے کے لئے انقلابی قانون سازی کرتے ہوئے ڈِس۔لیکسیا سے متعلق قانون منظور کرلیا گیا، جس کے تحت ملک بھر کے تعلیمی اداروں میں ڈِس۔لیکسیا کا سامنا کرنے والے بچوں کے لئے خصوصی تربیتی پروگرام شروع کیا جائے گا جبکہ اساتذہ کو عالمی معیار کی تربیت دی جائے گی تاکہ وہ بچوں کی پڑھائی لکھائی کی اس مشکل کو دور کرکے ان کی تعلیمی صلاحیتوں کو بڑھاسکیں۔

نجی ٹی وی کی ایک خبر کے مطابق؛ قانون کے تحت تمام تعلیمی اداروں میں ایسے بچوں کی مار پیٹ، ذہنی اذیت یا ہراساں کرنے پر پابندی ہوگی، تعلیم وتربیت کی وزارت کی پارلیمانی سیکریٹری زیب جعفر نے بل پیش کیاتھا۔ اس بل کا نام ڈِس۔لیکسیا خصوصی اقدامات ایکٹ 2022 ہے جسے پارلیمنٹ نے گزشتہ روز منظور کیا گیا۔ قانون کے تحت پاکستان میں 18 سال سے کم عمرکے بچوں کو پڑھائی لکھائی میں آنے والی مشکل سے نجات دلانے کے لئے اساتذہ کی خصوصی تربیت کی جائے گی۔

دنیا بھر میں ایسے بچے اور بڑی عمر کے لوگ موجود ہیں جنہیں حروف کو پہچاننے، ملتے جلتے حروف اور ریاضی کے اعداد میں فرق کرنے، الفاظ، ریاضی کے سوالات اور انگریزی کے حروف کو لکھنے اور پڑھنے میں مشکل پیش آتی ہے۔ یہ کوئی بیماری یا ذہنی معذوری نہیں بلکہ ایک عارضی مشکل ہوتی ہے جسے تھوڑی سی تربیت سے دور کیاجاسکتا ہے، ماہرین کے مطابق اس مشکل کا سامنا کرنے والے افراد کی ذہانت غیرمعمولی ہوتی ہے۔ قانون سازی کے تحت اسکول میں داخلے کے وقت بچوں کا ایک ٹیسٹ (امتحان) لیاجائے گا جس سے تصدیق ہوگی کہ بچے کو ڈِس۔لیکسیا کی مشکل تو نہیں تاکہ ان کو پڑھائی لکھائی میں آنے والی اس مشکل کو دور کیاجاسکے۔ اس نئے قانون کے تحت تمام اسکولوں میں ڈِس۔لیکسیا کے حوالے سے مہارت رکھنے والے اساتذہ اور عملہ رکھا جائے گا۔

ڈِس۔لیکسیا تھراپسٹ بھی ہر اسکول میں رکھے جائیں گے تاکہ وہ ایسے بچوں کی اس مشکل کو دور کرسکیں۔ قانون کی منظوری کے 120 دن کے اندر متعلقہ رولز بنائے جائیں گے تاکہ اس قانون کے تحت تجویز کئے گئے خصوصی اقدامات پر عمل درآمد کو یقینی بنایا جاسکے۔ قانون کے تحت ڈِس۔لیکسیا سے متعلق معلومات اور تربیت پر مبنی خصوصی تحریری مواد بھی تعلیمی اداروں کو فراہم کیاجائے گا۔
مزید یہ بھی پڑھیں؛ مسلم ورلڈ لیگ کے سیکریٹری کی آرمی چیف جنرل قمر جاوید باجوہ سے ملاقات
سوات اسکول وین حملہ؛ معصوم بچوں کو نشانہ بنانا درندگی کا پست سے پست تر رجحان ہے. بلاول بھٹو
ڈی جی آئی ایس پی آر سمیت 12 میجر جنرلزکی لیفٹیننٹ جنرل کے عہدے پر ترقی
ڈِس۔لیکسیا کے شکار لوگوں میں دنیا کی مشہور ترین شخصیات شامل ہیں جن میں امریکی صدور، سائنسدان، کھلاڑی، فنکار اور کاروباری شخصیات شامل ہیں۔ ایک رپورٹ کے مطابق پاکستان میں ڈِس۔لیکسیاکی مشکل کا سامنا کرنے والے افراد کی تعداد 20 فیصد بتائی جاتی ہے تاہم پاکستان کی تاریخ کے اس پہلے قانون کی منظوری کے بعد اب اس حوالے سے اعدادوشمار، معلومات اور بہتری کے حوالے سے مصدقہ اطلاعات میسر آسکیں گی۔

سی اے اے؛ فلائٹ سیفٹی کو مانیٹر کرنے والا محکمہ ڈائریکٹر فلائٹ اسٹینڈرڈز سے محروم

قومی ائیر لائن (پی آئی اے) پر پابندی کے باوجود سول ایوی ایشن کا فلائٹ سیفٹی کو مانیٹر کرنے والا محکمہ اپنے سربراہ ڈائریکٹر فلائٹ اسٹینڈرڈز سے 2 سال سے محروم ہے۔ ایک خبر کے مطابق پی آئی اے پر یورپی یونین اور برطانوی پابندی کے باوجود سول ایوی ایشن حکام کی عدم توجہی کا سلسلہ جاری ہے۔ ائیر لائنز کی فلائٹ سیفٹی کی نگرانی کرنے والا محکمہ اپنے سربراہ سے محروم ہے۔ باوثوق ذرائع کا کہنا ہے کہ ڈائریکٹر فلائٹ اسٹینڈرڈز کا عہدہ 2 سال گزر جانے کے باوجود خالی ہے۔ فلائٹ انسپکٹر افتخار عثمانی کو عارضی چارج دے دیا گیا تاہم اہلیت نہ ہونے کے باعث مستقل نہیں کیا جارہا۔ اہم عہدہ تاحال خالی ہے۔

ذرائع کا کہنا ہے کہ اہم عہدے کے خالی ہونے پر سول ایوی ایشن اتھارٹی پر یورپی پابندی اٹھوانے کے اقدامات کی سنجیدگی پر سوالات اٹھ رہے ہیں۔ حکام نے مختلف عہدوں پر خلافِ ضابطہ تعیناتی کے احکامات بھی جاری کرنا شروع کردئیے۔ سول ایوی ایشن میں انسپکٹرز کی تعداد انتہائی کم ہونے کے باعث ائیر لائنز کا کام متاثر ہورہا ہے۔ مختلف ائیر لائنز کا 130 سے زائد کیبن کریو انسپکٹرز کی کمی کے باعث وقت پر چیکنگ نہ ہونے کے باعث ڈیوٹی سے محروم اور ائیرلائنز کا نقصان ہورہا ہے۔
مزید یہ بھی پڑھیں؛ مسلم ورلڈ لیگ کے سیکریٹری کی آرمی چیف جنرل قمر جاوید باجوہ سے ملاقات
سوات اسکول وین حملہ؛ معصوم بچوں کو نشانہ بنانا درندگی کا پست سے پست تر رجحان ہے. بلاول بھٹو
ڈی جی آئی ایس پی آر سمیت 12 میجر جنرلزکی لیفٹیننٹ جنرل کے عہدے پر ترقی
بعض ذرائع کا دعویٰ ہے کہ افتخار عثمانی کی ایماء پر جان بوجھ کر چھٹی کے دن چیک رکھے جاتے ہیں جن سے انسپکٹرز دوگنا الاؤنس وصول کرتے ہیں۔ پائلٹس کی چیکنگ کیلئے 3 انسپکٹرز میں سے 1 استعفیٰ دے چکا، دوسرا ریٹائرمنٹ پر چلا گیا۔ اس حوالے سے ذرائع کا یہ دعویٰ بھی ہے کہ 600 سے زائد پائلٹس کیلئے سول ایوی ایشن کے پاس ایک انسپکٹر ہے جو سال کے ہر روز 2 چیک روزانہ بھی رکھے تو ذمہ داری پوری نہیں ہوسکتی۔ سول ایوی ایشن کو انسپکٹرز اور اہم عہدے پر تعیناتی یقینی بنانا ہوگی۔

سیلاب متاثرین کے لیے گرم کپڑوں اور لحاف کی فراہمی کو یقینی بنایا جائے. وفاقی وزیر احسن اقبال کی ہدایت

وفاقی وزیر منصوبہ بندی ، ترقی ، اصلاحات و خصوصی اقدامات اور سربراہ این ایف آر سی سی پروفیسر احسن اقبال نے ہدایت کی ہے کہ سیلاب زدہ علاقوں میں جہاں موسم سرد ہو چکا ہے وہاں متاثرہ لوگوں کے لیے گرم کپڑوں اور لحاف کی فراہمی کو یقینی بنایا جائے۔

یہ ہدایت انہوں نے آج بروز بدھ کو این ایف آر سی سی میں اپنی زیر صدارت اجلاس میں دیں۔ اس موقع پر این ڈے ایم اے اور صوبائی حکام نے بریفنگ دی۔ نیشنل فلڈ ریسپانس کورڈینیشن سنٹڑ کے ایک اعلامیہ کے مطابق؛ اجلاس میں وفاقی وزیر احسن اقبال نے ہدایت کی کہ سیلاب زدہ علاقوں میں جہاں موسم سرد ہے وہاں متاثرہ لوگوں کے لیے گرم کپڑوں اور لحافوں کی فراہمی یقینی بنائی جائے۔ تاکہ سیلاب متاثرین سردی سے بچ سکیں اور انہیں اچھی سہولیات فراہم کی جائیں جبکہ انہوں نے مزید کہا کہ صحت کے حوالے سے بھی ان کا خیال رکھا جائے.
مزید یہ بھی پڑھیں؛ مسلم ورلڈ لیگ کے سیکریٹری کی آرمی چیف جنرل قمر جاوید باجوہ سے ملاقات
سوات اسکول وین حملہ؛ معصوم بچوں کو نشانہ بنانا درندگی کا پست سے پست تر رجحان ہے. بلاول بھٹو
ڈی جی آئی ایس پی آر سمیت 12 میجر جنرلزکی لیفٹیننٹ جنرل کے عہدے پر ترقی
نیشنل فلڈ ریسپانس کورڈینیشن سنٹڑ کا بتانا ہے کہ؛ انہوں نے سیلاب سے متاثرہ علاقوں کے کسانوں کو بلا سود کےقرضے دینےکی ہدایت کی تاکہ وہ اپنی فصیل دوبارہ تیار کر سکیں۔وفاقی وزیر نے فصلوں کی کاشت کے لیے مشینری کی خریداری کے لیے متعلقہ حکام کو جلد لائحہ عمل تیار کرنے کی بھی ہدایت کی جبکہ اجلاس میں وزارت خوارک کو اس حوالے سے جلد بریفنگ کی ہدایت بھی کی گئی ہے۔