Baaghi TV

Tag: تازہ ترین

  • پاکستان دوطرفہ تجارت اور جرمن منڈیوں تک برآمدات کی رسائی کا خواہاں ہے. بلاول بھٹوزرداری

    پاکستان دوطرفہ تجارت اور جرمن منڈیوں تک برآمدات کی رسائی کا خواہاں ہے. بلاول بھٹوزرداری

    پاکستان دوطرفہ تجارت اور جرمن منڈیوں تک اپنی برآمدات کی رسائی کا خواہاں ہے، میونخ میں اپنا قونصل خانہ کھولنے میں سفارتی مدد پر جرمن حکومت کی شکر گزار ہے. وزیر خارجہ بلاول بھٹوزرداری

    وزیر خارجہ بلاول بھٹو زرداری جرمنی کے دارالحکومت برلن پہنچ گئے، جہاں وہ مختلف حکومتی شخصیات اور عہدیداروں سے ملاقاتیں کریں گے۔ وزیر خارجہ بلاول بھٹو کا اس موقع پر کہنا تھا کہ پاک جرمن تعلقات منفرد نوعیت کے باعث ہمارے لیے خصوصی اہمیت کے حامل ہیں، پاکستان جرمنی کے ساتھ کو قدر کی نگاہ سے دیکھتا ہے اور انکے دوام کا متمنی ہے، سیلاب سے نمٹنے کے لئے جرمنی کی امداد پر بے حد مشکور ہیں، دورے کا مقصد دونوں ممالک کی حکومتوں اور افراد کے مابین روابط کا فروغ ہے، پاکستان دوطرفہ تجارت اور جرمن منڈیوں تک اپنی برآمدات کی رسائی کا خواہاں ہے، میونخ میں اپنا قونصل خانہ کھولنے میں سفارتی مدد پر جرمن حکومت کی شکر گزار ہے ، میونخ قونصل خانہ عنقریب فعال ہو کر کمیونٹی کی خدمت شروع کر دے گا۔


    یہ بھی پڑھیں؛ عمران خان کے ممکنہ لانگ مارچ سے نمٹنے کیلئے 30 ہزار سیکیورٹی اہلکار تیار
    بلاول بھٹو نے عمران خان پر بات کرتے ہوئے کہا کہ خان صاحب تو لیاری الیکشن تک سے بھاگ نکلے، پی ٹی آئی کا یوٹرن پر یوٹرن ہوتا ہے، استعفے منظور ہونا شروع ہوئے تو عمران خان عدالت جا پہنچے، عدالت فیصلہ کرے کب تک عمران کو لاڈلے کی طرح چلائیں گے، خان چاہتا ہے اگر وہ وزیراعظم نہیں تو بھلے جمہوریت جائے، امید ہے کوئی بھی عمران خان کی باتوں میں نہیں پھنسے گا۔
    https://twitter.com/tayyabbalochpk/status/1578130003392430093
    انہوں نے کہا کہ نومبر سے متعلق فیصلے آئین اور قانون کے مطابق ہوں گے، نومبر میں کوئی بڑا طوفان یا ہیجان انگیز مون سون نہیں آئے گا، نومبر میں چین جائیں گے جہاں وزیراعظم کی صدر شی سے ملاقات ہوگی، بلاول نے بتایا کہ امریکی وزیرخارجہ سے ملاقات میں ڈونلڈ لو بھی تھے تاہم سائفر یا مبینہ دھمکی پر بات نہیں ہوئی۔

  • عمران خان کے ممکنہ لانگ مارچ سے نمٹنے کیلئے 30 ہزار سیکیورٹی اہلکار تیار

    عمران خان کے ممکنہ لانگ مارچ سے نمٹنے کیلئے 30 ہزار سیکیورٹی اہلکار تیار

    پاکستان تحریک انصاف کے ممکنہ لانگ مارچ سے نمٹنے کے لیے 30 ہزار کے قریب سیکیورٹی اہلکار وفاقی دارالحکومت اسلام آباد میں فرائض سرانجام دیں گے جن پر یومیہ تقریباً 15 کروڑ روپے کے اخراجات آئیں گے۔

    سینئر قیادت کا کہنا ہے کہ ن لیگ نے فیصلوں کا اختیار وزیراعظم کو سونپ دیا ہے لہذا سازش کو قانون کی طاقت سے کچلا جائے گا. اس ضمن میں ذمہ دار ذرائع نے بتایا ہے کہ پی ٹی آئی کے ممکنہ لانگ مارچ سے نمٹنے کے لیے اسلام آباد پولیس نے سیکیورٹی پلان کو حتمی شکل دے دی ہے۔ سیکیورٹی پلان کے تحت 30 ہزار کے قریب اہلکاراسلام میں سیکیورٹی کے فرائض سر انجام دیں گے جن میں پولیس، رینجرز، ایف سی، ایلیٹ فورس اور سندھ پولیس کے اہلکار شامل ہوں گے۔

    ذرائع کے مطابق سیکیورٹی اہلکاروں کے کھانے اور دیگراخراجات کی مد میں یومیہ تقریباً 15 کروڑ روپے خرچ ہوں گے، وفاقی وزارت خزانہ اور وفاقی وزارت داخلہ کے حکام کو اخراجات سے متعلق آگاہ کردیا گیا ہے۔ ادھر عمران خان نے کہا ہے کہ لانگ مارچ کیلئے تیاری سے آرہے ہیں، شفاف الیکشن نہ ہوئے تو جو ہوگا ملک اس کا متحمل نہیں ہو سکتا ہے ذرائع نے بتایا ہے کہ خیبر پختونخوا سے لانگ مارچ میں شرکت کے لیے بڑی تعداد میں پی ٹی آئی کارکنان کی آمد کا خدشہ ہے۔

    وفاقی پولیس کے اعلیٰ حکام کی جانب سے اسلام آباد انٹرنیشنل ایئرپورٹ کو بند رکھنے کی تجویز دی گئی ہے جب کہ اسلام آباد کے داخلی اور خارجی راستوں پر 1300 کے قریب کنٹینرز لگائے جائیں گے۔

    موجودہ حکومت کیخلاف عمران خان لانگ مارچ کرنے کی تیاری کر رہے ہیں تو وہیں حکومت لانگ مارچ کو روکنے کی مکمل تیاری کر چکی ہے، وفاقی وزیر داخلہ عمران خان کو چیلنج کر چکے ہیں وہ آ کر دکھائیں، آج پھر انہوں نے کہہ دیا کہ ہم لانگ مارچ ناکام بنانے کی بھر پور کوشش کریں گے

    پنجاب، خیبر پختونخوا کے مسلسل دوروں اور جلسوں میں عوام کی بھر پور شرکت سے عمران خان سمجھتے ہیں کہ انکا لانگ مارچ کامیاب ہو گا تا ہم 25 مئی عمران خان بھول رہے ہیں جب اسلام آباد جانے کی کال دی گئی تو قیادت غائب تھی اور کارکنان سڑکوں پر خوار و گرفتار ہو رہے تھے

    ممکنہ لانگ مارچ پر حکومت نے فیصلہ کیا ہے کہ اگر عمران خان اجازت لے کر جلسہ کرنے آئیں توآنے دیا جائے بصورت دیگر سخت ایکشن ہو گا ،اگر ممکنہ لانگ مارچ کے شرکا اسلام آباد کے داخلی و خارجی راستوں پرپہنچ گئے تو اسکولوں و کالجوں میں تعطیلات کا اعلان کیا جا سکتا ہے اتحادی حکومت نے فیصلہ کیا ہے کہ وفاقی دارالحکومت پر دھاوا بولنے کی اجازت کسی کو بھی نہیں دی جائیگی،

  • بشریٰ بی بی کوعمران نےتھپڑمارا،بشیرمیمن کو باتھ روم میں بند”کٹاکھل گیا”ایک ہیکردوکہانیاں:اہم انکشافات

    بشریٰ بی بی کوعمران نےتھپڑمارا،بشیرمیمن کو باتھ روم میں بند”کٹاکھل گیا”ایک ہیکردوکہانیاں:اہم انکشافات

    لاہور:بشریٰ بی بی کوعمران نےتھپڑمارا،بشیرمیمن کو باتھ روم میں بند”کٹاکھل گیا”ایک ہیکردوکہانیاں:اہم انکشافات ، یہ انکشافات دومقامات پر ہوئے پہلا انکشاف ہیکر نے کیا اور دوسرا انکشاف بشیرمیمن نے کیا ، ان دونوں انکشافات کا انکشاف مبشرلقمان نے کیا

    پاکستان کے سینیئر صحافی مبشرلقمان کہتے ہیں کہ جونہی وہ پاکستان پہنچے تو پاکستان کا سیاسی ماحول بہت ہی پراگندہ تھا ، سابق وزیراعظم عمران خان کے حوالے سے بہت زیادہ انکشافات ہوچکے تھے اورہورہے تھے ، اور اس کے ساتھ ساتھ سابق ڈی جی ایف آئی اے بشیرمیمن بھی بہت کچھ بتا چکے تھے

    مبشرلقمان بتاتے ہیں کہ کچھ عرصہ پہلے یہ خبریں گردش کررہی تھیں کہ عمران خان کی اہلیہ بشریٰ بی بی کی عمران خان سے علیحدگی ہوگئی ہے ، اوراب ہیکر نے اس خبر کو جزوی طور پردرست قرار دیا ہے ، ہیکر کا کہنا ہے کہ عمران خان نے بشریٰ‌ بی بی کو تھپڑ رسید کیا ہے اور کپتان اور بی بی کے درمیان فاصلے بڑھے ہیں ، مبشرلقمان کہتےہیں کہ بشریٰ‌ بی بی کچھ عرصہ قبل لاہور میں قیام پزیر رہیں اور یہی وہ وقت تھا جب بشریٰ بی بی کو تھپڑ پڑے

    دوسری بات جو مبشرلقمان نے بتائی وہ یہ تھی کہ بشیر میمن کے حوالے سے ہیکر نے کچھ انکشافات کیے تھے اور تھوڑی دیر بعد انکو ڈیلیٹ کردیا تھا اس سے ثابت ہوتا ہےکہ جو باتیں گردش کررہی تھیں وہ درست تھیں ، انہوں نے بشیر میمن سے پوچھا تو بشیر میمن نے اس بات کی تصدیق کی کہ واقعی ان کو باتھ روم میں غصہ ٹھنڈا کرنےکے بھیجا گیاتھا اور اس سے پہلے اعظم خان مجھے اس وقت وزیراعظم عمران خان سے گفتگو کے دوران معاملہ خراب ہونے کی وجہ سے اپنے ساتھ دوسرے کمرے میں لے گئے تھے

     

     

    بشیر میمن نے انکشاف کیا ہے کہ عمران خان مریم بی بی کے بارے میں سخت الفاظ استعمال کررہے تھے اس لیے وہ اپنے جزبات پر قابو نہ پاسکے اور عمران خان کو بہت زیادہ سخت ردعمل دیا ، جس کی وجہ سے مجھے باتھ روم میں بھیج دیا گیا ،

    مبشرلقمان کہتے ہیں کہ جہاں یہ واقعہ بہت دلخراش تھا وہاں عمران خان کے سپوکس مین بھی زہراگل رہے ہیں، انہوں نے شہبازگل ، فواد چوہدری کو آڑے ہاتھوں لیتے ہوئے کہا کہ یہ وہ لوگ ہیں جو کو کچھ بھی حیا نہیں ،ان کی وجہ سے بھی عمران خان کو پریشانی اٹھانا پڑ رہی ہے ،

  • سیلاب سے 90 لاکھ تک پاکستانی غربت کا شکار ہونے کا خدشہ ہے، ورلڈ بینک

    سیلاب سے 90 لاکھ تک پاکستانی غربت کا شکار ہونے کا خدشہ ہے، ورلڈ بینک

    اسلام آباد:ورلڈ بینک نےخدشہ ظاہر کیا ہے کہ پاکستان میں موسمیاتی تبدیلی کے نتیجے میں مون سون سے آنے والے سیلاب سے پاکستان کے 60 لاکھ سے 90 لاکھ تک شہری غربت میں چلے جاسکتے ہیں۔خبرایجنسی اے ایف پی کی رپورٹ کے مطابق ورلڈ بینک نے رواں برس مون سون بارشوں کے دوران آنے والے سیلاب سے پیدا بحران کے نتائج سے خبردار کیا ہے۔

    پاکستان میں رواں برس غیرمتوقع مون سون بارشوں سے تباہی ہوئی تھی، جس سے ایک ہزار 700 افراد جاں بحق، 20 لاکھ گھر تباہ ہوئے اور ملک کا ایک تہائی حصہ زیر آب آگیا تھا۔سیلاب سے ہونے والی تباہ کاریوں سے 80 لاکھ عوام بدستور بے گھر ہیں اور خیموں میں رہنے پر مجبور ہیں اور سیلاب کے کھڑے پانی کے کنارے کیمپ لگائے ہوئے جہاں ان کے مویشی اور دیگر اشیا تباہ ہوچکی ہیں۔

    ورلڈ بینک کی رپورٹ میں کہا گیا ہے کہ پاکستان میں غربت کی شرح میں 2.5 فیصد سے4 فیصد پوائنٹس میں اضافے کا خدشہ جو براہ راست سیلاب کے اثرات ہیں۔بیان میں کہا گیا کہ روزگار چھوٹ جانا، فصلیں، گھروں کی تباہی، اسکولوں کی بندش کے ساتھ بیماریوں کے پھیلاؤ اور غذائی اجزا کی قیمتوں میں اضافے سے غریبوں کی تعداد میں 58 لاکھ سے 90 لاکھ کے درمیان اضافے کا خطرہ ہے۔ورلڈ بینک نے کہا کہ ان منفی معاشی اور سماجی اثرات کے خاتمے کے لیے بڑا وقت لگے گا۔

    ایشیائی ترقیاتی بینک کے اعداد و شمار کے مطابق 22 کروڑ آبادی کے حامل ملک میں پہلے 20 آبادی خط غربت سے نیچے زندگی گزار رہی ہے۔پاکستان میں سیلاب سے ہونے والی تباہی سے قبل ہی شدید مسائل تھے، جہاں مہنگائی، روپے کی قدر میں بدترین تنزلی اور بیرونی ذخائر میں کمی کا سامنا تھا۔ورلڈ بینک نے کہا کہ ملک میں مالی سال 2023 کے لیے مہنگائی کی شرح 23 فیصد رہے گی۔

    خیال رہے کہ پاکستان کا دنیا میں گرین ہاؤسز گیس کے اخراج کا حصہ ایک فیصد سے بھی کم ہے لیکن موسمیاتی تبدیلی کے باعث پڑنے والی بدترین اثرات کا حامل ملکوں میں سے ایک ہے۔تحقیق میں کہا گیا کہ بدترین موسمی اثرات مزید عام ہورہے ہیں اور انسانوں کے پیدا بحران کے نتیجے میں مزید مسائل ہوسکتے ہیں۔

    پاکستان اس حوالے سے امیر اور کاربن کے اخراج کے بڑے ذمہ دار صنعتی ممالک سے مطالبہ کر چکا ہے وہ موسمیاتی تبدیلی سے پیدا ہونے والی پیچیدگیوں سے باہر نکلنے کے لیے زیادہ امداد دیں۔

  • مریم نواز لندن پہنچ گئیں: خاندان کے افراد سے 4 سال بعد ملاقات

    مریم نواز لندن پہنچ گئیں: خاندان کے افراد سے 4 سال بعد ملاقات

    لندن:مریم نواز لندن پہنچ گئیں:خاندان کےافراد سے 4 سال بعد ملاقات،اطلاعات کے مطابق مسلم لیگ ن کی نائب صدر مریم نواز لندن پہنچ گئیں۔ذرائع کے مطابق مریم نواز کے ہمراہ ان کے صاحبزادے جنید صفدر اور بہو عائشہ بھی ہیں، شریف فیملی کے افراد مریم نواز کو لینے کیلئے ائیرپورٹ پہنچ گئے۔

    رپورٹس کے مطابق مریم نواز کی بھائی حسن نواز سے ائیرپورٹ پر ملاقات ہوئی جس کی تصویر سوشل میڈیا پر بھی وائرل ہورہی ہے، تصویر میں بہن بھائی کو گلے لگے ہوئے دیکھا جاسکتا ہے۔

     

     

    اس حوالے سے مرتضیٰ علی شاہ نے بھی ٹویٹ کرکے مریم نواز کی اپنے بھائی حسن نواز سےملاقات کا منظرشیئرکیا جوبہت زیادہ پسند کیا جارہا ہے

     

     

    یاد رہے کہ مریم نواز،اپنی بیمار والدہ کو چھوڑ کر 4 برس قبل نواز شریف کے ہمراہ پاکستان گئیں تھیں مریم کی نواز شریف سے ملاقات کو بھی تقریباً تین برس ہوچکے ہیں۔پاکستان سے روانگی سےقبل انہوں نےکہا تھا کہ وہ والد سے ملنے کیلئے بے چین ہیں۔مریم نواز پاسپورٹ واپس ملنے کے بعد گزشتہ روز لندن کے لیے روانہ ہوئی تھیں۔

    مسلم لیگ ن کی نائب صدر نے لندن روانگی کے لیے لاہور ائیرپورٹ پہنچنے سے قبل دادا، دادی اور والدہ کی قبروں پر فاتحہ خوانی بھی کی تھی۔خاندانی ذرائع کا کہنا ہے کہ مریم نواز تقریباً ایک ماہ لندن میں قیام کریں گی جس کے بعد ان کا اپنے والد نواز شریف کے ہمراہ وطن واپس آنے کا امکان ہے۔

    واضح رہے کہ لاہور ہائیکورٹ کے حکم کے بعد منگل کو مریم نواز کو ان کا پاسپورٹ واپس مل گیا تھا۔

  • کراچی:ٹینکروں میں مضرصحت پانی کی فروخت پرواٹربورڈ کا آئی جی سندھ کو خط

    کراچی:ٹینکروں میں مضرصحت پانی کی فروخت پرواٹربورڈ کا آئی جی سندھ کو خط

    کراچی: مضرصحت پانی فروخت کرنیوالی واٹر ٹینکر مافیاکےخلاف کارروائی کیلئے سی ای او واٹر بورڈ نےآئی جی سندھ کو خط لکھ دیا۔سی ای او واٹر بورڈ انجینئر سید صلاح الدین احمدنےآئی جی سندھ غلام نبی میمن سےمضر صحت پانی فروخت کرنے والی مافیا کے خلاف فوری کارروائی کا مطالبہ کیا ہے۔

    پی آئی اے کا سابق انجنئیر کراچی ایئر پورٹ سے گرفتار

    سی ای او واٹر بورڈ کے مطابق مضر صحت پانی ساکران، ٹھٹھہ اور گھارو سے ٹینکروں میں لاکر شہر میں فروخت کیا جارہا ہے، ٹینکرز مافیا حب کے علاقے ساکران میں غیر قانونی ہائیڈرینٹس کے ذریعے جوہڑوں سے مضر صحت پانی نکال رہا ہے۔انہوں نے کہا مضر صحت پانی کے ٹینکرز منگھوپیر، موچکو اور معمار تھانے کی حدود سے شہر میں داخل ہوتے ہیں، دھابیجی اور گھارو سے بھی آلودہ پانی سپلائی کیا جارہا ہے۔

    یہ لاہور ہےجہاں قانون کے رکھوالے ہی قانون کی دھجیاں بکھیرنے میں فخرمحسوس کرنے لگے

    انجینئر صلاح الدین کا کہنا ہے کہ انتہائی مضر صحت پانی کے ٹینکرز شہر کی سڑکوں پر باآسانی فروخت ہو رہے ہیں جس سے بزرگ شہری سب سے زیادہ متاثر ہوسکتے ہیں۔انہوں نے کہا مضر صحت پانی مختلف بیماریوں کا سبب بن رہا ہے جس سے ڈینگی، نیگلیریا اور کووڈ 19 کیخلاف کوششوں کو بھی سخت نقصان پہنچ رہا ہے۔

    پنجاب میں 12 ہزارگندے انڈے:فوڈ اتھارٹی نے اپنا کام کردکھایا

    سی ای او واٹر بورڈ نے آئی جی سے مطالبہ کیا کہ ٹینکر مافیا کو لگام ڈالنے کیلئے ہر ممکن کوشش کی جائے۔

  • عمران خان کا لانگ مارچ سازش، فسادیوں سے آہنی ہاتھ سے نمٹا جائے گا: ن لیگی قیادت کا فیصلہ

    عمران خان کا لانگ مارچ سازش، فسادیوں سے آہنی ہاتھ سے نمٹا جائے گا: ن لیگی قیادت کا فیصلہ

    اسلام آباد:ن لیگی قیادت نے مجوزہ لانگ مارچ کو معاشی بحالی کیخلاف نئی سازش قرار دیتے ہوئے فیصلہ کیا کہ کسی کو اسلام آباد پر یلغار کی اجازت نہیں دی جائے گی، فسادیوں سے آہنی ہاتھ سے نمٹا جائے گا، وزیراعظم کے زیر صدارت اجلاس میں شرکا نے تمام فیصلوں کا اختیار پارٹی صدر کو سونپ دیا۔

    وزیراعظم شہباز شریف کے زیرصدارت ن لیگ کی سینئر قیادت کا اجلاس ہوا، شرکا اجلاس نے فیصلوں کا اختیار پارٹی صدر اور وزیراعظم کو سونپ دیا۔

    برآمدکنندگان کےلیے 100 ارب روپے کے سبسڈی دے رہے ہیں‌،اسحاق ڈار

    ترجمان وزیراعظم ہاؤس کے مطابق سازشی معاشی بحالی کیخلاف لانگ مارچ کے نام پر نئی سازش کر رہے ہیں، فسادیوں کے ساتھ قانون کے مطابق آہنی ہاتھوں سے نمٹا جائے، اسلام آباد میں یلغار کی ہرگز اجازت نہ دی جائے، یہ لانگ مارچ سیاسی نہیں بلکہ سازش کی پیداوار ہے، اس سازش کو قانون کی طاقت سے کچلا جائے، بیرونی سازش کی سازش رچانے والے تمام کردار بے نقاب ہوگئے ہیں، تحقیقات کے عمل کو تیز، ملوث عناصر کو قانون کے مطابق نشان عبرت بنایا جائے۔

    دین اسلام کی خاطر شوبز انڈسٹری چھوڑدی:اب آخرت کی فکرہے:عبداللہ قریشی

    اس حوالے سے ترجمان نے مزید کہا کہ اجلاس میں ملک کو ڈیفالٹ سے بچانے کیلئے وزیراعظم اور ان کی ٹیم کی کاوشوں کو خراج تحسین پیش کیا گیا، سیلاب متاثرین کی بحالی تک پوری توجہ کے ساتھ کاوشوں کا سلسلہ جاری رکھا جائے۔

    اجلاس کے اعلامیہ کے مطابق سازشی معاشی بحالی کیخلاف لانگ مارچ کے نام پر نئی سازش کر رہے ہیں، فسادیوں کے ساتھ قانون کے مطابق آہنی ہاتھوں سے نمٹا جائے، اسلام آباد میں یلغار کی ہرگز اجازت نہ دی جائے، یہ لانگ مارچ سیاسی نہیں بلکہ سازش کی پیداوار ہے، اس سازش کو قانون کی طاقت سے کچلا جائے۔

    پی آئی اے کا سابق انجنئیر کراچی ایئر پورٹ سے گرفتار

  • موڈیز نے پاکستان کی کریڈٹ ریٹنگ کو مزید کم کردیا:ملکی زرمبادلہ کے ذخائربھی مزید کم ہوگئے

    موڈیز نے پاکستان کی کریڈٹ ریٹنگ کو مزید کم کردیا:ملکی زرمبادلہ کے ذخائربھی مزید کم ہوگئے

    اسلام آباد:ملکوں کی معیشت کی عالمی سطح پر درجہ بندی کرنے والے بین الاقوامی ادارے موڈیز نے پاکستان کی معاشی درجہ بندی کو مزید کم کردیا۔عالمی ریٹنگ ایجنسی موڈیز نے پاکستان کیلئے نظرثانی شدہ ریٹنگ جاری کردی۔ موڈیز نے پاکستان کیلئے خود مختار کریڈٹ ریٹنگ بی تھری سے کم کرکے سی اے اے 1 کردی۔

    دوسری جانب موڈیز نے پاکستان کی طویل المدتی قرضوں کی ریٹنگ بھی ڈاؤن گریڈ کردی۔ رپورٹ کے مطابق سیلاب نے پاکستان کی بیرونی قرضوں کی کمزوریوں کومزید بڑھادیا کیونکہ سماجی اخراجات کی ضروریات میں اضافہ حکومتی آمدن متاثرہوئی۔

    ڈالرکو200 سے نیچے لائیں ورنہ سخت سزا کے لیے تیاررہیں:اسٹیٹ بینک کی8 بڑے بینکوں…

    رپورٹ کے مطابق پاکستان کیلئے طویل مدتی قرض کی صورت حال کمزور رہے گی، قرضوں کی ادائیگی کیلئےقرض دہندگان سے فنانسنگ پربہت زیادہ انحصارکرنا پڑے گا، درجہ بندی میں کمی بیرونی اورقرضوں کی پائیداری کے خطرات کے باعث کی گئی۔وزارت خزانہ نے موڈیز کی اس ریٹنگ پر تحفظات کا اظہار کیا ہے۔ حکام کا کہنا ہے کہ ، چند ماہ میں حکومتی پالیسیوں سے مالی استحکام لانے میں مدد ملی ہے تاہم موڈیز نے پیشگی مشاورت کے بغیر ریٹنگ جاری کی۔

    پہلی پاکستان جونیئر لیگ رنگا رنگ افتتاحی تقریب کیساتھ شروع

    واضح رہے کہ کریڈٹ ریٹنگ ایجنسی کی درجہ بندی کا مقصد کسی معیشت کو لاحق خطرات کا جائزہ اور اس کی بنیاد پر اس کی ریٹنگ متعین کرنا ہوتا ہے۔ بین الاقوامی مالیاتی ادارے اس ریٹنگ کو سامنے رکھتے ہوئے کسی ملک کو قرضہ جاری کرنے کے لیے مارکس کا تعین کرتی ہیں۔

    خیال رہے کہ دنیا میں تین بڑی کریڈٹ ریٹنگ ایجنسیاں ہیں۔ موڈیز، فچ اور سٹینڈرڈ اینڈ پوور جو دنیا کے تمام ممالک کی کریڈٹ ریٹنگ کے بارے میں جائزے جاری کرتی ہیں۔

    دوسری طرف ملکی زرمبادلہ کے ذخائر میں 10 کروڑ 60 لاکھ ڈالر کی کمی ہوئی ہے۔اسٹیٹ بینک آف پاکستان کے مطابق ملکی زرمبادلہ کے ذخائر میں گزشتہ ہفتے 10کروڑ 60لاکھ ڈالرز کی کم ہوئے ہیں۔

    پالپا کی طرف سے ائیرلائن پائلٹس کے لیے ایسویسی ایٹ ممبرشپ کا اعلان

    رپورٹ کے مطابق 10کروڑ 60لاکھ ڈالرز کمی کے بعد ملکی زرمبادلہ ذخائر 13 ارب58 کروڑ90 لاکھ ڈالر رہ گئے۔اسٹیٹ بینک کے مطابق اسٹیٹ بینک کےذخائر 7 ارب 89 کروڑ 98لاکھ ڈالر جبکہ کمرشل بینکوں کے پاس 5 ارب 68 کروڑ 90 لاکھ ڈالرزہیں۔

  • پی سی بی نے ویمنز کرکٹ لیگ کا اعلان کردیا

    پی سی بی نے ویمنز کرکٹ لیگ کا اعلان کردیا

    لاہور:پاکستان کرکٹ بورڈ(پی سی بی) نے خواتین کرکٹ لیگ کا اعلان کردیا، پہلی ’دی ویمنز لیگ‘ آئندہ برس مارچ میں راولپنڈی میں کھیلی جائے گی۔پی سی بی کے چیئرمین رمیز راجہ نے پہلی پاکستان جونیئر لیگ کی افتتاحی تقریب میں خو اتین کرکٹ لیگ کا اعلان کیا۔

    پاکستان کرکٹ بورڈ کے مطابق پہلی دی ویمنز لیگ آئندہ سال مارچ میں پاکستان سپر لیگ کے میچز کے ساتھ کھیلی جائے گی۔

    اس کے میچز 3 مارچ سے 18 مارچ تک راولپنڈی میں ہوں گے۔ پاکستان کرکٹ بورڈ کے اعلان میں کہا گیا ہے کہ ویمنز لیگ میں چار ٹیمیں شریک ہوں گی، ہر ٹیم میں 18پلیئرز ہوں گی جس میں 6 غیر ملکی پلیئرز کو بھی شامل کیا جائے گا۔

    ادھر دوسری طرف ماضی کے کرکٹ اسٹارز اور اُبھرتے ہوئے تارے جب گلوکاری کے ستاروں کے ساتھ لاہور میں اُترے تو قذافی اسٹیڈیم نے کہکشاں کا روپ دھار لیا۔پاکستان جونیئر لیگ کے پہلے ایڈیشن کی افتتاحی تقریب کا آغاز قومی ترانے سے ہوا۔

    تقریب میں پاکستان کرکٹ بورڈ کے چیئرمین رمیز راجہ نے جونیئر لیگ کے آئیڈیے کے بارے میں بتاتے ہوئے کہا کہ اس سے مستقبل کے لیے ٹیم کو اسٹارز ملیں گے۔ اُنہوں نے کہا کہ ہر ٹیم میں موجود لیجنڈز کرکٹرز نوجوان کھلاڑیوں کی رہنمائی کے لیے موجود ہیں۔

    اس کے علاوہ افتتاحی تقریب میں جونیئر ٹیموں نے اپنے مینٹورز کے ہمراہ مارچ پاسٹ بھی کیا،لیگ کی ٹیموں میں موجود مینٹورز کا تعارف کروایا گیا ، کولن منرو، شعیب ملک، عمران طاہر، ویوین رچرڈز، شاہد آفریدی اور ڈیرن سیمی اسٹیج پر آئے۔

    دوسری جانب جسٹن بی بی،طلال قریشی اور دیگر گلوکاروں نے مل کر پاکستان جونیئر لیگ کا آفیشل سونگ گایا جبکہ تقریب کے اختتام پر آتش بازی کا دلکش مظاہرہ کیا گیا۔افتتاحی میچ میں مردان واریئرز اور گوجرانوالہ جائنٹس کی ٹیمیں مدمقابل ہیں۔

  • پالپا کی طرف سے ائیرلائن پائلٹس کے لیے ایسویسی ایٹ ممبرشپ کا اعلان

    پالپا کی طرف سے ائیرلائن پائلٹس کے لیے ایسویسی ایٹ ممبرشپ کا اعلان

    کراچی :پالپا کی طرف سے ائیرلائن پائلٹس کے لیے ایسویسی ایٹ ممبرشپ کا اعلان ہوچکا ہے، اس حوالے سے پائلٹس کی نمائندہ تنظیم پالپا کا کہنا تھا کہ ہمیں یہ اعلان کرتے ہوئے خوشی ہو رہی ہے کہ مسلسل غور و خوض کے بعد پالپا کی ایگزیکٹو کمیٹی نے ایسوسی ایٹ ممبر شپ دینے کا فیصلہ کیا ہے۔

    برآمدکنندگان کےلیے 100 ارب روپے کے سبسڈی دے رہے ہیں‌،اسحاق ڈار

    تنظیم کی طرف سے اس سلسلے میں مزید تفصیلات فراہم کی گئی ہیں‌ جن کے مطابق پاکستان کے تمام ائیرلائن پائلٹس کو شامل کرنے کی طرف پہلا قدم ہے۔تنظیم کی طرف سے مزید کہا گیا ہے کہ ایک مشترکہ مقصد کے لیے ایک ہی پلیٹ فارم پر ایئر لائن پائلٹ۔ یہ بھی اس میں ہے۔

    پاک سرزمین سےہمیں بہت پیار،پاکستانی بھی بہت اچھے:

    پالپا کی مذکورہ تنظیم کی طرف سے مزید کہا گیا ہےکہ بین الاقوامی فیڈریشن کی سفارشات کے مطابق ایئر لائن پائلٹس ایسوسی ایشن کی کامیابی کےلیے ایک مثبت حفاظت کو فروغ دینے میں کامیابی ثقافت اور ایک موثر ایس ایم ایس صرف باہمی کے ذریعے ہی حاصل کیا جا سکتا ہے۔

    پی آئی اے کا سابق انجنئیر کراچی ایئر پورٹ سے گرفتار

    تنظیم کی طرف سے جاری تفصیلات میں کہا گیا ہے کہ تمام اسٹیک ہولڈرز کے ساتھ تعاون؛ آپریٹرز، پائلٹ، ریگولیٹراس تاریخی فیصلے کے ساتھ، ہم مل کر کام کرنے کے منتظر ہیں۔پاکستان کی ہوا بازی کی صنعت کو بہتر بنانا اور پیشہ ور افراد کو فروغ دیناسب کے لیے کام کرنے کا ماحول۔ مزید معلومات کے لیے ہم سے رابطہ کریں اوررکنیت کے لیے درخواست دینے کا طریقہ بالکل واضح کردیا گیا ہےتاکہ پائلٹس اپنی رجسٹریشن کروا کرتنظیم کے دیگرافراد کے ساتھ مل کربہترسفری خدمات فراہم کرسکیں