Tag: تازہ ترین

کراچی :بہت دُکھ ہواکہ ایم کیوایم کوغلط فیصلوں‌ کی وجہ سےاپنی ساخت بچانا مشکل ہوگیاہے:اطلاعات کے مطابق فردوس شمیم نقوی کہتے ہیں کہ اردو بولنے والے سمجھ گئے ایم کیو ایم ذات کی سیاست کررہی ہے،

فردوس شمیم نقوی نے کہا ہے کہ اردو بولنے والے سمجھ گئے ایم کیو ایم ذات کی سیاست کررہی ہے۔

پی ٹی آئی رکن سندھ اسمبلی فردوس شمیم نقوی نے پریس کانفرنس کرتے ہوئے کہا ہے کہ آرٹیکل 5 کی رولنگ کو نہ ماننے والے خود آرٹیکل 6 کے حقدار ہیں، ایسے لوگوں پرغداری کے مقدمات ہونے چاہئیں۔

انہوں نے کہا کہ ایم کیو ایم کاروباری پارٹی ہے، وفاق میں 4 سال مزے کیے، وسیم اختر پہلے نیب کے مقدمات کا سامنا کررہے ہیں، اردو بولنے والے سمجھ گئے ایم کیو ایم ذات کی سیاست کررہی ہے قوم کی نہیں۔

فردوس شمیم نقوی نے کہا ہے کہ عوام جان گئے تحریک انصاف قوم کی سیاست کررہی ہے، اب کراچی سے ان کا خاتمہ ہوگا۔

دوسری جانب اپوزیشن لیڈر سندھ اسمبلی حلیم عادل شیخ نے پارلیمانی لیڈر سندھ اسمبلی خرم شیر زمان ،صدر کراچی بلال غفار سمیت دیگر اراکین کے ہمراہ میڈیا سے گفتگو کرتے ہوئے کہا کہ سندھ ہاؤس میں ضمیر فروشی سندھ میں رہنے والوں کیلئے باعث شرم ہے۔

انہوں نے کہا کہ سندھ اسمبلی کے دروازے پر 3 غداروں کو آج ہم نے پھانسی دی ہے، ہم ان ملک دشمنوں کو معاف نہیں کریں گے، ملک بھر میں 3 چوہوں کا منہ کالا ہوگیا ہے۔

حلیم عادل شیخ نے کہا ہے کہ وزیراعظم نے ان تینوں کو بے نقاب کیا، پاکستانی قوم ان تینوں غداروں کیخلاف ایک ہے، چیف جسٹس ان تینوں غداروں کیخلاف سوموٹو نوٹس لے۔

اپوزیشن لیڈر سندھ اسمبلی نے کہا ہے کہ عوام سپریم کورٹ کے فیصلے اور انصاف کی منتظر ہے، پاکستان تحریک انصاف سندھ میں حکومت بنائے گی۔

پارلیمانی لیڈر سندھ اسمبلی خرم شیر زمان نے پریس کانفرنس کرتے ہوئے کہا ہے کہ ہم نے ان غداروں کیخلاف قرارداد اسمبلی میں جمع کرائی ہے، اسمبلی میں بیٹھے لوگوں نے اگر اس پر دستخط نہیں کیے اس کا مطلب وہ غدار وطن ہے۔

پاکستان تحریک انصاف کے رہنما شہباز گل نے کہا ہے کہ مطیع اللہ نے فواد چوہدری کے ساتھ بدتمیزی نہیں کی بلکہ صحافتی اصولوں کو پامال کیا ہے۔شہبازگل کہتے ہیں کہ مطیع اللہ جان کا رویہ دیکھ کردنیا بھی شرما گئی کہ کس طرح پاکستان میں صحافت کے ذریعے سیاست کی جارہی ہے

پی ٹی آئی رہنما شہباز گل نے فواد چوہدری کی میڈیا سے گفتگو کے دوران ہونے والی بدنظمی پر اپنے ردعمل کا اظہار سوشل میڈیا ویب سائٹ ٹوئٹر پر کیا ہے۔

شہباز گل نے اپنے ٹوئٹ میں لکھا ہے کہ مریم میڈیا سیل کے ممبر مطیع اللہ جان نے آج فواد چوہدری کے ساتھ بدتمیزی نہیں کی بلکہ صحافتی اصولوں کو پامال کیا اور اس پیشے کے ساتھ بدتمیزی کی ہے۔

مریم میڈیا سیل کے ممبر مطیع اللہ جان نے آج فواد چوہدری کے ساتھ بدتمیزی نہیں کی بلکہ صحافتی اصلوں کو پامال کر کے اس پیشے کے ساتھ بدتمیزی کی ہے-وہاں پر کھڑے دوسرے تمام صحافیوں کے حقوق کو پامال کیا۔

آپ چاہتے ہیں میڈیا میں بات صرف مریم کرے اور سوال صرف آپ۔ باقی سب صحافی چپ رہیں۔

— Dr. Shahbaz GiLL (@SHABAZGIL) April 6, 2022

شہباز گل نے مزید لکھا ہے کہ مطیع اللہ نے صرف صحافتی اصولوں کو پامال نہیں کیا بلکہ وہاں پر کھڑے دوسرے صحافیوں کے حقوق کو بھی پامال کیا ہے۔

انہوں نے یہ بھی کہا کہ آپ چاہتے ہیں کہ میڈیا میں صرف مریم بات کرے اور سوال صرف آپ، باقی سب صحافی چپ رہیں۔واضح رہے کہ سابق وفاقی وزیر فواد چوہدری کی میڈیا بریفنگ بدنظمی کا شکار ہوگئی تھی۔

فواد چوہدری کے ڈائس پر آتے ہی صحافی مطیع اللہ نے ان سے سوال کردیا تھا اور اس موقع پر دونوں کے درمیان تلخ جملوں کا تبادلہ ہوا تھا۔

اسلام آباد: ‏تمام سابق وزراء اور مشیر اپنے زیر استعمال سرکاری گاڑیاں واپس کریں:اوپرسے حکم آگیا اطلاعات کے مطابق عمران خان حکومت میں شامل وزراء کو سرکاری گاڑیاں واپس کرنے کی ہدایات جاری کردی گئی ہیں‌

ذرائع کے مطابق ‏کابینہ ڈویژن نے ارکان کو سرکاری گاڑیاں واپس کرنے کا ہدایت نامہ جاری کیا جس میں لکھا گیا ہے کہ تمام سابق وفاقی وزراء، وزیر مملکت، معاونین خصوصی اور مشیران اپنے زیر استعمال سرکاری گاڑیاں فوری واپس کردیں۔

ذرائع کا کہنا ہے کہ بیشتر سابق کابینہ ارکان نے سرکاری گاڑیاں واپس کردی ہیں جبکہ بعض وزراء نے وزیراعظم سے سرکاری گاڑیوں کا استعمال جاری رکھنے کی درخواست کی ہے۔

یاد رہے کہ اسمبلی مدت پوری ہونے کے بعد 15 روز تک کابینہ اراکین کو سرکاری گاڑیاں استعمال کرنے کی اجازت ہوتی ہے۔

واضح رہے کہ اتوار تیرہ اپریل کو صدر مملکت کی جانب سے اسمبلی تحلیل کردینے کے بعد کابینہ ڈویژن نے نوٹی فکیشن جاری کیا تھا، جس میں کہا گیا تھا کہ عمران خان وزیراعظم نہیں رہے البتہ آئین کے آرٹیکل 94 کے تحت صدر مملکت نے وزیراعظم کو کام جاری رکھنے کی ہدایت کردی ہے، جس کی روشنی میں نگران وزیراعظم کی تقرری تک عمران خان بطور وزیراعظم کام کریں گے۔

کابینہ ڈویژن نے 52 وفاقی کابینہ تحلیل کرنے کا نوٹیفکیشن بھی جاری کیا تھا، کابینہ ڈویژن نے 25 وفاقی وزرا، 4 وزرائے مملکت کو ڈی نوٹیفائی کردیا تھا۔

علاوہ ازیں کابینہ ڈویژن نے وزیراعظم کے 4 مشیران اور 19 معاونین خصوصی کو بھی ڈی نوٹیفائی کیا تھا۔

اسلام آباد :پی ٹی آئی اکیلے حکومت بنائے گی’:ان شااللہ العزیز:اس امید کا اظہار کرتے ہوئے تحریک انصاف کے رہنما فیصل جاوید نے کہا ہے کہ آپ کی سپورٹ سےتحریک انصاف اکیلےحکومت بنائے گی ہمیں کسی اور جماعت کی ضرورت نہیں پڑےگی انتخابات میں ہوسکتاہےکہ کسی جماعت سےکسی جگہ الائنس ہو۔

ایک بیان میں فیصل جاوید نے کہا کہ ان الیکشن میں پہلی بار اوورسیز گھر بیٹھے ووٹ ڈال سکیں گے تقریباً90 لاکھ اوورسیز ہیں جو انٹرنیٹ سے ووٹ ڈال سکیں گے اپوزیشن کویہی پریشانی تھی کہ عدم اعتمادناکام ہوگئی تو پھر کیا ہو گا اپوزیشن چاہتی تھی عدم اعتمادکامیاب ہوا اور شہبازشریف وزیراعظم ہو وہ الیکٹرانک مشین، اوورسیز کی ووٹنگ کاحق چھین لیناچاہتےتھے۔

فیصل جاوید نے کہا کہ عمران خان نے ایسا شاٹ مارا کہ اب وہ بال ڈھونڈ رہےہیں عمران خان نےبال اتنی دور پھینکی ہے کہ 2028 تک انہیں نہیں ملنی عمراں خان نےملکی خودمختاری کی بات کی توانہیں تکلیف ہوئی سب سے زیادہ تکلیف 3 ایجنٹس کوہوئی جوبیرونی سازش کررہےتھے عمراں خان کاجینامرناپاکستان میں ہے بیرونی ملک اثاثے نہیں ہیں جوخودبھکاری ہیں وہ اس قوم کوبھکاری بولتےہیں،یہ قوم غیرتمندہے۔

انہوں نے کہا کہ یہ قوم اپنےکپتان،قائدعمران خان کے ساتھ کھڑی ہے وہ غلام بن کرحکومت کرتےہیں تاکہ کرپشن کرسکیں اورکوئی نہ پوچھے وہ ایسےہی ایبسلوٹلی ناٹ نہیں کہتے یہ 3بار اقتدار میں آئے اور بہت زیادہ امیر ہوئے آپ ان سب کےاثاثےگوگل پر جاکر چیک کر سکتےہیں دنیاکی مہنگی جگہ لندن اوروہاں مےفیئر سب سے مہنگی جگہ ہے لندن کے مےفیئرمیں نوازشریف اوراس کےبیٹوں کےفلیٹس ہیں عمران نےآوازاٹھائی تو کہتے تھے لندن کیاپاکستان میں بھی جائیدادنہیں۔

پی ٹی آئی رہنما کا کہنا تھا کہ عوام پی پی، ن لیگ کے30سال، پی ٹی آئی کے3سال کاموازنہ کریں جو آپ فیصلہ کریں گے وہ منظور ہو گا، 3ماہ بعدجب آْپ پولنگ اسٹیشن پہنچیں گےتووہاں ای وی ایم ہوگی الیکٹرونک ووٹنگ مشین پر نشان آ رہے ہوں گے آپ نےبٹن دبانا ہو گا۔

اسلام آباد:‏پیپلزپارٹی کا فیصلہ سامنے آیا کہ خیبرپختونخوا، آزاد کشمیر، گلگت بلتستان میں بھی PTI حکومتوں کیخلاف تحاریکِ عدم اعتماد لائی جائیں۔ ھم اس سلسلے میں متحدہ اپوزیشن سے بات کرینگے

مریم نوازاوربلاول بھٹوعمران خان کیخلاف متحد:ڈپٹی اسپیکرکی رولنگ پررولا ڈال دیا،اطلاعات کے مطابق ابھی تھوڑی دیر پہلے پاکستان کے دوحکمران خاندانوں کےنوجوان جانشینوں نے بڑی حکمت عملی کے ساتھ وزیراعظم عمران خان کے خلاف الزامات لگا کرڈپٹی اسپیکر کی رولنگ کے خلاف کامیاب رولا ڈال دیا ہے ،

ایک طرف مریم نواز نیوزکانفرنس کررہی ہیں تو دوسری طرف بلاول بھٹودونوں‌کی ایک ہی ٹائمنگ اداروں کومتاثرکرنے کی ایک حکمت عملی لگ رہی ہے ،

آج پاکستان پیپلزپارٹی کے چیئرمین بلاول بھٹو زرداری نے کہا ہے کہ عمران خان کے غیر آئینی اقدام کو سر پرائز نہیں کہہ سکتے، یہ غداری ہے اور انہوں نے گزشتہ دن جو کیا وہ اپنی انا بچانے کیلئے کیا۔

برطانوی نشریاتی ادارے کو انٹرویو میں بلاول کہا کہنا تھاکہ اپوزیشن سمیت کسی رکن پارلیمنٹ نے وہ سازشی مراسلہ نہیں دیکھا، مراسلے پر نہ کسی سفارتکار کو وزیراعظم ہاؤس یا دفتر خارجہ طلب کیا گیا نہ اس متعلق وزیر خارجہ نے امریکی حکومت سے کوئی شکایت کی۔

انہوں نے کہا کہ عمران خان کو اکثریت کھونے کا احساس ہوا تو انہوں نے بین الاقوامی سازش کا کہہ کر چلانا شروع کردیا۔

بلاول کا کہنا تھاکہ عمران خان کے غیر آئینی اقدام کو سر پرائز نہیں کہہ سکتے، یہ غداری ہے اور انہوں نے گزشتہ دن جو کیا وہ اپنی انا بچانے کیلئے کیا۔

خیال رہے کہ 27 مارچ کو اسلام آباد میں جلسہ عام سے خطاب میں وزیراعظم عمران خان نے خط لہرایا تھا اور کہا تھاکہ ملک میں باہر سے پیسے کی مدد سے حکومت تبدیل کرنے کی کوشش کی جارہی ہے، ہمیں لکھ کر دھمکی دی گئی، میرے پاس خط ہے اور وہ ثبوت ہے۔

قومی اسمبلی میں ڈپٹی اسپیکر نے مبینہ سازش کو جواز بنا کر حکومت کے خلاف تحریک عدم اعتماد مستردکردی تھی جس کے بعد سپریم کورٹ نے معاملے پر ازخود نوٹس لیا تھا اور اس پر عدالت میں سماعت جاری ہے۔

دوسری جانب امریکا کی جانب سے پاکستان میں حکومت الٹنےکی سازش میں ملوث ہونےکے الزام کی تردید کی جاچکی ہے۔

وزیراعظم عمران خان سے ازبکستان کے صدر شوکت مرزایوف کا ٹیلی فونک رابطہ ہوا ہے۔ازبک صدر نے وزیراعظم عمران خان کی عالم اسلام کے لیے خدمات کوخراج تحسین پیش کیا اورنیک تمناوں کا اظہار بھی کیا

تفصیلات کے مطابق وزیراعظم عمران خان کو ازبکستان کے صدر نے ٹیلی فون کیا اور دونوں رہنماؤں نے ایک دوسرےکو رمضان کی مبارکباد دی۔

ٹیلیفونک گفتگو میں دونوں رہنماؤں نے علاقائی صورتحال اور خطےکےمعاملات پر تبادلہ خیال کیا جب کہ دو طرفہ تجارتی و معاشی تعلقات پر بھی بات چیت کی گئی۔

واضح رہے کہ گزشتہ ماہ 3 مارچ کو ازبکستان کے صدر شوکت مرزا یوف 2 روزہ دورے پر پاکستان پہنچے تھے۔ وزیراعظم عمران خان نے ان کا گرم جوشی سے استقبال کیا۔

پاکستان آمد پر ازبک صدر کو بچوں نے انہیں گلدستہ پیش کیا بعدازاں انہیں اکیس توپوں کی سلامی دی گئی۔

ادھر آج وزیراعظم عمران خان نے کہا ہے کہ نظریاتی لوگوں کو ٹکٹ نہ دینے پر سزا بھگتنا پڑی۔ ضمیر فروشوں کوتاحیات نااہل کرائیں گے۔ لاہور میں ان غداروں کیخلاف ہر روز احتجاج ہونا چاہیے، چاہتے ہیں ہر روز احتجاج سے امریکا کو پیغام جائے ہم زندہ قوم ہیں۔

گورنر ہاؤس میں تقریب سے خطاب کرتے ہوئے وزیراعظم نے کہا کہ آپ سب کو الیکشن کی تیاری کرنی ہے، اگلے تین ماہ میں پاکستان میں الیکشن ہو گا۔ ہمارے سے ماضی میں غلطیاں ہوئیں، اس کی ہمیں بہت بڑی سزااٹھانا پڑی، اس بار سوچ سمجھ کر نظریاتی لوگوں کو ٹکٹ دیں گے، ہم نے بڑے سوچ سمجھ کر ٹکٹیں دینے ہیں۔ جو مشکل وقت ہمارے ساتھ رہے انہیں ٹکٹ دیں گے۔ پاکستان میں بہت بڑی بیرونی سازش ہوئی، ملک کے غدار ان کے ساتھ مل گئے، باہر سے حکومت گرانے کی سازش ہوئی، زیادہ تر لوگوں کو جنہوں نے ان کا ساتھ دیا ان کو علم نہیں تھا سازش تھا۔

انہوں نے مزید کہا کہ الیکشن میں ان لوگوں کو سبق سکھائیں گے، جو بیرونی سازش کا حصہ تھے۔ عوام بیرونی سازش کےخلاف روز مظاہرہ کریں گے، جنہوں نے بیرونی سازش میں شرکت کی وہ سب غدار ہیں، غداروں کے خلاف سپریم کورٹ میں گئے ہیں، لوگوں کو خرید کرحکومت گرانا کونسی جمہوریت ہے، ضمیرفروشوں کے خلاف عدالت میں جائیں گے، ضمیر فروشوں کوتاحیات نااہل کرائیں گے۔ یہ کب تک جمہوریت کا سودا کرتے رہیں گے۔

عمران خان کا کہنا تھا کہ ضمیرخرید کو ارکان کو ہوٹل میں بند کیا ہوا ہے۔ جن کا پیسا باہر پڑا ہے وہ غلامی کریں گے، ہم نہیں۔ یہ صرف الیکشن نہیں ہاریں گے بلکہ ان کی سیاسی قبریں بھی بنیں گی۔ جو بیرونی سازش کا حصہ بنیں عوام ان کو سبق سکھائیں گے۔ آج غداری کے خلاف کھڑے نہیں ہوں گے ہماری نسلیں ہمیں معاف نہیں کریں گی۔ پرامن احتجاج کرنا قوم کا فرض ہے۔

وزیراعظم کا کہنا ہے کہ پاکستان کا فیصلہ کن وقت ہے، پرامن احتجاج سے پیغام جائےگا یہ زندہ قوم ہے، کل اسلام آباد میں زبردست احتجاج ہوا، آج پھر ایف نائن میں احتجاج ہوگا، قوم پرامن احتجاج سے اس سازش کو ناکام بنائیں۔ لاہور میں ان غداروں کیخلاف ہر روز احتجاج ہونا چاہیے، چاہتے ہیں کہ ہر روز احتجاج سے امریکا کو پیغام جائے کہ یہ زندہ قوم ہے۔

اسپین کی حکومت نے دارالحکومت میڈرڈ سے تقریباً 25 روسی سفارت کاروں اور سفارت خانے کے عملے کو نکالنے کا فیصلہ کر لیا ہے۔
ہسپانوی وزیر خارجہ جوز مینوئل الباریس نے منگل کے روز کہا کہ یوکرین میں روسی فوجیوں کے مبینہ جنگی جرائم کے جواب میں یورپی یونین کے دیگر ممالک میں شامل ہوں گے۔

جوز مینوئل الباریس نے مزید اقدامات کو مسترد کیے بغیر کابینہ کے ہفتہ وار اجلاس کے بعد کہا، ہم نے اسپین میں روسی سفارت خانے سے روسی سفارت کاروں اور عملے کو نکالنے کا فیصلہ کیا ہے جو ہمارے ملک کے مفادات اور سلامتی کے لیے خطرہ ہیں۔

وزیر نے مزید کہا کہ سفارت کاروں کی بیدخلی بھی “گزشتہ دنوں میں یوکرین میں کی گئی خوفناک کارروائیوں کا ردعمل تھا.

خاص طور پر بوچا میں اور جو آج ماریوپول سے رپورٹ ہوئے ہیں۔” یوکرین کے شہر بوچا میں اجتماعی قبروں اور شہریوں کے قتل کی دریافت کا حوالہ دیتے ہوئے

اٹلی، سویڈن اور ڈنمارک گزشتہ ہفتے ہی اپنے ملک سے روسی سفارت کاروں کو ملک بدر کرنے کا اعلان کر دیا ہے۔

الباریس نے کہا کہ ان کی حکومت کو توقع ہے کہ روس جواب میں اتنی ہی تعداد میں ہسپانوی سفارت کاروں کو ملک بدر کر دے گا۔

تاہم، انہوں نے کہا کہ اسپین روسی سفیر کو ملک بدر نہیں کرے گا کیونکہ میڈرڈ ماسکو میں اپنا سفیر رکھنا چاہتا ہے اور جنگ کے خاتمے کے لیے روس کے ساتھ بات چیت کے لیے سفارتی راستے کھلے چھوڑنا چاہتا ہے۔