Tag: تازہ ترین

ایران کے صدر مسعود پیژشکیان نے ملک میں جاری احتجاجی مظاہروں پر سخت ردِعمل دیاہے-

رپورٹ کے مطابق صدر پیژشکیان نے کہا کہ بیرونِ ملک سے دہشت گردوں کو ایران لایا گیا، جنہوں نے مساجد کو آگ لگائی، لوگوں کو زندہ جلایا اور بعض افراد کے سر قلم کیے ایسے عناصر کا ایران سے کوئی تعلق نہیں، اگر کوئی اس ملک سے تعلق رکھتا ہے تو وہ پُرامن احتجاج کرے، ہم اس کی بات سنیں گے اور مسائل حل کریں گے، لیکن بے گناہ لوگوں کو قتل کرنا اور آگ لگانا کسی صورت قابلِ قبول نہیں۔

انہوں نے عوام سے اپیل کی کہ وہ ہر محلے میں جمع ہو کر ہنگامہ آرائی کو روکیں اور امن و امان برقرار رکھنے میں کردار ادا کریں نوجوانوں کو مخاطب کرتے ہوئے صدر نے کہا کہ وہ درست یا غلط تجزیوں کی بنیاد پر گمراہ نہ ہوں اور دہشت گردوں و فسادیوں کے جھانسے میں نہ آئیں۔

باغی ٹی وی کے 14 سال، حق گوئی، جرات اور عوامی آواز کی داستان،تحریر : سدرہ قیوم

صدر پیژشکیان نے امریکہ اور اسرائیل پر الزام عائد کیا کہ وہ پسِ پردہ ان عناصر کو اُکسا رہے ہیں ان کے بقول وہی قوتیں جنہوں نے اس ملک میں ہمارے نوجوانوں اور بچوں کو قتل کیا، آج ان لوگوں کو تباہی پھیلانے کے احکامات دے رہی ہیں، یہ کہہ کر کہ ہم پیچھے کھڑے ہیں، تم آگے بڑھو-

انہوں نے خاندانوں سے پُرزور اپیل کی کہ وہ اپنے بچوں کو فسادی اور دہشت گرد عناصر سے دور رکھیں حکومت جائز احتجاج سننے اور عوامی مسائل کے حل کے لیے تیار ہے، آئیں ہم سب مل بیٹھیں، ہاتھ میں ہاتھ ڈال کر بات کریں اور عوامی خدشات کو حل کریں پُرامن احتجاج ہمارا حق ہے، لیکن تشدد اور تباہی ناقابلِ برداشت ہے۔

پاکستان کیلئےجاسوسی کرنے کے الزام میں کبوتر گرفتار ،بھارتی سیکیورٹی اداروں میں تشویش

بھارتی پولیس نے پاکستان کے لیے جاسوسی کرنے کے الزام میں کبوتر کو گرفتار کر لیا۔

بھارتی پولیس کے مطابق جموں و کشمیر کے اکھنور سیکٹر میں لائن آف کنٹرول (ایل او سی) کے قریب ایک سرحدی گاؤں میں مشتبہ کبوتر پکڑے جانے کے بعد سیکیورٹی اداروں میں تشویش پائی جاتی ہےیہ کبوتر ایک مقامی بچے نے پکڑا جس کے بعد اسے تحویل میں لے کر تحقیقات کا آغاز کر دیا گیا ہےکبوتر پر الزام ہے کہ یہ پاکستان کے لیے جاسوسی کرتا ہے۔

پولیس حکام کا کہنا ہے کہ آریان نامی بچے نے صبح کے وقت اس کبوتر کو پکڑا جس کے دونوں پروں پر سیاہ رنگ کی پٹیاں موجود تھیں جبکہ اس کے پاؤں میں سرخ اور زرد رنگ کی دو انگوٹھیاں پہنائی گئی تھیں ان انگوٹھیوں پر “رحمت سرکار رضوان 2025” کے الفاظ اور کچھ عددی کوڈ درج ہیں جن کی بنیاد پر کبوتر کو مشتبہ قرار دیا گیا ہے۔

چین، پاکستان اور بنگلہ دیش ایک ہو گئے !!!

سیکیورٹی خدشات کے پیشِ نظر کبوتر کو مقامی پولیس اسٹیشن منتقل کر دیا گیا ہے جہاں اس سے متعلق مزید تفتیش جاری ہے حکام یہ جاننے کی کوشش کر رہے ہیں کہ کیا یہ کبوتر سرحد پار سے آیا ہے اور اس کا کسی مبینہ جاسوسی سرگرمی سے تعلق ہے یا نہیں،پولیس کا کہنا ہے کہ تحقیقات مکمل ہونے کے بعد ہی کبوتر کے بارے میں حتمی موقف اختیار کیا جائے گا۔


بھارت اور بنگلا دیش کے تعلقات میں کشیدگی، نیویارک ٹائمز نے بھارتی مداخلت بے نقاب کردی

واضح رہے کہ ماضی میں بھی بھارتی سیکیورٹی ادارے سرحدی علاقوں سے اس نوعیت کے کبوتروں کو تحویل میں لے چکے ہیں جن پر مبینہ طور پر جاسوسی کے الزامات عائد کیے گئے تھے تاہم ایسے واقعات پر سوشل میڈیا اور عالمی سطح پر اکثر تنقید بھی سامنے آتی رہی ہے۔

امریکی فوج نے اعلان کیا ہے کہ اس نے شام میں داعش کے خلاف بڑے پیمانے پر فضائی حملے کیے ہیں،یہ کارروائیاں داعش کے مختلف ٹھکانوں کو نشانہ بنانے کے لیے کی گئیں-

امریکی سینٹرل کمانڈ (سینٹ کام) نے سوشل میڈیا پلیٹ فارم ایکس پر جاری بیان میں کہا کہ یہ حملے آپریشن ہاک آئی اسٹرائیک کا حصہ ہیں، جو گزشتہ ماہ پالمیرا میں ہونے والے اس حملے کے جواب میں کیے گئے، جس میں دو امریکی فوجی اور ایک امریکی مترجم ہلاک ہو گئے تھے۔

امریکی فوج کے مطابق حملوں کی درست جگہوں کی تفصیل جاری نہیں کی گئی، تاہم جاری کی گئی فضائی ویڈیو میں دیہی علاقوں میں متعدد دھماکے دیکھے جا سکتے ہیں،امریکی وزیر دفاع پیٹ ہیگستھ نے کہا کہ امریکا اپنے شہریوں پر ہونے والے حملے کو نہ بھولے گا اور نہ ہی اس کا جواب دینا چھوڑے گا۔

خیبر میں دلہے کی گاڑی کو حادثہ : 2 سگے بھائیوں سمیت 5 دوست جاں بحق

گزشتہ ماہ امریکا اور اردن نے بھی مشترکہ فضائی کارروائیاں کی تھیں، جن میں داعش کے 70 سے زائد اہداف کو نشانہ بنایا گیا تھا، شامی آبزرویٹری برائے انسانی حقوق کے مطابق ان حملوں میں داعش کے کم از کم 5 جنگجو مارے گئے تھےداعش اگرچہ 2014 میں قبضہ کی گئی بڑی زمین سے محروم ہو چکی ہے، تاہم شام کے صحرائی علاقوں میں اس کی موجودگی اب بھی برقرار ہے، امریکا نے حالیہ مہینوں میں شام میں اپنے فوجی دستوں کی تعداد کم کرنے کا بھی اعلان کیا ہے۔

بلوچ یکجہتی کمیٹی فتنہ الہندوستان کا بظاہر سافٹ فیس، پراکسی کا منظم نیٹ ورک