Baaghi TV

Tag: تازہ ترین

  • پی ٹی آئی نے مزار قائد پر جلسے کی اجازت مانگ لی

    پی ٹی آئی نے مزار قائد پر جلسے کی اجازت مانگ لی

    کراچی:پاکستان تحریک انصاف (پی ٹی آئی) نے وزیراعلیٰ خیبر پختونخوا سہیل آفریدی کے مزار قائد کراچی پر جلسے کے لیے ضلعی انتظامیہ سے اجازت مانگ لی۔

    پاکستان تحریک انصاف کراچی کے صدر راجا اظہر نے مزار قائد پر جلسے کی اجازت کے لیے ڈپٹی کمشنر کراچی شرقی کو خط ارسال کر دیا، ڈپٹی کمشنر شرقی کو لکھے گئے خط میں مؤقف اپنایا ہے کہ وزیراعلیٰ خیبرپختونخوا سہیل آفریدی دورہ کراچی کے دوران مزار قائد پر جلسے سے خطاب کرنا چاہتے ہیں، پاکستان تحریک انصا ف کو مزار قائد پر جلسے کی اجازت دی جائے۔

    راجا اظہر نے خط کے ذریعے ضلعی انتظامیہ کو یقین دہانی کرائی کہ پی ٹی آئی کا جلسہ پُرامن ہو گا اور اس کےلیے ضلعی انتظامیہ کی جانب سے دیے گئے ضابطہ اخلاق پر من و عن عمل درآمد کیا جائے گا،جلسے کی اجازت سے متعلق ضلعی انتظامیہ کے مثبت فیصلے کے منتظر ہیں۔

    بھارت: گجرات کی عدالتوں کو بم دھماکوں کی دھمکیاں

    خیال رہے کہ وزیراعلیٰ خیبرپختونخوا سہیل آفریدی 9 تا 12 جنوری سند کا تین روزہ دورہ کریں گے، وہ 9 جنوری کو دن 11 بجے کراچی ایئرپورٹ پہنچیں گے اور دورے کے پہلے ہی روز انصاف ہاؤس میں ان کی اہم ملاقات شیڈول ہیں، جس کے بعد وہ کراچی پریس کلب جائیں گے،سہیل آفریدی اپنے دورے کے دوسرے روز کراچی سے حیدرآباد جائیں گے، جہاں وہ حیدرآباد بار سے خطاب اور اسٹریٹ موومنٹ میں حصہ لیں گے، دورے کے تیسرے روز وزیراعلیٰ خیبر پختونخوا کراچی بار سے خطاب کریں گے،سیکرٹری جنرل پی ٹی آئی سلمان اکرم راجا، صوبائی وزیر مینا خان آفریدی، رکن قومی اسمبلی شاہد خٹک اور معاون خصوصی شفیع جان بھی وزیراعلیٰ کے ہمراہ ہوں گے۔

    ترک صدر کی توہین کے الزام میں اپوزیشن رہنما کو قید کی سزا

  • پاکستان کیخلاف ٹی20 سیریز: سری لنکا نے اسکواڈ کا اعلان کردیا

    پاکستان کیخلاف ٹی20 سیریز: سری لنکا نے اسکواڈ کا اعلان کردیا

    سری لنکا کرکٹ بورڈ نے پاکستان کے خلاف 3 ٹی20 میچز پر مشتمل سیریز کے لیے 18 رکنی اسکواڈ کا اعلان کردیا ہے، جس میں ایک اہم کھلاڑی کی واپسی ہوئی ہے۔

    آئی سی سی مینز ٹی20 ورلڈ کپ سے قبل ہونے والی اس سیریز میں سری لنکن ٹیم کی قیادت داسن شناکا کریں گے، جبکہ ٹیسٹ ٹیم کے کپتان دھننجیا دے سلوا کو دوبارہ ٹی20 اسکواڈ میں شامل کیا گیا ہےدھننجیا دے سلوا نے جون 2024 میں نیدرلینڈز کے خلاف آخری ٹی20 میچ کھیلا تھا اور اب وہ ورلڈ کپ سے پہلے ایک بڑے موقع پر ٹیم کا حصہ بنے ہیں۔

    سری لنکا کےاسکواڈ میں داسن شناکا (کپتان)، پاتھم نسانکا، کامیَل مشارا، کُسال مینڈس، کُسال پیریرا، دھننجیا دے سلوا اور چریتھ آسلنکا شامل ہیں،اس کے علاوہ جینتھ لیاناج، کامندو مینڈس، ونیندو ہسارنگا، ڈنیتھ ویلا لیج، مہییش تھیکشانا، دُشن ہیمّنٹھا، ٹریوین میتھیو، دُشمنتا چمیرا، متھییشہ پاتھیرانہ، نُوان تُوشارا اور ایشان ملکنگا کو بھی اسکواڈ کا حصہ بنایا گیا ہے۔

    ترک صدر کی توہین کے الزام میں اپوزیشن رہنما کو قید کی سزا

    پاکستان اور سری لنکا کے درمیان یہ سیریز 7، 9 اور 11 جنوری کو رنگیڑی ڈمبلا انٹرنیشنل کرکٹ اسٹیڈیم، ڈمبلا میں کھیلی جائے گی یہ مقابلے آئی سی سی مینز ٹی20 ورلڈ کپ 2026 کی تیاریوں کے سلسلے میں نہایت اہم تصور کیے جا رہے ہیں، جس کی میزبانی بھارت اور سری لنکا مشترکہ طور پر فروری سے مارچ کے دوران کریں گے۔

    محکمہ موسمیات کی شعبان المعظم کے چاند سے متعلق پیشگوئی

  • ترک صدر کی توہین کے الزام میں اپوزیشن رہنما کو قید کی سزا

    ترک صدر کی توہین کے الزام میں اپوزیشن رہنما کو قید کی سزا

    صدر رجب طیب اردوان کی توہین کے الزام میں ترکیہ کے معروف کرد سیاستدان اور سابق قانون ساز رہنما صلاح الدین دمیرتاش کو 17 ماہ اور 15 دن قید کی سزا سنادی گئی۔

    ترک میڈیا کے مطابق یہ سزا شمال مغربی ترکیہ کے ادرنا جیل میں قید 52 سالہ دمیرتاش کو مختلف مقدمات کے یکجا ہونے کے بعد دی گئی جن میں صدر اردوان کے بارے میں برسوں پرانی تقاریر بھی شامل تھیں جن پر ان کے وکیل کے مطابق عدالتی کارروائی ابھی مکمل ہوئی ہے۔

    واضح رہے کہ صلاح الدین دمیرتاش ترکی کی کرد سیاست میں ایک نمایاں اور مقبول شخصیت ہیں جنھیں 2016 میں گرفتار کیا گیا تھا اُس وقت انھیں مختلف دہشت گردی سے متعلق مقدمات میں جیل میں رکھا گیا تھا جن میں سیاسی سرگرمیوں اور کرد قومی حقوق کے لیے ان کی سرگرمیاں شامل تھیں۔

    ایران میں مہنگائی کے خلاف احتجاجی مظاہرے، ہلاکتوں کی تعداد 35 تک پہنچ گئی

    2021 میں بھی دمیرتاش کو حکومت کی پالیسیوں پر تنقید کرنے پر، خاص طور پر 2015 میں شامی سرحد کے قریب ترک فضائیہ کے روسی طیارہ مار گرائے جانے کے واقعے پر تبصرہ کرنے کے سبب ساڑھے تین سال قید کی سزا دی گئی تھی، اس کے علاوہ متعدد دیگر مقدمات میں بھی انہیں جیل کی سزا کا سامنا رہا ہے، جن کی بنیاد پر ترک حکومت کی جانب سے انہیں سیاسی دباؤ کا نشانہ بنایا گیا ہے۔

    پاکستانی ویمن کرکٹر عمائمہ سہیل رشتہ ازدواج میں منسلک

  • محکمہ موسمیات کی شعبان المعظم کے چاند سے متعلق پیشگوئی

    محکمہ موسمیات کی شعبان المعظم کے چاند سے متعلق پیشگوئی

    محکمہ موسمیات نے شعبان المعظم کے چاند سے متعلق پیشگوئی کی ہے کہ یکم شعبان 1447 ہجری بروز بدھ 21 جنوری 2026 کومتوقع ہے۔

    محکمہ موسمیات کے مطابق شعبان المعظم کا چاند 19 جنوری 2026 کو رات 12 بج کر 52 منٹ پر پیدا ہوگا، تاہم 19 جنوری کی شام کراچی سمیت ملک کے کسی بھی حصے میں چاند نظر آنے کا کوئی امکان نہیں،غروبِ آفتاب کے وقت چاند کی عمر 17 سے 18 گھنٹے کے درمیان ہوگی جبکہ اتنی کم عمر میں چاند کا نظر آنا ممکن نہیں،رویت کے لیے چاند کی عمر کم از کم 19 گھنٹے سے زائد ہونا ضروری ہوتی ہے غروبِ آفتاب کے وقت چاند کی عمر تقریباً 17 گھنٹے 40 منٹ ہو گی۔

    محکمہ موسمیات کے مطابق سندھ میں چاند غروبِ آفتاب کے بعد 32 سے 33 منٹ تک افق پر موجود رہے گا، جبکہ پنجاب اور خیبرپختونخوا میں یہ دورانیہ 30 سے 31 منٹ ہوگا، مطلع صاف یا جزوی ابر آلود ہونے کے باوجود رویت ممکن نہیں ہوگی29 رجب کو بھی ملک بھر میں چاند نظر آنے کا کوئی امکان نہیں ہے، اس حوالے سے رویت ہلال کمیٹی کو تفصیلی رپورٹ ارسال کر دی گئی ہےحتمی فیصلہ مرکزی رویت ہلال کمیٹی کریگی۔

    پاکستانی ویمن کرکٹر عمائمہ سہیل رشتہ ازدواج میں منسلک

    مستفیض الرحمٰن کا آئی پی ایل چھوڑ کر پی ایس ایل کھیلنے کا فیصلہ

    نو مئی کیسز کا فیصلہ سنانے والے جج کا لاہور سے تبادلہ

  • پاکستانی ویمن کرکٹر عمائمہ سہیل رشتہ ازدواج میں منسلک

    پاکستانی ویمن کرکٹر عمائمہ سہیل رشتہ ازدواج میں منسلک

    کراچی: پاکستانی ویمن کرکٹ ٹیم کی آل راؤنڈر اور بین الاقوامی کھلاڑی عمائمہ سہیل رشتہ ازدواج میں منسلک ہو گئیں-

    شادی کی تقریب سادہ مگر پُروقاراندازمیں منعقد ہوئی، جس میں اہلِ خانہ، قریبی رشتہ داراوردوست احباب شریک ہوئےعمائمہ سہیل اوران کے شریکِ حیات محمد غوث کیلئے موجودہ تمام مہمانوں نے نیک تمناؤں اوردعاؤں کا اظہار کیا۔

    عمائمہ سہیل نے شادی کے پرمسرت موقع پر گولڈن رنگ کا عروسی لباس زیب تن کیا جبکہ ان کے شوہر نے اسی رنگ کی شیروانی کا انتخاب کیاشادی کی تصاویر اور ویڈیوز سوشل میڈیا پر بھی وائرل ہو رہی ہیں، جنہیں شائقین کی جانب سے خوب سراہا جا رہا ہے، شائقین نے نہ صرف ان کی ذاتی خوشیوں پر خوشی کا اظہار کیا بلکہ انہیں مستقبل کے لئے نیک خواہشات بھی بھیجیں جبکہ کرکٹ کے حلقوں اور مداحوں کی جانب سے مبارکبادوں کا سلسلہ جاری ہے-

    واضح رہے کہ عمائمہ سہیل پاکستان ویمن کرکٹ ٹیم کی نمایاں کھلاڑیوں میں شمار ہوتی ہیں اور متعدد بین الاقوامی مقابلوں میں ملک کی نمائندگی کر چکی ہیں۔

    مستفیض الرحمٰن کا آئی پی ایل چھوڑ کر پی ایس ایل کھیلنے کا فیصلہ

    نو مئی کیسز کا فیصلہ سنانے والے جج کا لاہور سے تبادلہ

    فارمولا ملک سے فوڈ پوائزننگ کا خدشہ،کمپنی نے پروڈکٹ مارکیٹ سے واپس اٹھالیں

  • نو مئی کیسز کا فیصلہ سنانے والے جج کا لاہور سے تبادلہ

    نو مئی کیسز کا فیصلہ سنانے والے جج کا لاہور سے تبادلہ

    سانحہ نو مئی کے کیسز کی سماعت کرنے والے انسداد دہشت گردی عدالت (اے ٹی سی ) کے جج ارشد جاوید کا لاہور سےبہاولنگر تبادلہ کر دیا گیا۔

    چیف جسٹس لاہور ہائیکورٹ کے حکم پر جاری کردہ نوٹیفکیشن میں اے ٹی سی کے جج ارشد جاوید کو 9 جنوری کو متعلقہ آفس کا چارج سنبھالنے کا حکم دیا گیا ہے،ادھر ڈسٹرکٹ اینڈ سیشن جج بہاولنگر آصف بشیر کو بھی تبدیل کر دیا گیا ہے، سیشن جج آصف بشیر کو سیشن کورٹ لاہور میں بطور او ایس ڈی تعینات کر دیا گیا ہے۔

    واضح رہے کہ جج ارشد جاوید 9 مئی 2023 کو مسلم لیگ ن کا آفس جلانے سمیت دیگر کیسز کی سماعت کر رہے تھے، جج ارشد جاوید نے نو مئی کے تین کیسز کا فیصلہ بھی سنایا تھا،جج محمد ارشد جاوید نے سانحہ نو مئی کے تین مقدمات میں پی ٹی آئی رہنماؤں اعجاز چودھری اور ڈاکٹر یاسمین راشد کو سزائیں سنائی تھیں جبکہ عمر سرفراز چیمہ، میاں محمود الرشید سمیت دیگر ملزمان کو بھی مختلف مقدمات میں سزائیں دی گئی تھیں۔

  • فارمولا ملک سے فوڈ پوائزننگ کا خدشہ،کمپنی نے پروڈکٹ مارکیٹ سے واپس اٹھالیں

    فارمولا ملک سے فوڈ پوائزننگ کا خدشہ،کمپنی نے پروڈکٹ مارکیٹ سے واپس اٹھالیں

    بین الاقوامی کمپنی نیسلے نے اپنا مخصوص بیبی فارمولا ممکنہ طور پر زہریلے مواد سے آلودہ ہونے کے خدشے کی وجہ سے واپس منگوالیا۔

    بی بی سی کے مطابق صحت کے حکام اور کمپنی کی جانب سے جاری ہونے والے بیانات سے اس بات کی تصدیق ہوگئی کہ فارمولے میں شامل ہونے والا مواد بچوں میں ہیضے کا سبب بن سکتا ہےکمپنی کی جانب سے بیبی فارمولا کے وہ مخصوص بیچز اور فالو-آن فارمولا واپس منگوائے گئے جو متعدد ممالک بالخصوص یورپ برطانیہ، فرانس، جرمنی، اٹلی، آسٹریا، ڈنمارک، سوئیڈن، فن لینڈ، آئرلینڈ اور سوئٹزرلینڈ میں فروخت کیے گئے تھے۔

    کمپنی نے بتایا کہ ان کی پروڈکٹس میں ممکنہ طور پر سیرولائڈ شامل ہو سکتا ہے۔ تپش کو مستحکم رکھنے والا یہ ٹاکسن بیکیلس سیریس بیکٹیریم کے اسٹرین سے بنتا ہے جو اگر نگل لیا جائے تو متلی، قے اور پیٹ میں مروڑ کی کیفیت میں مبتلا کر سکتا ہےآفیشل نوٹسز میں کمپنی اور غذا سے متعلقہ اداروں نے والدین اور دیکھ بھال کرنے والوں کو خبردار کیا ہے کہ وہ بچوں کو فارمولا نہیں دیں اور جاری کیے گئے بیچ کوڈز کو چیک کریں۔

  • بھارت پر جہاز ٹیسٹ ہو گئے، اتنے آرڈر مل رہے ہیں ہو سکتا ہے آئی ایم ایف کی ضرورت نہ رہے، خواجہ آصف

    بھارت پر جہاز ٹیسٹ ہو گئے، اتنے آرڈر مل رہے ہیں ہو سکتا ہے آئی ایم ایف کی ضرورت نہ رہے، خواجہ آصف

    وزیر دفاع خواجہ آصف نے کہا ہے کہ پاک بھارت جنگ کے دوران بھارت نے امریکا کو اپروچ کیا جبکہ چین سے بھی رابطہ کیا گیا، اگر بھارت نے اب بھی کوئی ایڈونچر کیا تو ویسے ہی جواب دیا جائےگا-

    نجی ٹی وی سے گفتگو کرتے ہوئے انہوں نے کہاکہ بھارت کو شکست دے کر ہماری عزت میں اضافہ ہوا، جہاز ٹیسٹ ہوگئے، جس کے بعد آرڈر مل رہے ہیں، اور ہو سکتا ہے کہ 6 ماہ بعد آئی ایم ایف کی ضرورت نہ پڑے،پاک بھارت جنگ میں پاکستان کا جواب پوری دنیا نے دیکھا، مودی کو پھینٹی لگی ہے جس کے بعد اس کی اپنے ملک اور بیرون ممالک میں کوئی عزت نہیں رہی،بھارت نے اگر دوبارہ حملہ کیا تو ہم جنگ کے لیے تیار ہیں، اور مئی 2025 میں ہم نے یہ ثابت بھی کر کے دکھا دیا۔

    خواجہ آصف نے کہاکہ پاک بھارت جنگ کے دوران بھارت نے امریکا کو اپروچ کیا جبکہ چین سے بھی رابطہ کیا گیا، اگر بھارت نے اب بھی کوئی ایڈونچر کیا تو ویسے ہی جواب دیا جائےگا پاکستانی فوج کا لوہا پوری دنیا مانتی ہے، جبکہ مئی 2025 کی جنگ کے بعد بھارت کا اعتماد تباہ ہوگیا ہے۔

    انہوں نے کہاکہ افغان طالبان اور ٹی ٹی پی قابل اعتبار نہیں، یہ لوگ بھارت کے ساتھ ملے ہوئے ہیں، جبکہ خیبرپختونخوا حکومت میں شامل کچھ لوگ طالبان کو بھتہ دیتے ہیں خیبرپختونخوا کے معاملے کو سیاسی طور پر حل کرنا چاہیے، میں پی ٹی آئی پر پابندی اور گورنر راج کے حق میں نہیں، کیوں سیاسی پارٹیوں پر پابند ی کا تجربہ ماضی میں کامیاب نہیں رہا۔

  • گیس کی قیمتوں میں کوئی اضافہ نہیں ہو گا،وفاقی وزیر پٹرولیم

    گیس کی قیمتوں میں کوئی اضافہ نہیں ہو گا،وفاقی وزیر پٹرولیم

    اسلام آباد: وفاقی وزیر پٹرولیم علی پرویز ملک نے کہا ہے کہ یکم جنوری 2026 سے آئندہ 6 ماہ کے لیے گیس کی قیمتوں میں کوئی اضافہ نہیں ہو گا۔

    علی پرویز ملک نے کہا کہ گیس سیکٹر میں سرکلر ڈیٹ کا اضافہ رک گیا ہے اور نیا قرض پیدا نہیں ہو رہاقطر سے اضافی ایل این جی کارگو عالمی منڈی میں منتقل کرنے کا کامیاب معاہدہ ہو گیا ہے اور اصلاحات کے باعث تمام صارفین کے لیے گیس کی قیمتیں برقرار رہیں گی، وزیر اعظم کی ہدایت پرعوام کو موسم سرما میں زیادہ سے زیادہ ریلیف دے رہے ہیں اور ملک بھر میں گھریلو صارفین کو گیس کی بہتر فراہمی جاری ہے-

    خسارے کا شکار ریاستی ملکیتی اداروں کی نجکاری حکومت کی اولین ترجیح ہے،وزیر اعظم

    انہوں نے کہا کہ کوئی بھی مقامی گیس فیلڈ بند نہیں، جبکہ بجلی گھر آئی جی سیپ ڈیمانڈ سے زائد گیس لے رہے ہیں، ایس این جی پی ایل میں یو ایف جی نقصانات 9 فیصد سے کم ہو کر 5 فیصد ہو گئے اور ایس ایس جی سی میں یو ایف جی نقصانات 17 فیصد سے کم ہو کر 10 فیصد ہو گئے ، گیس نیٹ ورک پر آئی او ٹی مانیٹرنگ سسٹم فعال جبکہ پریشر ڈراپ پر سوئی کمپنی فوری الرٹ ہو رہی ہے۔

    پاکستان کے قرضوں سے متعلق اسٹیٹ بینک کی رپورٹ جاری

  • خسارے کا شکار ریاستی ملکیتی اداروں کی نجکاری حکومت کی اولین ترجیح ہے،وزیر اعظم

    خسارے کا شکار ریاستی ملکیتی اداروں کی نجکاری حکومت کی اولین ترجیح ہے،وزیر اعظم

    اسلام آباد: وزیر اعظم شہباز شریف نے کہا ہے کہ خسارے کا شکار ریاستی ملکیتی اداروں کی نجکاری حکومت کی اولین ترجیح ہے،پی آئی اے کے 75 فیصد حصص کی کامیاب نجکاری بارش کا پہلا قطرہ ہے-

    وزیر اعظم شہباز شریف کی زیر صدارت نجکاری کمیشن کے امور پر اجلاس ہوا، اجلاس کو نجکاری کمیشن میں جاری اصلاحات پر بریفنگ دی گئی،بریفنگ میں کہا گیا کہ بجلی تقسیم کار کمپنیوں کی نجکاری کو ابتدائی طور پر 2 بیچز میں رکھا گیا ہے پہلے بیچ میں آئیسکو، کیپکو اور فیسکو کی نجکاری ہو گی، جبکہ دوسرے بیچ میں حیدرآباد الیکٹرک سپلائی کمپنی اور سکھر الیکٹرک پاور کمپنی کی نجکاری ہو گی۔

    وزیر اعظم نے نجکاری کمیشن میں اصلاحات کے حوالے سے کام تیز کرنے کی ہدایت کی جبکہ نجکاری کمیشن میں پبلک ریلیشنز، مارکیٹنگ کے شعبے کو مزید بہتر بنانے اور نجکاری کمیشن کو ڈیجیٹائز کرنے کی ہدایات جاری کر دیں۔

    پاکستان کے قرضوں سے متعلق اسٹیٹ بینک کی رپورٹ جاری

    وزیراعظم نے کہا کہ خسارے کا شکار ریاستی ملکیتی اداروں کی نجکاری حکومت کی اولین ترجیح ہے اور قومی ایئر لائن (پی آئی اے) کے 75 فیصد حصص کی کامیاب نجکاری بارش کا پہلا قطرہ ہے نجی شعبے اور مارکیٹ سے بہترین صلاحیتوں کے حامل متعلقہ افرادی قوت کو تعینات کیا جائے اور تمام تر تعیناتیاں انتہائی شفاف انداز میں کی جائیں، نجکاری کے حوالے سے تمام منصوبوں کا عالمی معیار کی فرم سے تھرڈ پارٹی آڈٹ کروایا جائے۔

    
پاکستان اور میانمار کے وزرائے خارجہ کا ٹیلیفونک رابطہ، دوطرفہ تعلقات اور علاقائی امور پر تبادلہ خیال