Tag: تازہ ترین

تل ابیب: اسرائیلی فوج نے 27 ستمبر 2024 کے فضائی حملے کی ویڈیو جاری کردی جس میں حزب اللہ کے اس وقت کے سربراہ حسن نصراللہ شہید ہوگئے تھے۔

باغی ٹی وی: اسرائیلی فوج کے مطابق یہ حملہ 27 ستمبر 2024 کو شام 6 بج کر 21 منٹ پر آپریشن ’نیو آرڈر‘ کے نام سے کیا گیا تھا حملے میں حزب اللہ کے زیرِ زمین ہیڈ کوارٹر پر 82 بم گرائے گئے تھے جس سے کئی عمارتیں زمیں بوس ہوگئی تھیں، حملے میں حسن نصراللہ کے علاوہ حزب اللہ کے 20 سے زائد کمانڈرز بھی شہید ہوئے تھے۔

واضح رہے کہ یہ ویڈیو لبنان کے دارالحکومت بیروت میں حسن نصر اللہ اور ان کے بعد حزب اللہ کے سربراہ نامزد ہونے والے ہاشم صفی الدین کے جنازے کے بعد جاری کی گئی ہے۔

بنگلہ دیشی ائیر فورس بیس پر حملہ،ایک شخص ہلاک

یاد رہے کہ اتوار کو بیروت میں حزب اللہ کے شہید سربراہ حسن نصراللہ کی تدفین جس میں ہزاروں افراد نے شرکت کی تھی، حسن نصر اللہ اور سید ہاشم صفی الدین کے تاریخی جنازے میں شرکت کیلئے لبنان اور دنیا بھر سے لاکھوں افراد بیروت پہنچے، تاہم جنازے کے دوران اسرائیلی جنگی طیاروں کی پروازوں نےفضا میں کشیدگی پیدا کی، جنازے کےاجتماع کےاوپر اسرائیلی طیاروں کی پرواز پرعوام نے اسرائیل اور امریکا مخالف نعرے لگائے تھے۔

مغربی موسمی سسٹم ملک کے بیشتر علاقوں تک پھیلنےکا امکان

ڈھاکا: بنگلہ دیش کے ضلع کاکس بازار میں کچھ جرائم پیشہ عناصر کی جانب سے ایئرفورس بیس پر حملہ ہوا ہے،بنگلہ دیشی فوج نے حملے کی تصدیق کردی ہے۔

باغی ٹی وی : بنگلہ دیشی میڈیا کے مطابق حملے میں کم از کم ایک شخص ہلاک ہوگیاہلاک ہونے والے شخص کی شناخت 30 سالہ مقامی تاجر شہاب کبیر کے طور پر ہوئی ہے، جنہیں مبینہ طور پر گولی مار کر ہلاک کیا گیا۔

بنگلہ دیشی مسلح افواج کے تعلقات عامہ کے ادارے ”انٹر سروسز پبلک ریلیشنز (آئی ایس پی آر)“ کی جانب سے جاری کردہ مختصر بیان میں کہا گیا’کاکس بازار ایئرفورس بیس کے قریب واقع سمیتی پاڑہ سے کچھ مجرموں نے ایئرفورس بیس پر حملہ کیا، بنگلہ دیش ایئرفورس اس حوالے سے ضروری اقدامات کر رہی ہے۔

خیبر پختونخوا میں آج پھر زلزلے کے جھٹکے
رپورٹ کے مطابق یہ حملہ زمین کے تنازع کے بعد پیش آیا، جو پیر کی صبح ایئرفورس اہلکاروں اور مقامی رہائشیوں کے درمیان جھڑپ کی صورت اختیار کر گیا تھاجھڑپ کے دوران صورتحال اس وقت سنگین ہوگئی جب مقامی افراد نے پتھراؤ شروع کردیا، جس کے نتیجے میں دونوں جانب افراد زخمی ہوئے تاہم، حکام نے زخمیوں کی صحیح تعداد نہیں بتائی ہے۔

طبی ذرائع کے مطابق، شہاب کبیر کو جھڑپ کے دوران گولی لگی تھی، اور انہیں کاکس بازار ڈسٹرکٹ صدر اسپتال منتقل کیا گیا، جہاں پہنچنے پر ڈاکٹروں نے انہیں مردہ قرار دے دیا،مقتول کے سر کے پچھلے حصے پر شدید زخم آئے تھے۔

امریکہ سے دہلی آنے والے طیارے میں بم کی اطلاع،روم میں ہنگامی لینڈنگ

اسسٹنٹ ڈائریکٹر عائشہ صدیقہ کے دستخط شدہ پریس ریلیز کے مطابق، بنگلہ دیش ایئر فورس صورتحال کو کنٹرول کرنے کے لیے ضروری اقدامات کر رہی ہے-

کاکس بازار کے ڈپٹی کمشنر محمد صلاح الدین نے کہا کہ واقعے کی مکمل تحقیقات کی جائیں گی تاکہ تصادم کی وجوہات معلوم کی جاسکیں، اور ذمہ داروں کے خلاف کارروائی عمل میں لائی جائے گی،جبکہ سیکورٹی فورسز نے علاقے میں حفاظتی اقدامات مزید سخت کر دیئے ہیں تاکہ صورتحال کا جائزہ لیا جا سکے اور مزید کشیدگی کو روکا جا سکے۔

انٹیلجنس بیسڈ کارروائی، کروڑوں روپے مالیت کی منشیات برآمد،ملزمان فرار

پولیس کے مطابق، کاکس بازار ڈسٹرکٹ صدر اسپتال کے پولیس باکس کے انچارج سیف الاسلام نے بتایا کہ واقعہ تقریباً 12 بجے پیش آیا،جھڑپ کے دوران 30 سالہ مقامی تاجر شہاب کبیر کو گولی لگی، جو سَمیتی پارہ، وارڈ نمبر 1 کے رہائشی نصیر الدین کے بیٹے تھے۔

دوسری جانب، موقع پر موجود نمائندے کے مطابق، سیکیورٹی فورسز نے جائے وقوعہ کے قریب جانے سے لوگوں کو روک دیا ہے۔

پاکستان اور آذربائیجان کے درمیان مفاہمتی یادداشتوں پر دستخط

فیس بک کی پیرنٹ کمپنی میٹا (Meta) نے اپنے اعلیٰ افسران کی بونس رقم دوگنی کر کے تنخواہ 200 فیصد تک بڑھانے کا اعلان کیا ہے، یہ فیصلہ 3,600 ملازمین کی برطرفی کے ایک ہفتے بعد سامنے آیا ہے۔

باغی ٹی وی :میٹا کی جانب سے امریکی سیکیورٹیز اینڈ ایکسچینج کمیشن (SEC) میں جمع کرائی گئی رپورٹ کے مطابق، کمپنی نے اپنے ایگزیکٹو افسران کے بونس میں اضافہ کی منظوری دے دی ہےنئے بونس سسٹم کے تحت، میٹا کے چیف فنانشل آفیسر سوسن لی، چیف پروڈکٹ آفیسر کرسٹوفر کاکس، چیف آپریٹنگ آفیسر خاویئر اولیوان، اور چیف ٹیکنالوجی آفیسر اینڈریو بوسورتھ کو 200 فیصد تک اضافی رقم ملے گی، جو 2023 میں دیے گئے 75 فیصد بونس سے کہیں زیادہ ہے۔

میٹا نے بونس بڑھانے کی وجہ یہ بتائی ہے کہ کمپنی ایمیزون، مائیکروسافٹ اور ایپل جیسی دیگر بڑی ٹیک کمپنیوں کے ساتھ مقابلہ کرنا چاہتی ہے۔ SEC رپورٹ کے مطابق، میٹا کے 2024 کے بونس دیگر کمپنیوں کے مقابلے میں 15ویں فیصدی حد سے کم تھے، لیکن اب اضافے کے بعد وہ 50 ویں فیصدی حد تک پہنچ جائیں گے،بونس میں اضافے کا اعلان اس وقت کیا گیا جب میٹا نے گزشتہ ہفتے 3,600 ملازمین کو برطرف کیا، جو کہ اس کی کل 72,000 ورک فورس کا 5 فیصد بنتے ہیں۔ کمپنی نے کہا تھا کہ برطرفی کا مقصد "کم کارکردگی دکھانے والے ملازمین” کو نکالنا ہے،جبکہ میٹا نے اپنے ملازمین کے سالانہ اسٹاک آپشنز میں 10 فیصد کمی کا فیصلہ بھی کیا ہے، جس سے کمپنی کے دیگر ملازمین کی مراعات میں مزید کمی ہوگی،دلچسپ بات یہ ہے کہ میٹا کے سی ای او مارک زکربرگ اس بونس پالیسی کا حصہ نہیں ہیں۔ تاہم، وہ 2023 میں 24.4 ملین ڈالر کی دیگر مراعات حاصل کر چکے ہیں، جن میں سیکیورٹی اخراجات اور نجی جہازوں کا استعمال شامل ہے۔

دنیا کی پہلی حقیقی پرواز کرنے والی منفرد گاڑی

آنے والے بجٹ میں تنخواہ دار طبقے پر بوجھ کم کرنے کا سوچیں گے،محمد اورنگزیب

خاندانی اور مفادات کی سیاست کرنے والوں کو قوم مسترد کر رہی ہے.حافظ طلحہ سعید

نیویارک: امریکی کمپنی الیف ایرو ناٹیکس نے اپنی پہلی اڑنے کی صلاحیت رکھنے والی گاڑی کی اڑان کی آزمائش کی ہے۔

باغی ٹی وی : اس گاڑی کی خاص بات یہ ہے کہ اس میں پرواز میں مدد فراہم کرنے والے ونگ یا پر موجود نہیں،الیف ماڈل اے نامی گاڑی کی اولین پرواز کی آزمائش گزشتہ دنوں ہوئی اور کمپنی کی جانب سے اس کی ویڈیو بھی شیئر کی گئی۔

ویڈیو کے کیپشن میں لکھا تھا کہ یہ دنیا میں پہلی بار ہے جب ایک اڑنے والی حقیقی گاڑی نے اڑان بھری، اس گاڑی نے ہیلی کاپٹر کی طرح ٹیک آف کیا اور اسی طرح لینڈ بھی کیا، کمپنی کے چیف ایگزیکٹو Jim Dukhovny نے بتایا کہ ان سے متعدد بار پوچھا گیا کہ اب تک کمپنی کی فلائنگ کار کی پرواز کی کوئی ویڈیو کیوں نہیں جاری کی گئی۔

انہوں نے بتایا کہ ہم ہر چیز کو عوام کے سامنے نہیں لاسکتے کیونکہ ہم چاہتے ہیں کہ اس گاڑی کی حقیقی خصوصیات اس وقت تک سامنے نہ آئیں جب تک ہم اسے فروخت کے لیے پیش نہیں کردیتے، امریکی ریاست کیلیفورنیا کے علاقے Santa Mateo میں اس گاڑی نے اڑان بھری، گاڑی کی آزمائش سے قبل کمپنی نے سڑک کو ٹریفک کے لیے بند کر دیا تھا تاکہ کسی گڑبڑ کی صورت میں کوئی نقصان نہ ہو،یہ الیکٹرک گاڑی سڑک پر 200 میل جبکہ فضا میں 110 میل کا سفر طے کرسکے گی۔

جب دہشت گردی کی کوئی اخلاقی حدود نہ ہو تو پھر سانحہ اے پی ایس ہوتا ہے،عطا تارڑ

دیکھنے میں یہ کسی سائنس فکشن فلم کی گاڑی لگتی ہے جس کا کیبن اس طرح ڈیزائن کیا گیا کہ پرواز کے دوران ہوا میں اس کی حرکت مستحکم رہے جبکہ اس کا اندرونی سسٹم ہیلی کاپٹر کی طرح عمودی پرواز میں مدد فراہم کرتا ہے۔

کمپنی کے مطابق یہ گاڑی کسی ہیلی کاپٹر کی طرح ٹیک آف اور لینڈ کرسکے گی جبکہ 90 کلوگرام تک وزنی مسافر اس میں سفر کرسکیں گےچونکہ اس میں ونگ نہیں تو یہ کسی ڈرون کی طرح پرواز کرسکے گی جس کے پروپیلر پرواز میں مددگار ثابت ہوں گے،اس میں ایک وقت میں ایک ہی فرد سفر کرسکتا ہے۔

کمپنی کے مطابق یہ اڑن گاڑی ٹرانسپورٹیشن کے شعبے میں انقلاب برپا کرے گی اور دنیا بھر میں ٹریفک کا مسئلہ حل ہوجائے گا،البتہ کمپنی کی جانب سے یہ واضح نہیں کیا گیا کہ اس گاڑی کو کب تک عام فروخت کے لیے پیش کیا جا سکتا ہے،یہ کمپنی ہائیڈروجن فیول سیلز سے چلنے والی گاڑی کو بھی تیار کرنا چاہتی ہے جو کہ 400 میل تک سفر کرسکے گی۔

باغی ٹی وی کی تحقیقاتی رپورٹ، کرپشن میں ملوث سابق انچارج پرنسپل مستقل تعیناتی سے محروم

کیلیفورنیا میں قائم ’الیف ایروناٹکس 26‘ تک اس ماڈل کی تجارتی پیداوار شروع کرنے کا ارادہ رکھتی ہے۔ اگر یہ منصوبہ کامیاب ہوتا ہے تو مستقبل میں شہروں میں اڑنے والی کاریں عام نظر آسکتی ہیں، جس سے سفری سہولیات میں انقلابی تبدیلی آ سکتی ہے،کیا یہ کار حقیقت میں عام لوگوں کے لیے دستیاب ہوگی یا پھر یہ صرف امیروں کا ایک مہنگا خواب رہے گی؟ یہ سوال وقت کے ساتھ ہی واضح ہوگا۔ لیکن ایک بات طے ہے کہ انسان نے ایک اور سائنسی معجزے کو حقیقت میں بدلنے کی راہ ہموار کر دی ہے۔