کوئٹہ: بلوچستان کے ضلع قلات میں زلزلےکے جھٹکے محسوس کیے گئے ہیں۔
باغی ٹی وی: قلات اور گردونواح میں زلزلےکے جھٹکے محسوس کیےگئے، زلزلے کے بعد شہری کلمہ طیبہ کا ورد کرتے ہوئے گھروں سے باہر نکل آئے لوگوں میں خوف و ہراس پھیل گیا، زلزلے سے فوری طور پر کسی جانی نقصان کی اطلاع نہیں ملی ہے۔
زلزلہ پیما مرکز کے مطابق زلزلےکی شدت 4.6 ریکارڈ کی گئی،زلزلہ پیما مرکز کے مطابق زلزلےکا مرکز قلات کے جنوب مغرب میں 40کلومیٹر تھا۔
گوجرانوالہ: کمشنر کی زیرصدارت کا اجلاس، گورننس کی بہتری اور ترقیاتی منصوبوں پر روشنی
اسلام آباد: چیف جسٹس آف پاکستان جسٹس یحییٰ آفریدی سے پاکستان میں تعینات اٹلی کی سفیر نے ملاقات کی ہے۔
باغی ٹی وی: سپریم کورٹ سے جاری اعلامیہ کے مطابق ملاقات کے دوران پاکستان اور اٹلی کے درمیان عدالتی تعاون پر تبادلہ خیال کیا گیا،اس موقع پر چیف جسٹس پاکستان جسٹس یحییٰ آفریدی نے ’کمرشل لٹیگیشن کوریڈور‘ کے قیام کا اعلان کیا، چیف جسٹس نے کہاکہ تجارتی تنازعات کے فوری حل سے معیشت کو فروغ ملے گا، پاکستانی عدلیہ آئین کی تشریح میں کلیدی کردار ادا کرتی ہے۔
اعلامیہ کے مطابق ملاقات میں اٹلی اور پاکستان کے عدالتی نظام میں یکسانیت پر گفتگو کی گئی، جبکہ عدالتی تبادلے اور تربیتی پروگراموں پر غور کیا گیا چیف جسٹس نے کہاکہ پاکستانی عدالتی اصلاحات میں شفافیت اور عوامی شمولیت ضروری ہےاطالوی سفیر نے کہاکہ پاکستانی برادری اٹلی میں اہم کردار ادا کررہی ہے، انہوں نے عدالتی اصلاحات میں تعاون کی یقین دہانی کرائی۔
پی ٹی آئی میں کسی کا مستقبل محفوظ نہیں، شیر افضل مروت
ایلون مسک کو ”رائل سوسائٹی“ سے نکالے جانے کا امکان
کرم روڈ پر 120 سکیورٹی پوسٹیں قائم کی جائیں گی،خیبر پختونخوا کابینہ
اسلام آباد: پی ٹی آئی سے نکالے جانے والے رکن قومی اسمبلی شیر افضل مروت نے کہا ہےکہ جیسے مجھے نکالا اس طرح نکالے جا نے کے بعد پی ٹی آئی میں کسی کا مستقبل محفوظ نہیں، کسی کو بھی اس طرح کھسر پھسر کے ذریعے نکالا جاسکتا ہے-
باغی ٹی وی : اسلام آباد ہائیکورٹ میں میڈیا سے گفتگو کے دوران سوال کہ کیا 26 ویں آئینی ترمیم پر جو غائب تھے، بانی نے انہیں نکالنےکا اور زین قریشی کو چھوڑ دینےکا کہا؟ پر شیر افضل مروت نے کہا کہ شاہ محمود قریشی کی وجہ سے زین قریشی کا لحاظ کیا گیا ہے، وہ شاہ محمود کا بیٹا ہے اور ان کی قربانیاں ہیں، یہ ماننا پڑےگا، یہ موروثی سیاست کے زمرے میں نہیں بلکہ تفریق کے زمرے میں آتا ہے مگر امتیاز نہیں ہونا چاہیے۔
شیر افضل نے کہا کہ جیسے مجھے نکالا اس طرح نکالے جانے کے بعد پی ٹی آئی میں کسی کا مستقبل محفوظ نہیں، کسی کو بھی اس طرح کھسر پھسر کے ذریعے نکالا جاسکتا ہے، یہ فیصلہ ہونا چاہیے کہ پارٹی سے نکالنے کے لیے کوئی جواب تو ہونا چاہیے،4 دن سے نعرے لگا رہاہوں مجھے نکالے جانے کی وجہ تو بتادیں، اتنی بھی ہٹ دھرمی اور مطلق العنانیت نہیں ہوتی-
ایلون مسک کو ”رائل سوسائٹی“ سے نکالے جانے کا امکان
شیر افضل کے مطابق بانی نے خود کہا ہم کوئی غلام ہیں، غلام تو ہم ہیں ہی نہیں آواز تو ہم اٹھائیں گے، پارٹی کے انتہائی کلیدی عوامل پر بانی کو مس گائیڈ کیا جارہا ہے، قبضہ گروپ پارٹی پر قبضہ کرنے کے درپے ہے قسم اٹھاتا ہوں جب تک زندہ ہوں ان کے قبضے کا خواب چکنا چور کروں گا، میں کوئی بلاک نہیں بناؤں گا، میں بانی پی ٹی آئی کے ساتھ ہوں، پارٹی میں جو سمجھدار لوگ ہیں ان کو سو چنا چاہیے کہ پارٹی میں چل کیا رہا ہے۔
چیمپئنز ٹرافی کے لیے بھارتی صحافیوں کو ویزے جاری
انہوں نے کہا کہ کامیابی ہمارے کریڈٹ میں کوئی نہیں ہے، یہی دھکم پیل ہے ایک دوسرے کو گراکر آگے بڑھ رہے ہیں، ایک سال احتساب کرلیں، ہماری کون سی کامیابی ہے، کوئی نہیں ہے، جب کامیابی نہیں ہے تو اس کا مطلب ہے سب کچھ غلط چل رہا ہے، ہمارا بنیادی کام ہے بانی کونکالنا، مینڈیٹ کی واپسی، عوام کو شعوردینا، ان کی ہمت بندھانا، 26 نومبرکے بعد ہمت بندھاتے، ہم ایک دوسرے کو گرانے میں لگے ہوئے ہیں، اب بہت ہوگیا، میں ان کا مشکور ہوں کہ انہوں نے مجھے نکال دیا، اب زبان کی لکنت ختم ہوگئی ہے اور ہوں بھی وکیل تو بولوں گا، قومی اسمبلی کی نشست کیوں چھوڑوں؟ اس کھسر پھسر پر چھوڑوں؟ جس کی نشست ہے جب وہ مجھے بلائے گا سنے گا اور کہے گا تو تب میں چھوڑوں گا۔
دنیا کے امیر ترین شخص اور ٹیسلا، اسپیس ایکس اور سوشل میڈیا پلیٹ فارم ”ایکس“ کے مالک ایلون مسک کو برطانیہ کی معروف سائنسی تنظیم ”رائل سوسائٹی“ سے نکالے جانے کا امکان ہے-
باغی ٹی وی: عالمی میڈیا کے مطابق رائل سوسائٹی 1660 میں قائم کی گئی تھی اور اسے دنیا کی سب سے پرانی سائنسی تنظیم کہا جاتا ہے اس کے ممبران میں سرآئزک نیوٹن، چارلس ڈارون، البرٹ آئن سٹائن اور اسٹیفن ہاکنگ جیسے عظیم سائنسدان شامل رہے ہیں، ایلون مسک کو 2018 میں ان کی الیکٹرک گاڑیوں اور خلائی تحقیق میں شاندار خدمات کے اعتراف میں اس تنظیم کا رکن بنایا گیا تھااس وقت انہیں ’اکیسویں صدی کا ازامبارڈ برونیل‘ کہا گیا تھا، جو کہ برطانیہ کے مشہور انجینئر تھے۔
رپورٹ کے مطابق گزشتہ کچھ عرصے سے کئی سائنسدان ایلون مسک کے خیالات اور بیانات پر اعتراض کر رہے ہیں ان پر الزام ہے کہ وہ سائنسی تحقیق کو نقصان پہنچا رہے ہیں، غلط معلومات پھیلا رہے ہیں اور بعض معروف سائنسدانوں پر بےبنیاد الزامات لگا رہے ہیں۔
کرم روڈ پر 120 سکیورٹی پوسٹیں قائم کی جائیں گی،خیبر پختونخوا کابینہ
ایک کھلے خط میں، جس پر دنیا بھر کے 2300 سے زائد سائنسدانوں نے دستخط کیے ہیں، مسک پر سائنس کے خلاف حملہ کرنے کا الزام لگایا گیا ہے خاص طور پر ان کی ڈونلڈ ٹرمپ کی حمایت اور ماحولیاتی تبدیلی (کلائمیٹ چینج) کو کم اہم ظاہر کرنے پر شدید تنقید کی جا رہی ہے۔
رائل سوسائٹی نے اس معاملے پر غور کرنے کے لیے اپنے 1800 اراکین کی میٹنگ بلائی ہے اس میٹنگ میں یہ فیصلہ کیا جائے گا کہ کیا ایلون مسک کو تنظیم سے نکال دیا جائے یا نہیں،جبکہ دلچسپ بات یہ ہے کہ پچھلے 150 سال میں کسی بھی رکن کو رائل سوسائٹی سے نہیں نکالا گیا اس سےپہلے، ڈی این اے کی دریافت کرنےوالے جیمز واٹسن پر نسل پرستی اور خواتین مخالف بیانات دینے کے الزامات لگے، مگر وہ آج بھی رائل سوسائٹی کے رکن ہیں۔
پتوکی: کھلے مین ہول میں گر کر 2 افراد جاں بحق، میونسپل افسران پر مقدمہ درج
رائل سوسائٹی کے کچھ اراکین کا کہنا ہے کہ مسک کے نظریات قابل اعتراض ہیں، مگر ان کی سائنسی خدمات بےمثال ہیں ایک رکن نے کہا میں مسک کے کچھ خیالات سے اتفاق نہیں کرتا، لیکن انہیں تنظیم سے نکالنا منافقت ہوگی، کیونکہ وہ انجینئرنگ میں عظیم کامیابیاں حاصل کر چکے ہیں۔
اس وقت کچھ کہنا قبل از وقت ہوگا، کہ ایلون مسک کو سوسائٹی سے نکالا جائے گا یا نہیں مگر یہ معاملہ سائنسی دنیا میں ایک بڑا تنازعہ بن چکا ہے اگر مسک کو بےدخل کر دیا گیا، تو یہ ڈیڑھ صدی میں پہلا موقع ہوگا جب کسی بڑے سائنسدان کو رائل سوسائٹی سے نکالا جائے گا –
پشاور: خیبر پختونخوا حکومت نے کرم روڈ کی سکیورٹی کے لیے خصوصی فورس کے قیام کی منظوری دی ہے جس کے تحت 407 اہلکار بھرتی کئے جائیں گے۔
باغی ٹی وی: وزیراعلیٰ خیبر پختونخوا علی امین گنڈاپور کی زیرصدارت صوبائی کابینہ کا اجلاس ہوا، جس میں کابینہ کو ضلع کرم میں پائیدار امن کے لیے صوبائی حکومت کے فیصلوں پر عملدرآمد کی صورتحال پر بریفنگ دی گئی۔
بریفنگ میں بتایا گیا کہ پچھلے سال اکتوبر سے کرم میں بدامنی کے مختلف واقعات میں 189 افراد جاں بحق ہوئے، کرم میں حالات کو معمول پر لانے کے لیے صوبائی حکومت کی کوششوں کے نتیجے میں امن معاہدہ طے پایا، علاقے میں اشیائے ضروریہ کی دستیابی کے لیے اب تک 718 گاڑیوں پر مشتمل 9قافلے بھیجے گئے ہیں اس وقت علاقے میں اشیائے ضروریہ کی قلت نہیں۔
چیمپئنز ٹرافی کے لیے بھارتی صحافیوں کو ویزے جاری
حکام نے کابینہ کو بتایا کہ وزیر اعلیٰ کی ہدایت پر کرم کے لیے صوبائی حکومت کی 2 ہیلی کاپٹرز کی 153 پروازوں کے ذریعے تقریباً 4 ہزار افراد کو ائیر ٹرانسپورٹ کی سہولت فراہم کی گئی، علاقے میں اب تک 19 ہزار کلوگرام ادویات کرم پہنچائی گئی ہیں، کابینہ کے فیصلے اور امن معاہدے کے تحت 151 بنکرز کو مسمار کیا جا چکا ہے 23 مارچ تک علاقے میں قائم تمام بنکرز کو مسمار کرنے کی ڈیڈلائن مقرر کی گئی ہے،کرم روڈ پر 120 سیکیورٹی پوسٹیں قائم کی جائیں گی سیکیورٹی پوسٹوں کو 764 ملین روپے مالیت کا ضروری سازو سامان فراہم کیا جائے گا۔
لاہور: انٹرنیشنل کرکٹ کونسل (آئی سی سی) چیمپئنز ٹرافی کے لیے بھارتی صحافیوں کو ویزے جاری کر دیئے گئے۔
باغی ٹی وی: ذرائع کے مطابق آئی سی سی چیمپئنز ٹرافی کے لیے 7 بھارتی صحافیوں کو ویزے جاری کیے گئے ہیں، اور کسی بھی بھارتی صحافی کا ویزا مسترد نہیں کیا گیا-
گزشتہ روز آئی سی سی چیمپئنز ٹرافی کی افتتاح تقریب کا انعقاد لاہور میں کیا گیا جس میں آتش بازی اور لائٹ شو ہوا تقریب میں گلوکاروں نے اپنی آواز کا جادو جگایا، محسن نقوی کا کہنا تھا کہ چیمپئنز ٹرافی کے لیے اسٹیٹ آف دی آرٹ اسٹیڈیم بنائے ہیں، اور ہمارے ساتھ تعاون کرنے پر آئی سی سی کا شکرگزار ہوں، تمام سیکیورٹی ایجنسیوں، پنجاب اور سندھ حکومت کا بھی شکرگزار ہوں۔
125 سالہ پرانے جیل قوانین میں ترامیم
واضح رہے کہ پاکستان میں آئی سی سی چیمپئنز ٹرافی کا آغاز 19 فروری سے ہو رہا ہے،بھارتی ٹیم چیمپیئنز ٹر افی کے اپنے تمام میچ دبئی میں کھیلے گی، ایونٹ کا آغاز 19 فروری کو پاکستان اور نیوزی لینڈ کے میچ سے ہو گادوسرا میچ 20 فروری کو بھارت اور بنگلہ دیش کے درمیان دبئی میں کھیلا جائے گا، ایونٹ میں سب سے اہم اور بڑا مقابلہ 23 فروری 2025 کو پاکستان اور بھارت کے درمیان کھیلا جائے گا، پاک بھارت مقابلہ دنیا بھر میں دیکھا جاتا ہے۔
لاہور: محکمہ داخلہ پنجاب نے 125 سالہ پرانے پریزن رولز میں ترامیم کر دی-
باغی ٹی وی:ترجمان محکمہ داخلہ پنجاب کے مطابق 138 جیل قوانین تبدیل کر کے جدید تقاضوں سے ہم آہنگ کیے گئے۔ جیل قوانین میں ترامیم انسانی حقوق کے تحفظ اور عالمی قوانین کی پاسداری کے لیے کی گئیں۔
ترجمان محکمہ داخلہ کے مطابق منظوری کے لیے سمری بھجوانے کا فیصلہ کیا گیا ہے نئی ترامیم میں خواتین قیدیوں اور بچوں کے حقوق کو خصوصی اہمیت دی گئی ہے، جبکہ ذہنی امراض میں مبتلا قیدیوں کے علاج معالجے کے لیے سہولیات فراہم کی گئی ہیں۔
ترجمان کے مطابق قیدیوں کے لیے سزا و جزا کا ایک منظم نظام متعارف کرایا گیا ہے، جس کے تحت انہیں سزا کے خلاف اپیل کا مکمل حق حاصل ہوگا۔ غیر ملکی قیدیوں کو عالمی قوانین کے مطابق قونصلر کی مدد دی جائے گی اور وہ اپنی زبان میں عدالتی کارروائی سن سکیں گے۔
آکاش انصاری کیس، بیٹے نے باپ کے قتل کا کیا اعتراف
ترجمان کے مطابق ترامیم میں قیدیوں کو صاف پانی، متوازن خوراک اور صحت مند ماحول کی فراہمی کو یقینی بنانے پر زور دیا گیا ہے۔ ہر جیل میں میڈیکل آفیسر، ماہر نفسیات اور ویلفیئر افسر کی تعیناتی لازم قرار دی گئی ہے، جبکہ جیل عملے کی جدید تربیت کو بھی لازمی قرار دیا گیا ہے تاکہ قیدیوں کے بنیادی حقوق کا تحفظ یقینی بنایا جا سکے، نئے قوانین کے تحت ہر قیدی کو بروقت اور مکمل رازداری کے ساتھ وکیل کی سہولت فراہم کی جائے گی، تاکہ وہ اپنے دفاع کا مؤثر حق استعمال کر سکے۔
ایٹمی پروگرام سے متعلق بیان،ایران نے اسرائیل اور امریکہ کو خبردار کر دیا
کراچی: سوشل میڈیا پر یہ خبریں زیر گردش ہیں کہ پاکستان کی مشہور اداکارہ ہانیہ عامر جلد ہی دلجیت دوسانجھ کے ساتھ ایک رومانوی کامیڈی فلم میں نظر آئیں گی۔
باغی ٹی وی : حال ہی میں ہانیہ عامر نے دلجیت دوسانجھ کے کنسرٹ میں شرکت کی تھی، جس کی ویڈیو سوشل میڈیا پر وائرل ہو گئی تھی،ویڈیو وائرل ہونے کے بعد ہانیہ کو بھارت میں بھی کافی پذہرائی مل رہی ہیں،ویڈیو نے جہاں مداحوں کو خوشگوار حیرت میں مبتلا کردیا وہیں اب بھارتی میڈیا پر دونوں اسٹارز کی ایک ساتھ فلم کی خبروں نے مداحوں کو پرجوش کردیا ہے-
دلجیت دوسانجھ کے ساتھ ہانیہ عامر کے اسٹیج شیئر کرنے کے بعد بھارتی میڈیا کی جانب سے دونوں کی فلم اسکرین شیئر کرنے کی خبروں نے مداحوں کی توجہ سمیٹ لی ہے،حال ہی میں اداکارہ ہانیہ عامر اور دلجیت دوسانجھ کی فلم کے حوالے سے ایک انسٹاگرام پوسٹ وائرل ہورہی ہے-
پوسٹ کے کیپشن کے مطابق ہانیہ عامر اور دلجیت دوسانجھ کی بالی وڈ میں روم کوم فلم کے بارے میں قیاس آرائیاں جاری ہیں جسے مداحوں سے فی الحال چھپایا جارہا ہے،دلجیت دوسانجھ نے اپنے لندن کنسرٹ کے دوران ہانیہ کو اسٹیج پر مدعو کیا جسکی ویڈیو وائرل ہونے کے بعد انٹرنیٹ پر دونوں اسٹارز کی کیمسٹری نے مداحوں کو پرجوش کیا اور یہی وجہ ہے کہ دونوں اسٹارز جلد ہی ایک رومانٹک کامیڈی فلم میں نظر آنے والے ہیں‘۔
پوسٹ میں کہا گیا کہ اگرچہ ابھی تک ان قیاس آرائیوں کے حوالے سے کوئی باضابطہ تصدیق نہیں ہوئی ہے لیکن چہ مگوئیاں جاری ہیں کہ دونوں اداکار فلم کے لیے بات چیت کر رہے ہیں جس کے نیتجے میں آخرکار بالی وڈ اور پاکستان کا وہ اشتراک دیکھنے کو مل سکتا ہے جس کا سب انتظار کر رہے تھے‘۔
سوشل میڈیا پر ہانیہ کے مداحوں نے اس خبر پر خوشی کا اظہار کیا ہے وہ دلجیت کے ساتھ ان کی کیمسٹری دیکھنے کے منتظر ہیں تاہم، اس فلم کا نام اور شوٹنگ کی تاریخ ابھی تک سامنے نہیں آئی اور نہ ہی ہانیہ یا دلجیت نے اس فلم کی تصدیق یا تردید کی ہے۔
کراچی: پاکستان شوبز انڈسٹری کی معروف جوڑی اداکارہ عروہ حسین اور اداکار فرحان سعید نے ماضی میں پھیلنے والی علیحدگی کی افواہوں کی تصدیق کردی ہے۔
باغی ٹی وی : ایک انٹرویو میں فرحان سعید نے کہا کہ ان کی شادی میں ایک مشکل وقت آیا جب ان کا رشتہ ایک تکلیف دہ دور سے گزار رہا تھا، تاہم دونوں خاندانوں نے ان کا ساتھ دیا دہا ،راہنمائی کی اور ان کی مدد کی ،رشتے میں احترام اور عزت کی بےحد ضرورت ہوتی ہے اور یہی وہ چیز تھی جس کی وجہ سے ان کا رشتہ قائم رہا، چاہے شادی میں جتنے بھی مسائل آئے پر ہم نے کبھی عوامی سطح پر ایک دوسرے کے خلاف کچھ نہیں کہا، ہر رشتے میں اتار چڑھاؤ آتے ہیں مگر ہم نے ایک دوسرے کو وقت دیا اور ایک مرتبہ پھر سب کچھ بھلا کر ایک ساتھ جڑ گئے۔
فرحان اور عروہ نے مداحوں کو بھی یہ مشورہ دیا کہ اپنے ہمسفر کی عزت کریں اور اپنا معاملہ آپس میں بات چیت سے سلجھائے کسی کے سامنے اپنے ساتھی کی برائی کرنے سے گریز کریں کیونکہ پیٹھ پیچھے بات کرنا کسی بھی رشتے کو مشکل میں ڈال سکتا ہے۔
مصطفیٰ عامر کے اغوا اور قتل کیس میں قبر کشائی کی درخواست منظور
واضح رہے کہ اداکارہ عروہ حسین اور فرحان سعید سال 2016 میں رشتہ ازدواج میں منسلک ہوئے اور انکا نکاح بادشاہی مسجد میں ہوا تھا ، کچھ عرصہ قبل عروہ حسین اور فرحان سعید کی علیحدگی کی افواہیں سوشل میڈیا پر گردش کر رہی تھیں تاہم یہ دونوں دوبارہ ایک ساتھ نظر آئے اور ان کے ہاں پہلے بچے کی پیدائش کے بعد یہ افواہیں دم توڑ گئیں۔
بد تہذیبی، بدتمیزی ،بغض اور انتقام کوسیاست بنادیا گیا، نواز شریف
تہران: ایٹمی پروگرام سے متعلق بیان دینے پر ایران نے اسرائیل اور امریکہ کو خبردار کر دیا۔
باغی ٹی وی : غیر ملکی میڈیا کے مطابق ایرانی وزارت خارجہ نے بیان میں کہا کہ ایران نے اپنے ایٹمی پروگرام کا دفاع کیا ہے اور وہ اسے جاری رکھنے میں کوئی خوف محسوس نہیں کرے گا ایران کا پرامن ایٹمی پروگرام جاری ہے اور یہ تین دہائیوں سے پرامن ہے جب کہ این پی ٹی ممبر ہونے کی بنیاد پر ایران کو یہ حق حاصل ہے کہ وہ کسی بھی صورت اپنے ایٹمی پروگرام پر کمزوری واضح نہ کرے۔
واضح رہے کہ اسرائیلی وزیراعظم نیتن یاہو نے اتوار کو امریکی وزیر خارجہ مارکو روبیو سے ملاقات کے بعد کہا تھا کہ امریکا اور اسرائیل ایران کے ایٹمی مقاصد کو روکنے کے لیے پرعزم ہیں،جبکہ امریکی وزیر خارجہ کا کہنا تھا کہ ہردہشتگرد گروپ کے پیچھے، ہر تشدد کے پیچھے، ہر عدم استحکام کی سرگرمی کے پیچھے اور خطے میں کروڑوں لوگوں کے امن کو لاحق خطرے کے پیچھے ایران ملوث ہے۔
مفتی قوی مجھے نہیں سنبھال پائیں گے،راکھی ساونت
لوئر کرم:قافلے پر حملہ، شدید فائرنگ،امدادی گاڑیوں میں لوٹ مار
سندھ نے ہمیشہ ن لیگ اور پی ٹی آئی کو مسترد کیا ہے،شرجیل میمن