Tag: تازہ ترین

لاہور: پنجاب کے شہری اب دوسرے صوبوں یا وفاق میں گاڑی رجسٹر نہیں کروا سکیں گے۔

باغی ٹی وی :اس حوالے سے ایکسائز حکام نے بتایا کہ محکمہ ایکسائز نے پنجاب سے باہر رجسٹریشن روکنے کیلئے کیبنٹ سے منظوری لے لی ہے شہری ٹیکس بچانے کیلئے دوسرے صوبوں یا وفاق سے گاڑی رجسٹر کرواتے ہیں، پنجاب سے باہر رجسٹریشن سے ٹیکس وصولی اور سیکیورٹی مسائل کا سامنا رہتا ہے۔

حکام نے کہا کہ دوسرے صوبوں میں رجسٹریشن کروانے پر جرمانے بھی عائد کئے جائیں گے، نادرا کے ضلعی کوڈز کو مدنظر رکھ کر رجسٹریشن کنٹرول کی جائے گی، پنجاب سے باہر رجسٹرڈ شدہ گاڑی کی پنجاب میں ری رجسٹریشن کا قانون موجود ہے، جس پر عملدرآمد نہ کرنے پر گاڑی بند اور ری رجسٹریشن پر جرمانہ وصول ہوگا، کیبنیٹ منظوری کے بعد قانون سازی کیلئے سمری حکومت کو بھجوائی جارہی ہے۔

بلوچستان اور شمالی علاقہ جات میں آندھی، شدید بارش و برفباری، سفر میں رکاوٹ کا خدشہ

موریطانیہ کشتی حادثہ ،انسانی اسمگلرگینگ کی مبینہ رکن خاتون گرفتار

جنگ بندی معاہدہ:اسرائیل نے95 فلسطینی قیدیوں کی فہرست جاری کردی

لاہور: حکومت نے پنجاب پولیس کو مالی سال 2024/25 کے بجٹ کے تیسرے کوارٹر کا 43 ارب روپے کے فنڈ جاری کردئیے-

باغی ٹی وی: پولیس حکام کے مطابق پہلے کوارٹر میں 54 ارب، دوسرے کوارٹر میں 37ارب اور تیسرے کوارٹر میں 43ارب روپے جاری کئے گئے پنجاب پولیس کو اب تک 3کوارٹرز کے 134ارب روپے جاری ہو چکے ہیں، جبکہ پنجاب پولیس کے لیے 186ارب کا بجٹ مختض کیا گیا ہےآئی جی پنجاب نے تیسرے کوارٹر کے فنڈز تمام اضلاع ویونٹس کوجاری کردئیے۔

تیسرے کوارٹر میں سب سے زیادہ فنڈز لاہورپولیس کو جاری ہوئے ،6 ارب،49 کروڑ ، 78 لاکھ اور63 ہزار روپے ہیں سی ٹی او لاہور کو 93کروڑ، 2لاکھ ،64 ہزار روپے ، پٹرول کی مد میں 4کروڑ، 4لاکھ ، 70ہزار روپے جاری ہوئےلاہور کو پٹرول کی مد میں 23کروڑ روپے دئیے گئے۔

سیف علی خان کے گھر میں گھسنے والے نے ایک کروڑ مانگا،نرس کا انکشاف

رپورٹ کے مطابق ٹیلی اینڈ ٹرانسپورٹ پنجاب کو ایک ایک ارب،27کروڑ ،24ہزار روپے جاری کردیئے انویسٹی گیشن برانچ پنجاب کو 13کروڑ ، 84لاکھ اور39ہزار روپے جاری ، فرنیچر کی خریداری ، گاڑیوں کی مرمت، بلڈنگز کی مرمت و کرائیوں کی مد سمیت دیگر کے لیے بھی فنڈز جاری ہوئے کیے گئے ہیں۔

مریم نواز کی فیک تصاویرمعاملہ:ملزمان کے فونز سے شہباز گل اور عمران ریاض خان کی پوسٹیں برآمد

لاہور: وفاقی تحقیقاتی ادارہ (ایف آئی اے) کے سائبر کرائم سرکل نے کہا ہے کہ وزیراعلیٰ پنجاب مریم نواز کی فیک تصاویر شیئر کرنے والے 8 ملزمان کو گرفتار کرلیا گیا ہے-

باغی ٹی وی : لاہور میں ایف آئی اے سائبر کرائم سرکل کے ایڈ یشنل ڈائریکٹر سرفراز چودھری اور اسسٹنٹ ڈائریکٹر زوار حسین نے وزیراعلی مریم نوازشریف کی تصاویر شیئر کرنے کے معاملے پر تحقیقات کے حوالے سے پریس کانفرنس میں بتایا کہ وزیراعلیٰ پنجاب اور متحدہ عرب امارات کے صدر کی تصاویر شیئر کرنے والوں کے خلاف کارروائی کے لیے جوائنٹ ٹاسک فورس بنائی، سوشل میڈیاپلیٹ فارمز پر امریکا اور دیگر ممالک سے مواد شیئر کیا گیا۔

ایڈیشنل ڈائریکٹر ایف آئی اے نے کہا کہ اس حوالے سے 8 مقدمات درج کیے گئے ہیں اور ان مقدمات میں نامزد ملزمان میں سے اب تک 8 کو گرفتار کیا گیا ہے ان ملزمان کے موبائل فونز سے شہباز گل اور عمران ریاض خان کی پوسٹس برآمد ہوئیں اور یہ ملزمان ان ہی کی پوسٹس شیئر کررہے تھے، ملزمان اپنے کیے پر نادم ہیں، سوشل میڈیا پر ہماری اقداراور خواتین کی عزت کا خیال نہیں رکھا گیا۔

علی امین گنڈا پور ٹی وی پر جھوٹی بڑھکیں ماررہے ہیں، ترجمان جے یو آئی

ان کا کہنا تھا کہ ہم نے ملزمان کی گرفتاری کے لیے دیگر ممالک سے سرورز کی تفصیلات کے لیے لیٹر لکھے ہیں، اس میں جو بھی ملوث ہوا ہم انہیں معاف نہیں کریں گے ہم ان ملزمان کو بیرون ملک سے پکڑ کر لائیں گے، ان ملزمان کا ایک مخصوص سیاسی جماعت سے تعلق ہے، ان کے پروفائل سے معلوم ہوا ہے کہ یہ پولیٹیکل موٹیویٹد ہیں۔

ایڈیشنل ڈائریکٹر سائبر کرائم ونگ لاہورسرفرازچوہدری نے بتایا کہ متحدہ عرب امارات کے معزز مہمان 5 جنوری کو پاکستان آئے تھے، بیرون ملک بیٹھ کر لوگ مہم چلاتے ہیں 3 ملزمان کو لاہور سے گرفتار کیا گیا اور دیگر اضلاع سے بھی ملزمان گرفتار ہوئے ہیں، شہباز گل کی جانب سے بھجوایا گیا مواد ملزمان کے موبائل سے برآمد ہوا، عمران ریاض بھی ملزمان کو استعمال کرتے ہوئے مواد بھجواتے تھے۔

93 فیصد مقدمات کو یکسو کیا،صرف 7 فیصد مقدمات زیر تفتیش ہیں، ایس ایس پی انویسٹی گیشن

ان کا کہنا تھا کہ مجھے پورے پاکستان کا ٹاسک دیا گیا ہے، تمام صوبوں میں جوائنٹ انویسٹی گیشن ٹیم کام کر رہی ہے، ملزمان نے فیس بک پر جعلی آئی ڈیز بنا رکھی ہیں ملزمان کا مزید ڈیٹا مل رہا ہے، پاکستان سے باہر سے بھی ملزمان کو لایا جائے گا، ملزمان کے پاسپورٹ اور آئی ڈی کارڈ بلاک کیے جائیں گے شہباز گل سمیت دیگر ملزمان کے اشتہاری ہونے کے بعد انٹرپول کو لکھیں گے، ملک دشمن سازش کو ناکام بنایا جائے گا، ایک مخصوص سیاسی جماعت کے لوگ باہر بیٹھ کر مہم چلا رہے تھے ۔

میڈرڈ میں تارکین وطن کی کشتی ڈوب گئی،66 پاکستانیوں سمیت 86 غیرملکی سوار

ایڈیشنل ڈائریکٹر سابئر کرائم سرکل نے بتایا کہ ہم اپنی کوشش جاری رکھیں گے، عادل راجا کے خلاف بھی انٹرپول کو لکھ رکھا ہے، مہم چلانے والے گرفتار ملزمان کی تعداد 8 ہے، یوٹیوبرز کے زیادہ فالوورز انڈیا سے ہیں جس کسی کی بھی جعلی ویڈیو بنا کر وائرل کی جائیں گی، ان کے خلاف بھی کارروائی کی جائے گی، جنہوں نے ڈیپ فیک بنایا وہ جرم ہے، شیئر کرنے والے بھی ملزم ہیں اوراسی طرح لائیک اور ری شیئر کرنے والے بھی سائبر کرائم کے ملزمان ہیں جبکہ فنانشل فراڈ کرنے والوں کے خلاف بھی کارروائیاں جاری ہیں، 2024 میں کروڑوں روپے کی ریکوری کرائی ہے، انٹرنیشنل فیک نمبرز بھی فروخت ہو رہے ہیں، 2021 کا ایک مدعی تھا اس کو 2024 میں رقم واپس کر دی ہے۔

پی ٹی آئی کا چارٹرڈ آف ڈیمانڈ جھوٹ کے سوا کچھ نہیں، رانا ثنا اللہ

لاہور:سال 2024 میں SSOIU یونٹ کی شاندار پرفارمنس،گزشتہ برس سپیشل سیکشوئیل افینسز انویسٹی گیشن یونٹ نے 93 فیصد مقدمات کو یکسو کیا-

باغی ٹی وی : ایس ایس پی انویسٹی گیشن محمد نوید کے مطابق گزشتہ برس سپیشل سیکشوئیل افینسز انویسٹی گیشن یونٹ نے 93 فیصد مقدمات کو یکسو کیا، صرف 07 فیصد مقدمات زیر تفتیش ہیں جنہیں جلد پایا تکمیل تک پہنچایا جائے گا، گزشتہ برس خواتین سے زیادتی تشدد اور ہراسمنٹ کے 9183 مقدمات درج ہوئے-

ایس ایس پی محمد نوید کےمطابق 2226مقدمات کے چالان عدالتوں میں جمع کروائے گئے،ے بنیاد پائے جانے کی وجہ سے 6293 مقدمات کو خارج کیا گیا، مخواتین سے زیادتی کے واقعات کی رپورٹ پر SSOIU افسران نے موقع پر پہنچ کر شواہد اکٹھے کیے، خواتین سے زیادتی، ظلم و تشدد اور ہراسگی کے مقدمات کی تفتیش میں کوتاہی برداشت نہیں-

علی امین گنڈا پور ٹی وی پر جھوٹی بڑھکیں ماررہے ہیں، ترجمان جے یو آئی

انہوں نے کہا کہ خواتین اور بچوں کے جنسی استحصال میں ملوث عناصر کسی رعایت کے مستحق نہیں، ثبوتوں کی بنیاد پر مضبوط چالان مرتب کر کے گنہگاروں کو سزائیں دلوائی جا رہی ہیں،دوران تفتیش میرٹ پر سمجھوتا کسی صورت برداشت نہیں،عوام الناس کو ہر صورت بروقت انصاف کی فراہمی اولین ترجیح ہے-

ایس ایس پی انویسٹی گیشن محمد نوید نےSSOIU کی مجموعی کارکردگی پر اطمینان کا اظہار کیا-

میڈرڈ میں تارکین وطن کی کشتی ڈوب گئی،66 پاکستانیوں سمیت 86 غیرملکی سوار

دوسری جانب ایس ایس پی انویسٹی گیشن محمد نوید نے تھانہ گجر پورہ میں خاتون چور کی گرفتاری کے معاملے پر نوٹس لیتے ہوئے ایس پی سول لائنز انویسٹی گیشن سے رپورٹ طلب کر لی-

ابتدائی تحقیقات میں خاتون رخسانہ اووڈھ چوری کے مقدمہ میں ملوث ہے،ملزمہ کو لیڈی کانسٹیبل کے ہمراہ گرفتار گیا گیا، کورٹ میں پیش کر کے 2روزہ ریمانڈ حاصل کیا گیا،ملزمہ سے 50ہزار روپے ریکور کیے گئے اور وویمن تھانہ لٹن روڈ میں بند کروایا گیا ، واقعہ کی تحقیقاتی رپورٹ آنے پر کسی غفلت کی صورت میں سخت محکمانہ کارروائی عمل میں لائی جائے گی،اختیارات سے تجاوز اور ضابطہ اخلاق کی خلاف ورزی کسی صورت برداشت نہیں-

: پنجاب یونیورسٹی کی اراضی پر 50 سال سے کیا گیا قبضہ ختم،مکانات مسمار