احتساب عدالت لاہور میں منی لانڈرنگ ،رمضان شوگرمل اورآشیانہ ریفرنس کیس کی سماعت ہوئی
اپوزیشن لیڈرقومی اسمبلی شہباز شریف احتساب عدالت لاہور میں پیش ہوئے،احتساب عدالت لاہور کی جانب سے آج گواہان کو طلب کیا گیا ہے ،احتساب عدالت لا ہور میں 3 گواہ پیش کردیئے گئے،شہباز شریف نے عدالت میں کہا کہ ہم نے پارلیمنٹ میں عدم اعتماد کی تحریک پیش کررکھی ہے،جج نسیم ورک نے کہا کہ آپ اگر مصروف ہوئے تو آپکے وکیل پیش ہو جائینگے ، عدالت نےآشیانہ کیس کی سماعت 18 مارچ تک ملتوی کردی
احتساب عدالت لاہور میں منی لانڈرنگ کیس کی سماعت ہوئی اپوزیشن لیڈر پنجاب اسمبلی حمزہ شہباز عدالت میں پیش ہوئے،احتساب عدالت لاہور میں رمضان شوگر مل ریفرنس کی سماعت ہوئی نیب نے شہباز شریف کی بریت کی درخواست پر جواب جمع کرا دیا نیب نے شہباز شریف کی بریت کی درخواست خارج کرنے کی استدعا کر دی ،عدالت نے آئندہ سماعت پر وکلا کو بریت کی درخواست پر دلائل کے لیے طلب کر لئے،رمضان شوگر مل ریفرنس پر کارروائی 18 مارچ تک ملتوی کر دی گئی، احتساب عدالت لاہور میں منی لانڈرنگ کیس کی سماعت 22 مارچ تک ملتوی کر دی گئی اپوزیشن لیڈر قومی اسمبلی شہباز شریف کمرہ عدالت سے باہر آگئے
عدالت پیشی کے موقع پر شہباز شریف کا کہنا تھا کہ ہم تحریک عدم اعتماد ذاتی خواہشات کےلیے نہیں لائے ،پاکستان کے عوام کو ایک وقت کی روٹی سے محروم کر دیا گیا ،حکمران ہر روز پیٹرول اور بجلی مہنگی کررہے ہیں ،ریکو زیشن پر تمام جماعتوں نے دستخط کیے،پونے چار سال میں 22 کروڑ عوام کے ساتھ زیادتی ہوئی، عوام کو مہنگائی کے طوفان میں پھنسا دیا گیا، لوگ وزیراعظم اور حکومت سے جان چھڑانے کی دعائیں مانگ رہے ہیں عمران خان خود کو عقل کل اور افلاطون سمجھتے ہیں ، میں عمران خان کے لب و لہجے میں بات نہیں کرسکتا ،عمران خان پاکستان کے مفادات کو ناقابل تلافی نقصان پہنچا رہے ہیں عمران خان ورکنگ انوٹیشن پر امریکہ گئے تو کہا کہ دوسرا ورلڈ کپ جیت کر آیا ہوں،
شہباز شریف کا مزید کہنا تھا کہ عمران خان دعوے کررہے تھے کہ مر جاوں گاآئی ایم ایف کے پاس نہیں جاوں گا عمران خان کا دعویٰ تھا کہ بیرون ملک بھیجے گئے پیسے واپس لاوں گا کہاں گئے عمران خان کے وہ وعدے ؟ عدم اعتماد کی تحریک جمع کرائی تو عمران خان پاگل پن کی باتیں کررہے ہیں میں ،نواز شریف،مریم نواز اورحمزہ شہباز نے جیلیں کاٹی ہیں دوسرے جماعتوں کے رہنماوں نے بھی جیلیں کاٹی ہیں عمران خان دھمکیاں دیتے ہیں کہ میں یہ کردوں گا وہ کردوں گا،ساڑھے 3 سال میں عمران خان نے کیا کیا ہے؟سیاسی شہید وہ ہوتا ہے جس کو غیر جمہوری طریقے سے باہر کیا جائے،نواز شریف کو 2 دفعہ غیر جمہوری طریقے سے باہر کیا گیا،
شہباز شریف کا مزید کہنا تھا کہ عمران خان کوبھاگنے نہیں دیں گے ،ہم یہی رہیں گے اوریہی مریں گے،پارلیمنٹ لاجز میں اسلام آباد پولیس نے جے یو آئی رہنماوں کو تشدد کا نشانہ بنایا،ہم آئینی اور قانونی طریقے سے معاملے کو آگے بڑھانا چاہتے ہیں عوام کا سمندر اب اپنا راستہ خود بنائے گا جو فیصلہ نواز شریف کو ہوگا ن لیگ اس پر عمل کرے گی،پارلیمنٹ لاجز میں جانے والے رضا کار تھے فورس نہیں تھے،ہم کہیں نہیں جائیں گے پاکستان میں ہی مریں گے،
آشیانہ ہاوَسنگ کے مرکزی ملزم احمد چیمہ کی درخواست ضمانت پر سپریم کورٹ کا بڑا فیصلہ
شریف فیملی کے فرنٹ مین نے ایسے انکششافات کئے کہ جان کر ہوں حیران
حمزہ شہباز کا فرنٹ مین بن گیا نیب میں وعدہ معاف گواہ،بیان ریکارڈ کروا دیا
مریم نواز کے وکلاء نے ہی مریم نواز کی الیکشن کمیشن میں مخالفت کر دی، اہم خبر
پاکستان کے لئے سب سے بڑا خطرہ کون؟ فواد چودھری نے ایسی بات کہہ دی کہ …
عمران خان نے کہا تھارلاوَں گا رلادیا،کہا تھا پکڑوں گا،پکڑلیا، فواد چودھری
اوبر اور کریم پر خواتین کے لئے سفر ہوا غیر محفوظ
فواد چودھری کے خلاف قانونی کاروائی کا دیا حکم وہ بھی چیئرمین نیب نے
شہباز شریف پر فرم جرم کی کاروائی ایک بار پھر مؤخر
شہباز شریف بیمار،عدالت نہ پہنچے، بریت کی درخواست بھی کی دائر
ایسی اداکاری تو کوئی کامیڈین بھی نہیں کرتا جو عمران نیازی نے کی ،شہباز شریف