Tag: ترکی

ترکی کے شمال مغربی صوبے چناق قلعہ (Canakkale) کے مرکزی علاقے میں پیر کے روز خوفناک جنگلاتی آگ بھڑک اٹھی جو تیز ہواؤں کے باعث تیزی سے پھیل گئی۔

مقامی حکام اور میڈیا کے مطابق آگ پر قابو پانے کے لیے بڑے پیمانے پر ریسکیو آپریشن جاری ہے جبکہ سینکڑوں افراد کو احتیاطی طور پر محفوظ مقامات پر منتقل کر دیا گیا ہے،صوبائی گورنر عمر تورامان نے سوشل میڈیا پلیٹ فارم ایکس پر بتایا کہ آگ بجھانے کے لیے تقریباً 700 اہلکار، درجنوں گاڑیاں، فائر ٹرک، طیارے اور ہیلی کاپٹر تعینات کیے گئے ہیں۔

آگ کے خطرے کے پیشِ نظر ایک یونیورسٹی کیمپس، رہائشی علاقے اور فوجی تنصیبات کو خالی کرایا گیا شہریوں کو ہدایت کی گئی ہے کہ غیر ضروری سفر سے گریز کریں تاکہ ایمرجنسی گاڑیاں باآسانی آمدورفت کر سکیں،ریسکیو کارروائی کے دوران شہر کا ایئرپورٹ، اہم شاہراہ کا کچھ حصہ اور آبنائے داردانیلز (Dardanelles Strait) کئی گھنٹوں کے لیے بند کر دی گئی، تاہم سورج غروب ہونے کے بعد یہ دوبارہ کھول دی گئیں۔

ترکی کے محکمہ موسمیات کے مطابق علاقے میں درجہ حرارت 33 ڈگری سینٹی گریڈ تک پہنچ گیا، جبکہ ہواؤں کی رفتار 66 کلومیٹر فی گھنٹہ ریکارڈ کی گئی، جس نے آگ کو مزید پھیلنے میں مدد دی،گورنر کے مطابق تقریباً 50 افراد دھوئیں سے متاثر ہوئے اور قریبی اسپتالوں میں طبی امداد فراہم کی گئی، تاہم کسی کی حالت تشویشناک نہیں ہے۔

یہ واقعہ ایسے وقت میں پیش آیا ہے جب ترکی میں جولائی کا مہینہ گزشتہ 55 سالوں کا سب سے گرم مہینہ ریکارڈ کیا گیا، جس کے باعث ملک میں جنگلاتی آگ کے خطرات میں اضافہ ہوا ہے۔

ترکی اور انڈونیشیا کے درمیان جدید لڑاکا طیاروں ’’Kaan‘‘ کے حوالے سے 10 ارب ڈالر کا بڑا دفاعی معاہدہ طے پا گیا ہے۔

ترک میڈیا کے مطابق ترک صدر رجب طیب اردوان نے اعلان کیا کہ یہ معاہدہ دونوں برادر ممالک کے درمیان طے پایا ہے معاہدے کے تحت ترکی اگلے 10 سالوں میں 48 عدد Kaan جنگی طیارے تیار کرکے انڈونیشیا کو فراہم کرے گا معاہدے میں ٹیکنالوجی کی منتقلی بھی شامل ہے جس کے تحت انڈونیشیا کی مقا می صلاحیتوں سے بھی طیارہ سازی میں فائدہ اٹھایا جائے گا۔

یہ ففتھ جنریشن کا جدید لڑاکا طیارہ ہے جسے سرکاری کمپنی Turkish Aerospace Industries (TAI) نے تیار کیا ہے۔ اس نے فروری 2024 میں اپنی پہلی پرواز مکمل کی تھی ابتدائی طور پر اسے F-16 جیسے انجن سے لیس کیا گیا ہے، تاہم ترکی مستقبل میں اسے مقامی انجن سے آراستہ کرنے کا ارادہ رکھتا ہے۔

واضح رہے کہ 2024 میں ترکی کی دفاعی برآمدات 7.1 ارب ڈالر تک پہنچ گئیں، جو کہ پچھلے سال کے مقابلے میں 1.6 ارب ڈالر کا اضافہ ہے۔

ترکی کے شمال مغربی علاقے میں زلزلے کے شدید جھٹکے محسوس کیے گئے۔

مقامی وقت کے مطابق دوپہر 12 بج کر 49 منٹ پر آنے والے اس زلزلے کی شدت 6.2 ریکارڈ کی گئی، یورومیڈیٹرین سسمولوجیکل سینٹر (EMSC) کے مطابق زلزلہ مرمرہ کے اندرونی سمندر میں، استنبول کے نواحی علاقے سیلیوری کے قریب آیا۔

زلزلے کے جھٹکے استنبول سمیت قریبی صوبوں میں بھی شدت سے محسوس کیے گئے، جس سے عوام میں خوف و ہراس پھیل گیاکئی افراد گھبرا کر گھروں اور دفاتر سے باہر نکل آئے۔

معروف اداکارہ شوبز چھوڑ کر ویٹریس بن گئیں

ترک وزیر داخلہ علی یرلیکایا نے سوشل میڈیا پر بتایا کہ زلزلے سے ممکنہ نقصانات کا جائزہ لینے کے لیے تمام متعلقہ سرکاری اداروں نے فیلڈ سروے شروع کر دیا ہے،انہوں نے زلزلے سے متاثرہ شہریوں کی خیریت اور جلد صحت یابی کی دعا بھی کی، حکام کی جانب سے اب تک کسی جانی یا مالی نقصان کی تصدیق نہیں کی گئی۔

ہالی وڈ اداکارہ کرسٹن اسٹیورٹ نے اپنی گرل فرینڈ سے شادی کرلی

کرد عسکریت پسند تنظیم کُردستان ورکرز پارٹی (پی کے کے) نے ہفتے کے روز ترکی کے ساتھ 40 سالہ مسلح جدوجہد کے بعد جنگ بندی کا اعلان کیا ہے-

باغی ٹی وی : غیر ملکی میڈیا رپورٹس کے مطابق کرد رہنما عبداللہ اوجلان کی طرف سے لڑائی روکنے اور گروپ کو تحلیل کرنے کے مطا لبے کے بعد پی کے کے کی جانب سے یہ پہلا ردعمل ہے اوجلان کی جانب سے رواں ہفتے تنظیم ختم کرنے اور ہتھیار ڈالنے کی اپیل کی گئی تھی، جس کے بعد یہ پی کے کے کا پہلا باضابطہ ردعمل ہے،پی کے کے کی ایگزیکٹو کمیٹی نے ایک بیان میں اعلان کیا تھا کہ وہ آج سے شروع ہونے والی جنگ بندی کا اعلان کر رہے ہیں یہ امن اور جمہوری معاشرے کے لیے عبداللہ اوجلان کی کال کی حمایت کرنا ہے۔

واضح رہے کہ 1984 میں پی کے کے نے کردوں کے لیے علیحدہ وطن کے قیام کے لیے مسلح جدوجہد اور جنگ کا آغاز کیا تھا، جس کے بعد سے اب تک 40 ہزار سے زائد افراد ہلاک ہو ئے تھے کمیٹی نے کہا کہ وہ اس فیصلے سے پوری طرح متفق ہیں اور اس پر عمل کریں گے۔

مولانا حامد الحق کی جگہ ان کے بھائی نائب مہتمم مقرر

کرد رہنما عبداللہ اوجلان کو 1999 میں قید کیا گیا تھا ان کی گرفتار کے بعد کئی بار اس تنازع کو ختم کرنے کی کوششیں کی گئیں جس میں ہزاروں جانیں ضائع ہوئیں 2015 میں آخری امن مذاکرات ناکام ہونے کے بعد کسی بھی قسم کی بات چیت بند ہو گئی تھی، تاہم، اکتوبر 2023 میں صدر رجب طیب اردگان کے ایک سخت گیر قوم پرست اتحادی نے اس شرط پر مفاہمت کی پیشکش کی کہ اوجلان تشدد کو ختم کر یں، رجب طیب اردگان نے اس مفاہمت کی حمایت کی، لیکن اس کے ساتھ ہی حکومت نے اپوزیشن پر دباؤ بڑھا دیا اور سینکڑوں سیا ستدانوں، کارکنوں اور صحافیوں کو گرفتار کر لیا۔

شوہر سےعلیحدگی،سنیتا آہوجا کا نیا پیغام سوشل میڈیا پر جاری

عبداللہ اوجلان سے ان کی جزیرہ نما جیل میں کئی ملاقاتوں کے بعد، کردوں کی حامی ڈی ای ایم پارٹی نے جمعرات کو ان کا پیغام پہنچایا، جس میں پی کے کے سے ہتھیار ڈالنے اور تنظیم کو تحلیل کرنے کے لیے کانگریس بلانے کی اپیل کی گئی تھی۔

نومنتخب امریکی صدر ڈونلڈ ٹرمپ نے دعویٰ کیا ہے کہ شام میں بشارالاسد حکومت کے خاتمے کے پیچھے ترکیہ کا ہاتھ ہے۔

غیرملکی میڈیا کے مطابق نومنتخب امریکی صدر ٹرمپ نے دعویٰ کیا کہ شام کے مستقبل کی کنجی اب انقرہ کے پاس ہے.ترکیہ شام کو چاہتا تھا اور اردوان کی ذہانت نے اسے کامیاب بھی کردیا، ترکیہ نے جانی نقصان کے بغیر شام کو فتح کیا ہے۔ انھوں نے کہا کہ بشارالاسد کی حکومت کا تختہ الٹنے والوں کا کنٹرول ترکیہ کے پاس ہے اور یہ ٹھیک ہے. نومنتخب امریکی صدرٹرمپ نے ترک صدر رجب طیب اردوان اور ترکیہ کی تعریف کی، ان کا کہنا تھا کہ ترکیہ بڑی فوجی قوت ہے لیکن شام میں جنگ ابھی ختم نہیں ہوئی، ترکیہ شام کے مستقبل میں اہم کردار ادا کرے گا۔ واضح رہے کہ شام میں شار الاسد کا طویل اقتدار گزشتہ ہفتے اختتام پذیرہو گیا تھا جب سابق شامی صدر استعفی دینے کے بعد ملک سے فرار ہوکر روس میں چلے گئے.

ٹرائل کورٹ مقدمے کا فیصلہ ایک سال میں کرنے کی پابند ہوگی، ترامیم منظور

دولہا نئی نویلی دلہن جنگل میں چھوڑ کر فرار

وزارت قانون کا ضابطہ فوجداری 1898 میں اصلاحات کرنے کا اعلان

سندھ کے اکنامک زونز چینی سرمایہ کاروں کی توجہ کا مرکز بن گئے

ترکیہ کے شہر استنبول میں زہریلی شراب پینے سے ہلاک ہونے والے افراد کی تعداد 37 ہو گئی۔

واضح رہے کہ 4 دسمبر کو ترک میڈیا نے رپورٹ کیا تھا کہ استنبول میں زہریلی شراب پینے سے 17 افراد ہلاک ہو گئے تھے، جبکہ 22 افراد ہسپتال میں زیر علاج تھے۔غیر ملکی خبر رساں ادارے ’اے ایف پی‘ کے مطابق گورنر کے دفتر سے جاری بیان میں بتایا گیا کہ اب تک 37 افراد کی موت ہو چکی ہے جبکہ 6 ہفتوں سے 17 کا علاج اب بھی جاری ہے۔اس میں کہا گیا ہے کہ یکم نومبر سے اب تک کل 77 افراد زہریلی شراب پینے سے متاثر ہوئے تھے، جن میں سے 23 کو علاج کے بعد ہسپتالوں سے ڈسچارج کر دیا گیا ہے۔شراب میں میتھانول کی ملاوٹ کو وجہ سمجھا جاتا ہے، جو ایک زہریلا مادہ ہے، جسے شراب میں شامل کر کے اس کی طاقت میں اضافہ کیا جاتا ہے لیکن یہ اندھے پن، جگر کو نقصان اور موت کا سبب بن سکتا ہے۔ترکیہ میں ملاوٹ شدہ شراب کا زہریلا ہونا عام ہے، جہاں نجی طور پر پیداوار میں اضافہ ہوا ہے، کیونکہ حکام نے الکوحل والے مشروبات پر ٹیکس بڑھا دیا ہے۔حکام نے جعلی شراب کی فراہمی پر 32 کاروباری اداروں پر جرمانہ بھی عائد کیا، انہیں 26 لاکھ ترک لیرا (76 ہزار 200 ڈالر) کا اجتماعی جرمانہ بھی کیا، گورنر کے دفتر کا کہنا تھا کہ پولیس نے ملاوٹ شدہ شراب کی فراہمی پر 14 افراد کو گرفتار کیا اور 14,701 بوتلیں ضبط کیں۔یاد رہے کہ ترکیہ کے صدر رجب طیب اردوان متعدد بار شراب اور تمباکو کے استعمال پر تنقید کرتے رہے ہیں۔

سپریم کورٹ نے عدالتی اصلاحات کیلئے آن لائن فیڈ بیک فارم کا اجرا کر دیا

جب کرم میں لاشیں پڑی تھیں تو یہ لوگ اسلام آباد پر لشکر کشی کر رہے تھے،عطا اللہ تارڑ

سیالکوٹ: پاکستان نیوی کمانڈر کا ویمن کالج میں آگاہی سیمینار سے خطاب

استنبول کے ایئرپورٹ پر انڈیگو کی فلائٹس 6E 12 (استنبول سے دہلی) اور 6E 18 (استنبول سے ممبئی) میں 24 گھنٹوں سے زیادہ کی تاخیر کا سامنا کرنے والے مسافروں کو شدید مشکلات کا سامنا کرنا پڑا۔

یہ فلائٹس بدھ کی رات روانہ ہونے والی تھیں، لیکن متعدد مرتبہ انہیں بغیر کسی مناسب اپ ڈیٹ کے ملتوی کر دیا گیا، جس کے باعث مسافر پریشانی کا شکار ہوگئے۔ جمعہ کی صبح تک، 39 گھنٹوں کی اس آزمائش کے بعد بھی انڈیگو نے پرواز کے روانگی کے اوقات کی تصدیق نہیں کی تھی۔پریشان حال مسافروں نے سوشل میڈیا پر اپنے تجربات شیئر کیے اور ایئرلائن کی جانب سے اس صورت حال کے انتظام میں ناکامی پر برہمی کا اظہار کیا۔ شوبھم بنسال، ایک متاثرہ مسافر نے لنکڈ ان پر لکھا: "میں ان 400 مسافروں میں سے ایک ہوں جو گزشتہ 24 گھنٹوں سے استنبول میں پھنسے ہوئے ہیں۔ انڈیگو سے کوئی جواب (یا) اپ ڈیٹس نہیں ملی۔ کیا یہ ایئرلائن چلانے کا طریقہ ہے؟”

اسی طرح، انوشری بھنسالی نے واقعات کے افراتفری پر مبنی تسلسل کا ذکر کیا۔ "پرواز کو ایک گھنٹے کے لیے دو مرتبہ تاخیر کی گئی، پھر اسے منسوخ کر دیا گیا اور آخرکار 12 گھنٹے بعد دوبارہ شیڈول کیا گیا،” انہوں نے سوشل میڈیا پر لکھا۔ بھنسالی، جو بخار اور تھکاوٹ کا شکار تھیں، نے کہا کہ مسافروں کو رہائش، کھانے کے واؤچرز یا انڈیگو کے نمائندوں کی جانب سے کسی مدد کی پیشکش نہیں کی گئی۔

ایک اور مسافر، روہن راجہ نے بتایا کہ سرد موسم میں لوگ مشکلات کا شکار ہو رہے تھے کیونکہ ایئرلائن کی طرف سے ان جگہوں تک پہنچنے کے لیے کوئی ٹرانسپورٹ کا انتظام نہیں کیا گیا، جہاں رہائش فراہم کرنے کا دعویٰ کیا گیا تھا۔

مسافروں کو اطلاع دی گئی کہ انہیں استنبول ایئرپورٹ کے لاؤنج تک رسائی فراہم کی جائے گی، لیکن یہ تدبیر ناکافی ثابت ہوئی۔ "لاؤنج بہت چھوٹا تھا اور اتنے زیادہ مسافروں کو جگہ دینا ممکن نہیں تھا۔ ہم میں سے بہت سے افراد گھنٹوں تک کھڑے رہے، جبکہ مناسب سہولتیں بھی فراہم نہیں کی گئیں۔ نہ تو متبادل پروازیں پیش کی گئیں، نہ ہی کوئی مناسب رابطہ کیا گیا اور نہ ہی کسی قسم کے معاوضے کے منصوبے کا اعلان کیا گیا،” ممبئی جانے والے مسافر پارشوا میہتا نے کہا۔میہتا نے انڈیگو کی "بنیادی کسٹمر سروس کی فاش ناکامی” کی مذمت کی اور تمام متاثرہ مسافروں کے لیے معافی اور مناسب معاوضے کا مطالبہ کیا۔

انڈیگو نے اس خلل کے لیے معذرت پیش کی اور ایک بیان میں کہا، "ہم استنبول کے لیے انڈیگو کی پروازوں میں تاخیر سے آگاہ ہیں۔ ہم اپنے صارفین کی سہولت کو اولین ترجیح دیتے ہیں، اور ہماری ٹیمیں تمام رابطہ پوائنٹس پر مسافروں کی مدد کے لیے دستیاب ہیں۔ انڈیگو اپنے صارفین کو پہنچنے والی تکلیف پر معذرت خواہ ہے۔”لیکن اس معذرت کے باوجود، ایئرلائن نے تاخیر کی وجوہات کی تفصیل فراہم نہیں کی اور نہ ہی کسی معاوضے کے منصوبوں کا اعلان کیا، جس کی وجہ سے مسافر ناراض ہیں۔

یہ واقعہ انڈیگو کی حالیہ شمولیت کے پس منظر میں آیا ہے، جب اسے 2024 کی ایئرہیلپ اسکور رپورٹ میں دنیا کی بدترین ایئرلائنز میں شامل کیا گیا۔ اس رپورٹ میں انڈیگو کو 109 ایئرلائنز میں سے 103 واں نمبر دیا گیا، جس کی وجہ کسٹمر کی تسلی بخش سروس اور پروازوں کی معطلی کے دعووں کی ناقص بنیاد پر توجہ دی گئی۔

عالمی درجہ بندی،بھارتی انڈیگو بدترین ایئر لائنز میں شامل

بھارتی ایئر لائن انڈیگو کو ایندھن اور دیکھ بھال کے اخراجات کی وجہ سے نقصان

انڈیگو ایئر لائن کا کمال،اے سی بند،مسافر پھٹ پڑے

دہلی سے وارنسی جانے والی ’انڈیگو‘ کی فلائٹ میں ’بم کی افواہ‘

کولکتہ ایئر پورٹ پر ایئر انڈیا اور انڈیگو کے طیارے ٹکرا گئے

بھارت،ایئر لائن کو دھمکیوں کے بعد 10 ہوٹل کو بم سے اڑانے کی دھمکی