Tag: توشہ خانہ

ڈسٹرکٹ اینڈ سیشن کورٹ اسلام آباد میں توشہ خانہ فوجداری کیس کی سماعت ہوئی،

ایڈیشنل سیشن جج ہمایوں دلاور نے کیس کی سماعت کی،چیئرمین پی ٹی آئی عمران خان مقررہ وقت 9 بجے تک عدالت پیش نہیں ہوئے ،معاون وکیل نے عدالت سے استدعا کی کہ چیئرمین پی ٹی آئی عمران خان نے نیب کورٹ میں پیش ہونا ہے کچھ وقت دیا جائے ،عدالت نے سماعت میں ساڑھے 12 بجے تک کا وقفہ کر دیا

عمران خان عدالت میں پیش ہوئے، معزز جج نے چیئرمین پی ٹی آئی کو روسٹرم پر بلا لیا ،چئرمین پی ٹی آئی نے اپنا 342 کا بیان ریکارڈ کروانا شروع کردیا ،چیئرمین پی ٹی آئی عمران خان نے کہا کہ فردجرم میرے یا میرے کونسل کی موجودگی میں نہیں عائد کی گئی ۔جج ہمایوں دلاور نے ریمارکس دیتے ہوئے کہا کہ میں سوالات سنا رہا ہوں، جوابات دینا چاہیں تو دیں،عدالت سوالات آپ کو پڑھ کر سنائےگی، باقی اپ کی مرضی، کیا آپ نے شکایت کنندہ کے الزامات پڑھے؟ چیرمین پی ٹی آئی عمران خان نے کہا کہ میں نے شکایت کنندہ کے بیانات نہیں سنے کیونکہ میری موجودگی میں ریکارڈ نہیں ہوئے، میری موجودگی میں فردجرم عائد نہیں کیا گیا،مجھے فردجرم پڑھ کر نہیں سنایا گیا،میں نے کسی کو نمائندہ مقرر کیا ہی نہیں کیس میں، سیشن عدالت نے خود ہی میرا نمائندہ مقرر کردیا، سیشن عدالت نے میرا نمائندہ مقرر کرکے گواہان کے بیانات ریکارڈ کروائے، میں نے نمائندہ مقر کرنے کی کوئی درخواست عدالت جمع نہیں کروائی، میرے وکلاء نے سیشن عدالت کی جانب سے نمائندہ مقرر کرنے کی مخالفت بھی کی، توشہ خانہ کیس میں ملزم صرف ایک ہے،سیشن عدالت خود سے میرا نمائندہ مقرر نہیں کرسکتی،

چیئرمین پی ٹی آئی عمران خان عدالت کی جانب سے مہیا کیے گئے سوالنامے کے جوابات عدالت میں تحریر کروا رہے ہیں، چیئرمین پی ٹی آئی عمران خان نے کہا کہ مجھے گواہان کے بیانات قلمبند کرتے وقت ہر ماعت پر استثنا دیا گیا، سیشن عدالت کے فیصلے کے مطابق میرے مقرر نمائندہ کا موقف ٹھیک طرح نہیں لکھا گیا، میری غیر موجودگی میں گواہان کا بیان ریکارڈ کرنے کا قانون اجازت نہیں دیتا،میری غیر موجودگی میں قلمبند کیا گیا گواہان کا بیان میرے سامنے نہیں پڑھا جاسکتا،عاشورہ کی چھٹیوں کے دوران گواہان کے بیانات مجھے مہیا کیے گئے،17 جولائی کو مجھے گواہان کے بیانات کی کاپی فراہم کی گئی،31 جولائی کو مکمل دن میں عدالت رہا اور گواہان کے بیانات پڑھے،الیکشن کمیشن نے شکایت دائر کرنے کے لیے کسی کو نامزد نہیں کیا،الیکشن کمیشن کی جانب سے دائر شکایت 120 دنوں کے بعد دائر کی گئی،میں نے 2018-17 کے اپنے اثاثہ جات الیکشن کمیشن میں جمع کروائے تھے،میں نے 2018-19 کے اپنے اثاثہ جات الیکشن کمیشن میں جمع کروائے تھے،میں نے 2019-20 کے اپنے اثاثہ جات الیکشن کمیشن میں جمع کروائے تھے، میں نے 2020-21 کے اپنے اثاثہ جات الیکشن کمیشن میں جمع کروائے تھے،اسپیکر قومی اسمبلی نے ریفرنس الیکشن کمیشن کو بھیجا جو بدنیتی پر مبنی تھا، اسپیکر قومی اسمبلی کے بھیجے گئے ریفرنس میں قانون کو غلط طریقہ کار سے سمجھا گیا تھا،مجھ پر ریفرنس میں 2017-18 اور 2018-19 کے اثاثہ جات کا زکر کیا گیا،الیکشن کمیشن نے اگلے سالوں کے بھی اثاثہ جات تک رسائی حاصل کی جو پی ڈی ایم کی بدنیتی ظاہر کرتی ،

چیئرمین پی ٹی آئی عمران خان نے عدالت میں بیان ریکارڈ کرواتے ہوئے کہا کہ الیکشن کمیشن کے فیصلے میں درج تحائف کے حوالے سے دستاویزات کا کبھی مجھ سے پوچھا ہی نہیں گیا،کیبینٹ ڈویژن کی جانب سے کوئی گواہ شکائت کنندہ عدالت میں نہیں لایا،دستاویزات 160 صفحات پر مشتمل ہیں لیکن شکائت کنندہ اس حوالے سے کوئی گواہ سامنے نہیں لایا،شکایت کنندہ نہ کوئی ایسا گواہ سامنے لایا جس کے سامنے تحائف کے حوالے سے دستاویزات تشکیل دیے گئے ہوں،تحائف کے حوالے سے دستاویزات کو بطور ثبوت عدالت میں شامل نہیں کیا جاسکتا،جنوری 2019 میں کوئی توشہ خانہ کاچالان میں نے جمع نہیں کروایا،22 جنوری2019 سے 30 جون2019 کے دستاویزات شکائت کنندہ نے جمع نہیں کروائے،دستاویزات سے 30 ملین روپے کا ڈیپازٹ ظاہر ہوتا جو شکائت کنندہ نے بطور ثبوت پیش نہیں کیا، الیکشن کمیشن نے خود ہی بینک اکاؤنٹ کے دستاویزات کو اخذ کرلیا اور مجھ سے تصدیق بھی نہیں کی،2018-19 میں 58 ملین روپے کی وصول رقم بینک میں جمع نہ کرنے کی بات الیکشن کمیشن نے خود سے اخذ کرلی،تحائف بیچنے کے بعد میرے پاس وصول رقم صرف 28 ملین روپے رہ گئی تھی،

چیئرمین پی ٹی آئی عمران خان نے عدالت میں بیان ریکارڈ کرواتے ہوئے کہا کہ پہلے تحائف رکھنے کی قیمت 20٪ ہوا کرتی تھی جو پی ٹی آئی حکومت نے 50٪ کردی تھی،کیبینٹ ڈویژن کو توشہ خانہ تحائف کا بتایا جن کو الیکشن کمیشن میں ظاہرکیا گیا ہے،ذاتی استعمال کے لیے تحائف کا ذکر فارم بی میں کہیں نہیں،الیکشن کے لیے امیدوار کو اپنے اثاثہ جات ظاہر کرنا ضروری ہوتےہیں،شکایت کنندہ نے مجھ ہر الزام سیاسی بنیادوں پر لگایا جو جھوٹا ہے،شکائت کنندہ نے جھوٹا الزام لگایا کہ میں نے اثاثہ جات کے حوالے سےجھوٹا بیان الیکشن کمیشن میں دائر کیا،

چیئرمین پی ٹی آئی نے حلف پر بیان دینے سے انکار کر دیا ،عمران خان نے عدالت میں کہا کہ میں اپنی طرف سے شواہد عدالت کے سامنے پیش کرنا چاہوں گا

چیئرمین پی ٹی آئی اور ان کی قانونی ٹیم نے 342 کے دیے گئے بیان پر نظرثانی کرلی ،توشہ خانہ کیس کی سماعت وقفے کے بعد دوبارہ شروع ہوئی، جج ہمایوں دلاور نے کہا کہ کیا آپ نے جو جوابات دیئے اس سے مطمئن ہیں ؟ چیئرمین پی ٹی آئی عمران خان نے کہا کہ جی میں سوالات کے دئیے گئے اپنے جوابات سے مطمئن ہوں، جج ہمایوں دلاور نے خواجہ حارث سے مکالمہ کرتے ہوئے کہا کہ لگتا ہے آپ رات گئے جاگتے رہے ہیں؟ تیری زلف کہہ رہی ہے تیری رات کا یہ حال ہے، جج ہمایوں دلاور کے شعر پر عدالت میں قہقہے گونج اٹھے، چیئرمین پی ٹی آئی عمران خان نے جج ہمایوں دلاور سے مکالمہ کرتے ہوئے کہا کہ ہم سب کا ہی آج کل یہ حال ہے سر، چیئرمین پی ٹی آئی نے اپنے ریکارڈ کروائے گئے 342 کے بیان پر دستخط کردیئے

بیرسٹر گوہر نے استدعا کی کہ گواہان کو پیش کرنا ہے تو تھوڑا سا ٹائم دیا جائے، عدالت نے بیرسٹر گوہر سے استفسار کیا کہ
کیا آپ کو نہیں پتہ کہ کیس کس کو بلانا ہے،بیرسٹر گوہر نے کہا کہ ابھی لسٹ تیار نہیں کی ، لسٹ تیار کرنی ہے اسی لیے ٹائم چاہیئے،متعلقہ گواہان جن کا تعلق بنتا ہے ان کو بلائیں گے،دو دن کا ٹائم دیا جائے،3 اگست کا ٹائم دے دیں ہم گوہان کی لسٹ دے دیں گے،الیکشن کمیشن کی جانب سے مخالفت کی گئی، وکیل الیکشن کمیشن نے کہا کہ گواہان دو اقسام ہیں،ایک سرکاری اور ایک پرائیویٹ گواہ ہوتے ہیں،جج ہمایوں دلاورنے ریمارکس دیتے ہوئے کہا کہ کل ایسا کریں کل پرائیویٹ گواہان کی لسٹ فراہم کر دیں،عدالت نے کیس کی سماعت کل صبح 9:30 تک ملتوی کردی

دوسری جانب احتساب عدالت: 190 ملین پاؤنڈ سکینڈل اور توشہ خانہ نیب کیسز ،چیئرمین پی ٹی آئی اور بشری بی بی کی عبوری ضمانت پر سماعت آج ہو گی ،نیب پراسیکویشن ٹیم احتساب عدالت پہنچ گئی ڈپٹی پراسیکیوٹر جنرل نیب سردار مظفر کی سربراہی میں نیب ٹیم احتساب عدالت پہنچی تفتیشی افسر بھی ریکارڈ سمیت عدالت پہنچ گئے احتساب عدالت کے جج محمد بشیر کیس کی سماعت کرینگے

قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش

نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی، 

وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے

بزدار کے حلقے میں فی میل نرسنگ سٹاف کو افسران کی جانب سے بستر گرم کی فرمائشیں،تہلکہ خیز انکشافات

10جولائی تک فیصلہ کرنا ہے،آپ کو 7 اور 8 جولائی کے دو دن دیئے جا رہے ہیں 

ڈسٹرکٹ اینڈ سیشن کورٹس اسلام آباد ،چیئرمین پی ٹی آئی کے خلاف توشہ خانہ کیس کی سماعت شروع ہو گئی

الیکشن کمیشن کے وکلاء سعدحسن اور امجد پرویز عدالت پہنچ گئے ،ایڈیشنل سیشن جج ہمایوں دلاورنے کیس کی سماعت کی ،معاون وکیل نے کہا کہ خواجہ حارث سپریم کورٹ مصروف ہیں کچھ دیر تک پہنچ جائیں گے،جج ہمایوں دلاورنے استفسار کیا کہ کس ٹائم تک پہنچیں گے،معاون وکیل نے کہا کہ ٹائم کنفرم نہیں لیکن فری ہوتے ہی پیش ہو جائیں گے،عدالت نے کیس کی سماعت میں 12 بجے تک وقفہ کردیا

دوبارہ سماعت ہوئی تو کمرہ عدالت میں وکلا کی زیادہ تعداد پر عدالت نے اظہار برہمی کیا،وکیل شیر افضل نے کہا کہ عاشورہ میں وکلا کام نہیں کرتے ،توشہ خانہ کیس کے بیان ریکارڈ کرنے کا معاملہ سپریم کورٹ میں ہے ،ریکارڈ کرنے کا مناسب وقت دیا جائے ،چیئرمین پی ٹی آئی کے وکیل شیر افضل نے کہا کہ چیئرمین پی ٹی آئی سے 35سوالات پوچھے ہیں،تحریری جواب بھی دینا ہے ،وکیل الیکشن کمیشن نے کہا کہ سوالنامہ مہیا کرنا ملزم کیلئے ایک طرح کا ریلیف ہے،وکیل شیر افضل نے کہا کہ چیئرمین پی ٹی آئی نے عدالت سے کوئی ریلیف نہیں لیا جج ہمایوں دلاور نے ریمارکس دیتے ہوئے کہا کہ برائے مہربانی ریلیف کا لفظ استعمال کرنے سے گریز کریں

وکیل شیر افضل نے کہا کہ گارنٹی دیتا ہوں آئندہ سماعت پر چیئرمین پی ٹی آئی بیان ریکارڈ کروائیں گے ، وکیل الیکشن کمیشن نے چیئرمین پی ٹی آئی کا آج 342 کا بیان ریکارڈ کروانے کی استدعا کی، جج ہمایوں دلاور نے ریمارکس دیتے ہوئے کہا کہ خواجہ حارث صاحب ! آپ کو وقت دیا گیا ،آپ نے بیان ریکارڈ نہیں کروایا ، 3 بجے تک آپ کے پاس بیان ریکارڈ کروانے کا وقت ہے ، خواجہ حارث نے کہا کہ چیئرمین پی ٹی آئی کہہ رہے ہیں میں نے ابھی دستاویزات مکمل نہیں پڑھیں، چیئرمین پی ٹی آئی نے جج ہمایوں دلاور سے مکالمہ کرتے ہوئے کہا کہ مجھے تو کل سوالنامہ دیا گیا ابھی تک تو میں نے ایک ایک سوال پڑھ کر جواب دینا ہے، میرے نام سے بیان ہوگا میں مطمئن ہو کر دوں گا، آپ جو مثالیں دے رہے ہیں وہ عام کیسز میں تو ٹھیک ہے لیکن میں 180 مقدمات کی تفتیش بھگت رہا ہوں، یہ کوئی معمولی بات نہیں،جج ہمایوں دلاور نے عمران خان سے مکالمہ کرتے ہوئے کہا کہ آپ کی لیگل ٹیم آپ کیساتھ زیادتی کررہی ہے، عمران خان نے کہا کہ 35 سوالات دیے، میں کوئی وکیل تو نہیں ہوں،مجھے تو بیانات کو خود پڑھنا ہے ابھی، جج ہمایوں دلاور نے کہا کہ اگر خواجہ حارث چاہیں تو ایک ایک سوالات آپ کو بتایا اور سمجھایا جا سکتا ہے، خواجہ حارث، انتظار پنجوتھا اور شیرافضل کے ہوتے کیا فکر ہے؟ عمران خان نے کہاکہ مجھے کوئی ڈر نہیں، میں سب پڑھ کر بیان ریکارڈ کروانا چاہتا ہوں،

جج ہمایوں دلاور نے ریمارکس دیتے ہوئے کہا کہ سب وکلاء کو کمرہ عدالت سے رخصت کردیں، چیرمین پی ٹی آئی کو سمجھائیں اور بیان ریکارڈ کروائیں، وکیل خواجہ حارث نے کہا کہ گن پوائنٹ پر کیسز نہیں سنے جاتے، چیرمین پی ٹی آئی عمران خان نے کہا کہ ڈیڑھ سو سے زائد کیسز ہیں، شاملِ تفتیش بھی ہونا، معمول کے مطابق حالات نہیں،میں مطمیئن ہوں گا تو بیان ریکارڈ کرواؤں گا نا، جج ہمایوں دلاورنے ریمارکس دیتے ہوئے کہا کہ عدالت نے کافی وقت دیا آپ کو،آج عدالت آپ کو مزید وقت نہیں دےگی، 3 بجے تک کا وقت ہے، عدالت نے 3 بجے تک چیرمین پی ٹی آئی کو بیان ریکارڈ کروانے کی مہلت دےدی

توشہ خانہ کیس کی سماعت تیسری بار شروع ہوئی تو چیئرمین پی ٹی آئی کی جانب سے 342 بیان کی کارروائی ملتوی کرنے کے لیے درخواست دائر کر دی گئی ،وکیل خواجہ حارث نے کہا کہ یہ افسوس کی بات ہے کہ ہائیکورٹ میں معاملہ پنڈنگ تھا اور یہاں کاروائی چلائی جاتی رہی،چیئرمین پی ٹی آئی کو ہائیکورٹ کی ڈائری برانچ سے نیب نے اٹھایا،اگلے دن پولیس لائن میں عدالت لگا کر پیش کر دیا گیا،مجھے غیر قانونی طور پر گرفتار کیا گیا اور اس عدالت میں پیش کیا گیا ،پولیس لائن پیشی پر فرد جرم عائد کی گئی،فرد جرم کی کارروائی پر ہمارے تین اعتراضات ہیں،،جج ہمایوں دلاور نے استفسار کیا کہ یہ اسی دن کا واقع ہے جب فرد جرم عائد ہوا اور آپ کی جانب سے کہا گیا کہ اٹھیں اٹھیں ،وکیل الیکشن کمیشن امجد پرویزنے تصدیق کی اور کہا کہ اسی دن کا واقعہ ہے جب فرد جرم عائد کی گئی تھی،وکیل خواجہ حارث نے کہا کہ سیشن عدالت نے چیرمین پی ٹی آئی کے سامنے فردجرم بھی نہیں پڑھا، جج ہمایوں دلاور نے کہاکہ یہ وہی دن ہے جب فردجرم پڑھایا گیا اور آپ نے کہا اٹھیں اور چلیں،وکیل الیکشن کمیشن نے کہا کہ فردجرم عائد کرتے وقت جرم چیرمین پی ٹی آئی کو پڑھایاگیا، وکیل خواجہ حارث نے کہا کہ میں نے کبھی سماعت کی بائیکاٹ نہیں کی، ایسا کہہ بھی کیسے سکتے ہیں، چیئرمین پی ٹی آئی پر کوئی فردجرم عائد نہیں ہوا، میں بار بار کہتا ہوں،

جج نے استفسار کیا کہ کیا آپ اپنا افیڈیوٹ جمع کروائیں گے کہ فردجرم عائد نہیں ہوا؟ کیا افیڈیوٹ جمع کروا سکتے ہیں کہ فردجرم آپ کے سامنے نہیں پڑھا گیا، وکیل خواجہ حارث نے کہاکہ تین اپیل کی درخواستیں اعلی عدلیہ میں زیر التوا ہیں، فرد جرم کبھی چیرمین پی ٹی آئی کو پڑھ کر ہی نہیں سنایا گیا،نہ فردجرم پڑھا، نہ سیشن عدالت نے چیرمین پی ٹی آئی کا جواب لیا گیا تھا،

وکیل خواجہ حارث نے کہا کہ عدالت نے فیصلہ جاری کرنا ہوتا تو پہلے لکھا جاتاہے، آپ نے زبانی فیصلہ سنا دیا، کیا عدالت نے پہلے سے مائنڈ بنایا ہوا کہ دلائل سنائیں تاکہ جلد فیصلہ سنایاجائے؟ اس عدالت سے کیس منتقل کرنے کی درخواست بھی دی لیکن عدالت نے اپنی کاروائی موخر نہیں کی،تاثر آرہا ہے کہ یہ عدالت بائسڈ ہے گواہ ان اوتھ عدالت میں جھوٹ بول رہے ہیں،اگر گواہ عدالت میں بتا دے کیس سے متعلق کوئی دستاویزی ثبوت موجود ہے،میں نے گواہ کو کہا وہ ریکارڈ عدالت میں دیکھائے جو ملزم کیخلاف ہے،آپ کی عدالت نے کیس قابلِ سماعت ہونے کے معاملے پرتین روز میں فیصلہ سنا دیامیں نے کہا پانچ روز میں فیصلہ سنا دیں، ہماری آپ نے نہیں سنیاسلام آباد ہائیکورٹ نے کیس قابلِ سماعت ہونے پر 7 روز کا وقت تعین کیا، آپ تین دن میں فیصلہ سنا رہے،آپ ہمیشہ تاریخیں گنتے ہیں، چھٹیوں کو کون گنتا ہے، عید اور عاشورے کی چھٹیوں میں کیسے وکلاء سے کام کرنے کی توقع کی جا سکتی ہے؟

وکیل خواجہ حارث سیشن عدالت کے قابلِ سماعت ہونے کے فیصلے کے مختلف پہلوؤں پر اعتراض پڑھ رہے ہیں، وکیل خواجہ حارث نے کہا کہ کیا توشہ خانہ کیس میں جانبداری نظر نہیں آ رہی ؟چیئرمین پی ٹی آئی کے دماغ میں عدالت کی جانب سے ایسا تاثر بنا دیاگیاہے،چیئرمین پی ٹی آئی کا عدالتی حق متاثر کیا جارہا ہے،چیئرمین پی ٹی آئی کے سامنے ایک تاثر ہے کہ سیشن عدالت جلد فیصلہ سنا کر چاہتی ہےکہ تمام اپیلیں غیر موثر ہو جائیں،آپ کہتےہیں آج فیصلہ سنا دوں گا، کل نہیں سنوں گا، کل فیصلہ ہوجائےگا،سیشن عدالت نے خودہی مجھے گواہان کے بیان ریکارڈ کرتے وقت نمائندہ مقرر کردیایسے حالات میں سیشن عدالت سے انصاف کی توقع کیسے کی جاسکتی ہے،ملزم کو حق دیاجاتا ہےکہ وہ خود اپنا نمائندہ مقرر کرے،سیشن عدالت نے چیئرمین پی ٹی آئی کو تو اپنا نمائندہ مقرر کرنے کا حق ہی نہیں دیاسیشن عدالت کے فیصلوں پراعتراضات کو اعلیٰ عدلیہ میں درخواستیں دائر کی ہیں،چیئرمین پی ٹی آئی 342 کے بیان ریکارڈ کروانےسے قبل کچھ وقت چاہتے ہیں،

جج ہمایوں دلاور نے کہا کہ آج چیئرمین پی ٹی آئی کا 342 کا بیان قلمبند کرنے کے لیے سماعت مقرر تھی، آج تیسرا دن 342 کا بیان ریکارڈ کروانے کے لیے تعین تھا،چیئرمین پی ٹی آئی کے وکلاء نے 342 کے بیان کی سماعت ملتوی کرنے کی درخواست دائر کی،چیئرمین پی ٹی آئی اپنے وکیل خواجہ حارث کے ہمراہ عدالت پیش ہوئے،چیئرمین پی ٹی آئی کی جانب سے بیان قلمبند کرنے کے لیے کچھ وقت مانگنے کی درخواست دائر کی گئی،چیئرمین پی ٹی آئی کے مطابق آج کل 180 کیسز میں پیش ہورہے ہیں،چیئرمین پی ٹی آئی کے مطابق عاشورہ کی چھٹیوں کے باعث 342 کا بیان نہیں بنایا جاسکا،چیئرمین پی ٹی آئی کے وکلاء نے 342 کے بیان کی سماعت ملتوی کرنے کی درخواست دائر کی،چیئرمین پی ٹی آئی کے وکلاء کے مطابق سیشن عدالت تیزی سے ٹرائل چلا رہیچیئرمین پی ٹی آئی کے وکلاء کے مطابق تیزی سے ٹرائل چلنے پر غیر جانبداری سے ٹرائل نہیں چل رہا،چیئرمین پی ٹی آئی نے بھی سیشن عدالت پر اعتماد کا اظہار نہیں کیا،چیئرمین پی ٹی آئی کے وکلاء کامقصد تاخیری حربے استعمال کرنا تھا،چیرمین پی ٹی آئی اور ان کے وکلاء عدالت کو مزید مایوس کرنا چاہتے تھے

توشہ خانہ کیس میں سیشن عدالت نے خواجہ حارث کی 342 کا بیان ملتوی کرنے کی درخواست مسترد کر دی، سماعت کل صبح 9 بجے تک ملتوی کر دی گئی، عدالت نے چیئرمین پی ٹی آئی کو آخری مہلت دے دی عدالت نے چیئرمین پی ٹی آئی کو کل صبح نو بجے بیان ریکارڈ کرانے کے طلب کر لیا

سماعت سے قبل جج ہمایوں دلاور کی عدالت میں سیکیورٹی چیک کیا گیا،اسلام آباد پولیس کی بھاری نفری کمرہ عدالت کے باہر تعینات ہے، الیکشن کمیشن اور پی ٹی آئی کے متعلقہ وکلاء کو عدالت میں داخلے کی اجازت دی گئی، توشہ خانہ کیس کی سماعت کے دوران مخصوص صحافیوں کو کمرہ عدالت میں داخلے کی اجازت دی گئی،جج ہمایوں دلاور نے غیر متعلقہ افراد کو توشہ خانہ کیس کے دوران کمرہ عدالت میں داخلے پر پابندی عائد کردی چیئرمین پی ٹی آئی آج توشہ خانہ کیس میں عدالت پیش ہوں گے

توشہ خانہ، ٹرائل کورٹ کو کاروائی آگے بڑھانے سے روکا جائے،عمران خان سپریم کورٹ پہنچ گئے
دوسری جانب توشہ خانہ ٹرائل کیس،چیئرمین تحریک انصاف عمران خان نے اسلام آباد ہائیکورٹ کا فیصلہ سپریم کورٹ میں چیلنج کرنے کا فیصلہ کر لیا،چیئرمین تحریک انصاف عمران خان کی لیگل ٹیم نے ہائیکورٹ فیصلے کیخلاف اپیل دائر کردی، درخواست میں کہا کہ اسلام آباد ہائیکورٹ نے ٹرائل کورٹ کو کاروائی سے نہیں روکا حکم امتناع نہ دینے سے ٹرائل کورٹ میں سماعت مکمل ہو جائے گی ٹرائل مکمل ہونے کے بعد ہائیکورٹ میں اپیلیں غیر موثر ہو جائے گی۔ ہائیکورٹ کو حکم امتناع پر منظور یا مسترد کا آرڈر کرنا چاہیے تھا۔ اسلام آباد ہائیکورٹ کے حکم کیخلاف اپیل سماعت کیلئے منظور کی جائے ٹرائل کورٹ کو کاروائی آگے بڑھانے سے روکا جائے، چیئرمین تحریک انصاف نے اپیل پر فوری سماعت کی درخواست بھی دائر کردی

دوسری جانب اسلام آباد احتساب عدالت ،چئیرمین پی ٹی آئی اور بُشریٰ بی بی 190 ملین پاونڈ کیس ،چئیرمین پی ٹی آئی کی توشہ خانہ نیب انکوائری کیس کی آج سماعت ہونی تھی تا ہم احتساب عدالت کے جج جسٹس محمد بشیر چھٹی پر ہیں

قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش

نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی، 

وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے

بزدار کے حلقے میں فی میل نرسنگ سٹاف کو افسران کی جانب سے بستر گرم کی فرمائشیں،تہلکہ خیز انکشافات

10جولائی تک فیصلہ کرنا ہے،آپ کو 7 اور 8 جولائی کے دو دن دیئے جا رہے ہیں 

واضح رہے کہ توشہ خانہ کا ٹرائل روکنے کے لئے سپریم کورٹ عدالت نے چئیرمین پی ٹی آئی کی درخواست کو نمٹا دیا ، جسٹس یحیٰ آفریدی نے ریمارکس دیتے ہوئے کہا کہ جو بھی کہنا ہے اسلام آباد ہائی کورٹ کے سامنے کہیں، سماعت سے قبل چیئرمین پی ٹی کی موجودگی میں کمرہ عدالت کے باہر شور شرابا ہوا، جس پر بینچ کے سربراہ جسٹس یحییٰ آفریدی نے عدالتی احترام برقرار رکھنے کی ہدایت کی اور کہا کہ باہر سے شور شرابا ختم کرائیں ورنہ ہم کیس نہیں سنیں گے ،عدالتی احترام کو مدنظر رکھیں

بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

بشریٰ بی بی کی قریبی دوست فرح نے خاموشی توڑ دی

فرح خان کیسے کرپشن کر سکتی ؟ عمران خان بھی بول پڑے

سینیٹ اجلاس میں "فرح گوگی” کے تذکرے،ہائے میری انگوٹھی کے نعرے

اسلام آباد ہائیکورٹ: الیکشن کمیشن کا چیئرمین پی ٹی آئی کے خلاف توشہ خانہ فوجداری کیس ،ٹرائل کورٹ کے کیس قابل سماعت قرار دینے کے فیصلے کے خلاف اپیل پر سماعت ہوئی

اسلام آباد ہائیکورٹ کے چیف جسٹس عامر فاروق نے چیئرمین پی ٹی آئی کی اپیل پر سماعت کی،چیئرمین پی ٹی آئی کے وکیل خواجہ حارث عدالت کے سامنے پیش ہوئے، الیکشن کمیشن کے وکیل امجد پرویز بھی عدالت کے سامنے پیش ہوئے،چیئرمین پی ٹی آئی نے اپیل پر فیصلے تک ٹرائل روکنے کی استدعا بھی کر رکھی ہے

وکیل خواجہ حارث نے کہا کہ اس عدالت میں ہماری چار مختلف اپیلیں سماعت کیلئے مقرر ہیں، سپریم کورٹ نے چاروں اپیلوں پر اکٹھے فیصلہ کرنے کا کہا ہے، اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ وہ تو آرڈر آ جائے تو پھر دیکھ لیتے ہیں، ایک تو جج صاحب کی کسی فیس بک پوسٹ کا ایشو ہے، وکیل خواجہ حارث نے کہا کہ جج صاحب نے کہا فیس بک اکاؤنٹ میرا ہے پوسٹیں میری نہیں ، انہوں نے کہا کہ میں نے بھی ایف آئی اے کو لکھا ہوا ہے، اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ کل تک میرے پاس ایسا کچھ نہیں آیا ، بیرسٹر گوہر نے کہا کہ ٹرائل کورٹ میں جو معاملہ ہوا وہ وہیں پر ختم ہو چکا صلح صفائی ہو گئی تھی ،وکیل خواجہ حارث نے کہا کہ ہم نے ٹرائل جج سے معذرت بھی کی تھی ، ایڈیشنل اٹارنی جنرل نے کہا کہ کمپلینٹ کی بنیاد پر پہلے سائبر کرائم ونگ دیکھے گا ، اس کے بعد سائبر کرائم ونگ آگے تحقیقات کرے گا ،

وکیل نے کہا کہ آج عدالت کے سامنے چار کیسز عدالت کے سامنے ہیں ، اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ سپریم کورٹ کے فیصلے سے متعلق میڈیا سے سنا تھا،خواجہ حارث نے کہا کہ سپریم کورٹ نے ہائی کورٹ کو کیس سننے کی ہدایت کی ہے، اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ ان سارے کیسسز کو پھر اکٹھا ہی سن لیتے ہیں، آپکی چار اپیلیں اج زیر سماعت ہیں اور دو پرانے ہیں؟ میڈیا سے جو سنا ضروری نہیں کہ وہ ٹھیک ہو، آپ بتائیے آرڈر کیا ہوا ہے ؟ اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ سپریم کورٹ کے آرڈر کا انتظار کر لیتے ہیں ،عدالت نے بغیر کوئی کارروائی آگے بڑھائے سماعت ملتوی کردی

اسلام آباد ہائی کورٹ: توشہ خانہ فوجداری کارروائی کا کیس چیئرمین پی ٹی آئی کی اپیلوں پر سپریم کورٹ کا تحریری حکمنامہ آنے کے بعد سماعت ہوئی، اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ خواجہ صاحب سپریم کورٹ کا آرڈر ہمارے پاس آ گیا ہے ، خواجہ حارث نے سپریم کورٹ کے فیصلے کو پڑھا اور کہا کہ سپریم کورٹ نے کہا کہ ہائیکورٹ چیئرمین پی ٹی آئی کی اپیلوں پر فیصلہ کرے، سپریم کورٹ نے ٹرائل کورٹ کے جج ہمایوں دلاور پر اعتراض کی درخواست بھی سننے کا کہا، ہمارے پہلے کیسز تو عدالتی دائرہ اختیار سے متعلق ہیں،چیف جسٹس عامر فاروق نے ریمارکس دیتے ہوئے کہا کہ تو یہ کُل چار کیسز ہو گئے ہیں، خواجہ حارث ایڈوکیٹ نے کہا کہ کیس قابلِ سماعت ہونا کسی بھی کیس میں بنیادی نکتہ ہوتا ہے، کیس کا ٹرائل چلنے سے پہلے اِس نکتے پر فیصلہ ہونا لازم ہے،

چیئرمین پی ٹی آئی کے وکیل خواجہ حارث نے توشہ خانہ کیس کا ٹرائل روکنے کی استدعا کر دی،خواجہ حارث نے کہا کہ جب تک ہائیکورٹ سے اپیلوں پر فیصلہ نہیں ہو جاتا ٹرائل روک دیا جائے، عدالتی دائرہ اختیار کا فیصلہ ابتدائی طور پر ہونا چاہئے، جب تک ہماری درخواستوں پر فیصلہ نہیں ہوتا تب تک ٹرائل روک دیں ، اگر ٹرائل جاری رہتا ہے تو ہماری درخواستیں غیر موثر ہو جائیں گی۔ چیف جسٹس عامر فاروق نے ریمارکس دیتے ہوئے کہا کہ آج کی سماعت کا آرڈر جاری کروں گا، کیس کی سماعت آئندہ ہفتے میں مقرر کر لیتے ہیں،عدالت نے توشہ خانہ اپیلوں پر سماعت آئندہ ہفتے تک ملتوی کر دی ،توشہ خانہ کیس کے ٹرائل پر حکم امتناع جاری کرنے کی استدعا پر فیصلہ محفوظ کر لیا گیا، حکم امتناع ملے گا یا نہیں ؟ اسلام آباد ہائیکورٹ نے فیصلہ محفوظ کر لیا ،کیس سے متعلق مزید سماعت عدالت نے ملتوی کردی

قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش

نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی، 

وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے

بزدار کے حلقے میں فی میل نرسنگ سٹاف کو افسران کی جانب سے بستر گرم کی فرمائشیں،تہلکہ خیز انکشافات

10جولائی تک فیصلہ کرنا ہے،آپ کو 7 اور 8 جولائی کے دو دن دیئے جا رہے ہیں 

واضح رہے کہ توشہ خانہ کا ٹرائل روکنے کے لئے سپریم کورٹ عدالت نے چئیرمین پی ٹی آئی کی درخواست کو نمٹا دیا ، جسٹس یحیٰ آفریدی نے ریمارکس دیتے ہوئے کہا کہ جو بھی کہنا ہے اسلام آباد ہائی کورٹ کے سامنے کہیں، سماعت سے قبل چیئرمین پی ٹی کی موجودگی میں کمرہ عدالت کے باہر شور شرابا ہوا، جس پر بینچ کے سربراہ جسٹس یحییٰ آفریدی نے عدالتی احترام برقرار رکھنے کی ہدایت کی اور کہا کہ باہر سے شور شرابا ختم کرائیں ورنہ ہم کیس نہیں سنیں گے ،عدالتی احترام کو مدنظر رکھیں

بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

بشریٰ بی بی کی قریبی دوست فرح نے خاموشی توڑ دی

فرح خان کیسے کرپشن کر سکتی ؟ عمران خان بھی بول پڑے

سینیٹ اجلاس میں "فرح گوگی” کے تذکرے،ہائے میری انگوٹھی کے نعرے

ڈسٹرکٹ اینڈ سیشن کورٹس اسلام آباد،توشہ خانہ کیس کی سماعت ہوئی

اس موقع پرجج ہمایوں دلاور کی عدالت میں سیکیورٹی کے سخت انتظامات کئے گئے ہیں،توشہ خانہ کیس کی سماعت کے دوران صرف متعلقہ افراد کو ہی کمرہ عدالت میں داخلے کی اجازت ہوگی ،جج ہمایوں دلاور کی عدالت کے باہر اسلام آباد پولیس کی بھاری نفری تعینات کی گئی ہے،

توشہ خانہ کیس کی سماعت ہمایوں دلاور کی عدالت میں شروع ہوئی، الیکشن کمیشن ، پی ٹی آئی کے وکیل عدالت میں پیش ہوئے،پی ٹی آئی وکیل نے کہا کہ کیس پیر کے لیے رکھ لیں تو چیئرمین صاحب آجائیں گے ۔پیر کو احتساب عدالت میں بھی ایک کیس زیر سماعت ہے

وکیل گوہر علی خان کی جانب سے سماعت ملتوی کرنے کی درخواست دائرکر دی گئی، وکیل نے چیرمین پی ٹی آئی کی استثنا کی درخواست دائر کردی ،وکیل گوہرعلی خان نے کہا کہ خواجہ حارث کی سپریم کورٹ اور احتساب عدالت میں مصروفیات ہیں، جج ہمایوں دلاور نے استفسار کیا کہ کیا سپریم کورٹ سے اسٹے ہوا ہے؟ وکیل الیکشن کمیشن سعد حسن نے کہا کہ اسٹے نہیں ہوا، درخواست مسترد کی ہے،چیرمین پی ٹی آئی کی کل والی استثنا کی درخواست ہی دوبارہ دائر کی گئی،اسلام آباد ہائیکورٹ نے توشہ خانہ کیس کی اپیل پر کوئی اسٹے تاحال نہیں دیا،ٹرائل کو روکنے کا کوئی جواز نہیں، ٹرائل کو آگے بڑھایا جائے،سپریم کورٹ کو ایک روز اسٹے دینے کی بھی استدعا کی گئی،سپریم کورٹ نے ریمارکس دیے ٹرائل کورٹ کی سماعت کو روکا نہیں جا سکتا، وکیل گوہرعلی خان نے سوالات خود لینے کی استدعا کردی ،گوہرعلی خان نے سماعت پیر تک ملتوی کرنے کی استدعا کردی اور کہا کہ پیر تک معاملات حل ہو جائیں گے، خواجہ حارث بھی آجائیں گے

قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش

نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی، 

وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے

بزدار کے حلقے میں فی میل نرسنگ سٹاف کو افسران کی جانب سے بستر گرم کی فرمائشیں،تہلکہ خیز انکشافات

10جولائی تک فیصلہ کرنا ہے،آپ کو 7 اور 8 جولائی کے دو دن دیئے جا رہے ہیں 

الیکشن کمیشن کے وکلاء نے درخواست استثنا اور سماعت ملتوی کرنے کی درخواست کی مخالفت کردی ،وکیل الیکشن کمیشن سعد حسن نے کہا کہ بوتل پھینکنے کی بنیاد پر استثنا نہیں دی جانی چاہیے، وکیل گوہرعلی خان نے کہا کہ ایک دن کی بات ہے، اگے محرم کی چھٹیاں ہیں، سماعت ملتوی کردیں، جج ہمایوں دلاور نے ریمارکس دیتے ہوئے کہا کہ پھر دو بجے تک چیرمین پی ٹی آئی کو عدالت طلب کرلیتے ہیں، وکیل گوہرعلی خان نے کہا کہ میں پھر خواجہ حارث سے مشورہ کرلیتا ہوں کہ سوالنامہ کون وصول کرے گا، عدالت نے توشہ خانہ کیس کی سماعت میں 1 بجے تک وقفہ کردیا

چیئرمین پی ٹی آئی کے خلاف توشہ خانہ فوجداری کارروائی سے متعلق کیس کی سماعت وقفہ کے بعد دوبارہ شروع ہوئی، الیکشن کمیشن کے وکیل امجد پرویز ،سعد حسن اور چیئرمین پی ٹی آئی کے وکیل بیرسٹر علی گوہر عدالت میں پیش ہوئے، وکیل الیکشن کمیشن نے کہا کہ ملزم کو معلوم ہونا چاہیے کہ اس کے خلاف کیس ہے،یہ کیس پہلے بھی چلا اب بھی چل رہا ہے اور پتہ نہیں کتنے فورم پر چلے گا ،ملزم کا یہ کہنا کہ اسے پتہ ہی نہیں کہ الزام کیا ہے

عدالت کی جانب سے ضابطہ فوجداری کے تحت 342 کا سوالنامہ تیار کر لیا گیا ،فریقین کی جانب سے سیکشن 342 کا سوالنامہ کا جائزہ بھی لے لیا گیا ،عدالت نے ضابطہ فوجداری کے تحت 342 کے بیان کیلئے سوالنامہ چیئرمین پی ٹی آئی کے وکیل کو فراہم کردیا گیا ،عدالت نے 35سوالوں پر مشتمل 342 کا سوالنامہ چیئرمین پی ٹی آئی کے وکیل بیرسٹر علی گوہر کو فراہم کیا گیا ،عدالت نے ضابطہ فوجداری کے تحت 342 کے سوالنامہ کی رسیونگ بھی لی جج ہمایوں دلاور نے ریمارکس دیتے ہوئے کہا کہ اگر انتظار پنجوتھا ہوتے تو ہم ہرگز سوالنامہ نہیں دیتے،

عدالت نے چیئرمین پی ٹی آئی کی آج کی حاضری سے استثی کی درخواست منظور کر لی ،جج ہمایوں دلاور نے امجد پرویز سے مکالمہ کرتے ہوئے کہا کہ امجد پرویز صاحب اور خواجہ حارث صاحب آپ دونوں باتیں جلدی بھول جاتے ہیں،،وکیل الیکشن کمیشن امجد پرویز نے کہا کہ ہمارا خواجہ حارث سے کیا مقابلہ خواجہ صاحب بہت سینئر ہیں ،عدالت نے وکیل علی گوہر کو چیئرمین پی ٹی آئی عمران خان کی کل کی حاضری یقینی بنانے کی ہدایت کی،بیرسٹر گوہر نے کیس کی سماعت 31 جولائی تک ملتوی کرنے کی استدعا کی جس پر عدالت نے کہا کہ کل چیئرمین پی ٹی آئی کی عدم حاضری کی صورت میں ناقابل ضمانت وارنٹ گرفتاری جاری کر دیے جائیں گے،عدالت نے چیئرمین پی ٹی آئی کو کل ذاتی حیثیت میں بیان ریکارڈ کروانے کیلئے طلب کر لیا ،عدالت نے کیس کی سماعت کل 11 بجے تک ملتوی کردی

واضح رہے کہ توشہ خانہ کا ٹرائل روکنے کے لئے سپریم کورٹ عدالت نے چئیرمین پی ٹی آئی کی درخواست کو نمٹا دیا ، جسٹس یحیٰ آفریدی نے ریمارکس دیتے ہوئے کہا کہ جو بھی کہنا ہے اسلام آباد ہائی کورٹ کے سامنے کہیں، سماعت سے قبل چیئرمین پی ٹی کی موجودگی میں کمرہ عدالت کے باہر شور شرابا ہوا، جس پر بینچ کے سربراہ جسٹس یحییٰ آفریدی نے عدالتی احترام برقرار رکھنے کی ہدایت کی اور کہا کہ باہر سے شور شرابا ختم کرائیں ورنہ ہم کیس نہیں سنیں گے ،عدالتی احترام کو مدنظر رکھیں ،شور کے سبب بینچ کچھ دیر کیلئے آٹھ کر چلا گیا

بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

بشریٰ بی بی کی قریبی دوست فرح نے خاموشی توڑ دی

فرح خان کیسے کرپشن کر سکتی ؟ عمران خان بھی بول پڑے

سینیٹ اجلاس میں "فرح گوگی” کے تذکرے،ہائے میری انگوٹھی کے نعرے

سپریم کورٹ میں توشہ خانہ فوجداری کیس کے قابل سماعت ہونے کا معاملہ ،پر سماعت ہوئی

جسٹس یحییٰ آفریدی نے وکیل خواجہ حارث سے استفسار کیا کہ اس کیس میں شکایت کنندہ کون ہے ،سپریم کورٹ میں الیکشن کمیشن سمیت دیگر فریقین کو نوٹس جاری ہیں، جسٹس یحییٰ آفریدی نے ریمارکس دیتے ہوئے کہا کہ مناسب ہوگا فریقن کو بھی بلا لیں، کیس کی سماعت ساڑھے دس بجے سے ملتوی کر دی گئی

دوبارہ سماعت ہوئی تو سپریم کورٹ نے توشہ خانہ کا ٹرائل روکنے کی عمران خان کی استدعا مسترد کردی ،سپریم کورٹ نے حکم دیا کہ اسلام آباد ہائیکورٹ ٹرائل کورٹ کے جج پر اعتراض اور ہائیکورٹ کے فیصلے کیخلاف نظر ثانی درخواستوں کو اکٹھا سن کر فیصلہ کرے۔ سپریم کورٹ نے کہا کہ اسلام آباد ہائیکورٹ کی جانب سے توشہ خانہ کیس ٹرائل کورٹ کو بھجوانے کے معاملے میں مداخلت نہیں کرینگے، سپریم کورٹ نے توشہ خانہ فوجداری کیس اسلام آباد ہائیکورٹ کوبھیج دیا

عمران خان نے اسلام آباد ہائیکورٹ کا فیصلہ سپریم کورٹ میں چیلنج کیا تھا عمران خان آج صبح سے عدالت میں موجود تھے ،عمران خان کی درخواست پر سماعت جسٹس یحییٰ آفریدی اور جسٹس مسرت ہلالی پر مشتمل بینچ نے کی

عدالت نے چئیرمین پی ٹی آئی کی درخواست کو نمٹا دیا ، جسٹس یحیٰ آفریدی نے ریمارکس دیتے ہوئے کہا کہ جو بھی کہنا ہے اسلام آباد ہائی کورٹ کے سامنے کہیں، سماعت سے قبل چیئرمین پی ٹی کی موجودگی میں کمرہ عدالت کے باہر شور شرابا ہوا، جس پر بینچ کے سربراہ جسٹس یحییٰ آفریدی نے عدالتی احترام برقرار رکھنے کی ہدایت کی اور کہا کہ باہر سے شور شرابا ختم کرائیں ورنہ ہم کیس نہیں سنیں گے ،عدالتی احترام کو مدنظر رکھیں ،شور کے سبب بینچ کچھ دیر کیلئے آٹھ کر چلا گیا

عدالتی احترام ڈیکورم بحال ہوا تو ججز واپس آئے اور کیس پر سماعت کی، جسٹس یحییٰ آفریدی نے ریمارکس دیتے ہوئے کہا کہ اسلام آباد ہائی کورٹ نے تو معاملہ ٹرائل کورٹ کو بھیجا تھا ،وکیل درخواست گزار نے کہا کہ ہم نے حج پر اعتراض اٹھا کر کیس کسی اور حج کے سامنے مقرر کرنے کی بھی درخواست کی تھی، ڈی جی لاء الیکشن کمیشن نے کہا کہ ٹرائل کورٹ کیس منتقلی کا فیصلہ کرچکی ہے، وکیل درخواست گزار خواجہ حارث نے کہا کہ ہم مکمل انصاف کی فراہمی کیلئے سپریم کورٹ آئے ہیں،جسٹس یحییٰ آفریدی نے ریمارکس دیتے ہوئے کہا کہ ماتحت عدلیہ سے متعلق ایڈوائزری اختیار سماعت ہائیکورٹس کے پاس ہے، ہم تو صرف ہائیکورٹ سے درخواست کر سکتے ہیں،

میں تو قاضی فائز عیسیٰ کو جانتا بھی نہیں،عمران خان
چئیرمین پی ٹی آئی عمران خان نے سپریم کورٹ میں صحافیوں سے غیر رسمی گفتگو کی ہے، چیئرمین پی ٹی آئی نے جسٹس قاضی فائز عیسیٰ کیخلاف صدراتی ریفرنس دائر کرنے کی ذمہ داری اس وقت کی اسٹبلشمنٹ پر ڈال دی

سپریم کورٹ کے کمرہ عدالت میں صحافیوں نے چیئرمین پی ٹی آئی سے سوال کئے، صحافی نے سوال کیا کہ کیا قاضی فائز عیسیٰ کیخلاف ریفرنس بھیجنے کو اپنی غلطی مانتے ہیں؟ جس پر عمران خان کا کہنا تھا کہ میں تو قاضی فائز عیسیٰ کو جانتا بھی نہیں، میری تو جج صاحب سے کبھی ملاقات بھی نہیں ہوئی ہمیں تو ریفرنس بھیجا گیا تھا ہم نے آگے پہنچا دیا ،صحافی نے سوال کیا کہ کیا آپ کو ریفرنس اس وقت کی اسٹیبلشمنٹ نے بھیجا تھا؟ جس کے جواب میں عمران خان کا کہنا تھا کہ کیا آپ کو کسی قسم کا شک ہے؟

190 ملین پاؤنڈ کرپشن کیس ،عمران، بشریٰ کی ضمانت میں 31 جولائی تک توسیع
دوسری جانب احتساب عدالت اسلام آباد ،190 ملین پاؤنڈ کرپشن کا کیس کی سماعت ہوئی،معاون وکیل نے کہا کہ چیئرمین پی ٹی آئی سپریم کورٹ میں موجود ہیں، خواجہ حارث بھی سپریم کورٹ میں موجود ہیں، احتساب عدالت کے جج محمد بشیر نے سماعت میں بارہ بجے تک وقفہ کردیا،

دوبارہ سماعت ہوئی تو چیئرمین پی ٹی آئی احتساب عدالت میں اپنے وکلا کے ہمراہ پیش ہو گئے، جج محمد بشری نے سلمان صفدر سے استفسار کیا کہ خواجہ حارث صاحب کہاں ہیں،وکیل سلمان صفدر نے کہا کہ میری معلومات کے مطابق خواجہ حارث سپریم کورٹ تھے اور سپریم کورٹ سے ہائیکورٹ جائیں گے،عدالت نے استفسار کیا کہ خواجہ حارث صاحب آئیں گے یا نہیں،عدالت نے خواجہ حارث کی آمد تک سماعت میں وقفہ کر دیا ،عدالت نے چیئرمین پی ٹی آئی کی حاضری لگا کر جانے کی اجازت دے دی،

تیسری بار سماعت ہوئی تو چیئرمین پی ٹی آئی عمران خان اور بشری بی بی کی 31 جولائی تک عبوری ضمانت میں توسیع کر دی گئی،بشری بی بی کی آج کی حاضری سے استثنیٰ کی درخواست منظور کر لی گئی ، بیرسٹر گوہر نے کہا کہ خواجہ حارث سپریم کورٹ میں مصروف تھے پھر ہائیکورٹ جانا ہے،ڈپٹی پراسیکیوٹر جنرل نیب سردار مظفرنے کہا کہ یہ ہر تاریخ میں یہی کہتے ہیں عبوری ضمانت کا کیس ہے ، جج محمد بشیر نے ریمارکس دیتے ہوئے کہا کہ انھیں کل کی تاریخ دے دیں ،بیرسٹر گوہر نے کہا کہ کل ہائیکورٹ جانا ہے سپریم کورٹ کی ڈائریکشن آگئی ہے ، آگے چھٹیاں ہیں ، چھٹیوں کے بعد کی تاریخ دے دیں ،عدالت نے عبوری ضمانت میں 31 جولائی تک توسیع کردی ،عدالت نے ریمارکس دیتے ہوئے کہا کہ 31 جولائی کو عبوری ضمانت پر حتمی دلائل ہوگے ،

انسداد دہشتگردی عدالت اسلام آباد ،چیئرمین پی ٹی آئی کے خلاف دہشتگردی کی دفعات کے تحت درج مقدمات کا معاملہ .انسداد دہشتگردی عدالت کے جج ابو الحسنات کے رخصت کے باعث ڈیوٹی جج نے سماعت کی ،ڈیوٹی جج محمد بشیر نے چیئرمین پی ٹی آئی کو حاضری لگا کر جانے کی اجازت دے دی ،عدالتی عملہ نے کہا کہ کیس میں آئندہ سماعت کچھ دیر تک دی جائے گی،

ڈسٹرکٹ اینڈ سیشن کورٹس اسلام آباد،توشہ خانہ کیس کی سماعت کچھ دیر بعد ہوگی،جج ہمایوں دلاور کی عدالت میں سیکیورٹی کے سخت انتظامات کئے گئے ہیں،توشہ خانہ کیس کی سماعت کے دوران صرف متعلقہ افراد کو ہی کمرہ عدالت میں داخلے کی اجازت ہوگی ،جج ہمایوں دلاور کی عدالت کے باہر اسلام آباد پولیس کی بھاری نفری تعینات کی گئی ہے،

بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

بشریٰ بی بی کی قریبی دوست فرح نے خاموشی توڑ دی

فرح خان کیسے کرپشن کر سکتی ؟ عمران خان بھی بول پڑے

سینیٹ اجلاس میں "فرح گوگی” کے تذکرے،ہائے میری انگوٹھی کے نعرے