Tag: جاپان

سابق وزیراعظم شنزو آبے کے قتل کے ملزم کو عمر قید کی سزا سنا دی گئی-

جاپانی میڈیا (این ایچ کے) کے مطابق نارا ڈسٹرکٹ کورٹ نے 45 سالہ تیتسویا یاماگامی کو سابق وزیراعظم شنزو آبے کے قتل کے جرم میں عمر قید کی سزا سنا دی یاماگامی نے جولائی 2022 میں نارا شہر میں انتخابی مہم کے دوران آبے کو نشانہ بنایا تھا، مجرم نے اعتراف کیا کہ اس نے یہ اقدام اپنی والدہ کی جانب سے یونیفیکیشن چرچ کو بھاری عطیات دینے کے نتیجے میں ہونے والی مالی تباہی کے انتقام میں کیا آبے کے اس گروپ سے قریبی روابط تھے۔

استغاثہ نے اسے سنگین واقعہ قرار دیتے ہوئے عمر قید کی استدعا کی تھی، جبکہ وکلاء صفائی نے خاندانی حالات کے پیش نظر سزا 20 سال تک محدود کرنے کی درخواست کی تھی،تاہم عدالت نے ملزم کو عمر قید کی سزا سنا دی-

ناکام خارجہ پالیسی کے باعث عالمی سطح پر بھارت کی ہزیمت کا سلسلہ جاری

شنزو آبے جاپان کے طویل ترین عرصے تک رہنے والے وزیراعظم تھے ان کی ہلاکت کے بعد حکمراں جماعت ایل ڈی پی کے چرچ کے ساتھ تعلقات سامنے آئے، جس سے پارٹی کی مقبولیت کو شدید دھچکا پہنچا آبے کے ڈونلڈ ٹرمپ کے ساتھ انتہائی قریبی مراسم تھے، جن کا حوالہ موجودہ وزیراعظم ثنائے تاکائیچی اب بھی اپنے سفارتی تعلقات میں دیتی ہیں۔

پی ایس ایل 11: آکشن سے قبل مقامی کھلاڑیوں کی ممکنہ نئی کیٹیگریز کی فہرست

اسلام آباد: پاکستان اور جاپان کے درمیان گرانٹ معاہدے پر دستخط ہوگئے۔

ترجمان وزارت اقتصادی امور کے مطابق جاپانی حکومت جنوبی پنجاب میں بچوں کی صحت کی دیکھ بھال کے لئے فنڈز فراہم کرے گی، جاپانی انٹرنیشنل کوآپریشن ایجنسی (جائیگا) 2.91 ارب جاپانی ین (تقریباً 18.62 ملین ڈالر) گرانٹ دے گی۔

ترجمان اقتصادی امور نے بتایا کہ منصوبے کے تحت چلڈرن اسپتال اور انسٹی ٹیوٹ آف چائلڈ ہیلتھ ملتان کو طبی سہولیات کے لحاظ سے اپگریڈ کیا جائے گا، آئی سی ایچ ملتان ریجن کا سب سے بڑا چائلڈ ٹرشری کیئر اسپتال ہے اس میں سہولیات کی فراہمی کو مزید موثر بنایا جائے گا ایکسچینج آف نوٹس پر پاکستان کی جانب سے سیکرٹری اقتصادی امور محمد حمیر کریم نے دستخط کئے، جاپان کی طرف پاکستان میں تعینات سفیر اکا ماتسو شوئچی نے ہوئے دستخط کیے۔

سیکرٹری اقتصادی امور محمد حمیر کریم نے کہا ہے کہ جاپانی حکومت اور عوام کی قیمتی معاونت کو سراہتے ہیں، منصوبے کے کامیاب نفاذ کو یقینی بنانے کے لیے ہر ممکن سہولت فراہم کی جائے گی، دونوں ممالک کے درمیان مزید بامعنی تعاون کو فروغ دیا جائے گا۔

اس موقع پر جاپانی سفیر اکا ماتسو شوئچی نے کہا کہ حکومتِ پاکستان کے ساتھ قریبی تعاون جاری رکھیں گے، دوستانہ تعلقات اور دوطرفہ تعاون کو مزید مضبوط بنائیں گے۔

جاپان کے دارالحکومت ٹوکیو کے مشہور تویوسو فش مارکیٹ میں سال 2026 کی پہلی نیلامی کے دوران بلیوفِن ٹونا مچھلی کی ریکارڈ قیمت نے سب کو حیران کر دیا۔

خبر رساں ادارے اے پی کے مطابق 243 کلوگرام وزنی (535 پاؤنڈ) دیو قامت بلیوفِن ٹونا 510 ملین ین (تقریباً 32 لاکھ ڈالر) میں فروخت ہوئی، جو پاکستانی کرنسی میں تقریباً 90 کروڑ روپے بنتی ہے، یہ اب تک کی سب سے مہنگی ٹونا نیلامی سمجھی جا رہی ہے۔

پیر کی علی الصبح ہونے والی اس نیلامی میں سب سے بڑی بولی کییومورا کارپوریشن نے لگائی، جس کے مالک کییوشی کیمورا جاپان میں مشہور سوشی چین “سوشی زانمائی” چلاتے ہیں کیمورا اس سے قبل بھی کئی مرتبہ سال کی پہلی نیلامی میں سب سے مہنگی ٹونا خرید چکے ہیں، تاہم اس بار انہوں نے اپنا ہی ریکارڈ توڑ دیا، اس سے پہلے 2019 میں انہوں نے 334 ملین ین کی بولی لگا کر ریکارڈ قائم کیا تھا۔

،پنجاب میں فنڈز کے استعمال میں شفافیت کو یقینی بنایا گیا،مریم نواز

نیلامی کے بعد صحافیوں سے گفتگو کرتے ہوئے کییوشی کیمورا نے کہا کہ وہ اس مچھلی کو کچھ کم قیمت میں خریدنے کی امید کر رہے تھے، مگر بولی اس قدر تیزی سے بڑھی کہ اندازہ ہی نہ ہو سکا ان کے بقول، اچھی ٹونا دیکھ کر خود کو روکنا مشکل ہو جاتا ہے، اس نیلامی میں شرکت جزوی طور پر خوش قسمتی کی علامت بھی سمجھی جاتی ہے، تاہم انہوں نے ابھی تک اس مچھلی کو چکھا نہیں، مگر ان کے مطابق اس کا ذائقہ یقیناً لاجواب ہوگا۔

یہ مہنگی ترین ٹونا جاپان کے شمالی علاقے اوما کے ساحل کے قریب سے پکڑی گئی، جو اعلیٰ معیار کی ٹونا پیدا کرنے کے لیے دنیا بھر میں مشہور ہے اس مچھلی کی قیمت تقریباً 21 لاکھ ین فی کلوگرام رہی، جو فی پاؤنڈ لگ بھگ 6 ہزار ڈالر بنتی ہےتویوسو مارکیٹ میں روزانہ سینکڑوں ٹونا مچھلیاں نیلام ہوتی ہیں، لیکن نئے سال کی پہلی نیلامی میں اوما کی ٹونا کی قیمتیں معمول سے کہیں زیادہ ہوتی ہیں، جسے ایک تہوار کی حیثیت حاصل ہے سوشی اور ساشمی میں ٹونا کی غیر معمولی مقبولیت کے باعث ماضی میں پیسیفک بلیوفِن ٹونا کو زیادہ شکار اور موسمیاتی تبدیلیوں کے سبب خطرے سے دوچار نسل قرار دیا گیا تھا، تاہم تحفظاتی اقدامات کے بعد اب اس کی تعداد میں بتدریج بہتری آ رہی ہے۔


اوہائیو میں امریکی نائب صدر جے ڈی وینس کی رہائش گاہ پر حملہ، ایک شخص گرفتار

ٹوکیو: جاپان میں برڈ فلو کے ایک اور کیس کی تصدیق ہونے کے بعد لاکھوں مرغیوں کو تلف کرنے کا فیصلہ کیا گیا ہے۔

غیر ملکی خبر ایجنسی کے مطابق صوبہ ایبارا کی کے حکام نے تصدیق کی ہے کہ شیروساتو میں واقع ایک پولٹری فارم پر انتہائی خطرناک ایویئن انفلوئنزا (برڈ فلو) پھیل گیا ہے جو رواں سیزن میں ملک بھر میں اس نوعیت کا دسواں کیس ہے،متاثرہ فارم پر انڈے دینے والی 9 لاکھ 70 ہزار مرغیوں کو تلف کیا جائے گا جو اس سیزن میں اب تک کی سب سے بڑی کارروائی ہےتازہ کیس کے بعد تلف کی جانے والی مرغیوں کی مجموعی تعداد 36 لاکھ 50 ہزار ہو جائے گی ، جاپان میں رواں سیزن کا برڈ فلو کا پہلا کیس 22 اکتوبر کو شمالی صوبے ہوکائیڈو میں سامنے آیا تھا۔

32 سالہ جاپانی خاتون نے اپنے تخلیق کردہ اے آئی کردار کے ساتھ شادی کرلی۔

میڈیا رپورٹس کے مطابق اے آئی پارٹنر کو خاتون نے خود چیٹ بوٹ ٹیکنالوجی کی مدد سے ڈیزائن کیا تھا شادی کی تقریب روایتی انداز میں منعقد کی گئی جس میں میں یوزینا نے سفید لباس پہن کر اور اگمینٹڈ رئیلٹی گلاسز کے ساتھ شرکت کی تاہم دلہا صرف ڈیجیٹل اسکرین پر موجود تھا۔

رپورٹس کے مطابق گھر میں حقیقی شادی کی طرح رسم ادا کی گئی، 32 سالہ یوزینا نوگ کا کہنا ہے کہ وہ اس اے آئی پارٹنر سے طویل عرصے سے بات چیت کر رہی تھیں، جو وقت کے ساتھ جذباتی تعلق میں بدل گئی،اگرچہ یہ شادی جاپان میں قانونی طور پر تسلیم شدہ نہیں مگر اس واقعے نے جدید ٹیکنالوجی، تنہائی اور انسانی جذبات کے باہمی تعلق پر نئی بحث چھیڑ دی ۔

ٹوکیو: جاپان کی معروف ٹیکنالوجی کمپنی سائنس کارپوریشن نے انسانی واشنگ مشین متعارف کرا دی۔

غیر ملکی خبر رساں ایجنسی کے مطابق سردیوں کے موسم میں نہانے سے جھجھک اور سستی محسوس کرنے والوں کے لیے یہ مشین کسی نعمت سے کم نہیں، اس جدید مشین میں انسان کو ایک گرم اور آرام دہ ماحول میں بند کر دیا جاتا ہے جہاں مشینی نظام خودکار طریقے سے جسم پر پانی ڈالتا، صابن لگاتا اور میل کچیل صاف کرتا ہے اس دوران انسان کو انگلی تک ہلانے کی ضرورت نہیں پڑتی۔

کمپنی کے مطابق یہ انسانی واشنگ مشین نہ صرف جسم کو صاف کرتی ہے بلکہ نہانے کے دوران انسان کے من پسند گانے بھی سناتی ہے جس سے یہ عمل مزید خوشگوار ہو جاتا ہےیہ مشین صرف 15 منٹ میں انسان کو صاف ستھرا اور تروتازہ کر کے باہر نکال دیتی ہے جاپان کے متعدد ہوٹلوں اور حماموں میں یہ انوکھی انسانی واشنگ مشین نصب کی جا چکی ہے جہاں صارفین اسے بے حد پسند کر رہے ہیں۔

سائنس کارپوریشن نے دعویٰ کیا ہے کہ یہ مشین انسان کو نہ صرف جسمانی بلکہ روحانی طور پر بھی پاکیزگی کا احساس دلاتی ہے، اور مستقبل میں اسے مزید بہتر فیچرز کے ساتھ عام صارفین کے لیے متعارف کرانے کا ارادہ ہے۔

جاپان میں آج 7.6 شدت کا زور دار زلزلہ ریکارڈ کیا گیا جس کے فوراً بعد حکام نے سونامی کی وارننگ جاری کر دی۔

بین الاقوامی خبر ایجنسیوں کے مطابق جھٹکوں نے شہریوں کو خوفزدہ کر دیا اور کئی علاقوں میں افراتفری کی صورتحال پیدا ہو گئی،ساحلی خطوں میں 3 میٹر تک بلند سمندری لہروں کا خدشہ ظاہر کیا جا رہا ہے، جس کے پیش نظر انتظامیہ نے فوری حفاظتی اقدامات شروع کر دیے ہیں۔

ماہرین کا کہنا ہے کہ اس زلزلے کا تعلق خطے کی 3 بڑی ٹیکٹونک پلیٹوں، یوریشین، انڈین اور اریبئین کی باہمی حرکت سے ہے۔ زیرِ زمین حرارت اور دباؤ کے نتیجے میں یہ پلیٹیں ہلتی ہیں اور جب اچانک توانائی خارج ہوتی ہے تو زمین لرز اٹھتی ہے، یہی عمل زلزلے کا باعث بنتا ہے۔

سائزمک ویوز یا زلزلے کی لہریں مرکز سے دائرے کی صورت میں پھیلتی ہیں اور زمین کی سطح پر شدید جھٹکے محسوس ہوتے ہیں،عام طور پر ایسے زلزلے فالٹ لائنز پر واقع ہوتے ہیں، جہاں پلیٹوں کے ٹکراؤ یا رگڑ سے مسلسل تناؤ جمع ہوتا رہتا ہے، اور جب یہ تناؤ یکبارگی خارج ہو جائے تو بڑے زلزلوں کی شکل اختیار کر لیتا ہے۔

ماہرین نے خبردار کیا ہے کہ جن علاقوں میں ماضی میں شدید زلزلے آ چکے ہوں، وہاں مستقبل میں بڑے زلزلوں کے امکانات زیادہ ہوتے ہیں، لہٰذا ایسے خطوں میں رہنے والوں کے لیے احتیاطی تدابیر اور ہنگامی منصوبہ بندی لازمی ہے،

جاپان کے ہنیڈا ایئرپورٹ پر ایک سیکیورٹی اہلکار چوری کے الزام میں گرفتار ہوگیا۔

جاپانی میڈیا کے مطابق دارالحکومت ٹوکیو میں پولیس نے مبینہ طور ہنیڈا ایئر پورٹ پر سیکیورٹی انسپیکٹر کو ایک مسافر کے سامان سے کیش چوری کرنے کے الزام میں گرفتار کرلیا،نامزد 21 سالہ ملزم ریو ماتسوموتو نے خود پر لگے الزامات کو قبول کرتے ہوئے اقبال جرم بھی کرلیا ہے۔

ملزم نے اپنے بیان میں کہا کہ وہ یہ تجربہ کرنا چاہتا تھا کہ چوری کر کے وہ کیا محسوس کرتا ہے، میں نے یہ بھی سوچا کہ اس چوری شدہ رقم سے میں اپنے روز مرہ کے خرچے پورے کر لوں گاپولیس کے مطابق ملزم نے اسی سال اپریل میں ٹوکیو کی سیکیورٹی کمپنی میں ملازمت اختیار کی تھی یہ نجی کمپنی جاپانی ایئر لائن کے ساتھ معاہدے کے تحت کام کر رہی ہے،ملزم نے ممکنہ طور پر 1 اعشاریہ 5 ملین جاپانی ین (10 ہزار 157 امریکی ڈالر کے برابر) اگست کے مہینے میں 70 سے 80 مسافروں کے سامان سے چوری کیے تھے۔

جوئے کی تشہیر کا معاملہ، بھارت میں بھی کارروائی، بڑے کرکٹرز کو نوٹس جاری

ایک ہزار سے زائد فنکاروں کا اسرائیلی فلمی اداروں سے بائیکاٹ کا اعلان

پاکستان کے خلائی کارناموں کے اعزاز میں یادگاری ڈاک ٹکٹ جاری

جاپان کے وزیراعظم شیجرو ایشیبا نے جولائی میں ہونے والے انتخابات میں حکمران جماعت کی بڑی ناکامی کے بعد اپنے عہدے سے استعفیٰ دینے کا فیصلہ کر لیا ہے،پارٹی کے اندرونی دباؤ اور قیادت کے بحران کے باعث انہوں نے اقتدار چھوڑنے کا اعلان کیا-

جاپانی نشریاتی ادارے کے مطابق یہ فیصلہ اس وقت سامنے آیا جب کچھ ہفتے قبل شیگیرو اشیبا نے ان رپورٹس کی تردید کی تھی کہ وہ جولائی میں ہونے والے انتخابات میں ایل ڈی پی کی تاریخی ناکامی کے بعد عہدہ چھوڑنے کی منصوبہ بندی کر رہے ہیں،اس وقت جاپانی وزیراعظم کا کہنا تھا کہ وہ امریکا کے ساتھ ٹیرف معاہدے کو یقینی بنانا چاہتے ہیں۔

انہوں نے اکتوبر 2024 میں وزیراعظم کا عہدہ سنبھالا تھا، مگر اکتوبر میں ہی انتخابی ناکامی کے بعد ان کی جماعت کو پارلیمان کے ایوان زیریں میں اکثریت سے محروم ہونا پڑا تھا، اس ناکامی نے شیگیرو اشیبا کے لیے پالیسیوں کا نفاذ مشکل بنا دیا تھاجاپان میں سیاسی عدم استحکام بڑھنے کے بعد وزیراعطم کی اپنی جماعت کے اندر موجود دائیں بازو کے حریفوں نے ان سے عہدہ چھوڑنے کا مطالبہ کیا تھا۔

صدر نے اینٹی ڈمپنگ ڈیوٹیز ترمیمی بل 2025 کی منظوری دیدی

ان کے حریفوں کا کہنا تھا کہ شیگیرو اشیبا کو جولائی میں انتخابات میں ہونے والی ناکامی کی ذمہ داری قبول کرتے ہوئے عہدہ چھور دینا چاہئے، جاپان کے وزیر زراعت نے 6 کی شب شیگیرو اشیبا سے ملاقات کرکے زور دیا کہ وہ مستعفی ہو جائیں۔

ابھی تک وزیراعظم آفس کی جانب سے اس حوالے سے کوئی بیان جاری نہیں کیا گیا مگر شیگیرو اشیبا کی جانب سے کسی وقت پریس کانفرنس میں مستعفی ہونے کا اعلان کیے جانے کا امکان ہے،کل حکمران جماعت کی جانب سے پارٹی قیادت کے لیے انتخابات کرائے جائیں گے۔

بھارت کا پاکستان کو دریاؤں میں اونچے درجے کے سیلاب کا انتباہ

شیجرو ایشیبا آئندہ پریس کانفرنس میں اپنے استعفے کی وجوہات پر باضابطہ بیان دیں گے،ان کے مستعفی ہونے کے بعد حکمران جماعت کے نئے لیڈر کے انتخاب کے لیے دوڑ شروع ہوگی، جس میں شینجرو کوئزوومی اور سانائے تاکائیچی جیسے رہنماؤں کے نام نمایاں سمجھے جا رہے ہیں۔

تجزیہ کاروں کے مطابق یہ پیشرفت جاپان میں سیاسی عدم استحکام اور قیادت کی نئی تبدیلی کی طرف اشارہ کرتی ہے۔

جاپان کے شمالی جزیرے ہوکائیڈو کی ایک عمر رسیدہ خاتون کو دھوکے باز آدمی نے محبت کا جھانسہ دے کر لاکھوں روپے ہڑپ لیے۔

رپورٹ کے مطابق دھوکے باز شخص نے جاپانی خاتون سے سوشل میڈیا پر رابطہ کیا اور دعویٰ کیا کہ وہ ایک خلاباز ہے اُس شخص نے دو تین بار خاتون سے سوشل میڈیا پر بات کرنے کے بعد ایک دن اسے بتایا کہ میں خلائی جہاز میں ہوں لیکن ایک حملے کی زد میں آگیا ہوں اور مجھے آکسیجن کی ضرورت ہے۔

رپورٹ کے مطابق دھوکے باز آدمی نے آکسیجن خریدنے کے بہانے خاتون سے تقریباً 1 ملین ین یعنی 6 ہزار 700 ڈالرز ٹھگ لیے، جاپانی خاتون اکیلی رہتی ہے اس لیے جب اس کا جعلی خلاباز سے سوشل میڈیا پر رابطہ بڑھا تو وہ اس کی باتوں سے متاثر ہو کر محبت میں گرفتار ہوگئی،اس حوالے سے جاپانی پولیس حکام نے شہریوں کو ہدایت کی ہے کہ سوشل میڈیا پر اگر کوئی بھی شخص پیسے مانگے تو پولیس کو رپورٹ کریں۔

وزیراعظم کی بیجنگ سے چیئرمین این ڈی ایم اے کو ٹیلیفونک کال

واضح رہے کہ بوڑھے لوگ اکثر اس طرح کے دھوکے کا آسانی سے شکار ہو جاتے ہیں اور ورلڈ بینک کی رپورٹ کے مطابق دنیا میں سب سے زیادہ بوڑھے افراد کی آبادی رکھنے والے ممالک کی فہرست میں جاپان دوسرے نمبر پر ہے۔

انڈیگو پرواز میں ہنگامہ، نشے میں دھت وکیل کے نعرے،مقدمہ درج