امیر جماعت اسلامی کراچی حافظ نعیم الرحمان نے پریس کانفرنس کرتے ہوئے کہا ہے کہ سب سے پہلے اہلیان کراچی کا شکریہ ادا کرتا ہوں،کل کا جلسہ تاریخی تھا عوام بھی اپنا ریسپانس دے رہے تھے،
حافظ نعیم الرحمان کا کہنا تھا کہ جلسوں میں لوگوں کو لانے کے لیے طریقہ کار بنایا گیا ہے، لوگوں کو دیگر جلسوں میں معلوم ہی نہیں ہوتا کہ وہ کیوں آئے ہیں ، ہمارا جلسہ سب سے بڑا جلسہ تھا، جماعت اسلامی کو بڑا مینڈیٹ ملے گا، جماعت اسلامی سب سے زیادہ ووٹ لینے والی پارٹی ہوگی، نوجوانوں سے اپیل کرنا چاہتا ہوں خود کو والنٹیر کریں،ایک ہی دن میں ہزاروں لوگوں نے ہم سے رابطہ کیا ہے ، ہم دھاندلی نہیں کرنے دیں گے،
حافظ نعیم الرحمن کا کہنا تھا کہ ایک طرف الیکشن مہم چل رہی ہے دوسری جانب ایک گروہ ایسا ماحول پیدا کررہا ہے ،جلاو گھیراو کا ماحول پیدا کرنے کی کوشش کی جارہی ہے ، ناظم آباد میں واقعہ ہوا اور ایم کیو ایم کارکن قتل ہوا،ہم اس عمل کی مذمت کرتے ہیں،فوٹیج موجود ہے اعلی سطح کی تحقیقات کی جائے،
ناظم آباد واقعہ، پیپلز پارٹی کے لوگ ملوث ہوئے تو سزا کیلئے تیار ہیں،سعید غنی
این اے 127، بلاول کی حمایت کرنیوالوں کی گرفتاریاں، الیکشن کمیشن کو خط
ہمارے آفس پر بیٹھے ساتھیوں پر گولیاں چلائی جارہی ہیں،مصطفیٰ کمال
الیکشن خونی بننے لگے،کراچی میں گولیاں چل گئیں، ایک کی موت
واضح رہے کہ انتخابات 2024 خونی بنتے جا رہے، شہر قائد کراچی میں دو سیاسی جماعتوں کے کارکنان کے مابین جھگڑے کے دوران گولیاں چل گئیں، ایک شخص کی موت ہو گئی جبکہ ایک زخمی ہو گیا،واقعہ ناظم آباد میں پیش آیا،ناظم آباد نمبردو میں الیکشن مہم کے دوران دو سیاسی جماعتوں کے کارکنان کے مابین جھگڑا ہوا، پہلے ایک دوسرے پر کرسیاں چلائی گئیں پھر گولیاں چل گئیں، فائرنگ سے سیاسی جماعت کا کارکن 48 سالہ فراز ہلاک جبکہ ایک کارکن زخمی ہو گیا
کراچی میں دو سیاسی پارٹیوں کے درمیان جھنڈا لگانے پر تصادم و فائرنگ اور ضلع صوابی میں پوسٹل بیلٹ چھینے جانے کے واقعات کا سخت نوٹس لیتے ہوئے کمیشن نے متعلقہ چیف سیکرٹری اور آئی جی صاحبان سے رپورٹس طلب کی ہیں تاکہ ان واقعات میں ملوث افراد کے خلاف الیکشن قوانین کے تحت بھی کاروائی کی جا سکے
