سندھ اسمبلی کا افتتاحی اجلاس آج ہوا، نو منتخب اراکین نے حلف اٹھا لیا، سپیکر سندھ اسمبلی آغا سراج درانی نے حلف لیا،
سندھ اسمبلی میں نو منتخب ایوان کے پہلے اجلاس کی صدارت سپیکر آغا سراج درانی نے کی، اجلاس کا آغاز تلاوت قرآن پاک سے ہوا،نامزد وزیراعلیٰ سندھ سید مراد علی شاہ سمیت اراکین نے حلف اٹھا لیا، اس موقع پر اسمبلی ہال جئے بھٹو کے نعروں سے گونج اٹھا۔ اراکین سندھ اسمبلی نے اردو، انگریزی اور سندھی میں حلف لیا، اس موقع پر سپیکر سندھ اسمبلی آغا سراج درانی کاکہنا تھا کہ صوبائی اسمبلی کے اجلاس کے موقع پر احتجاج کرنے والوں کو شرم آنی چاہئے۔اسمبلی کی توہین برادشت نہیں کریں گے، احتجاج کرنے والوں سے نمنٹنے کے لیے انتظام کیا ہے،کل اسپیکر اور ڈپٹی اسپیکر کا انتخاب کیا جائے گا۔
سندھ اسمبلی،سپیکر،ڈپٹی سپیکر کے انتخابات کا شیڈول جاری
سندھ اسمبلی کا اجلاس ،اسپیکر آغا سراج درانی نے شیڈول پیش کردیا، اسپیکر اور ڈپٹی اسپیکر کے انتخاب کے لیے کاغذات نامزدگی جمع کرائے جائیں گے۔ سیکرٹری اسمبلی کے پاس 2 سے تین بجے تک جمع کرائے جاسکتے ہیں۔شام چھ بجے تک اسکروٹنی کا عمل ہوگا ،7 بجے منظور کاغذات نامزدگی کی فہرست جاری ہوگی،کل صبح 11 بجے اسپیکر اور ڈپٹی اسپیکر اور ڈپٹی اسپیکر کا انتخاب ہوگا۔
سندھ اسمبلی، قائم علی شاہ کا ریکارڈ8 ویں بار حلف لیا، نثار کھوڑ و ایوان میں رہے ،حلف نہ لیا
سابق وزیراعلیٰ سندھ سید قائم علی شاہ نے 8 ویں بار سندھ اسمبلی کی رکنیت کا حلف اٹھایا،حلف اٹھانے کے بعد اراکین نے رجسٹر پر دستخط کئے، پیپلز پارٹی اور ایم کیو ایم کے اراکین حلف کے وقت ایوان میںموجود تھے، دیگر جماعتوں کے اراکین نے احتجاجا حلف نہیں لیا،پیپلز پارٹی کے سینیٹر نثار کھوڑو نے حلف نہیں لیا، نثار کھوڑو سینیٹ میں آصف زرداری کو صدر کا ووٹ دینے کے بعد سندھ اسمبلی کا حلف اٹھائیں گے،حلف برداری کےدوران پیپلز پارٹی کے کارکنان نے نعرے بازی کی جس پر سپیکر برہم ہو گئے، نثار کھوڑو، نادر مگسی بھی آٹھویں بار رکن سندھ اسمبلی منتخب ہوئے ہیں،آزاد اراکین جو کامیاب ہوئے اور سنی اتحاد کونسل میں شامل ہوئے وہ نئے چہرے ہیں،
سندھ اسمبلی،168 ارکان اسمبلی میں سے 3 کے نوٹیفکیشن جاری نہیں ہوئے، پیپلز پارٹی کے 114 میں سے 109 ارکان نے حلف لے لیا حلف لینے والوں میں ایم کیو ایم کے 36 ارکان اسمبلی بھی شامل ہیں، کل 145 ارکان اسمبلی نے حلف لے لیا، آزاد ارکان، جماعت اسلامی اور جی ڈی اے نے اجلاس کا بائیکاٹ کر رکھا ہے، پیپلز پارٹی کے 5 ارکان نے بھی حلف نہیں لیا،نثار کھوڑو ، جام مہتاب مہر ، نادر مگسی اور سردار چانڈیو حلف نہ لینے والوں میں شامل ہیں، دادو سے نو منتخب امیدوار عزیز جونیجو کے انتقال کے باعث نشست خالی ہوگئی
سندھ اسمبلی میں مخصوص نشستوں کا کوٹہ ملنے اور چار آزاد امیدواروں کے شامل ہونے کے بعد پیپلز پارٹی سندھ اسمبلی میں 114 نشستوں کے ساتھ پہلے نمبر پر ہے، ایم کیوایم کو مخصوص نشستیں ملنے کے بعد اس کے ارکان کی تعداد 36 تک پہنچ گئی، ایوان میں جی ڈی اے کی 3 سیٹیں ہیں۔
دوسری جانب پیپلز پارٹی نے سندھ اسمبلی میں قائد ایوان، سپیکر اور ڈپٹی سپیکر کے ناموں کا اعلان بھی کر دیا، مراد علی شاہ کو ایک بار پھر وزیر اعلیٰ سندھ نامزد کیا گیا ہے، اویس قادر شاہ سپیکر سندھ اسمبلی کے امیدوار اور اقلیتی رکن نوید انتھونی ڈپٹی سپیکر کے امیدوار ہوں گے۔
پی ٹی آئی، جی ڈی اے، جماعت اسلامی اور جے یو آئی نے اجلاس میں شمولیت کی بجائے اسمبلی کے باہر دھرنا دینے کا اعلان کر رکھا ہے،سندھ اسمبلی کے باہر احتجاج میں شرکت کے لیےآنے والے افراد کوگرفتار کر لیا گیا،پولیس 10سے زائد افرادکوگرفتارکر کے لےگئی، سندھ اسمبلی کے قریب احتجاج میں شرکت کے لئے آنے والے قومی عوامی تحریک کے افراد کو حراست میں لے لیا گیا ، پولیس نے 10 سے زائد افراد کو حراست میں لیا حراست میں لئے گئے افراد کو وین میں بھر کر تھانے منتقل کیا جائے گا،پولیس کی جانب سے سندھ اسمبلی کے باہر مظاہرین پر لاٹھی چارج بھی کیا گیا، اسمبلی کے باہر واٹر کینن اور قیدیوں کی گاڑیاں پہنچا دی گئی ہیں،
جمعیت علمائے اسلام ف کے کارکنان نے انتخابی نتائج میں دھاندلی کے خلاف کارساز کے مقام پر دھرنا دے دیا،سندھ اسمبلی کے باہر پولیس کی بھاری نفری تعینات کی گئی ہے سندھ اسمبلی کی طرف آنے والی سڑکیں کنٹینرز لگا کر بند کر دی گئی ہیں.جمعیت علماء اسلام ف کے سندھ کے سیکریٹری جنرل راشد محمود سومرو سمیت جے یو آئی ف کے کارکنان کو پولیس نے کراچی ٹول پلازہ پر روک دیا گیا ہے،
پُرامن احتجاج ہمارا حق ، حکومت طاقت کے استعمال سے گریز کرے،سردار عبدالرحیم
جی ڈی اے کے سیکرٹری اطلاعات سردار عبدالرحیم کا کہنا ہے کہ سندھ میں ہمارا احتجاج مینڈیٹ کی چوری کے خلاف ہے، جب تک چوری کیا گیا مینڈیٹ واپس نہیں ملے گا احتجاج ہوگا، سندھ اسمبلی کے باہر احتجاج میں جی ڈی اے، پی ٹی آئی اور جماعت اسلامی ساتھ ہیں،احتجاج میں جے یو آئی ف اور ایم کیو ایم حقیقی بھی ساتھ ہیں، پُرامن احتجاج ہمارا حق ہے، حکومت طاقت کے استعمال سے گریز کرے، احتجاج سے جعلی مینڈیٹ والی جماعتیں بوکھلاہٹ کا شکار ہیں
سندھ اسمبلی کے قریب کسی بھی قسم کے جلوس اور احتجاجی مظاہروں پر پابندی
قبل ازیں نگران حکومت نے اجلاس سے قبل ریڈ زون میں سکیورٹی کے سخت انتظامات کرتے ہوئے اسمبلی کی جانب جانے والے راستوں کو کنٹینر لگا کر مکمل طور پر بند کر دیا ہے،نگران وزیر داخلہ سندھ نریگیڈیئر (ر) حارث نوازکا کہنا ہے کہ آج 24 فروری کو سندھ اسمبلی اور اس کے اطراف سکیورٹی کے ٹھوس اقدامات کئے ہیں، شہر قائد کراچی میں دفعہ 144 نافذ ہے جس کے تحت سندھ اسمبلی کے قریب کسی بھی قسم کے جلوس اور احتجاجی مظاہروں پر پابندی ہے،کسی بھی قسم کی شرپسندی اور لاقانونیت کا مظاہرہ کرنے والوں کیخلاف سخت قانونی کارروائی کی جائے گی، امن وامان کے قیام میں عوام، پولیس اور دیگر قانون نافذ کرنے والے اداروں کے ساتھ تعاون کو یقینی بنائیں
سندھیانی تحریک اور عوامی تحریک کے 100 سے زائد کارکنان کو گرفتار کیا گیا ہے، ایاز لطیف پلیجو
قومی عوامی تحریک کے سربراہ ایاز لطیف پلیجو کا کہنا ہے کہ پولیس نے سندھیانی تحریک اور عوامی تحریک کے 100 سے زائد کارکنان کو گرفتار کرلیا، ہمارے کارکنان پر پولیس نے سخت تشددکیا ہے۔ گرفتار کیے جانے والوں میں قومی عوامی تحریک کے مرکزی جنرل سیکرٹری مظہر راہوجوبھی شامل ہیں، سندھیانی تحریک کی مرکزی صدر زینت سموں کو بھی پولیس نے کراچی پریس کلب سے گرفتار کیا ہے،ہمارے کارکنان کو آرٹلری میدان سمیت دیگر تھانوں میں منتقل کیا گیا ہے
پی ٹی آئی انٹراپارٹی الیکشن،یہ دھاندلی نہیں دھاندلا ہوا ہے،مریم اورنگزیب
اسلامی شرعی احکامات کا مذاق اڑانے پر عمران نیازی کے خلاف راولپنڈی میں ریلی نکالی
ویڈیو آ نہیں رہی، ویڈیو آ چکی ہے،کپتان کا حجرہ، مرشد کی خوشگوار گھڑیاں
خاور مانیکا انٹرویو اور شاہ زیب خانزادہ کا کردار،مبشر لقمان نے اندرونی کہانی کھول دی
ریحام خان جب تک عمران خان کی بیوی تھی تو قوم کی ماں تھیں
