Tag: حملہ

امریکہ نے سابق امریکی صدر ڈونلڈ ٹرمپ پر قاتلانہ حملے کا الزام مبینہ طور پر ایران پر لگا دیا، ایران نے جواب میں کہا کہ ایران ملوث نہیں، ایسی اوچھی حرکت نہیں کرسکتے،

امریکی حکام نے ٹرمپ پر حملے کے بعد دعویٰ کیا ہے کہ ایک خفیہ ذرائع نے اطلاع دی تھی کہ ایران سابق امریکی صدر ٹرمپ کو قتل کروانے کی سازش کر سکتا ہے، خبر رساں ادارے سی این این کے مطابق امریکی حکام کو یہ رپورٹ کافی دن پہلے ملی تھی جس کے بعد ٹرمپ کی سیکورٹی میں اضافہ کر دیا گیا تھا، خبر رساں ادارے سی این این کے مطابق حملہ آور تھامس اور ایرانی سازش کے مابین تاحال ابھی تک کوئی لنک نہیں مل سکا،حملہ آور کو سیکرٹ سروس حکام نے فوری طور پر جائے وقوعہ پر ہی مار دیا تھا

امریکی حکام کی جانب سے ایران پر الزام کے بعد ایرانی ردعمل سامنے آیا ہے، ایران نے امریکی دعوے کو مسترد کر دیا، اقوام متحدہ میں ایران کے مستقل مشن کے ترجمان کا کہنا ہے کہ ایران کی نظر میں ٹرمپ ایک مجرم ہیں جن پر مقدمہ چلایا جانا چاہیے کیونکہ انہوں نے جنرل سلیمانی کے قتل کا حکم دیا تھا ایران نے اس معاملے میں انصاف کے لیے قانون کا راستہ منتخب کیا ہے،سابق امریکی صدر ڈونلڈ ٹرمپ نے جنوری 2020 میں ایرانی جنرل سلیمانی کے قتل کا حکم دیا تھا،امریکی حکام کو یہ خدشہ لاحق رہا ہے کہ جنرل سلیمانی کے قتل کا بدلہ لینے کے لیے ایران سابق امریکی صدر پر حملہ کرواسکتا ہے

امریکا کی قومی سلامتی کے ادارے کے ایک اعلیٰ افسر نے بتایا کہ پنسلوانیہ میں ٹرمپ پر حملے سے قبل سیکریٹ سروس اور ٹرمپ کی الیکشن ٹیم کو ٹرمپ کے قتل کے ایرانی منصوبے کے بارے میں معلوم ہوچکا تھاجس کے بعد ٹرمپ کی سیکورٹی بڑھا دی گئی تھی،

سی این این کے مطابق ٹرمپ کو انتخابی مہم کے دوران کئی بار متنبہ کیا گیا تھا کہ ریلیوں میں جانا ان کے لئے خطرہ ہو سکتا ہے،سیکرٹ سروس کے ترجمان انتھونی گگلیلمی نے سی این این کو بتایا کہ ایجنسی نے حال ہی میں "سابق صدر کے سیکورٹی انتظامات کو بڑھایا تھا۔”

امریکہ کی سیکرٹ سروس حالیہ دنوں میں اس وقت شدید تنقید کی زد میں ہے ،کیونکہ ریلی میں بندوق بردار نے بغیر کسی رکاوٹ کے چھت تک رسائی حاصل کی اور ٹرمپ پر براہ راست فائرنگ کی،

قانون نافذ کرنے والے حکام طویل عرصے سے سابق صدر کو نقصان پہنچانے کے ایرانی منصوبوں کے امکان کے بارے میں فکر مند تھے، حال ہی میں انٹیلی جنس نے بڑھتے ہوئے خطرے کا اشارہ کیا تھا،ذرائع کے مطابق ایران کے سرکاری میڈیا اور آن لائن اکاؤنٹس میں ٹرمپ کے تذکرے میں نمایاں اضافہ ہوا ہے جس سے امریکی حکام میں تشویش پائی جاتی ہے۔

ایرانی جنرل قاسم سلیمانی کے قتل کے بعد ٹرمپ انتظامیہ کے دیگر سابق اعلیٰ حکام کو بھی تحفظ حاصل ہے۔ عہدہ سنبھالنے کے بعد سے، بائیڈن انتظامیہ نے ایران سے ان کی جانوں کو لاحق خطرات کے پیش نظر سابق سیکرٹری آف سٹیٹ مائیک پومپیو اور ان کے اعلیٰ ایرانی معاون برائن ہک کو 24/7 تحفظ فراہم کیا ہے۔

اوہائیو،ریپبلکن نیشنل کنونشن کے باہر فائرنگ سےچاقو بردار شخص ہلاک

سری لنکن کپتان مستعفی،ہمارے والے اب بھی لابنگ میں مصروف

عمران خان نے آخری کارڈ کھیل دیا،نواز شریف بھی سرگرم

پی ٹی آئی کی ڈیجیٹل دہشت گردی کا سیاہ جال،بیرون ملک سے مالی معاونت

اگلے دو مہینے بہت اہم،کچھ بڑا ہونیوالا؟عمران خان کی پہنچ بہت دور تک

اڈیالہ جیل میں قید عمران خان نے بالآخر گھٹنے ٹیک دیئے

"بھولے بابا” کا عام آدمی سے خود ساختہ بابا بننے کا سفر ،اربوں کے اثاثے

اصلی ولن آئی ایم ایف یا حکومت،بے حس اشرافیہ نے عوام پر بجلی گرا دی

کرکٹ میں سٹے بازی اور سپاٹ فکسنگ،پاک بھارت میچ میں‌کتنے کا جوا؟

لڑائی شروع،کیا ایمرجنسی لگ سکتی؟جمعہ پھر بھاری،کپتان جیت گیا

مخصوص نشستوں پر سپریم کورٹ کا فیصلہ،ملک ایک اور آئینی بحران سے دوچار

حکومت کو کوئی خطرہ نہیں،معاملہ تشریح سے آگے نکل گیا،وفاقی وزیر قانون

سپریم کورٹ کا فیصلہ، سیاسی جماعتوں کا ردعمل،پی ٹی آئی خوش،حکومتی اتحاد پریشان

عمان،مسقط میں مسجد پر حملے کی ذمہ داری داعش نے قبول کرلی ہے

مسقط میں مسجد کے قریب فائرنگ سے 4 پاکستانی شہریوں سمیت چھ افراد کی موت ہوئی تھی، حملے کی ذمہ داری داعش نے قبول کی ہے،پولیس کے مطابق واقعہ مسقط کے علاقے وادی کبیر میں پیش آیا جہاں امام علی مسجد کے قریب مسلح ملزم نے فائرنگ کردی جس کے نتیجے میں 6 افراد جاں بحق ہوگئے، عمانی پولیس نے3 حملہ آوروں کو ہلاک کیا تھا،فائرنگ کے وقت مسجد میں تقریباً 700 افراد موجود تھے اور فائرنگ کے نتیجے میں متعدد افراد زخمی بھی ہوئے ہیں۔

پاکستان کی وزارت خارجہ نے اس سانحے پر گہرے دکھ کا اظہار کیا ہے۔ وزارت کے مطابق، پاکستانی سفارت خانے میں متاثرہ خاندانوں کی رہنمائی کے لیے ایک ہاٹ لائن قائم کی گئی ہے۔وزیراعظم شہباز شریف نے پاکستانی سفارت خانے کو زخمیوں اور ان کے اہل خانہ کی ہر ممکن مدد کرنے کی ہدایت کی ہے۔ انہوں نے اس سانحے کی شدید مذمت کرتے ہوئے کہا کہ پاکستان دہشت گردی کی ہر شکل کی مخالفت کرتا ہے۔

اس واقعے کے بعد مسقط میں امریکی سفارت خانے نے اپنے شہریوں کے لیے الرٹ جاری کیا ہے اور آج کے لیے تمام ویزا سروسز معطل کر دی گئی ہیں۔عمانی حکام نے اس واقعے کی تحقیقات شروع کر دی ہیں۔ ابتدائی رپورٹس کے مطابق، یہ حملہ نماز کے دوران کیا گیا، جس سے مسجد میں افراتفری پھیل گئی۔اس دہشت گرد حملے نے پورے خطے میں خوف و ہراس پھیلا دیا ہے۔ مختلف ممالک کے سربراہان نے اس واقعے کی مذمت کی ہے اور عمان کے ساتھ یکجہتی کا اظہار کیا ہے۔ عالمی برادری اس طرح کے حملوں کو روکنے کے لیے مل کر کام کرنے پر زور دے رہی ہے۔

سابق امریکی صدر، امریکی صدارتی امیدوار ڈونلڈ ٹرمپ پر گزشتہ روز ایک ریلی کے دوران حملہ ہوا،ٹرمپ کے کان کو گولی چھو کر گزری، ٹرمپ محفوظ رہے تاہم حملہ آور کو موقع پر ہی مار دیا گیا،حملے کے بعد بھی ٹرمپ کی انتخابی مہم جاری ہے،ٹرمپ پر حملے کے بعد عالمی رہنماؤں کی سیکورٹی پر سوال اٹھ گئے ہیں،

ٹرمپ پہلے رہنما نہیں جن پر اس طرح کا حملہ ہوا، ماضی میں بھی کئی اہم شخصیات پر حملے ہو چکے ہیں،پاکستان کی خاتون وزیراعظم بینظیر بھٹو پر لیاقت باغ میں جلسے کے بعد حملہ ہوا تھا جس میں بینظیر شہید ہو گئی تھیں،اسکے علاوہ دنیا کے مختلف ممالک میں کئی رہنماؤں پر حملے ہوئے ہیں، ان میں سے چند درج ذیل ہیں.

سلوواکیہ کے وزیر اعظم رابرٹ فیکو (15 مئی 2024)
رواں برس مئی کے مہینے میں سلواکیہ کے وزیراعظم رابرٹ فیکو پر بھی حملہ کیا گیا تھا، سلوواکیہ کے وزیراعظم پر فائرنگ کی گئی تھی جس سے وہ زخمی ہو گئے تھے، حملہ اس وقت کیا گیا تھا جب رابرٹ فیکو ایک اجلاس کے بعد شرکاء سے مخاطب تھے، رابرٹ فیکو کو گولیاں‌لگنے کے بعد زخمی حالت میں ہسپتال منتقل کیا گیا تھا ،انکا علاج جاری ہے اور حالت بہتر ہے.

جاپان کے سابق وزیر اعظم شنزو آبے (جولائی 2022)
جولائی 2022 میں جاپان کے وزیراعظم شنزو آبے پر بھی حملہ کیا گیا تھا، ان پر فائرنگ اس وقت کی گئی تھی جب وہ نارا شہر میں ایک ریلی کی قیادت کر رہے تھے، جاپانی وزیراعظم پر حملہ کرنے والے حملہ آور نے دو گولیاں فائر کی تھیں، جن میں سے ایک گولی انکی گردن میں لگی تھی.

 عمران خان (3 نومبر 2022)
پاکستان کے سابق وزیر اعظم عمران خان پر بھی پنجاب کے شہر وزیرآباد میں جلسے کے دوران حملہ ہوا تھا، حملہ آور نے گولیاں چلائیں جس کے بعد بھگدڑ مچ گئی تھی، مبینہ طور پر عمران خان کی ٹانگ میں گولی لگی تو ہم عمران خان طبی امداد کے لئے سرکاری ہسپتال جانے کی بجائے شوکت خانم چلے گئے، عمران خان عدالتوں میں وہیل چیئر پر پیش ہوتے رہے ہیں تا ہم جب نومئی کو اسلام آباد سے عمران خان کو گرفتار کیا گیا تھا اس وقت عمران خان کے دوڑنے سے ایسے لگ رہا تھا جیسے انہیں کچھ نہیں ہوا،اور وہ بالکل تندرست ہیں،

بے نظیر بھٹو، (27 دسمبر 2007)
پاکستان کی پہلی خاتون وزیراعظم، بھٹو کی بیٹی، بینظیر بھٹو پر بھی قاتلانہ حملہ ہوا تھا، کراچی میں ریلی کے دوران کارساز پر حملہ ہوا جس میں وہ محفوظ رہیں تا ہم اسکے بعد دسمبر 2007 میں راولپنڈی کے لیاقت باغ میں جلسے کے بعد حملہ ہوا جس میں بینظیر شہید ہو گئیں،یہ حملہ بہت قریب سے کیا گیا تھا،بینظیر شرکاء کے نعروں کا جواب دینے گاڑی سے باہر نکلیں ، جونہی انہوں نے سر گاڑی سے باہر نکالاحملہ آور نے انکو نشانہ بنایا،

ہیتی کے صدر جوونیل موئز (جولائی 2021)
ہیتی کے صدر جوونیل موئز پر بھی قاتلانہ حملہ جولائی 2021 میں کیا گیا تھا، ان پر اس وقت حملہ کیا گیا جب وہ اپنی رہائشگاہ پر آرام کر رہے تھے، ہیتی کے صدر جوونیل موئز کو کرائے کے فوجیوں نے قتل کیا تھا، 28 ملزمان حملہ آوروں میں شامل تھے،بعد ازاں تحقیقات سے یہ بات سامنے آئی کہ ہیتی کے صدر جوونیل موئز پر حملہ کسی اور نے نہیں بلکہ انکی بیوی نے کروایا تھا،

بھارت کی سابق وزیر اعظم اندرا گاندھی (31 اکتوبر 1984)
بھارت کی سابق وزیراعظم اندرا گاندھی پر بھی قاتلانہ حملہ ہوا تھا، 1984 میں اندرا گاندھی کو کسی اور نے نہیں بلکہ انکے ذاتی محافظوں نے ہی گولیاں چلا کر قتل کر دیا تھا، تحقیقات ہوئیں تو سامنے آیا کہ حملہ آور آپریشن بلیو سٹار سے بہت ناراض تھے۔

تحریک انصاف پر جلد پابندی لگنے والی ہے؟

فیصلے سے ثابت ہوا کہ لاڈلہ ازم آج تک برقرار ہے ، شرجیل انعام میمن

سپریم کورٹ فیصلے کے بعد پی ٹی آئی کا چیف الیکشن کمشنر کیخلاف کاروائی کا مطالبہ

مخصوص نشستوں پر سپریم کورٹ کا فیصلہ،ملک ایک اور آئینی بحران سے دوچار

حکومت کو کوئی خطرہ نہیں،معاملہ تشریح سے آگے نکل گیا،وفاقی وزیر قانون

سپریم کورٹ کا فیصلہ، سیاسی جماعتوں کا ردعمل،پی ٹی آئی خوش،حکومتی اتحاد پریشان

وسطی سوڈان میں نیم فوجی ریپڈ رسپانس فورس نے ایک گاؤں پر حملہ کیاہے جس میں 35 بچوں سمیت 150 افراد کی ہلاکت کا خدشہ ہے

میڈیا رپورٹس کے مطابق سوڈانی فوج نے گاؤں میں قتل عام کرنے پر جوابی کاروائی کا اعلان کیا ہے اور کہا ہے کہ ہم نیم فوجی ریپڈ رسپانس فورس کے خلاف کاروائی کریں گے. سوڈانی فوج کے سربراہ عبدالفتاح البرہان کا کہنا ہے کہ ” آر ایس ایف کو حملے کا بھرپور جواب دیا جائے گا”۔

آر ایس ایف کی جانب سے مختلف دیہاتوں پر حملوں میں یہ حملہ سب سے بڑا حملہ تھا، فوجی پوزیشنوں پر بھی حملہ کیا گیا ہے، حملے میں ہلاک اور زخمی ہونے والوں میں بچے اور خواتین بھی شامل ہیں. حالیہ حملہ گیزیرہ کے گاؤں ود النورہ پر کیا گیا ہے.پیراملٹری فورسز کے دستوںے گاؤں کا محاصرہ کرنے اور حملہ کرنے کے لیے بھاری توپ خانے کا استعمال کیا۔

سوڈان کی عبوری حکومت نے اپنے ٹیلی گرام چینل پر حملوں کی مذمت کی اور عالمی برادری سے مطالبہ کیا کہ وہ آر ایس ایف کو جوابدہ ٹھہرائے،آرایس ایف کا کہنا ہے کہ "سوڈانی فوج نے المناقل ضلع کے مغرب میں جبل الاولیاء میں ہمارے فوجیوں پر حملہ کرنے کا منصوبہ بنایا تھا تاہم خبر رساں ادارے ایسوسی ایٹڈ پریس کے مطابق اس الزام کی تصدیق نہیں ہو سکی.

آرایس ایف اور سوڈانی فوج کے درمیان جنگ نے ملک کو تباہ کر دیا ہے کیونکہ جھڑپیں متعدد شہروں میں پھیل گئی ہیں اور اس کی آبادی کو قحط کے دہانے پر دھکیل دیا گیا ہے۔ 14000 سے زائد افراد ہلاک اور ہزاروں زخمی ہو چکے ہیں جبکہ لاکھوں بے گھر ہیں

سوشل میڈیا پر ایک ویڈیو بی بی سی کے مطابق سامنے آئی ہے جنہیں سفید کفن میں لپیٹا گیا تھا ،درجنوں لاشیں ریاست گیزیرہ میں واد النورہ میں تدفین کے لیے تیار کی گئی ہیں۔اس ویڈیو کو محلے کی مزاحمتی کمیٹی کے کارکنوں نے فلمایا، جو ملک بھر میں مقامی گروپوں کے نیٹ ورک کا حصہ ہے جو سویلین حکمرانی کی واپسی کی حمایت کرتا ہے۔مدنی مزاحمتی کمیٹی نے کہا کہ اب وہ "ہلاک اور زخمیوں کی تصدیق شدہ تعداد کا انتظار کر رہی ہے”۔

یونیسیف نے کہا کہ اس حملے میں 35 بچے مارے گئے اور 20 سے زیادہ زخمی ہوئے۔ ایجنسی کی ایگزیکٹو ڈائریکٹر کیتھرین رسل نے زمین پر موجود مناظر کو تباہ کن قرار دیا۔اور کہا کہ "یہ ایک اور بھیانک یاد دہانی ہے کہ کس طرح سوڈان کے بچے وحشیانہ تشدد کی قیمت ادا کر رہے ہیں۔”، پچھلے ایک سال کے دوران، ہزاروں بچے ہلاک اور زخمی ہوئے، پچاس لاکھ سے زیادہ کو ان کے گھروں سے مجبور کیا گیا اور دیگر کو غوا کیا گیا اور ان کی عصمت دری کی گئی۔

انسانی حقوق کے سرکردہ گروپ جسٹس افریقہ سوڈان سے تعلق رکھنے والے حافظ محمد نے بی بی سی کو بتایا ہے کہ ابھی بھی بہت سے لوگ لاپتہ ہیں لیکن یہ کہ "تمام مرنے والوں کی گنتی کرنا مشکل ہے” کیونکہ "آر ایس ایف عناصر اب بھی علاقے میں لوٹ مار کر رہے ہیں”۔

سوڈان کی فوجی حکومت نے واد النورہ حملے کی بین الاقوامی مذمت کا مطالبہ کیا ہے۔برطانیہ کے وزیر خارجہ ڈیوڈ کیمرون نے "معصوم لوگوں پر حملے” کی مذمت کی اور آر ایس ایف کو مورد الزام ٹھہرایا۔ اور کہا کہ آر ایس ایف کو ان حملوں کو روکنا چاہئے.دنیا دیکھ رہی ہے۔ ذمہ داروں سے حساب لیا جائے گا۔”

آر ایس ایف نے دسمبر میں دارالحکومت خرطوم کے جنوب میں واقع گیزیرہ ریاست کا کنٹرول سنبھال لیا تھا اور اس پر وہاں کے شہریوں کے خلاف متعدد زیادتیاں کرنے کا الزام لگایا گیا ہے –

اقوام متحدہ کے اداروں کا کہنا ہے کہ لڑائی نے دنیا کے سب سے بڑے نقل مکانی کے بحران کو جنم دیا ہے اور اس کے نتیجے میں لاکھوں لوگوں کو بھوک کی تباہی کا سامنا ہے۔اقوام متحدہ کے انسانی ہمدردی کے امور کے انڈر سیکرٹری جنرل مارٹن گریفتھس نے اس ہفتے کہا تھا کہ پچاس لاکھ تک لوگوں کو قحط کا خطرہ بہت زیادہ ہے۔انہوں نے کہا کہ "مجھے نہیں لگتا کہ ہمارے پاس کبھی بھی اس قسم کی تعداد قحط کے خطرے سے دوچار ہوئی ہے،

افغانستان میں دہشت گردی کے واقعات میں مسلسل اضافہ دیکھنے میں آیا ہے، افغانستان میں تین ہسپانوی سیاحوں کو قتل کر دیا گیا ہے

واقعہ افغانستان کے صوبے بامیان میں پیش آیا، تین ہسپانوی سیاحوں کے ساتھ تین مقامی شہریوں پر بھی گولیاں برسائی گئی ہیں، واقعہ میں چھ افراد کی موت ہو ئی ہے، واقعہ کی او آئی سی نے بھی مذمت کی ہے،ہسپانوی سیاحوں پر حملے کی ذمہ داری اسلامی ریاست خراسان نے قبول کی ہے

او آئی سی کی جانب سے ہسپانوی سیاحوں پر حملہ کرنے والے دہشت گردوں کی جلد از جلد گرفتاری اور کڑی سزا کا مطالبہ کیا گیا ہے، او آئی سی کی جانب سے کہا گیا ہے کہ ہسپانوی سیاحوں کے قتل میں ملوث دہشتگردوں کے خلاف فوری تحقیقات مکمل کرکے انہیں قانون کے کٹہرے میں لایا جائے،ایران نے بھی واقعہ کی مذمت کی ہے وہیں روس نے اپنے شہریوں کو افغانستان کا سفر کرنے سے روک دیا ہے

دوسری جانب افغان طالبان کے اقتدار پر قبضے کے بعد سے افغانستان مختلف انسانی بحرانوں کا شکار ہے،صحت کے مسائل ہوں یا قدرتی آفات افغان طالبان کے دور اقتدار میں عوام بھوک ، افلاس اور صحت کے مسائل سے دوچار ہیں،جہاں پوری دنیا خسرہ جیسی وباء پر قابو پا چکی ہے وہاں طالبان کے زیر تسلط افغانستان میں بنیادی سہولیات کے فقدان کے باعث اس وباء کی شرح میں سنگین حد تک اضافہ ہو چکا ہے،حال ہی میں آنے والے سیلاب میں بھی متاثرین سیلاب تک ریلیف پیکج نہ پہنچنے کی وجہ سے افغانستان کے صوبے غور کے سیلاب متاثرین برہم ہیں،طالبان حکومت کے ترجمان شرافت زمان امرخیل نے کہا کہ رواں سال کے پہلے چار مہینوں میں ملک میں خسرہ کے تین ہزار سے زائد کیسز درج کیے گئے ہیں، خسرہ وبا کے کیسز میں گزشتہ سال کے مقابلے میں اضافہ ہوا ہے،ڈاکٹر محب اللہ حبیبی نے کہا کہ”مارچ کے مہینے تک ہم روزانہ 8 مریضوں کو ہسپتال میں داخل کرتے تھے لیکن اب ہم یومیہ 18 سے 21مریضوں کو داخل کر رہے ہیں جو کہ ماہانہ 560 سے 620 مریض بنتے ہیں، گزشتہ ماہ عالمی ادارہ صحت نے رپورٹ کیا کہ مارچ میں خسرہ کے کیسز کی تعداد 60 ہزار سے تجاوز کر گئی تھی جبکہ 34 افراد جان کی بازی ہار گئے تھے،خسرہ کی وبا میں اضافے کے ساتھ ساتھ افغانستان سیلاب کی تباہ کاریوں کا بھی شکار ہوا ہے، بنیادی سہولیات اور امدادی سامان کی عدم د ستیابی کے باعث سیلاب متاثرین میں شدید غصے کی لہر ہے، حالیہ سیلاب کے نتیجے میں 100 سے زائد افراد ہلاک ،150 سے زائد زخمی اور 5000 سے زائد مکانات تباہ ہو چکے ہیں حالیہ سیلاب نے رہائشیوں کو مالی و جانی نقصان پہنچایا ہے جسکی وجہ طالبان حکومت کی جانب سے امداد میں تاخیر ہے۔

خیبرپختونخوا، سیکورٹی فورسز کی کاروائی، 11 دہشتگرد جہنم واصل

کراچی ،غیر ملکیوں کی گاڑی پر خود کش حملہ،دو جاں بحق،حملہ آور ساتھی سمیت جہنم واصل

بونیر،سیکورٹی فورسز کا آپریشن،دہشتگردوں کا سرغنہ جہنم واصل،دو جوان شہید

ڈی آئی خان، سیکورٹی فورسز کا آپریشن، 8 دہشتگرد جہنم واصل

ڈی آئی خان ،دھماکے میں دو جوان شہید،پنجگور،ایک دہشتگرد جہنم واصل

شمالی وزیرستان، دہشتگردوں کیخلاف آپریشن،کمانڈر سمیت 8 جہنم واصل

شمالی وزیرستان ، چوکی پر حملہ، لیفٹیننٹ کرنل اور کیپٹن سمیت 7 جوان شہید