Baaghi TV

Tag: خودکشی

  • گھریلو ناچاقی پر ماں نے دو بیٹوں کو قتل کر کے خودکشی کر لی

    گھریلو ناچاقی پر ماں نے دو بیٹوں کو قتل کر کے خودکشی کر لی

    حافظ آباد میں مبینہ طور پر ماں نے گھریلو ناچاقی پر اپنے 2 معصوم بیٹوں کو قتل کر کے خودکشی کی کوشش میں خود کو زخمی کر لیا۔

    باغی ٹی وی: پولیس حکام کے مطابق خاتون گوجرانوالہ میں اپنے سسرالیوں سے جھگڑ کر مدھریانوالہ اپنے میکے آئی ہوئی تھی خاتون نے میکے میں اپنے 2 معصوم بیٹوں کو تیز دھار آلے سے قتل کر دیا اور بعد ازاں خود کو بھی چھری مار کر زخمی کر لیا۔

    دڑو :11 روز قبل مبینہ طور پر لاپتہ ہونے والے 60 سالہ مزدور کی لاش برآمد

    زخمی خاتون کو ریسکیو ادارے کی ایمبولینس کے ذریعے تشویش ناک حالت میں ٹراما سینٹر منتقل کیا گیا ہے جاں بحق ہونے والے 1 بچے کی عمر ڈھائی سال جبکہ دوسرے کی عمر 1 سال ہے۔

    تھانہ صدر کی پولیس نے موقع پر پہنچ کو دونوں بچوں کی لاشوں کو پوسٹ مارٹم کے لیے ڈی ایچ کیو اسپتال منتقل کر دیا ہے۔

    قبل ازیں دڑو کی قریب11 روز قبل مبینہ طور پر لاپتہ ہونے والے 60 سالہ مزدور کی لاش برآمد ہوئی اطلاع ملتے ہی مشتعل اہل علائقہ اور مقتول کے لواحقین ڈنڈے اٹھاکر پورے شہر کو بند کرا دیا تھا خواتین اور بچوں کا 6 گھنٹے تک احتجاجی دھرنا جاری، دڑو شہر کی تمام سڑکیں بند.دڑو کے نواحی گاؤں طاہر سومرو سے 11 روز قبل مبینہ طور پر لاپتہ ہونے والے 60 سالہ مزدور عمر سومرو کی لاش بھڈو تالپر کے قریب جنگل سے برآمد ہوئی –

    ٹانک: جنوبی وزیرستان میں مسلح افراد کا حملہ،پولیس گاڑی نذر آتش،دو پولیس اہلکار زخمی 2 شہید

    لواحقین نے میڈیا سے گفتگو کرتے ہوئے کہا کہ ہمارے بزرگ عمر سومرو کو 11 روز قبل دڑو پولیس نے گرفتار کیا تھا اور مبینہ طور پر قتل کرکے لاش پھینک دی جب تک دڑو پولیس کے ایس ایچ او کے خلاف قتل کا مقدمہ درج نہیں ہوتا، تب تک احتجاجی دھرنہ جاری رہے گا۔

    اس ضمن میں دڑو پولیس کا کہنا تھا کہ کچھ روز قبل عمر سومرو نامی شخص کے لواحقین نے دڑو پولیس اسٹیشن پر گمشدگی کی رپورٹ درج کرائی گئی تھی، جبکہ 3 نومبر کو بڈھو تالپر کے قریب سے ایک لاوارث حالت میں لاش ملی تھی، جسے ایدھی ھوم کے حوالے کر دیا گیا تھا، لواحقین نے تصویرو ذریعے اس کی شناخت کی ہے دڑو پولیس کا اس سے کوئی تعلق نہیں ہے-

    شیخوپورہ : خانقاہ ڈوگراں کے نواحی گاؤں مانگٹ میں ہونے والا اندھا قتل ٹریس

  • سشانت سنگھ راجپوت کی قریبی دوست بھارتی اداکارہ نے خودکشی کرلی

    سشانت سنگھ راجپوت کی قریبی دوست بھارتی اداکارہ نے خودکشی کرلی

    ممبئی: بھارت کی ٹی وی اداکارہ اور بِگ باس سے شہرت پانے والی ویشالی ٹھاکر نے خودکشی کرلی۔بھارتی میڈیا کی رپورٹس کے مطابق مقبول ٹی وی شو ’’یہ رشتہ کیا کہلاتا ہے‘‘ میں سنجنا کا کردار ادا کرکے مقبولیت حاصل کی تھی۔ ویشالی ایک سال سے اندور میں اپنے گھر پر رہ رہی تھیں۔

    ویشالی ٹھاکر کی لاش کو پولیس نے پوسٹ مارٹم کے لیے اسپتال بھیج دیا ہے جبکہ پولیس کو جائے حادثہ سے ایک نوٹ بھی ملا ہے۔
    اداکارہ نے یہ ’’رشتہ کیا کہلاتا ہے‘‘ کے علاوہ ویشالی نے سسرال سمر کا، لال عشق اور سپر سسٹر جیسے کئی سیریلز میں کام کیا ہے، انہوں نے اپنے کیرئیر کا آغاز بطور اینکر کیا تھا، انکا تعلق مدھیہ پردیش کے شہر اجین سے تھا۔

    واضح رہے کہ ویشالی ٹھاکر دو سال قبل خودکشی کرنے والے اداکار سشانت سنگھ راجپوت کی قریبی دوست بھی تھیں۔

     

    ستمبر میں بھی ایک ایسا ہی واقعہ پیش آیا جب بھارتی تامل اداکارہ پولین جیسیکا نے اپنے چنئی کے فلیٹ میں مبینہ طور پر خودکشی کرلی تھی ،

    خودکشی سے قبل انہوں نے اپنا آخری پیغام ڈائری میں لکھا، موت کی وجہ سامنے آنا ابھی باقی ہے لیکن مختلف رپورٹس کے مطابق انہوں نے محبت میں ناکامی پر اپنی زندگی کا خاتمہ کیا

     

    اس سے پہلےبھارتی ماڈل و اداکارہ منجوشانیوگی نے مبینہ طور پر کمرے کی چھت سے لٹک کر اپنی زندگی کا خاتمہ کرلیا۔

    بھارتی میڈیا رپورٹس کے مطابق بھارتی بنگالی سینما کی اداکارہ منجوشیا نیوگی نے مبینہ طور پر خودکشی کرلی یہ پندرہ دنوں میں تیسری ماڈل و اداکارہ ہیں جنہوں نے اپنی جان لی تھی ۔

    21 سالہ اداکارہ اور ماڈل بدیشا ماجمدر کی خودکشی کے بعد اب کولکتہ سے تعلق رکھنے والی ایک اور ماڈل منجوشا نییوگی نے مبینہ طور پر اپنے کمرے کی چھت سے لٹک کر خود کشی کرلی تھی

    رپورٹس کے مطابق ماڈل کی والدہ نے دعویٰ کیاتھا کہ بیٹی اپنی قریبی دوست بدیشا ماجمدر کی موت کے بعد شدید ذہنی تناؤ کا شکار تھی۔

    پولیس کا کہنا تھا  کہ منجوشا نییوگی کی لاش جمعے کو کمرے کی چھت سے لٹکی ہوئی ملی جس کے بعد اسے پوسٹ مارٹم کے لیے اسپتال بھیج دیا گیا تاکہ موت کی واضح وجہ معلوم کی جا سکے۔

    واضح رہے کہ اس سے قبل 25 مئی کو 21 سالہ اداکارہ اور ماڈل بدیشا ماحمدر  کولکتہ میں واقع اپارٹمنٹ میں مردہ پائی گئی تھیں اور ان کی لاش پھندے سے لٹکی ہوئی تھی۔

    اس سے قبل بھارتی ڈراموں اور مقامی فلموں میں‌ کام کرنے والی اداکارہ انوپما پھاٹک نے خودکشی کی تھی۔ انوپما پھاٹک اپنی ممبئی کی رہائش گاہ پر مردہ حالت میں پائی گئی تھیں۔

    انوپما بھاٹک کی خودکشی سے ایک روز قبل 24 سالہ اداکارہ سمیر شرما نے اپنی رہائش گاہ پر خودکشی کی تھی۔ پولیس نے ان کی پنکھے سے لٹکی لاش برآمد کی تھی۔

  • مقابلے کے امتحان میں ناکامی پر30 سالہ نوجوان نے خود کُشی کرلی

    مقابلے کے امتحان میں ناکامی پر30 سالہ نوجوان نے خود کُشی کرلی

    پونے: پونے کے نوی پیٹھ پڑوس میں ایک 30 سالہ شخص کو اس کے کرائے کے اپارٹمنٹ میں مردہ پایا گیا،کہا جاتا ہے کہ اس نوجوان نے مقابلے کے امتحان میں فیل ہونے پر خودکُشی کی ہے ، پولیس نے بھی اس واقعہ کی تصدیق کرتے ہوئے کہا کہ ہے جہاں اس نوجوان نے خودکشی کی ہے وہاں سے ایک تحریر بھی ملی ہے ،

    پونے پولیس کے سربراہ کا کہناتھا کہ اس شخص کی موت کا تعلق ریاستی اور مسابقتی سول سروسز کے امتحانات پاس کرنے میں ناکامی سے تھا۔

    مہاراشٹر کے جالنا ضلع کے رہنے والے تریگن کاولے کی شناخت وشرامباگ پولیس اسٹیشن کے افسران نے متوفی کے طور پر کی ہے۔مبینہ طور پر کاوالے نے پڑوس میں دوسرے امتحان دینے والوں کے ساتھ منگل کے روز اپنے معمول کے مطالعہ کے سیشن کو چھوڑ دیا۔ جب شام کے وقت اس کے کچھ ہم جماعت اسے چیک کرنے گئے تو انہیں معلوم ہوا کہ اس کا دروازہ بند تھا اور وہ ان کی کال کا جواب نہیں دے رہا تھا۔ انہوں نے پولیس کو بلایا، جنہوں نے بعد میں زبردستی دروازہ کھولا تو اسے مردہ پایا

    وشرامباگ پولیس اسٹیشن کے انچارج سینئر انسپکٹر سنیل مانے کا کہنا تھا کہ "وہ مردہ پایا گیا تھا۔ ابتدائی تفتیش خودکشی کی طرف اشارہ کرتی ہے۔ ہمیں ایک نوٹ ملا ہے جس سے ظاہر ہوتا ہے کہ اس نے مسابقتی اور سول سروسز میں ناکام ہونے کے بعد یہ سخت قدم اٹھایا۔ ہم نے ان واقعات کے سلسلے کی تحقیقات شروع کر دی ہیں جن کی وجہ سے اس کی موت واقع ہوئی۔”

    حکام کے مطابق، کاوالے چند سال قبل پونے چلے گئے تھے اور حال ہی میں ریاستی حکومت کی ملازمت کی بھرتی کے لیے ابتدائی امتحان میں شرکت کی تھی۔

    صحافیوں کے خلاف مقدمات، شیریں مزاری میدان میں آ گئیں، بڑا اعلان کر دیا

    سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

    جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

    اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس

  • غربت کے ہاتھوں پریشان باپ نے 2 بیٹیوں کا گلا کاٹ کر خودکشی کرلی

    غربت کے ہاتھوں پریشان باپ نے 2 بیٹیوں کا گلا کاٹ کر خودکشی کرلی

    فیصل آباد: غربت کے ہاتھوں پریشان باپ نے 2 بیٹیوں کا گلا کاٹ کر خود کو پھندا لگا کر خودکشی کرلی۔

    باغی ٹی وی: تفصیلات کے مطابق فیصل آباد کے علاقے محمود آباد میں عتیق نامی شخص نے غربت سے پریشان ہوکر یہ انتہائی قدم اُٹھا یا اہل علاقہ کے مطابق گھر میں سے کسی کی آواز نہ آنے اور کسی سرگرمی نہ ہونے پر پتہ کرنے کے لئے دروازہ کھٹکایا گھر کا دروازہ نہ کھلنےپراہل محلہ نے ریسکیوکو کال کی باپ اور 2 بیٹیوں کی خون آلود لاشیں دیکھ کرعلاقےمیں کہرام مچ گیا اطلاع ملنے پرریسکیو، ایدھی اور کرائم سین کی ٹیمیں موقع پر پہنچیں۔

    شیخوپورہ:قتل کرکےلاش جانوروں کی گوبرکےڈھیرمیں دبا دی گئی

    ذرائع کے مطابق گھر میں لاشوں کے قریب سے ایک تحریری پیغام بھی ملا، جس پر لکھا تھا کہ میں اپنی بیٹیوں کو چھری سے ذبح کر رہا ہوں۔ مالک مکان کا کرایہ دینا ہے ،انہوں نے تنگ کیا ہوا ہے، بیوی کی وفات کے بعد نوکری نہ ملنے سے بہت پریشان ہوں اور اپنے لیے کوئی جگہ نہیں۔

    تحریری نوٹ پر مزید لکھا تھا کہ ہماری لاشیں ایدھی ویلفیئر کو دے دی جائیں اور لاشوں کا پوسٹ مارٹم نہ کیا جائے۔ہماری اجتماعی قبریں بنائی جائیں اور گھر کا سامان بھی ایدھی ویلفیئر کو دے دیا جائے۔پولیس نے شواہد جمع کرکے واقعے سے متعلق تحقیقات شروع کردی ہے۔

    قبل ازیں ضلع شیخوپورہ کے علاقے چوک پھلروان سے صفدر آباد روڈ پر تقریباً ایک کلومیٹر دور گائوں گجر پورہ کے زمیندار بھائیوں صدیق گجر، حبیب گجر اور شفیق گجر پسران بشیر گجر نے ایک نامعلوم کے ہمراہ اپنے ملازم ولایت علی ولد کالا کو اپنے ڈیرہ پر شدید تشدد کا نشانہ بنایا تھا جس کے نتیجے میں ولایت علی کی موت واقع ہوگئی تھی –

    بچے کی نازیبا ویڈیو بنانا کر بلیک میل کرنے والے مجرم کو 22 سال قید کی سزا

    ملزمان نے مقتول کی لاش جانوروں کے باڑے ساتھ گوبر کے ڈھیر میں دبا دی تھی ملزمان نے ظلم کی انتہا کرتے ہوئے مقتول کے گھر والوں کو کہا تھا کہ ولایت علی کام چھوڑ کر بھاگ گیا ہے، قتل کے تیسرے روز شدید بارش میں گوبر بہہ جانے سے تعفن زدہ لاش برآمد ہوگئی، اہل علاقہ نے پولیس کو اطلاع دی –

    چوکی انچارج چوک پھلروان نے موقع پر پہنچ کر مقتول کے بیٹے کو بذریعہ فون اطلاع کی تھی جس پر مقتول کا بیٹا تعظیم اپنے چچا ودیگر رشتے داروں کے ہمراہ اپنے گائوں ملیانوالی سے شام سات بجے گجر پورہ گئے اور پولیس کی موجودگی میں مقتول ولایت علی کی پھولی ہوئی تعفن زدہ لاش جانوروں کی گوبر کے ڈھیر سے نکالی-

    خاتون کا آپریشن کرتے بیہوشی کی حالت میں ڈاکٹر نے کیا گھناؤنا کام، ویڈیو وائرل

  • امریکہ:2018 سے2022 تک4لاکھ 60 ہزارامریکیوں نے خود کُشی کی:شرح میں مزید اضافہ

    امریکہ:2018 سے2022 تک4لاکھ 60 ہزارامریکیوں نے خود کُشی کی:شرح میں مزید اضافہ

    واشنگٹن:جدید سہولیات ، بہترین معالج اور زندگی کی رنگینیون کے باوجود امریکی زندگی سے اُکتانے لگے، چند ہی سالوں میں خودکُشی کرنے والوں کی تعداد پانچ لاکھ کے لگ بھگ ہوگئی ، ادھر اس حوالے سے ورلڈ پاپولیشن ریویو کی ہدایت پرواشنگٹن نے امریکا میں خودکشی روکنے اور ذہنی دباؤ کا شکار افراد کی فوری مدد کے لیے ہیلپ لائن 988 متعارف کروا دی ہے

     

     

     

    ورلڈ پاپولیشن ریویو کی رپورٹ کے مطابق سال 2018 میں 41 ہزار سے زائد لوگوں نے امریکا میں خودکشی کی اور یہ اعداد و شمار سنہ 2020 میں 45979 تک جا پہنچے۔

     

     

    ڈائریکٹر نیشنل ایسوسی ایشن آف اسٹیٹ مینٹل ہیلتھ پروگرام ڈاکٹر برائن ہیپبرن کا کہنا ہے کہ ذہنی صحت کی بہبود کے حوالے اس ہیلپ لائن کا قیام ضروری تھا کیونکہ دن بدن امریکہ میں خودکشی کے اعداد و شمار بڑھتے جا رہے ہیں.

     

     

     

    امریکا میں ذہنی صحت سے متاثرہ افراد کی فلاح بہبود کیلئے ایک خطیر رقم خرچ کی جا رہی ہے جس کا مقصد ہر سطح پر لوگوں کی رہنمائی کرنا اور انہیں الجھاؤ کا شکار ذہنی کیفیت سے باہر نکالنا ہے۔ ذہنی صحت کو ملکی سطح پر بہتر بنانے کیلئے موبائل مینٹل ہیلتھ کرائسس ٹیم اور ایمرجنسی مینٹل ہیلتھ سینٹرز کا قیام بھی عمل میں لایا گیا ہے۔

     

     

    یاد رہے امریکہ میں مایوسی، ذہنی دباؤ اور اعصابی تنائو میں گھرے ہوئے لوگوں کی دن بدن بڑھتی ہوئی تعداد امریکی حکومت کے لئے چیلنج بن چکی ہے اور انہی مسائل کی وجہ سے ملک میں ہونے والی خودکشیوں کی شرح بڑھتی جا رہی ہے۔

     

  • امریکا میں خودکشی کے رجحان کو روکنے کیلئے ہیلپ لائن متعارف

    امریکا میں خودکشی کے رجحان کو روکنے کیلئے ہیلپ لائن متعارف

    واشنگٹن: امریکا میں خودکشی کا رجحان روکنے اور ذہنی دباؤ کا شکار افراد کی فوری مدد کیلئے تین ہندسوں پر مشتمل ہیلپ لائن988 متعارف کروادی گئی ہے۔

    باغی ٹی وی : عالمی میڈیا رپورٹس کے مطابق ریاست ہائے متحدہ امریکا میں مذکورہ ہیلپ لائن کا باقاعدہ آغاز کردیا گیا ہےہیلپ لائن کا استعمال 911 کی طرح ہوگا،لیکن واضح طور پر911 کی طرح پولیس،فائر فائٹرزیاپیرامیڈکس کی بجائے 988 پر کال کرنے والا شہری فوری طور پر ایک بہترین معالج سے رابطے میں ہوگا۔

    ملک بھر میں متعارف کرائی جانے والی ہیلپ لائن پر کال یا میسج کے ذریعے متعلقہ شہری کو ذہنی صحت کے حوالے سے بہترین صلاحیت رکھنے والے ماہرین تک رسائی فراہم کی جائے گی۔

    ڈائریکٹر نیشنل ایسوسی ایشن آف اسٹیٹ مینٹل ہیلتھ پروگرام ڈاکٹر برائن ہیپبرن کا کہنا ہے کہ ذہنی صحت کی بہبود کے حوالے سے یہ ایک تاریخ سازاقدام ہے، جس کا فائدہ ہر متاثرہ شخص کو منتقل کرنے کیلئے برسوں درکار ہیں۔

    امریکا میں ذہنی صحت سے متاثرہ افراد کی فلاح بہبود کیلئے ایک خطیر رقم خرچ کی جارہی ہے جس کا مقصد ہر سطح پر لوگوں کی رہنمائی کرنا اور انہیں الجھاؤ کا شکار ذہنی کیفیت سے باہر نکالنا ہے۔

    اگرچہ کچھ علاقے فی الحال 988 ڈائل کرکے لائف لائن سے منسلک ہونے کے قابل ہو سکتے ہیں، یہ ڈائلنگ کوڈ 16 جولائی 2022 سے ریاستہائے متحدہ میں ہر کسی کے لیے دستیاب ہوگا۔

    میکسیکومیں نیوی کا ہیلی کاپٹر گر کر تباہ، 14 اہلکار ہلاک

    جب لوگ 988 پر کال کریں گے، ٹیکسٹ کریں گے یا چیٹ کریں گے، تو وہ تربیت یافتہ مشیروں سے منسلک ہوں گے جو موجودہ نیشنل سوسائڈ پریونشن لائف لائن نیٹ ورک کا حصہ ہیں۔ یہ تربیت یافتہ مشیر سنیں گے، سمجھیں گے کہ ان کے مسائل ان پر کیسے اثر انداز ہو رہے ہیں، مدد فراہم کریں گے، اور اگر ضرورت ہو تو انہیں وسائل سے جوڑیں گے۔

    موجودہ لائف لائن فون نمبر (1-800-273-8255) جذباتی پریشانی یا خودکشی کے بحران میں مبتلا لوگوں کے لیے ہمیشہ دستیاب رہے گا، یہاں تک کہ 988 کو قومی سطح پر لانچ کرنے کے بعد بھی۔

    لائف لائن کا 200 سے زیادہ کرائسس سینٹرز کا نیٹ ورک 2005 سے کام کر رہا ہے، اور مؤثر ثابت ہوا ہے۔ یہ ان مقامی بحرانی مراکز کے مشیر ہیں جو لائف لائن کو روزانہ موصول ہونے والے رابطوں کا جواب دیتے ہیں۔ متعدد مطالعات سے پتہ چلتا ہے کہ لائف لائن کونسلر سے بات کرنے کے بعد کال کرنے والے کم خودکشی، کم افسردہ، کم مغلوب اور زیادہ پر امید محسوس کرتے ہیں988 ابھی تک ریاستہائے متحدہ میں تمام مواصلاتی رسائی کے مقامات پر فعال نہیں ہے۔

    بیلٹ اینڈ روڈکی تعمیر سےسنکیانگ ایک کلیدی علاقہ بن چکا ہے:چینی صدر

  • خودکشی یا حادثہ،واجبات کی عدم ادائیگی پرریٹائرڈ ریلوے ملازم بالائی منزل سے کود گیا

    خودکشی یا حادثہ،واجبات کی عدم ادائیگی پرریٹائرڈ ریلوے ملازم بالائی منزل سے کود گیا

    واجبات نہ ملنے پر ریلوے کے ریٹائرڈ ملازم روبن کی خودکشی کی کوشش ، بزرگ شہری نے ریلوے ہیڈکوارٹر کی بالائی منزل سے چھلانگ لگا دی

    باغی ٹی وی کی رپورٹ کے مطابق ریٹائرڈ ریلوے ملازم روبن کو چھ ماہ سے جی پی فنڈ نہیں ملا تھا،کیس پاس کرنے کے لیے ریلوے افسران کی جانب سے حیلے بہانے کئے جارہے تھے، ریلوے کے پاس فنڈز کی شدید قلت کے باعث ریٹائرڈ ملازمین ایک سال سے خوار ہو رہے ہیں، ذرائع کے مطابق خودکشی کی کوشش کرنے والا شخص آج بھی اپنے کیس کے سلسلے میں دفتر آیا تھا،حکام کی جانب سے کوئی مثبت جواب نہ ملنے پر دلبرداشتہ ہوگیا، ریٹائرڈ ملازم نے ریلوے حکام کو کوستے ہوئے ہیڈ کوارٹر کی بالائی منزل سے چھلانگ لگا دی،بالائی منزل سے گرنے پر ریٹائرڈ ریلوے ملازم کی ٹانگیں ٹوٹ گئیں،ریلوے ریٹائرڈ ملازم کو شدید زحمی حالت میں سروسز اسپتال منتقل کردیا گیا.

    اطلاع ملنے پر متعلقہ پولیس بھی موقع پر پہنچ گئی۔ ڈاکٹر کے مطابق مضروب بیان دینے کے قابل نہ ہے۔لیکن پتہ جوئی پر مضروب نے بتایا ہے۔کہ اسے چکر آگئے تھے۔اور وہ گر گیا۔

    روبن نے بیان دیا ہے کہ وہ واجبات کے بارے معلومات لینے آیا تھا ، کسی سے منہ ماری نہیں ہوئی نہ کسی نے بد تمیزی کی ہے ، ابھی کسی سے ملاقات بھی نہ ہوئی تھی اور میں گرلِ کے ساتھ کھڑا تھا کہ مجھے چکر آگیا اور میں اوپر سے نیچے جا گرا ،سی ای او ریلوے فرخ تیمور غلزئی نے روبن کے بیٹے شیرون سے اسپتال میں ملاقات کی اوررابن کے بہترین علاج کی سہولیات فراہم کرنے کی یقین دھانی کرائی ہے ۔

    ترجمان ریلوے کے مطابق جی ایم ویلفئیر اور چیف میڈیکل آفیسر ریلوے بھی مریض کے ساتھ سروسز اسپتال میں موجود ہیں، مریض کی حالت خطرے سے باہر ہے ۔ روبن نے نہ تو خود کشی کی کوشش کی اور نہ ہی اسُ کا پنشن سٹاف سے جھگڑا ہوا،خرابیِ صحت کی وجہ سے اور چکر آنے کی وجہ سے وہ لڑھک کر گر گیا ۔

    وزیر ریلوے خواجہ سعد رفیق نے ریلوے ریٹائرڈ ملازم روبن کا ریلوے ہیڈکوارٹر سٹور بلڈنگ سے گرنے کا واقعہ کا نوٹس لے لیا، وزیر ریلوے خواجہ سعد رفیق نے ایم ایس سروسز ہسپتال کو فون کر کے ریٹائرڈ ملازم روبن کی خیریت دریافت کی۔ایم ایس سروسز کو ہدایت کی کے ہر ممکن بہتر ین علاج معالجہ کی سہولیات مفت فراہم کی جائیں۔ وزیر ریلوے کی ہدایت پر تین رکنی اعلی افسران پر مشتمل کمیٹی تشکیل دے دی جو وزیر ریلوے کو رپورٹ پیش کرے گی۔

  • نوجوان نے ہاسٹل کے کمرے میں مبینہ طور پر خود کشی کرلی

    نوجوان نے ہاسٹل کے کمرے میں مبینہ طور پر خود کشی کرلی

    لاہور: ٹاؤن شپ میں نوجوان شاعر زین علی عباس نے ہاسٹل کے کمرے میں مبینہ طور پر خود کشی کرلی،نوجوان شاعر زین علی کے والدین نے بیٹے کی موت کوخودکشی ماننے سے انکا ر کردیا اور کہا کہ بیٹے کو ہارٹ اٹیک ہوا۔

    باغی ٹی وی : پولیس حکام کے مطابق زین عباس ٹاؤن شپ کی ایک نجی یونیورسٹی میں زیر تعلیم تھے اور انہوں نے ہاسٹل کے کمرے میں پنکھے سے لٹک کر خود کشی کی زین نے خودکشی سے قبل موبائل فون پر ایک وائس میسج بھی چھوڑا تھا۔

    اسلحہ سے بھرا ٹرک پاکستان منتقلی کی کوششیں ناکام بنا دی گئی

    زین کے والد حکیم فضل عباس کا کہنا ہےکہ بیٹے کو ہارٹ اٹیک ہواجس کی وجہ سےاس کی موت ہوئی زین عباس کے ورثاء نے پوسٹ مارٹم سے انکار کر دیا جس پر مقامی مجسٹریٹ کی اجازت کےبعد لاش ورثا کے حوالے کر دی گئی جس کے بعد ورثاء لاش آبائی قصبہ ٹانڈا ضلع گجرات لے گئے۔

    زین علی کی تدفین گجرات کے آبائی علاقے میں کردی گئی ہے نوجوان شاعر زین علی کا تعلق گجرات کےنواحی قصبہ ٹانڈا سےتھازین علی پانچ بہن بھائیوں میں سب سے بڑا تھا۔

    داؤد ابراہیم کے دو قریبی ساتھیوں کی گرفتاری کا کیا گیا دعویٰ

    قبل ازیں لاہور کے علاقے ڈیفنس میں شادی سے انکار پر نوجوان نے 24 سالہ ماڈل گرل کو قتل کر دیا،کمالیہ کی 24 سالہ سمیعہ نواز لاہور کے علاقے باغبان پورہ میں مقیم تھی، مقتولہ شادی شدہ اور تین سالہ بیٹی کی ماں تھی اور شوہر سے علیحدگی کے بعد نوجوان سلیمان سے مل کر ماڈلنگ کرتی تھی۔

    سلیمان ماڈل گرل سے شادی کرنا چاہتا تھا لیکن سمیعہ نے انکار کر دیا جس پر سلیمان نے اسے فوٹو شوٹ کے بہانے ڈیفنس میں بلایا اور گاڑی میں ہی گولی مار دی سر میں گولی لگنے سے ماڈل سمیعہ موقع پر ہی جاں بحق ہوگئی جب کہ ملزم کو پولیس نے گرفتار کرلیا۔

    شادی سے انکار پر 24 سالہ ماڈل قتل،قاتل گرفتار

  • سسرال میں ٹوائلٹ نہ ہونے پرخاتون خودکشی کرلی

    سسرال میں ٹوائلٹ نہ ہونے پرخاتون خودکشی کرلی

    نئی دہلی: سسرال میں ٹوائلٹ نہ ہونے پرخاتون نے پنکھے سے لٹک کرخودکشی کرلی۔

    باغی ٹی وی : بھارتی میڈیا کے مطابق تامل ناڈو میں 27 سالہ خاتون نے شوہرکے گھرمیں ٹوائلٹ نہ ہونے پرخودکشی کرلی۔خودکشی کرنے والی خاتون کی 6 اپریل کو شادی ہوئی تھی اوروہ شوہرسےایسا گھر لینےپراصرار کررہی تھیں جس میں ٹوائلٹ موجود ہو دونوں کے درمیان اس بات پرجھگڑا بھی ہوا تھا۔

    ہندو انتہاپسند رہنماؤں کا دباؤ:مساجد کے لاؤڈ اسپیکرز کی آواز کم کردی گئی

    خودکشی کرنے والی خاتون مقامی اسپتال میں نوکری کرتی تھیں اورسسرال میں ٹوائلٹ نہ ہونے کی وجہ سے اپنے والدین کے گھر رہ رہی تھیں اوروہیں ان کی لاش کمرے میں پنکھے سے لٹکی ہوئی پائی گئی۔

    خاتون کی والدہ کی درخواست پرمقدمہ درج کرکے تفتیش شروع کردی گئی ہے۔

    دوسری جانب بھارت کی ریاست آسام میں ایک خاتون سب انسپکٹر نے اپنے ہی منگیتر کو دھوکا دہی کے الزام میں گرفتار کرکے جیل میں ڈال دیا۔

    بھارتی میڈیا رپورٹس کے مطابق ریاست آسام کے ضلع ناگاؤن میں جنمونی ربہا نامی خاتون جو بھارتی پولیس محکمے میں سب انسپکٹر کی ذمہ داریاں سرانجام دے رہی ییں، انہیں اپنے منگیتر رانا پوگاگ کے حوالے سے لوگوں کے ساتھ دھوکا دینے کا پتا چلا تو انہوں نے پہلے اس کے خلاف ایف آئی آر درج کروائی اور پھر جمعرات کے روز اسے گرفتار کرلیا۔

    پولیس نے قتل کیس کے شواہد چوری کرنے کا الزام بندر پر لگا دیا


    پولیس حکام نے بتایا کہ ملزم نے مبینہ طور پر تیل اور قدرتی گیس کمپنی کا پبلک ریلیشن آفیسر ہونے کا جھوٹا دعویٰ کیا اور مبینہ طور پر ملازمتیں فراہم کرنے کا وعدہ کرکے کئی لوگوں کو لاکھوں روپے کا دھوکا دیا تھا تحقیقات کے دوران، پولیس کو پوگاگ کے گھر سے کمپنی کی 11 جعلی مہریں اور شناختی کارڈ سمیت کئی مجرمانہ دستاویزات ملے۔

    گھر کے اندر خودکار طریقے سے سبزیاں اگانے والا سمارٹ گارڈن

    خاتون پولیس اہلکار کے مطابق ان کی اور پوگاگ نے گزشتہ سال اکتوبر میں منگنی کی تھی اور اس سال نومبر میں شادی کرنے کا فیصلہ کیا تھا دوسری جانب سوشل میڈیا پر صارفین قانون کی پاسداری کرنے پر ربہا کی کافی تعریف کررہے ہیں تاہم منگیتر کو دھوکا دہی کے الزام میں گرفتار کرنے کے بعد منگنی برقرار ہے یا خاتون نے توڑدی اس حوالے سے تفصیلات معلوم نہیں ہوسکیں۔

    تاج محل میں مورتیوں کی موجودگی کا شبہہ، بی جے پی عہدیدارعدالت پہنچ گیا

  • مقبوضہ کشمیرمیں ایک اور بھارتی فوجی نے خودکشی کر لی

    مقبوضہ کشمیرمیں ایک اور بھارتی فوجی نے خودکشی کر لی

    سری نگر: ایک اور بھارتی پیراملٹری سینٹرل انڈسٹریل سیکورٹی فورس (سی آئی ایس ایف)کے ایک اہلکار نے خودکشی کر لی۔

    باغی ٹی وی : کشمیر میڈیا سروس کے مطابق غیر قانونی طور پربھارت کے زیر قبضہ جموں و کشمیر میںضلع بانڈی پورہ کے علاقے گریز میں بھارتی پیراملٹری سینٹرل انڈسٹریل سیکورٹی فورس (سی آئی ایس ایف)کے ایک اہلکار نے خودکشی کر لی۔

    مودی کا مقبوضہ کشمیرکا دورہ کشمیریوں کے زخموں پر نمک پاشی کے مترادف ہے،مشعال ملک

    خودکشی کرنے والے سی آئی ایس ایف اہلکار کی شناخت 28سالہ کمل جیت سنگھ کے نام سے ہوئی ہے اوروہ گریز میں تعینات تھا۔ پٹھان کوٹ سے تعلق رکھنے والے کمل جیت سنگھ نے اپنی سروس رائفل سے خود کو گولی مار کر اپنی زندگی کا خاتمہ کردیا۔

    مودی کی آمد سے قبل مقبوضہ کشمیر میں دھماکے کی اطلاع

    کشمیر میڈیا کے مطابق لاش کو طبی معائنے اور قانونی کارروائی کے لیے سب ڈسٹرکٹ ہسپتال گریز منتقل کر دیا گیا ہے اس واقعے سے جنوری 2007سے مقبوضہ جموں وکشمیر میں خودکشی کرنے والے بھارتی فوجیوں اور پولیس اہلکاروں کی تعداد 540ہو گئی ہے-

    بھارتی قابض افواج کے ہاتھوں مزید تین کشمیری نوجوانوں شہید ،پاکستان کی شدید مذمت