Baaghi TV

Tag: خیبر پختونخوا

  • خیبر پختونخواہ پیرا میڈیکل ایسوسی ایشن کی جانب سے احتجاج کی دھمکی

    خیبر پختونخواہ پیرا میڈیکل ایسوسی ایشن کی جانب سے احتجاج کی دھمکی

    پیرامیڈیکل ایسوسی ایشن کے پی کے نے پورے صوبے میں ہڑتال کا اعلان کر دیا گیا، محکمہ صحت خیبر پختو نخواکے طرف سے الائیڈ ہیلتھ سائنسز/میڈیکل فیکلٹی میں کنٹرولر فیکلٹی ایکٹ کی خلاف ورزی کرتے ہوئے محکمہ صحت نے کنٹرولر کے پوسٹ پر ڈاکٹرکی تعیناتی کی شدید مذمت کرتے ہوئے ذمہ داران سےپر زور مطالبہ کرتے ہیں کہ 24 گھنٹوں کے اندر تعیناتی کے غیر قانونی قرار دے کر میرٹ کی بنیاد پر ا ہل پیرامیڈیکس کی تعیناتی نہ کی گئی تو مورخہ سات جون بروز جمعرات صوبہ کے تمام چھوٹے بڑے ہسپتالوں سمیت میڈیکل کالجز میں مکمل ہڑتال ہو گی،ان خیالات کا اظہار پیرامیڈیکل ایسوسی ایشن خیبر پختو نخوا کے صوبائی صدر شرافت اللہ یوسفزئی،جنرل سیکرٹری لقمان گل اورکزئی،چئیرمین جوہر علی اور سنئیر نائب صدر انور خان نے پیرامیڈیکل ایسوسی ایشن خیبر پختو نخوا کے ہنگامی اجلاس سے خطاب کرتے ہو ئے کیا، انہوں نے کہا کہ اسی روز صوبے کے تمام اضلاع میں پریس کلبز کے سامنے بھر پور احتجاج کرنے کا بھی فیصلہ کیا گیا ہے اور اسی روز مزید احتجاج کا باقاعدہ اعلان کیا جائے گا اس ضمن میں حالات کی خرابی کی تمام ترذمہ داری موجودہ صوبائی حکومت اور افسران بالا پر ہوگی،انہوں نے کہا کہ سات جون کو ہڑتال ہوگی لیکن دکھی انسانیت کی خاطر ایمرجنسی ڈیوٹی سرانجام دیے جائینگے،

  • مشکل کی اس گھڑی میں خیبر پختونخوا کی قیادت عمران خان کے ساتھ کھڑی ہے، پرویز خٹک

    مشکل کی اس گھڑی میں خیبر پختونخوا کی قیادت عمران خان کے ساتھ کھڑی ہے، پرویز خٹک

    پاکستان تحریک انصاف (پی ٹی آئی) کے سینئر رہنما اور سابق وفاقی وزیر پرویز خٹک نے کہا ہے کہ مشکل کی اس گھڑی میں خیبر پختون خوا کی قیادت عمران خان کے ساتھ کھڑی ہے۔

    باغی ٹی وی : نجی ٹی وی چینل سے گفتگو کرتے ہوئے انہوں نے کہا کہ وہ تحریک انصاف کسی صورت نہیں چھوڑیں گےملک میں معاشی بے روزگاری اور امن و امان کی صورتحال سنگین ہے۔ اس وقت گرینڈ مذاکرات کی اشد ضرورت ہے، ہمیں ملک کا سوچنا ہوگا۔

    عمران خان کارکنوں کو ذاتی مقاصد کیلئے استعمال کرتے ہیں،شرجیل میمن

    پرویز خٹک کا کہنا تھا کہ جلد حکومتی ارکان سے بات چیت کرکے ملک اور قوم کی بہتری کیلئے اہم فیصلے کریں گے امید ہے پاکستان ڈیموکریٹک موومنٹ (پی ڈی ایم) حکومت مذاکرات کے سلسلے کو آگے بڑھائے گی۔

    دوسری جانب مسلم لیگ ن کے رہنما اور وزیر دفاع خواجہ آصف کا کہنا ہےکہ دفاع کے جذبےکو اقتدار کے بھوکے سیاستدان چیلنج کر رہے ہیں، نواز شریف نے جو کہا اس کی تائید کرتا ہوں، عمران خان اب دفاعی طور پر ملک کو کمزورکرنے کی کوشش کر رہا ہے۔

    قصورکا بریانی جلسہ لال حویلی کا کچھ نہیں بگاڑ سکتا،شیخ رشید

    وفاقی وزیر کا کہنا تھا کہ جو لوگ چھوڑ کر جا رہے ہیں وہ عمران خان کی غلطیوں کا بوجھ نہیں اٹھا پا رہے، رانا ثنااللہ نے جو کہا وہ سو فیصد درست ہے، 14 ماہ میں جو غلطیاں کی ہیں وہ خودکی ہیں، مزید لوگ بھی اسےچھوڑیں گے، مذاکراتی ٹیم بنائی ہےاس میں مزید نام دیں تاکہ اگریہ چھوڑ گئے تو اس کا متبادل تو ہوگا۔

    واضح رہے کہ گزشتہ روز چیئرمین پی ٹی آئی عمران خان کی جانب سے حکومت کے ساتھ مذاکرات کیلئے پی ٹی آئی کی 7 رکنی مذاکراتی کمیٹی تشکیل دی گئی تھی۔ کمیٹی میں پی ٹی آئی کے وائس چیئرمین شاہ محمود قریشی، پرویز خٹک، اسد قیصر، حلیم عادل شیخ، عون عباس بپی، مراد سعید اور حماد اظہر کا نام شامل کیا گیا تھا۔

    صدارتی ترکیہ میں صدارتی انتخابات کےدوسرے مرحلے میں ووٹنگ جاری

  • خبیر پختونخواہ کا سب سے بڑا ہسپتال مالی بحران کا شکار

    خبیر پختونخواہ کا سب سے بڑا ہسپتال مالی بحران کا شکار

    خیبر پختوںواہ میں دو بار تحریک انصاف کی صوبائی حکومت کے اثرات سامنے آنے شروع ہو گئے

    سوشل میڈیا پر پروپیگنڈہ کے لئے ٹیمیں رکھی گئیں اور انکو سرکاری خزانے سے پیسے دیئے گئے تا ہم ہسپتالوں کے لئے فنڈز نہیں رکھے گئے، خبیر پختونخواہ کا سب سے بڑا ہسپتال مالی بحران کا شکار ہو گیا ہے،

    ترجمان لیڈی ریڈنگ ہسپتال محمد عاصم کا کہنا ہے کہ ایل آر ایچ میں تمام سروسز بحال ہیں، موجودہ بجٹ سے فلحال کام چلا رہے ہیں۔ایل آر ایچ انتظامیہ نے منظور شدہ چار ارب روپے کے فنڈز ریلیز کرنے کی درخواست کی ہے۔ ڈھائی ارب کا آپریشنل جبکہ ڈیڑھ ارب کا ڈیولپمنٹل بجٹ منطور ہوا تھا جو ابھی تک نہیں ملا،بجٹ روکنے سے صوبے کے سب سے بڑے ہسپتال کو مسائل در پیش ہیں،بجٹ ریلیز سے مریضوں کو مسلسل علاج کی فراہمی کو یقینی بنایا جائے گا تنخواہیں بھی وقت پر ملیں گی ، ترجمان کا کہنا تھا کہ ایل آر ایچ دیوالیہ نہیں ہوا، منطور شدہ بجٹ ملنے سے مسائل حل ہو جائیں گے

    اگر بجٹ نہ ملا تو رپورٹس کے مطابق نہ تو تنخواہوں کے لئے پیسے ہوں گے اور نہ ہی مریضوں کے علاج کے لئے کوئی رقم.خبیر پختونخواہ کا سب سے بڑا ہسپتال مالی بحران کا شکار ہو چکا ہے،

    سماجی رابطے کی ویب سائٹ ٹویٹر پر ایک صارف نے ٹویٹ کرتے ہوئے کہا کہ پی ٹی آئی نے کے پی کے سرکاری ہسپتالوں کو بھی لوٹا! یہ صوبہ 10 سال پی ٹی آئی کے ماتحت تھا اور اس کا قرضہ بے تحاشہ بڑھتا گیا! ہم نے لیڈی ریڈنگ ہسپتال کے باہر خیموں میں آؤٹ ڈور ڈیلیوری کی تصاویر دیکھیں۔ صحت کارڈ لوٹنے کی اسکیم نے یہی کیا۔

    ایک صارف کا کہنا تھا کہ دس سال کے پی میں عمران نے خوب ایمانداری سے کرپشن کی ہے،جس کا ثبوت یوتھیا خود شئیر کر رہا ہے کہ لیڈی ریڈنگ ہسپتال دیوالیہ ہوگیا،تنخواہوں کے پیسے نہیں۔پختونخوا کا اتنا برا حشر کیا ہے کہ آخری تین ماہ میں اساتذہ کو دینے کے پیسے نہیں تھے پھر عمران بھاگ گیا۔

    خیال رہے کہ یہ اسپتال ایک خاتون جس کا نام لیڈی ریڈنگ تھا ان کے نام سے منسوب یہ ایک بڑا ہسپتال خیبرپختونخوا کے دارالحکومت پشاور میں قائم ہے۔ جبکہ یاد رہے کہ ایلس ایڈتھ آئزکس (لیڈی ریڈنگ) ہندوستان کے وائسرائے روفس آئزکس کی پہلی اہلیہ تھیں۔ وہ سنہ 1866 میں لندن میں پیدا ہوئیں تھیں اور وہ ریڈنگ کی پہلی ’مارشنیس‘ تھیں۔ برطانوی دور میں ان کے رفاہی کاموں کو مؤرخین نے انسان دوستی سے تعبیر قرار دیا ہے

    کراچی طیارہ حادثہ کی رپورٹ قومی اسمبلی میں پیش، مبشر لقمان کی باتیں 100 فیصد سچ ثابت

    ایئر انڈیا: کرو ممبرزکیلیے نئی گائیڈ لائن ’لپ اسٹک‘ ’ناخن پالش‘ خواتین کے لیے اہم ہدایات

  • خیبرپختونخوا: بارش سے ندی نالوں میں طغیانی،شاہراہِ قراقرم بند، بحرین اورکالام کےدرمیان زمینی رابطہ منقطع

    خیبرپختونخوا: بارش سے ندی نالوں میں طغیانی،شاہراہِ قراقرم بند، بحرین اورکالام کےدرمیان زمینی رابطہ منقطع

    خیبر پختونخوا کے بالائی علاقوں میں بارش کے بعد ندی نالوں اور دریاؤں میں طغیانی آگئی-

    باغی ٹی وی :بارشوں اور لینڈ سلائیڈنگ سے خیبر پختونخوا، گلگت بلتستان اور آزادکشمیر کے مختلف علاقے متاثر ہوئے ہیں جب کہ دریاؤں میں سیلابی صورتحال ہےخیبرپختونخوا کے کئی اضلاع میں گزشتہ روز سے وقفے وقفے سے بارش کا سلسلہ جاری ہے بارش کے بعد ندی نالوں اور دریاؤں میں طغیانی آگئی اپر کوہستان کے اچھار نالے میں اونچے درجے کے سیلاب کے بعد اچھار نالہ اور پانی باہ کے مقام پر شاہراہِ قراقرم کو ہر قسم کی ٹریفک کے لئے بند کردیا گیا۔

    اندھے قتل اور نقب زنی میں ملوث 10 ملزمان گرفتار


    سوات میں درال خوڑ اور دریا میں طغیانی سے بحرین پل زیر آب آنے سے بحرین اور کالام کے درمیان زمینی رابطہ منقطع ہوگیا لاکھوں افراد پھنس گئے ہیں دریائے پنچکوڑہ کے ندی نالوں میں پانی کی سطح میں اضافے کے باعث دیر چترال شاہراہ پر مینہ خوڑ میں پانی میں پھنسی گاڑیوں کو نکل لیا گیا۔

    عید کے تیسرے دن تک بہترین انتظامات یقینی بنانے کیلئے ڈی سی لاہور کی ہدایت


    اس کے علاوہ وادی کاغان کے بالائی علاقوں میں برف پگھلنے سےدریائے کنہار کے بہاؤمیں اضافہ ہوگیا جس کے بعد انتظامیہ نے شہریوں کو دریا کے قریب جانے سے منع کردیا دیر بالا میں مکان لینڈ سلائیڈنگ کی زد میں آ گیا، ملبے تلے دب کر ایک بچہ جاں بحق اور 2 افراد زخمی ہوگئے جبکہ زخمیوں کو اسپتال منتقل کردیا گیا۔

    حامد میر پر قاتلانہ حملے کو 9 سال مکمل مگر انصاف نہ مل سکا

    گلگت بلتستان کا ملک کےدیگرشہروں سے زمینی رابطہ منقطع ہوگیا جب کہ آزاد کشمیر میں سیلابی ریلوں اورلینڈ سلائیڈنگ سے مرکزی شاہراہ نیلم متعدد مقامات سے بند ہوئی دریائے نیلم میں درمیانی درجے کا سیلاب ہے اور وادی نیلم کےکئی علاقوں میں 24 گھنٹے سے بجلی معطل ہے جب کہ علاقے میں موبائل فون اور انٹر نیٹ سروسز شدید متاثر ہے۔

    محکمہ موسمیات کے مطابق خیبر پختونخوا میں بارش کا سلسلہ اگلے 24 گھنٹے تک جاری رہنے کا امکان ہے۔

  • ایمل ولی خان کا عارف علوی،عمران خان اور بیرسٹر سیف کو گرفتار کرنے کا مطالبہ

    ایمل ولی خان کا عارف علوی،عمران خان اور بیرسٹر سیف کو گرفتار کرنے کا مطالبہ

    عوامی نیشنل پارٹی (اے این پی) خیبر پختونخوا کے صدر ایمل ولی خان نے صدرِ مملکت عارف علوی اور سابق وزیرِ اعظم عمران خان کو گرفتار کرنے کا مطالبہ کیا ہے-

    باغی ٹی وی: سماجی رابطے کی ویب سائٹ ٹوئٹر پر جاری کیے گئےبیان میں صدر اے این پی کے پی کے نےکہا ہےکہ‏ تخت پنجاب کی لڑائی میں مصروف سیاستدانوں کو علم ہی نہیں ہوگا کہ آج ضلع خیبر اور تحصیل تیارزہ (جنوبی وزیرستان) میں پی ٹی آئی کے عسکری ونگ ٹی ٹی پی کے دہشتگردوں نے ہمارے بھائیوں کو شہید کیا۔ہم ایک بار پھر دہراتے ہیں کہ دہشتگردوں کو واپس لینے والوں کو فوری طور پر گرفتار کیا جائے-


    صدر اے این پی نے کہا کہ قومی سلامتی کمیٹی کے اجلاس میں آپریشن کے فیصلوں سے پہلے ان افراد کو قانون کے کٹہرے میں لایا جائے جو ان دہشتگردوں کی واپسی کے ذمہ دار ہیں۔ عمران نیازی، عارف علوی، محمودخان، جنرل فیض اور بیرسٹر سیف کو گرفتار کرکے ان سے پوچھا جائے کہ دہشتگردوں کی آبادکاری کہاں ہوئی ہے۔


    اے این پی کے صوبائی صدر نے لکھا ہے کہ ہم ایک بار پھر دہراتے ہیں کہ دہشت گردوں کو واپس لینے والوں کو فوری طور پر گرفتار کیا جائے قومی سلامتی کمیٹی کے اجلاس میں آپریشن کے فیصلوں سے پہلے ان افراد کو قانون کے کٹہرے میں لایا جائے جو ان دہشت گردوں کی واپسی کے ذمے دار ہیں۔


    ایمل ولی نے کہا کہ آپریشن آخری آپشن ہوتا ہے۔ آخری آپشن سے پہلے دہشتگردوں کے حمایتی اور لانیوالوں کے خلاف کیا کارروائی ہوئی؟ پشتونوں کو جنگی اقتصاد کا ایندھن بنانے کی اجازت ہرگز نہیں دیں گے۔ جب تک دہشتگردوں کو واپس لانیوالوں کو سزا نہیں دی جاتی، کسی آپریشن کی اجازت نہیں دیں گے۔


    ایمل ولی خان نے کہا کہ اے این پی واحد جماعت ہے جنہوں نے عام انتخابات کیلئے اپنے امیدواران کا اعلان تک کردیا ہے۔ 8اکتوبر 2023ء کو انتخابات ایک ہی دن ہونے چاہئیے۔ پنجاب میں جو انتخابات جیتے گا، کیا وہ عام انتخابات پر اثرانداز نہیں ہوگا؟ ہم کبھی بھی جمہوریت کی بنیاد پنجاب کو نہیں مانیں گے-


    انہوں نے کہا کہ ہم نے اس ملک اور اپنی قوم کیلئے قربانیاں دی ہیں۔ انگریزوں کے زمانے سے آج تک اس جمہوریت کیلئے اپنی زندگیاں داؤ پر لگادی ہیں۔ کوئی اگر اس نظام کو درہم برہم کرنے کا سوچے گا، تو ہم چپ نہیں رہیں گے۔ ہم نے اس نظام کو بچانے کیلئے اعلان کیا ہے چیف جسٹس صاحب عید تک استعفیٰ دیں-


    2013ء میں ٹی ٹی پی کی حمایت سے اور 2018ء میں فیضیابی کے نتیجے میں پی ٹی آئی کو پختونخوا پر مسلط کیا گیا۔ آج ایک بار پھرپی ٹی آئی نے ٹی ٹی پی کے ساتھ معاہدہ کیا، ان کو واپس لایا گیا تاکہ انہیں سیاسی سپورٹ دے سکیں۔ اس بار انشاء اللہ یہ نہیں ہونے دیں گے

  • سکیورٹی فورسز کی گاڑی بارودی سرنگ سے ٹکرا گئی، 2 اہلکار شہید

    سکیورٹی فورسز کی گاڑی بارودی سرنگ سے ٹکرا گئی، 2 اہلکار شہید

    خیبر پختونخوا کے ضلع خیبر کےعلاقے ضلع باڑہ میں سکیورٹی فورسز کی گاڑی بارودی سرنگ سے ٹکرا گئی،دھماکے میں 2 ایف سی اہلکار شہید اور تین زخمی ہوگئے-

    باغی ٹی وی: آئی سی پی آر کے مطابق چار گاڑیوں پرمشتمل ایف سی اہل کاروں کا قافلہ سلوپ قلعہ سے علی مسجد قلعہ جا رہا تھا کہ علاقہ ملک دین خیل کےمقام پر بارودی سرنگ کا نشانہ بن گیا –

    آئی ایس پی آر کے مطابق دھماکےسے دو اہلکار شہید نائب صوبیدار حضرت گل (عمر 37 سال، رہائشی لوئر دیر) اور سپاہی نذیر اللہ محسود (عمر 34 سال، ساکن جنوبی وزیرستان) شہید اور تین زخمی ہوگئے زخمیوں کو پشاور منتقل کردیا گیا ہے-

    آئی ایس پی آر کے مطابق علاقے میں سرچ آپریشن جاری ہے سکیورٹی فورسز دہشت گردی کو ختم کرنے کیلئے پرعزم ہیں، ایسی قربانیاں ہمارے عزم کو مزید مضبوط کرتی ہیں۔

  • خواہش تھی کہ صدر مملکت اور میں ایک ہی متفقہ تاریخ دیتے، گورنرخیبرپختونخوا

    خواہش تھی کہ صدر مملکت اور میں ایک ہی متفقہ تاریخ دیتے، گورنرخیبرپختونخوا

    الیکشن کمیشن کی جانب سے گورنر خیبرپختونخوا غلام علی کو انتخابات کے لیے خط گورنرہاوس خیبرپختونخوا کو موصول ہو گیا

    گورنرخیبرپختونخوا غلام علی کا کہنا ہے کہ خط سربمہر اور سیکریٹری کے نام ہے، میں کھولنے کا مجاذ نہیں، سیکریٹری چھٹی پر ہیں ، پیر کو آکر خود خط کھولیں گے خط کھولنے کے بعد ہی الیکشن کمیشن سے تاریخ کے حوالے سے بات کی جائیگی،دستیاب تاریخ میں الیکشن کروائینگے،انتظامات الیکشن کمیشن کا کام ہے، مجوزہ تاریخ وہ دینگے،میری خواہش تھی کہ صدر مملکت اور میں ایک ہی متفقہ تاریخ دیتے،صدر نے پنجاب انتخابات کا اعلان کیا، گزشتہ روز متفقہ تاریخ کیلئے رابطہ کیا تھا، صدر مملکت اعلان سے قبل متفقہ تاریخ کیلئے بلا لیتے تو اچھا پیغام جاتا،

    واضح رہے کہ گزشتہ روزالیکشن کمیشن نے صدرمملکت اور گورنر خیبرپختونخوا کو خط لکھا تھا ،چیف الیکشن کمشنر کی طرف سے سپریم کورٹ کے فیصلے کی روشنی میں صدرمملکت کو خط ارسال کیا گیا چیف الیکشن کمشنر سکندر سلطان راجہ کی زیرصدارت اجلاس ہوا اجلاس میں ممبران الیکشن کمیشن اور سیکریٹری نے شرکت کی، اجلاس کے بعد جاری اعلامئے میں کہا گیا ہے کہ سپریم کورٹ کے فیصلے کی روشنی میں صدر کوخط ارسال کر دیا، الیکشن کمیشن نے گورنر خیبر پختونخواہ کو مراسلے میں کہا ہے کہ سپریم کورٹ کے حکم کی روشنی میں آپ کے جواب کے منتظر ہیں

  • باجوڑمیں گھر کی چھت گرنے سے پانچ بچے جاں بحق

    باجوڑمیں گھر کی چھت گرنے سے پانچ بچے جاں بحق

    خیبر پختونخوا کے علاقے باجوڑ میں گھر کی چھت گرنے سے پانچ بچے جاں بحق ہوگئے ہیں، بچوں کا تعلق ایک ہی خاندان سے ہے۔

    باغی ٹی وی: موصول ابتدائی معلومات کے مطابق واقعہ قبائلی ضلع باجوڑ کے علاقے میں واقع خار عید گاہ مسجد کے قریب پیش آیا، جہاں کمرے کی چھت گرنے سے 5 بچے جاں بحق جب کہ دو خواتین اور بچوں سمیت 6 افراد شدید زخمی ہوئے۔

    حیدرآباد:ٹریفک حادثےمیں2خواتین جاں بحق،10افراد زخمی

    پولیس کے مطابق گھر کا سربراہ خار بازار میں ہتھ گاڑی چلاتا ہےواقعہ کی اطلاع ملتے ہی امدادی ٹیمیں بھی موقع پر پہنچ گئی، جس کے بعد مقامی افراد اور ریسکیو اہلکاروں نے ملبے تلے دبی لاشوں کو ضروری کارروائی اور زحمیوں کو فوری طبی امداد کیلئے خار ڈسٹرکٹ اسپتال منتقل کیا۔

    رپورٹ کے مطابق گھر کے تمام افراد ایک ہی کمرے میں موجود تھے۔ میڈیا کوارڈینیٹر ریسکیو باجوڑ کا کہنا ہے کہ واقعہ رات گئے پیش آیا۔

    اوکاڑہ سے اغوا ہونے والے بچے کی سر کٹی لاش برآمد

    قبل ازیں حیدرآباد میں ٹریفک حادثے میں 2 خواتین جاں بحق جبکہ 10 افراد زخمی ہوگئے تھے حادثے میں زخمی 3 خواتین کی حالت تشویشناک تھی، تحصیل شاہ کریم بلڑی کے قریب ٹریکٹر کی گاڑی کو ٹکر کے نتیجے میں حاثہ پیش آیا تھا حادثے میں زخمی افراد کو علاج کےلیے قریبی اسپتال منتقل کردیا گیا تھا-

    ادھرکل رات جو کہ نئے سال کےحوالے سے تقریبات اور منچلوں کی طرف سےفائرنگ کا سلسلہ جاری وساری تھا ،کراچی میں سال نوپر ہوائی فائرنگ کے واقعات میں 34 افراد زخمی ہوگئے تھے-

    ٹھٹھہ : پولیس کی کارروائی ،190 کلو گٹکہ مٹیریل، 1 مشین اور 150 پیکٹ گٹکہ ماوا…

  • خیبر پختونخوا میں دہشتگردی کے واقعات میں اضافہ

    خیبر پختونخوا میں دہشتگردی کے واقعات میں اضافہ

    خیبر پختونخوا میں دہشتگردی کے واقعات میں اضافہ دیکھنے میں آیا ہے

    پولیس رپورٹ کے مطابق رواں سال خیبرپختونخوا پولیس پر حملوں کے 151 کیسز سامنے آئے ،جنوری سے نومبر تک حملوں میں 105پولیس اہلکار شہید،109زخمی ہوئے،اپریل میں سب سے زیادہ 16شہادتیں ،ستمبر میں 19 پولیس اہلکار حملوں میں زخمی ہوئے،واں ماہ حملوں میں 10 پولیس اہلکار شہید،7 زخمی ہوئے،آئی جی خیبر پختونخواہ معظم جاہ انصاری کا کہنا ہے کہ پولیس کی موبائل گاڑیاں دہشتگردوں کیلئے آسان ہدف ہیں،2021میں افغانستان حکومت کی تبدیلی کے بعد دہشتگرد رہا ہوئے،امریکاکا چھوڑا ہوا اسلحہ خیبرپختونخوا کیخلاف استعمال ہورہا ہے،پاکستان 2001 سے دہشتگردی کے خلاف جنگ میں شامل ہے،یہ جنگ ہماری نہیں تھی ہم پر مسلط کی گئی،بہت سے دہشتگردوں کا خاتمہ کیا گیا،

    لڑکی بن کر لڑکوں کی نازیبا ویڈیوز بنا کر بلیک میل کرنیوالا ملزم گرفتار

    سال 2020 کا پہلا چائلڈ پورنوگرافی کیس رجسٹرڈ،ملزم لڑکی کی آواز میں لڑکیوں سے کرتا تھا بات

    فیس بک، ٹویٹر پاکستان کو جواب کیوں نہیں دیتے؟ ڈائریکٹر سائبر کرائم نے بریفنگ میں کیا انکشاف

    چائلڈ پورنوگرافی ویڈیوز سوشل میڈیا پر پھیلانے کا کیس، سپریم کورٹ کا بڑا فیصلہ

    چائلڈ پورنوگرافی میں‌ ملوث ملزم گرفتار،کتنی اخلاق باختہ ویڈیوز شیطان صفت کے پاس برآمد ہوئیں

    لڑکی کو نازیبا ،فحش تصاویر بھیجنے والا ملزم گرفتار

    دوسری جانب عوامی نیشنل پارٹی کا کہنا ہے کہ صوبے کے امن کو ایک دفعہ پھر داؤ پر لگا دیا گیا ہے۔ ٹارگٹ کلنگ، بھتہ خوری، اغواء برائے تاوان اور دہشتگردی کے واقعات ہورہے ہیں۔ خیبر پختونخوا میں پی ٹی آئی اور ٹی ٹی پی کا گٹھ جوڑ ایک نظریئے کے تحت مل کر پختون قوم اور اس سرزمین کو دہشتگردوں کے حوالے کررہے ہیں۔

  • دو سالوں میں کے پی کے پولیس کو جاری فنڈز سے متعلق سینیٹ کمیٹی کو بریفنگ

    دو سالوں میں کے پی کے پولیس کو جاری فنڈز سے متعلق سینیٹ کمیٹی کو بریفنگ

    سینیٹ کی قائمہ کمیٹی برائے سیفران کا اجلاس چیئرمین کمیٹی سینیٹر ہلال الرحمان کی زیرصدارت پارلیمنٹ لاجز میں ہوا-

    سینیٹرز بہرہ مندخان تنگی، ثانیہ نشتر، شمیم آفریدی، حاجی ہدایت اللّہ خان، ہدایت اللّہ، دوست محمد خان، لیاقت خان ترکئی، گردیپ سنگھ اور سید محمد صابر شاہ نے اجلاس میں شرکت کی۔سیکریٹری سیفران، ڈی سی اپر دیر، سیکریٹری خیبر پختونخواہ، حکام پلاننگ اینڈ ڈویلپمنٹ ڈیپارٹمنٹ کے پی کے، ایڈیشنل سیکریٹری فنانس خیبرپختونخواہ کے علاوہ دیگر متعلقہ حکام بھی اجلاس میں شریک ہوئے۔کمیٹی اجلاس کے آغاز میں محکمہ آبپاشی کی جانب سے بروقت ورکنگ پیپر مہیا نہ کرنے پر چیئرمین کمیٹی نے برہمی کا اظہار کرتے ہوئے کہا کہ اگلی میٹنگ سے پہلے تمام ریکارڈ سے متعلق ورکنگ پیپر کمیٹی میں پیش کریں۔

    قبائلی اضلاع میں تمام اسکیموں کیلئے جی آئی ایس سسٹم، پروکیورمنٹ پراسس کے حوالے سیکیپی-پی پی آراے رولز کا مشاہدہ کرنے، اور ای ٹینڈرنگ کے ذریعے ورک آرڈر جاری کرنے کے حوالے سے سیفران کی ذیلی کمیٹی کی تجاویز پر عمل درآمد نا کرنے پر کمیٹی نے برہمی کا اظہار کیا-سیفران کی قائمہ کمیٹی نے ذیلی کمیٹی کی تجاویز پر عمل درآمد کو یقینی بنانے کی سختی سے ہدایت کی۔کمیٹی نے قبائلی اضلاع میں تمام اسکیموں کی جی آئی ایس میپنگ موثر بنانے کے احکامات جاری کردئیے-متعلقہ حکام کو اگلی میٹنگ میں پیش رفت رپورٹ کمیٹی میں پیش کرنے کی ہدایت کی گئی،

    چیئرمین کمیٹی کا کہنا تھا کہ قبائلی اضلاع کو خیبرپختونخواہ میں ضم کرنے کا مقصد ان اضلاع کو کے پی کے برابر لے کر آنا تھا لیکن بدقسمتی سے ایسا نہیں ہو رہا-قبائلی اضلاع کیلئے جاری فنڈز میں بھی انصاف نہیں ہورہا-ایڈیشنل سیکریٹری فنانس کے پی کے نے کہا کہ قبائلی اضلاع کو خیبرپختونخواہ میں ضم کرتے وقت تمام صوبوں نے اپنے بجٹ کا تین تین فیصد جو 24 ارب روپے بنتے ہیں، قبائلی اضلاع کو دینا تھے جو کہ ابھی تک نہیں دئے گئے- چیئرمین کمیٹی نے کہا قبائلی اضلاع کے ساتھ زیادتی نہیں ہونی چاہئے- سینیٹر بہرہ مند خان تنگی نے کہا کہ سابقہ فاٹا نے قربانی دے کر خیبرپختونخواہ کے ساتھ چلنے کا فیصلہ کیا لیکن ان کا کوئی مداوا نہیں ہورہا-وہاں کے لوگوں کو صاف پانی تک مہیا نہیں کیا جارہا۔ایڈیشنل سیکریٹری فنانس خیبرپختونخواہ نے گزشتہ دو سالوں میں کے پی کے پولیس کو جاری فنڈز سے متعلق کمیٹی کو بریفنگ دی-سینیٹر دوست محمد خان نے کہا کچھ خسادار اور لیویز کو 18 ماہ سے تنخواہیں نہیں ملی جس پر متعلقہ حکام نے کہا کہ 30 ہزار پولیس میں سے اگر نو سو اہلکاروں کو تنخواہیں نہیں مل رہی تو کوئی مسئلہ ہو سکتا ہے جس کی جانچ پڑتال کرلیں گے-کے پی کے پولیس کے سینئیر حکام نے کمیٹی کو بتایا کہ شمالی اور جنوبی وزیرستان کے کچھ گھوسٹ اہلکار ہوسکتے ہیں -انہوں نے کہا کہ پولیس کو فنڈز کا مسئلہ نہیں ہے-سینیٹر ہدایت اللّہ نے کہا کہ ضم شدہ اضلاع کے پولیس فرنٹ لائن پر ہیں ان اہلکاروں کو گاڑیوں اور اسلحے کے مسائل ہیں ان کو زیادہ فنڈز کی ضرورت ہے- چیئرمین کمیٹی نے کہا کہ فاٹا کے فنڈز کے ساتھ زیادتی ہو رہی ہے وفاق فنڈز دیتی ہے لیکن کے پی کے خرچ نہیں کرتا- انہوں نے کہا کہ سابقہ فاٹا کے عوام کے ساتھ زیادتی نہیں ہونی چاہئے۔

    سینیٹر ثانیہ نشتر نے کہا کہ سسٹم کو ٹھیک کرنا ہوگا تب ہی چیزیں ٹھیک ہوں گی-ان کا کہنا تھا کہ بائیو میٹرک پر تنخواہیں دینی چاہئے، ای ٹینڈرنگ، ای بلنگ جیسے اقدامات سے گورننس بہتر ہوسکتی ہے ہم مدد کرنے کیلئے تیار ہیں لیکن صوبائی حکومت سنجیدگی کا مظاہرہ کرے-فنڈز بہت ہیں لیکن گراونڈ پر کچھ بھی نہیں -چیف سیکریٹری خیبرپختونخواہ کے نمائندے نے تجاویز دیتے ہوئے بتایا کہ ایک ہی محکمے کے بجائے کام ہر متعلقہ محکمے کو دینا چاہئے، زمہ داریاں بانٹنی چاہئے، ہر محکمہ اپنے ہی حدود میں رہ کر کام کرے تو تب ہی صورتحال بہتر ہوگی جس کو کمیٹی نے سراہا-چیئرمین کمیٹی نے کہا کہ محکمہ آبپاشی کے طرز کردار کو تقسیم کرنے کی ضرورت ہے جس کیلئے چیف سیکریٹری خیبرپختونخواہ کو خط لکھیں گے- اپر دیر میں نواب محمد شاہ خسرو خان کے گھر کو خالی کرانے سے متعلق معاملہ اگلے اجلاس تک موخر کردیا گیا-چیئرمین کمیٹی نے سیکریٹری سیفران سے کہا کہ وہ کمشنر اپر دیر سے کہیں کہ ان لوگوں کیلئے مشکلات پیدا نہ کریں -بصورت دیگر کمیٹی، چیف کمشنر اپر دیر اور چیف سیکریٹری خیبرپختونخواہ کو کمیٹی میں پیش ہونے کے احکامات جاری کرے گی۔ اور ان کی موجودگی میں معاملے پر بحث کے بعد کمیٹی ہدایات دے گی۔قبائلی اضلاع کے مسائل کی جانچ پڑتال کرنے کیلئے کمیٹی نے اگلی میٹنگ چیف سیکریٹری خیبرپختونخواہ کے دفتر میں کرنے کا فیصلہ کیا-کمیٹی گراونڈ پر اسکیموں کا جائزہ بھی لے گی

    جو نقشے عدالت میں پیش کئے گئے وہ سب جعلی،یہ سب ملے ہوئے ہیں، مارگلہ ہلز کیس میں چیف جسٹس کے ریمارکس

    نور مقدم قتل کیس، ظاہر جعفر پر ایک اور مقدمہ درج

    مارگلہ کی پہاڑیوں پر تعمیرات پر پابندی عائد

    ایف نائن پارک میں شہری پر حملے کا مقدمہ تھانہ مارگلہ میں درج کر لیا گیا

    سینیٹر اعظم سواتی نے ضمانت بعد از گرفتاری کی درخواست دائرکر دی