Baaghi TV

Tag: خیبر پختونخوا

  • خیبر پختونخوا:سینی ٹیشن کمپنیاں مالی بحران کی زد میں،ملازمین کی جانب سے ہڑتال کاامکان

    خیبر پختونخوا:سینی ٹیشن کمپنیاں مالی بحران کی زد میں،ملازمین کی جانب سے ہڑتال کاامکان

    خیبر پختونخوا میں سینی ٹیشن کمپنیاں مالی بحران کی زد میں آگئیں،،ملازمین کی جانب سے ہڑتال کاامکان-

    باغی ٹی وی : ذرائع محکمہ بلدیات خیبر پختونخوا کے مطابق پشاور،بنوں،کوہاٹ،مردان، ایبٹ آباد میں سینی ٹیشن ملازمین کی تنخواہ ادائیگی کے پیسے نہیں ہیں ،گرانٹ جاری نہ ہوئی تو میونسپل ملازمین ہڑتال پر جاسکتے ہیں-

    لاہور میں فضائی آلودگی برقرار،آلودہ ترین شہروں میں دوسرا نمبر

    ذرائع محکمہ بلدیاخیبر پختونخوا کے مطابق سینی ٹیشن کمپنیوں کو سالانہ 4 ارب کی گرانٹ دی جاتی ہے ،ملازمین کی جانب سے کچرا اٹھانے کا بائیکاٹ کیا جاسکتا ہے-

    ذرائع محکمہ بلدیات خیبر پختونخوا کے مطابق بنوں سینی ٹیشن کمپنی نے ملازمین کی 3 ماہ سے تنخواہ نہیں دی-

    دوسری جانب صدر کسان بورڈ پشاور کا کہنا ہے کہ سیلاب سے متاثرہ کسانوں کو ایک ایکڑ اراضی پر ایک لاکھ امداد دی جائے محکمہ زراعت توسیع پروگرام کی جانب سے کسانوں کو گندم فراہمی شروع نہیں کی گئی-

    بھارتی کرکٹ بورڈ نے غلطی مان لی؟

    صدر کسان بورڈ رضوان اللہ کا کہنا ہے کہ بارانی علاقوں میں 15اور نہری میں 25 اکتوبر سے گندم کی بوائی شروع ہوتی ہے، حکومت خیبرپختونخوا نے کاشتکاروں سے مانگ طلب نہیں کی،بیج نہ ملنے پر خیبر پختونخوا میں گندم کی بوائی تاخیر کا شکار ،فصل متاثر ہونے کا خدشہ ہے-

    ٹی ٹوئنٹی ورلڈکپ:پاکستان کرکٹ ٹیم برسبین سے میلبرن روانہ

  • خیبرپختونخوا میں 200 سےزائد بلدیاتی نمائندے پی ٹی آئی میں شامل

    خیبرپختونخوا میں 200 سےزائد بلدیاتی نمائندے پی ٹی آئی میں شامل

    پشاور: خیبرپختونخوا میں 200 سے زائد بلدیاتی نمائندے پی ٹی آئی میں شامل ہو گئے-

    باغی ٹی وی : ترجمان کے پی حکومت کے مطابق بلدیاتی نمائندوں نے پی ٹی آئی پر مکمل اعتماد کا اظہارکیا وزیر اعلیٰ خیبر پختونخوا محمود خان نے کہا کہ پی ڈی ایم میں شامل سیاسی جماعتوں کے صرف نام رہ جائیں گے،ملک میں تحریک انصاف کا مقابلہ ناممکن بن چکا ہے-

    تحریک انصاف کا 12 ربیع الاول کے فوری بعد آزادی مارچ کرنےکا فیصلہ

    محمود خان نے کہا کہ تحریک انصاف کی جڑیں گھر گھر تک پھیلی ہوئی ہیں،عمران خان کوہرمکتبہ فکر کا مکمل اعتماد حاصل ہے،امپورٹڈ کابینہ خیبرپختونخوا کو اپنا حق نہیں دے رہی،وفاقی حکومت سابقہ فاٹا کے ترقیاتی بجٹ پرخاموش ہے،ہم امپورٹڈ حکومت سے خیبرپختونخوا کا حق چھین کر لیں گے-

    واضح رہے کہ تحریک انصاف نے وفاقی حکومت کے خلاف 12 ربیع الاول کے فوری بعد آزادی مارچ کرنےکا فیصلہ کیا ہے۔تحریک انصاف خیبرپختونخوا اور پنجاب کےڈسٹرکٹ صدور اور سیکرٹریز کا اجلاس اسلام آباد میں ہواجس میں خیبرپختونخوا کے صوبائی صدر پرویزخٹک ، پنجاب کی صدر یاسمین راشد اور شاہ محمود قریشی نے شرکت کی۔

    محمد پور دیوان : نور واہ ، چک کوڑے والہ ، سڑک عرصہ 10سال سے ٹوٹ پھوٹ کا شکار ، پیدل چلنا محال

    پی ٹی آئی ذرائع کے مطابق سابق وزیراعظم عمران خان نے دونوں صوبوں کے عہدیداروں کوتیار رہنے کی ہدایت کی ہے ، انہوں نے کہا کہ کارکنوں کو تیار کریں 12 ربیع الاول کے فوری بعد آزادی مارچ کی کال دینے والے ہیں اس بار تیاری کے ساتھ آزادی مارچ کرنا ہے، آزادی مارچ کے لیے کس تیاری کے ساتھ جانا ہے مارچ کے اعلان سے قبل ہدایات جاری کی جائیں گی۔

    سینیٹ میں پی ایم ڈی سی کی تشکیل نو کا بل کثرت رائے سے منظور

  • کراچی اور خیبرپختونخوا میں ڈینگی کے وار مسلسل جاری

    کراچی اور خیبرپختونخوا میں ڈینگی کے وار مسلسل جاری

    کراچی میں ڈینگی وائرس سے ایک خاتون جاں بحق ہو گئی جس کے بعد بعد رواں سال شہر میں ڈینگی سے ہونے والی ہلاکتوں کی تعداد 33 ہوگئی ہے، جاں بحق ہونے والی خاتون کا تعلق کراچی کے ضلع وسطی سے تھا۔

    باغی ٹی وی : محکمہ کے جاری کردہ اعدادوشمار کے مطابق گزشتہ 24 گھنٹوں کے دوران کراچی میں ڈینگی وائرس سے 254 افراد متاثر ہوئے جس نے رواں ماہ مریضوں کی تعداد 5245 جبکہ رواں سال 7452 تک پہنچا دی ہے-

    نسیم شاہ کی اچانک طبیعت خراب،اسپتال منتقل

    محکمہ صحت سندھ کے مطابق ضلع وسطی کی رہائشی خاتون نجی اسپتال میں انتقال کر گئیں۔

    سندھ کے دیگر اضلاع سے رواں ماہ 971 جبکہ رواں سال 1333کیسز سامنے آئے۔ مجموعی طور پر سندھ میں رواں سال ڈینگی وائرس سے 34 ہلاکتیں ہوئی ہیں 33کا تعلق کراچی جبکہ ایک کا حیدرآباد سے ہے۔

    محکمہ صحت سندھ کی رپورٹ کے مطابق کراچی میں رواں ماہ ڈینگی کے 5 ہزار 245 کیسز رپورٹ ہوچکے ہیں جس کے بعد رواں سال اب تک ریکارڈ کیے جانے والے ڈینگی کیسز کی تعداد بڑھ کر 7 ہزار 452 تک پہنچ گئی ہے۔

    روجھان:واپڈا نے وزیراعظم کے 2 ماہ بل معاف کرنے کا حکم ہوا میں اڑا دیا،سیلاب متاثرین سے بھاری بلوں…

    پنجاب میں 373 افراد میں ڈینگی سے متاثر ہونے والے 192 افراد کا تعلق لاہور اور 101 کا راولپنڈی سے ہے اسلام آباد میں 81 نئے افراد میں ڈینگی کی تصدیق ہوئی۔

    محکمہ صحت خیبر پختونخوا کے مطابق صوبے میں 392 افراد ڈینگی میں مبتلا ہوگئے ،جس کے بعد رواں سال خیبر پختونخوا میں ڈینگی کیسز کی تعداد 7 ہزار 350 ہوگئی ہے-

    محکمہ صحت خیبر پختونخوا کے مطابق پشاور میں ڈینگی کے 175کیسز سامنے آئے، دوسری جانب مردان 95،خیبر55اور ہری پور سے ڈینگی کے 14کیسز رپورٹ ہیں-

    بلاول کا عالمی وقار دیکھ کرعمران خان تڑپ رہے ہیں، شازیہ مری

    ملک کے بیشتر شہروں میں دواؤں کی فراہمی اور قیمتیں معمول پرنہ آ سکیں، لاہور کے بازاروں میں بخار کی دوا کے بعد کینسر اور دیگر کئی بیماریوں کی دواؤں کی بھی کمی ہو گئی ہے جبکہ کراچی میں بخار، جسم میں درد اور ملیریا سمیت متعدد بیماریوں کی دوائیں نایاب ہو گئی ہیں۔

  • مانسہرہ میں بیٹے کے قتل میں ملوث سگی ماں، بہن اور کزن گرفتار

    مانسہرہ میں بیٹے کے قتل میں ملوث سگی ماں، بہن اور کزن گرفتار

    خیبر پختونخوا کے ضلع مانسہرہ میں بیٹے کے قتل میں ملوث ماں، بہن اور کزن کو گرفتار کرلیا گیا۔

    باغی ٹی وی: تفصیلات کے مطابق تھانہ گڑہی حبیب اللہ کی حدود دلولہ مکڑواہی کے رہاشی عمیر نامی نوجوان کے اندھے قتل کا معمہ حل ہوگیا، مقتول کی قاتل سگی ماں، بہن اور خالہ زاد بھائی نکلے۔

    چھریوں کے وار کر کے بھانجے نے ماموں سمیت تین افراد کو قتل کر دیا

    پولیس کے مطابق 1 ستمبر 2022 کو مقتول عمیر صابر کی والدہ نے تھانہ گڑھی حبیب اللہ میں رپورٹ کرائی کہ اس کے بیٹے نے خودکشی کرلی ہے، جس پر پولیس نے لاش قبضہ میں لےکر پوسٹ مارٹم کرایا تو رپورٹ میں ثابت ہوا کہ مقتول کو کلہاڑیوں کے وار سے قتل کیا گیا تھا۔

    پولیس نے تفتیش کا دائرہ کار وسیع کرتے ہوئے مقتول کی والدہ اور بہن کو شامل تفتیش کیا، جس پر مقتول کی والدہ نے اپنی بیٹی اور بہن کے بیٹے کے ساتھ مل کر اپنے بیٹے کو قتل کرنے کا اعتراف کرلیا بعد ازاں پولیس نے قتل میں ملوث تینوں ملزمان ماں، بیٹی اور کزن بشارت کو گرفتار کرلیا ہے-

    ناکے پر گاڑی کیوں نہیں روکی، پولیس نے گولیاں چلا دیں، شہری زخمی

    قبل ازیں لاہور میں چھریوں کے وار کر کے بھانجے نے ماموں سمیت تین افراد کو قتل کر دیا لاہور مغلپورہ کے علاقہ میں تہرے قتل کی واردات ہوئی ہے، بھانجے نے اپنی ممانی ماموں اور کزن کو چھریوں کے وار سے قتل کر دیا اور فرار ہو گیا،مقتولین کی لاشیں گھر سے ہاتھ پاؤں بندھی ہوئی برآمد ہوئی مقتولین کی شناخت کے ثاقب، مریم اور عبد اللہ کے ناموں سے ہوئی-

    آئی جی پنجاب نے ملزم کی فوری گرفتاری کیلئے سپیشل ٹیم تشکیل دینے کا حکم دے دیا، اور کہا کہ سیف سٹی کیمروں کی مدد سے ملزم کی گرفتاری کے لیے فوری اقدامات کیے جائیں-

    مانسہرہ: اسسٹنٹ کمشنر کے چھاپے کے دوران ڈر کر بھاگنے والا بچہ کرنٹ لگنے سے جاں بحق

  • خیبر پختونخوا حکومت کی کلائمیٹ چینج پالیسی کا ایکشن پلان منظور

    خیبر پختونخوا حکومت کی کلائمیٹ چینج پالیسی کا ایکشن پلان منظور

    خیبر پختونخوا حکومت کی کلائمیٹ چینج پالیسی کا ایکشن پلان منظور ہو گیا-

    باغی ٹی وی : موسم ماحولیات پراثر انداز ہونے والے 129 عوامل کا تدراک، ایکشن پلان میں شامل ہے،ایکشن پلان میں 172 ماحول دوست عوامل شامل کرنے کا فیصلہ کیا گیا ایکشن پلان میں فیصلہ کیا گیا کہ زرعی زمینوں پر ہاوسنگ سوسائٹیز کے خلاف قانون سازی کی جائے گی،فصلوں کو موسمیاتی تبدیلیوں سے محفوظ بنانے کیلئے رسک منیجمنٹ سسٹم متعارف کرایا جائے گا-

    دریائے سندھ میں کوٹری بیراج پر اونچے درجے کا سیلاب

    علاہ ازیں کلائمیٹ چینچ یونٹ کا قیام، شعبہ زراعت پر ٹیکس کم کرنا ایکشن پلان کا حصہ ہے جبکہ شعبہ زراعت،فیشریز،لائیو اسٹاک میں گرین ہاوس گیسز کے اخراج میں کمی لانا بھی ایکشن پلان کا حصہ ہے-

    موسمیاتی تبدیلی سے ممکنہ نقصانات کی پیش گوئی، کلائمیٹ ماڈل بنانا بھی ایکشن پلان کا حصہ ہے، جبکہ مال مویشی کیلئے بہتر خوراک، جنگلات کی حفاظت، ویسٹ واٹر ٹریٹمنٹ پلانٹس کا قیام پر بھی کام کیا جائے گا۔

    بڑے کمرشل، پبلک عمارتوں میں سولر واٹر ہیٹر کی تنصیب ایکشن پلان میں شامل ہے اور ہیچریز، فش فارمز میں بہتری، بارش کا پانی محفوظ کرنا اور پانی کم استعمال کرنا پالیسی بھی کا حصہ ہو گا۔

    خیبر پختونخوا اور پنجاب میں دریاؤں میں پانی کے بہاؤ کی صورتحال معمول پر آگئی

  • خیبر پختونخوا کے سرکاری اسکولوں میں داخلہ مہم ختم،ہدف پورا نہ ہو سکا

    خیبر پختونخوا کے سرکاری اسکولوں میں داخلہ مہم ختم،ہدف پورا نہ ہو سکا

    خیبر پختونخوا کے سرکاری اسکولوں میں داخلہ مہم کا سلسلہ ختم ہو گیا ہے۔

    باغی ٹی وی : محکمہ تعلیم کے مطابق سرکاری اسکولوں میں داخلے کا ہدف 10لاکھ تھا، خیبر پختونخوا کے سرکاری ا سکولوں میں 6 لاکھ 76 ہزار سے زائد بچوں کے داخلے ہو چکے ہیں-

    محکمہ تعلیم کے مطابق سرکاری ا سکولوں میں مقررہ ہدف سے3 لاکھ سے زائد بچے کم داخل ہوئے جبکہ پرائیویٹ اسکولوں میں 94 ہزار نئے بچے آئے ہیں۔

    محکمہ تعلیم کے مطابق خیبر پختونخوا کے قبائلی اضلاع کےاسکولوں میں 73 ہزارسے زائد طلبا داخل ہوئے،جن میں 44 ہزار طلبا اور705 طالبات شامل ہیں،محکمہ ابتدائی و ثانوی تعلیم کے مطابق سب سے زیادہ نئے طلبہ پشاور اور سوات میں اسکولوں میں داخل ہوئے۔

    دوسری جانب منشیات کی لعنت سے نجات حاصل کرنے والے 1200 افراد کو ان کے عزیز و اقارب کے حوالے کرنے کی ایک تقریب سے خطاب کرتے ہوئے وزیر اعلی صوبہ خیبرپختونخوا محمود خان نے کہا ہے کہ حکومت کے ساتھ ساتھ والدین کا فرض ہے کہ اپنے بچوں کے معمولات پہ نگاہ رکھیں۔

    تقریب میں کمشنر پشاور، ڈی سی پشاور اور پولیس افسران سمیت تاجر برادری کی نمائندہ شخصیات نے بھی شرکت کی۔ اس موقع پر تاجر برادری کی جانب سے 380 افراد کو ملازمتیں دینے کا بھی اعلان کیا گیا۔

    وزیراعلیٰ خیبرپختونخوا محمود خان نے اپنے خطاب میں کہا کہ صوبے کا بارڈر دور دور تک پھیلا ہوا ہے جس کی وجہ سے منشیات کی روک تھام میں مشکلات و دشواریاں پیش آتی ہیں نشے سے پاک پشاور ہمارا عزم اور ذمہ داری ہے۔

  • خیبر پختونخوا میں آج سے بارشوں کا نیا سلسلہ شروع ہونے کا امکان،پی ڈی ایم اے نے الرٹ جاری کردیا

    خیبر پختونخوا میں آج سے بارشوں کا نیا سلسلہ شروع ہونے کا امکان،پی ڈی ایم اے نے الرٹ جاری کردیا

    محکمہ موسمیات کے مطابق ملک کےبیشتر میدانی علاقوں میں موسم شدید گرم اور خشک رہے گا-

    باغی ٹی وی : محکمہ موسمیات کے مطابق جنوبی پنجاب اور بالائی سندھ میں گرد آلود ہوائیں چلنے کا امکان ہے ،خیبرپختونخوا،پنجاب ، گلگت بلتستان اور آزاد کشمیر میں بارش کا امکان ہے، اسلام آباد میں گرج چمک کے ساتھ بارش کا امکان ہے-

    محکمہ موسمیات کے مطابق ملتان ، ڈی جی خان ، بہاولپور، بہاولنگر، سا ہیوال اور ر حیم یارخان میں آندھی چلنے کا امکان ہے جبکہ کوہستان ،چترال،دیر ، سوات،مالاکنڈ، کوہاٹ، لکی مروت ، بنوں اور بونیر میں بارش متوقع ہے-

    ملکی وے کہکشاں میں ایک آزادانہ گشت کرتا ہوا بلیک ہول دریافت

    محکمہ موسمیات کے مطابق کالام ،بالاکوٹ اور کرم میں تیز ہوا ؤں اورگرج چمک کے ساتھ بارش کا امکان ہے جبکہ خیبر پختونخوا کے بیشتر اضلاع میں آج سے بارشوں کا نیا سلسلہ شروع ہونے کا امکان ہے بارشوں اور تیز ہواوں کا سلسلہ 22 جون تک وقفے وقفے سے جاری رہنے کا امکان ہے-

    محکمہ موسمیات کی ملک بھر میں تیز بارشوں کی پیشگوئی، وزیر اعظم کی متعلقہ محکموں کو…

    محکمہ موسمیات کی پیشگوئی کے بعد پی ڈی ایم اے کی جانب سے ضلعی انتظامیہ اور متعلقہ اداروں کو الرٹ رہنے کا مراسلہ ارسال کر دیا گیا ہے پی ڈی ایم اے کا کہنا ہے کہ بالائی خیبر پختونخوا کے بعض علاقوں میں لینڈسلائیڈنگ کا خدشہ ہے-

    موسمیاتی تبدیلیوں کےاثرات:پاکستان میں تین دہائیوں میں3لاکھ افرادجان سےہاتھ…

  • خیبر پختونخوا محکمہ ٹرانسپورٹ کا پرانی گاڑیوں کے خلاف کریک ڈاون کا فیصلہ

    خیبر پختونخوا محکمہ ٹرانسپورٹ کا پرانی گاڑیوں کے خلاف کریک ڈاون کا فیصلہ

    خیبر پختونخوا محکمہ ٹرانسپورٹ نے پرائیویٹ تعلیمی اداروں کے زیر استعمال پرانی گاڑیوں کے خلاف کریک ڈاون کا فیصلہ کیا ہے-

    باغی ٹی وی : ڈائریکٹر ٹرانسپورٹ خیبر پختونخوا نے کہا کہ ان فٹ اور انسانی زندگی کیلئے نقصان دہ گاڑیوں کی رجسٹریشن منسوخ کی جا سکتی ہے 27جون کے بعد وہیکل ایگزامینر سے ان فٹ تعلیمی ادارے کی گاڑی کوکسی بھی روٹ پر چلنے کی اجازت نہیں ہوگی-

    ایف اے ٹی ایف کا اجلاس آج سے شروع،پاکستان کا گرے لسٹ سے نکلنے کا قوی امکان

    ڈائریکٹر ٹرانسپورٹ خیبر پختونخوا نے کہا کہ محکمہ ٹرانسپورٹ، پولیس اور ضلعی انتظامیہ کے ہمراہ تعلیمی اداروں کے اندر فٹنس کا معائنہ کرے گی،ان فٹ اور آلودگی پھیلانے والے گاڑیوں کو موقع پر تحویل میں لیا جائے گا،تعلیمی اداروں کا معائنہ چھٹی کے روز یا اتوار کو کیا جائے گا تاکہ طلبہ پر اثر نہ ہو-

    ڈائریکٹر ٹرانسپورٹ خیبر پختونخوا نے کہا کہ ان فٹ گاڑیوں کی رجسٹریشن منسوخ کرنے کیلئے محکمہ ایکسائز کو بھی درخواست دی جائے گا ،فیصلے کے حوالےسے پرائیویٹ ا سکولز ریگولیٹری اتھارٹی کو بھی خط لکھا گیا-

    آئی ایم ایف کو نئے مجوزہ بجٹ پر تحفظات ہیں،وزیر خزانہ

    واضح رہے کہ گزشتہ برس دسمبر میں خیبر پختونخوا کے محکمہ ٹرانسپورٹ نے پرانی گاڑیوں پر مکمل پابندی عائد کرتے ہوئے کسی بھی روٹ پر چلنے سے روک دیا تھا محکمہ ٹرانسپورٹ نے کہا تھا کہ ماڈل 2000 اور دسمبر 2000 سے پہلے کی رجسٹرڈ گاڑیوں کو سڑکوں پر لانے پر پابندی ہو گی۔

    ڈائریکٹر ٹرانسپورٹ فہد اکرام نے کہا تھا کہ پرانی گاڑیاں ماحول کے لیے خطرہ ہیں اور ان پرانی گاڑیوں کو خیبر پختونخوا کے کسی بھی روٹ پر چلنے کی اجازت نہیں ہو گی تاہم دسمبر 2000 سے پہلے رجسٹرڈ تعلیمی اداروں کی گاڑیوں پر 15 جنوری کے بعد پابندی عائد ہو گی پرانی گاڑیوں کو نئی میں تبدیل کرنے کے لیے ایک ماہ کی رعایت دی جا رہی ہے تاہم رعایتی مدت کے بعد فیصلے پر سختی سے عمل کیا جائے گا۔

    سرکاری پولیس گاڑی میں ڈیزل ڈالنے والا اہلکار معطل

  • خیبر پختونخوا میں جنگلات کو جان بوجھ کر آگ لگائے جانے کا انکشاف،12 ملزمان گرفتار

    خیبر پختونخوا میں جنگلات کو جان بوجھ کر آگ لگائے جانے کا انکشاف،12 ملزمان گرفتار

    پشاور: خیبر پختونخوا میں جنگلات کو جان بوجھ کر آگ لگائے جانے کا انکشاف ہوا ہے-

    باغی ٹی وی : محکمہ جنگلات کا کہنا ہے کہ ذاتی ملکیتی جنگلات کو حکومتی امدادکی غرض سے آگ لگائی گئی ،پولیس کا کہنا ہے کہ خیبر پختونخوا میں جنگلات کو آگ لگانے میں ملوث 12 افراد کو گرفتار کرلیا گیا ہے-

    اسلام آباد :ڈکیتی مزاحمت پر فائرنگ سے فوڈ پانڈا کا مینیجر جاں بحق

    گرفتار افراد میں 4 ایبٹ آباد ،4 سوات،2 دیر لوئراور 2 کا تعلق خیبر سے ہے، گرفتار افراد کے خلاف محکمہ جنگلات ایکٹ کے تحت کارروائی کی جائیگی،سرکار کے زیر انتظام جنگلات میں صرف 3 مقامات پر آگ لگنے کے واقعات رپورٹ ہوئے-

    دوسری جانب،ڈپٹی کمشنر ضیاالرحمان شانگلہ کا کہنا ہے کہ مختلف مقامات پر آگ لگانے میں ملوث3 ملزمان کو گرفتار کر لیا گیا ہے،کارروائیاں تمام ملزمان کی گرفتاری تک جاری رہی گی ملزمان میں ایک پربشام کے جنگلات میں آگ لگانے پر ایک لاکھ روپےجرمانہ عائد کیا جائے گا ،،گرفتاریاں انٹیلی جنس معلومات کی بنیاد پر کی گئیں-

    مارگلہ ہلز میں آتشزدگی،پاک فوج کا ہیلی سول انتظامیہ کی مدد میں مصروف

    ادھر ایبٹ آباد کے علاقے بانڈہ سید خان کے رہائشی مکانوں میں آگ لگ گئی،آگ نے 3 سے4 مکانوں کو لپیٹ میں لے لیا،آگ ویلج کونسل چیئرمین شیر خان جدون کے مکانوں میں لگی، مقامی افراد اپنی مدد آپ کے تحت آگ بجھانے میں مصروف ہیں-

    جبکہ کوٹلی آزاد کشمیر میں چڑھوئی پنجن کے جنگل میں آگ لگ گئی، حکام کا کہنا ہے کہ آگ لگنے سے درختوں سمیت جنگلی حیات متاثر ہوئی، جنگل میں لگی آگ سے قریبی آبادی متاثر ہونے کا خدشہ ہے-

    دوسری جانب اسلام آباد،سیکٹر ایچ 12 کے جنگل میں ایک بار پھر آگ بھڑک اٹھی، آگ بجھانے کے لیےسی ڈی اے اور ایم سی آئی کا عملہ پہنچ گیا، فائر بریگیڈ کی 3 گاڑیاں آگ بجھانے میں مصروف ہے-

    نوشہرہ میں ٹرانسفارمر پھٹنے سے آگ لگ گئی،13 سالہ لڑکے سمیت 3 راہ گیرشدید زخمی

  • شہباز گِل حکومت کےخلاف نفرت کی فصل بونےلگے،مرنےمارنےکی دھمکیوں پر اتر آئے

    شہباز گِل حکومت کےخلاف نفرت کی فصل بونےلگے،مرنےمارنےکی دھمکیوں پر اتر آئے

    خیبر پختونخوا: سابق وزیراعظم عمران خان کے سابق معاون خصوصی شہباز گِل ملک میں لسانیت کی آگ بھڑکانے لگے۔

    باغی ٹی وی : خیبر پختونخوا میں شہباز گِل حکومت کے خلاف نفرت کی فصل بونے لگے اور مرنے مارنے کی دھمکیاں دینے پر اتر آئے۔

    شہباز گل نے کہا کہ خیبر پختونخوا میں وہ لوگ رہتے ہیں جو ایک تھپڑ کا جواب دس نسلوں تک دینا جانتے ہیں، حکومتی کارروائی کے جواب میں جو ہتھیار یہ نکال کر لائیں گے اس کا تو حکومت کو پتہ بھی نہیں چلے گا۔

    سیاسی رہنماؤں کی تقاریر میں وہ شائستگی نہیں رہی جو پہلے ہوا کرتی تھی،پشاور ہائی کورٹ

    دوسری جانب چیف جسٹس پشاور ہائی کورٹ قیصر رشید نے ٹک ٹاک پر غیر اخلاقی مواد کےکیس کی سماعت کے دوران ریمارکس دیےکہ اب تو سیاسی رہنماؤں کی تقاریر میں وہ شائستگی نہیں رہی جو پہلے ہوا کرتی تھی، حکومت اسے روکنےکے لیے بھی ضروری اقدامات کرے۔

    ملک بھر میں یوٹیلیٹی اسٹورز پرگھی اورکوکنگ آئل مزید مہنگا

    پشاور ہائی کورٹ میں ٹک ٹاک پر غیر اخلاقی مواد شیئر ہونے سے متعلق کیس کی سماعت ہوئی، سماعت چیف جسٹس قیصر رشید اور محمد ابراہیم خان نےکی چیف جسٹس قیصر رشید نے ریمارکس دیےکہ بعض چیزیں پی ٹی اے کے دائرہ اختیار میں نہیں، عدالتی احکامات پر اب کافی حد تک عمل درآمدکیا گیا ہے اور لاکھوں کی تعداد میں ویڈیوز ختم کی گئی ہیں اور ہزاروں ایسے افرادکے اکاؤنٹس بلاک کیےگئے ہیں۔

    چیف جسٹس نے مزیدکہا کہ آج کل ٹاک ٹاک ایک طرف، اب تو سیاسی لیڈر شپ بھی ناشائستہ زبان استعمال کر رہی ہے، ان کی تقاریرمیں وہ شائستگی نہیں رہی جو پہلے ہوتی تھی، حکومت کو اس حوالے سے ضروری اقدامات کرنے چاہئیں

    پاکستان

    عوامی نمائندوں کو تمباکو کے انسداد بارے آگاہی پیدا کرنی چاہیے، یوسف رضا گیلانی