Tag: دا لیجنڈ آف مولا جٹ‌

اداکار گوہر رشید جو کہ دا لیجنڈ آف مولا جٹ کا حصہ ہیں انہوں نے اپنے حالیہ انٹرویو میں‌کہا ہے کہ مجھے دو باتوں کی بہت خوشی ہے کہ ایک تو یہ کہ میں‌دا لیجنڈ آف مولا جٹ کا حصہ ہوں دوسرا یہ کہ فلم فائنلی ریلیز ہونے جا رہی ہے . گوہر رشید نے کہا کہ فلم کو دیکھنے کے لئے شائقین خاصے پرجوش ہیں اس چیز کا اندازہ ایڈوانس بکنگ کو دیکھ کر بھی لگایا جا سکتا ہے. جب مجھے دا لیجنڈ آف مولا جٹ آفر ہوئی تو مجھے بہت خوشی ہوئی بلال لاشاری چونکہ میرے بھائی بھی ہیں تو مجھے لگا کہ میں اپنے بھائی کا خواب پورا کرنے جا رہا ہوں. لہذا میں نے ہاں کر دی اور میرا کردار ماکھا نت بھی بہت زبردست ہے . میں لاہور میں پلا بڑھا مجھے پنجابی بولنی آتی ہے لیکن فلم

میں ٹھیٹھ پنجابی ہے اس لئے کبھی کسی لفظ پر اڑ جاتا تھا. لیکن سیٹ پر ٹرانسلیٹرز موجود ہوتے تھے وہ مطلب سمجھا دیا کرتے تھے. اس فلم میں ہم سب نے بہت محنت کی ہے لیکن بلال لاشاری کی بطور ڈائریکٹر بہت ہی زیادہ محنت ہے. دا لیجنڈ آف مولا جٹ جیسی فلم پاکستان کی تاریخ میں پہلے کبھی نہیں بنی . میں اپنے مداحوں سے یہ کہنا چاہوں گا کہ آپ انتظار نہ کریں اور جا کر فلم دیکھیں یہ بڑی سکرین کی فلم ہے اس کا کسی پلیٹ فارم پر ریلیز ہونے کا انتظار مت کیجے. گوہر رشید نے اس انٹرویو میں اپنے مداحوں سے کہا کہ وہ فلم کو ضرور دیکھیں.

دا لیجنڈ آف مولا جٹ کا صرف پاکستان میں ہی نہیں پوری دنیا میں جہاں جہاں پنجابی سمجھنے والے لوگ ہیں منتظر ہیں.انتظار کی گھڑیاں ختم ہونے کو ہیں. فلم کی پوری ٹیم جم کر پرموشنز میں مصروف ہے. ماہرہ خان نے حال ہی میں ایک انٹرویو دیا ہے اس میں انہوں نے بتایا ہے کہ کس طرح سے انہیں شوٹنگ کے دوران مشکلات پیش آئیں. ماہرہ خان نے کہا کہ سخت سردیوں کا موسم تھا جب اس فلم کی شوٹنگ ہو رہی تھی اور میرے سینز شوٹ ہونے تھے. سردی کی شدت اتنی زیادہ تھی کہ میں اور فواد کانپ رہے ہوتے تھے اور ہمارے منہ سے بہت مشکل سے ڈائیلاگز

نکل رہے ہوتے تھے. سخت سردی کے موسم کی وجہ سے میں بیمار بھی پڑ گئی تھی میری خاصی طبیعت بھی خراب رہی لیکن کوئی ایک دن ایسا نہیں آیا کہ فلم کی شوٹنگ ہماری وجہ سے کینسل ہوئی ہو. ماہرہ خان نے کہا کہ موسم چاہے جتنا بھی سرد تھا ہمیں اپنا کام کرنا تھا اور ہم نے اپنا کام کیا. یاد رہے کہ ماہرہ خان اور فواد خان کو شائقین ایک دہائی کے بعد ایک ساتھ کسی پراجیکٹ میں دیکھ رہے ہیں. کہا جا رہا ہے کہ فلم پرانی فلم مولا جٹ کی ہو بہو نقل نہیں ہے کردار وہی ہیں لیکن فلم کی کہانی کو مختلف انداز میں بنایا گیا ہے.

اداکار حمزہ علی عباسی کا کہنا ہے کہ میرے لئے وہ لمحات مایوس کن ہیں جو اللہ کے قریب نہ گزریں۔ میں فلموں میں کام کرنے کو برا نہیں سمجھتا لیکن اللہ نے جو دائرہ متعین کر دیا ہے اس سے باہر نکل کر کاکم کرنے کو برا سمجھتا ہوں۔ میں نے کبھی فلم انڈسٹری نہیں چھوڑی نہ چھوڑوں گا لیکن جب اچھا اور میری مرضی کا کام ملے گا کروں گا لیکن حدود کے اندر رہ کر۔ حمزہ علی عباسی نے کہا کہ میں اختلاف رائے کو بہت زیادہ پسند کرتا ہوں۔لیکن گالی گلوچ مجھے بالکل بھی پسند نہیں ہے میں اس بات کا قائل ہوں کہ کسی کی بھی سنیں اپنی بھی سنائیں لیکن گالی

گلوچ نہ کریں اور صرف نظریات کے اختلاف کی بنیاد پر کسی کو برا بھلا کہنے کا رواج ختم ہونا چاہیے۔ میری فلم دا لیجنڈ ٓف مولا جٹ لوگوں کو بہت پسند آئیگی ہم سب پر امید ہیں ہم نے جو کرنا تھا کر لیا اب ہمیں شائقین کے ریسپانس کا انتظار ہے. یاد رہے کہ حمزہ علی عباسی کی فلم دا لیجنڈ آف مولا جٹ 13 اکتوبر کو ریلیز ہونے جا رہی ہے . اس ھوالے سے آج کل فلم کی پرموشنز جاری ہیں .فلم کی پوری ٹیم فلم کی کامیابی کے لئے پرامید ہے.شائقین حمزہ اور فواد کی جوڑی دیکھنے کےلئے بےتاب ہیں.

ہر آرٹسٹ کی زندگی کا کوئی ایسا پراجیکٹ ضرور ہوتا ہے جو اسکی زندگی بدل کر رکھ دیتا ہے. اگر ہم کہیں کہ ڈرامہ سیریل ہمسفر نے فواد خان کی زندگی بدل کر رکھ دی ان کا کیرئیر عروج پہ پہنچا دیا تو بےجا نہ ہو گا. اور فواد خان بھی اس چیز کو مانتے ہیں. انہوں نے اپنے حالیہ انٹرویو میں کہا ہے کہ ڈرامہ سیریل ہمسفر نے میری زندگی بدل کر رکھ دی ہے میری کیا ماہرہ خان کی بھی زندگی بدل کر رکھ دی. میں مانتا ہوں کہ اس پراجیکٹ نے

ہمیں بہت کچھ دیا ہے اور میں آج تک اس ڈرامہ کی تمام ٹیم کو یاد رکھے ہوئے ہوں اور ان کا شکر گزار ہوں.اس ڈرامے کے بعد شاید میں نے سٹار ڈم دیکھا. جہاں جاتا تھا لوگ پہچانے تھے. آج جس بھی مقام پر ہوں اس میں ہمسفر کا بہت بڑا ہاتھ ہے. یوں فواد خان نے بتا دیا کہ ڈرامہ سیریل ہمسفر نے ان کی زندگی کو کس طرح سے بدل کر رکھ دیا کہ بالی وڈ تک ان کی شہرت جا پہنچی آج فواد خان صرف پاکستان کے لئے ہی نہیں بالی وڈ کے بھی سپر سٹار ہیں. یاد رہے کہ ڈرامہ سیریل ہمسفر میں ماہرہ اور فواد کے علاوہ عتیقہ اوڈھو و دیگر بھی تھے ڈرامے کی ڈائریکشن درمد سلطان کھوسٹ کی تھی.

پاکستان اور بالی وڈ میں یکساں مقبولیت رکھنے والے فواد خان کی 13 اکتوبر کو دا لیجنڈ آف مولا جٹ ریلیز ہونے جا رہی ہے. فلم میں فواد خان مولا جٹ کا کردار ادا کررہے ہیں. فواد خان نے اس فلم کےلئے اپنا وزن بھی بڑھایا اور وزن بڑھایا تو پھر بیمار بھی پڑ گئے. آج کل فواد اپنی فلم کی پرموشنز میں مصروف ہیں اور اسی دوران انہوں نے ایک انٹرویو دیا ہے اس میں انہوں نے بتایا ہے کہ وہ ٹی وی پر کب نظر آئیں گے . فواد خان کا کہنا ہے کہ ابھی میرا مستقبل قریب میں تو ٹی وی پر آنے کا کوئی پلان نہیں ہے کیونکہ ابھی کوئی ایسا پراجیکٹ ہاتھ نہیں لگا کہ میں نے

ہاں کی ہو یا اس کی شوٹنگ شروع ہوئی ہو . ہاں اگر اچھا پراجیکٹ‌ میرے پاس آیا اور میرا کردار بھی اس میں اچھا ہوا تو یقینا کروں گا میں جانتا ہوں کہ میرے مداح مجھے دیکھنا چاہتے ہیں. فواد خان نے کہا کہ ڈرامہ انڈسٹری نے تو میری زندگی بدل کر رکھ دی لہذا میرے دل میں ڈرامہ انڈسٹری کے لئے بہت زیادہ عزت ہے. اور جب بھی مجھے یہاں کام کرنے کا موقع مسیر آیا میں کروں گا. یاد رہے کہ فلم دا لیجنڈ آف مولا جٹ کی ایڈوانس بکنگ شروع ہو چکی ہے اور شائقین بے صبری سے اس فلم کی ریلیز کا انتظارکررہے ہیں.

فواد خان نے اپنے حالیہ انٹرویو میں بتایا ہے کہ دا لیجنڈ آف مولا جٹ میں جو گنڈاسہ استعمال کیا گیا ہے اس کا وزن چھ سے سات کلو تھا. انہوں نے کہا کہ گنڈاسہ چلانا آسان کام نہیں ہے اسے چلانا مکمل ایک فن ہے جو ہر کسی کو نہیں آتا. اس کو پکڑنے کا ایک خاص انداز ہے وہ انداز میں‌نے سیکھا. ہمیں گنڈاسے کو اٹھانا اور چلانا تھا لہذا اسکو اس طرح سے چلایا اور اٹھایا کہ ماڈرن بھی لگے. فواد خان نے کہاکہ اصلی گنڈاسہ اسلئے استعمال کرنا پڑا کیوںکہ

پلاسٹک کا گنڈاسہ ٹھیک نہیں لگ رہا تھا وہ ویسا تاثر نہیں دے رہا تھا جیسا ہمیں چاہیے تھا اس لئے فیصلہ کیا گیا کہ اصلی گنڈاسہ ہی استعمال کیا جائیگا. گنڈاسہ وزنی ہونے کی وجہ سے چلانا آسان نہ تھا لیکن ہم نے کوشش کی اور یہ کوشش کیسی رہی وہ آپ فلم دیکھ کر محسوس کر سکتے ہیں. یاد رہے کہ دا لیجنڈ آف مولا جٹ کو بننے اور پھر ریلیز ہونے میں‌ کافی سال لگے ہیں. فلم کی کہانی ، کردار ہر چیز پر بہت زیادہ کام کیا گیا ہے کرداروں کے گیٹ اپس پر بہت وقت لگا. بلال لاشاری ویسے بھی نوجوان نسل کے نمائندہ ڈائریکٹر ہیں اس لئے نوجوان نسل دا لیجنڈ آف مولا جٹ دیکھنے کےلئے بےتاب ہے.

”فواد خان” نے حال ہی میں ایک انڑویو دیا ہے اس میں انہوں نے کہا ہے کہ ایک وقت میں ایک ہی کام کرنا پسند کرتا ہوں. ایک سے زیادہ کام میں مینج ہی نہیں‌ کر پاتا شاید کیرئیر کے آغاز میں دو پراجیکٹ ایک ساتھ کئے تھے لیکن اس کے بعد کبھی نہیں کئے. فواد خان نے ایک سوال کے جواب میں کہا کہ مجھے پنجابی بولی نہیں آتی تھی جب ڈائیلاگ بولنے ہوتے تھے تو میری ٹانگیں کانپ جاتی تھیں، نروس ہو جاتا تھا لیکن سکرین پر آپ کو یہ چیز نظر نہیں آئیگی. انہوں نے اس انٹرویو میں‌ یہ بھی کہا کہ میں کردار یا کوئی بھی پراجیکٹ کرنے میں سست ہوں، کافی وقت لگ جاتا

ہے مجھے یہ فیصلہ کرنے میں‌ کہ میرے پاس جو پراجیکٹ آیا ہے کرنا ہے یا نہیں کرنا. انہوں نے کہا کہ میں کراچی میں پیدا ہوا لیکن میری سکولنگ اور پرورش لاہور میں ہوئی ، گھر کا ماحول ایسا تھا کہ اس میں پنجابی بولی نہیں جاتی تھی اس لئے مجھے پنجابی بولنے اور سمجھنے میں دقت پیش آتی ہے لیکن فلم کے لئے بہت محنت کی اور بہت سارے لفظوں‌ کے مطلب پوچھتا رہا اور مجھے لگتا ہے کہ مجھے اب ان کے معنی بھی بھول چکے ہوں گے. یاد رہے کہ فواد خان کی فلم دا لیجنڈ آف مولا جٹ 13 اکتوبر کو سینما گھروں میں ریلیز ہونے جا رہی ہے. فلم کی ایڈوانس بکنگ کامیابی سے جاری ہے.

دا لیجنڈ‌آف مولا جٹ جو کہ 13 اکتوبر کو سینما گھروں کی زینت بننے جا رہی ہے اس کی پرموشنز کا باقاعدہ آغاز کر دیا گیا ہے. حال ہی میں فواد خان اور حمز ہ علی عباسی کی ایک وڈیو سامنے آئی ہے جس میں دونوں ایکدوسرے کے ساتھ نوک جھوک کررہے ہیں. اس وڈیو میں ان دونوں سے ایک سوال کیا جاتا ہے کہ سکرین پر تو مولا اور نوری کی دشمنی دکھائی گئی ہے حقیقی زندگی میں فواد اور حمزہ کی آپس میں لگتی تو ہو گی نا اس پر فواد نے کہا ارے آپ کیا بات کرتے ہیں ایسی بات آڈینز کے سامنے کررہے ایسا بالکل نہیں ہے ہمارا فلم میں ویر ہے ویسے تو ہم فرینڈز ہیں. اس وڈیو میں ایک اور سوال کیا گیا کہ ناشتہ تو آپ لوگ اکٹھے ہی کرتے ہوں گے تو دونوں ایک ساتھ بول پڑے جس پر دونوں ایک دوسرے سے کہتے رہے کہ

پہلی آپ بولیں ، پہلے آپ بولیں . اس کے بعد فواد نے کہا کہ کھانے کا شوق بھی حمزہ آپ کو ، میک اپ میں بھی زیادہ وقت آپ کو لگتا تھا حالانکہ فلم کا ہیرو میں ہوں . اس پر حمزہ علی عباسی تھوڑے sad ہو جاتے ہیں لیکن پھر کہتے ہیں کہ لیکن پیارے افضل تو میں ہوں اس کے جواب میں فواد خان کہتے ہیں کہ کیا مطلب ہے کہ میں پیارا نہیں ہوں؟ نہیں نہیں اس بات کا مطلب کیا ہے یہ جو فزیک بنائی ہے میں نے ابھی فواد اتنا ہی کہتے ہیں تو حمزہ علی عباسی کہتے ہیں کہ میری فلم ہے پرواز ہے جنون ، فواد پھر کہتے ہیں کہ دو تین فلمیں کیا کر لیں‌دماغ ہی خراب ہو گیا ہے اس کا. اتنی دیر میں انٹرویو کرنے والا اٹھ کر چلا جاتا ہے جس پر فواد خان کہتے ہیں کہ سوال پوچھنے والا اٹھ کر چلا گیا ہے اب بتائیے اپنی فلموں کے بارے میں ، اس کے بعد دونوں کھل کھلا کر ہنس پڑتے ہیں. شائقین اس وڈیو سے بہت زیادہ محظوظ ہو رہے ہیں. ی ہوڈیو ہلکے پھلکے انداز میں فلم کی پرموشن کے لئے بنائی گئی ہے.

دا لیجنڈ آف مولا جٹ کی دیوانگی شائقین کے سر چڑھ کر بول رہی ہے پاکستان سمیت دنیا کے کئی ممالک میں یہ فلم نمائش پذیر ہورہی ہے. فلم کی ایڈوانس بکنگ بھی کئی جگہ پر شروع ہو چکی ہے پاکستان میں یکم اکتوبر کو ایڈوانس بکنگ کا آغاز ہو گا. اطلاعات یہ ہیں‌کہ دنیا کے کئی ممالک میں جہاں ایڈوانس بکنگ کا آغاز ہو چکا ہے وہاں دا لیجنڈ آف مولا جٹ کی ٹکٹیں ریلیز سے دو ہفتے پہلے ہی فروخت ہو چکی ہیں. کہا جا رہا ہے کہ ناورے میں تمام ٹکٹس بِک چکی ہیں یوں وہاں تو ہائوس فل کی رپورٹ ایڈوانس میں ہی مل گئی ہے اسی طرح‌ دیگر ممالک سے بھی

ایسی ہی رپورٹس آرہی ہیں اب دیکھنا یہ ہے کہ پاکستان میں ایڈوانس بکنگ کو کتنا ریسپانس ملتا ہے.یقینا اچھا ہی رپسپانس ہو گا کیونکہ نوجوان نسل خصوصی طور پر یونیورسٹیز اور کالجز میں تعلیم حاصل کرنے والے ینگسٹرز فلم دیکھنےکےلئے بےتاب ہیں. اس فلم کے ڈائریکٹر بلال لاشاری بہت پر امید ہیں ان کا کہنا ہے کہ انہوں نے ایک الگ چیز بنائی ہے یقینا شائقین پسند کریں گے. اسی طرح سے فواد خان کا بھی ایسا ہی ماننا ہے کہ شائقین سیٹوں سے نہیں اٹھیں گے اس فلم کا سحر ان کو پوری طرح سینما گھر میں جکڑ لے گا بلکہ جو ایک بار دیکھ کر جائے گا وہ دوبارہ بھی آئیگا.

1979 میں ریلیز ہونے والی فلم مولا جٹ کے مصنف نے ہی دا لیجنڈ آف مولا جٹ لکھی ہے اور اس کے مصنف کا نام ہے ناصر ادیب . ناصر ادیب نے کمال انداز میں مولا جٹ لکھی تھی اب دیکھنا یہ ہے کہ انہوں نے دالیجنڈ آف مولا جٹ کیسی لگی ہے اور شائقین نئی فلم سے کتنا متاثر ہوتے ہیں. ناصر ادیب کا کہنا ہے کہ جب انہیں بلال لاشاری نے اس فلم کو لکھنے کا آئیڈیا دیا تو انہوں نے فورا سے حامی بھری .ان کا یہ بھی کہنا ہےکہ یہ فلم پہلے والی فلم سے مختلف ہو گی. اب بہت سارے لوگوں کو یہ جاننے میں دلچپسی ہے کہ آخر ناصر ادیب نے مولا جٹ لکھنے کا کتنا معاوضہ لیا. تو

ناصر ادیب نے اپنے حالیہ انٹرویو میں بتایا ہےکہ مولا جٹ لکھنے کے مجھے پونے سات ہزار ملے تھے جبکہ دا لیجنڈ آف مولا جٹ لکھنے کے مجھے 15 لاکھ ملے ہیں . انہوں نے کہا کہ میں نے 10 لاکھ معاوضہ مانگا تھا جبکہ بلال نے مجھے 15 لاکھ دیا. ناصر ادیب کہتے ہیں کہ اس فلم کو دیکھ کر شائقین یقینا پرانی مولا جٹ کے سحر سے نکلیں گے اور ان کے لئے فیصلہ کرنا مشکل ہو گا کہ کونسی فلم زیادہ اچھی ہے. یاد رہے کہ فلم میں ماہرہ خان ، فواد خان ، حمزہ عباسی اور عمائمہ ملک اہم کردار ادا کررہے ہیں.