Tag: دفتر خارجہ

دفترِ خارجہ نے گجرات میں تعینات اپنے دو یومیہ اُجرت پر کام کرنے والے ملازمین کے گھر سے 40 لاکھ روپے چوری ہونے کے واقعے پر تحقیقات شروع کر دی ہیں۔

پولیس کے مطابق امیر شوکت اور عرفان احمد نے سول لائنز تھانے میں مقدمہ درج کراتے ہوئے مؤقف اختیار کیا کہ 12 مارچ کو جٹّوواکل کے علاقے میں واقع ان کے مشترکہ کرائے کے گھر سے نامعلوم افراد 40 لاکھ روپے نقد چوری کر کے فرار ہوگئے

میڈیا رپورٹس کے مطابق دفترِ خارجہ کی جانب سے جاری ایک سرکاری مراسلے میں دونوں ملازمین سے اس رقم کے ذرائع کے بارے میں وضاحت طلب کی گئی ہے مراسلے کے مطابق چونکہ دونوں کم از کم اجرت پر ملازم ہیں، اس لیے ان سے پوچھا گیا ہے کہ انہوں نے اتنی بڑی رقم کیسے جمع کی، دو نوں کو ہدایت کی گئی ہے کہ وہ 16 مارچ تک 3 روز کے اندر تحریری جواب جمع کرائیں۔

ڈرون حملہ، دبئی انٹرنیشنل ایئرپورٹ کے نزدیک ایندھن کے ٹینک میں آگ بھڑک اٹھی

ذرائع کے مطابق شکایت کنندہ امیر شوکت کو اسسٹنٹ پروٹوکول افسر کے اختیارات دیے گئے تھے جس کے تحت وہ شہریوں کے بیرونِ ملک استعمال کے لیے دستاویزات کی تصدیق اور دستخط کر سکتا تھا بتایا جاتا ہے کہ گجرات میں دفترِ خارجہ کے ڈپٹی چیف آف پروٹوکول ہفتے میں صرف دو دن دفتر آتے تھے اور بیشتر دفتری امور امیر شوکت ہی انجام دیتا تھا۔

رپورٹس میں کہا گیا ہے کہ دفتر کے بعض اہلکاروں اور ایجنٹ مافیا کے درمیان مبینہ بدعنوانی کی شکایات پہلے بھی سامنے آتی رہی ہیں، تاہم اس پر کوئی مؤثر کارروائی نہیں کی گئی حالیہ مہینوں میں اسپین کی جانب سے یکم اپریل سے غیر قانونی تارکینِ وطن کو قانونی حیثیت دینے کے اعلان کے بعد تصدیق شدہ د ستاویزات (اپوسٹیل) کے حصول کے لیے درخواستوں میں اضافہ ہوا ہے۔

امریکی صدر کا ایران پر آرٹیفیشل انٹیلیجنس کے ذریعے جھوٹ پھیلانے کا الزام

میڈیا رپورٹس کے مطابق بعض شہریوں کا الزام ہے کہ ایجنٹوں کے ذریعے فی اپوسٹیل تقریباً 21 ہزار اور دیگر دستاویزات کی تصدیق کے لیے 3 ہزار سے 5 ہزار روپے تک رشوت لی جا رہی ہے، جبکہ دفتر میں روزانہ 400 سے 500 اپوسٹیل درخواستیں نمٹائی جا رہی ہیں۔

ترجمان دفتر خارجہ نے کہا ہے کہ پاکستان افغان عوام کے خلاف نہیں بلکہ دہشتگردوں کے خلاف کارروائی کر رہا ہے،جبکہ او آئی سی ہنگامی اجلاس کا ایجنڈا فلسطین ہے اور اس میں افغانستان شامل نہیں-

ترجمان دفتر خارجہ طاہر حسین اندرابی نے میڈیا بریفنگ میں بتایا کہ وزیراعظم محمد شہباز شریف نے امیر قطر کی دعوت پر دوحا کا دورہ کیا، جس میں دونوں ممالک نے باہمی دلچسپی کے تمام شعبوں میں تعاون بڑھانے پر اتفاق کیا،وزیراعظم اور امیر قطر کے درمیان اعلیٰ سطح کی بات چیت ہوئی اور قطر نے پاکستان کے دورے کی دعوت بھی قبول کر لی، دورے کے دوران افغانستان کے معاملات اور دفاع کے شعبے میں بھی تبادلہ خیال ہوا۔

ترجمان نے کہا کہ پاکستان افغان عوام کے خلاف نہیں بلکہ دہشتگردوں کے خلاف کارروائی کر رہا ہے اور دہشتگردی کے دستاویزی ثبوت اقوام متحدہ کی سیکیورٹی کونسل میں بھی پیش کیے جا چکے ہیں،قطر کی جانب سے پاک افغان مصالحت کی کوششیں خوش آئند ہیں، تاہم افغانستان کی جانب سے دھمکی آمیز بیانات افسوسناک ہیں ،پاکستان کی افواج اور قانون نافذ کرنے والے ادارے اس طرح کی دھمکیوں کے مقابلے کے لیے مکمل تیار ہیں، افغانستان میں پاکستا نی شہریوں اور سفیروں کی سیکیورٹی کے حوالے سے پاکستان آگاہ ہے اور ان کی حفاظت کو یقینی بنانے کی بھرپور کوششیں کر رہا ہے۔

وزیرِاعظم کی لیفٹیننٹ کرنل شہزادہ گل فراز شہید کے اہلخانہ سے ملاقات

ترجمان نے بتایا کہ نائب وزیراعظم و وزیر خارجہ محمد اسحاق ڈار او آئی سی کی ایگزیکٹو کمیٹی کے غیر معمولی اجلاس میں پاکستانی مؤقف پیش کرنے کے لیے سعودی عرب روانہ ہوئے ہیں، او آئی سی ہنگامی اجلاس کا ایجنڈا فلسطین ہے اور اس میں افغانستان شامل نہیں،ترجمان نے مغربی کنارے کو اسٹیٹ لینڈ میں تبدیل کرنے کے اسرائیلی اقدام کی مذمت اور واضح مخالفت بھی کی۔

انہوں نے کہا کہ رواں ماہ سمجھوتا ایکسپریس کے حملے کی 19ویں برسی ہے، جس میں 70 سے زائد افراد جان کی بازی ہار گئے پاکستان نے بھارتی حکومت کی سنگ دلی اور 4 مجرموں کی رہائی کی مذمت کی اور مطالبہ کیا کہ ملوث افراد کو انصاف کے کٹہرے میں لایا جائے،مقبوضہ کشمیر میں بھارتی جارحیت، خصوصاً کشتواڑ ضلع میں 3 نوجوانوں کی شہادت کی بھی مذمت کی اور کہا کہ بھارت جعلی انکاؤنٹرز اور کسٹوڈیل کلنگز کی پالیسی پر عمل پیرا ہے پاکستان انسانی حقوق کی عالمی تنظیموں اور اداروں کے ضمیر کو جھنجھوڑنے کا سلسلہ جاری رکھے گا اور بھارت کو اپنے اعمال کا جوابدہ بنائے گا-

ڈاکٹر طارق میمن کا تبادلہ : وفاقی آئینی عدالت نے واپڈا کو نوٹس جاری کردیا

طاہر اندرابی نے برطانوی پارلیمنٹ میں عمران خان کے حقوق کی خلاف ورزی پر ہونے والی بات چیت پر بھی تبصرہ کرتے ہوئے کہا کہ پاکستان عالمی انسانی حقوق کے معاہدات کا حصہ ہے اور اس طرح کے بیانات ہمارے اندرونی معاملات میں مداخلت ہیں، آخر میں آپریشن سوفٹ ریٹارٹ کی سالگرہ کو یادگار ملٹری واقعہ قرار دیا۔

ترجمان دفتر خارجہ طاہر اندرابی نے کہا ہے کہ پاکستان اپنے پانی کے حقوق پر کسی سمجھوتے کو قبول نہیں کرے گا۔

ترجمان دفتر خارجہ طاہر اندرابی نے ہفتہ وار بریفنگ میں کہا کہ پاکستان بین الاقوامی ثالثی عدالت میں بھارت کے خلاف قانونی کارروائی کر رہا ہے، لیکن بھارت نے حاضری نہیں دی،سندھ طاس معاہدہ دونوں ملکوں کے درمیان ایک مسلمہ بین الاقوامی معاہدہ ہے اور پاکستان اپنے پانی کے حقوق پر کسی سمجھوتے کو قبول نہیں کرے گا۔

ترجمان نے کہا کہ بھارت میں ریاستی سرپرستی میں ہجوم کے ہاتھوں قتل اور مسلمانوں و مسیحیوں پر مظالم تشویشناک ہیں، جبکہ اقوام متحدہ کی رپورٹ میں افغانستان اور دہشتگرد گروہوں کے حوالے سے پاکستان کے موقف کی تصدیق ہوئی ہے۔ پاکستان نے دہشتگردی کیخلاف اقدامات کے لیے اقوام متحدہ کے ساتھ رابطے جاری رکھے ہوئے ہیں۔

ترجمان نے کہا کہ پاکستان نے بھارت کے کئی رافیل طیارے گرائے اور مستقبل میں بھارتی جارحیت کا سخت جواب دیا جائے گا اسلام آباد میں داعش کے حملے کے معاملے کو عالمی سطح پر اٹھایا جا رہا ہے اور داعش کا ماسٹر مائنڈ افغانستان میں موجود ہے، کھیل کو سیاست کا ہتھیار بنانے کی کوشش غلط ہے، اور پاکستان نے بنگلہ دیش اور سری لنکا کے ساتھ میچ کھیلنے کا فیصلہ کھیل کے اصولوں کے مطابق کیا۔

غزہ پیس بورڈ اجلاس کے حوالے سے بتایا گیا کہ وزیراعظم شہباز شریف اجلاس میں شرکت کریں گے اور 8 مسلم ممالک کی آواز اس اجلاس میں سنی جائے گی۔ پاکستان آزاد فلسطینی ریاست کے قیام کی حمایت کرتا ہے جس کی سرحدیں 1967 سے پہلے کی ہوں گی ،انہوں نے ایران اور امریکا کے درمیان مذاکرات کی حمایت کی اور کہا کہ پاکستان مذاکرات کے ذریعے مسائل کے پرامن حل کی کوششیں جاری رکھے گا۔

پاکستان نے ایران کے حالات کے پیش نظر اپنے شہریوں کے لئے ٹریول ایڈوائزری جاری کردی-

دفتر خارجہ کی جانب سے سے جاری ٹریول ایڈوائزری میں پاکستانی شہریوں سے کہاگیا ہے کہ وہ اپنی حفاظت اور سلامتی کے لئے حالات بہتر ہونے تک اسلامی جمہوریہ ایران کے غیر ضروری سفر سے گریز کریں،ایران میں مقیم پاکستانی شہریوں سے کہا گیا ہے کہ وہ انتہائی احتیاط برتیں، چوکس رہیں، غیر ضروری نقل و حرکت کم سے کم رکھیں اور پاکستانی سفارتی مشنز سے باقاعدہ رابطے میں رہیں۔

واضح رہے کہ ایران میں جاری حکومت مخالف مظاہروں میں شدت آگئی ، انسانی حقوق کے غیر ملکی اداروں کا کہنا ہے کہ احتجاج 100 سے زائد شہروں میں پھیل چکا ہے۔

نیو اسلام آباد ائیرپورٹ ، حیدرآباد اور سکھر الیکٹرک سپلائی کمپنی کی نجکاری کیلئے کمیٹی قائم

تہران اور مشہد میں رات گئے حکومت کے خلاف سڑکوں پر مارچ کیا گیا، احتجاجی مظاہروں کے دوران اب تک ہلاک افراد کی تعداد 47 ہوگئی ہوچکی ہےجن میں کئی سکیورٹی اہلکار بھی شامل ہیں جبکہ تقریباً 2500 افراد گرفتار ہیں،ایران میں انٹرنیٹ سروس ایک بار پھر بند کردی گئی ہے جبکہ ترکیے نے استنبول سے تہران جانے والی تمام پروازیں منسوخ کر دی ہیں، ایرانی میڈیا نے کرمانشاہ میں مظاہروں کے دوران شرپسندوں کی جانب سے فائرنگ کیے جانے کی ویڈیو جاری کی ہے جس میں نقاب پوش افراد کو فائرنگ کرتے ہوئے دیکھا جاسکتا ہے۔

موسم کی خرابی :4 پروازیں منسوخ جبکہ 67 پروازیں تاخیر کا شکار

ایرانی سپریم لیڈر آیت اللہ خامنہ ای نے جمعے کے خطاب میں کہا کہ ہے امریکا کے ہاتھ ایرانیوں کے خون سے رنگے ہیں، ایران کے کچھ فسادی عوامی املاک کو نقصان پہنچا کر ٹرمپ کو خوش کرنے میں لگے ہیں، ایران تخریب کاروں سے نمٹنے میں پیچھے نہیں ہٹے گا، احتجاج جائز ہے مگر احتجاج اور فساد میں فرق ہے، حکومت مظاہرین سے بات کرے، تخریب کاروں سے بات کرنا فضول ہے

دفتر خارجہ نے افغان مہاجرین کے حوالے سے جرمنی کی پیشکش کو خوش آئند قرار دیتے ہوئے کہا ہے کہ جرمنی انخلا کے لیے سنجیدہ ہے، افغان مہاجرین کے انخلا کے لیے جرمن حکومت کے ساتھ مل کر کام کرنے کو تیار ہیں۔

ترجمان دفتر خارجہ شفقت علی خان نے ہفتہ وار بریفنگ میں افغان طالبان کے وزیر دفاع ملا یعقوب کے بیان پر ردعمل دیتے ہوئے کہا کہ دہشت گردی ایک حقیقت ہے، ایسے بیانات سے معاملات کی سنجیدگی کم نہیں ہوتی،بھارت کی آبی پالیسی سے متعلق سوال کے جواب میں ترجمان نے کہا کہ اس بار سیلابی صورتحال میں بھارت نے ماضی کی طرح پاکستان کو تفصیلی اطلاع نہیں دی۔

افغانستان پر 27 اگست کو مبینہ پاکستانی فضائی کارروائی کے سوال پر ترجمان نے کہا کہ پاکستان افغانستان کی خودمختاری کا احترام کرتے ہوئے مسائل بات چیت کے ذریعے حل کرنے کا خواہاں ہے،’تاہم ’فتنہ الخوارج‘ خطے کے لیے خطرہ ہے، اسی لیے دہشتگردوں کے ٹھکانوں پر احتیاط کے ساتھ حملے کیے گئے، اس کے علاوہ پاکستان نے افغان زلزلہ متاثرین کے لیے امداد بھی روانہ کی۔

ڈکی بھائی کے جسمانی ریمانڈ میں مزید 3 دن کی توسیع

یو این ایچ سی آر کے سربراہ کے تبصرے پر ترجمان نے کہا کہ پاکستان نے افغان عوام کے لیے ویزا پالیسی آسان بناتے ہوئے بڑی تعداد میں ویزے جاری کیے ہیں، پاکستان میں قانونی قیام کے فیصلے کا اختیار صرف پاکستان کو ہے۔

شنگھائی تعاون تنظیم پر سابق امریکی صدر ڈونلڈ ٹرمپ کے تبصرے پر ترجمان دفتر خارجہ شفقت علی خان نے کہا کہ یہ تنظیم خطے کے لیے نہایت اہم ہے اور کسی ایک ملک یا گروہ کے خلاف نہیں،پاکستان کی خارجہ پالیسی کے اصول اقوام متحدہ کے چارٹر کے مطابق ہیں، ہم ان اصولوں کے مطابق مختلف ممالک کے ساتھ تعلقات بناتے ہیں، شنگھائی تعاون تنظیم کے بنیادی اصول ملٹی لیٹرلزم، مشترکہ ترقی اور خوشحالی ہیں۔

برطانوی نائب وزیراعظم عہدے سےمستعفی

وزیراعظم شہباز شریف کے دورہ چین سے متعلق پالیسی بیان دیتے ہوئے ترجمان نے بتایا کہ وزیر اعظم نے چینی صدر شی جن پنگ کی دعوت پر شنگھائی تعاون تنظیم کے اجلاس میں عالمی مسائل پر پاکستان کا نقطہ نظر پیش کیا،وزیر اعظم نے فلسطین میں اسرائیلی جارحیت اور ایران پر حملے کی مذمت کرتے ہوئے کہا کہ پاکستان شنگھائی تعاون تنظیم کے رکن ممالک کے لیے ایک آئیڈیل تجارتی راستہ ہے۔

شنگھائی تعاون تنظیم اجلاس کے اعلامیہ میں پہلگام واقعے کی مذمت کی گئی ہے، مذکورہ اعلامیہ پاکستان کی رضامندی سے جاری کیا گیا جس میں جعفرایکسپریس حملے کا بھی ذکر کیا گیا ہے ،ترک صدر کے ساتھ ملاقات میں تعلقات پر اطمینان کا اظہار کیا گیا، جبکہ آذربائیجان کے صدر الہام علیوف کے ساتھ گفتگو میں آرمینیا کے ساتھ امن معاہدے کو خوش آئند اور علاقائی امن کے لیے ضروری قرار دیا گیا۔

ترجمان کے مطابق روسی صدر ولادیمیر پوٹن سے ملاقات میں دونوں ملکوں نے باہمی اعتماد پر مبنی تعلقات پر اتفاق کیا گیا جبکہ وزیراعظم نے صدر شی جن پنگ سے ملاقات میں آئندہ 5 نئے کوریڈورز پر کام جاری رکھنے کے عزم کا اظہار کیا۔

پاکستان مرکزی مسلم لیگ کی سیلاب متاثرہ علاقوں میں امدادی سرگرمیاں جاری

ترجمان دفتر خارجہ کے مطابق بھارت کی پاکستان میں دہشت گردی کی کاوشیں مکمل طور پر ثابت شدہ ہے، جب بھارت کی ان سرگرمیوں پر نظر نہیں ڈالی گئی تو اس نے امریکہ کینیڈا سمیت عالمی سطح پر لوگوں کو قتل کرنے کی مہم جوئی شروع کر دی، سیلاب متاثرین کے لیے پاکستان نے اب تک امداد کی عالمی اپیل نہیں کی، دوسرے ملکوں سے کتنی امداد آئی اس بارے میں معلومات ان کے پاس نہیں۔

دفتر خارجہ نے غزہ کے نصر ہسپتال پر اسرائیلی حملے کی سخت الفاظ میں مذمت کی، جس میں صحافیوں سمیت 21 افراد جاں بحق ہوئے تھے،’یمن پر اسرائیلی جارحیت کی مذمت کرتے ہیں یہ انسانی اور عالمی حقوق کی خلاف ورزی ہے، فلسطین میں اسرائیل نسل کشی کر رہا ہے۔

پاک بحریہ کے ڈی جی پی آر کموڈور احمد حسین کی رئیر ایڈمرل کے عہدے پر ترقی

دفتر خارجہ نے کہاہے کہ پاکستان بین الاقوامی ثالثی عدالت کے سندھ طاس معاہدے پر پاکستان کے حق میں فیصلے کو خوش آئند قرار دیتا ہے-

ترجمان دفتر خارجہ شفقت علی خان نے ہفتہ وار نیوز بریفنگ میں کہا کہ نائب وزیراعظم و وزیر خارجہ اسحاق ڈار کی دعوت پر چین کے وزیر خارجہ چھٹے اسٹریٹجک ڈائیلاگ کے لیے پاکستان آئے ہیں، اس دوران دونوں ممالک کے درمیان سی پیک ٹو اور دیگر دوطرفہ معاملات پر بات چیت ہوئی،چینی وزیر خارجہ نے صدرِ مملکت، وزیراعظم اور آرمی چیف سے بھی ملاقات کی وزیراعظم نے سی پیک ٹو سمیت مختلف شعبوں میں تعاون بڑھانے کی خواہش کا اظہار کیا، جبکہ آرمی چیف کے ساتھ ملاقات میں انسداد دہشتگردی کے امور زیر بحث آئے۔

ترجمان کے مطابق پاکستان، چین اور افغانستان کے درمیان سہ فریقی مذاکرات ہوئے، جن میں انسداد دہشتگردی، سی پیک اور معاشی تعاون بڑھانے پر اتفاق کیا گیا،ترجمان نے واضح کیا کہ افغانستان میں دہشتگردوں کی محفوظ پناہ گاہوں پر پاکستان ہمیشہ بات کرتا آیا ہے اور سہ فریقی فورم پر بھی یہ نکتہ اٹھایا گیا۔

علیمہ خان کا دوسرا بیٹا بھی گرفتار

دفتر خارجہ نے کہا کہ پاکستان بین الاقوامی ثالثی عدالت کے سندھ طاس معاہدے پر پاکستان کے حق میں فیصلے کو خوش آئند قرار دیتا ہے فیصلے میں واضح کیا گیا ہے کہ بھارت پاکستان کا پانی نہیں روک سکتا،ترجمان نے بھارتی وزارت خارجہ کے الزامات کو مسترد کرتے ہوئے کہا کہ بھارت اپنی عادت کے مطابق حقائق کو توڑ مروڑ کر پیش کرتا ہے بھارتی وزیراعظم کے ساتھ کسی ملاقات کا شیڈول نہیں، اس حوالے سے خبریں بے بنیاد ہیں۔

ترجمان نے کہا کہ بھارت کی جانب سے ہتھیاروں کی بڑھتی ہوئی خریداری تشویشناک ہے، خاص طور پر اسلاموفوبیا اور پاکستان کے بارے میں بھارت کی اعلانیہ پالیسی کے تناظر میں یہ رجحان خطرناک ہے۔ پاکستان ہر صورتحال کا مقابلہ کرنے کے لیے تیار ہے، پاکستان بھارت کے ساتھ جامع مذاکرات کے لیے تیار ہے اور اس سلسلے میں کسی بھی سنجیدہ کوشش کو خوش آمدید کہے گا۔

برطانیہ کا سیلاب متاثرین کیلئے 13 لاکھ پاؤنڈ امداد کا اعلان

دفتر خارجہ کے ترجمان نے دہلی میں پاکستانی سفارتکاروں کو ہراساں کرنے کی مذمت کرتے ہوئے کہا کہ بین الاقوامی قوانین کے تحت سفارتکاروں کو عزت اور تکریم دینا ضروری ہے کرکٹ اور سیاست کو ایک دوسرے سے الگ رہنا چاہیئے، پاکستان اور بھارت کے درمیان کھیل سے متعلق فیصلہ کرکٹ بورڈ کرے گاترجمان نے یہ بھی واضح کیا کہ نجی تھنک ٹینک کی جانب سے افغان جلاوطن قیادت کا اجلاس پاکستان کی ریاستی پالیسی نہیں، یہ ایک اعلانیہ ملاقات ہے۔

دفتر خارجہ نے کہا ہے کہ پاکستان کی جانب سے بھارت کو وضاحت کی گئی ہے کہ اگر اس نے کسی بھی طرح کا ایڈونچر کرنے کی کوشش کی تو ایک بار پھر بھرپور جواب دیا جائے گا –

ترجمان دفتر خارجہ نے اپنے بیان میں کہا کہشپاکستان بھارت کے کسی بھی ممکنہ حملے کا جواب دینے کی صلاحیت رکھتا ہے، بھارت نے کسی ایڈونچر کرنے کی کوشش کی تو اس کا جواب دیا جائے گا پاکستان نے معرکہ حق میں بھی بھر پور جواب دیا ، ایران ہمارا قریبی دوست ملک ہے، ایرانی صدر کے دورے کا شیڈول ابھی طے کیا جا رہا ہے، جس میں ایران کی صورتحال، علاقائی حالات اور دو طرفہ امور پر گفتگو ہو گی،اسحاق ڈار کی پاکستانی کمیونٹی اور امریکی تھنک ٹینک سے بھی ملاقاتیں شیڈول ہیںِ، واشنگٹن میں غیر ملکی میڈیا سے انٹرویوز بھی نائب وزیراعظم کے شیڈول کا حصہ ہے۔

عمران خان کے بیٹے سیاسی مہم چلانا چاہتے ہیں تو انہیں کوئی نہیں روک رہا،عطا تارڑ

اسحاق ڈار اور امریکی وزیر خارجہ روبیو کی کل ملاقات ہوگی، یہ اسحاق ڈار اور روبیو کے درمیان پہلی سرکاری ملاقات ہوگی،امریکی محکمہ خارجہ کی ترجمان ٹیملی بروس کے مطابق ملاقات کی تیاری مکمل ہے اور وہ خود دونوں جانب کے اعلیٰ حکام کے ہمراہ شریک ہوں گی۔

واضح رہے کہ پاکستان نے کچھ ہفتے قبل صدر ٹرمپ کو جنوبی ایشیا میں قیامِ امن کے لیے ان کی ’غیر معمولی خدمات‘ کے اعتراف میں نوبیل امن انعام کے لیے نامزد کیا تھا، یہ درخواست خود اسحاق ڈار کے دستخط سے ناروے کی نوبیل کمیٹی کو بھیجی گئی تھی صدر ٹرمپ نے ماضی میں مسئلہ کشمیر کو ایک دیرینہ اور حل طلب تنازع قرار دیتے ہوئے ثالثی کی پیشکش کی تھی، جسے پاکستان نے فوری طور پر سراہا، جبکہ بھارت نے یہ تجویز مسترد کر دی اور مذاکرات سے مسلسل گریزا ں رہا۔

خیبر پختونخوا سے نو منتخب سینیٹرز کی کامیابی کا نوٹیفکیشن جاری

بھارتی جارحیت پر بلاول بھٹو کی قیادت میں اعلیٰ سطحی پاکستانی وفد کے دوروں پر دفتر خارجہ کا بیان سامنے آگیا ہے۔

دفتر خارجہ کی جانب سے جاری بیان میں کہا گیا ہے کہ وزیرِاعظم پاکستان کی ہدایت پر ایک اعلیٰ سطحی کثیر الجماعتی وفد 2 جون 2025 سے نیویارک، واشنگٹن ڈی سی، لندن اور برسلز کا دورہ کرے گا، اس سفارتی مہم کا مقصد بھارت کی حالیہ جارحیت پر پاکستان کا مؤقف عالمی سطح پر مؤثر انداز میں پیش کرنا ہے۔

بیان کے مطابق نو رکنی وفد کی قیادت چیئرمین پاکستان پیپلز پارٹی اور سابق وزیرِ خارجہ بلاول بھٹو زرداری کر رہے ہیں وفد میں وزیر برائے ماحولیاتی تبدیلی ڈاکٹر مصدق مسعود ملک، سینیٹ کی قائمہ کمیٹی برائے ماحولیاتی تبدیلی کی چیئرپرسن اور سابق وزیر اطلاعات و ماحولیات سینیٹر شیری رحمان، قومی اسمبلی کی خارجہ امور کمیٹی کی چیئرپرسن اور سابق وزیر خارجہ حنا ربانی کھر، سابق وزیر تجارت و دفاع انجینئر خرم دستگیر خان، سابق وزیر برائے بحری امور سینیٹر فیصل سبزواری، سینیٹر بشریٰ انجم بٹ، سابق سیکرٹری خارجہ اور نگران وزیر خارجہ جلیل عباس جیلانی، اور سابق سیکرٹری خارجہ سفیر (ر) تہمینہ جنجوعہ شامل ہیں، اسی دوران وزیر اعظم کے معاون خصوصی سید طارق فاطمی کی قیادت میں ایک اور وفد 2 جون سے ماسکو کا دورہ کرے گا۔

اسلام آباد ہائی کورٹ نے ایم سی آئی کو پراپرٹی ٹیکس بڑھانے سے روک دیا

دفتر خارجہ کے مطابق ان تمام دوروں کا بنیادی مقصد عالمی برادری کو بھارت کی غیر ذمہ دارانہ اور اشتعال انگیز کارروائیوں سے آگاہ کرنا ہے، جو بین الاقوامی قوانین کی کھلی خلاف ورزی ہیں، وفود دنیا کو باور کرائیں گے کہ پاکستان نے اس سنگین صورتحال میں بھی ذمہ دار انہ اور پرامن طرز عمل اختیار کیا ہے، اور وہ خطے میں امن کے لیے سنجیدہ سفارتی کوششوں پر یقین رکھتا ہے۔

پاکستانی وفود عالمی اداروں کے رہنماؤں، منتخب نمائندوں، اعلیٰ حکام، پالیسی ساز اداروں، تھنک ٹینکس، میڈیا اور بیرون ملک پاکستانی کمیو نٹی سے ملاقاتیں کریں گے، ان ملاقاتوں میں وفود زور دیں گے کہ جنوبی ایشیا میں پائیدار امن کے قیام کے لیے عالمی برادری کو فوری اور مؤثر کردار ادا کرنا ہوگا۔

مریم نواز کا سیالکوٹ کے ضمنی انتخاب میں کامیابی پر پیغام

مزید برآں پاکستان ان دوروں میں سندھ طاس معاہدے کے تحت معمول کے روابط کی فوری بحالی کا مطالبہ بھی مرکزی نکتے کے طور پر اجاگر کرے گا تاکہ پانی جیسے حساس مسئلے پر بھارتی یکطرفہ اقدامات کو روکا جا سکے۔