اسلام آباد:وفاقی وزیر ریلوے خواجہ سعد رفیق نے کہا ہے کہ عمران خان کا جلدی انتخابات کا مطالبہ بلا جواز ہے۔خواجہ سعد رفیق کا کہنا ہے کہ عمران خان کوچاہیے کہ وہ حکومت کومدت پوری کرنے دیں ،

سماجی رابطے کی ویب سائٹ ٹویٹر پر اپنے پیغام میں خواجہ سعد رفیق نے لکھا کہ عمران کی غیرقانونی حکومت کو برداشت کیا، قبل ازوقت انتخابات مانگنے والے سنجیدہ ہوتے تو لانگ مارچ کے بجائے اپنے استعفےمنظور کرواتے۔

جلدی انتخابات کامطالبہ بلا جوازھے
عمران کی غیرقانونی حکومت کوبرداشت کیا،4حکومتوں کےحکمران ھماری آئینی حکومت کوبرداشت کریں
قبل ازوقت انتخابات مانگنےوالے سنجیدہ ھوتےتولانگ مارچ کی بجاۓاپنے استعفےمنظور کرواتے،صوبائ حکومتیں توڑتے ماحول خودبخود بن جاتا
انتشارکامقصدملک چلنے نہ دینا ھے

— Khawaja Saad Rafique (@KhSaad_Rafique) November 20, 2022

وفاقی وزیر کا مزید کہنا تھا کہ عمران خان صوبائی حکومتیں توڑتے الیکشن کا ماحول خود بخود بن جاتا، انتشار کا مقصد ملک چلنے نہ دینا ہے۔

جبکہ دوسری طرف کل سابق وزیر اعظم عمران خان نے پارٹی کے کارکنوں کو 26 نومبر کو راولپنڈی پہنچنے کی کال دے دی۔

روات میں پاکستان تحریک انصاف کے لانگ مارچ سے خطاب کرتے ہوئے عمران خان نے کہا کہ حقیقی آزادی کی تحریک 7 ماہ پہلے شروع ہوئی، 25 مئی کے ظلم کو کبھی نہیں بھولوں گا، ہمیں ڈرانے کے لیے خوف کا ماحول بنایا گیا،میرے ملازمین کو خریدنے کی کوشش کی گئی۔

سابق وزیر اعظم نے کہا کہ مجھ پر قاتلانہ حملہ کیا گیا اس کا مجھے پہلے سے پتا تھا، اس لئے میں نے پہلے ہی ایک ویڈیو بنالی تھی، راولپنڈی میں بھی میری جان کو خطرہ ہے کیونکہ یہ لوگ وہی بیٹھے ہوئے ہیں، غلامی کی زندگی سے بہتر مر جانا ہے۔

عمران خان نے کہا کہ مان لیتے ہیں اسٹیبلشمنٹ نے کوئی سازش نہیں کی لیکن وہ انہیں روک تو سکتے تھے، کوئی بیرونی سازش اس وقت تک کامیاب نہیں ہوسکتی تھی جب تک اندر سے کوئی ان کی حمایت نہ کرے۔

پاک فوج ملکی سلامتی کی ضامن۔ شہدا کی قربانیوں پر فخر
پاکستانی طلبا و طالبات نے 14 ممکنہ نئے سیارچے دریافت کرلیے
ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

اسلام آباد:وفاقی وزیر برائے ایوی ایشن ڈویژن خواجہ سعد رفیق نے کہا ہے کہ پی آئی اے کے فلیٹ میں اس وقت صرف 23 جہاز فعال ہیں، آئندہ تین ماہ میں مزید 6 نئے جہاز شامل ہونے سے یہ فلیٹ 29 جہازوں پر مشتمل ہوجائے گا، پی آئی اے کی مالی حالت ماضی میں میرٹ کے برعکس بھرتیوں اور سیاسی بنیادوں پر ملازمین کو ریگولرائز کرنے کی بناء پر تباہی کا شکار ہوئی۔

جمعرات کو قومی اسمبلی میں وقفہ سوالات کے دوران شیخ روحیل اصغر کے سوال کے جواب میں وفاقی وزیر خواجہ سعد رفیق نے کہا کہ پی آئی اے کے ملکیتی ٹرپل سیون 12 اور اے ٹی آر 4ہیں، 13 اے 320 میں سے 6 پی آئی اے کی ملکیت ہیں۔ ایک اور سوال کے جواب میں انہوں نے کہا کہ لاہور سے اسلام آباد کے لئے ایک نجی ایئرلائن نے آپریشن شروع کردیا ہے، پی آئی اے کے لئے ابھی تجارتی طور پر یہ ٹھیک نہیں ہے۔

انہوں نے کہا کہ اس وقت 23 جہاز فنکشنل ہیں۔ آئندہ تین ماہ میں مزید چھ نئے جہاز شامل ہونے سے پی آئی اے کا فلیٹ 29 جہازوں پر مشتمل ہو جائے گا۔ ناکارہ جہازوں پر پی آئی اے کو رقم خرچ نہیں کرنی چاہیے۔ دنیا نئی ٹیکنالوجی کی طرف جارہی ہے، ہمیں بھی جانا چاہیے۔ کوئٹہ سے نجی ایئرلائن کو حکومت نے اجازت دی ہے۔ پی آئی اے کی مالی حالت میرٹ کے برعکس بھرتیاں کرنے سے تباہ ہوئی۔ ماضی میں ملازمین کو سیاسی بنیادوں پر ریگولرائز کیا گیا۔

دوسری طرف وفاقی وزیر ریلوے خواجہ سعد رفیق نے کہا ہے کہ موجودہ حکومت چاروں وفاقی اکائیوں پر مشتمل سیاسی جماعتوں کی ترجمانی کرتی ہے، ان کا لانگ مارچ حکومت کو نقصان نہیں پہنچا سکتا، فتنہ عمرانیہ کو کامیاب نہیں ہونے دیں گے، بتایا جائے کہ سیلاب زدگان کے نام پر ٹیلی تھون میں جمع کی گئی 13 ارب روپے کی رقم کہاں خرچ کی گئی۔

جمعرات کو قومی اسمبلی میں اظہار خیال کرتے ہوئے وفاقی وزیر خواجہ سعد رفیق نے کہا کہ پاکستان میں کافی سالوں سے ایک جماعت یہ بیانیہ بنانے کی کوشش کر رہی ہے کہ ساری سیاسی برادری چوروں، بددیانتوں اور غداروں پر مشتمل ہے اور صرف ایک شخص مہاتما ہے۔ اس نام نہاد مہاتما نے سوشل میڈیا کا سہارا لے کر اپنے سیاسی مخالفین اور ریاستی اداروں کے خلاف زبان استعمال کی۔ انہوں نے کہا کہ جب عمران خان کی حکومت مسلط کی گئی تو تمام سیاسی جماعتوں نے اسے تسلیم کرنے سے انکار کیا اور تمام جماعتیں اس ایوان میں بطور احتجاج آئیں۔ ہم نے ان انتخابی نتائج کو کبھی تسلیم نہیں کیا مگر اس کے باوجود ہم نے ملک کے نازک حالات کے پیش نظر اسلام آباد کا گھیرائو نہیں کیا اور عمران خان کی حکومت گرانے کی کوشش نہیں کی ۔

انہوں نے کہا کہ ہم نے جیلیں بھگتیں اور جھوٹے مقدمات کا سامنا کیا، ہمیں ہر طرح سے تنگ کیا گیا۔ خواجہ سعد رفیق نے کہا کہ جو کوئی بوتا ہے وہی کاٹتا ہے، جو کچھ اس جھوٹے شخص کے ساتھ ہو رہا ہے اسے مکافات عمل کہا جاسکتا ہے۔ انہوں نے کہا کہ یہ کسی کی گرفت میں نہیں بلکہ یہ اپنے کئے کی گرفت میں ہے۔ کسی پر بہتان لگانا، جھوٹ بولنا ، بیماروں کے ہسپتالوں پر حملے کرنا پی ٹی آئی کا شیوہ ہے۔

وفاقی وزیر نے کہا کہ پی ٹی آئی کی ممنوعہ فارن فنڈنگ بھی ثابت ہوچکی ہے، ووٹ چوری پہلے ہی ثابت ہوگئی تھی، خیرات چوری بھی سامنے آچکی ہے، اب توشہ خانے کی ڈکیتی بھی سامنے آگئی ہے۔ انہوں نے کہا کہ یہ معاملہ صرف گھڑی کا نہیں بلکہ تحائف کا لامتناعی سلسلہ ہے، توشہ خانہ سے سامان نکال کر اونے پونے داموں اپنی مرضی کے دام لگوا کر بیچے گئے اور اسے کسی گوشوارے میں ظاہر نہیں کیا۔

انہوں نے کہا کہ بڑے بڑے قائدین کو صرف اس لئے نکال دیا گیا کہ انہوں نے اپنے بیٹے تنخواہ نہیں لی۔ انہوں نے کہا کہ سیلاب زدگان کے نام پر ٹیلی تھان میں جمع کی گئی 13 ارب روپے کی رقم کن بنکوں میں جمع ہوئی ، ہم یہ جاننا چاہتے ہیں کہ وہ پیسہ انہوں نے سیلاب زدگان پر کس مد میں استعمال کیا۔

وفاقی وزیر نے کہا کہ اگر انہوں نے اسلام آباد پر چڑھائی کرنی ہے تو وہ اپنا حساب بھی ضرور دیں، یہ لانگ مارچ لا رہے ہیں اور جلدی الیکشن کا مطالبہ کرتے ہیں، ہمارا ان سے سوال ہے کہ ان کے اقتدار کے پونے چار سالوں کی گنتی کیسے کرنی ہے اور یہ فیصلہ ابھی ہونا باقی ہے کہ وہ سال اسمبلی میں شمار کئے جائیں گے کہ نہیں۔ یہ قبل از وقت الیکشن کی بات کرتے ہیں، جلد انتخابات کے حوالے سے کوئی منطق تو پیش کریں۔ ان کا سائفر کا بیانیہ بھی ختم ہوگیا ہے، امریکی سازش کا بیانیہ بھی 35 پنکچر والا ثابت ہوا۔ ہم پی ٹی آئی کے سپورٹرز سے پوچھتے ہیں کہ وہ کم از کم ان کے ان بیانیوں والے سٹیکرز ہی اتار دیں۔ ”ایبسلوٹلی ناٹ ” کی کوئی سچائی نہیں ہے۔

انہوں نے کہا کہ وزیرآباد میں ان کے لانگ مارچ میں شریک تین بچوں کا والد شہید ہوا جس کو ان کے گارڈ کی گولی لگی اور یہ وزیراعظم کے خلاف پرچہ کٹوانے میں لگے رہے۔ خواجہ سعد رفیق نے کہا کہ یہ قومی حکومت ہے جو چاروں وفاقی اکائیوں کی ترجمانی کرتی ہے۔ عمران خان لانگ مارچ کے ذریعے اسے نہیں گرا کر سکتے ۔ انہوں نے کہا کہ ہم دیانتداری سے کام کر رہے ہیں۔ بڑی بڑی باتیں کرنے والا شخص ریلوے سمیت قومی اداروں کے ساتھ جو کچھ کر گیا ہے ان کی حالت زار بہتر بنانے کے لئے ہم سنجیدگی سے کام کر رہے ہیں اور یقین دلاتے ہیں کہ فتنہ عمرانیہ کو کامیاب نہیں ہونے دیں گے۔

فیس بک، ٹویٹر پاکستان کو جواب کیوں نہیں دیتے؟ ڈائریکٹر سائبر کرائم نے بریفنگ میں کیا انکشاف

چائلڈ پورنوگرافی ویڈیوز سوشل میڈیا پر پھیلانے کا کیس، سپریم کورٹ کا بڑا فیصلہ

چائلڈ پورنوگرافی میں‌ ملوث ملزم گرفتار،کتنی اخلاق باختہ ویڈیوز شیطان صفت کے پاس برآمد ہوئیں

لڑکی کو نازیبا ،فحش تصاویر بھیجنے والا ملزم گرفتار

وفاقی وز یر ریلوے خواجہ سعد رفیق اور وزیر اعظم کے مشیر قمر زمان کائرہ نے کہاہے کہ سیلاب متاثرین کی بحالی کے لئے سب کو مل کر ان کی مدد کرنا چاہئے ،مشکل کی گھڑی میں تمام صوبائی حکومتوں کو ساتھ لے کر چلیں گے ،مشکل کی اس گھڑی میں کسی کو تنہا نہیں چھوڑیں گے،یہ وقت سیاسی لڑائی کا نہیں عوام کی مدد کا ہے، ترکیہ سے4ٹرینیں امدادی سامان لیکر آئیں گی، آئی ایم ایف کی امداد ایسا تالا ہے جوکھلے گا تو دیگر ادارے بھی امداد دیں گے،سڑکیں ٹوٹی ہونے کی وجہ سے امدادی سامان پہنچانے میں مشکلات پیش آرہی ہیں ، پاک فوج نے ہر مشکل وقت میں اپنے ہم وطنوں کا ساتھ دیا ہے، تمام تر حکومتی مشینری سیلاب متاثرین کی مدد کے لئے میدان میں ہے ، سیلاب اور بارشوں سے ہونے والے نقصان کا تخمینہ لگایا جارہاہے ، پاکستان کو نقصان سے بچانے کے لئے ہم نے اپنی سیاست کو دائو پر لگایا ۔ ان خیالات کا اظہار وفاقی وزیر ریلوے خواجہ سعد رفیق اور وزیراعظم کے مشیر برائے امور کشمیر و گلگت بلتستان قمرزمان کائرہ نے پریس کانفرنس سے خطاب میں کیا ۔

سیلاب متاثرین سے اظہار یکجہتی، یوم دفاع و شہداء کی مرکزی تقریب ملتوی

وفاقی وزیر ریلوے خواجہ سعد رفیق نے کہا کہ حالیہ مون سون میں تباہ کن سیلاب نے 2010 کا ریکارڈ توڑ دیا ہے،بلوچستان اور سندھ کے علاقے زیادہ متاثر ہوئے ہیں،خیبر پختونخوا اور پنجاب کے حالات بھی اچھے نہیں،پاکستان معاشی بحران کا شکار ہے،ایسے موقع پر سیلاب نے معیشت کی کمر توڑ کر رکھ دی ہے،حکومت پاکستان، ریاستی ادارے سب ریسکیو آپریشن میں مصروف ہیں،بحالی کا مرحلہ اس سے بھی مشکل ہوگا۔انہوں نے کہاکہ سیلاب کی وجہ سے فصلوں اور انفراسٹرکچر کو شدید نقصان پہنچا جس کی وجہ سے سبزیوں کی قیمتوں میں اضافہ ہوا ہے ،قوم کی بڑی تعداد بھی متاثرین سیلاب کی مدد کے لیے سرگرم عمل ہے،دوسری جانب عالمی برداری ہماری مدد کر رہی ہے۔

امدادی رقوم سیلاب سے متاثرہ تمام صوبوں میں منصفانہ تقسیم کی جائیں گی،ڈاکٹر ثانیہ نشتر

وفاقی وزیر نے کہا کہ موجودہ صورتحال میں سیاست پر بات نہیں کرنا چاہتے تھے،سب جانتے ہیں کہ ہم آئی ایم ایف کو خیرآباد کر گیے تھے،ماضی کی حکومت نے آیی ایم ایف کا پروگرام لیا لیکن اصلاحات نہ کی،ماضی میں سابقہ حکومت نے ملک کو معاشی طورپر کمزورکیا لیکن موجودہ حکومت نے پاکستان کو دیوالیہ ہونے سے بچایا ۔

سیلاب متاثرین کو پینے کا صاف پانی میسر نہیں لیکن امیر شاہ جیلانی مینرل واٹر سے جوتے صاف کررہے

سعد رفیق نے وزیراعظم ہائوس میں فلڈ کانفرنس کی جس میں فوجی قیادت بھی بھی موجود تھی ، بلوچستان اور سندھ کے وزرائے اعلیٰ بھی شریک ہوئے لیکن ملک کے لیے پنچاب اور خیبرپختونخواکے وزرائے اعلیٰ نہیں آئے،انہوں نے کہاکہ جو بھی مدد مل رہی ہے وہ بحالی کے لیے کم ہے،ریلوے کو بھی سیلاب میں نقصان ہوا ہے ،کوئٹہ اور سنی کے راستے میں جو پل ہے اس کو بھی نقصان پہنچا ہے ،ترکی سے چار ٹرین سامان لیکر یہاں آرہی ہیں۔

ایک سوال کے جواب میں انہوں نے کہا کہ سیلاب متاثرین کی مدد کے لئے سب کو ایک چھت کے نیچے بیٹھنا چاہئے جو لڑائی کی سیاست کررہے ہیں انہیں کرنے دیں لیکن اب لڑائی کا وقت نہیں ہے بلکہ جو لوگ متاثر ہوئے ہیں ان کی بحالی و خدمت کا ہے ۔ وفاقی حکومت متاثرین کی بحالی کے لئے کوشش جاری رکھے ہوئے ہے ، مشکل وقت میں سب کو اکٹھا ہونا چاہئے توقع رکھتے ہیں کہ وفاقی حکومت کی پوری کوشش ہو گی کہ اس مشکل کی گھڑی میں تمام صوبائی حکومتوں کو ساتھ لیکر چلیں۔

اس موقع پر وزیراعظم کے مشیر برائے امور کشمیر و گلگت بلتستان قمر زمان کائرہ نے کہا کہ حکومت شہباز شریف کی قیادت میں عوام کی فلاح و بہبود کے لئے اقدامات کررہی ہے، ہمیں بھی لوگ کہتے ہیں کہ آپ کو سیاسی نقصان ہو رہا ہے ہم نے کہا ہمیں سیاسی نقصان ہو لیکن پاکستان کو نہ ہو۔ قمر زمان کائر نے کہا ہے کہ ٹیلی تھون صرف اعلان ہوتا ہے وہ رقم کہاں ہے۔

وزیراعظم کے مشیر نے کہا کہ پاکستان اس وقت مشکل حالات سے گزر رہا ہے ہم نے حکومت میں آ کر بہت مشکل فیصلے کئے ہیں ،ہمیں سب نے کہا آپ سیاسی نقصان کر رہے ہیں، لیکن ایسے مشکل فیصلے کرنا ہماری مجبوری تھی۔ انہوں نے کہاکہ پاکستان کی تاریخ میں پہلی بار ایسا سیلاب آیا ہے ،سندھ میں 1750 ملی میٹر بارش ہوئی ہے ،بلوچستان اور پنجاب کا پانی سندھ میں شامل ہوتا ہے، سندھ کے دریاں میں پانی بہت زیادہ ہے ،لوگوں تک رسائی مشکل ہے ،ابھی تک کوئی اندازہ نہیں کہ کتنا نقصان ہوا ہے اور کتنے گھر ٹوٹے ہیں۔ ہمارے اوپر اعتراض ہو رہا ہے یہ حکومت کچھ نہیں کر رہی ہے ،ہماری پوری کابینہ اپنے اپنے علاقوں میں کام کر رہی ہے ۔

انہوں نے کہاکہ عمران خان جلسے کرنے میں مصروف ہیں۔ کہا جا رہا ہے عالمی امداد میں ہیرا پھیری ہو رہی ہے ، اس لئے عالمی امداد نہیں مل رہی۔انہوں نے کہا کہ قومی ادارے اور فوج حکومت کا حصہ ہیں ، ہمارے نوجوان مشکل وقت میں عوام کی خدمت میں مصروف ہیں، وہ ہر مشکل وقت میں اپنی جانوں کی قربانیاں دے رہے ہیں ۔انہوں نے کہاکہ دیگر ممالک سمیت این جی اوز اور دوست اور مسلم ممالک بھی پاکستان کی مدد کررہے ہیں جس پر ہم ان کے شکرگزار ہیں ، مشکل کی اس گھڑی میں کسی کو تنہا نہیں چھوڑیں گے۔