Tag: سلمان خان

بالی وڈ کے دبنگ خان جنہوں نے آئیفا ایوارڈز کی حال ہی میں میزبانی کی. ایوارڈ کی تقریب دبئی میں منعقد کی گئی۔اس ایوارڈ تقریب کو اب ٹی وی چینل پر نشر کیا جائیگا اس سلسلے میں ٹی وی پر ٹریلر چلائے جا رہے ہیں ایک ٹریلر سامنے آیا ہے جس میں سارا علی خان سٹیج پر کھڑی ہیں اور سلمان خان کو انکل کہہ رہی ہیں اور سلمان خان نے ہنستے ہوئے کہا ہے کہ تمہاری اگلی فلم کینسل، سلمان خان کے اس جملے پر ہال میں موجود لوگ ہنس پڑے بلکہ قہقہوں سے سے ہال گونج اٹھا۔ سلمان خان نے مزید کہا کہ سارا علی خان تم نے مجھے انکل کہہ دیا ہے

اسلئے اب تمہاری اگلی فلم کینسل ہو گئی تم میری اگلی فلم کی ہیروئین تھی تم نے اپنا نقصان کر لیا۔ یادرہے کہ ان ایوارڈز کی میزبانی کے بعد جب سلمان خان ممبئی واپس لوٹے تو سدھو موسے والا کا قتل ہو چکا تھا اور سلمان خان کو لارنس بسنوئی گینگسٹر نے قتل کی دھمکی دی تھی نہ صرف ان کو بلکہ ان کے والد کو بھی قتل کی دھمکی دی تھی۔سلمان خان نے پولیس کو اپنا بیان ریکارڈ کروایا تھا کہ ان کی کسی سے دشمنی نہیں ہے۔سلمان خان آج حیدر آباد میں اپنی فلم کبھی عید کبھی دیوالی کی شوٹنگ کررہے ہیں۔ اس کے علاوہ سلمان خان کی فلم نو اینٹری کا سیکول بھی بننے جا رہا ہے اس کی شوٹنگ بھی جلد ہی شروع ہو جائیگی۔

فلم نو اینٹری آج سے ستراں برس پہلے جب سینیما گھروں میں ریلیز ہوئی تھی تو دھوم مچ گئی تھی،انیل کپور ،سلمان خان اور فردین خان کی جوڑی نے خوب کیا فلمی شائقین کو محظوظ۔انیس بزمی کی ڈائریکشن میں بننے والی اس فلم کا سیکول اب بننے کو تیا ر ہے ۔ کہا جا رہا ہے کہ انیس بزمی سلمان خان کی ممبئی واپسی کے منتظر ہیں ان کی واپسی پر فلم کی شوٹنگ کاآغاز کر دیا جائیگا اس سلسلے میں سلمان خان نے بھی یقین دہانی کروا دی ہے۔کہا جا رہا ہے کہ اس فلم میں دو یا تین نہیں بلکہ دس ہیروئینز ہوں گی ۔ڈائریکٹر انیس بزمی نے ایک انٹرویو کے دوران کہا کہ میں دس ہیروئینز کو چانس دینے جا رہا ہوں نو اینٹری میں ایشا دیول ،لارا دتہ اور لینا جیٹلی اور بی پاشا باسو نے مرکزی کردار ادا کئے تھے۔

سیکول میں یہ پہلے والی ہیروئینز تو نہیں ہوں گی لیکن انیل کپور ،فردین خان اور سلمان خان دکھائی دیں گے ۔ نو اینٹری کا میوزک بھی بہت زیادہ ہٹ تھا اب دیکھنا یہ ہے کہ سیکول کا میوزک کیسا ہو گا اور اس میں کون کون کسی ہیروئینز کو موقع دجائے گا۔ نو اینٹری کے سیکول کو دیکھنے کےلئے شائقین ابھی سے پرجوش ہیں.فلم کی تیاریاں کی جا رہی ہیں میل کاسٹنگ تو مکمل ہے لیکن فی میل کاسٹنگ ابھی کی جا رہی ہے اور اس حوالے سے مختلف ہیروئینز کا نام زیر غور ہے.

شترو گن سنہا کی بیٹی سوناکشی سنہا جو فلموںمیں آنے سے پہلے بہت زیادہ موٹی تھیں ان کا وزن نوے کلو تھا وہ کہتی ہیں کہ وہ تو سوچ بھی نہیں سکتی تھیں کہ وہ اپنا وزن کم کر سکتی ہیں اور ٹاپ ہیروئینز کی دوڑ میں شامل ہوسکتی ہیں ۔اپنے حالیہ ایک انٹرویو میں انہوں نے کہا کہ میں نے تو کبھی نہیں سوچا تھا کہ میں ہیروئین بھی بنوں گی لیکن اداکار سلمان خان نے مجھے متحر ک کیااور کہا کہ تم اپنا وزن کم کرو تم اچھی ہیروئین بن سکتی ہو اور اس وقت تمہارا وزن نوے کلو ہے اس کو کم کرکے تیس کلو تک لیکر جاﺅ ۔سوناکشی نے کہا کہ اگر سلمان خان مجھے موٹیویٹ نہ کرتے تو میں شاید آج ہیروئین نہ ہوتی ان کے کہنے پر میں نے خود پر توجہ دی اور آج میرا شمار بالی وڈ کی ٹاپ ہیروئینز میں ہوتا ہے ۔یوں سوناکشی سنہا نے اپنی کامیابی کا سہرا سلمان خان کے سر رکھ دیا ۔

یادرہے کہ سوناکشی سنہا نے سلمان خان کی فلم ”دبنگ “ سے اپنے فلمی کیرئیر سے آغاز کیا ان کو بڑی سکرین پر دیکھ کر شائقین نے بہت زیادہ سراہا یوں پہلی فلم سے سوناکشی نمبر ہیروئینز کی لسٹ میں شامل ہو گئیں اور پھر پہلی فلم تھی بھی سلمان خان کے ساتھ،دبنگ فلم کا میوزک بھی سپر ہٹ تھا خصوصی طور پر راحت فتح علی خاں کے گیت تیرے مست مست دو نین نے تو شائقین کے دل موہ لئے تھے۔سوناکشی سنہا نے اس فلم کے بعد کئی سپر ہٹ فلموں میں کام کیا سوناکشی کو نہ صرف اداکاری بلکہ ڈانس پر بھی عبور حاصل ہے ۔

فلم ”نو اینٹری “ جو اپنے وقت کی سپر ہٹ فلم ہے اس کا سیکول بنائے جا نے کی تیاریاں کی جا رہی ہیں اس سلسلے میں کاسٹ بھی فائنل ہو رہی ہے کہا جا رہا ہے کہ سلمان خان اس میں ٹرپل کردار نبھاتے نظر آئیں گے ۔کہا جا رہا ہے کہ سلمان کے ساتھ میں انیل کپور اور فردین خان بھی ہوںگے لیکن بی پاشا باسو ،سلینا جیٹلی ،ا یشا دیول اور لارادتہ اس سیکول کا حصہ نہیں ہوں گی ان کی جگہ کونسی اداکارائیں ہوں گی ابھی اس کی تفصیلات سامنے آنا باقی ہیں۔ہدایتکار انیس بزمی کا کہنا ہے کہ نو اینٹری کے سیکول کی بہت جلدی شوٹنگ شروع ہوجائیگی۔

یاد رہے کہ نو اینٹری کے سیکول کے لئے شائقین بے چینی سے منتظر ہیں کیونکہ اس فلم نے شائقین کو ہنسا ہنسا کر لوٹ پوٹ کر دیا تھا اور تمام اداکاروں کی اس میں اداکاری اتنی بہترین تھی کہ لوگ آج تک نہیں بھولے ،فلم کا میوزک بھی اُس دور میں سپر ہٹ ہوا تھا ۔توقع کی جا رہی ہے کہ فلم نو اینٹری کا سیکول بھی شائقین کو محظوظ کریگا ۔سلمان خان اور انیل کپورکی جوڑی کو بھی بہت سراہا گیا تھا ۔اب دیکھنا یہ ہے کہ سلمان ،انیل اور فردین کی جوڑی اتنے برسوں کے بعد سکرین پر اپنا رنگ جما پاتی ہے یا نہیں

بالی وڈ کے کنگ اور دبنگ خان کے درمیان گہری دوستی پائی جاتی ہے وہ الگ بات ہے کہ اس دوستی میں چند برس دونوں کی بول چال نہیں رہی لیکن اس بول چال کے نہ ہونے کے باوجود دونوں نے ایک دوسرے کے خلاف کچھ نہیں کہا ۔حالانکہ میڈیا نے اس دوران بہت کوشش کی کہ کسی طرح سے شاہ رخ خان اور سلمان ایک دوسرے کے خلاف کچھ ایسا بول دیں کہ جس سے ہیڈنگز بنیں لیکن دونوں نے ایک دوسرے کے احترام کو ملحوظ خاطر رکھا۔گزشتہ روز ایک ایسی وڈیو سوشل میڈیا پر وائر ل ہوئی جس میں شاہ رخ خان ایک ایوارڈ شو میں سلمان خان کو الو کا پٹھا کہہ رہے ہیں اور

دونوں اس دوران ہنسی مذاق میں مصروف ہیں ۔ایک دوسرے کی باتوں سے لطف اندوز ہو رہے ہیں یہ وڈیو کچھ نہیں تو آج سے بائیس تئیس برس پرانی ہے تب بھی دونوں عروج پر تھے آج بھی دونوں عروج پر ہیں ۔یہ وڈیو جب سوشل میڈیا پر وائرل ہوئی تو ان دونوں کے پرستار کافی محظوظ ہوئے سوشل میڈیا صارفین نے دلچپسپ اور اپنی پسند نا پسند کے مطابق کمنٹس کئے ۔
واضح رہے کہ شاہ رخ خان اور سلمان خان نے فلموں میں کام کیا ہے لیکن یہ کام کم فلموں تک محدود رہا ۔ان دونوں کی فلم کرن ارجن کے ڈائیلاگز آج تک زبان دز عام ہیں اس فلم کا میوزک بھی کافی پسند کیا جاتا ہے ۔

ماہیما چوہدری جنہوں شاہ رخ خان،سلمان خان اور سنجے دت جیسے نامور اداکاروں کے ساتھ کام کیا ۔وہ کافی عرصے سے منظر سے غائب تھیں ان کی طلاق کی خبریں بھی آتی رہیں لیکن وہ کسی معاملے میں نہیں بولیں اور خاموشی اختیار کئے رکھی۔گزشتہ روز ان کے پرستار ان کو دیکھ کر حیران رہ گئے۔انوپم کھیر نے اپنے انسٹاگرام اکاﺅنٹ سے ایک وڈیو پوسٹ کی جس میںماہیما چوہدری کو باتیں کرتے دیکھا جاسکتا ہے۔ ماہیما کے بال بالکل چھوٹے ہو چکے ہیں۔ وڈیو میں ماہیما نے بتایا کہ روٹین کے چیک اپس میں مجھے جب پتہ چلا کہ بریسٹ کینسر جیسے مرض میں جکڑی گئی ہوں تو میں نے کسی کو بھی نہیں بتایا اور امریکہ علاج کروانے کےلئے چلی گئی۔وہاں میرا علاج ہوا اور میں صحتیاب ہو گئی ۔

اس دوران مجھے انٹرویوز اور شوز میں شرکت کےلئے کالز موصول ہوتی رہیں لیکن میں علاج میں مصروف ہونے کی وجہ سے کسی کو بھی ہاں نہیں کر سکتی تھی اور علاج کی وجہ سے بال بھی سر سے اتر چکے تھے۔انوپم کھیرنے بھی بتایا کہ میں ماہیما کو اپنی فلم میںکاسٹ کرنا چاہتا تھا اور اسی غرض سے امریکہ سے بھارت بھی بلوانا چاہتا تھا تو بات چیت کے دوران پتہ چلا کہ یہ تو کینسر جیسے مرض میں مبتلا ہیں ۔انوپم نے مزید کہا کہ ماہیما یقینا ایک ہیرو ہیں اور ان کا حوصلہ دوسری خواتین کےلئے مثال ہے ۔وڈیو میں ماہیما انوپم کھیر کے ساتھ بات کرتے ہوئے رو بھی پڑیں

سلمان خان اور ان کے والد سلیم خان کو چند روز قبل ایک دھمکی آمیز خط ملا جس کے بعدممبئی پولیس نے سلمان خان اور سلیم خان کے بیانات قلمبند کئے،پولیس ہر سطح پر تحقیقات کررہی ہے۔پولیس کا کہنا ہے کہ سلمان خان اور ان کے والد سلیم خان کو دھمکی آمیز خط کے پیچھے گینگسٹر لارنس بسنوئی ہے ۔پولیس کا کہنا ہے کہ تین لوگوں نے خط سلیم خان تک پہنچانے کےلئے راجھستھان سے ممبئی تک کا سفر کیا۔ممبئی پولیس کرائم برانچ کا کہنا ہے کہ خط دینے والے تینوں بندوں کا پتہ چل گیا ہے بہت جلد ان کو گرفتار کر لیا جائیگا ہم نے پولیس کی چھ ٹیمیں تیار کی ہیںجوانڈیا کی مختلف جگہوں پر چھاپے مار رہے ہیں ۔پولیس تحقیقات کرنے کےلئے سلمان خان کے گھر کے باہر کی سی سی فوٹیج بھی دیکھ رہی ہے۔

یادرہے کہ گینگسٹر بسنوئی نے سلمان خان کو کالے ہرن کے شکار کے بعد جودھ پور میں قتل کرنے کی دھمکی دی تھی اور ابھی جو باپ بیٹے کو خط موصول ہوا ہے اسکے بارے میں ممبئی پولیس کا کہنا ہے کہ یہ بھی انہی کی طرف دیا گیا ہے۔سلمان خان اور سلیم خان کی سیکیورٹی میں اضافہ کر دیا گیا ہے ۔تحقیقات کس کروٹ بیٹھتی ہیں یہ تو وقت ہی بتائے گا ۔سلما ن خان کے پرستار ان کو ملنے والے دھمکی آمیز خط کے بعد کافی پریشان ہیں ان کا کہنا ہے کہ اداکار کی جان کی مکمل حفاظت کی جائے ۔

دبنگ سلمان خان جو کسی نہ کسی حوالے سے خبروں کی زینت بنے رہتے ہیں ان کی فلم ”کبھی عید کبھی دیوالی“ جس کی شوٹنگ بہت جلد شروع ہونے جا رہی ہے کانام تبدیل کرنے کی باتیں کی جا رہی ہیں ۔رپورٹس کے مطابق سلمان خان کی فلم کبھی عید کبھی دیوالی کا نام تبدیل کرکے ”بھائی جان“ رکھ دیا گیا ہے نام کی تبدیلی کا اعلان ابھی باضابطہ طور پر نہیں کیا لیکن خبریں یہی ہیں کہ فلم کا نام تبدیل کرنے کاپلان بن چکا ہے ۔

سلمان خان کو جان سے مار دینے کی دھمکی کے موقع پر ان کی فلم کا نام تبدیل کر دینے کی خبریقینا سوال اٹھا رہی ہے آخر ایسی کیا بات ہوئی کہ فلم کا نام تبدیل کرنے کی ضرورت پیش آگئی ۔بھارتی میڈیا رپورٹس یہ بھی کہہ رہی ہیں اس فلم کی کاسٹ میں کچھ لوگ شامل تھے وہ بھی اس سے علیحدگی اختیار کررہے ہیںتاہم حتمی طور پر کسی کا ایسا فیصلہ سامنے نہیں آیا ۔
یاد رہے کہ سدھو موسے والا کے قتل کے بعد سلمان خان اور ان کے والد سلیم خان کو قتل کی دھمکیاں ملیں اس کے بعد ان کی سیکیورٹی کو بڑھا دیا گیا اور سلمان خان پولیس کو یہ بیان بھی ریکارڈ کروا چکے ہیں کہ ان کی کسی سے کوئی دشمنی نہیں ہے.

اداکار سلمان خان اور ان کے والد سلیم خان کو حال ہی میںایک بار پھر دھمکیاں ملنے کے بعد سلمان خان نے پولیس کو اپنا بیان ریکارڈ کروا دیا ہے ان کا کہنا ہے کہ میری کسی سے کوئی دشمنی نہیں ہے ۔میرے والد کو دھمکی آمیز خط مارننگ واک کے دوران ملا ہے ،میری کسی سے معمولی سی بھی دشمنی نہیں ہے آج کل کہ میں کسی پر شک کر سکوں ۔مجھے کوئی میسج یا دھمکی آمیز کال تاحال موصول نہیں ہوئی ۔
سلمان خان کو ملنے والی دھمکی آمیز خط میں باقاعدہ یہ لکھا گیا کہ سلمان اور سلیم دونوں بہت جلد سدھو موسے والا بنا دئیے جاﺅ گے ۔خط پر G.B اورLB کہا جا رہا کہ جی بی سے مراد گولڈی بار اور ایل بی سے مراد لارنس بسنوئی ہے لیکن پولیس کا کہنا ہے کہ ہم حتمی طور پر کچھ بھی نہیں کہہ سکتے کہ اس خط کے پیچھے کون ہے ۔ممبئی پولیس کا کہنا ہے کہ سلیم خان کو جو خط ملا ہے اس کی تحقیقات ہر سطح پر جاری ہیں ۔
یاد رہے کہ لارنس بسنوئی سلمان خان کو جودھ پور میں قتل کرنے کی دھمکی دے چکا ہے لیکن حال ہی میں جب انہیں پھر سے دھمکیاں دی گئیں اس کے بعد سلمان خان اور ان کے گھر کے باہر کی سیکیورٹی کو سخت کر دیا گیا ہے ۔سلمان خان نے تو پولیس کو اپنا بیان ریکارڈ کروا کر معاملہ کلئیر کر دیا ہے کہ ان کی دشمنی کسی سے بھی نہیں ہے کہ انہیں دھمکیاں دی جائیں اب پولیس تحقیقا ت کیا بتاتی ہیں اس لئے سلمان خان کے پرستاروں کو انتظار کرنا ہو گا ۔

فلمسٹار شان شاہد جو آج کل سوشل میڈیا پر کافی متحرک رہتے ہیں، وہ سیاسی معاملات میں بھی کافی دلچپسی لیتے ہوئے عمران خان کے حق میں لکھتے رہتے ہیں۔ انہوں نے حال ہی میں بالی وڈ کے تینوں خانز کو کٹہرے میں کھڑا کر لیا اور ان کی خاموشی پر سوال اٹھا دئیے۔ تفصیلات کے مطابق شان شاہد نے بھارت میں گستاخانہ بیانات دئیے جانے پر تینوں خانز شاہ رخ خان، عامر خان اور سلمان خان کی خاموشی پر سوال اٹھا دئیے شان نے ان تینون کی تصویر ٹویٹر پر شئیر کی اورلفظ لکھا لعنت یعنی شان شاہد ان تینوں خانز کی اس موقع پر خاموشی پر کافی ناراض ہیں ان کا خیال ہے کہ ان تینوں خانز کو بطور مسلمان ان کے ہی ملک میں پیارے نبی کے حوالے سے فضول قسم کی گفتگو پر آواز اٹھانی چاہیے جو کہ انہوں نے تاحال ایسا نہیں کیا۔ شان شاہد کی طرح تینوں خانز کے بہت سارے پرستار ان کی خاموشی پر مایوس ہیں۔ شان شاہد کی اس پوسٹ پر انہیں کافی سپورٹ کیا گیا۔اسی طرح سے بہت سارے شوبز ستارے اس حوالے سے میدان میں ہیں اور حکومت سے مطالبہ کررہے ہیں کہ بھارت سے بائیکاٹ کیاجائے۔
پاکستان میں‌ہر سطح ہر بھارت کا بائیکاٹ کرنے کا مطالبہ کی جا رہا ہے.عمران خان ہوں یا شہباز شریف بلاول سب اس معاملے میں ایک پیج پر ہیں اور تینوں نے گستاخانہ بیانات پر مذمت کی ہے. واضح رہے کہ بی جے پی ترجمان نوپور شرما نے ایک ٹی وی چینل پر توہین رسالت کا ارتکاب کیا تھا.