Baaghi TV

Tag: سونا

  • 2024 میں ملک میں سونےکی فی تولہ قیمت میں کتنا اضافہ ہوا؟

    2024 میں ملک میں سونےکی فی تولہ قیمت میں کتنا اضافہ ہوا؟

    کراچی: سال 2024 میں سونے کی فی تولہ قیمت میں 52 ہزار 600 روپے اضافہ ہوا ہے۔

    باغی ٹی وی: آل پاکستان جیمز اینڈ جیولرز ایسوسی ایشن کے مطابق آج یعنی سال کے آخری روز ملک میں سونے کی فی تولہ قیمت 2 لاکھ 72 ہزار 600 روپے پر برقرار ہے جب کہ دس گرام سونے کی قیمت 2 لاکھ 33 ہزار 711 روپے پر برقرار ہے جب کہ عالمی بازار میں بھی سونےکی قیمت 2614 ڈالر فی اونس پر برقرار ہے۔

    ایسوسی ایشن کے مطابق ملک میں سال 2024 میں سونے کی فی تولہ قیمت میں 23 اعشاریہ 9 فیصد( 52 ہزار 600 روپے) اضافہ ہوا، سونے کی فی تولہ قیمت سال 2024 میں 77100 روپے کے بینڈ میں رہی،سال 2024 میں سونے کی فی تولہ بلند ترین قیمت 2 لاکھ 87 ہزار 900 روپے رہی جب کہ سال 2024 میں سونے کی فی تولہ کم ترین قیمت 2 لاکھ 10 ہزار 800 روپے رہی۔

    وینزویلا نے ٹک ٹاک پر ایک کروڈ ڈالر کا جرمانہ عائد کردیا

    سونے کی عالمی قیمت سال 2024 میں 552 ڈالر بڑھ کر 2614 ڈالر رہی، سونے کی عالمی قیمت سال 2024 میں 26.7 فیصد بڑھی ہے سال 2024 میں سونے کی فی اونس عالمی قیمت 774 ڈالر کے بینڈ میں رہی، سونے کی بلند ترین قیمت 2784 ڈالر فی اونس رہی جب کہ سونےکی کم ترین قیمت 2010 ڈالر فی اونس رہی۔

    سونا پہننے کا شوق تمام ہی خواتین کو ہوتا ہے، شادی بیاہ کی تقریبات، دعوتوں، اور مختلف ایونٹس میں خواتین گولڈ لازمی پہنتی ہیں، لیکن کیا آپ جانتے ہیں کہ دنیا میں سب سے زیادہ سونا کس ملک کی خواتین کے پاس ہے؟آکسفورڈ گولڈ گروپ کی ایک رپورٹ میں انکشا ف ہوا ہے کہ دنیا میں سب سے زیادہ سونا انڈیا کی خواتین کے پاس موجود ہے جو کہ 5 ممالک کے مشترکہ سونے سے بھی زیادہ ہے۔

    ایل ڈی اے کی غیرقانونی کمرشل عمارتوں کے خلاف کارروائیاں

    بھارتی ویب سائٹ نیوز 18 کے مطابق جنوبی بھارت سونے کا ایک بڑا مرکز ہے جس کی خواتین کے پاس ہندوستان کے سونے کے کُل ذخائر کا 40 فیصد حصہ موجود ہے،ہندوستانی خواتین کے پاس دنیا کا 11 فیصد سونا پایا جاتا ہے کہ جو کہ 24 ہزار میٹرک ٹن بنتا ہے۔

    لاہور: شراب کے ساتھ اسلحے کی نمائش کرنے والا شخص گرفتار

    رپورٹس کے مطابق امریکا کے پاس 8 ہزار 133 ٹن، جرمنی کے پاس 3,362 ٹن، اٹلی کے پاس2,451 ٹن، فرانس کے پاس 2,436 ٹن اور روس کے پاس 2,298 ٹن سونا ہے جبکہ ان سب ممالک کا سونا ملا کر بھی اگر دیکھا جائے تو بھارتی خواتین ان ممالک کے مشتر کہ سونے سے بھی کئی گنا زیادہ سونے کے مالکن ہیں، جنوبی ہندوستان کی ریاست تمل ناڈو کے پاس بھارت کا 28 فیصد سونا موجود ہےبھارتی خواتین کی جانب سے استعمال کیے جانے والے سونے کا یہ ذخیرہ بھارت کی جی ڈی پی کا 40 فیصد بنتا ہے۔

    یکم سے 6 جنوری تک ملک کے بیشتر علاقوں میں بارش

  • ملک میں سونے کی فی تولہ قیمت میں اضافہ

    ملک میں سونے کی فی تولہ قیمت میں اضافہ

    کراچی: ملک میں سونے کی فی تولہ قیمت میں آج 1400 روپے اضافہ ہوا ہے۔

    باغی ٹی وی: آل پاکستان جیمز اینڈ جیولرز ایسوسی ایشن کے مطابق صرافہ مارکیٹوں میں جمعرات کو 24 قیراط کے حامل فی تولہ سونے کی قیمت 1400روپے کے اضافے سے 274000روپے اور فی 10 گرام سونے کی قیمت بھی 1200روپے کے اضافے سے 234911روپے کی سطح پر آگئی،جبکہ بین الاقوا می بلین مارکیٹ میں فی اونس سونے کی قیمت 14ڈالر کے اضافے سے 2628ڈالر کی سطح پر آ گئی۔

    عالمی اور مقامی مارکیٹوں میں سونے کی قیمتوں میں اضافے کے برعکس فی تولہ چاندی کی قیمت بغیر کسی تبدیلی کے 3350روپے اور فی 10گرام چاندی کی قیمت بھی بغیر کسی تبدیلی کے 2872.08روپے کی سطح پر مستحکم رہی۔

    لاہور ہائیکورٹ : موسم سرما تعطیلات کے پہلے ہفتے کیلئے بینچز تشکیل

    9 مئی میں سزا یافتہ لوگوں کے لیے اپیلیں فائل کریں گے،بیرسٹر گوہر

    9 مئی میں سزا یافتہ لوگوں کے لیے اپیلیں فائل کریں گے،بیرسٹر گوہر

  • جنگل میں کھڑی کار سے 52 کلو سونا،15 کروڑ نقدی برآمد

    جنگل میں کھڑی کار سے 52 کلو سونا،15 کروڑ نقدی برآمد

    بھوپال، مدھیہ پردیش کے دارالحکومت بھوپال میں انکم ٹیکس ڈیپارٹمنٹ نے ایک بڑی کارروائی کے دوران 52 کلوگرام سونا اور 15 کروڑ روپے نقدی برآمد کیے ہیں۔ یہ انکشاف آئی ٹی اور پولیس کے مشترکہ آپریشن میں ہوا، جس میں 100 سے زائد پولیس اہلکاروں نے حصہ لیا۔

    ذرائع کے مطابق، یہ کارروائی بھوپال کے قریب واقع مینڈوری کے جنگلاتی علاقے میں کی گئی، جہاں جنگل میں کھڑی ایک کار سے بڑی مقدار میں سونا اور نقدی برآمد ہوئی۔ اس کارروائی نے انکم ٹیکس کے افسران کو حیرت میں ڈال دیا، اور تمام سونا اور نقدی کو فوری طور پر ضبط کر لیا گیا۔ اس کے علاوہ، مزید تحقیقات کا آغاز کر دیا گیا ہے تاکہ اس بڑی مقدار میں دولت کے ماخذ کا پتا چلایا جا سکے۔بھارتی میڈیا کے مطابق یہ چھاپہ بھوپال اور اندور کی ایک معروف تعمیراتی کمپنی پر ٹیکس چوری اور غیر قانونی سرگرمیوں میں ملوث ہونے کے شبہ کے تحت مارا گیا تھا۔ اس سے قبل محکمہ انکم ٹیکس نے اس کمپنی کے 51 مختلف ٹھکانوں پر بھی چھاپے مارے تھے، جہاں سے اہم دستاویزات اور ثبوت بھی برآمد ہوئے تھے۔

    محکمہ انکم ٹیکس کے حکام کا کہنا ہے کہ جنگل سے برآمد ہونے والی نقدی اور سونا ایک بڑی مالی سازش کا حصہ ہو سکتے ہیں۔ افسران اس بات کی تحقیقات کر رہے ہیں کہ یہ دولت کہاں سے آئی اور اسے کس مقصد کے لیے استعمال کیا جانا تھا۔ آئی ٹی حکام اس معاملے کی مزید گہرائی سے جانچ کر رہے ہیں تاکہ اس کے پیچھے چھپے نیٹ ورک کو بے نقاب کیا جا سکے۔یہ انکشاف مدھیہ پردیش میں سیاسی اور سماجی حلقوں میں ہلچل مچانے کا باعث بن چکا ہے۔ مقامی شہریوں اور میڈیا میں اس واقعے کی گونج ہے اور مختلف نظریات سامنے آ رہے ہیں کہ آیا یہ صرف ٹیکس چوری کا معاملہ ہے یا اس میں کوئی اور گہری سازش چھپی ہوئی ہے۔

    آئی ٹی ڈیپارٹمنٹ اور پولیس کی مشترکہ کارروائی کے دوران اس بات کی بھی تصدیق کی گئی ہے کہ اس قسم کے آپریشن کے ذریعے ان غیر قانونی سرگرمیوں کو قابو پانے میں مدد ملے گی، جو ریاست میں کرپشن اور ٹیکس چوری کی شکل میں نظر آ رہی ہیں۔محکمہ انکم ٹیکس نے اس معاملے کی تحقیقات تیز کر دی ہیں اور مزید افراد کے ان سرگرمیوں میں ملوث ہونے کے امکان کو رد نہیں کیا ہے۔ اس کے علاوہ، یہ معاملہ ریاست کے اعلیٰ حکام کی توجہ کا مرکز بن چکا ہے، اور آئندہ دنوں میں اس کی مزید تفصیلات منظرِ عام پر آ سکتی ہیں۔

    2017 سے کیس زیر التوا،ریاست حکومت گرانے،لانے میں مصروف،جسٹس اطہرمن اللہ

    اسلامک یونیورسٹی کے انتظامی امور پر چیف جسٹس کو خط

  • پاکستان اسٹاک ایکسچینج میں مندی کی لہر جاری

    پاکستان اسٹاک ایکسچینج میں مندی کی لہر جاری

    کراچی: پاکستان اسٹاک ایکسچینج میں آج بھی کاروبار کا منفی آغاز ہوا ہے۔

    باغی ٹی وی:کاروباری ہفتے کے آخری روز کاروبار کے آغاز پر ہی 100 انڈیکس میں 2500 پوائنٹس سے زائد کمی ریکارڈ کی گئی، جس کے بعد انڈیکس 1 لاکھ 8 ہزار 400 پر آگیا،کاروبار کے اختتام تک 100 انڈیکسں 4795 پوائنٹس سے زائد کمی کے ساتھ 1 لاکھ 6 ہزار 274 پر بند ہوا۔

    گزشتہ روز پاکستان اسٹاک ایکسچینج میں 100 انڈیکس 3790 پوائنٹس گر کر 1 لاکھ 11 ہزار 70 پوائنٹس پر بند ہوا تھا،ماہرین کا کہنا ہے کہ اسٹاک مارکیٹ میں کریکشن آرہی ہے، جلدی ریکوری بھی ہوجائے گی۔

    دوسری جانب عالمی مارکیٹ میں سونے کی قیمت میں کمی کے باعث مقامی مارکیٹ میں بھی کمی واقع ہوئی ہے۔

    بین الاقوامی بلین مارکیٹ میں فی اونس سونے کی قیمت 26 ڈالر کی کمی سے 2621ڈالر کی سطح پر آگئی کمی کے باعث مقامی صرافہ مارکیٹوں میں بھی جمعرات کو 24 قیراط کے حامل فی تولہ سونے کی قیمت 2100روپے کی کمی سے 273300روپے اور فی دس گرام سونے کی قیمت بھی 2229روپے کی کمی سے 234311روپے کی سطح پر آگئی، اسی طرح فی تولہ چاندی کی قیمت 50روہے کے اضافے سے 3350روپے اور 10گرام چاندی کی قیمت بھی 42.87 روپے کے اضافے سے 2872.08روپے ہوگئی۔

  • سونے کی فی تولہ قیمت میں مزید کمی

    سونے کی فی تولہ قیمت میں مزید کمی

    کراچی: ملک میں سونے کی فی تولہ قیمت میں مزید کمی ہوگئی۔

    باغی ٹی وی : آل پاکستان جیمز اینڈ جیولرز ایسوسی ایشن کے مطابق ملک میں سونے کی فی تولہ قیمت 800 روپے کم ہوئی ہے اس کمی کے بعد آج سونے کی فی تولہ قیمت 2 لاکھ 77 ہزار روپے ہے10 گرام سونے کی قیمت 687 روپے کم ہوکر 2 لاکھ 37 ہزار 482 روپے ہے،جبکہ عالمی بازار میں بھی سونے کی فی اونس قیمت 8 ڈالر کم ہوکر 2 ہزار 658 ڈالر ہے اس سے قبل ملک میں سونے کی فی تولہ قیمت میں 5 ہزار روپے کی کم ہوئی تھی۔

    دوسری جانب ملک میں سونے کی قیمتوں میں کمی کے برعکس فی تولہ چاندی کی قیمت بغیر کسی تبدیلی کے 3400روپے اور فی 10گرام چاندی کی قیمت بھی بغیر کسی تبدیلی کے 2914.95روپے کی سطح پر مستحکم رہی۔

  • ملک بھر میں سونے کی قیمت میں مزید اضافہ

    ملک بھر میں سونے کی قیمت میں مزید اضافہ

    کراچی: ملک بھر میں سونے کی قیمت میں آج مزید اضافہ ہواہے۔

    باغی ٹی وی: آل پاکستان جیمز اینڈ جیولر ایسوسی ایشن کے مطابق ملک بھر میں سونے کی فی تولہ قیمت میں ایک ہزار روپے کا اضافہ ہوا ہے جس کے بعد فی تولہ سونے کی قیمت 2 لاکھ 77 ہزار 400 روپے ہوگئی ہے ایسوسی ایشن کے مطابق 10گرام سونے کا بھاؤ 858 روپے اضافے سے 2 لاکھ37 ہزار 826 روپے ہے،دوسری جانب عالمی بازار میں سونے کا بھاؤ 10 ڈالر اضافے سے 2662 ڈالر فی اونس ہے۔

    جبکہ سونے کی قیمتوں میں اضافے کے برعکس فی تولہ چاندی کی قیمت بغیر کسی تبدیلی کے 3400 روپے اور فی 10 گرام چاندی کی قیمت بھی بغیر کسی تبدیلی کے 2914.95روپے کی سطح پر مستحکم رہی۔

  • کالے جادو سے سونا ڈبل کرنے کا دعویٰ ، خاتون دوسرے شوہر سمیت گرفتار

    کالے جادو سے سونا ڈبل کرنے کا دعویٰ ، خاتون دوسرے شوہر سمیت گرفتار

    بھارتی ریاست کیرالہ میں ایک کاروباری شخص، غفور کا قتل ہوا، ایک سال کے بعد حالیہ تحقیقات میں ایک حقیقت سامنے آئی ہے کہ اس قتل کے پیچھے ایک جادوگری کے گروہ کا ہاتھ تھا، جس کا سربراہ ایک عورت شمیما تھی۔ اس گروہ نے غفور کو کالے جادوسے سونا دوگنا کرنے کا جھانسہ دے کر قتل کیا۔ یہ واردات اپریل 2023 میں کیرالہ کے قصارگوڑ علاقے میں ہوئی تھی۔

    پولیس کے مطابق، شمیما جو خود کو جِن کہتی تھی، نے اپنے گروہ کے ساتھ مل کر غفور کو اس کے خاندان کے سونے کی 4.768 کلو مقدار چرانے کے لیے قتل کیا۔ اس گروہ کا مقصد صرف سونا چرانا تھا، اور یہ لوگ لوگوں کو کالے جادو کے نام پر دھوکہ دیتے تھے۔ تحقیقات کے بعد پولیس نے اس قتل کی سازش کو 20 ماہ کے بعد بے نقاب کیا اور شمیما سمیت اس کے چار ساتھیوں کو گرفتار کر لیا۔پولیس نے شمیما کے علاوہ اس کے دوسرے شوہر ابیسے ٹی ایم، آسنفہ پی ایم اور عائشہ اے کو بھی گرفتار کیا ہے، جو سب کے سب ویڈیناگر کے رہائشی ہیں۔

    غفور اپنے خاندان کے ساتھ کیرالہ کے پچاکاڑ علاقے کا رہائشی تھا، 13 اپریل 2023 کو رمضان کے مہینے میں صبح 5:30 بجے اس کی موت واقع ہوئی۔ ان کی لاش اگلے دن گھر کے اندر ملی۔ ان کے اہل خانہ نے اسے قدرتی موت سمجھا اور دفن کر دیا۔غفور دبئی میں 4 سپر مارکیٹوں کا مالک تھا اور اس کے مالی معاملات میں کوئی مشکل نہیں تھی۔لیکن غفور کے اہل خانہ نے اس کے سونے کے بارے میں کچھ عجیب محسوس کیا کیونکہ غفور نے اپنی تمام تر فیملی سے سونا لیا تھا، اور پھر وہ سونا غائب تھا۔ جب اہل خانہ نے اس بارے میں تفتیش شروع کی تو ان کا شک شمیما پر گیا، جو ان کے گاؤں میں رہتی تھی اور غفور کی بیوی کی بیماری کے دوران علاج کے لیے آئی تھی۔

    پولیس تحقیقات کے دوران یہ بات سامنے آئی کہ شمیما نے غفور کو سونے کو دوگنا کرنے کا وعدہ کیا تھا، اور جادو کے ذریعے یہ کرنے کا دعویٰ کیا تھا۔ شمیما نےغفور کو اپنے خاندان کا سونا جمع کرنے کے لیے کہا اور پھر اس سونے کو واپس کرنے کا وعدہ کیا۔ غفور نے اپنا سونا شمیما کے حوالے کر دیا تھا، لیکن جب اس نے اپنا سونا واپس مانگا تو شمیما اور اس کے گروہ نے اسے قتل کر دیا۔13 اپریل کی رات شمیما اور اس کے گروہ نے غفور کے گھر آ کر کالے جادوکا عمل شروع کیا، مگر اسی دوران شمیما کے شوہر ابیسے نے غفور کا قتل کر دیا اور اس کی لاش کو گھر میں چھوڑ کر وہ لوگ وہاں سے فرار ہو گئے۔

    پولیس کو تحقیقات کے دوران واٹس ایپ چیٹس ملی تھیں جن میں غفور نے شمیما کو 10 لاکھ روپے اور سونا دیا تھا۔ پولیس نے اس کی تفتیش مزید آگے بڑھائی اور دریافت کیا کہ شمیما اور اس کے گروہ نے غفور کا قتل کیا اور بعد میں سونا مختلف علاقوں میں بیچ دیا۔پولیس نے مزید تحقیقات کے دوران یہ بھی معلوم کیا کہ شمیما نے ایک کاغذی تعویذ بیچنے کا کاروبار بھی شروع کر رکھا تھا، جس کی قیمت 55,000 روپے تھی، اور لوگ اس سے ڈرتے تھے کیونکہ وہ خود کو جادوگرنی سمجھتی تھی۔پولیس نے اس کے علاوہ ایک اور الزام بھی سامنے لایا کہ شمیما نے چٹانچل کے ایک شخص کے ساتھ کار خریدنے کے لیے فراڈ کیا تھا۔ اس شخص نے گاڑی کے قرض کی اقساط نہیں بھریں، مگر غفور کی موت کے بعد وہ تمام بقایا رقم ادا کر دی گئی۔

    گاؤں کے لوگ شمیما سے خوف زدہ تھے کیونکہ وہ خود کو جِن کی طاقت رکھنے والی بتاتی تھی، اور اس کا گروہ سیاہ جادو کے ذریعے لوگوں کو خوف میں مبتلا کرتا تھا۔ پولیس نے اس کے خلاف قتل اور دیگر سنگین الزامات عائد کیے ہیں۔کیرالہ پولیس نے اس سنگین واردات کو حل کرنے کے بعد ملزمان کو گرفتار کر لیا ہے اور ان کے خلاف سخت کارروائی کرنے کی تیاری کر لی ہے۔

  • پی ایس ایکس میں تیزی کا رجحان برقرار ،100 انڈیکس ایک لاکھ8 ہزار 238 پوائنٹس پر بند

    پی ایس ایکس میں تیزی کا رجحان برقرار ،100 انڈیکس ایک لاکھ8 ہزار 238 پوائنٹس پر بند

    کراچی: پاکستان سٹاک ایکسچینج میں تیزی کا رجحان برقرار ہے، بینچ مارک 100 انڈیکس تاریخ کی بلند ترین سطح پر پہنچ گیا۔

    باغی ٹی وی : پاکستان اسٹاک ایکسچینج میں کاروباری ہفتے کے چوتھے روز 100 انڈیکس میں دن کا آغاز ایک لاکھ 5 ہزار 104 پوائنٹس سے ہوا کاروبار کے اختتام پر 100 انڈیکس مجموعی طور پر 3 ہزار 134 پوائنٹس اضافے سے ایک لاکھ8 ہزار 238 پوائنٹس پر بند ہوا، آج کاروبار کے دوران 100 انڈیکس نے نئی بلند ترین سطح ایک لاکھ 8 ہزار 345 پوائنٹس بنائی-

    بازار میں آج 1.64 ارب شیئرز کے سودے 63 ارب روپے میں طے ہوئے جبکہ مارکیٹ کیپٹلائزیشن 388 ارب روپے اضافے سے 13 ہزار 745 ارب روپے ہے،بازار میں آج مسلسل چوتھے روز ایک ارب سے زائد شیئرز کے سودے ہوئے ہیں، گزشتہ روز پاکستان اسٹاک ایکسچینج کے 100 انڈیکس نے ایک لاکھ 5 ہزار کا ہندسہ عبور کیا تھا۔

    دوسری جانب عالمی اور مقامی گولڈ مارکیٹ میں سونے کی قیمت میں ایک روز بعد دوبارہ اضافہ ہوگیا ہے۔

    جیولرز ایسوسی ایشن کے مطابق عالمی مارکیٹ زیر اثر ملک میں 24 قیراط سونے کی فی تولہ قیمت 500 روپے بڑھ کر 2 لاکھ 75 ہزار 700 روپے ہوگئی جبکہ 10 گرام سونے کا بھاؤ 428 روپے اضافے سے 2 لاکھ 36 ہزار 368 روپے ہوگئے،جبکہ عالمی مارکیٹ میں سونے کی فی اونس قیمت 5 ڈالر بڑھ کر 2645 ڈالر ہوگئی۔

    علاوہ ازیں انٹربینک میں ڈالر سستا ہونے سے روپے کی قدر میں بہتری آنے لگی ہے،کاروباری ہفتے کے چوتھے روز انٹر بینک میں امریکی کرنسی مزید 12 پیسے سستی ہوئی ہے، جس کے بعد انٹر بینک میں ڈالر 277 روپے 92 پیسے سے کم ہو کر 277 روپے 80 پیسے پر ٹریڈ ہو رہا ہے۔

  • سونے کی قیمت میں ہزاروں روپے کا اضافہ

    سونے کی قیمت میں ہزاروں روپے کا اضافہ

    لراچی: ملک میں سونے کی قیمت میں ہزاروں روپے کا اضافہ ہوگیا۔

    باغی ٹی وی: آل پاکستان جیمز اینڈ جیولرز ایسوسی ایشن کے مطابق ملک میں فی تولہ سونے کا بھاؤ 3700 روپے بڑھا ہے، نئی قیمت 2 لاکھ 78 ہزار روپے فی تولہ ہو گئی اسی طرح فی 10 گرام سونے کی قیمت بھی 3172 روپے بڑھ جانے سے 2 لاکھ 38 ہزار 340روپے کی سطح پر پہنچ گئی،جبکہ جمعرات کے روز بین الاقوامی بلین مارکیٹ میں فی اونس سونے کی قیمت میں 37ڈالر کا اضافہ ہونے سے نئی عالمی قیمت 2668ڈالر فی اونس کی سطح پر آگئی۔

    دوسری جانب ملک میں فی تولہ چاندی کی قیمت میں بھی آج 200 روپے کا اضافہ ہونے سے نئی قیمت3450 روپے فی تولہ ہو گئی۔

  • سونے کی فی تولہ قیمت میں اضافہ،ڈالر سستا

    سونے کی فی تولہ قیمت میں اضافہ،ڈالر سستا

    کراچی: ملک میں سونے کی فی تولہ قیمت میں اضافہ ہوگیا۔

    باغی ٹی وی : آل پاکستان جیمز اینڈ جیولرز ایسوسی ایشن کے مطابق ملک میں فی تولہ سونے کا بھاؤ 1400 روپے بڑھا ہے،اس اضافے کے بعد ملک میں فی تولہ سونے کی قیمت 2لاکھ 71 ہزار 900 روپے ہے،ایسوسی ایشن کے مطابق 10گرام سونے کا بھاؤ 1200 رو پے اضافے سے 2 لاکھ 33 ہزار 111 ہے،جبکہ عالمی بازار میں سونے کی فی اونس قیمت 14 ڈالر اضافے سے 2 ہزار 607 ڈالر ہے۔

    دوسری جانب ملک میں روپے کے مقابلے میں امریکی ڈالر سستا ہوگیااسٹیٹ بینک آف پاکستان کے مطابق بدھ کو انٹربینک تبادلہ میں ڈالر کا بھاؤ 8 پیسے کم ہوا ہے کاروبار کے اختتام پر ڈالر کا بھاؤ 277 روپے 85 پیسے ہے۔انٹربینک میں گذشتہ روز ڈالر 277روپے 93 پیسے پر بند ہوا تھا۔