الریاض: سعودی گولڈ مارکیٹ میں سونے کے نرخوں میں اضافہ ریکارڈ کیا گیا ہے۔
باغی ٹی وی: تواصل ویب کے مطابق سعودی گولڈ مارکیٹ میں 24 قیراط ایک گرام سونے کی قیمت 247.56 ریال، 22 قیراط ایک گرام 226.93 اور18 قیراط 185.67 ریال رہی جبکہ 21 قیراط ایک گرام سونا 216.61 ریال میں فروخت کیا جاتا رہا،اس کے علاوہ 21 قیراط 8 گرام گنی 2076.49 ریال، 22 قیراط 2178.52 ریال جبکہ 24 قیراط 8 گرام گنی کی قیمت 2379.56 ریال رہی جبکہ ایک کلو گرام سونا 249,291.46 ریال میں دستیاب رہا۔
دوسری جانب سال 2023میں دنیا بھر میں سونے کی قیمتوں میں زبردست اضافہ دیکھا گیا اب ورلڈ گولڈ کونسل نے سال 2024 میں سونے کی قیمتوں کا ایک آؤٹ لک جاری کیا ہے، جس میں مستقبل کے رجحانات کے لیے ممکنہ منظرنامے پیش کیے گئے ہیں۔
بین الاقوامی سطح پر سونے کی قیمت میں سال 2022 کے دوران کمی رہی، اکتوبر 2022 میں تقریباً 1650 ڈالر فی اونس تک گر گئی نومبر 2020 میں، قیمتوں نے پرواز جاری رکھی اور اپریل 2023 میں 2,000 ڈالر کا نشان عبور کرلیا سونے کی قیمتیں پورے 2023 میں 2,000 ڈالر کے لگ بھگ رہیں، جس نے مزید لوگوں کو قیمتی دھات میں سرمایہ کاری کرنے پر آمادہ کیا پاکستان میں، روپے کے مقابلے امریکی ڈالر کی قدر میں اضافے کی وجہ سے سونے کی قیمت میں بہت زیادہ اضافہ ہوا۔
سونے کی صنعت میں سب سے زیادہ بااثر تنظیم ”ورلڈ گولڈ کونسل“ نے اپنے 2024 کے آؤٹ لک میں اگلے سال سونے کی قیمتوں کے لیے تین منظرنامے پیش کیے ہیں تنظیم نے سونے کی متوقع مانگ کو امریکی معیشت کی کارکردگی اور 2024 میں کئی ممالک میں ہونے والے انتخابات سے جوڑا ہے۔
ورلڈ گولڈ کونسل کے مطابق 45 سے 65 فیصد امکان ہے کہ 2024 میں امریکی معیشت سست روی یا ’سافٹ لینڈنگ‘ کا تجربہ کرے گی۔ اگر ایسا ہوا تو سونے کی مانگ ’الٹرا پوٹینشل کے ساتھ فلیٹ‘ ہوگی اس کا مطلب ہے کہ سونے کی قیمتوں میں قدرے اضافہ ہوگا 25 سے55 فیصد امکانی شرح کے ساتھ دوسرا امکان یہ بھی ہے کہ امریکی معیشت میں نمایاں سست روی یا ’ہارڈ لینڈنگ‘ کا سامنا کرنا پڑے گا اس منظر نامے میں سونے کی مانگ بڑھے گی اور قیمتیں بڑھیں گی۔
ڈبلیو جی سی کا کہنا ہے کہ مرکزی بینک کی مسلسل خریداری کے ساتھ مل کر کئی بڑی معیشتوں کے لیے اہم انتخابی سال میں جغرافیائی سیاسی تناؤ کی بلندی سونے کے لیے اضافی مدد فراہم کر سکتی ہے ڈبلیو جی سی نے 5 سے 10 فیصد امکانی شرح کے ساتھ تیسرا منظرنامہ بھی پیش کیا ہے، جس میں یہ تجویز کیا گیا ہے کہ امریکی معیشت کسی بھی طرح کی سست روی کا تجربہ نہیں کرے گی اگر ایسا ہوا تو قیمتوں پر منفی دباؤ کے ساتھ سونے کی مانگ فلیٹ رہے گی۔ اس کا مطلب ہے کہ قیمتیں کم ہوں گی۔ تاہم، کم امکانی شرح کے ساتھ ایسا ہونے کا امکان نہیں ہے۔
ورلڈ گولڈ کونسل کا کہنا ہے کہ عالمی کساد بازاری کا بھی امکان ہے اور یہ ’بہت سے سرمایہ کاروں کی حوصلہ افزائی کرے گا کہ وہ پورٹ فولیوز میں سونے جیسے متاثر کن لہٰذا، سال 2024 میں سونے کی قیمتوں میں اضافے کے امکانات ہیں۔
