Baaghi TV

Tag: سیاسی جماعتیں

  • ہر طرف سے لیول پلینگ فیلڈ کے مطالبات ،مولانا فضل الرحمان نےحل تجویز کردیا

    ہر طرف سے لیول پلینگ فیلڈ کے مطالبات ،مولانا فضل الرحمان نےحل تجویز کردیا

    مولانا فضل الرحمان نے سیاسی ماحول اور جمہوری روایات کی مضبوطی کیلئے سیاسی جماعتوں کو بڑی تجویز دیدی

    ہر طرف سے لیول پلینگ فیلڈ کے مطالبات کے بعد مولانا فضل الرحمان نے سیاسی حل تجویز کردیا ،مولانا فضل الرحمان کا کہنا ہے کہ تمام سیاسی جماعتیں ایک دوسرے کیلئے گنجائش پیدا کریں،وقت آگیا ہے سیاستدان اور سیاسی جماعتیں بالغ نظری کا مظاہرہ کریں،سیاسی جماعتوں کو اختلاف رائے کے باوجود سیاسی گنجائش پیدا کرنی چاہیئے، سیاسی انتشار اور خلفشار سے نہ جمہوریت مضبوط ہوگی نہ ملکی مسائل حل ہونگے ،سیاسی جماعتوں کی آپس میں گنجائش کا فائدہ کسی ایک جماعت کو نہیں تمام سیاسی جماعتوں کو ہوگا، سیاستدان کسی سے بھی اختلاف رائے یا الگ موقف رکھ سکتا ہے مگر اسے سیاسی انتشار کا شکار نہیں ہونا چاہیے، جمہوریت کی مضبوطی ضد اور ہٹ دھرمی میں نہیں بلکہ جمہوری رویوں کی مضبوطی میں ہے،

    سربراہ جے یو آئی مولانا فضل الرحمان کا کہنا تھا کہ اس وقت پاکستان اور امت مسلمہ دونوں کئی مشکلات کا شکار ہیں، پاکستان کے مسائل کا حل کسی ایک شخص یا جماعت کے پاس نہیں، معاشی ترقی و استحکام سیاسی و داخلی استحکام کیساتھ جڑا ہے، افسوس خود سیاستدانوں کے سبب ماضی اور حال میں جمہوریت کیلئے مشکلات آئیں، اب سنبھلنا ہوگا، سب کے ماضی کا علم ہے مگر اب جمہوریت کی مضبوطی کیلئے سیاسی گنجائش کے فارمولے کیساتھ آگے بڑھنا ہوگا، آصف علی زرداری اور بھٹو خاندان کیساتھ سیاسی اختلاف کے باوجود پرانے تعلقات ہیں، ہم ایک دوسرے کی خوشی و غمی میں شرکت کرتے ہیں، سیاست دانوں میں اختلاف رائے کے باوجود سیاسی گنجائش لازمی ہے، سیاسی منشور، سیاسی موقف دینا سب کا حق مگر اولین ترجیحی پارلیمنٹ کی بالادستی ہے،سیاسی جماعتوں نے ایک دوسرے کے لئے گنجائش پیدا نہیں کریں گی تو نقصان سب کا ہوگا۔

    اسرائیل کی طرف سے عالمی قوانین کی خلاف ورزی جاری ہے. فلسطینی صحافی

    بھارت کا اسرائیل میں مقیم بھارتیوں کو واپس لانے کے لئے آپریشن اجئے کا اعلان

     پرتشدد کارروائیوں کو فوری طور پر روکنے اور شہریوں کے تحفظ کا مطالبہ 

    اسرائیلی میجر جنرل حماس کے ہاتھوں یرغمال؛ کیا اب فلسطینی قیدی چھڑوائے جاسکیں گے؟

    اسرائیل پر حملہ کی اصل کہانی مبشر لقمان کی زبانی

    بھارتی اداکارہ نصرت اسرائیل سے پہنچیں ممبئی،بتایا آنکھوں دیکھا حال

    امریکہ کے بعد برطانیہ کا بھی اسرائیل کی مدد کا اعلان

  • تلخیاں ختم ، تعاون اور درگزر کا راستہ نکلنا چاہیے،صدرمملکت

    تلخیاں ختم ، تعاون اور درگزر کا راستہ نکلنا چاہیے،صدرمملکت

    صدرمملکت ڈاکٹرعارف علوی سےسابق وفاقی وزیر اورسینیٹر محمد علی درانی کی ملاقات ہوئی ہے

    صدر مملکت ڈاکٹر عارف علوی کا کہنا تھا کہ آئندہ عام انتخابات آزادانہ،منصفانہ،شفاف اورجامع ہونےچاہئیں، ملک میں جمہوریت کی مضبوطی کیلئےتمام سیاسی جماعتوں اوراُن کی قیادت کو انتخابی عمل میں حصہ لینے کے یکساں مواقع فراہم کیےجائیں، اگر لوگ اپنی پسند کے لیڈر منتخب نہ کر سکیں تو جمہوریت بے معنی ہو جاتی ہے ، معیشت سمیت تمام ممکنہ محاذوں پر مشکلات کا مقابلہ کرنے کیلئے ملک میں سیاسی، ادارہ جاتی اور اسٹیک ہولڈرز کے اتحاد کی اشد ضرورت ہے، تلخیاں ختم ہونی چاہئیں ، تعاون اور درگزر کا راستہ نکلنا چاہیے، مشکل فیصلوں کیلئے عوامی حمایت اور مشترکہ ملکیت درکار ہوتی ہے، آئندہ عام انتخابات ملکی تعمیر ِنو کیلئے ضروری تحریک پیدا کرنے کا اچھا موقع ہیں،سیاسی شمولیت کا اہم اور واحد معاملہ ہی جمہوریت کی روح ہے ،

    تحریک انصاف کے رہنما افتخار درانی کی نازیبا ویڈیو سامنے آئی ہے

    متنازعہ ٹک ٹاکر حریم شاہ کی ویڈیو لیک

    حریم شاہ کے ہاتھ میں شراب کی بوتلیں اور….ویڈیو وائرل

    عامر لیاقت رات رو رہے تھے، کہہ رہے تھے میں مر جاؤں گا، ملازم

  • پیپلزپارٹی، ن لیگ اور تحریک انصاف سمیت تمام سیاسی جماعتوں کی رجسٹریشن منسوخ

    پیپلزپارٹی، ن لیگ اور تحریک انصاف سمیت تمام سیاسی جماعتوں کی رجسٹریشن منسوخ

    آزاد کشمیر ہائی کورٹ نے پیپلزپارٹی، ن لیگ اور تحریک انصاف سمیت تمام سیاسی جماعتوں کی رجسٹریشن منسوخ کردی ،آزاد کشمیر ہائی کورٹ نےبلدیاتی کونسلرز کی درخواستوں پر تمام سیاسی جماعتوں کی رجسٹریشن غیر قانونی قرار دے دی ہے-

    باغی ٹی وی: آزاد کشمیر کی سیاسی جماعتوں نے پارٹی ڈسپلن کی خلاف ورزی پر کونسلز کو نوٹسزجاری کیے تھے، جس کے خلاف کونسلر نے آزادکشمیر ہائی کورٹ میں درخواستیں دائر کیں،درخواست گزار نے عدالت میں مؤقف پیش کیا کہ سیاسی جماعتیں کونسلرز کو نوٹسز جاری نہیں کر سکتیں۔

    آزاد کشمیر ہائی کورٹ نے سیاسی جماعتوں کے بلدیاتی کونسلرز کو جاری تمام نوٹسز منسوخ کر دیئے، جب کہ پی پی پی، ن لیگ اور پی ٹی آئی سمیت تمام جماعتوں کی رجسٹریشن منسوخ کرتے ہوئے ریمارکس دیئے کہ الیکشن کمیشن آئین کے بغیر رجسٹریشن نہیں دے سکتا آزاد جموں کشمیر الیکشن کمیشن نے سیاسی جماعتوں کو عبوری رجسٹریشن دی تھی، جب کہ عبوری رجسٹریشن کا آئین میں تصور موجود نہیں۔

    عالمی منڈی میں خام تیل کی قیمت میں بڑی کمی

    خیبرپختونخوا میں مقیم افغان مہاجرین کے اعداد و شمار جاری

    ایف آئی اے انٹر پول کی کارروائی، تین اشتہاری ملزمان ابو ظہبی سے گرفتار

  • الیکشن کمیشن نے جماعت اسلامی،ایم کیو ایم کو مشاورت کے لئے بلا لیا

    الیکشن کمیشن نے جماعت اسلامی،ایم کیو ایم کو مشاورت کے لئے بلا لیا

    الیکشن کمیشن نے عام انتخابات سے متعلق مشاورتی عمل تیز کرنے کا فیصلہ کر لیا

    الیکشن کمیشن آف پاکستان نے مختلف سیاسی جماعتوں کو مشاورت کے لیے طلب کر لیا ،پیپلزپارٹی ،ایم کیو ایم اور جماعت اسلامی کو طلب کر لیا گیا ،الیکشن کمیشن آف پاکستان کی جانب سے سیاسی جماعتوں کے سربراہان کو دعوت نامے بھیج دیے گئے ،الیکشن کمیشن نے عام انتخابات سے متعلق مشاورت کے لیے آصف علی زرداری ،خالد مقبول صدیقی اور سراج الحق کو دعوت نامہ بھیج دیا ،

    ایم کیو ایم کے وفد کو 28 اگست کو الیکشن کمیشن آف پاکستان کے مرکزی سیکریٹریٹ طلب کیا گیا ہے ،جماعت اسلامی کے وفد کو 28 اگست کو الیکشن کمیشن آف پاکستان کے مرکزی سیکریٹریٹ طلب کیا گیا ہے .پیپلزپارٹی کے وفد کو 29 اگست کو الیکشن کمیشن آف پاکستان کے مرکزی سیکریٹریٹ طلب کیا گیا ہے الیکشن کمیشن آف پاکستان کی جانب سے سیاسی جماعتوں سے حلقہ بندیوں ،انتخابی شیڈول و دیگر ضروری امور پر بات کی جائے گی الیکشن کمیشن آف پاکستان کی جانب سے جلد دیگر جماعتوں کو بھی خطوط لکھے جائیں گے

    الیکشن کمیشن آف پاکستان کی جانب سے گزشتہ دنوں مسلم لیگ ن ،تحریک انصاف اور جے یو آئی کو بھی مشاورت کے لیے دعوت نامے بھیجے گئے تھے الیکشن کمیشن کی جانب سے آئی جی بلوچستان ،چیف سیکریٹری بلوچستان کو بھی 29 اگست کو طلب کیا گیا ہے الیکشن کمیشن نے صوبائی الیکشن کمشنر بلوچستان کو بھی 29 اگست کو مشاورت کے لیے طلب کیا ہے

    آپ یہ کہہ رہے ہیں کہ روزانہ کی بنیاد پر جج جو کیس سن رہے ہیں وہ جانبداری ہے ؟

    آج پاکستان کی تاریخ کا اہم ترین دن ہے،

    عمران خان کی گرفتاری کو اعلیٰ عدالت میں چیلنج کرنے کا اعلان 

    عمران خان کی گرفتاری کیسے ہوئی؟ 

    چئیرمین پی ٹی آئی کا صادق اور امین ہونے کا سرٹیفیکیٹ جعلی ثابت ہوگیا

    پیپلز پارٹی کسی کی گرفتاری پر جشن نہیں مناتی

     عمران خان کی سزا معطلی کی درخواست پر سماعت ہوئی

    الیکشن کمیشن کی جانب سے آئی جی سندھ ،چیف سیکریٹری سندھ کو بھی 29 اگست کو طلب کیا گیا ہے الیکشن کمیشن نے صوبائی الیکشن کمشنر سندھ کو بھی 29 اگست کو مشاورت کے طلب کیا ہے

  • الیکشن کمشنرکا صدر مملکت کے خط پراجلاس طلب،سیاسی جماعتوں سے بھی مشاورت

    الیکشن کمشنرکا صدر مملکت کے خط پراجلاس طلب،سیاسی جماعتوں سے بھی مشاورت

    اسلام آباد: صدر مملکت ڈاکٹر عارف علوی کی جانب سے خط لکھے جانے کے بعد الیکشن کمیشن نے عام انتخابات کے معاملے پر اجلاس آج طلب کرلیا۔

    باغی ٹی وی:دی نیوز کے مطابق چیف الیکشن کمشنر سکندر سلطان راجہ اجلاس کی صدارت کریں گے جس میں ممبران اور سیکرٹری الیکشن کمیشن شریک ہوں گے،اجلاس میں صدر مملکت کے دعوت نامے اور الیکشن کی تاریخ سے متعلق آئینی معاملات کا جائزہ لیا جائے گا کیونکہ الیکشن کمیشن قانوناً صدر مملکت سے مشاورت کا پابند نہیں،اس معاملے پر قانون واضح ہے، صدر نے اس مقصد کیلئے آئین کی غلط شق کا حوالہ دیا ہے،صدر عارف علوی نے چیف الیکشن کمشنر کو آئین کے آرٹیکل 48 (5)کا حوالہ دیتے ہوئے دعوت دی ہے۔

    عام انتخابات کی تاریخ کے تعین کیلئے چیف الیکشن کمشنر سکندر سلطان راجہ شاید صدر مملکت ڈاکٹر عارف علوی کی خواہش کے مطابق اُن سے ملاقات نہ کریں کیونکہ انتخابات کی تاریخ کا معاملہ قانون میں حالیہ ترمیم کے بعد خالصتاً الیکشن کمیشن آف پاکستان کا استحقاق ہے۔

    توشہ خانہ فوجداری کیس میں عمران خان کی اپیل پر سماعت آج ہو گی

    آئین کا آرٹیکل 48 (5) کے متعلقہ حصے کے مطابق جب کہ صدر مملکت قومی اسمبلی تحلیل کرے، شق (الف) میں شامل کسی امر کے باوجود، وہ اسمبلی کے لئے عام انتخابات منعقد کرانے کیلئے کوئی تاریخ مقرر کرے گا جو تحلیل کیے جانے کی تاریخ سے 90 دن سے زیادہ نہیں ہوگی۔

    اس معاملے میں دیکھا جائے تو قومی اسمبلی صدر مملکت نے نہیں بلکہ وزیراعظم کی ایڈوائس پر مدت مکمل ہونے کے بعد تحلیل کی گئی صدر صرف 58(2) کے تحت اختیار استعمال کرتے ہوئے اس وقت اسمبلی تحلیل کر سکتے ہیں جب وزیراعظم کے خلاف عدم اعتماد کی تحریک منظور ہو جائے اور کسی رکن کے پاس ایوان میں اکثریت نہ ہو۔

    ملک کے مختلف حصوں میں بارشوں کی پیشگوئی

    واضح رہے کہ سابق وزیراعظم شہباز شریف نے 10 اگست کو صدر پاکستان کو قومی اسمبلی تحلیل کرنے کی سمری ارسال کی تھی جس پر صدر عارف علوی نے اسی روز دستخط کرتے ہوئے اسمبلی تحلیل کر دی تھی وزیراعظم نے 12 اگست کو مدت پوری ہونے سے قبل قومی اسمبلی تحلیل کرنے کی سمری دستخط کرکے صدر کو منظوری کیلئے بھیجی تھی۔ ایوان صدر کے مطابق صدر مملکت نے وزیراعظم کی ایڈوائس پر قومی اسمبلی توڑ دی، انہوں نے اسمبلی آئین کے آرٹیکل 58 (1)کے تحت تحلیل کی۔

    دوسری جانب الیکشن کمیشن آج سے سیاسی جماعتوں سے مشاورت کا آغاز کرتے ہوئے پاکستان تحریک انصاف اور جمعیت علماء اسلام ایف کے وفود سے ملاقات کرے گا اس ضمن میں الیکشن کمیشن نے سیاسی جماعتوں کو ملاقات کے لئے دعوت نامے بھجوا دیے ہیں، پی ٹی آئی کا وفد سہ پہر 2 بجے اور جے یو آئی کا وفد 3 بجے کمیشن سے مشاورت کرے گا۔

    غریب بچے اچانک خوشی سے جھوم اٹھے، جب ایک ٹوٹا کھلونا کباڑ سے نکلا

    جے یو آئی (ف) ترجمان کے مطابق ملک میں آئندہ انتخابات کے حوالے سے پارٹی وفد آج 3 بجے الیکشن کمیشن سے ملاقات کرے گا سیکرٹری الیکشن کمیشن کی طرف سے ملاقات کی دعوت موصول ہوئی تھی وفد کی قیادت مرکزی سیکرٹری جنرل سینیٹر مولانا عبدالغفور حیدری کریں گے جبکہ وفد میں سینیٹر کامران مرتضیٰ ایڈووکیٹ، جلال الدین ایڈووکیٹ اور مولانا عطاء الحق درویش و دیگر شامل ہوں گے الیکشن کمیشن کے ساتھ ملاقات میں آئندہ عام انتخابات کے انعقاد کے حوالے سے مشاورت ہو گی۔

  • افغانستان میں سیاسی جماعتوں کی سرگرمیوں پر پابندی

    افغانستان میں سیاسی جماعتوں کی سرگرمیوں پر پابندی

    کابل: افغانستان میں سیاسی جماعتوں کی سرگرمیوں پر پابندی لگا دی گئی۔

    باغی ٹی وی : افغانستان کی عبوری حکومت کے وزیرانصاف شیخ عبدالحکیم شریعی کا کہنا ہے کی ملک میں سیاسی جماعتوں کی سرگرمیاں مکمل طور پرروک دی گئی ہیں کیونکہ ان کی کی کوئی شرعی حیثیت نہیں ہے سیاسی جماعتوں سے قوم کے مفادات وابستہ ہیں اورنہ ہی نہ قوم انہیں پسند کرتی ہے۔

    حکومت کے احتساب پروگرام کے تحت وزارت انصاف کی ایک سال کی سرگرمیوں کی رپورٹ پیش کر تے ہوئے وزیرانصاف نے کہا کہ گزشتہ ایک سال کے دوران ان کے ماتحت وزارت نے 38 قانونی دستاویزات، 10 پالیسی متن اور ایک قانون سمیت 49 قانونی دستاویزات کا مسودہ منظوری کے متعلقہ حکام کو بھجوادیا ہےگزشتہ ایک سال میں 1401 افراد کو وکالت کے لائسنس جاری کیے یا تجدید کی گئی۔

    صدارتی ایوارڈ یافتہ شاعر، 30 سے زائد کتابوں کےمصنف،ڈاکٹر ذوالفقار سیال

    اس کے علاوہ ملک بھر میں ایک ہزار قانون سے آگاہی کے عوامی پروگرام شروع کیے گئے عدالتوں میں لاوارث ملزمان کے 754 قانونی اور فوجداری مقدمات کا دفاع کیا گیا جبکہ 298 مدعا علیہان کو مفت قانونی مشورے دیئے گئے انجمنوں اور خیراتی اداروں کو 142 لائسنس جاری کیے گئے، 5 لائسنسوں کی تجدید اور14 کومنسوخ کیاگیا۔ خیراتی اداروں اورسوسائٹیز کے 470 دفاتر کی نگرانی کی گئی۔ معاملات کی قانونی مشاورت کے 664 نئے لائسنس جاری کیے، 379 لائسنسوں کی تجدید اور 346 کو منسوخ کیا گیا۔

    ملک بھر میں ای پاسپورٹ کا اجراء کر دیا گیا،فیس شیڈول بھی جاری

  • سیاسی استحکام کے لیے تمام جماعتوں کو ساتھ بیٹھ کر بات چیت کر نا ہوگی. خواجہ سعد رفیق

    سیاسی استحکام کے لیے تمام جماعتوں کو ساتھ بیٹھ کر بات چیت کر نا ہوگی. خواجہ سعد رفیق

    سیاسی استحکام کے لیے تمام جماعتوں کو ساتھ بیٹھ کر بات چیت کر نا ہوگی. خواجہ سعد رفیق

    وفاقی وزیر خواجہ سعد رفیق کا کہنا ہے کہ پریم کورٹ میں ریلوے سے متعلق کیس لگ گیا ہے اور چیف جسٹس نے کہا کہ ریلوے لائف لائن ہے جبکہ اب ہم شفاف اور بہترین پلان لیکر پیش ہوں گے. انکا کہنا تھا کہ ریلوے کو بہتر بنانے کےلیے ریاستی تعاون کی ضرورت ہے، ہم سے جو ممکن ہوا ریلوے کے کی بہتری کے لیے کریں گے، اور سیلاب آیا خیبرپختونخوا اور پنجاب حکومت نے مرکز کے ساتھ کوئی تعاون نہیں کیا.

    انہوں نے مزید کہا کہ سیاسی استحکام کے لیے تمام جماعتوں کو ساتھ بیٹھ کر بات چیت کر نا ہوگی جبکہ سیاسی اتفاق رائے ضروری ہے ،سب کو ہمت کرکے ایک دوسرے سے بات کرنی چاہیے، اور سیاسی استحکام کے لیے آگے آنا تمام جماعتوں کی ذ مہ داری ہے. ان کے مطابق وفاقی حکومت تنہا سیاسی استحکام نہیں لاسکتی لہذا سیاسی جماعتوں کو کھینچاتانی کے بجائے معاشی استحکام کے لیے سوچنا چاہیے جبکہ احتساب قبر میں ڈال دیا گیا،مائنس کسی کو نہیں کیاجاسکتا۔

    وفاقی وزیر کا کہنا ہے کہ مرکز اور صوبوں میں اختلاف رہاہے مگر ملکی مفاد کے لیے آگے جانا ہوگا اور کسی سیاسی جماعت کے سربراہ کو مائنس نہیں کیا جاتا وہ اپنے کرتوتوں کی وجہ سے ہوتا ہے۔ جبکہ کسی سیاسی جماعت کے سربراہ کو مائنس نہیں کیا جاتا وہ اپنے کرتوتوں کی وجہ سے ہوتا ہے۔ جبکہ اداروں کی بہتری کے لیے اقدامات کیے ہیں، جلد نتائج سامنے آجائیں گے۔ اور سیاست دان اتنا لڑتے ہیں کہ ایک کی چونچ اور ایک کی دم رہ جاتی ہے۔ انہوں نے کہا ایک پارٹی آئی ہوئی ہے جس نے ملک میں عذاب ڈالا ہوا ہے. لہذا پنجاب میں پرویزالہٰی چلے بھی جائیں ہماری حکومت آ بھی جائے تو سیاسی استحکام نہیں آئے گا۔ ان کا کہنا تھا کہ ذوالفقار علی بھٹو کو قبر میں ڈال دیا گیا، مائنس نہیں ہوئے۔ لہذا کسی کو پھانسی لگا کر ،جیلوں میں ڈال کر مائنس نہیں کیا جا سکتا۔

    یاد رہے کہ گزشتہ روز چیف جسٹس آف پاکستان نے کیس کی سماعت کے دوران ریمارکس دیے تھے کہ اربوں ڈالر کا قرض لینے کو ہی آج عوام بھگت رہے ہیں۔ سپریم کورٹ میں چیف جسٹس پاکستان کی سربراہی میں تین رکنی بینچ نے ریلوے گالف کلب کی لیز سے متعلق کیس کی سماعت کی، جس میں سیکرٹری ریلوے نے عدالت کو بتایا کہ ایم ایل ون 9.8 ارب ڈالر کا منصوبہ ہے اور ایکنک اس کی منظوری دے چکا ہے۔ عدالت نے اظہار برہمی کرتے ہوئے کہا کہ اربوں ڈالر قرض لے کر منصوبے لگانے کی بات ہر کوئی کرتا ہے۔ ملک میں اربوں ڈالر کا انفرا اسٹرکچر پہلے سے موجود ہے، اس پر کیا ڈلیوری ہے؟۔ اربوں ڈالر کا قرض لینے کو ہی آج عوام بھگت رہے ہیں۔

    علاوہ ازیں چیف جسٹس نے دوران سماعت یہ ریمارکس بھی دیے تھے کہ چھٹیوں کے دوران سندھ میں ریل کا سفر کیا ہے۔ سندھ میں ریلوے لائنوں کے اطراف آج بھی سیلابی پانی کھڑا ہے۔ بارشیں گرمیوں میں ہوئی تھیں، پانی اب تک نہیں نکالا جا سکا۔ ریلوے افسران نے بتایا کہ بلوچستان میں صورتحال سندھ سے بھی ابتر ہے۔ بین الاقوامی جریدے دی اکانومسٹ نے پاکستان کی سڑکوں پر ضمیمہ چھاپا تھا۔عالمی ضمیمے کا عنوان تھا ’’وہ سڑکیں جو کہیں نہیں جاتیں‘‘۔ چیف جسٹس نے کہا کہ ملک کو یہ پرتعیش آسائشیں نہیں، پرفارمنس اور استعداد کار چاہیے۔ اربوں ڈالروں کے منصوبے لگانے سے عدالت امپریس نہیں ہوگی۔

  • سیاسی جماعتوں کی اسکروٹنی سے متعلق عدالت نے کیا جواب طلب

    سیاسی جماعتوں کی اسکروٹنی سے متعلق عدالت نے کیا جواب طلب

    پیپلز پارٹی اور ن لیگ کے فنڈز کی الیکشن کمیشن سے جلد تحقیقات کرانے کی درخواست پر سماعت ہوئی

    اسلام آباد ہائی کورٹ نے الیکشن کمیشن کو نوٹس جاری کر کے جواب طلب کر لیا ،اسلام آباد ہائیکورٹ نے سیاسی جماعتوں کی اسکروٹنی سے متعلق رپورٹ طلب کر لی ،انور منصور نے عدالت میں کہا کہ الیکشن کمیشن نے ممنوعہ فنڈنگ سے متعلق صرف پی آٹی آئی کے خلاف ا سکروٹنی مکمل کی، دیگر سیاسی جماعتوں کے خلاف کارروائی الیکشن کمیشن میں زیر التوا ہے،اسلام آباد ہائیکورٹ کے چیف جسٹس عامر فاروق نے استفسار کیا کہ آپ کی یہ استدعا ہے کہ دیگر سیاسی جماعتوں کی اسکروٹنی بھی جلد ہو؟ وکیل انور منصور نے عدالت میں جواب دیا کہ ہماری اس سے کچھ بڑھ کر استدعا ہے،

    اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ آپ چیزوں کو جتنا سادہ رکھیں گے اتنا بہتر ہو گا،وکیل انور منصور نے کہا کہ کوئی مختصر تاریخ دے دیں، اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ کیس فروری کے پہلے ہفتے تک ملتوی کر دیتے ہیں،آگے موسم سرما کی چھٹیاں بھی آ رہی ہیں،وکیل کے اصرار پر کیس کی مزید سماعت جنوری کے آخری ہفتے تک ملتوی کر دی گئی،

    سیاسی جماعتوں کے اکاونٹس جانچ پڑتال سے متعلق کیس ،آخری موقع مل گیا

    الیکشن کمیشن فارن فنڈنگ کیس کی انکوائری کر رہا ہے تو کیا وزیر اعظم مستعفی ہو جائیں؟ سپریم کورٹ

    فارن فنڈنگ کیس، اور عمران خان پھنس گئے

    فارن فنڈنگ کیس، پی ٹی آئی کی چوری پکڑی گئی، تہلکہ خیز انکشاف

    فارن فنڈنگ کیس،تحریک انصاف نے پھروقت مانگ لیا

    جو سب کوکہتا تھا رسیدیں دو،اب منہ چھپاتا پھر رہا ہے،پی ڈی ایم جلسہ سے رہنماؤں کے خطاب

  • اگست ترقیوں،تعیناتیوں،تنزلیوں کا مہینہ ہے،شیخ رشید

    اگست ترقیوں،تعیناتیوں،تنزلیوں کا مہینہ ہے،شیخ رشید

    سابق وزیر داخلہ شیخ رشید کا کہنا ہے کہ مائنس اور پلس کا فیصلہ زمینی خداؤں نے نہیں ہائیکورٹ اور سپریم کورٹ نے کرنا ہے۔

    باغی ٹی وی : شیخ رشید نے سماجی رابطے کی ویب سائٹ ٹوئٹر پر اپنے ٹوئٹ میں لکھا کہ سیاسی جماعتوں کے درمیان شدید ٹکراؤ کی کیفیت پیدا ہوگئی ہے۔ صوبے اور مرکز آمنے سامنے آگئے ہیں۔ مائنس اور پلس کا فیصلہ زمینی خداؤں نے نہیں ہائیکورٹ اور سپریم کورٹ نے کرنا ہے۔ غیر یقینی سیاسی اور معاشی حالات سب کے چراغ بجھا سکتے ہیں۔ اگست ترقیوں،تعیناتیوں،تنزلیوں کا مہینہ ہے۔

    پنجاب، خیبرپختونخوا اورسندھ کےمختلف علاقوں میں آج بھی بار شوں کی پیشگوئی


    سربراہ عوامی لیگ نے کہا کہ حکمران جماعتوں نے اپنے کیس سامنے رکھ کر نیب میں ترمیم کی ہیں۔ جب چیف الیکشن کمیشنر پر ہی اعتبار نہیں ہوگا تو عمران خان الیکشن کو کیسے مانے گا۔احتساب،ججز کی تقرری صدر نہیں،کرپشن زدہ لوگ کریں گے۔ جیلیں غریبوں کے لیے،اشرافیہ کے لیے یہ5سٹار ہوٹل ہیں۔12اگست3بجے اہم پریس کانفرنس کروں گا-

    قانون کے مطابق عمران خان کو نااہلی کے ساتھ پھانسی کی سزا ہو سکتی ہے:جاوید لطیف

    قبل ازیں چیئرمین تحریک انصاف عمران خان کا کہنا تھا کہ انہوں نے موجودہ فسطائی حکومت سے نمٹنے کا ایک اور منصوبہ تیار کر لیا ہے جس کا اعلان وہ آزادی جلسے میں کریں گے۔

    ایک بیان میں عمران خان نے کہا تھا کہ برسرِ اقتدار مجرموں اور ان کے سرپرستوں کی شکل میں پاکستان آج یزیدیت کے نرغے میں ہے، کیا ہمارے لوگ بھی خوف میں مبتلا ہوکر اس سازش کے سامنےسر جھکائیں گے؟ یا بحیثيت قوم اس کڑے امتحان کا سامنا کریں گے؟فسطائی حکومت سے نمٹنے کے لیے ایک اور منصوبہ تیار کر لیا ہے جس کا اعلان 13 اگست کو آزآدی جلسے میں کروں گا۔

    پنجاب کے سیاحتی مقامات پر ہیلپ لائن 1421 کا آغاز کر دیا گیا

  • وینا ملک نے عمران خان کو صدر پاکستان کہہ دیا

    وینا ملک نے عمران خان کو صدر پاکستان کہہ دیا

    وینا ملک جن کا ٹویٹر اکائونٹ متنازعہ ہے اس کے بارے میں کہا جا تا ہے اداکارہ اس اکائونٹ کو نہیں‌چلاتیں لیکن اداکارہ کا کہنا ہے کہ وہ ہی اس اکائونٹ کو چلاتی ہیں. پیشے کے لحاظ سے وہ اداکارہ ہیں لیکن پچھلے کچھ عرصے سے وہ بالکل سیاسی بن چکی ہیں. وہ تمام دن سیاست پر ٹویٹس کرتی رہتی ہیں اور عمران خان کے علاوہ دیگر سیاسی جماعتوں کے لیڈر کے الٹے سیدھے نام رکھنے کےلئے ساتھ ان کے لئے غلیظ زبان استمعال کرتی رہتی ہیں. وینا ملک نے پنجاب اسمبلی میں ہونے والے انتخاب کے بعد خفگی کا اظہار تو کیا ہی ہے لیکن ساتھ ہی ساتھ ٹویٹ کیا
    ‏جنگ کبھی ھم نے جیتی نہیں الیکشن ھم کبھی ھارے نہیں
    اس دفعہ عوام تمھارے اندر گُھس کے پھٹے گی
    اور الیکشن بھی جیتے گی۰۰۰انشاءاللہ
    صدرِپاکستان ۰۰۰۰عمران خان✌️
    لکھ کر خط سنبھال کر رکھنا ✌️
    اس کے علاوہ بھی وینا ملک نے اپنے اکائونٹ پر انتخاب کے نتائج کے خلاف احتجاج کرنے والوں کی وڈیوز شئیر کی ہیں.انہوں نے ابھی یہ بھی ٹویٹ کیا
    وینا ملک اداکاری کے پراجیکٹس میں تو نظر نہیں آرہیں، نہ ہی وہ پی ٹی آئی کے کسی احتجاج میں شریک ہوتی ہیں لیکن ٹویٹر پر تمام دن پی ٹی آئی کے حق میں ٹویٹس ضرور کرتی رہتی ہیں جس پر انہیں کافی زیادہ تنقید کا نشانہ بھی بنایا جاتا ہے.