Baaghi TV

Tag: سیلاب متاثرین

  • عرب امارات کے وزیرمملکت شیخ نہیان مبارک النہیان نے آرمی فلڈ ریلیف میں بڑی رقم جمع کرا دی

    عرب امارات کے وزیرمملکت شیخ نہیان مبارک النہیان نے آرمی فلڈ ریلیف میں بڑی رقم جمع کرا دی

    راولپنڈی:عرب امارات کے وزیرمملکت شیخ نہیان مبارک النہیان کا سیلاب زدگان کے امداد کا اعلان،اطلاعات کے مطابق متحدہ عرب امارات کے وزیرمملکت برائے رواداری اور بقائے باہمی شیخ نہیان مبارک النہیان اور چیئرمین بینک الفلاح نے آرمی فلڈ ریلیف میں پاکستان کے سیلاب متاثرین کی مدد کے لیے سمیت پاکستان کے لیے آفات سے نمٹنے کے لیے بینک کو ایک کروڑ جمع کروایا ہے

    اس حوالے سے پاکستان کے افواج کے ترجمان ادارے ائی ایس پی آر کی طرف سے ٹویٹ کرتےہوئے شیخ نہیان مبارک النہان کی طرف سے پاکستان کے سیلاب متاثرین کی مدد کا یہ پیغام جاری کیا ہے ، اس پیغام میں کہا گیا ہے کہ عرب امارات کے وزیرمملکت نے پاکستان کے سیلاب متاثرین کے لیے بڑی امداد کا اعلان کیا ہے ،

    یاد رہے کہ اس سے پہلے متحدہ عرب امارات (یو اے ای) نے پاکستان کی امداد کے لیے فلاحی گروپ قائم کر دیا۔

    فلاحی گروپ ‘We stand together’ سیلاب زدگان کے لیے سامان جمع کرےگا، یہ گروپ متحدہ عرب امارات میں کمیونٹی ڈویلپمنٹ کی وزارت کے ماتحت کام کرےگا۔اماراتی ریڈکریسنٹ اتھارٹی، دبئی کیئرز اور شارجہ چیریٹی ایسوسی ایشن بھی پاکستان کے لیے امداد جمع کریں گے، سیلاب زدگان کے لیے امداد اکٹھی کرنےکا پہلا ایونٹ ہفتہ 10 ستمبر صبح 9 سے دوپہر 1 بجے تک ابوظبی نیشنل ایگزیبیشن سینٹر میں ہوگا۔

    دبئی میں ایکسپو سٹی کے ساؤتھ ہال اور شارجہ ایکسپو سینٹر میں سیلاب زدگان کے لیے امدادجمع کی جائےگی۔ فلاحی گروپ ‘We stand together’ کی قیادت اماراتی خیراتی تنظیمیں کر رہی ہیں، گروپ نے اماراتی شہریوں سے سیلاب سے متاثرہ پاکستانی خاندانوں کے ساتھ یکجہتی کا اظہار کرنے کی اپیل کی ہے۔امدادی سرگرمیوں کے لیے Volunteers.ae پر رجسٹریشن کرائی جاسکتی ہے۔

    متحدہ عرب امارات (یو اے ای) کی فضائیہ کے دو مزید سی۔130 طیارے یو اے ای ریڈ کریسنٹ اور یو این ایچ سی آر کی جانب سے پاکستان کے سیلاب متاثرین کے لیے امدادی سامان لے کر کراچی پہنچ گئے۔یو اے ای ایئرفورس کی پہلی پرواز نے سہہ پہر تین جبکہ دوسری پرواز نے شام 5:37 پر کراچی کے جناح انٹرنیشنل ایئرپورٹ پر لینڈ کیا۔

     

    متحدہ عرب امارات کی ہلال احمر کے سربراہ اور یو این ایچ سی آر کے نمائندے نے طیاروں کا استقبال کیا۔پاکستانی سرکاری اداروں کے اعلیٰ افسران اور پاک فوج کی فائیو کور کے افسران بھی اس موقع پر موجود تھے۔اس سے قبل اماراتی ایئر فورس کے سی۔130طیارے پیر کو بھی کراچی پہنچے تھے۔

    قبل ازیں متحدہ عرب امارات کے نائب صدر، وزیر اعظم اور دبئی کے حکمران شیخ محمد بن راشد المکتوم نے پاکستان میں سیلاب سے متاثرہ افراد کی امداد کے لئے 50 ملین درہم کی فوری امداد کی ہدایت کی ہے۔

    یہ امداد محمد بن راشد المکتوم گلوبل انیشی ایٹوز، ورلڈ فوڈ پروگرام اور محمد بن راشد المکتوم ہیومینٹیرین اینڈ چیریٹی اسٹیبلشمنٹ کے تعاون سےبراہ راست خوراک کی صورت میں سیلاب سے متاثرہ افراد اور خاندانوں کوفراہم کی جا ئے گی ۔

    و اے ای کے سرکاری خبر رساں ادارے کے مطابق پاکستان میں بڑے پیمانے پر سیلاب سے 1136 سے زائد افراد جاں بحق، لاکھوں افراد بے گھر، 3450 کلومیٹر سے زیادہ اہم سڑکیں تباہ اور کئی دیہات صفحہ ہستی سے مٹ گئے۔ گزشتہ ہفتوں کے دوران پاکستان میں بارشوں کی شرح گزشتہ 30 سالوں کے دوران ریکارڈ کی گئی شرح سے چار گنا تجاوز کر گئی ۔

    رپورٹ کے مطابق انسانی ہمدردی کی بنیاد پر فوری امداد کی فراہمی متحدہ عرب امارات کی عالمی سطح پر قدرتی آفات اور بحرانوں سے متاثرہ افراد کی ضروریات کو پورا خواہش کا مظہر ہے۔ محمد بن راشد المکتوم گلوبل انیشی ایٹوز 2015ء میں قائم کیا گیا تھا۔ اس کے تحت 30 سے زیادہ انسانی اور ترقیاتی اقدامات اور اداروں کو یکجا کیاگیا ہےجن میں سے زیادہ تر شیخ محمد بن راشد المکتوم نے 20 سال سے زیادہ عرصے میں قائم کئے اور ان کی معاونت بھی کر رہے ہیں۔ آج اس میں درجنوں خیراتی ادارے شامل ہیں جو پانچ اہم شعبوں میں کام کرتے ہیں جن میں انسانی امداد اور ریلیف، صحت کی دیکھ بھال اور بیماریوں پر قابو پانا ، تعلیم اور علم کو پھیلانا، اختراع اور کاروباری صلاحیت اور کمیونٹیز کو بااختیار بنانا شامل ہیں

  • ای سی سی اجلاس،سیلاب متاثرین کیلئے3ارب روپےکے فنڈز کی منظوری

    ای سی سی اجلاس،سیلاب متاثرین کیلئے3ارب روپےکے فنڈز کی منظوری

    اکنامک کوآرڈینیشن کمیٹی ( ای سی سی) نےسیلاب متاثرین کیلئے 3 ارب روپے کے فنڈز کی منظوری دے دی۔اسلام آباد میں وزیر خزانہ مفتاح اسماعیل کی زیر صدارت ای سی سی کا اجلاس ہوا۔

    اجلاس میں ای سی سی نے 3 لاکھ میٹرک ٹن یوریا درآمد کرنے کا عمل شروع کرنے کی ہدایت کردی۔یوریا ٹریڈنگ کارپوریشن کے ذریعے حکومتی سطح پر درآمد کی جائے گی۔

    اس کےعلاوہ ای سی سی نے مختلف اداروں کو گندم کی فراہمی کی منظوری دے دی۔ 50 فیصد مقامی اور50 فیصد درآمدی گندم کی فراہمی کی ہدایت کی گئی ہے۔یوٹیلیٹی اسٹورز کو 75 فیصد مقامی اور 25 فیصد امپورٹڈ گندم دی جائے گی۔گندم پاسکو کے زریعے فراہم کی جائے گی۔

    ای سی سی اجلاس میں سیلاب متاثرین کیلئے 3 ارب روپے کے فنڈز کی منظوری دے دی گئی۔یہ رقم این ڈی ایم اے کے ذریعے ریسکیو،ریلیف اور بحالی پر خرچ کی جائے گی۔

    سیلاب متاثرین کو خوراک کی فراہمی کیلئے 54 کروڑ روپے کی منظوری بھی دی گئی۔ یوٹیلیٹی اسٹورز کارپوریشن کے ذریعے متاثرہ علاقوں میں ضروری اشیاء فراہم کی جائیں گی۔

    ای سی سی اجلاس میں افغانستان میں 3 اسپتالوں کی دیکھ بھال کیلئے 1 ارب روپے سے زائد فنڈز منظور کرلئے گئے۔یہ فنڈزطبی سامان کی فراہمی،تنخواہوں اور مرمت پر خرچ کی جائے گی۔

    یاد رہے کہ اس سے چند دن پہلے بھی ای سی سی کا ایک اہم اجلاس ہوا تھا ، اس سلسلے میں کابینہ کی اقتصادی رابطہ کمیٹی نے سیلاب زدگان میں 25 ہزار روپے فی خاندان کو فراہم کرنے ، 20 ممالک سے قرض موخر اقدامات اورگندم کے اسٹرٹیجک ذخائر کو 10 لاکھ ٹن سے بڑھا کر 20 لاکھ ٹن کرنے کی منظوری دے دی گئی تھی

    اجلاس میں جی 20 ممالک سے قرض موخر اقدامات کی منظوری دی گئی۔ تئ یسیلاب زدگان کیلئے امدادی کیش کی فراہمی کی منظوری دے دی گئی۔ سیلاب زدگان میں 25 ہزار روپے فی خاندان کو فراہم کرنے کی منظوری دے دی گئی۔

    ایف اے ٹی ایف ٹیم کے دورہ کیلئے انتظامات اور اخراجات کی منظوری دی گئی،ایف اے ٹی ایف ٹیم کے دورہ کیلئے تکنیکی سپلیمنٹری گرانٹ کی مد میں 70 لاکھ کی منظوری،گندم کے اسٹرٹیجک ذخائر کو 10 لاکھ ٹن سے بڑھا کر 20 لاکھ ٹن کرنے پر غور کیا گیا۔

    پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ

    وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات

    باغی ٹی وی بلوچستان کے سیلاب متاثرین کی آواز بن گیا ہے.

  • متحدہ امارات سے سیلاب متاثرین کے لیے مزید امداد آگئی

    متحدہ امارات سے سیلاب متاثرین کے لیے مزید امداد آگئی

    اسلام آباد:برادراسلامی ملک متحدہ عرب امارات نے پاکستان کے سیلاب متاثرین کے لیے اور امداد بھیج دی ہے اور سلسلے میں حکومت پاکستان نےبھی اس بات کی تصدیق کی ہے کہ پاکستان کے ساتھ تعاون کا سلسلہ جاری ہے ،

    ادھر متحدہ امارات کا امدادی ہوائی پل پاکستان میں سیلاب سے متاثرہ افراد کی مدد کے لیے جاری ہے اور آج دو امدادی طیارے اسلام آباد پہنچا ہیں جو كہ اس تسلسل كا سترواں طیارہ ہے ٹنوں خوراک، طبی اور دواسازی کے سامان اور متاثرہ افراد کو پناہ دینے کیلئے خیمے سے لدے ہوئے اسلام آباد پہنچ گئے ہیں

    یاد رہے کہ اس سے پہلے بھی پاکستان کے سیلاب متاثرین کے لیے امدادی سامان لے کر بیرون ملک سے گزشتہ ایک ہفتے کے دوران روزانہ کی بنیاد پر اوسطاً پانچ پروازیں پاکستان پہنچ رہی ہیں۔ اتوار کو پاکستان کی دفتر خارجہ نے کہا ہے کہ امدادی سامان بھیجنے والوں میں سب سے زیادہ سامان متحدہ عرب امارات کی جانب سے پاکستان بھیجا جا رہا ہے۔

    دفتر خارجہ کے اعداد و شمار کے مطابق دوست ممالک کی طرف سے 28 اگست سے چار ستمبر تک کل 35 پروازیں امدادی سامان لے کر اسلام آباد، کراچی اور لاہور پہنچی ہیں۔

    اب تک سب سے زیادہ امدادی سامان متحدہ عرب امارات کی جانب سے پاکستان پہنچایا گیا ہے جو 16 پروازوں کے ذریعے لایا گیا جبکہ ترکی کی جانب سے 11 پروازوں کے ذریعے امدادی سامان پہنچایا گیا ہے۔

    ترجمان دفتر خارجہ نے مزید کہا ہے کہ 28 اگست کو بیرون ملک سے امدادی سامان کی ترسیل کا کام شروع ہوا۔

    متحدہ عرب امارات کی حکومت نے سیلاب متاثرین کی مدد کے لیے مسلسل امداد کی پروازیں بھیجی ہیں جس کے تحت اب تک 14 ہوائی جہاز امدادی سامان سے بھرے پاکستان کے مختلف شہروں میں پہنچے ہیں۔

    چین کی جانب سے امدادی سامان کے چار جہاز، قطر سے تین جہاز جبکہ ازبکستان، فرانس اور یونیسیف کی جانب سے ایک ایک جہاز پر امدادی سامان پاکستان پہنچ چکا ہے۔ جسے این ڈی ایم اے صوبائی حکومتوں کے ذریعے متاثرین میں تقسیم کرے گا۔

    متحدہ عرب امارات کی جانب سے سیلاب متاثرین کی امداد کے سلسلے 14 واں امدادی سامان سے لدا طیارہ اتوار کو لاہور میں پی اے ایف بیس پہنچا۔

     

    ادھر پاکستان کے معروف تجزیہ نگار،ممتازصحافی مبشرلقمان نے عرب امارات کے اس اقدام کی تعریف کرتے ہوئے اسے اسلامی بھائی چارے کی اعلیٰ مثال قراردیا ہے

     

    پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ

    وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات

    باغی ٹی وی بلوچستان کے سیلاب متاثرین کی آواز بن گیا ہے.

  • سکھر ڈوب رہا تھا تب کہاں تھے؟ سیلاب متاثرین کا عمران خان سے سوال، ویڈیو

    سکھر ڈوب رہا تھا تب کہاں تھے؟ سیلاب متاثرین کا عمران خان سے سوال، ویڈیو

    باغی ٹی وی کی رپورٹ کے مطابق تحریک انصاف کے چیئرمین عمران خان آج سکھر کے دورے پرگئے

    جب سیلاب آیا تو عمران خان جلسے کرتے رہے، اب بھی کر رہے ہیں تا ہم آج عمران خان سکھر پہنچے اور کہا کہ سیلاب متاثرین سے ملاقات کروں گا، عمران خان سے سکھر کے شہریوں نے سوال کرنا شروع کر دئیے جس کے بعد عمران خان سیلاب متاثرین کے جواب نہ دے سکےعمران خان کو سکھر کا دورہ ادھورا چھوڑ کر بھاگنا پڑگیا ، سیلاب متاثرین نے عمرنا خان سے سوال کیا کہ جب سکھر ڈوب رہا تھا آپ کہاں تھے، خان صاحب جواب دیں آپ کہاں تھے ،عمران خان نے جواب دینے کی بجائے راہ فرار اختیار کرنا ہی بہتر سمجھا

    سکھر میں سیلاب متاثرہ خواتین کی ایک اور ویڈیو بھی سامنے آئی ہے جس میں خواتین احتجاج کر رہی ہیں، سماجی رابطے کی ویب سائٹ ٹویٹر پر ایک صارف نے ویڈیو شیئر کی اور ساتھ کہا کہ عمران خان کا دورہ سکھرسیلاب متاثرین کہتے ہیں کہ عمران خان مدد کرنے نہیں بلکہ سیاست کرنے آیا تھا اس نے نہ ہی کوئی مدد کی اور نہ ہی کچھ دیا الٹا یہی عمران خان تھا جس نے بے نظیر انکم سپورٹ پروگرام کے پیسے بھی بند کردیے تھے

    واضح رہے کہ عمران خان نے سکھر کے دورہ کے موقع پر پارٹی رہنماؤں و کارکنان سے ملاقات کی ہے

    مبشر لقمان کا مذید کہنا تھا کہ افواج پاکستان سب سے آگے ہے،ریسکیو آپریشن تو وہی کر سکتے ہیں 

    سیلاب سے اموات،نقصانات ہی نقصانات،مگر سیاستدان آپس کی لڑائیوں میں مصروف، مبشر لقمان پھٹ پڑے

    عمران خان نے کل اداروں کے خلاف زہر اگلا ہے،وزیراعظم

    پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ

    وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات

    باغی ٹی وی بلوچستان کے سیلاب متاثرین کی آواز بن گیا ہے.

  • سیلاب متاثرہ علاقوں میں پاک فوج،فضائیہ، بحریہ کی امدادی سرگرمیاں جاری

    سیلاب متاثرہ علاقوں میں پاک فوج،فضائیہ، بحریہ کی امدادی سرگرمیاں جاری

    باغی ٹی وی کی رپورٹ کے مطابق ملک بھر میں سیلاب کے بعد ریسکیو و ریلیف کا کام جاری ہے

    پاک فوج سمیت ادارے ریلیف کے کاموں میں متحرک ہیں، گزشتہ 24 گھنٹوں کے دوران سیلاب کے باعث 24 افراد جان کی بازی ہار گئے اور 115 افراد زخمی ہوئے۔ اب تک مجموعی طور پر 1314 افراد جان کی بازی ہار چکے ہیں اور 12703 زخمی ہو چکے ہیں۔ رپورٹ کے مطابق گزشتہ 24 گھنٹوں کے دوران پاک فوج کے ہیلی کاپٹرز نے31 اڑان بھری اور 483 پھنسے ہوئے افراد کو نکالا گیا اور 41 ٹن امدادی سامان سیلاب متاثرین تک پہنچایا گیا۔ اب تک ان ہیلی سیارٹیز کے ذریعے 3585 پھنسے ہوئے افراد کو نکالا جا چکا ہے۔ پاک فوج کی جانب سے اب تک ملک بھر میں 147 ریلیف کیمپس اور 284 ریلیف آئٹمز کلیکشن پوائنٹس قائم کیے گئے ہیں تاکہ سیلاب متاثرین کے لیے ریلیف اسٹورز کو جمع اور آگے تقسیم کیا جا سکے۔اب تک 3570 ٹن اشیائے خوردونوش کے ساتھ 463 ٹن غذائی اشیاء اور 1778212 ادویات جمع کی جا چکی ہیں۔ اب تک 3021 ٹن خوراک، 407 ٹن غذائی اشیاء اور 1480000 ادویات تقسیم کی جا چکی ہیں۔مزید یہ کہ پاک فوج کی جانب سے 1617 ٹن راشن کے ساتھ 232811 راشن پیک تقسیم کیے گئے۔ملک بھر میں اب تک 250 سے زائد میڈیکل کیمپ لگائے گئے جن میں 93 ہزار سے زائد مریضوں کا علاج کیا گیا اور 3 سے 5 دن کی دوائی فراہم کی گئی۔

    پاک بحریہ نے 38 ہیلی کاپٹروں کی پروازیں بھی کیں، 10956 اہلکاروں کو بچایا، 807 خاندانوں کو شیلٹر فراہم کیا، 980 ٹن راشن، 300 کلوگرام ادویات تقسیم کیں اور ملک بھر میں 23544 مریضوں کا علاج کیا۔

    پاک فضائیہ کا خیبرپختونخوا، سندھ، بلوچستان اور جنوبی پنجاب کے سیلاب متاثرین کی بحالی اور ریسکیو کے لیئے ڈیزاسٹر ریلیف آپریشن اور امدادی کاروائیاں جاری ہیں۔ ایئر ہیڈکوارٹرز، اسلام آباد میں قائم کردہ نیشنل آئی ایس آر اینڈ انٹیگریٹڈ ایئر آپریشنز سنٹر (این آئی آئی اے او سی) تمام اسٹیک ہولڈرز کے ساتھ مکمل ہم آہنگی کے ساتھ شبانہ روز متاثرینِ سیلاب کی امداد اور بحالی کے عمل میں معاونت کر رہا ہے۔ مذکورہ سینٹر متاثرین کی بحالی کے لیئے سول انتظامیہ کو ہر ممکن مدد بھی فراہم کر رہا ہے۔ مزید براں پاک فضائیہ کا ہیلی کاپٹر فلیٹ ان علاقوں میں متاثرہ افراد کو ریسکیو کرنے اور لازمی اشیائے ضروریہ پہنچانے میں مصروفِ عمل ہے جن کا زمینی رابطہ منقطع ہوچکا ہے۔پاک فضائیہ نے سیلاب زدگان کی بحالی اور امداد کی فراہمی کے لیئے "پاکستان ایئر فورس فلڈ ریلیف فنڈ” بھی قائم کیا ہے۔ سیلاب متاثرین کے لیئے عطیات الائیڈ بینک کے اکاؤنٹ نمبر PK85ABPA0010099183680023، عسکری بینک کے اکاونٹ نمبر PK96ASCM0003851650000097، بینک اسلامی کے اکاؤنٹ نمبر PK38BKIP0310000096360001، جبکہ حبیب بینک کے اکاؤنٹ نمبر PK09HABB0022997001211801 میں جمع کروائے جاسکتے ہیں۔

    محکمہ موسمیات کے مطابق خیبرپختو نخوا، کشمیر، پنجاب اور گلگت بلتستان میں مزید بارش کا امکان ہے اسلام آباد میں تیز ہواؤ ں اور گرج چمک کے ساتھ مزید بارش متوقع ہے ،میانوالی، خوشاب،سرگودھا، حافظ آباد، منڈی بہاؤالدین اور جھنگ مزید بارش کا امکان ہے محکمہ موسمیات کے مطابق سندھ کے ساحلی علاقوں میں مطلع جزوی ابر آلود رہے گا،فیصل آباد میں گرج چمک کے ساتھ بارش کا امکان ہے ،خطہ پوٹھو ہار ، سیالکوٹ، نارووال، لاہور، گوجرانوالہ،گجرات اورشیخوپورہ میں بارش متوقع ہے-

    مبشر لقمان کا مذید کہنا تھا کہ افواج پاکستان سب سے آگے ہے،ریسکیو آپریشن تو وہی کر سکتے ہیں 

    سیلاب سے اموات،نقصانات ہی نقصانات،مگر سیاستدان آپس کی لڑائیوں میں مصروف، مبشر لقمان پھٹ پڑے

    عمران خان نے کل اداروں کے خلاف زہر اگلا ہے،وزیراعظم

    پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ

    وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات

    باغی ٹی وی بلوچستان کے سیلاب متاثرین کی آواز بن گیا ہے.

  • باغی ٹی وی بلوچستان کے سیلاب متاثرین کی آواز بن گیا

    باغی ٹی وی بلوچستان کے سیلاب متاثرین کی آواز بن گیا

    باغی ٹی وی بلوچستان کے سیلاب متاثرین کی آواز بن گیا ہے.

    پاکستان میں سیلاب نے تباہی مچا رکھی ہے، بلوچستان،پنجاب،خیبر پختونخواہ کے علاقوں میں سیلاب آیا تو سب کچھ ساتھ بہا کر لے گیا، لوگ بے گھر ہو چکے ، کھلے آسمان تلے خواتین، بچے زندگی گزارنے پر مجبور ہیں، متعدد جانیں لقمہ اجل جبکہ کافی گھر تباہ ہوگئے ہیں. تاہم ان متاثرہ علاقوں میں باغی ٹی وی کی ٹیم پہنچ گئی ہے اور مسلسل اپنے ناظرین اور قارئین کو سیلابی صورتحال سے آگاہ کررہی ہے،

    باغی ٹی وی کے رپورٹر فائز چغتائی پنجاب کے علاقے راجن پور، روجھان میں کوریج کے بعد بلوچستان پہنچے ہیں جہاں سے وہ قارئین کو لمحہ بہ لمحہ اپڈیٹ کر رہے ہیں، بلوچستان کے علاقے میں سیلاب جیسی قدرتی آفت کے بعد سیلاب متاثرین کسمپرسی کی زندگی گزار رہے ہیں، کئی ایام گزر گئے کوئی بھی انکی مدد کو نہ پہنچا،

    باغی ٹی وی کی رپورٹ کے مطابق سیلابی پانی نے بلوچستان میں ہر چیز کو ڈبو دیا ہے جبکہ حکومت بلوچستان نے صوبے کے 34 میں سے 32 اضلاع میں ایمرجنسی نافذ کر دی ہے.باغی ٹی وی کے رپورٹر فائز چغتائی سے بات کرتے ہوئے بلوچستان کے سیلاب متاثرین نے بلوچستان کی صوبائی حکومت کی جانب سے دعویٰ کردہ نام نہاد امدادی سرگرمیوں کو بے نقاب کردیا ہے ان کا کہنا ہے کہ انہیں کوئی امداد نہیں ملی کیونکہ ان کے بچے سیلابی پانی کا شکار ہیں اور کھلے آسمان تلے مچھروں کی بھینٹ چڑھ ہوئے ہیں۔ اور ہمیں کوئی پوچھنے والا نہیں ہے، 12 روز گزر گئے کوئی مدد کو نہیں آیا۔ انسان جانور سب بھوک سے مر رہے ہیں پینے کا پانی بھی میسر نہیں

    باغی ٹی وی سے بات کرتے ہوئے بلوچستان کے شہریوں کا کہنا تھا کہ ہماری مدد کریں، کوئی بھی ہماری مدد کے لئے نہیں آیا، ہم اپیل کرتے ہیں اللہ کے واسطے ہماری مدد کرو،بلوچستان میں کوئی بھی مدد کے لئے نہیں آیا، ایم این اے نہیں آیا، ڈی سی نہیں آیا، لوگ اب بھوک سے مر رہے ہیں، زندگی اجیرن بن چکی ہے، رات کو مچھروں کی بہتات ہے، بیماریاں پھیل چکی ہیں، دوائیاں تو دور کی بات، پینے کا صاف پانی اور کھانا بھی نہیں مل رہا،

    مبشر لقمان کا مذید کہنا تھا کہ افواج پاکستان سب سے آگے ہے،ریسکیو آپریشن تو وہی کر سکتے ہیں 

    سیلاب سے اموات،نقصانات ہی نقصانات،مگر سیاستدان آپس کی لڑائیوں میں مصروف، مبشر لقمان پھٹ پڑے

    عمران خان نے کل اداروں کے خلاف زہر اگلا ہے،وزیراعظم

    پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ

    وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات

  • سیلاب سے 2005 کے زلزلے اور 2010 کے سیلاب سے زیادہ تباہی ہوئی،لیاقت بلوچ

    سیلاب سے 2005 کے زلزلے اور 2010 کے سیلاب سے زیادہ تباہی ہوئی،لیاقت بلوچ

    قائم مقام امیرجماعت اسلامی پاکستان لیاقت بلوچ نے کہا ہے کہ سیاسی قیادت جلسہ جلسہ کھیلنے کے بجاے متاثرین سیلاب کے ساتھ کھڑے ہوں اور ان کی مدد کریں۔ جماعت اسلامی اور الخدمت فاونڈیشن دکھی انسانیت کی خدمت اپنا فرض سمجھتی ہے۔ اس وقت سیلاب کے حوالے سے جماعت اسلامی اور الخدمت فاونڈیشن کی سرگرمیاں جاری ہیں ۔2005 کے زلزلے اور 2010 کے سیلاب سے زیادہ تباہی ہوئی ہے ۔ساڑھے تین کروڑ سے زائد لوگ متاثر ہوے ہیں ۔سڑکیں ، سکول ،مدارس ، مارکٹیں اور بازار سیلاب میں بہہ گے ہیں۔ لوگوں کی زندگی بھر کی جمع پونجی برباد ہوگئی ہے۔ آج پورے ملک میں سیلاب سے متاثرہ لوگوں کی مددو تعاون کا جذبہ موجود ہے ۔ملک گیر سطح پر متاثرین کے حوالے سے بڑی سرگرمی جاری ہے۔ یہ اللہ کا فضل ہے ہم متاثرین سیلاب کےلیے کام کرنے والے تمام لوگوں اور تنظیموں کو خراج تحسین پیش کرتے ہیں۔

    ان خیالات کا اظہار انہوں نے جماعت اسلامی ضلع راولپنڈی کے دفتر میں پریس کانفرنس سے خطاب کرتے ہوئے کیا۔ اس موقع پر امیر جماعت اسلامی شمالی پنجاب ڈاکٹر طارق سیلم ،سیکرٹری شمالی پنجاب اقبال خان ، امیر جماعت اسلامی ضلع راولپنڈی سید عارف شیرازی، نائب امراء سید عذیر حامد،خالد محمود مرزا ،صدر الخدمت فاونڈیشن شمالی پنجاب رضوان احمد، صدر الخدمت فاونڈیشن ضلع راولپنڈی چوہدری منیر احمد، سابق ممبر صوبائی اسمبلی محمد حنیف چوہدری ،سیکرٹری اطلاعات ملک محمد اعظم، ضیا اللہ چوہان اور تاج عباسی سمیت جماعت اسلامی اور الخدمت فاونڈیشن کے دیگر ذمہ داران بھی موجود تھے لیاقت بلوچ نے کہا کہ جماعت اسلامی نے اپنی معمول کی سرگرمیاں محدود کرکے ساری توجہ متاثرہن پر دے رکھی ہے۔ ریسکیو سے لے کر ریلیف تک ہر سطح پر جماعت اسلامی اور الخدمت فاونڈیشن مصروف عمل ہیں۔ میڈیکل ریلیف کیمپ الخدمت کے امدادی کیمپ قائم ہیں۔ الخدمت فاونڈیشن کے رضا کاروں ۔ اور کارکنان جماعت اسلامی کو سلام پیش کرتے ہیں۔ الخدمت فاونڈیشن کی سرگرمیاں جاری ہیں۔ تمام اضلاع سے سیکنڑوں امدادی ٹرک متاثرین کے علاقوں میں پہنچ رہے ہیں۔ جماعت اسلامی اور الخدمت فاونڈیشن کو ہر سطح پر سراہا جارہا ہے۔ ہم پوری قوم کو یقین فلانا چاہتے ہیں کہ ان کے اعتماد پر پورے اتریں گے اور ان کی امانتوں کو حقدار تک پہنچاہیں گے۔

    لیاقت بلوچ نے کہا کہ بعض حلقوں میں بے حسی کی کیفیت ہے کرپشن اور لوٹ مار کے ماحول سے لوگ تنگ آچکے ہیں ۔ہم۔ نے زلزلہ کے موقع پر سیلاب کے موقع پر اور پھر کرپشن کے خلاف جماعت کا کردار عوام کے سامنے ہے۔ کرپشن کے حوالے سے پوری قوم پوچھ رہی ہے کہ کرپشن میں ملوث لوگوں کو سزا دی گی یا نہیں ؟۔ آخر کیا وجہ ہے انہوں نے کہا کہ مرکز میں پی ڈی ایم کی حکومت پنجاب کے پی کے ۔ گلگت بلتستان آزادکشمیر میں پی ٹی آئی کی حکومتیں ہیں۔ سندھ میں پیپلز پارٹی کی حکومت ہے۔ عوام ان حکومتوں سے ان کی کارکردگی پوچھ رہے ہیں۔ انہوں نے کہا کہ حالیہ سیلاب سے بہت بڑا نقصان ہوا ہے اس قیامت صغرا کے موقع پر بھی حکمران اور سیاسی قیادت اپنے اپنے سیاسی جلسوں کے اندر مصروف ہیں اور متاثرین سے پہلوتہی اختیار کررہے ہیں۔ آئی ایم ایف کی غلامی نے ملک کا دیوالیہ نکال دیا ہے ۔مسئلہ کشمیر سے پہلو تہی اختیار کی جارہی ہے۔ ملک اندرونی طور پر عدم استحکام کا شکار ہے۔ جماعت اسلامی متاثرین سیلاب کے ساتھ ہے، ہم متاثرین کی بحالی تک جدوجہد جاری رکھیں ۔الخدمت فاونڈیشن نے چھ ارب روپے سےزائد تک کی متاثرین کی خدمت کا کام کیاہے۔لیاقت بلوچ نے کہا کہ قوم جلسہ جلسہ کھیلنے والوں کو جانتی ہے۔ سیاسی جماعتیں متاثرین سیلاب کو نظر انداز کرکے محض اپنی سیاست کے لیے جلسے منعقد کرکے متاثرین کے زخموں پر نمک پاشی کررہی ہیں۔ انہیں اپنے رویوں کو تبدیل کرنا ہوگا. انہوں نے کہا کہ کرپشن اور بے حسی کے اس ماحول سے عوام مایوس ہیں۔ انہیں ان کے حقوق نہیں مل رہے ہیں ۔ہم متاثرین کی بحالی انہیں میڈیکل ریلیف کےلیے کام کررہے ہیں بیماریاں پھوٹنے کا خطرہ ہے۔اہل خیر آگے بڑھ کر اپنا کردار ادا کریں ۔

    مافیا کے سامنے حکومت بے بس،عوام کی جیبوں پر ڈاکہ پڑ رہا ہے، لیاقت بلوچ

    جب تک مظلوم کوانصاف نہیں مل جاتا:میں پیچھے نہیں ہٹوں‌ گا:مبشرلقمان بھی نورمقدم کے وکیل بن گئے

    مبشرلقمان آپ نے قوم کی مظلوم مقتولہ بیٹی کےلیےآوازبلند کی:ڈرنا نہیں: ہم تمہارے ساتھ ہیں:ٹاپ ٹویٹرٹرینڈ ،

    :نورمقدم کی مظلومیت کیوں بیان کی: ظاہر جعفر کے دوست ماہر عزیز کے وکیل نے مبشرلقمان کونوٹس بھجوا دیا

    اس موقع پر الخدمت فاونڈیشن اور جماعت اسلامی ضلع راولپنڈی کی طرف سے ایک کروڑ روپے کا امدادی چیک لیاقت بلوچ کو پیش کیا گیا جبکہ محمدتاج عباسی اور ضیاءاللہ چوہان نے متاثرین کے لیے امدادی پیکیچ کا اعلان کیا قائم مقام امیر جماعت اسلامی پاکستان لیاقت بلوچ نے راولپنڈی میں متاثرین سیلاب کےلیے قائم کیے گے امدادی مرکز کا بھی دورہ کیا۔

    مبشر لقمان کا مذید کہنا تھا کہ افواج پاکستان سب سے آگے ہے،ریسکیو آپریشن تو وہی کر سکتے ہیں 

    سیلاب سے اموات،نقصانات ہی نقصانات،مگر سیاستدان آپس کی لڑائیوں میں مصروف، مبشر لقمان پھٹ پڑے

    عمران خان نے کل اداروں کے خلاف زہر اگلا ہے،وزیراعظم

    پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ

    وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات

  • اتنی تباہی کہ اللہ کی پناہ،آنکھوں دیکھا حال،دل خون کے آنسو روتا ہے،مبشر لقمان

    اتنی تباہی کہ اللہ کی پناہ،آنکھوں دیکھا حال،دل خون کے آنسو روتا ہے،مبشر لقمان

    اتنی تباہی کہ اللہ کی پناہ،آنکھوں دیکھا حال،دل خون کے آنسو روتا ہے
    باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ کچھ دنوں سے سیلاب زدہ علاقوں کی کوریج کر رہا ہوں، ابھی تک خیبر پختونخواہ اور سندھ نہیں گیا، پنجاب کے دو صوبے دیکھے اور مجھے واپس آنا پڑا ، امید ہے اگلے دو چار دن میں کے پی یا سندھ دو میں سے ایک جگہ ضرور جاوں گا

    مبشر لقمان کا کہنا تھا کہ جو حال دیکھا خوفناک حال ہے،اب میں سب کے لئے بات کر رہا ہوں، 3 کروڑ 30 لاکھ لوگ بے گھر ہو چکے ہیں، اسکو کلائمنٹ چینج کہا جا رہا ہے لیکن یہ وہ وجہ نہیں اس میں کوتاہیاں ہماری شامل ہیں، ہم نے سب کو ایکسپوز کیا کہ کس طرح سٹون کرشنگ مشین نے دریا کا راستہ ہی بدل دیا، پھر بارش کے بعد سارا پانی آبادیوں میں آ گیا، جس جگہ ہم نے دکھایا انڈس سے اس دن وہاں پر زیادہ پانی پاس ہوا، خود اندازہ لگا لیں کہ پانی کتنا ہوگا، دوسری چیزپانی کی جگہ آبادیاں بننا شروع ہو گئیں اور بستیاں اڑ گئیں،

    مبشر لقمان کا مزید کہنا تھا کہ ہزاروں ایکڑ زمین زیر آب ہے، مویشی مر گئے، جب میں نے وہاں دیکھا کہ کسی سیاسی جماعت کی سیلاب متاثرہ علاقوں میں کوئی امدادی مہم نہیں ہے، افراد اپنی مدد آپ کے تحت کر رہے ہیں، آرمی ریسکیو ، مدد کر رہی ہے، دینی جماعتیں، فلاحی کام کرنے والے لوگ ہیں، کوئی سیاسی نہیں، حکومت کے بنے ہوئے کیمپ گھوسٹ ہیں جو صرف دکھانے کے لئے ہیں، ان لوگوں سے ایسے کاموں کی وجہ سے نفرت ہونا شروع ہو جاتی ہے، میں نے 2010 کا فلڈ کور کیا، ہم عطیات بھی لے کر گئے تھے، ایک ہیلپ لائن کھولی تھی، اس وقت بھی دیکھا تھا، اسوقت زیادہ پانی نے انفراسٹرکچر کو اڑا کر رکھا تھا، اسوقت لوگوں کی بستیاں ، آبادیاں، چھوٹے شہر یہ زیر آب ہیں، میں نے لوگوں سے بات کی، ان میں انتہائی غصہ ہے ، وہ کہتے ہیں کہ اگر یہ سیلاب واقعی قدرتی آفت ہے تو غریبوں کے گھر میں کیوں آتی ہے، امیروں کے گھر میں کیوں نہیں، یہ سوال وہ پوچھنا شروع ہو گئے ہیں،وڈیرے کا ڈیرہ کیسے بچ جاتا ہے، پانی ادھر سے آتا ہے لیکن انکے گھر نہیں جاتا ہمارے علاقے میں پھیل جاتا ہے، یہ سوال ہے جو آج سب متاثرین کے ذہنوں میں ہیں، لاکھوں گھر تباہ اور متاثرین گھروں میں نہیں جا سکتے، لوگ پانی میں بیٹھے ہیں، علاقہ نہیں چھوڑ رہے کیونکہ انکا سامان، مال وہیں ہے

    مبشر لقمان کا مزید کہنا تھا کہ سیلاب متاثرہ علاقوں میں حاملہ عورتوں کی بڑی تعداد موجود ہے،پانی پینے کا وہاں موجود نہیں، انکے ساتھ کیا بنے گا، سوا لاکھ ،ڈیڑھ لاکھ بچے جن کی عمر دو سال سے کم ہیں، وہ ماں کا دودھ پیتے ہیں اب ماں کو غذا نہیں مل رہی، بچے کیا پیئیں، بہت مشکلات ہیں، ہر قسم کی غلاظت، بو ہے، سانپ بچھو موجود ہے، انسانی زندگیاں خطرے میں ہیں،

    عارف علوی کا دورہ ڈیرہ غازی خان، سیئر اینکر پرسن مبشر لقمان نے گھوسٹ کیمپ پر چھاپہ مار کر انتظامیہ کو رنگے ہاتھوں پکڑ لیا.

    مبشر لقمان کا مذید کہنا تھا کہ افواج پاکستان سب سے آگے ہے،ریسکیو آپریشن تو وہی کر سکتے ہیں 

    سیلاب سے اموات،نقصانات ہی نقصانات،مگر سیاستدان آپس کی لڑائیوں میں مصروف، مبشر لقمان پھٹ پڑے

    عمران خان نے کل اداروں کے خلاف زہر اگلا ہے،وزیراعظم

    پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ

    وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات

  • وزیراعلیٰ پنجاب کا عمران خان کو "خوش” کرنے کا ایک اور "پروگرام”

    وزیراعلیٰ پنجاب کا عمران خان کو "خوش” کرنے کا ایک اور "پروگرام”

    پرویز الہیٰ نے عمران خان کو "خوش” کرنے کا ایک اور "پروگرام”
    باغی ٹی وی کی رپورٹ کے مطابق وزیراعلیٰ پنجاب چودھری پرویز الہیٰ پنجاب کے سیلاب زدگان کی مدد کی بجائے عمران خان کو خوش کرنے میں لگے ہوئے ہیں

    عمران خان راضی ہونا چاہئے، عوام مرتی ہے تو مرتی رہے، لوگ کھلے آسمان تلے بے یاردو مدد گار پڑھے رہیں، خواتین ، بچے ، بزرگ سب کھلے آسمان تلے حکومتی امداد کا انتظار کرتے رہیں لیکن ہمارے حکمرانوں کو جلسوں سے فرصت نہیں، کبھی سرگودھا تو کبھی گجرات میں جلسہ، ار گجرات جلسے کے لئے وزیراعلیٰ پنجاب نے سیلاب زدہ علاقوں میں کام کرنے والے ریسکیو اہلکاروں کو بھی واپس بلا لیا تھا، پرویز الہیٰ نے راجن پور کا ایک دورہ کیا تھا جس میں سیلاب متاثرین کو چیک دیئے جو ابھی تک کیش نہیں ہو سکے، سیلاب متاثرہ علاقوں میں پنجاب حکومت کی امدادی ،ریلیف کی سرگرمیاں فیلڈ میں بالکل بھی نظر نہیں آتیں، ٹویٹر پر تصاویر اور ویڈیوز نظر آتی ہیں لیکن علاقوں میں نہ تو تحریک انصاف ہے اور نہ ہی مسلم لیگ ق ، باغی ٹی وی کی ٹیم سیلاب متاثرہ علاقوں میں موجود ہے، کسی بھی علاقے میں پنجاب میں حکمران جماعت ، تحریک انصاف اور ق لیگ کا کوئی کیمپ ںظر نہیں آیا جہاں سے متاثرین کی امداد کی جا رہی ہو

    گزشتہ روز گجرات میں ق لیگ کا جلسہ ہوا جس میں عمران خان نے بھی خطاب کیا، جلسے کے بعد عمران خان اور وزیراعلیٰ پنجاب پر کڑی تنقید کی جا رہی ہے، ایک صارف کا کہنا تھا کہ درد دل رکھنے والا بچہ بچہ سیلاب متاثرین کی مدد کر رہا ہے اور یہ پنجاب کا سب سے بڑا ڈاکو سی ایم ہاوس سے نکلنے کو تیار نہیں اور دوسری طرف نیازی کی خوشامدی میں گجرات جلسہ کی نگرانی کرنے گجرات پہنچ گیا

    ایک صارف کا کہنا تھا کہ پنجاب کے وزیراعلی پرویز الہی ہیں جنکا کام ہے کہ تونسہ راجن پور میں سیلاب میں پھنسے لوگوں کی مدد کریں لیکن وہ یہ کام نہیں کررہے وہ کام مریم نواز کررہی ہیں جبکہ پرویز الہی مشکل میں پھنسے عوام کی مدد کرنے کی بجائے عمران خان کا کو خوش کرنے میں لگے ہوئے ہیں

    پاک فوج نے فلڈ ریلیف ہیلپ لائن قائم کر دی،

    آرمی چیف جنرل قمر جاوید باجوہ نے کانجو اور سوات کا دورہ کیا

    وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

    متحدہ عرب امارات کے حکام کا آرمی چیف سے رابطہ،سیلاب زدگان کیلیے امداد بھجوانے کا اعلان

    آرمی چیف جنرل قمر جاوید باجوہ سے برطانوی ہائی کمشنر کرسچن ٹرنر کی ملاقات

    دوسری جانب عمران خان کو ہی خوش کرنے کے لئے وزیراعلیٰ پنجاب چودھری پرویز الٰہی نے ویڈیو پیغام میں کہا ہے کہ پنجاب حکومت سیلاب متاثرین کی بحالی و آبادکاری کے لئے پرعزم ہے۔ حالیہ سیلاب سے بے پناہ تباہی ہوئی ہے۔ سب سے پہلے میں خودسیلاب متاثرین کے پاس پہنچا۔میں نے راجن پو ر، تونسہ،ڈی جی خان کے سیلاب متاثرہ علاقوں میں تباہی کو خود اپنی آنکھوں سے دیکھا-میرے سمیت چیف سیکرٹری سے لیکر پنجاب حکومت کی پوری ٹیم متاثرہ علاقوں میں موجودتھی۔ متاثرہ علاقوں میں اب بھی تسلسل کے ساتھ امدادی سرگرمیاں چل رہی ہیں ریسکیو 1122نے متاثرہ علاقوں میں بے پناہ کام کیا اور بھرپور طریقے سے امدادی سرگرمیوں میں حصہ لیا۔ صوبائی وزراء، اراکین قومی وصوبائی اسمبلی نے پوری محنت اور کوشش سے بحالی کا کام شروع کیا۔ صاحب حیثیت اور مخیر حضرات سے اپیل کرتا ہوں کہ بینک آف پنجاب میں وزیراعلیٰ فلڈ ریلیف فنڈ کیلئے کھولے گئے اکاؤنٹ میں دل کھول کر عطیات دیں عمران خان نے ٹیلی تھون پربھی متاثرین سیلاب کے لئے عطیات دینے کی اپیل کی۔ بینک آف پنجاب کا سسٹم شفاف ہے اور جمع ہونے والی رقم کی مانیٹرنگ کا نظام وضع کیا گیاہے۔وزیراعلیٰ فلڈ ریلیف فنڈ میں جمع ہونے والی رقم شفاف طریقے سے مستحق لوگوں پر استعمال ہوگا میں یقین دلاتا ہو ں کہ وزیراعلیٰ فلڈ ریلیف فنڈ میں جمع ہونے والی رقم شفاف طریقے سے متاثرہ بہن بھائیوں کی بحالی پر خرچ ہوگی۔

  • ہیبت علی خان نے جان کی پروا نہ کرتے ہوئے دریائے سندھ میں ڈوبتے شخص کی جان بچالی

    ہیبت علی خان نے جان کی پروا نہ کرتے ہوئے دریائے سندھ میں ڈوبتے شخص کی جان بچالی

    ڈیرہ غازی خان کے سابق ڈی سی او، معروف بیورو کریٹ اور سابق ڈائریکٹر جنرل پلاننگ اینڈ ڈویلپمنٹ ہیبت علی خان نے اپنی جان کی پروا نہ کرتے ہوئے دریائے سندھ میں ڈوبتے شخص کی جان بچالی

    ہیبت علی خان لاہور سے اپنی گاڑی میں اپنے آبائی گاوں جارہے تھے کہ لیہ کے قریب دریائے سندھ کے کنارے گزرتے ہوئے انہوں نے ایک معمر شخص کو دریا کی موجوں سے لڑتے دیکھا لیکن پانی کے مقابلے میں وہ شخص ہارتا نظر آیا۔ کنارے پر کھڑے افراد لاچار تھے اور چیخ و پکار کر رہے تھے لیکن اس شخص کو بچانے کے لئے دریا میں کودنے کی کوئی ہمت نہیں کررہاتھا۔ ہیبت علی خان نے فور طور پر اپنی گاڑی رکوائی اور دریا میں چھلانگ لگا دی اور تیرتے ہوئے اس معمر شخص کے پاس پہنچے اوراسے بحفاظت کنارے پر لے آئے۔ جب وہ کنارے پر پہنچے تو کھڑے لوگوں نے خدا کا شکر ادا کیا اور ہیبت خان کو دعائیں دیتے ہویے وہاں سے روانہ ہو گئے۔

    آرمی چیف جنرل قمر جاوید باجوہ نے کانجو اور سوات کا دورہ کیا

    وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

    متحدہ عرب امارات کے حکام کا آرمی چیف سے رابطہ،سیلاب زدگان کیلیے امداد بھجوانے کا اعلان

    آرمی چیف جنرل قمر جاوید باجوہ سے برطانوی ہائی کمشنر کرسچن ٹرنر کی ملاقات

     سیلاب سے متاثرہ علاقوں میں جہاں فوج کی ضرورت ہے وہاں موجود ہے