Baaghi TV

Tag: سیلاب

  • آریانہ,دامانہ,درب شاہ گرام ,ڈپو,چیل،مدین تحصیل بحرین میں سیلاب سے100سےزائدگھرمکمل طورتباہ

    آریانہ,دامانہ,درب شاہ گرام ,ڈپو,چیل،مدین تحصیل بحرین میں سیلاب سے100سےزائدگھرمکمل طورتباہ

    :لاہور:آریانہ,دامانہ,درب شاہ گرام ,ڈپو,چیل،مدین تحصیل بحرین میں سیلاب سے100سےزائدگھرمکمل طورتباہ ،اطلاعات کے مطابق کے پی میں آنے والے سیلاب کے نقصانات کی تفصیلات آنا شروع ہوگئی ہیں اور تازہ ترین ابتدائی اطلاعات میں کہا جارہا ہےکہ آریانہ،دامانہ،درب شاہ گرام ،ڈپو،چیل ، مدین اور تحصیل بحرین کے دیگرعلاقوں میں 100 سے زائد گھر مکمل طور پرتباہ ہوگئے ہیں

     

    یہ بھی معلوم ہوا ہے کہ جزوی طور پر تقریبا ہرگھر کو نقصان پہنچا ہے اور یہ کہا جارہا ہےکہ بڑی تعداد میں مویشی بھی ہلاک ہوئے ہیں ،

     

     

    دوسری طرف وزیراعلٰی کے پی نے اس علاقے میں امدادی سرگرمیاں تیز کرنے کی ہدایات جاری کرتےہوئے متاثرین کو فی الفور امداد دینے کا بھی اعلان کیا اور اس ضمن میں امدادی رقم بھی بڑھا دی ہے

     

    ڈیرہ اللہ یار ، بلوچستان میں نئے ریلے کے بعد خیمہ بستیاں بھی ڈوب گئیں ہیں، اس سلسلے میں ڈیرہ اللہ یار سے تازہ ترین اطلاعات میں بتایا گیا ہےکہ اس وقت پانی پورے علاقے میں پھیل چکاہے اوراب تو محفوظ مقامات بھی غیرمحفوظ ہوگئے ہیں اور خیمہ بستیاں تک اس سیلابی ریلے میں ڈوب گئی ہیں،

    اس سلسلے میں ملنے اطلاعات میں بتایا گیا ہے کہ اسلامی فلاحی تنظیمیں سیلاب متاثرین کی مدد کررہے ہیں،اور یہ بھی معلوم ہوا ہے کہ جونہی شام کا وقت ہونے کو ہورہا ہے ، اندھیری رات میں پانی کے ریلے میں لوگوں کی پریشانیوں میں مسلسل اضافہ بھی ہورہا ہے

     

    کے پی کے ایک بڑے شہر کو سیلاب کے تازے ریلے کا سامنا ہے یہ شہرجہاں پہلے ہی ڈیرہ اسماعیل خان ایئر پورٹ شدید متاثر ہوا ہے، ایئر پورٹ پانی میں ڈوب گیا، جس کی وجہ سے فلائٹ آپریشن بھی معطل ہوگیا۔

    ڈی آئی خان ایئرپورٹ ٹرمنل بلڈنگ، رن وے، ایپرن سائیڈ دریا کا منظر پیش کرنے لگا، جبکہ ڈیرہ اسماعیل خان میں اے ایس ایف کیمپ بھی پانی سے بھرگیا۔سول ایوی ایشن ملازمین، اے ایس ایف اور ایئرپورٹ کا عملہ شدید مشکلات کا شکار ہے۔

    دوسری طرف تحصیل پروا سے اطلاعات کے مطابق سیلاب کا تازہ اور بڑا ریلہ گزر رہا ہے جس نے شہرکی رہی سہی کسر بھی نکال دی ہے ،

    اس حوالے سے سوشل میڈیا پر وائرل ایک ویڈیو میں دیکھاجاسکتا ہے کہ کس طرح پانی کا ریلہ تحصیل پروا کوویران کرتے ہوئے گزررہا ہے ،

     

     

    اطلاعات کے مطابق شدید طوفانی بارشوں کے باعث ضلع ڈیرہ اسماعیل خان میں سیلاب کی تباہ کاریوں میں مسلسل اضافہ ہو رہا ہے ابتک درجن سے زائد افراد جاں بحق اور 25 سے زائد زخمی ہو چکے ہیں. 160 سے زیادہ دیہات صفحہ ہستی سے مٹ گئے ہیں.

    ملک بھر کی طرح ضلع ڈیرہ اسماعیل خان میں بھی شدید طوفانی بارشوں کے باعث سیلاب کی تباہ کاریوں میں بتدریج
    اضافہ ہوتا جا رہا ہے۔ سرکاری ذرائع کے مطابق حالیہ سیلاب میں اب تک 9000 سے زیادہ گھر متاثر ہوئے ہیں، سیکروں مال مویشی بھی ہلاک ہو چکے ہیں

     

    پروآ اور ملحقہ علاقوں میں ہزاروں لوگ سیلابی پانی میں پھنسے ہوئے ہیں. ادھر تحصیل کلاچی کے مضافات گاوں کوٹ ولی داد سمیت ملحقہ علاقوں میں سیلابی ریلا داخل ہو گیا ہے، لونی نالہ میں طغیانی کی وجہ سے سگو پل ٹوٹنے سے بین الصوبائی رابطہ کی ڈیرہ ژوب روڈ بند ہو گئی۔ بڈھ میں سیلابی ریلہ داخل ہونے سے ڈیرہ ٹانک روڈ بھی بند ہے۔اور ایک جگہ سے ٹوٹ گیا ہے جہاں لوگ بانسوں کا پل بناکرگزرنے کا راستہ بنا رہے ہیں ،ادھر  ہزارہ پکہ ڈرین سے اس وقت انتہائی اونچے درجے کا سیلابی ریلہ گزر رہا ہے

  • تباہ حال بلوچستان کے لیے وزیراعظم شہبازشریف نے10 ارب امداد کا اعلان کردیا

    تباہ حال بلوچستان کے لیے وزیراعظم شہبازشریف نے10 ارب امداد کا اعلان کردیا

    کوئٹہ:وزیر اعظم شہباز شریف نے بلوچستان کے سیلاب متاثرین کیلئے 10ارب روپے امداد کا اعلان کیا ہے.بلوچستان میں سیلاب زدہ علاقوں کے دورے کے دوران میڈیا سے بات کرتے ہوئے وزیر اعظم نے کہا کہ سیلاب سے ہر جانب تباہی پھیلی ہوئی ہے، صوبہ سندھ اور بلوچستان سب سے زیادہ متاثر ہوئے ہیں۔ سوات کالام سب علاقے بارشوں سے تباہ ہوگئے، سوات میں ہوٹلز آناًفاناً دریا برد ہوگئے،میں نے اپنی زندگی میں سیلاب کی ایسی صورتحال نہیں دیکھی، پورے پاکستان میں ایک ہزار سے زائد لوگ جاں بحق ہوئے ہیں۔

    سیلاب متاثرین کیلئےمتحدہ عرب امارات سے امدادی سامان آج پاکستان پہنچے گا

    وزیر اعظم نے کہا کہ آرمی چیف اور نیول چیف نے بتایا ہے کہ ان کے عسکری دستے امدادی کارروائیوں میں مصروف ہیں، 50ہزار لوگوں کو محفوظ مقامات تک پہنچایا جا چکا ہے، جو لوگ اس کام میں مصروف ہیں ان سب کا شکریہ ادا کرنا چاہتا ہوں۔

    وزیر اعظم نے کہا کہ قائم مقام گورنر بتا رہے تھے کہ جعفر آباد میں فصلیں تباہ ہوگئی ہیں، توانا پہلوان خرم دستگیر سے بات کی ہے کہ وہ یہاں پہنچیں اور کام کریں، میں نے کہا ہے کہ اس علاقے کو جیسے بھی ہو بحال کریں اور پانی مہیا کریں۔

    وزیراعظم شہبازشریف نے بلوچستان کے سیلاب متاثرین کیلئے 10ارب روپے امداد کا اعلان کرتے ہوئے کہا کہ حکومت ہر متاثرہ خاندان کو 25ہزار روپے دے رہی ہے،انشااللہ ایک ہفتے میں 38 ارب روپے تقسیم ہوں گے۔

    وزیر اعظم نے کہا کہ ترکیہ کے صدرطیب یردوان نے مجھ سے بات کی، ایران کے صدر ابراہیم رئیسی سے بھی ٹیلیفون پربات ہوئی، دوست ممالک کے سربراہان مصیبت کی گھڑی میں ہمارے ساتھ ہیں، خوشی ہے کہ آج ترکی سے سامان کے دو جہاز کراچی پہنچنے والے ہیں ، آج یو اے ای سے بھی سامان کے جہاز پہنچیں گے، برطانیہ نے ڈیڑھ ملین پاؤنڈ کی امداد دی جس پر ان کا شکر گزار ہوں۔

    وزیر اعظم نے کہا کہ مجھے علم ہے فنڈز آرہے ہیں، کل ایک شخص نے 6 کروڑ روپے دیے، امداد دینے والے شخص نے کہا کہ میرا نام ظاہر نہ کریں، ایک گروپ آیا انہوں نے 45 کروڑ روپیہ دیا، جو لوگ خود اپنی امداد پہنچا رہے ہیں، اللہ ان کی دولت میں مزید اضافہ کرے، مخیر حضرات آگے آئیں اور اپنے بھائیوں،مائیں اور بچوں کی مدد کریں۔

    امدادی کاموں کے حوالے سے وزیر اعظم نے کہا کہ یہ کام باتوں، نعروں ،تقریروں اور الزامات لگانے سے نہیں ہوگا، غلط الزامات لگا کر اور جھوٹ بول کر کب تک قوم سے خود کو بچالیں گے، ہمیں عملی کام کرنا ہوگا، جب تک آخری خاندان بحال نہیں ہوتا چین سے نہیں بیٹھوں گا۔

    ادھر کوئٹہ میں موبائل فون سروسز سمیت دیگر تمام انٹرنیٹ سروسز بحال کر دی گئی ہیں۔پاکستان ٹیلی کمیونیکیشن اتھارٹی (پی ٹی اے) کے مطابق دیگر متاثرہ علاقوں میں سروسز کی بحالی کے اقدامات جاری ہیں۔

    واضح رہے کہ کوئٹہ سمیت بلوچستان بھر میں بارشوں اور سیلاب سے بہت زیادہ نقصانات ہوئے ہیں، متعدد ڈیمز بھی ٹوٹ گئے ہیں جس سے نقصانات میں اضافہ ہوا ہے۔حکومت اور این جی اوز سیلاب متاثرین تک پہنچنے اور ان کی مدد کرنے کی کوشش کر رہی ہیں

  • شاہی دسترخوان اورشاہی محلات میں رہنےوالوں نےعوام کودھوکہ ہی دیا:جماعت اسلامی نےقربانیاں دیں:سراج الحق

    شاہی دسترخوان اورشاہی محلات میں رہنےوالوں نےعوام کودھوکہ ہی دیا:جماعت اسلامی نےقربانیاں دیں:سراج الحق

    اسلام آباد (رپورٹ شہزاد قریشی) الخدمت فائونڈیشن اپنے سیلاب زدگان بہن بھائیوں کی مدد کیلئے پیش پیش ہے جمات اسلامی نے سیلاب زدگان کے لئے ملک بھر میں چندہ مہم شروع کی ہے۔ عوام کی بڑی تعداد جماعت اسلامی پر اعتماد کرتی ہے شاہی دسترخوان اور شاہی محلات میں رہنے والوں نے عوام کو دھوکہ ہی دیا ہے۔ سیاست کو تجارت بنانے والوں نے اس ملک کو معاشی کنگال بنادیا ہے۔ ان خیالات کا اظہار امیر جماعت اسلامی سراج الحق نے اوصاف سے گفتگو کرتے ہوئے کیا۔ پارلیمنٹ کی بالادستی آئین اور قانون کی حکمرانی کا نعرہ لگانے والے جب خود قانون شکن بن جائیں احتساب کا نعرہ لگانے والے احتساب سے بھاگیں۔ 75 سالوں سے اشرافیہ نے اس ملک اور عوام کے لئے کچھ نہیں کیا۔

    انہوں نے کہا کہ آزادی حاصل کرنے کے بعد انگریزوں کے مخبروں نے اس ملک کا حلیہ بگاڑ کے رکھ دیا ہے عوام کو مسائل کی دلدل میں پھنسا دیا ہے ملکی اداروں کو تباہ کر دیا گیا ہے سراج الحق نے کہا کہ سیاست کاروبار کا روپ دھار چکی ہے الیکشن سے پہلے ٹکٹ فروخت کرتے ہیں جو ٹکٹ خرید کر پارلیمنٹ ہائوس آتا ہے پھر وہ اپنے اثاثے بناتا ہے ان حالات میں ملک و قوم کی تقدیر بدلے تو کیسے بدلے،

    ایک سوال کے جواب میں انہوں نے کہا کہ ہم ملک کو کرپشن سے نجات کرپٹ سیاستدانوں سے نجات چاہتے ہیں۔ وقت آ پہنچا عوام قابض ٹولے سے ملک اور خود کو آزاد کروائیں کرپشن سے پاک قیادت ہی اس ملک کو ترقی کی راہ پر گامزن کر سکتی ہے اسلامی اصولوں کے مطابق ہی زندگی گزار کر دنیا میں اپنا مقام بنا سکتے ہیں تاریخ گواہ ہے کہ جماعت اسلامی نے ہر فورم پر اسلامی نظام کے لئے بھرپور کردار ادا کیا ہے کرپٹ سیاستدانوں نے رکاوٹ ڈالی ہے،

    ایک سوال کے جواب میں سراج الحق نے کہا کہ انگریزوں کے ذہنی غلاموں سے نجات حاصل کرنے کا واحد حل جماعت اسلامی کے پاس ہے ملک کو مقروض در مقروض کرنے ملکی معیشت کو تباہ کرنے والے کرپٹ سیاستدانوں سے اگر عوام نجات چاہتے ہیں تو جماعت اسلامی کا ساتھ دینا ہوگا انہوں نے کہا کہ اج ان کرپٹ سیاستدانوں نے ملک و قوم کو جس نہج پر پہنچایا ہے اندرونی اور بیرونی مسائل کا پاکستان کو سامنا ہے عوام جماعت اسلامی کو مضبوط کرنے اور آمدہ قومی انتخابات میں جماعت کے امیدواروں کو کامیاب کرانے میں اپنا بھرپور کردار ادا کرے جماعت اسلامی منظم اور دیانتدار لوگوں کی جماعت ہے انہوں نے کہا کہ کتنے افسوس کا مقام ہے سیلاب کی بروقت اطلاع کے باوجود ظالم اور بے حس حکمرانوں نے عوام کے لئے کچھ نہیں کیا۔ جس کی جتنی مذمت کی جائے وہ کم ہے۔

  • حکومت نے سیلاب سے متاثرہ افراد کیلیے مالی امداد کی رقم بڑھادی

    حکومت نے سیلاب سے متاثرہ افراد کیلیے مالی امداد کی رقم بڑھادی

    پشاور:سیلاب سے متاثرخاندانوں کوہرصورت ریلیف دینے کےلیے خیبر پختونخوا حکومت نے سیلاب کی زد میں آکر جاں بحق ہونے والے افراد کے لواحقین کی مالی امداد 3 لاکھ روپے سے 8 لاکھ اور تباہ گھروں کی امداد بھی ایک لاکھ سے 3 لاکھ روپے کردی ہے۔

    اس حوالے سے کے پی حکومت کے وزیرمحنت خیبر پختونخوا شوکت یوسفزئی نے چارسدہ میں سیلاب سے متاثرہ علاقوں کا دورہ کیا اور متاثرین سے امدادی سرگرمیوں کے بارے میں معلومات حاصل کیں۔

    سیلاب متاثرین سے گفتگو کے دوران شوکت یوسف زئی نے کہا کہ قدرتی آفت سے بہت بڑا نقصان ہوا ہے۔صوبے میں اب تک 230 افراد جاں بحق جب کہ 24 ہزار مکانات اور پچاس سے زائد ہوٹل بھی تباہ ہوچکے ہیں۔

    صوبائی وزیر نے متاثرین کو یقن دلایا کہ حکومت انہیں تنہا نہیں چھوڑے گی، وزیر اعلی محمود خان خود ریسکیو اور ریلیف آپریشن کی نگرانی کررہے ہیں، جبکہ صورت حال بہتر ہونے پر نقصانات کا سروے شروع کردیا جائے گا ۔

    شوکت یوسف زئی نے کہا کہ صوبائی حکومت نے جاں بحق افراد کی امداد تین لاکھ روپے سے بڑھا کر آٹھ لاکھ روپے کردی ہے۔اس طرح تباہ گھروں کی امداد بھی ایک لاکھ سے تین لاکھ روپے کردی ہے ۔

    تباہ حال چارسدہ ایک اور سیلابی ریلے کے نشانے پر آگیا، مزید نقصانات کا اندیشہ ہے، خطرے سے دو چار علاقوں میں متاثرین کو واپس آنے سے روک دیا گیا۔فلڈ کنٹرول روم کے مطابق سیلابی ریلہ آج دوپہر تک چارسدہ پہنچے گا۔

    سیلاب سے ہلاکتیں ایک ہزار سے متجاوز
    این ڈی ایم اے کا کہنا ہے کہ ملک بھر میں بارش اور سیلاب سے ہلاکتوں کی مجموعی تعداد 1 ہزار 33 ہو گئی ہے، 110 اضلاع میں 57 لاکھ 73 ہزار افراد سیلاب سے متاثر ہیں۔این ڈی ایم اے کے جاری کردہ اعداد و شمار کے مطابق سیلاب سے مجموعی طور پر ساڑھے 9 لاکھ مکانات اور 3 ہزار 451 کلومیٹر سڑکوں اور 149 پلوں کو نقصان پہنچا ہے۔گزشتہ 24 گھنٹوں میں سیلاب سے مزید 119 افراد جاں بحق اور 71 زخمی ہوئے ہیں، مجموعی طور پر 15 سو 27 زخمی ہیں، 83 ہزار مویشی بھی جان سے گئے ہیں۔

    سیلابی ریلے پنجاب میں داخل
    سوات اور نوشہرہ میں تباہی کے بعد سیلابی ریلے پنجاب میں داخل ہوگئے، میانوالی میں سیلاب کا خدشہ ہے، شہریوں کو محفوظ مقامات پر منتقل کرنے کی ہدایت کی گئی ہے۔چارسدہ کے مزید علاقوں میں سیلابی پانی داخل ہوگیا ہے، چارسدہ میں بھی سیکڑوں گھر پانی سے متاثر ہیں۔ دریائے سندھ پر بنے جناح بیراج کے مقام پر آج 7 لاکھ کیوسک کا ریلا گزرنے کا امکان ہے، سیلاب سے 47 موضع جات متاثر ہوسکتے ہیں۔

    موٹر وے ایم ون پر برہان تا پشاور سیلاب کے خدشات
    موٹر وے ایم ون پر برہان تا پشاور سیلاب کے خدشات ہیں، قومی شاہراہ پر آزاخیل اور نوشہرہ کے درمیان سیلاب کا خدشہ ہے، بلوچستان میں قلات سے پشین یارو جبکہ سندھ میں کنڈیارو،مورو،سکرنڈ اور مٹیاری کے قریب سیلاب کاخدشہ ہے۔

    نیشنل ہائی وے پر حب سے بیلہ سیلاب کا خدشہ ہے، موٹر وے پولیس نے سیلاب کی صورتحال پر الرٹ جاری کر دیا جس میں سیلاب سے متاثرہ علاقوں میں سفر سے گریز کی ہدایت کی گئی ہے اور ساتھ کہا گیا ہے کہ سفر سے پہلے موٹر وے پولیس ہیلپ لائن سے معلومات حاصل کریں۔

    کوئٹہ کے نواحی علاقے ولی تنگی میں ڈیم ٹوٹنے کی افواہ
    بولان کے علاقے مچھ میں مکان کی بوسیدہ چھت گرنے سے4 خواتین سمیت 5 افراد جاں بحق ہوگئے، کوئٹہ کے نواحی علاقے ولی تنگی میں ڈیم ٹوٹنے کی افواہ پر نواں کلی اور دیگر علاقوں میں خوف وہراس پھیل گیا۔شہریوں نے منتقلی شروع کردی تاہم ڈپٹی کمشنر کا کہنا ہے کہ ولی تنگی ڈیم بلکل محفوظ ہے، مسلسل نگرانی کر رہے ہیں، عوام افواہوں پر کان نہ دھریں۔دوسری جانب شمالی بلوچستان کے بالائی علاقوں کے رابطے اب تک بحال نہیں ہو سکے ہیں۔

    بلوچستان سے آنیوالے ریلے کا میہڑ کے حفاظتی بند پر دباؤ
    بلوچستان سے آنے والے سیلابی ریلے کا میہڑ کے حفاظتی بند پر دباؤ ہے، میہڑ شہر کو رنگ بند سے بچانے کا فیصلہ کیا گیا ہے۔ٹنڈو آدم میں مسلح افراد نے مبینہ طور پر اپنی فصلیں بچانے کے لیے سیلابی ریلے کا رخ شہر کی طرف کر دیا۔دریائے سندھ میں سیلابی صورتحال کے باعث ٹھٹھہ میں کچے کے علاقےخالی کرانے کی ہدایت کی گئی ہے۔خیرپور کے کئی مقامات پر 10سے 12فٹ پانی جمع ہے، متاثرین محصور ہیں۔

  • سیلاب سے تباہی کے اثرات سبزیوں کی قیمتیں آسمان کو چھونے لگیں

    سیلاب سے تباہی کے اثرات سبزیوں کی قیمتیں آسمان کو چھونے لگیں

    سیلاب سے تباہی کے اثرات سبزیوں کی قیمتیں آسمان کو چھونے لگیں، بلوچستان اور سندھ میں پیاز اور ٹماٹر کی فصل تباہ ہونے سے قیمتوں میں دو گنا اضافہ ہو گیا.

    باغی ٹی وی : سبزی، پھلوں اور گوشت کی قیمتیں غریب کی پہنچ سے دور ہوگئیں دوکاندار سرکاری نرخ سے کئی گنا زیادہ قیمتوں پر اشیاء فروخت کرنے لگے جبکہ لاہور کی سب سے بڑی سبزی منڈی میں ٹماٹر اور پیاز کی قلت ہو گئی۔

    لوئر کوہستان: سیلابی ریلے سےشاہراہ قراقرم پر قائم کیہال پل کو خطرہ

    لاہور میں ضلعی انتظامیہ اشیاء خورد و نوش کی سرکاری نرخ سے زیادہ قیمتوں پر فروخت روکنے میں ناکام ہوگئی، دوکان داروں نے سرکاری نرخ سے کئی گنا زیادہ قیمت پر اشیاء فروخت کرنا شروع کردیں آ لو، پیاز، ٹماٹر، شملہ مرچ اور ادرک کو پر لگ گئے-

    آلودرجہ اول 130 سے 150 روپے کلو فروخت ہورہے ہیں، پیاز دوئم 220 روپے کلو، ٹماٹر دوئم 300 کلو جب کہ 250 روپے پاؤ ادرک تھائی لینڈ 385 اور پانچ سو روپے میں فروخت ہورہا ہے۔

    ذرائع کا کہنا ہے کہ شملہ مرچ 350 کی بجائے 500 روپے کلو تک پہنچ گئی، میتھی 260 کی بجائے 320 روہے کلو فروخت ہورہی ہے جب کہ گوبھی 220 روپے، مٹر 330 سے 350 روپے میں فروخت ہورہے ہیں۔

    پھل سرکاری ریٹس سے 30 سے 40 فیصد زائد مہنگےداموں فروخت ہو رہے ہیں، اسی طرح مرغی کےگوشت کی قیمت 362 کی بجائے 380 روپے تک پہنچ گئی ہے جب کہ بکرے کا گوشت 1050 روپے کی بجائے 1800 روپے میں فروخت ہورہا ہے۔

    اسلام آباد انتظامیہ نے شہریوں سے سیلاب متاثرین کے لیے امدادی تعاون کی اپیل کردی…

    اسلام آباد میں بھی سبزیوں اور پھلوں کی قیمتیں آسمان کو پہنچ گئیں۔ سستا بازار میں پانچ کلو پیاز 1150 روپے میں فروخت ہونے لگا۔اسلام آباد کی مختلف مارکیٹوں میں پیاز کی فی دھڑی قیمت 1600 روپے تک پہنچ گئی بازاروں میں ایک کلو پیاز 400 روپے میں فروخت ہونے لگی۔ادرک 360 سے 400 روپے کلو میں فروخت ہو رہے ہیں۔

    سستا بازار میں ٹماٹر 170 روپے جبکہ مختلف مارکیٹوں میں ٹماٹر کی قیمت 250 سے 300 روپے کلو تک پہنچ گئی ہے۔لہسن 288 روپے کلو اور آلو 315 روپے کلو میں فروخت ہونے لگا ہے۔

    پشاور میں بھی سبزیوں کی قیمتوں میں اضافہ دیکھنے میں آیا ہے فی کلو پیاز کی قیمت 160 پر پہنچ گئی تاجروں نے حکومت سے اپیل کی کہ افغانستان اور ایران سے پیاز امپورٹ کرنے کی اجازت دینے کے ساتھ ساتھ ٹیکسز کو ختم کیا جائے۔ تاکہ بحران سے نمٹا جا سکے۔

    دوسری جانب قیمتوں میں اچانک بے پناہ اضافے کے حوالے سے شہریوں کا کہنا ہے کہ مہنگائی اپنی جگہ لیکن گراں فروشی رک جائے تو ریلیف مل سکتا ہے لیکن کوئی پوچھنے والا نہیں-

    پی آئی اے کی پرواز میں ایئر ہوسٹس کو ہراساں کرنے کا واقعہ، شکایت پر نہیں ہوئی کاروائی

    واضح رہے کہ پاکستان میں آنے والے مہینوں میں گندم کی بوائی کو بھی خطرہ لاحق ہے ماہرین نے سیلاب کے باعث پاکستان میں غذائی بحران پیدا ہونے کا خدشہ بھی ظاہر کیا ہے حالیہ بارشوں اور سیلاب کے بعد بلوچستان اور سندھ میں کپاس اور چاول سمیت کئی سبزیوں اور پھلوں کی فصل تباہ ہو گئی ہے جس کے نتیجے میں ملک میں کپاس کے نرخ تاریخی بلندی پر پہنچ گئے ہیں۔

    مون سون کی شدید اور مسلسل بارشوں اور سیلاب کی وجہ سے کپاس کی فصل کوناقابل تلافی نقصان ہوا ہےمعیاری کپاس کی قیمت 24ہزار روپے من تک پہنچ گئی ہے، اچھے معیار کی پھٹی 11 تا 13 ہزار فی 40 کلو ہوگئی ہے جب کہ کے سی اے کی اسپاٹ ریٹ قیمت 23ہزار روپے من ہےکپاس کی بلند قیمتوں کی وجہ سے متعدد ملیں بند ہوگئی ہیں یا پھر ان میں پیداواری عمل جزوی طور پر جاری ہے۔

    ٹاپ لائن سیکیورٹیز کے ذرائع کے مطابق پاکستان کاٹن جنرز ایسوسی ایشن کے تازہ اعدادوشمار کے مطابق کپاس کی اس وقت تک 7.4 ملین گانٹھیں آچکی ہیں۔ ان میں سے 47 فیصد پیداوار سیلاب سے متاثرہ سندھ کے علاقوں کی ہے۔

    یہ پریشان کن صورتحال ہے نہ صرف ٹیکسٹائل سیکٹر بلکہ پورے ملک کے لیے کیوں کہ کم پیداوار کی وجہ سے کپاس درآمد کرنی پڑے گی جس سے درآمدی بل بڑھے گا۔ 19اگست کے بعد سے اب کپاس کی قیمت میں فی من 2000 روپے کا اضافہ ہوچکا ہے۔

    ملک بھر میں بارش اور سیلاب سے ہلاکتوں کی مجموعی تعداد 1 ہزارسے زائد ہو گئی

  • ڈیرہ اسماعیل خان میں سیلابی ریلے میں بہہ جانیوالا بچہ چار دن بعد زندہ سلامت مل گیا

    ڈیرہ اسماعیل خان میں سیلابی ریلے میں بہہ جانیوالا بچہ چار دن بعد زندہ سلامت مل گیا

    کہاوت ہے کہ جسے اللہ رکھے اسے کون چکھے، ایسی ہی ایک حقیقی مثال ڈیرہ اسماعیل خان میں ہوئی جہاں سیلابی ریلے میں بہہ جانے والا بچہ معجزاتی طور پر چار دن بعد زندہ مل گیا۔

    باغی ٹی وی : سیلاب کے پانی سے بچنے کے لیے بچے نے چار دن سےدرخت پر پناہ لے رکھی تھی،پانی کم ہوا تو بچہ درخت سے نیچے آیا ، آواز دینے پر ریسکیو اہلکار مدد کو پہنچے۔

    سوات میں پھنسے 110 افراد کو پاک فوج نے ریسکیو کر لیا

    ڈی آئی خان میں بچہ ٹرک کے مکینک کے پاس کام کرتا تھا اور بچہ اس کا استاد اور ٹرک ڈرائیور چار روز قبل سگو پل کے قریب پانی میں بہہ گئے تھے۔

    ریسکیو حکام کو دریا سے ٹرک مل گیا تھا جس کے بعد بچے کے مکینک استاد کی لاش گزشتہ روز سیلابی پانی سے ملی، ڈرائیور تاحال غائب ہے جس کی تلاش کے لیے آپریشن جاری ہے۔

    مقامی افراد نےبتایا کہ تلاش کیلئے جانے والے افراد کو درخت پر موجود بچے نے دیکھا اور آواز دی، لوگوں نے بچے کو درخت سے نیچے اتارا تو وہ صحیح سلامت اور زندہ تھا۔

    آذر بائیجان کا بھی پاکستان کے سیلاب متاثرین کے لیے امداد کا اعلان

    بچے نے بتایا کہ اُس نے پانی میں بہتے وقت درخت کو پکڑا لیا تھا، جس کے بعد وہ اس پر چڑھ گیا اور چار روز تک سوئے بغیر بھوکا پیسا یہاں پر رہا۔

    عینی شاہدین نے بچے کے زندہ بچ جانے کو معجزہ قرار دیا اور کہ خدا کی قدرت سے اس بچے کو ہمت ملی جس کی وجہ سے وہ زندہ رہا بچے کو زندہ دیکھ کر گھروالوں نے شکر ادا کیا اور بچے کو ہار پہنا کر استقبال کیا۔

    واضح رہے کہ ڈیرہ اسماعیل خان میں بھی سیلابی ریلوں نے تباہی مچارکھی ہے سیلابی ریلے آبادیوں میں داخل ہونےسے لاکھوں افراد بے گھر ہو گئے ہیں۔

    ملک بھر میں بارش اور سیلاب سے ہلاکتوں کی مجموعی تعداد 1 ہزارسے زائد ہو گئی

  • پاک فوج کی جانب سے ضلع راجن پور میں امدادی سرگرمیاں جاری

    پاک فوج کی جانب سے ضلع راجن پور میں امدادی سرگرمیاں جاری

    آج پاک فوج کی جانب سے ضلع راجن پور میں فضائی امدادی آپریشن کیا گیا۔

    باغی ٹی وی : پا ک فوج کے شعبہ تعلقات عامہ( آئی ایس پی آر) کے مطابق متاثرین کو راشن بیگز اور ٹینٹ کی شکل میں امداد فراہم کی گئی پاکستان آرمی نے لیہ، ڈیرہ غازی خان اور راجن پور کے تمام سیلاب زدہ علاقوں میں بھی ریسکیو اور ریلیف آپریشن جاری رکھا۔

    سیلاب سے متاثرہ آخری آدمی کی بحالی تک چین سے نہیں بیٹھیں گے،آرمی چیف

    آئی ایس پی آر کے مطابق پاک فوج کی ٹیموں نے متاثرہ علاقے میں پھنسے ہوئے لوگوں کو خواتین اور بچوں سمیت ان کے سامان سمیت بچا کر محفوظ مقامات پر منتقل کیا۔

    آئی ایس پی آر کے مطابق ریلیف کیمپوں میں رہنے والے لوگوں کو پکا ہوا کھانا اور خشک راشن فراہم کیا جا رہا ہے پاک فوج سیلاب سے متاثرہ افراد کی مدد کے لیے تمام دستیاب وسائل بروئے کار لا رہی ہے جس میں فوج کی جانب سے لگائے گئے میڈیکل کیمپوں میں فوری طبی امداد بھی شامل ہے۔

    سوات میں پھنسے 110 افراد کو پاک فوج نے ریسکیو کر لیا

    آئی ایس پی آر کے مطابق کمراٹ میں پاک فوج کے دستوں کی پہلی ٹیم ٹینٹوں میں مقیم متاثرین افراد کے مقام پر پہنچ گئی ہے جہاں ان خاندانوں کو نشانہ بنایا گیا تھا فالو اپ فوج کے دستے بری کوٹ کو عبور کر چکے ہیں پاک فوج کے ایوی ایشن کے ہیلی کاپٹر پرواز کر چکے ہیں اور اپنے مقام کی طرف جا رہے ہیں۔

    بریکنگ، کمراٹ میں پھنسے 22 سیاحوں کو پاک فوج نے ریسکیو کر لیا،ویڈیو

  • ملک بھر میں بارش اور سیلاب سے ہلاکتوں کی مجموعی تعداد 1 ہزارسے زائد ہو گئی

    ملک بھر میں بارش اور سیلاب سے ہلاکتوں کی مجموعی تعداد 1 ہزارسے زائد ہو گئی

    این ڈی ایم اے کا کہنا ہے کہ ملک بھر میں بارش اور سیلاب سے ہلاکتوں کی مجموعی تعداد 1 ہزار 33 ہو گئی ہے-

    باغی ٹی وی : این ڈی ایم اے کے جاری کردہ اعداد و شمار کے مطابق سیلاب سے مجموعی طور پر 110 اضلاع میں 57 لاکھ 73 ہزار افراد سیلاب سے متاثر ہیں گزشتہ 24 گھنٹے کے دوران سندھ میں 74، خیبرپختونخوا میں 31، پنجاب میں 1، بلوچستان میں 4، گلگت بلتستان 6 اور آزاد کشمیر میں بھی 1 شخص زندگی کی بازی ہار گیا۔

    آذر بائیجان کا بھی پاکستان کے سیلاب متاثرین کے لیے امداد کا اعلان

    نیشنل ڈیزاسٹر مینجمنٹ (این ڈی ایم اے)کی جانب سے جاری کردہ اعداد وشمار کے مطابق بارشوں کے بعد سیلاب سے جاں بحق ہونے والوں میں 32 بچے 56 مرد 9 خواتین شامل ہیں-

    گزشتہ 24 گھنٹوں میں سیلاب سے مزید 119 افراد جاں بحق اور 71 زخمی ہوئے ہیں، مجموعی طور پر 15 سو 27 زخمی ہیں، 83 ہزار مویشی بھی جان سے گئے ہیں ساڑھے 9 لاکھ مکانات اور 3 ہزار 451 کلومیٹر سڑکوں اور 149 پلوں کو نقصان پہنچا ہے۔

    ڈیرہ غازی خان لورالائی شاہراہ پر بھی ٹریفک کی آمد و رفت معطل ہے۔ گلگت بلتستان میں نلتر،غذر ،شندور اور ششپر ويلى کی سڑکیں سیلاب کی وجہ سے بند ہیں خوازہ خیلہ سے بشام اور جھل کٹ تک نیشنل ہائی وے کو بند کیا گیا ہے۔ پنجاب میں این55 فاضل پورسے راجن پور تک بند ہے۔

    لوئر کوہستان: سیلابی ریلے سےشاہراہ قراقرم پر قائم کیہال پل کو خطرہ

    این ڈی ایم اے کے مطابق سندھ میں بارشوں اور سيلاب کے باعث 2ہزار 328 کلوميٹر سڑک کو نقصان پہنچا، بلوچستان میں ایک ہزار کلوميٹر سڑکیں تباہ ہوگئیں۔

    گزشتہ 24 گھنٹوں کے دوران سیلاب کے سبب 9 لاکھ 49 ہزار گھر ،7 لاکھ 19 ہزار سے زائد لائف اسٹاک سیلاب کی نظر ہوئے، 2 لاکھ 67 ہزار 719گھر ملیا میٹ، 3 ہزار 116 کلومیٹر شاہراہیں، 149 پُل سیلاب میں بہہ گئےسندھ میں 49 لاکھ، پنجاب میں 4 لاکھ 50 ہزار، بلوچستان میں 3 لاکھ 60 ہزار افراد سیلاب سے متاثر ہوئے ہیں۔

    دوسری جانب سیلاب سے متاثر ہونے والوں کے لیے ترکیہ سے امدادی سامان لے کر دو جہاز کل کراچی پہنچیں گے، کراچی میں ترکیہ کے قونصل جنرل کل صبح ہوائی اڈے پر امدادی سامان پاکستانی حکام کے حوالے کریں گےترکیہ کی جانب سے بھیجے گئے سامان میں خیمے، ادویات اور دیگر اشیاء شامل ہیں جبکہ امداد کی ایک اور کھیپ جلد ملنے کا امکان ہے۔

    وزیراعظم نے اے پی سی بلا لی،پی ٹی آئی کو دعوت نہ دینے کا فیصلہ

  • بلوچستان:بولان میں مکان کی چھت گرنےسے5 افراد جاںبحق،سندھ میں بھی متاثرین کھلے آسمان تلے حکومتی امداد کے منتظر

    بلوچستان:بولان میں مکان کی چھت گرنےسے5 افراد جاںبحق،سندھ میں بھی متاثرین کھلے آسمان تلے حکومتی امداد کے منتظر

    بلوچستان میں بارشوں اور سیلابی ریلوں کے نتیجے میں بولان کے قریب مچ میں ایک مکان کی چھت گرنے سے 5 افراد جاں بحق ہو گئے ہیں۔

    باغی ٹی وی : پولیس کے مطابق مچ میں ایک مکان کی چھت گرنے سے 4 خواتین سمیت 5 افراد جاں بحق ہوئے ہیں مکان کی چھت بارش کے باعث خستہ حال ہوگئی تھی جس کے وجہ سے یہ واقعہ پیش آیا جس میں 5 افراد جاں بحق ہوئے ہیں۔

    عالمی رہنماوں کا شہباز شریف کو ٹیلیفون، تعاون کی یقین دہانی

    گزشتہ 24 گھنٹوں کے دوران بلوچستان میں مزید 9 افراد جاں بحق ہونے کی تصدیق کے بعد اموات کی تعداد 247 تک پہنچ گئی ہےصوبے بھر میں مجموعی طور پر 61 ہزار 488 مکانات کو نقصان پہنچا ہے جبکہ 1000 کلو میٹرز پر مشتمل مختلف شاہراہیں بھی حالیہ بارشوں اورسیلاب سے شدید متاثر ہوئیں ہیں۔

    دوسری جانب دریائے سوات میں سیلابی پانی کے بہاؤ میں کمی آنے کے بعد لوگوں نے اپنی مدد آپ کے تحت امدادی کارروائیاں شروع کردی ہیں۔

    صوبائی ڈزاسٹر منیجمنٹ اتھارٹی (پی ڈی ایم اے) کے مطابق سیلاب سے خیبر پختونخوا کے 13اضلاع میں ایمرجنسی نافذ کردی گئی ہے جبکہ سیلاب سے متاثر ہوکر ایک لاکھ 80 ہزار افراد نے نقل مکانی کی ہے۔

    سیلابی پانی اورسڑکوں کی ٹوٹ پھوٹ کےباعث درجنوں سیاح کالام میں پھنسےہوئے ہیں، کمراٹ میں سو سے زائد سیاح پھنس گئے ہیں لوئر دیر، شبقدر، چارسدہ، ڈیرہ اسماعیل خان اور دیگر مقامات پر متاثرین تک رسائی میں مشکلات کا سامنا ہے۔

    دوسری جانب دریائے سوات میں سیلابی پانی کے بہاؤ میں کمی آنے کے بعد بجلی کی بحالی کا کام شروع کردیا گیا ہے، حکام کے مطابق بجلی کی مکمل بحالی میں ایک ہفتہ لگ سکتا ہے۔

    ملک میں سیلاب سے تباہی،عمران خان جلسے اور عارف علوی سالگرہ منانے میں مصروف

    سوات میں سیلابی صورتحال کے بعد کئی مقامات پر رابطہ سڑکیں اور راستے دریا برد ہوگئے ہیں، سیلابی پانی سے بحرین اور کالام کے درمیان بھی زمینی رابطہ منقطع ہوگیا ہے جس کے باعث متعدد سیاح پھنس گئے ہیں مٹہ کا بائی پاس روڈ بھی سیلاب سے بری طرح متاثر ہوا ہےحالیہ سیلاب میں وادی سوات میں 15 رابطہ پلوں کو مکمل یا جزوی طور پر نقصان ہوا ہے۔

    ادھر سندھ میں بارشوں اور سیلاب نے تباہی مچا دی ہے، سجاول کے ساحلی علاقے چُوہڑ جمالی کے زیرآب آنیوالے متعدد دیہاتوں سے تاحال پانی کی نکاسی نہیں ہوسکی، متاثرین کھلے آسمان تلے حکومتی امداد کے منتظر ہیں۔

    ٹنڈو آدم میں سیلابی ریلے سے کئی علاقے زیر آب آگئے جبکہ مٹیاری میں سیلابی صورتحال کے بعد 200 سے زائد دیہات ڈوب گئے، نیو سعیدآباد سے نواب شاہ جانے والا مہران نیشنل ہائی وے بھی زیر آب آگیا۔

    عرب امارات کےصدرمحمد بن زید النہیان نے پاکستان کےسیلاب متاثرین کی امداد کا اعلان…

    حیدرآباد میں لطیف آباد اور قاسم آباد سمیت کئی علاقوں میں برساتی پانی نہیں نکالا جاسکا، ٹنڈوالہیار میں متاثرین کھلے آسمان تلے زندگی گزارنے پر مجبور ہیں۔

    میرپورخاص کے بیشتر رہائشی علاقوں سے بارش کا پانی نہیں نکالا جاسکا، شہر کے دو حصوں کو ملانے والا ریلوے انڈر پاس ٹریفک کیلئے تاحال کھولا نہیں جا سکا ہے۔

    جیکب آباد، شکارپور اور کندھ کوٹ میں سیلاب متاثرین سڑک کنارے حکومتی امداد کے منتظر ہیں، پاک فوج کے جوان متاثرین کی مدد کرنے پہنچ گئے ہیں دادو کی تحصیل میہڑ میں بھی سیلاب متاثرین کھلے آسمان تلے زندگی گزارنے پر مجبور ہیں۔

    خیال رہے کہ سکھر بیراج کے مقام پر دریائے سندھ میں اونچے درجے کے سیلاب کی صورتحال ہے، آبپاشی حکام کے مطابق یہ صورتحال مزید ایک ہفتے تک رہنے کا امکان ہے۔

    اسلامی تنظیمیں اور عالمی برادری پاکستان کی فوری مدد کریں ،او آئی سی

  • پنجاب حکومت اس سیلاب میں کہیں نظر نہیں آرہی:عطا تارڑ

    پنجاب حکومت اس سیلاب میں کہیں نظر نہیں آرہی:عطا تارڑ

    اسلام آباد:پنجاب حکومت اس سیلاب میں کہیں نظر نہیں آرہی:اطلاعات کے مطابق وزیراعظم شہبازشریف کے معاون خصوصی نے پنجاب حکومت پر سخت تنقید کرتے ہوئے کہا ہے کہ لوگ سیلاب میں پھنسے ہوئے ہیں مگرپنجاب حکومت ان کو کہیں بھی نظرنہیں آرہی

    وزیراعظم کے معاون خصوصی نے سماجی رابطے کی ویب سائٹ ٹویٹر پرچوہدری پرویز الٰہی پرتنقید کے سخت وار کرتے ہوئے کہا کہ پنجاب حکومت اس سیلاب میں کہیں نظر نہیں آرہی۔ متاثرین کے چیک باونس ہونا افسوسناک ہے۔ کوئی موثر اقدامات نہیں کئے گئے۔

    عطا تارڑ نے ٹویٹر کے ذریعے چوہدری پرویزالٰہی کو نشانہ تنقید بناتےہوئے کہا کہ پرویز الٰہی کی گورننس صرف بڑے بڑے اعلانات تک محدود ہے جب کہ عوام کا کوئی پرسان حال نہیں۔ ملک دشمن بیانئے کے دفاع میں سب سے آگے تھے مگر عوامی خدمت میں صفر ہیں۔

     

    اس سے پہلے بھی یہ اطلاعات تھیں کہ وزیراعلیٰ‌ پنجاب چوہدری پرویز الٰہی کی طرف سے سیلاب متاثرین کو دیئے گئے چیک کیش نہ ہونے پروفات پانے والوں کے لواحقین سخت پریشان ہیں

    حکومت آئی ایم ایف سے بات کر کے ریلیف لے،عمران خان

    اس حوالے سے سماجی رابطے کی ویب سائٹ ٹویٹر پرچیک کیش نہ ہونے کے حوالے سے خبر دیتے ہوئے بتایا گیا ہے کہ چوہدری پرویز الٰہی نے چند دن پہلے جنوبی پنجاب میں‌ سیلاب سے متاثرین کی مدد کے لیے وفات پانے والوں‌ کوخصوصی چیک دیئے تھے، اس حوالےسے معلوم ہوا ہے کہ لیہ کے ایک خاندان کو چیک کیش کروانے میں مسائل کا سامنا کرنا پڑرہا ہے