Baaghi TV

Tag: سیکیورٹی فورسز

  • سکیورٹی فورسز کی کارروائی :مستونگ اور پشین میں کمانڈر سمیت 9 دہشتگرد ہلاک

    سکیورٹی فورسز کی کارروائی :مستونگ اور پشین میں کمانڈر سمیت 9 دہشتگرد ہلاک

    بلوچستان کے ضلع مستونگ میں سکیورٹی فورسز اور قانون نافذ کرنے والے اداروں نے کامیاب کارروائیاں کرتے ہوئے کمانڈر سمیت 9 دہشتگرد ہلاک کر دیئے۔

    سکیورٹی ذرائع کے مطابق بلوچستان میں فتنۃ الہندوستان کے خلاف کارروائیاں جاری ہیں اور اسی سلسلے میں ضلع مستونگ میں کارروائی کے دوران کمانڈر نقیب سمیت 3 دہشتگرد ہلاک ہو گئے،کارروائی کے دوران سکیورٹی فورسز نے فتنۃ الہندوستان کے دہشتگردوں کی گاڑی کو کواڈ کاپٹر کے ذریعے کامیابی سے نشانہ بنایا، جس کے نتیجے میں دہشتگردوں کی گاڑی مکمل تباہ ہو گئی،سکیورٹی فورسز دہشتگردی کے خاتمے کے لیے پُرعزم ہیں اور آخری دہشتگرد کے خاتمے تک کارروائیاں جاری رہیں گی۔

    دوسری جانب پشین کے علاقے سرانان میں سی ٹی ڈی نے انیٹلی جنس بیسڈ آپریشن کرکے فائرنگ کے تبادلے میں 6 دہشتگرد ہلاک کر دیے ترجمان سی ٹی ڈی کے مطابق فائرنگ کے تبادلے کے دوران 4 اہلکار زخمی بھی ہوئے، ہلاک دہشتگردوں کا تعلق کالعدم تنظیم سے بتایا جاتا ہے، دہشتگردوں سے اسلحہ و بارود بھی برآمد ہوا، ہلاک دہشتگرد فورسز اور عام شہریوں پر حملوں میں ملوث تھے۔

  • شمالی وزیرستان میں ایرانی شہری سمیت 9 جنگجو ہلاک

    شمالی وزیرستان میں ایرانی شہری سمیت 9 جنگجو ہلاک

    شمالی وزیرستان میں گزشتہ روز پاکستانی فورسز کی کارروائی کے دوران 9 جنگجو ہلاک کیے گئے، جن میں ایک ایرانی شہری بھی شامل بتایا گیا ہے-

    تفصیلات کے مطابق ایرانی شہری نے قریباً 16 سال کی عمر میں 2014 میں شام میں مسلح سرگرمیوں کا آغاز کیا اور القاعدہ سے وابستہ گروپ جبہۃ الفتح الشام کے ساتھ رہا، بعد ازاں تحریر الشام سے بھی وابستہ رہا،مذکورہ شخص نے شام میں ایک شامی خاتون سے شادی کی، جس سے اس کی 2 بیٹیاں ہیں شام سے نکلنے کے فیصلے کے بعد اہلیہ کے ساتھ سفر پر آمادہ نہ ہونے پر اس نے اسے طلاق دے دی اور اپنے سفر کو جاری رکھا۔

    شام میں مذکورہ شخص کا نام جعفر جبکہ پاکستان میں محمد فاتح استعمال کیا جاتا تھا وہ قریباً 8 ماہ سے تحریک طالبان پاکستان سے وابستہ تھا اور کچھ عرصہ بلوچستان کے علاقے مکران میں بھی موجود رہا بعد ازاں وہ شمالی وزیرستان یہ شخص شمالی وزیرستان کے علاقے دتہ خیل میں پاک افغان سرحد پر سیکیورٹی فورسز کی ایک کارروائی میں سفر کے دوران دیگر 8 ساتھیوں سمیت ہلاک ہوگیا،محمد فاتح کی ماضی میں شام میں کالعدم تنظیم القاعدہ سے وابستگی اور بعد ازاں فتنہ الخوا رج میں شمولیت خطے میں شدت پسند تنظیموں کے باہمی روابط اور غیر ملکی عناصر کی موجودگی کو ظاہر کرتی ہے-

  • کالعدم بی ایل اے میں شامل ہونیوالا میڈیکل طالب علم ہلاک

    کالعدم بی ایل اے میں شامل ہونیوالا میڈیکل طالب علم ہلاک

    ڈاکٹر بننے کا خواب دیکھنے والا لال خان نواز، جو کہ ایم بی بی ایس کا طالب علم تھا، انتہا پسندی کی بھینٹ چڑھ گیا، بولان میڈیکل کالج کے ہونہار اسکالرشپ ہولڈر طالب علم لال خان جیسے نوجوانوں سے قلم چھین کر بندوق تھما دی گئی اور وہ سیکیورٹی فورسز کے ساتھ جھڑپ میں مارا گیا۔

    بولان میڈیکل کالج کے ایم بی بی ایس طالب علم لال خان نواز کی کالعدم بلوچستان لبریشن آرمی (بی ایل اے) میں شمولیت اور بعد ازاں سیکیورٹی فورسز کے ساتھ جھڑپ میں ہلاکت کا معاملہ سامنے آیا ہےاطلاعات کے مطابق لال خان نواز حکومت بلوچستان کی اسکالرشپ پر میڈیکل کی تعلیم حاصل کر رہا تھا، تاہم بعد میں اس نے تعلیم ادھوری چھوڑ کر کالعدم تنظیم میں شمولیت اختیار کرلی۔

    سوشل میڈیا پر سامنے آنے والی اطلاعات کے مطابق لال خان نواز بولان میڈیکل کالج کوئٹہ میں ایم بی بی ایس کا طالب علم تھا اور حکومتی اسکالرشپ کے ذریعے اپنی تعلیم جاری رکھے ہوئے تھا اس کا تعلیمی سفر اسے ڈاکٹر بننے اور اپنے علاقے کے لوگوں کی خدمت کی جانب لے جا رہا تھا، تاہم بعد میں وہ کالعدم بی ایل اے کے ساتھ وابستہ ہوگیا۔

    اطلاعات کے مطابق تنظیم میں شمولیت کے بعد وہ سیکیورٹی فورسز کے خلاف مختلف کارروائیوں میں سرگرم رہا، ایک سیکیورٹی آپریشن کے دوران فورسز کے ساتھ جھڑپ میں لال خان نواز ہلاک ہوگیا۔

    کالعدم بی ایل اے کی سفاکیت اور درندگی اب کسی سے چھپی نہیں، جو اپنے ناپاک اور شوم عزائم کی تسکین کے لیے معصوم، کم عمر نوجوانوں کے مستقبل کا سودا کر رہی ہے۔واقعے نے ایک بار پھر اس خدشے کو نمایاں کیا ہے کہ عسکریت پسند تنظیمیں نوجوانوں کو اپنے بیانیے سے متاثر کرکے انہیں تعلیم اور مستقبل کے مواقع سے دور کر رہی ہیں-

    ‘فتنہ الہندوستان’ جیسے عناصر دہشتگردی اور فکری گمراہی (برین واشنگ) کے ذریعے ہمارے نوجوانوں کے ذہنوں کو زہر آلود کر کے ان کا روشن مستقبل، خاندانوں کی امیدیں اور معاشرے کا قیمتی سرمایہ بے دردی سے تباہ کر رہے ہیں، جو اس تلخ حقیقت کو واضح کرتا ہے کہ نوجوانوں کے ہاتھوں میں تباہ کن ہتھیار نہیں بلکہ قلم اور کتاب ہونی چاہیے۔

  • ماشکیل پولیس اسٹیشن اور کسٹم ہاؤس پر حملے میں ملوث 2 دہشتگرد ہلاک

    ماشکیل پولیس اسٹیشن اور کسٹم ہاؤس پر حملے میں ملوث 2 دہشتگرد ہلاک

    سیکیورٹی فورسز نے بلوچستان کے علاقے واشک پلانتک میں خفیہ آپریشن کرکے فتنہ الہندوستان کے 2دہشتگرد ہلاک کردئیے۔

    سیکیورٹی ذرائع کے مطابق ہلاک دہشتگرد ماشکیل پولیس اسٹیشن اور کسٹم ہاؤس پر دہشتگردانہ حملے میں ملوث تھے، کارروائی میں دہشت گردوں کی گاڑی تباہ ہوگئی، ہلاک دہشتگردوں سے اسلحہ و گولہ بارود برآمد ہوا،برآمد شدہ اسلحہ عوام کی ٹارگٹ کلنگ اور دہشت گردانہ کارروائیوں میں استعمال کیا جانا تھا، بلوچستان سے فتنہ الہندوستان کے دہشتگردوں کے مکمل خاتمے تک کارروائیاں جاری رہیں گی-

  • شمالی وزیرستان میں چیک پوسٹ پر حملے کی کوشش ناکام، خودکش بمبار سمیت 4 خوارج ہلاک

    شمالی وزیرستان میں چیک پوسٹ پر حملے کی کوشش ناکام، خودکش بمبار سمیت 4 خوارج ہلاک

    خیبرپختونخوا کے ضلع جنوبی وزیرستان میں سیکیورٹی فورسز نے چوکی پر دہشت گرد حملہ ناکام بنا دیا، جوابی کارروائی میں خودکش بمبار سمیت چار خوارج ہلاک ہو گئے۔

    پاک فوج کے شعبہ تعلقات عامہ (آئی ایس پی آر) کے مطابق جنوبی وزیرستان میں سیکیورٹی فورسز کی ایک چیک پوسٹ پر بھارتی سرپرستی میں سرگرم فتنہ الخوارج سے تعلق رکھنے والے دہشت گردوں نے حملے کی کوشش کی،سکیورٹی فورسز نے بروقت اور مؤثر کارروائی کرتے ہوئے حملے کو ناکام بنایا، حملہ آور دھماکا خیز مواد سے بھری گاڑی کے ذریعے چیک پوسٹ کی سیکیورٹی توڑنے کی کوشش کر رہے تھے۔

    آئی ایس پی آر کے مطابق سیکیورٹی فورسز نے چوکی کے احاطے سے باہر ہی گاڑی کو نشانہ بنا کر تباہ کر دیا،جس کے نتیجے میں خودکش بمبار ہلاک ہوگیا اور کوئی نقصان نہیں ہوا، باقی تین دہشت گرد قریبی عمارت میں چھپ گئے جہاں سکیورٹی فورسز نے کلیئرنس آپریشن کرتے ہوئے تینوں کو ہلاک کر دیا،کارروائی کے دوران سیکیورٹی فورسز کا کوئی جانی نقصان نہیں ہواعلاقے میں مزید دہشت گردوں کی موجودگی کے خدشے کے پیش نظر سرچ اور کلیئرنس آپریشن جاری ہے۔

    آئی ایس پی آر کے مطابق وفاقی ایپکس کمیٹی کے منظور کردہ قومی ایکشن پلان کے تحت "عزمِ استحکام” کے وژن کے مطابق سکیورٹی فورسز اور قانون نافذ کرنے والے ادارے ملک سے بیرونی سرپرستی میں ہونے والی دہشت گردی کے مکمل خاتمے تک انسداد دہشت گردی کی کارروائیاں پوری قوت سے جاری رہیں گی۔

  • وانا میں سکیورٹی فورسز کی انٹیلیجنس بیسڈ کارروائی،دہشتگردی کی بڑی کوشش ناکام

    وانا میں سکیورٹی فورسز کی انٹیلیجنس بیسڈ کارروائی،دہشتگردی کی بڑی کوشش ناکام

    سکیورٹی فورسزنے انٹیلیجنس پر مبنی کارروائی سے وانا اور گردونواح کی شہری آبادی کو ایک بڑی ممکنہ تباہی سےبچا لیا گیا-

    تفصیلات کے مطابق سکیورٹی فورسزنے جنوبی وزیرستان لوئر کےعلاقے وانا (غواخوا) میں بارودی مواد سے بھری گاڑی خودکش حملے سے پہلےہی تباہ کردی کامیاب کارروائی میں سکیورٹی فورسز نے بارود سے بھری گاڑی اورموٹر سائیکل تباہ کر دیے جس میں ایک خارجی جہنم واصل اور 5 زخمی ہوئے، گاڑی میں موجود دھماکا خیز مواد کسی ممکنہ بڑے دہشتگرد حملے میں استعمال کیا جانا تھا۔

    ذرائع کا کہنا ہے کہ کارروائی کے دوران سکیورٹی فورسز نے انتہائی پیشہ ورانہ مہارت سے معصوم شہریوں کی جان و مال کا تحفظ یقینی بنایا سکیورٹی فورسز نے خودکش حملے کیلئے تیارگاڑی کی مسلسل تین دن نگرانی کی اور آبادی سے دور جانے پر ہی اسے نشانہ بنایا،دہشتگردی کیخلاف یہ کامیاب کارروائی اس بات کا واضح ثبوت ہے کہ سکیورٹی فورسز امن دشمن عناصر کیخلاف سیسہ پلائی دیوار ہیں۔

    واضح رہے کہ جنوبی اور شمالی وزیرستان میں دہشت گردوں کے خلاف سکیورٹی فورسز کی کارروائیاں شدت سے جاری ہیں آئی ایس پی آر کے مطابق گزشتہ ماہ فورسز نے کاروائیوں کے دوران مجموعی طور پر 48 دہشت گرد ہلاک کیے اور ان کے قبضے سے اسلحہ اور گولہ بارود بھی برآمد کیا 13 جون کو شمالی وزیرستان میں سکیورٹی فورسز کی کامیاب کارروائیوں کے دوران 21 دہشت گرد ہلاک کیے گئے ہیں۔ کارروائیوں میں میران شاہ اور گرد و نواح میں دہشت گردوں کے ٹھکانوں کو نشانہ بنایا گیا تھا۔

  • بلوچستان: فتنہ الہندوستان کے خلاف آپریشن،19خارجی ہلاک،متعدد زخمی،11جوان شہید

    بلوچستان: فتنہ الہندوستان کے خلاف آپریشن،19خارجی ہلاک،متعدد زخمی،11جوان شہید

    بلوچستان میں این-25 شاہراہ پر سیکیورٹی فورسز نے دہشتگردوں کے خلاف انٹیلی جنس بیسڈ آپریشن کرتے ہوئے 19 دہشتگردوں کو ہلاک کر دیا، جبکہ متعدد دہشتگرد زخمی ہوگئے جبکہ سیکیورٹی فورسز کے 11 جوان شہید ہوگئے۔

    سیکیورٹی ذرائع کے مطابق آپریشن جھاؤ کراس اور کرارو کے درمیان کیا گیا، جہاں دہشتگرد شاہراہ پر رکاوٹیں کھڑی کرکے مسافروں اور مقامی شہریوں سے بھتہ وصول کرنے میں مصروف تھے سیکیورٹی فورسز نے خفیہ اطلاعات کی بنیاد پر بروقت کارروائی کرتے ہوئے دہشتگردوں کو نشانہ بنایا، جس کے نتیجے میں 19 دہشتگرد ہلاک اور متعدد زخمی ہوگئے۔

    سیکیورٹی ذرائع کے مطابق آپریشن کے دوران دہشتگردوں کی شدید مزاحمت کا سامنا کرنا پڑا، جس میں وطن کے دفاع کے لیے لڑتے ہوئے سیکیورٹی فورسز کے 11 بہادر اہلکار شہادت کے عظیم رتبے پر فائز ہوگئے علاقے میں کلیئرنس آپریشن جاری ہے، جبکہ سیکیورٹی فورسز دہشتگردوں کے سہولت کاروں اور فرار ہونے والے عناصر کی تلاش بھی کر رہی ہیں۔

    سیکیورٹی حکام کا کہنا ہے کہ امن و امان کے قیام، شہریوں کے تحفظ اور اہم شاہراہوں کی حفاظت کے لیے دہشت گرد عناصر کے خلاف کارروائیاں جاری رہیں گی-

  • بنوں:سیکیورٹی فورسز کا آپریشن، 2 اہم خوارجی سرغنوں سمیت 16 دہشت گرد ہلاک، 2 پولیس اہلکار شہید

    بنوں:سیکیورٹی فورسز کا آپریشن، 2 اہم خوارجی سرغنوں سمیت 16 دہشت گرد ہلاک، 2 پولیس اہلکار شہید

    بنوں میں پاک فوج، پولیس اور سی ٹی ڈی نے مشترکہ کارروائی کرتے ہوئے 2 اہم خوارجی سرغنوں سمیت 16 دہشت گردوں کو ہلاک کر دیا جبکہ آپریشن کے دوران 2 پولیس اہلکار شہید ہوگئے۔

    سیکیورٹی ذرائع کے مطابق بنوں کے علاقے میریان میں دہشت گردوں کی موجودگی کی اطلاع پر گزشتہ روز پاک فوج، محکمہ انسداد دہشت گردی (سی ٹی ڈی) اور پولیس نے مشترکہ آپریشن کیا کارروائی کے دوران علاقے میں خوف و ہراس پھیلانے والے خوارجی سرغنہ زمری نور اور افغان خوارجی کمانڈر عبدا للہ سعید کو بھی ہلاک کر دیا گیا، انتہائی کٹھن اور طویل آپریشن میں سیکیورٹی فورسز نے دہشت گردوں کے کئی ٹھکانے بھی تباہ کر دیئے کارروائی کے دور ان پولیس کے دو اہلکار، کانسٹیبل وحید اللہ خان اور نوراللہ خان فرض کی ادائیگی کے دوران شہید ہوگئے۔

    شہداء کی نماز جنازہ پولیس لائنز بنوں میں سرکاری اعزاز کے ساتھ ادا کی گئی، جس میں اعلیٰ سول و عسکری حکام، علاقہ عمائدین اور شہریوں کی بڑی تعداد نے شرکت کی،سیکیورٹی ذرائع کے مطابق پاک فوج، پولیس اور دیگر قانون نافذ کرنے والے ادارے فتنہ الخوارج کے دہشت گردوں کے خلاف کارروائیاں پوری شدت سے جاری رکھے ہوئے ہیں اور آخری دہشت گرد کے خاتمے تک یہ آپریشنز جاری رہیں گے۔

  • ایران میں سیکیورٹی فورسز پر حملوں میں ملوث ایک شخص کو سزائے موت

    ایران میں سیکیورٹی فورسز پر حملوں میں ملوث ایک شخص کو سزائے موت

    ایران میں سیکیورٹی فورسز پر حملوں میں ملوث ایک شخص کو سزائے موت دے دی گئی ہے۔

    ایرانی نیم سرکاری خبر ایجنسی تسنیم کے مطابق ملزم کی شناخت امر رمیش کے نام سے ہوئی، جسے شدت پسند گروہ جیش العدل کا رکن قرار دیا گیا تھا حکام کا کہنا ہے کہ ملزم کو جنوب مشرقی ایران میں انسداد دہشتگردی آپریشن کے دوران گرفتار کیا گیا تھا اور اس پر مسلح بغاوت، بم دھماکوں اور سیکیورٹی اہلکاروں پر حملوں میں ملوث ہونے کے الزامات تھے،ملک میں دہشتگردی کے واقعات کے خلاف سخت کارروائی جاری رکھی جائے گی، جبکہ ماہرین کے مطابق ایسے اقدامات خطے میں سیکیورٹی صورتحال پر اثرانداز ہو سکتے ہیں۔

  • مستونگ میں سیکیورٹی فورسز کی کارروائی، 6 دہشت گرد ہلاک

    مستونگ میں سیکیورٹی فورسز کی کارروائی، 6 دہشت گرد ہلاک

    ضلع مستونگ میں سیکیورٹی فورسز نے انٹیلی جنس بیسڈ آپریشن کے دوران کالعدم تنظیم فتنہ الہندوستان سے تعلق رکھنے والے چھ دہشت گردوں کو ہلاک کر دیا ہے۔

    سیکیورٹی ذرائع کے مطابق دہشتگردوں کے قبضے سے بھاری مقدار میں اسلحہ اور گولہ بارود بھی برآمد کیا گیا علاقے میں مزید دہشت گردوں اور ان کے سہولت کاروں کی گرفتاری کے لیے سرچ آپریشن جاری ہے، جبکہ سیکیورٹی فورسز نے علاقے کو گھیرے میں لے کر کلیئرنس کا عمل شروع کر دیا ہے۔

    دوسری جانب مستونگ میں شرپسند عناصر کی جانب سے جوڈیشل مجسٹریٹ کی گاڑی چھیننے کا واقعہ پیش آیا ہے، جس کے بعد پولیس نے فوری کارروائی شروع کر دی نامعلوم ملزمان نے جوڈیشل مجسٹریٹ کی گاڑی کو اس وقت چھینا جب وہ معمول کے سفر پر تھے واقعے کے بعد پولیس نے ملزمان اور چھینی گئی گاڑی کی تلاش کے لیے مختلف علاقوں میں سرچ آپریشن شروع کر دیا ہے۔