ممبئی: بالی ووڈ کے سلطان سلمان خان کا کہنا ہے کہ شاہ رخ خان کی کی آنے والی فلم ’’پٹھان‘‘ بلاک بسٹر ہے-

باغی ٹی وی : شاہ رخ خان 4 سال کا طویل بریک لے کر فلم ’’پٹھان‘‘ کے ذریعے بالی ووڈ میں واپسی کررہے ہیں جہاں شاہ رخ خان کے مداح فلم ’’پٹھان‘‘ کا ٹیزر دیکھ کر بے حد پرجوش ہیں، وہیں اداکار سلمان خان نے بھی شاہ رخ خان کی آنے والی فلم کے بارے میں بڑی پیشگوئی کی ہے۔

شاہ رخ خان 4 سال بعد بالی ووڈ میں واپسی کیلئے تیار

بھارتی میڈیا کے مطابق فلم ’’پٹھان‘‘ کے پروڈیوسر آدیتیہ چوپڑا نے حال ہی میں سلمان خان کو فلم کی 20 منٹ کی فوٹیج دکھائی ہے اس فوٹیج میں سلمان خان بھی موجود ہیں دراصل فلمساز نے ہدایت کار سدھارتھ آنند کے ساتھ مل کر ان مخصوص مناظر کے وی ایف ایکس کا کام مکمل کرلیا ہے اور اسی وجہ سے آدیتیہ چوپڑا کو اس پر سلمان خان کی رائے چاہئے تھی

فلم کے مناظر دیکھنے کے بعد سلمان خان نے شاہ رخ خان سے فون پر بات کرتے ہوئے انہیں یقین دلایا کہ ان کی فلم بلاک بسٹر ہے وہ پریشان نہ ہوں کیونکہ یہ فلم باکس آفس پر نیا معیار قائم کرے گی۔

اس کے علاوہ سلمان خان نے ایکشن موڈ میں آنے کے لیے شاہ رخ خان کی طرف سے کی جانے کوششیں اور فلم کی شاندار کامیابی کے لیے انہیں ایڈوانس مبارکباد دی۔

شاہ رخ خان کا اپنا او ٹی ٹی پلیٹ فارم لانچ کرنے کا عندیہ

واضح رہے کہ قبل ازیں شاہ رخ خان نے ٹوئٹر پر ایک ٹیزر ویڈیو جاری کرتے ہوئے اعلان کیا تھا کہ ان کی فلم”پٹھان” 25 جنوری 2023 کو ریلیز ہوگی-

شاہ رخ خان نے اپنی فلم ”پٹھان” کا ٹیزر شئیرکرتے ہوئےلکھا تھا کہ معلوم ہے کہ مجھے دیر ہوئی، لیکن واپسی کی تاریخ یاد رکھیں، انہوں نے کہا کہ پٹھان کا وقت شروع ہوا چاہتا ہے

اس ٹیزر میں شاہ رخ خان، دپیکا پڈوکون اور جان ابراہام کو دکھایا گیا تھا جو فلم کے مرکزی کردار پٹھان کے بارے میں بات کررہے ہیں فلم کو ہندی، تیلگو، اور تامل زبانوں میں ایک ساتھ ریلیز کیا جائے گا۔

شاہ رخ خان نے سلمان خان کو پیچھے چھوڑدیا

انڈین ایکسپریس نے اپنی ایک رپورٹ میں بتایا تھا کہ ایسا مانا جارہا ہے کہ پٹھان کی کہانی کو سلمان خان کی ٹائیگر سیریز اور ہرتیک روشن۔ ٹائیگر شیروف کی فلم وار کے ساتھ جوڑا جائے گا۔

ایسا بھی خیال کیا جارہا ہے کہ سلمان خان بھی پٹھان میں مختصر کردار ادا کریں گے جبکہ شاہ رخ خان بھی ٹائیگر سیریز کی تیسری فلم میں مختصر کردار ادا کریں گے، جس کی شوٹنگ جاری ہے۔

واضح رہے شاہ رخ خان، جان ابراہم کے ساتھ پہلی بار جبکہ دیپیکا پڈوکون کے ساتھ چوتھی فلم میں نظر آئیں گے، دیپیکا اس سے پہلے اوم شانتی اوم، چنئی ایکسپریس اور ہیپی نیو ایئر میں شاہ رخ کے ساتھ آ چکی ہیں۔

عامر خان نے دوسری اہلیہ سے علیحدگی کی وجہ بتا دی

بالی ووڈ سُپراسٹار شاہ رخ خان نے فلم ’پٹھان‘ کی شوٹنگ کے دوران چھپ کر بنائی جانے والی تصویر کو دیکھ کر سب حیران رہ گئے۔

باغی ٹی وی : انٹرنیٹ پر وائرل ہونے والی تصویر میں شاہ رخ خان کا جسم کسی ماہر تن ساز کی طرح نظر آرہا ہے، جس پر سکس کی جگہ 8 پیکس واضح ہیں جسامت کے ساتھ کنگ خان کے نئے ہیئراسٹائل نے بھی مداحوں کی توجہ اپنی جانب مبذول کروائی اور سب نے اُن کے نئے لُک کی تعریف کی۔

کارتک آریان کو خاتون مداح نے شادی کیلئے 20 کروڑ کی پیشکش کردی

رپورٹس کے مطابق فلم پٹھان کی شوٹنگ اسپین میں جاری ہے، جہاں شاہ رخ خان کے ساتھ اداکارہ دیپیکا پڈوکون بھی موجود ہیں۔

شاہ رخ خان کی تصویر وائرل ہونے کے بعدصارفین نے لکھا کہ ’کنگ کی واپسی ہوگئی‘ ایک اور صارف نے جسمانی خوبصورتی کی تعریف کرتے ہوئے کہا کہ ’کنگ کی کیا زبردست جسامت ہے۔

مسلمان سپرہیرولڑکی کےکردارپرمبنی ویب سیریز ’’مس مارول‘‘ کا ٹریلرجاری

چند صارفین نے شاہ رخ خان کی جسامت کو سلمان خان سے بہتر قرار دیا اور کہا کہ ’کنگ خان بہت اچھے تن ساز ’باڈی بلڈر‘ ہیں ایک اور صارف نے لکھا کہ شاہ رخ خان نے تن سازی میں سلمان کو پیچھے چھوڑ دیا ہے۔

اداکار پربھاس کی فلم کو منفی تبصرے،24 سالہ مداح نے خودکشی کر لی

بالی ووڈ کے سُپراسٹار اور کنگ شاہ رخ خان 2018 سے بڑی اسکرین سے دور ہیں جب ان کی فلم زیرو ریلیز ہوئی تھی تاہم اب انہوں نے اپنی واپسی کا اعلان کیا ہے-

باغی ٹی وی : بھارتی میڈیا کے مطابق شاہ رخ خان نے لگ بھگ 4 سال بعد اپنی نئی فلم ‘پٹھان’ کا پہلا باضابطہ اعلان کیا جس کی ہدایات سدہارتھ آنند دے رہے ہیں فلم میں ان کے ساتھ دپیکا پڈوکون اور جان ابراہم اہم کرداروں میں نظر آئیں گے۔

سلمان خان اور سوناکشی سنہا کی خفیہ شادی کی خبریں وائرل

ویسے تو اس فلم کی شوٹنگ کافی عرصے سے چل رہی ہے مگر اب تک اس کی باضابطہ تصدیق اداکار یا پروڈکشن ہاؤس یش راج فلمز نے نہیں کی تھی اب شاہ رخ خان نے ٹوئٹر پر ایک ٹیزر ویڈیو جاری کرتے ہوئے اعلان کیا ہے کہ یہ فلم 25 جنوری 2023 کو ریلیز ہوگی-

شاہ رخ خان نے اپنی فلم ”پٹھان” کا ٹیزر شئیر کیا، جس کے ساتھ لکھا کہ معلوم ہے کہ مجھے دیر ہوئی، لیکن واپسی کی تاریخ یاد رکھیں، انہوں نے کہا کہ پٹھان کا وقت شروع ہوا چاہتا ہے۔

اس ٹیزر میں شاہ رخ خان، دپیکا پڈوکون اور جان ابراہام کو دکھایا گیا جو فلم کے مرکزی کردار پٹھان کے بارے میں بات کررہے ہیں فلم کو ہندی، تیلگو، اور تامل زبانوں میں ایک ساتھ ریلیز کیا جائے گا۔

انڈین ایکسپریس کی رپورٹ کے مطابق ایسا مانا جارہا ہے کہ پٹھان کی کہانی کو سلمان خان کی ٹائیگر سیریز اور ہرتیک روشن۔ ٹائیگر شیروف کی فلم وار کے ساتھ جوڑا جائے گا۔

ایسا بھی خیال کیا جارہا ہے کہ سلمان خان بھی پٹھان میں مختصر کردار ادا کریں گے جبکہ شاہ رخ خان بھی ٹائیگر سیریز کی تیسری فلم میں مختصر کردار ادا کریں گے، جس کی شوٹنگ جاری ہے۔

خیال رہے کہ فلم زیرو کے بعد شاہ رخ خان نے فلمی دنیا سے کچھ وقت تک علیحدگی اختیار کی اور اپنی حکمت عملی پر دوبارہ غور کیا اس کے بعد ان کے بیٹے آریان خان کے منشیات کیس کے باعث بھی ان کی فلمی دنیا میں واپسی میں تاخیر ہوگئی۔

مگر اب وہ بھرپور انداز سے واپسی کررہے ہیں، رپورٹس کے مطابق پٹھان کے بعد بھی وہ ڈائریکٹر راجکمار ہیرانی کی فلم میں جلوہ گر ہورہے ہیں جبکہ ڈائریکٹر ایٹلی کی ایک نئی فلم کا بھی حصہ بنیں گے۔

شاہ رخ خان اور سلمان خان کے بارے مادھوری ڈکشٹ کے دلچسپ تبصرے

واضح رہے شاہ رخ خان، جان ابراہم کے ساتھ پہلی بار جبکہ دیپیکا پڈوکون کے ساتھ چوتھی فلم میں نظر آئیں گے، دیپیکا اس سے پہلے اوم شانتی اوم، چنئی ایکسپریس اور ہیپی نیو ایئر میں شاہ رخ کے ساتھ آ چکی ہیں۔

ممبئی: منشیات کیس میں تحقیقاتی ٹیم کو بالی ووڈ سُپر اسٹار شاہ رخ خان کے بیٹے آریان خان کے خلاف کوئی ثبوت نہیں مل سکا-

باغی ٹی وی : بھارتی خبر رساں ادارے ہندوستان ٹائمز نے ذرائع کے حوالے سے دعویٰ کیا ہے کہ نارکوٹکس کنٹرول بیورو (این سی بی) کی خصوصی تحقیقاتی ٹیم کو ایسا کوئی ثبوت نہیں ملا جس سے یہ ثابت ہوا کہ شاہ رخ خان کے بیٹے آریان خان منشیات کی کسی بڑی سازش کا حصہ ہیں یا کسی بین الاقوامی منشیات اسمگلنگ سنڈیکیٹ کا حصہ تھے۔

منشیات کیس:آریان خان نے ہفتہ وار حاضری سے استثنٰی کیلئے عدالت میں درخواست دائر کر دی

رپورٹ کے مطابق خصوصی تحقیقاتی ٹیم کی جانچ کے دوران کروز پر چھاپے میں کئی بے ضابطگیاں بھی پائی گئی ہیں یہ تحقیقاتی ٹیم کابینہ کے وزیر نواب ملک کی طرف سے این سی بی کے زونل ڈائریکٹر سمیر وانکھیڈے کے خلاف لگائے گئے الزامات کے بعد تشکیل دی گئی تھی-

ایس آئی ٹی نے تحقیقاتی رپورٹس میں بتایا گیا کہ آریان خان نے کبھی منشیات نہیں لی تھی، اس لیے ان کا فون اٹھانے اور ان کی چیٹ چیک کرنے کی ضرورت نہیں تھی، بات چیت سے یہ معلوم نہیں ہوسکا کہ آریان کسی بین الاقوامی ڈرگ سنڈیکیٹ کا حصہ تھے۔

منشیات کیس میں آریان کی گرفتاری:متعدد شوبز شخصیات کے بچوں کا بھارت چھوڑنے کا فیصلہ

منشیات کیس میں گرفتار آریان کو جیل میں مشکلات کا سامنا، شاہ رخ بھی صحت کے مسائل سے…

آپ جانتے ہیں شاہ رخ کے بیٹے اور امیتابھ کی نواسی کے درمیان مضبوط رشتہ ہے؟

تحقیقاتی رپورٹ کے مطابق این سی بی کے دستور کے برعکس چھاپے کی ویڈیو ریکارڈ نہیں کی گئی تھی، کیس میں گرفتار کئی ملزمان سے برآمد ہونے والی منشیات کو بیک وقت ضبطی کے طور پر دکھایا گیا ہے، آریان نے کبھی اپنے دوست ارباز مرچنٹ کو کروز پر منشیات لانے کو نہیں کہا۔

کاغذ ات میں دعویٰ کیا گیا ہے کہ ایس آئی ٹی کی تحقیقات ابھی مکمل ہونا باقی ہے اور این سی بی کے ڈائریکٹر جنرل ایس این پردھان کو اپنی حتمی رپورٹ پیش کرنے میں چند ماہ لگ سکتے ہیں۔

حتمی رپورٹ پیش کرنے سے قبل قانونی رائے لی جائے گی جب کہ خاص طور پر اس پہلو پر کہ آیا آریان خان پر سازش کا الزام لگایا جا سکتا ہے۔

آریان خان مخصوص سنٹر سے جیل کی عام بیرک میں منتقل

شاہ رخ خان کے بیٹے آریان خان کو قیدی نمبر جاری

آریان خان سے منشیات کی برآمدگی کا معاملہ بھارتی سپریم کورٹ پہنچ گیا

آریان خان نے ضمانت مسترد ہونے کا فیصلہ چیلنج کر دیا

بیٹے سے ملاقات شاہ رخ خان کو مہنگی پڑی،نارکوٹکس کنٹرول بیوروحکام گھر پہنچ گئے

گوری خان بیٹے سے ملنے آرتھر روڈ جیل پہنچ گئیں

بیٹا جیل میں، شاہ رخ خان کی زندگی کیسی گزر رہی تھی؟ آریان کے وکیل کے اہم انکشاف

وانکھیڑے کے کام کرنے کے طریقے پر سوالیہ نشان

ایس آئی ٹی کی رپورٹ نے ممبئی زون کے سابق ڈائریکٹر سمیر وانکھیڑے کے کام کرنے کے طریقے پر بھی سوال اٹھائے ہیں وانکھیڑے کو این سی بی سے ہٹا دیا گیا ہے اور ان کے پیرنٹ کیڈر یعنی ڈی آر آئی کو واپس بھیج دیا گیا ہے، جانچ کے دوران ایس آئی ٹی ٹیم نے کئی بار وانکھیڑے کا بیان ریکارڈ کیا ہےایس آئی ٹی کی ٹیم نے اس کیس سے متعلق کئی ملازمین، گواہوں اور عینی شاہدین کے بیانات بھی لیے ہیں۔

کروز سے برآمد ہونے والی منشیات

سمیر وانکھیڑے نے 2 اکتوبر 2021 کی رات کو ممبئی کے گرین گیٹ پر واقع بین الاقوامی کروز ٹرمینل پر اپنی ٹیم کے ساتھ چھاپہ مارا۔ این سی بی نے یہاں سے 13 گرام کوکین، 5 گرام میفیڈرون، 21 گرام گانجہ، ایم ڈی ایم اے (ایکسٹیسی) کی 22 گولیاں اور 1.33 لاکھ روپے نقد برآمد کیے تھے۔

منشیات کیس:وزیراعلیٰ ممتا بینرجی کا شاہ رخ کے بیٹے کی گرفتاری کے حوالے بڑا انکشاف

تحقیقات میں یہ بات سامنے آئی کہ ایجنسی نے کروز سے 14 افراد کو گرفتار کیا اور کئی گھنٹے کی پوچھ گچھ کے بعد آریان خان، ارباز مرچنٹ اور منمن دھامیچا کو 3 اکتوبر کی دوپہر کو گرفتار کرتے دکھایا گیا۔ اس کے بعد آہستہ آہستہ اس معاملے میں مزید 17 لوگوں کو گرفتار کیا گیا۔

‘این سی بی کی رپورٹ میں کسی سازش یا منشیات کا استعمال موجود نہیں’

ایس آئی ٹی کی تحقیقات کے ابتدائی نتائج ممبئی ہائی کورٹ کے مشاہدے کی تصدیق کرتے ہیں جس نے گزشتہ سال 28 اکتوبر کو آریان ​​کو ضمانت دیتے ہوئے کہا تھا کہ این سی بی کی رپورٹ میں کسی سازش یا منشیات کا استعمال موجود نہیں ہے۔

آریان خان منشیات کیس:این سی بی تفتیش کاروں کی شاہ رخ خان سے کروڑوں روپے رشوت طلب

منشیات کا معاملہ ایس ایس آئی ٹی کے ہاتھ

این سی بی کی ایس آئی ٹی ٹیم کروز ڈرگ کیس، نواب ملک کے داماد سمیر خان کے ڈرگ کیس اور اداکار ارمان کوہلی کے کیس کی جانچ کر رہی ہےکروز ڈرگز کیس میں آریان کی گرفتاری کےبعد، مہاراشٹر کے اقلیتی بہبود کے وزیر نواب ملک میڈیا کے سامنے آئےاورانکشاف کیا کہ یہ پہلے سے ہی ٹارگٹڈ چھاپہ تھا اور سمیر وانکھیڑے نے پیسے بٹورنے کے لیے نجی لوگوں کا استعمال کیا اس کے بعد انہوں نے وانکھیڑے کے مذہب اور ذات کو لے کر بھی الزامات لگائے۔

نواب ملک نے اپنے داماد پر جھوٹے مقدمے میں پھنسانے کا الزام بھی لگایا تھا وانکھیڑے کے خلاف لگاتار الزامات کے بعد، این سی بی نے اس معاملے میں ایس آئی ٹی تشکیل دی اور 6 کیس ان کے حوالے کر دیئے تاہم، بعد میں ایس آئی ٹی نے تین مقدمات کو خارج کر دیا –

شا ہ رخ کے بیٹے کی گرفتاری کے پیچھے اصل حقیقت کیا ہے؟ مبشر لقمان کے تہلکہ خیز…

واٹس ایپ چیٹ کا سب سے بڑا ثبوت

ایس آئی ٹی کی رپورٹ کے مطابق چھاپے کے بعد وانکھیڑے ٹیم نے دعویٰ کیا کہ ملزمان ایک بڑی سازش کا حصہ تھے، چھاپے کے بعد واٹس ایپ چیٹ کو سب سے بڑا ثبوت کے طور پر لیا گیا۔ انہوں نے الزام لگایا کہ آریان خان کچھ غیر ملکی منشیات فروشوں کے ساتھ رابطے میں تھا۔ ثبوت میں عدالت میں پیش کی گئی چیٹس پر مشتمل ہے جس میں "ہارڈ ڈرگز” اور "بلک مقدار” کا ذکر کیا گیا ہے۔

تاہم، این سی بی کے دعووں کو مسترد کرتے ہوئے، ممبئی ہائی کورٹ کے سنگل بنچ نے کہا کہ این سی بی کے ثبوت کسی بھی سازش کو ثابت کرنے کے لیے کافی نہیں ہیں۔ جج نے کہا تھا کہ آرین خان اور ان کے دوست ارباز مرچنٹ اور ماڈل منمون دھامیچا جہاز پر صرف اس لیے تھے کہ وہ اس ڈرگ ریکیٹ کا حصہ نہیں ہیں۔

شترو گھن سنہا آریان خان کی حمایت میں بول پڑے

مبئی: بالی ووڈ اداکارہ مادھوری ڈکشٹ نے ایک انٹرویو کے دوران شاہ رخ خان اور سلمان خان کے بارے میں دلچسپ تبصرے کئے-

باغی ٹی وی : بھارتی میڈیا کے مطابق اداکارہ مادھوری ڈکشٹ 25 فروری کو ویب سیریز ’’دی فیم گیم‘‘ کے ذریعے نیٹ فلکس پر ڈیبیو کرنے جارہی ہیں اپنی ویب سیریز کی پروموشن کے لئے مادھوری نے ایک انٹرٹینمنٹ ویب سائٹ کو انٹرویو دیا جس میں انہوں نے پوچھے گئے سوالات کے جواب میں اپنے ساتھی اداکاروں شاہ رخ اور سلمان خان کے بارے میں دلچسپ تبصرے کئے-

آریان خان ویب سیریز کے ذریعے بالی ووڈ میں انٹری کیلئے تیار

انٹرویو کے دوران میزبان نے مادھوری سے سوال پوچھا اگر شاہ رخ خان اور سلمان خان اداکار نہ ہوتے تو آپ کے خیال میں کس پیشے سے وابستہ ہوتے اداکارہ نے جواب دیا میرے خیال میں اگر سلمان خان اداکار نہ ہوتے تو گلوکار ہوتے، لیکن وہ ابھی بھی گلوکاری کررہے ہیں۔

ریشم سے بنا پورٹریٹ،کشمیری مداح کا سلمان خان کیساتھ محبت کےاظہارکا منفرد طریقہ

اداکارہ نے کہا کہ سلمان باڈی بلڈنگ کے پیشے سے وابستہ ہوتے اور پھر انہوں نے ہنستے ہوئے کہا وہ پہلے ہی باڈی بلڈنگ کررہے ہیں مادھوری نے مزید کہا اگر سلمان اداکار نہ ہوتے تو پروفیشنل پینٹر ہوتے، تاہم انہوں نے دوبارہ ہنستے ہوئے کہا کہ وہ پہلے ہی اداکاری کے ساتھ ساتھ پینٹنگ بھی کررہے ہیں۔

سلمان خان کی نئی فلم آئندہ برس عید پر ریلیزہو گی

جب یہی سوال شاہ رخ خان کے بارے میں پوچھا گیا کہ آپ کے خیال میں اگر شاہ رخ اداکار نہ ہوتے تو کیا ہوتے؟ مادھوری نے فوراً جواب دیا اگر شاہ رخ اداکار نہ ہوتے تو بزنس مین ہوتے اور پھر انہوں نے ہنستے ہوئے کہا شاہ رخ خان اداکار ہونے کے ساتھ ساتھ بزنس بھی کررہے ہیں۔

سلمان خان اورعامرخان بھارتی طالبہ مسکان کوکروڑوں روپے انعام دیں گے؟

بھارتی پولیس نے بالی ووڈ کے کنگ خان شاہ رخ خان کی رہائش گاہ منت کو بم سے اُڑانے کی دھمکی دینے والے شخص کو گرفتار کرلیا گیا ہے۔

باغی ٹی وی : بھارتی میڈیا رپورٹس کے مطابق شاہ رخ خان کی رہائش گاہ منت ممبئی کے علاقے باندرہ میں سمندرکنارے واقع ہے، جہاں اکثر ان کے مداح اپنے پسندیدہ اداکار کو دیکھنے کیلئے جمع ہوتے ہیں لیکن حال ہی میں ان کی رہائش گاہ انتہا پسندوں کی جانب سے ددی گئی دھمکیوں پرخطرے میں آ گئی تھی۔

ارجیت سنگھ اور ان کی اہلیہ کورونا کا شکار

رپورٹس کے مطابق گزشتہ ہفتے، مہاراشٹرا پولیس کو ایک نامعلوم شخص کی طرف سے فون کال موصول ہوئی جس میں شاہ رخ خان کی رہائش گاہ سمیت ممبئی کے مشہور مقامات پر متعدد بم دھماکے کرنے کا دعویٰ کیا گیا جس کے بعد پولیس نے فوری کارروائی کی۔

بالی ووڈ خانز کا دور اپنے اختتام کو پہنچ چکا،کے آر کے کا دعویٰ

بھارتی میڈیا کی رپورٹس میں دعویٰ کیا گیا ہے کہ شاہ رخ خان کی رہائش گاہ منت سمیت ممبئی کے مشہور مقامات کو بم سے اڑانے کی دھمکی دینے والے نامعلوم شخص کو گرفتار کر لیا گیا ہے پولیس کے مطابق فون کال کرنے والے کی شناخت جیتیش ٹھاکر کے نام سے ہوئی ہے جو مدھیہ پردیش کے ضلع جبل پورکا رہائشی ہے۔

اکشے کمار کی فلم ریلیز سے قبل ہی تنازعات کا شکار

بھارتی میڈیا کےمطابق پولیس نے مزید بتایا کہ جب ہم نے اس شخص گرفتار کیا تو ہمیں معلوم ہوا کہ یہ ماضی میں بھی سی ایم ہیلپ لائن اور ڈائل 100 پر نشے میں جعلی فون کالز کرتا تھا۔

بھارت میں مسلمانوں کی نسل کشی بند نہیں کی تو خانہ جنگی کا خطرہ ہے،نصیر الدین شاہ

رپورٹس کے مطابق جبل پور پولیس نے جیتیش ٹھاکر کے بارے میں بتایا کہ فون کالز پر بم سے اُڑانے کی دھمکی کے پیچھے اس شخص کا کوئی مقصد نہیں، اصل میں اس کی شادی شدہ زندگی خوشگوار نہیں اس لیے وہ اکثر نشے کی حالت میں یہ کالز کرتا ہے۔

منشیات کے جھوٹے الزام پر بھارتی اداکارہ نے خودکشی کر لی

ممبئی: بالی وڈ کے خود ساختہ فلمی ناقد کمال آر خان کا کہنا ہے کہ بھارتی فلم انڈسٹری کے تینوں خانز کا دور اب اپنے اختتام کو پہنچ چکا ہے۔

باغی ٹی وی :بھارتی میڈیا کے مطابق ایک دہائی سے زیادہ کا عرصہ ہوگیا لیکن بالی ووڈ کے تینوں خانز (شاہ رخ خان، عامر خان، سلمان خان) اب بھی انڈسٹری پر راج کر رہے ہیں اور اس بات کا اندازہ باکس آفس کے اعداد و شمار سے بخوبی لگایا جا سکتا ہے۔
https://twitter.com/kamaalrkhan/status/1478945347686838282?s=20
سماجی رابطے کی ویب سائٹ ٹوئٹر پر کمال خان نے اپنے حالیہ بیان میں دعویٰ کیا ہے کہ بالی وڈ کے تینوں خانز کا دور ختم ہوگیا، ان تینوں میں حد سے زیادہ گھمنڈ اور حسد ہے جس کا اب انہیں سامنا کرنا پڑے گا۔

کمال آر خان نے سلمان خان کو کیا دھمکی دی؟

سلمان خان کی فلم پر منفی تجزیہ: میکا سنگھ کا کمال آر خان کیخلاف گیت بنانے کا فیصلہ

فلمی ناقد نے کہا ’وقت کسی کا نہیں ہوتا، وہ آتا ہے اور چلا جاتا ہے، مغل اور برطانیہ بھی اپنی حکمرانی ہندوستان میں برقرار نہیں رکھ سکے، اسی طرح تینوں خانز کا دور بھی اب ختم ہو چکا ہے۔‘
https://twitter.com/kamaalrkhan/status/1478947035009146883?s=20
کمال خان نے مزید کہا کہ اسلام بھی کہتا ہے کہ گھمنڈ اور حسد دو ایسی چیزیں ہیں جو انسان کی تباہی کا باعث بنتی ہیں، یہ دونوں چیزیں ان تینوں خانز میں کثرت سے پائی جاتی ہیں جس سے ظاہر ہوتا ہے کہ وہ بھی تباہ چکے۔

بالی وڈ کی بلاک بسٹر فلمیں جو سلمان خان نے ٹھکرا دیں تھیں

فلمی ناقد نے اپنے بیان میں کہا تھا کہ میں سلمان خان کا کیریئر ختم کر دوں گا اور تب تک نہیں رکوں گا جب تک یہ سپر اسٹار بالکل صفر نہیں ہو جاتا کے آر کے نے کہا تھا لیکن کیریئر تھا ہی کہاں؟ ایکٹنگ کا ’اے‘ نہیں آتا، زبردستی کا اسٹار تھا، بس مجھے لوگوں کو بتانے میں تھوڑا وقت لگا۔

سلمان خان پر تنقید کرنے والے کمال آر خان کی بھارت چھوڑنے کی دھمکی

کےآرکے نے کہا تھا کہ میں نے فلموں کےریویو کرنا چھوڑ دیا تھا تاہم بالی وڈ والوں نے دوبارہ مجبور کیا، مجھے ریویو کرنے سے صرف عدالت کے ذریعے روکا جاسکتا ہے، ایک بار بھارت سے چلاگیا تو پھر کوئی نہیں روک پائے گا اور اگر میں ہندوستان چھوڑوں گا تو مجھے افسوس ہوگا بالی ووڈ کے لوگوں کا تاحیات بھائی چارہ ختم ہو چکا ہو گا بہتر ہے مجھے زیادہ پریشان نہ کیا جائے ورنہ میرے پاس بالی وڈ والوں سے متعلق بہت سی ویڈیوز اور تصاویر ہیں جنہیں وائرل کر کے سب کے راز فاش کرسکتا ہوں۔

میں نے اکیلے ہی سلمان خان کا پورا کیریئر ختم کردیا کمال آر خان کا دعویٰ