Tag: شاہ رخ خان

بالی وڈ کے بادشاہ کہلائے جانے والے شاہ رخ خان جب بھی سکرین پر آتے ہیں کچھ الگ ہی کرتے ہوئے نظر آتے ہیں حال ہی میں انہوں فلم براہمسٹرا میں ایک مختصر مگر زبردست کردار ادا کیا ہے. شاہ رخ خان کی فلم پٹھان جس کا ٹیزر ریلیز ہو چکا ہے شاہ رخ خان اس فلم میں اپنے کردار کے ھوالے سے اکثر سوشل میڈیا پر بات کررے رہتے ہیں حال ہی میں انہوں نے ٹویٹر پر ایک پوسٹ لگائی اور اس میں ایک تصویر لگائی جس میں وہ شرٹ کے بغیر بیٹھے ہوئے ہیں اور اس کا کیپشن کچھ یوں لکھا

آج می ٹو مائی شرٹ:
تم ہوتی تو کیسا ہوتا
تم اس بات پر حیران ہوتی
تم اس بات پر کتنی ہنستی
تم ہوتی تو ایسا ہوتا ، پوسٹ کے آخر میں انہوں نے میں بھی # پٹھان کا انتظار کر رہا ہوں کا ہیش ٹیگ بھی استعمال کیا. اس پوسٹ پر شاہ رخ خان کی اہلیہ گوری خان نے کمنٹ کیا اور لکھا کہ ” او مائی گاڈ اب یہ اپنی شرٹ سے بھی باتیں کرنے لگ گئے ہیں. یاد رہے کہ فلم پٹھان کے ٹیزر کو بہت زیادہ مقبولیت ملی ہے یہاں تک کہ سلمان خان نے ٹیزر دیکھ کر کہہ دیا تھا یہ فلم شاہ رخ خان کے کیرئیر کی بہترین فلم ہو گی. اب دیکھنا یہ ہے کہ فلم پٹھان شائقین کا دل کتنا جیت پاتی ہے .

کافی ود کرن میں اس بار مہمان تھیں بالی وڈ کے بادشاہ شاہ رخ خان کی اہلیہ گوری خان ان کے ساتھ ان کی قریبی فرینڈز مہیپ کپور اور بھاونا پانڈے بھی شریک تھیں. کرن جوہر کے ایک سوال کے جواب میں گوری خان نے کہا کہ شاہ رخ خان نہ صرف اسکرین پر بلکہ آف اسکرین بھی ہمیشہ ایک شریف آدمی رہے ہیں، وہ اپنے گھر پارٹی میں آنے والوں کو بہت عزت دیتے ہیں اچھی بات ہے لیکن جب کوئی جانے لگتا ہے تو اسکو گاڑی تک چھوڑنے جاتے ہیں یہ بھی اچھی بات ہے لیکن جب تک وہ مہمان ان کی آنکھوں سے دور نہ چلا جائے وہ اسکو دیکھتے رہتے ہیں. مجھے کبھی کبھی ایسا لگتا ہے کہ شاہ رخ خان پارٹی کی بجائے زیادہ وقت باہر لوگوں کو سی آف کرنے میں گزارتے ہیں. گوری نے کہا کہ مجھ سمیت ان کو لوگ پارٹی میں

ڈھوننڈنے لگتے ہیں اور پھر مجھے ایسا محسوس ہوتا ہے کہ ہم گھر کے اندر کی بجائے باہر سڑک پر پارٹی کر رہے ہیں. یاد رہے کہ گوری خان اور شاہ رخ خان نے نوے کی دہائی میں شادی کی اور گوری خان نے شاہ رخ خان کو ان کے پورے کیرئیر میں بہت زیادہ سپورٹ کیا. دوسری طرف شاہ رخ خان کو تیس سال سے زائد کا عرصہ فلم انڈسٹری میں ہو چلا ہے لیکن ان کے کسی کے ساتھ بھی افئیر کی خبریں سامنے نہیں آئیں. شاہ رخ خان کام سے کام رکھنے والے انسان ہیں لیکن ان کی مادھوری ڈکشٹ‌اور جوہی چاولہ کے ساتھ خاصی دوستی ہے.

کافی ون کرن جو کہ بھارت کا کافی مقبول پروگرام ہے. اس کے ہوسٹ کرن جوہر جن کو بھی بطور مہمان بلاتے ہیں ان کے سامنے وہ ایسے سوال رکھ دیتے ہیں کہ جن کا جواب یقینی طور پر کنٹرورشل بن جاتا ہے. حال ہی میں کرن جوہر نے شاہ رخ خان خان کی اہلیہ گوری خان کو بطور مہمان اپنے پروگرام میں مدعو کیا. کرن جوہر نے گوری سے ایک سوال کیا کہ اپنی بیٹی سہانا خان کو کیا اور کس قسم کا مشورہ دیں گی تو گوری خان نے کہا کہ میں اپنی بیٹی سے کہوں گی کہ ” ایک ہی وقت میں دو لڑکوں کو کبھی بھی نہ ڈیٹ کرے” . گوری خان کے ساتھ اس پروگرام میں مہیپ کپور اور بھاونا پانڈے بھی بطور مہمان شریک تھیں.گوری نے یہاں تک کہا کہ اگر شاہ رخ خان کے ساتھ ان کی محبت کی کہانی کو عنوان دیا جائے تو وہ ہو

گا ”دل والے دلہنیا لے جائیں گے” ۔کرن جوہر اس سوال کے جواب میں کافی مسکرائے. یاد رہے کہ گوری خان بہت جلد ایک پروگرام ہوسٹ کرنے جا رہی ہیں جس میں وہ بالی وڈ کے معروف سٹارز کے گھر سجاتی ہوئی دکھائی دیں گی.شاہ رخ خان اپنی اہلیہ کے پروگرام کے لئے کافی پرجوش ہیں دوسری طرف گوری خان کی بیٹی سہانا خان فرحان اختر کی فلم سے اپنا ڈیبیو کررہی ہیں اسکی شوٹنگ تقریبا مکمل ہو چکی ہے. اب دیکھنا یہ ہے کہ کنگ خان کی بیٹی سکرین پر کیا رنگ جماتی ہے.

حال ہی میں ریلیز ہوئی فلم براہمسٹرا میں شاہ رخ خان نے ایک چھوٹا سا کردار ادا کیا. اس کردار کے حوالے سے رنبیر کپور اور عالیہ بھٹ نے اپنے حالیہ انٹرویو میں بات کرتے ہوئے بتایا ہے کہ جب شاہ رخ خان کو اس فلم میں کردار آفر کیا گیا تو ان کا پہلا ری ایکشن کیا تھا.انہوں نے بتایا کہ
ہم دونوں ہدایتکار آیان مکھر جی کے ساتھ کنگ خان کی رہائش گاہ پر گئے. اور ان کو بتایا کہ وہ ایک فلم بنا رہے ہیں اور ہم چاہتے ہیں کہ آپ ہماری اس فلم میں ایک کردار کریں. تو شاہ رخ خان نے بغیر سوچے سمجھے اس کردار کو ادا کرنے پر رضامندی ظاہر کر دی اور کہا کہ

کہانی جو بھی ہے جیسی بھی ہے اور میرا کردار جیسا بھی ہے میں کرنے کو تیار ہوں. یاد رہے کہ برہمسٹرا 9 ستمبر 2022 کو پانچ زبانوں ہندی، تامل، تیلگو، کنڑ اور ملیالم میں بھارت سمیت دنیا کے دیگر ممالک میں ریلیز کی گئی۔ فلم میں عالیہ بھٹ اور رنبیر کپور کے علاوہ ناگارجن اکینینی، امیتابھ بچن اور مونی رائے نے بھی اہم کردار نبھائے۔ فلم میں عالیہ رنبیر پہلی بار ایک ساتھ اکٹھے ہوئے ہیں. اس میں شاہ ر‌خ خان کے مختصر کردار کو بھی کافی پسند کیا گیاہے. فلم نے ریلیز ہوتے ہی دھوم مچا دی اس سے قبل اس فلم کے ٹریلر نے شائقین کے دل جیت لئے تھے. کہا جا رہا ہے کہ فلم چار سو کروڑ کی لاگت سے تیار کی گئی ہے.

بالی وڈ کے بادشاہ شاہ رخ خان نے 1993 میں ریلیز ہوئی فلم بازیگر سے سٹار ڈم کا مزہ پہلی بار چکھا. اس فلم کو اس سال کی ہر کیٹگری میں ایوارڈز ملے. اپنے حالیہ انٹرویو میں عباس مستان نے کہا ہے کہ شاہ رخ خان کو اپنے نیگیٹیو کریکٹر کے لئے ایوارڈ ملے گا اس کی ان کو توقع نہیں تھی.شاہ رخ خان کے ساتھ شلپا شیٹی اور انوملک کو بھی ایورڈ ملا کل ملا کر 8سے 9 ایوارڈ اس فلم کے حصے میں آئے . فلم نے چونکہ بہت زیادہ ایوارڈ جیتے ہم بہت خوش تھے ہم دونوں نے ایوارڈ کی تقریب میں شرکت کے بعد گھر کی راہ لے لی . صبح ساڑھے چار ہوئے تو ہمارے گھر کے دروازے

پر کسی نے دستک دی مجھے یاد ہے کہ رمضان المبارک کا مہینہ چل رہا تھا اور اس روز پہلا یا دوسرا روزہ تھا. دستک ہوئی ہم نے دروازہ کھولا تو کیا دیکھتے ہیں کہ شاہ رخ خان کھڑے ہیں ان کے پیچھے انو ملک اور رتن جین بھی تھے . شاہ رخ خان نے گھر آتے ہی ہمیں گلے لگایا اور کہا کہ آپ آفٹر پارٹی میں موجود نہیں تھے، اس لیے میں آپ کا آشیرواد لینے سے پہلے یہ ٹرافی لے کر گھر نہیں جا سکتا۔ایک اچھی ملاقات کے بعد ہم ان سب کو چھوڑنے کے لئے دروازے پر گئے شاہ رخ خان نے ایک بار پھر ہمیں گلے لگایا اور کہا کہ میں اس لمحے کو کبھی نہیں بھولوں گا میں نے سوچا تھا کہ میں‌ آپ کا آشیرواد لینے کے بعد ہی میں گوری کے پاس جاؤں گا۔

بالی وڈ کے باصلاحیت ڈائریکٹر عباس مستان نے حال ہی میں ایک انٹرویو دیا ہے اس میں انہوں نے انکشاف کیا ہے کہ شاہ رخ خان فلم بازیگر کے بعد کامیڈی کردار کرنا چاہتے تھے. انہوں نے کہا کہ بازیگر میں شاہ رخ خان نے نیگیٹیو کردار کیا اس کے بعد انہوں نے ہمیں کہا کہ اب وہ کسی کامیڈی کردار میں‌شائقین کو نظر آنا چاہتے ہیں . عباس مستان جنہوں نے کامیڈی سے لے کر تھرلر، سسپنس اور رومانس تک مختلف موضوعات پر کام کیا. اپنے حالیہ انٹرویو میں عباس مستان نے کہا کہ بادشاہ لفظ آج تک شاہ رخ خان کے نام کے ساتھ جڑا ہوا ہے ہمیں اندازہ نہیں تھا کہ ایسا ہوگا. فلم بادشاہ کا ٹائٹل کیسے رکھا گیا اور فلم کا خیال کیسے آیا اس پر انہوں نے کہا کہ ہمارے پاس پہلے سکرپٹ آیا اور پھر ٹائٹل ، بادشاہ

ٹائٹل رکھنے کے بعد ہم نے شاہ رخ خان کا انتخاب کر لیا اور ویسے بھی ہم شاہ رخ خان کے ساتھ بازیگر کے بعد کام کرنا چاہتے تھے اور شاہ رخ ہم سے پہلے ہی کہہ چکا تھا کہ اب میں کوئی کامیڈی ٹائپ کردار کرنا چاہتا ہوں کیونکہ بازیگر میں نیگیٹیو کردار کر چکا ہوں. یاد رہے کہ فلم ”بادشاہ” میں شاہ رخ خان اور ٹوئنکل کھنہ کے ساتھ جانی لیور، امریش پوری، راکھی گلزار، شرت سکسینا، دیپ شیکھا، پریم چوپڑا، دیپک تیجوری، سچن کھیڈیکر، پنکج دھیر، سوربھ ناکران، سوربھ ناکران جیسے باصلاحیت اداکاروں نے اپنی بہترین صلاحیتوں کا مظاہرہ کیاتھا فلم کا میوزک کافی پسند کیا گیا تھا جبکہ اسکا باکس آفس بزنس نارمل تھا.

کافی ود کرن بھارت کا سب سے مقبول چیٹ شو ہے اسکی میزبانی فلمساز کرن جوہر کرتے ہیں اور اپنے اس شو میں وہ شوبز کی نامور شخصیات کو دعوت دیتے ہیں. اس سال اس شو کا سیزن جولائی کے مہینے میں شروع ہوا ، اور پہلے مہمان بنے رنویر سنگھ اور عالیہ بھٹ اس کے بعد ابھی تک اکشے کمار، سمانتھا روتھ پربھو، وجے دیوراکونڈا، اننیا پانڈے، کیارا اڈوانی، شاہد کپور، وکی کوشل، سدھارتھ ملہوترا، کترینہ کیف، سدھانت چترویدی، ایشان کھٹر، کرینہ کپور خان ، عامر خان، کریتی شرون، کریتی سین ، ارجن کپور، جھانوی کپور، سارہ علی خان، اور انیل کپور، ورون دھون شرکت کر

چکے ہیں.اب کچھ دنوں سے خبریں چل رہی تھیں کہ شاہ رخ خان کی اہلیہ گوری خان کافی ود کرن میں شرکت کریں گی لیکن یہ کنفرم نہیں ہو رہا تھا کہ شاہ رخ خان ان کے ساتھ ہوں گے یا نہیں لیکن گوری خان نے اب کنفرم کر دیا ہے کہ وہ کافی ود کرن میں شریک ہو رہی ہیں اور ان کے ساتھ اس شو میں ان کے شوہر شاہ رخ خان نہیں ہوں گے.ان کے ساتھ بھوانا پانڈے، سیما سچدیو، مہیپ کپور اور نیلم کوٹھاری سونی ہوں گی۔یاد رہے کہ ھال ہی میں‌گوری خان نے اپنے رئیلٹی شو کا کلپ سوشل میڈیا پر شئیر کیا جسے لوگ بہت زیادہ سراہ رہے ہیں. تاہم گوری خان اس شو کو لیکر خود بھی بہت زیادہ پر جوش ہیں ان کا ماننا ہے کہ وہ دیکھنے والوں‌کو مایوس نہیں کریں گی.

شاہ رخ خان کی اہلیہ گوری خان ایک بہترین انٹیرئیر ڈیزائنر بھی ہیں سب جانتے ہیں کہ وہ کئی برسوں سے یہ کام کررہی ہیں. لیکن اب وہ میزبانی کرتی بھی دکھائی دیں گی. ان کے شو کا نام ہو گا ” ڈریم ہومز ود گوری خان ” . اس میں بھی وہ اپنے پسندیدہ کام کوکرتی ہوئی دکھائی دیں گی، اس نئے ریئلیٹی ڈیزائن شو میں وہ مشہور سلیبریٹیز اداکارہ کترینہ کیف ، ملائکہ اروڑہ ، ہدایت کار فرح خان اور کبیر خان کے گھروں کو ڈیزائن کریں گی۔اس پروگرام کے حوالے سے ان کے شوہر شاہ رخ خان نے خوشی کااظہار کرتے ہوئے اپنی اہلیہ کے شو کا پرومو انسٹاگرام پر شئیر کیا انہیں مبارکباد دی اور لکھا کہ گوری خان ہم آپ کو بطور ہوسٹ دیکھنےکےلئے بے تاب

ہیں.شاہ رخ خان کی اس پوسٹ کے بعد ان کے مداحوں نے ان کی پوسٹ کے کمنٹ سیکشن میں گوری خان کو مبارکباد دی اور ساتھ ہی ساتھ شاہ رخ خان کو بطور شوہر سراہا اور کہا کہ آپ اپنی اہلیہ کو جس طرح سے سپورٹ‌کرتے ہیں وہ قابل تعریف ہے . یاد رہے کہ گوری خان نے بھی یہی وڈیو کلپ اپنے انسٹاگرام پر شئیر کیا جو شاہ رخ خان نے اپنے اکائونٹ سے شئیر کیا. اس میں گوری خان کہہ رہی ہیں کہ انٹیرئیر ڈیزائننگ نوکری نہیں بلکہ ایک لائف سٹائل ہے . گوری خان کہتی ہیں کہ یہ پراجیکٹ میرے دل کے بہت قریب ہے.

شائقین ہمیشہ ہی شاہ رخ خان اور سلمان خان کو ایک ساتھ دیکھنے کےلئے بے تاب رہتے ہیں جب سے یہ اعلان ہوا ہے کہ شاہ رخ خان اور سلمان خان ٹائیگر 3 میں ایک ساتھ دکھائی دیں گے تب سے ان کے مداح کافی خوش ہیں اور منتظر ہیں کہ کب فلم کی شوٹنگ مکمل ہو اور فلم سینما گھروں‌کی زینت بنے. اب اطلاعات یہ ہیں کہ شاہ رخ خان اس مہینے کے لئے آخر میں فلم ٹائیگر 3 میں اپنے حصے کی شوٹنگ کا آغاز کریں گے. شاہ رخ خان کو دس دن تک مسلسل شوٹنگ کرنی ہوگی.کہا یہ بھی جا رہا ہے کہ اس فلم میں شاہ رخ خان ایک ٹRAW ٍ افسر کا کردار ادا کریں گے. ٹائیگر 3 میں سلمان خان کے علاوہ کترینہ کیف اور عمران ہاشمی بھی مرکزی کرداروں میں نظر آئیں گے. سلمان خان آج کل کسی کا

بھائی کسی کی جان کی شوٹنگ میں‌ مصروف ہیں ، جیسے ہی ان کی یہ شوٹنگ ختم ہو گی وہ ٹائیگر 3 کے لئے شوٹنگ کریں گے.فلم کے ڈائریکٹر روہت شرما ان دونوں سٹارز کو کافی برس کے بعد کسی فلم میں اکٹھا کتنے میں کامیاب ہو ہی گئے ہیں اور فلم ہے ٹائیگر 3.
یاد رہے کہ شار رخ خان اور سلمان خان نے پہلی بار ایک ساتھ فلم کرن ارجن میں کام کیا تھا اس کے بعد کچھ کچھ ہوتا جیسی دیگر فلموں میں ایک ساتھ کام کیا. شائقین ان دونوں کو ایک ساتھ دیکھنے کےلئے کافی پرجوش رہتے ہیں.

بالی وڈ‌کے بادشاہ شاہ رخ خان ڈان تھری میں کام کریں گے یا نہیں اس حوالے سے ایک خبر سامنے آئی ہے خبر کے مطابق شاہ رخ خان کو جاوید اختر کے بیٹے فلمساز فرحان اختر نے ڈان تھری کی کہانی سنائی ہے لیکن شاہ رخ خان ڈان تھری کی کہانی سے بالکل بھی متاثر نہیں‌ ہوئے. انہوں نے فی الحال فلم کو کرنے کے لئے ہاں نہیں‌کی بلکہ ان کا کہانی سننے کے بعد جو رد عمل ہے وہ اسی طرح‌کا ہے کہ جیسے وہ ڈان تھری کا حصہ نہیں بنیں گے. اس وقت بالی وڈ‌کی جو صورتحال ہے اس کے مطابق چلنا اداکاروں کے لئے بہت ضروری ہو گیا ہے. بڑے سے بڑے اداکار کی فلم بھی فلاپ ہو رہی ہے اور بائیکاٹ کے ٹرینڈز بھی چل رہے ہیں لہذا جو بھی فنکار اب کسی بھی فلم کو سائن کررہا ہے سائن کرنے سے پہلے سوچ بچار کررہا ہے. شاہ

رخ خان نے شاید اسی نقطہ نظر سے ڈان تھری کی کہانی سنی ان کو شاید ایسا لگا ہے کہ کہانی شائقین کو متاثر نہ کر سکے گی لہذا انہوں نے فی الحال تو فرحان اختر کو گھر کی راہ دکھا دی ہے. یاد رہے کہ شاہ رخ خان نے ڈان ون اور ڈان ٹو میں کام کیا تھا ان دونوں فلموں میں ان کے ساتھ پریانکاچوپڑا نظر آئیں تھیں . ڈان سب سے پہلے امیتابھ بچن کو لیکر بنائی گئی تھی اس لئے اس فلم کا سیکول ہر بار کافی چرچا میں رہتا ہے.