Tag: شاہ رخ خان

شاہ ر خ خان اور دیپیکا پاڈوکون فلم جوان میں ایک ساتھ نظر آئیں گے، فلم کی شوٹنگ کے سلسلے میں گزشتہ روز دونوں اداکار پوری ٹیم سمیت پہنچے چنائی ۔ بالی وڈ کے کنگ شاہ رخ خان دپیکا پڈوکون دونوں کو ممبئی کے ائیر پورٹ پر دیکھا گیا دیپیکا پاڈوکون گہرے نیلے رنگ کے جمپ سوٹ اور سفید اسپورٹس شوز میں ملبوس تھیں۔ انہوں نے اپنا چہرہ سفید ماسک سے ڈھانپا ہوا تھا اور بالوں کی پائی پونی بنائی ہوئی تھی ۔بعد ازاں چنائی کے ہوائی اڈے پر شاہ ر خ اور دیپیکا کو پوری ٹیم سمیت بس سے اترتے دیکھا گیا ۔فلم کے ڈائریکٹر اتلی کمار

ہیں ان کا کہنا ہے کہ اس فلم کی کہانی کافی الگ ہے اور شاہ رخ خان اور دیپیکا کو شائقین الگ کرداروں میں دیکھیں گے۔ یاد رہے کہ دیپیکا پاڈوکون نے اپنے کیرئیرکی پہلی فلم شاہ رخ خان کے ساتھ کی تھی ۔ فلم کا نام تھا اوم شانتی اوم۔ اپنی پہلی فلم سے ہی دیپیکا نے شائقین کے دل جیت لئے اور دیکھتے ہی دیکھتے وہ صف اول کی ہیروئنز میں شامل ہو گئیں اس کے بعد یہ دونوں ایک ساتھ چنائی ایکسپریس میں نظر آئے تھے اب ایک بار پھر شائقین ان کو ایک ساتھ دیکھنے کےلئے بے تاب ہیں امید کی جا رہی ہے کہ فلم روٹین سے ہٹ کر ہوگی۔

حال ہی میں ریلیز ہونے والی فلم لال سنگھ چڈھا بری طرح ناکامی سے دوچار ہوئی ہے اور کہا جا رہا ہےکہ ناکامی کی دیگر وجوہات میں ایک وجہ اس کے بائیکاٹ کا ٹرینڈ تھا. عامر خان کی ایک پرانی وڈیو کے بیان کو بنیاد بناتے ہوئے عامر خان اور ان کی فلم کے خلاف جم کر ٹرینڈ چلایا گیا اور اس اثر باکس آفس بزنس ہر ہوا.عامر خان کو اس فلم کی ناکامی سے بھاری نقصان ہوا ہے.عامر خان کے بعد شاہ رخ خان کو نشانے پر دھر لیا گیا ہے ان کی فلم پٹھان جو کہ اگلے سال جنوری میں ریلیز ہونے جا رہی ہے اس کے خلاف بھی ٹرینڈ بنا گیا ہے . اس وقت بائیکاٹ پٹھان کا ٹرینڈ زور و شور سے چل رہا ہے. شاہ رخ خان کی ایک پرانی وڈیو جس میں وہ کہہ رہے ہیں کہ بھارت میں عدم برداشت بڑھتا جا رہا ہے اسکو بنیاد بنایا گیا ہے اور کہا جا

رہا ہے کہ شاہ رخ خان کی فلم کا بائیکاٹ کیا جائے. ارجن کپور ، ہرتیک روشن اور اکشے کمار جیسے دیگر سٹارز فلموں کے بائیکاٹ کے ٹرینڈ سے کافی ہیں پریشان. سب کا ماننا ہے کہ ہم سب کو ایک دوسرے کا ساتھ دینا چاہیے ورنہ یہ چیز بڑھتے بڑھتے بہت بڑھ جائیگی اور نفرت پر مبنی اس طرح‌کے ٹرینڈز بالی وڈ کی تباہی کا باعث بن سکتے ہیں. یاد رہے کہ اکشے کمار کی فلم رکشا بندھن کے بائیکاٹ کا بھی ٹرینڈ چلا نتیجہ یہ ہے کہ رشکا بندھن بھی ناکامی سے دوچار ہو گئی.

بالی وڈ کی اداکارہ جوہی چاولہ اور شاہ رخ خان کی دوستی کسی سے ڈھکی چھپی نہیں ہے دونوں کی دوستی ان کی پہلی فلم سے چلی آرہی ہے آج بھی شاہ ر خ اور جوہی بہترین دوست کہلائے جاتے ہیں. یہاں تک کہ شاہ رخ کے بیٹے آریان پر منشیات کیس میں جب برا وقت آیا تو جوہی چاولہ ضامن بنیں. جوہی چاولہ نے اپنے ایک انٹرویو میں کہا ہے کہ شاہ رخ خان سے جب میں پہلی بار ملی تو متاثر نہیں ہوئی تھی نہ ہی کوئی یہ مجھے بہت خوبصورت لگے تھے لیکن جب ایک ساتھ کام کیا تو بہت متاثر ہوئی کمال کا کام کرتے تھے ہماری فلمیں ایکساتھ چلیں ہوتے ہوتے ہماری دوستی ہوگئی یہاں تک کہ ہم نے ایک پروڈکشن ہائوس بھی بنایا گوکہ مجھے اس کام کے بارے میں زیادہ پتہ نہیں تھا.اکثر یہ ہوتا تھا کہ فلم کے سیٹ سے میں گھر آجاتی تو گھر آکر یا راستے میں یاد آتا کہ مجھے تو سیٹ پر ہونا چاہیے تھا میں تو پرڈیوسر ہوں. جوہی چاولہ نے مزید یہ بھی کہا کہ میں اکثر شاہ رخ خان سے کہا کرتی تھی کہ تمہاری شکل تو سٹارز والی نہیں ہے لیکن تمہاری قسمت سٹارز والی

ضرور ہے. جوہی نے کہا کہ میں بھی کوئی بہت زیادہ خوبصورت نہیں تھی جب مجھے مس انڈیا کا خطاب ملا تو میں حیران رہ گئی خود کو آئینے میں دیکھا کہ میں اتنی خوبصورت ہوں تو نہیں. انہوں نے مزید کہا کہ میں کالج کے فیشن شوز اور حسن کے مقابلوں میں حصہ لیا کرتی تھی میری فرینڈز نے مس انڈیا کے مقابلے میں حصہ لینے کا پلان کیا تو میں نے بھی سوچا کہ یہ ایسا کر سکتی ہیں تو پھر میں کیوں ایسا نہیں کر سکتی. مجھے یاد ہے کہ جب مس انڈیا کے مقابلے کے لئے فارم بھرا تو ابو کے پاس سائن کروانے گئی تو انہوں نے میری طرف حیران ہو کر دیکھا. جوہی نے بتایا کہ میری خالہ کی شادی پاکستان میں ایوریڈی پکچرز والوں کی فیملی میں ہوئی تھی وہ کراچی رہتی ہیں میں ان سے ملنے جانا کرتی ہوں.

بالی وڈ‌ کے کنگ شاہ رخ خان نے حال ہی میں کافی ود کرن میں‌ عالیہ بھٹ کے ہمراہ شرکت کی. انٹرویو میں عالیہ بھٹ کے حوالے سے بات کرتے ہوئے شاہ رخ خان نے کہا کہ عالیہ نوجوان نسل کی نمائندہ فنکارہ ہونے کے ساتھ ساتھ بہترین اداکارہ ہیں. ان کے ساتھ کام کرکے بہت کچھ سیکھنے کو ملا. میں نے مہیش بھٹ کے ساتھ کام کرکے بھی بہت کچھ سیکھا لیکن عالیہ بھٹ کمال کی اداکارہ ہیں.عالیہ بھٹ نے اسی شو میں ورون دھون اور سدھاتھ ملہوترا کے ساتھ شرکت کی تھی جب عالیہ سے سوال ہوا کہ ہندوستان کا صدر کون ہے تو انہوں نے غلط جواب دیا جس پر اداکارہ کو کافی ٹرول کیا گیا تھا، شاہ رخ خان نے بھی کافی ود کرن میں عالیہ بھٹ کو چھیڑنے کی کوئی کسر نہ چھوڑی۔ انہوں نے بھی عالیہ

کے حوالے سے خوب مذاق کیا لیکن جہاں ان کے کام کی باری ٓآئی تو ان کی کافی تعریف کی اور انہیں نوجوان نسل کی بہترین اداکارہ قرار دیدیا۔ یاد رہے کہ شاہ رخ خان اور عالیہ بھٹ ایک فلم بنا رہے ہیں جس کا نام ہے ڈارلنگز عالیہ بھٹ اس فلم کے زریعے پہلی بار بطور پرڈیوسر متعارف ہو رہی ہیں ۔ عالیہ کو اس فلم سے کافی امیدیں وابستہ ہیں۔ان کا کہنا ہےکہ کہانی بہت ہی الگ ہے یقینا دیکھنے والے کافی لطف اندوز ہوں گے۔عالیہ کا تو یہ بھی دعوی ہے کہ ایسی کہانی ان کو پہلے ہندی فلموں میں شاید ہی دیکھنے کو ملی ہو۔

بالی وڈ کے کنگ شاہ رخ خان کی 2007 میں ریلیز ہونے والی فلم چک دے انڈیا کو 15 سال ہوگئے ہیں اس موقع پر شاہ رخ خان نے فلم سے جڑی کچھ یادوں کو اپنے مداحوں کے ساتھ شئیر کیا. انہوں نے کہا کہ مجھے اندازہ نہیں تھا کہ یہ فلم باکس آفس پر اتنی بڑی ہٹ ثابت ہو گی حالانکہ مجھے تو اس فلم کے کلائمیکس پر شدید اعتراض تھا اس وجہ سے میں یہ فلم سرے سے ہی نہیں کرنا چاہتا تھا اور اسی وجہ سے سلمان خان بھی اس فلم کو کرنے سے منع کر چکے تھے. شار رخ خان نے یہ بھی کہا کہ چک دے انڈیا میرے کیرئیر کی سب سے مشکل ترین فلم تھی.دوسری طرف سلمان خان نے چک دے انڈیا میں شاہ رخ خان

کی اداکاری کی بے حد تعریف کی تھی اور یہاں تک کہہ دیا تھا کہ یہ شاہ رخ خان کے کیرئیر کی بہترین فلموں میں سے ایک ہےاور ان کی جاندار اداکاری کی وجہ سے فلم نے اتنی کامیابی حاصل کی.شاہ رخ خان نے کہا کہ ریلیز سے قبل انہیں بالکل بھی آئیڈیا نہیں تھا کہ فلم سپر ہٹ ہوجائیگی اور شائقین جوک در جوک اسے دیکھنے کےلئے سینما گھروں کا رخ کریں گے.
شاہ رخ خان کا کہنا تھا کہ یش چوپڑا سمیت بہترین فلمسازوں اور نئے چہروں کے ساتھ بننے والی کہانی کی ابتدائی فلم بینی کے دوران ہم سر پکڑ کر بیٹھ گئے کہ ہم کیسا پراجیکٹ کر بیٹھے ہیں شاید ہم سب کے کیرئیر کا براترین پراجیکٹ ہے. 2007 میں ریلیز ہو نے والی فلم “چک دے انڈیا” میں شاہ رخ خان نے انڈین وومن ہاکی ٹیم کے کوچ کا کردار ادا کیا.

فلم لال سنگھ چڈھا کی ریلیز سے قبل جہاں عامر خان ہیں بہت نروس وہیں وہ اس فلم کی جم کر تشہیربھی کر رہے ہیں. گزشتہ روز عامر خان پہنچے شاہ رخ خان کے گھر منت. عامر خان نے وہاں شاہ رخ خان کو اپنی فلم دکھائی. فلم دیکھ کر شاہ رخ خان نے عامر خان اور ان کی فلم کی بے حد تعریف کی. شاہ رخ خان نے کہا کہ آپ نے بہترین فلم تیار کی ہے اور مجھے بہت امید ہے کہ شائقین اس فلم کو بہت پسند کریں گے. رپورٹس یہ بھی ہیں کہ شاہ رخ خان کی بیٹی سہانا

خان نے بھی فلم دیکھی ہے اور ان کو بھی یہ فلم بہت پسند آئی ہے. یہ پہلی بار نہیں ہے کہ عامر خان نے شاہ رخ خان کو ریلیز سے پہلے اپنی کوئی فلم دکھائی ہے اس سے پہلے بھی وہ کئی بار اپنی فلم ریلیز سے قبل کنگ خان کو دکھا چکے ہیں. کہا جاتا ہے کہ عامر خان شاہ رخ خان کی بہت عزت کرتے ہیں اور ان کی رائے کی بہت زیادہ قدر کرتے ہیں اس لئے ان کی کوشش ہوتی ہے کہ وہ ریلیز سے قبل شاہ رخ خان کو اپنی فلم دکھا کر ان کے رائے لیں. یاد رہے کہ لال سنگھ چڈھا ہالی وڈ کی فلم فارسٹ گمپ کا ری میک ہے. عامر خان نے ٹام ہینک کو بھی اپنی فلم دیکھنے کی دعوت دی ہے.

بالی وڈ کے کنگ شاہ رخ کی فلم پردیس کو ریلیز ہوئے پچیس سال مکمل ہو گئے ہیں۔ اس موقع پر فلم کے ڈائریکٹر سبھاش گھئی کافی خوش ہیں ان کا کہنا ہے کہ میرے لئے فخر کی بات ہے کہ پردیس کو آج بھی لوگوں سے محبت اور پیار مل رہاہے۔ سبھاش گھئی نے شوٹنگ کے دنوں کو یاد کرتے ہوئے کہا کہ شاہ رخ خان کا جو کردار تھا اس حوالے سے مجھے اسکو ہر دم یاد دلانا پڑتا تھا کہ آپ نے اپنے ہیرو والی چھاپ کو ایک سائیڈ پر رکھ کر کردار نبھانا ہے اور یہی کردار کی ڈیمانڈ ہے۔سبھاش گھئی نے مزید کہا کہ میں اپنی ہر فلم میں اپنا دل اور جان ڈالتا ہوں اور شائقین کا ریسپانس ہمیشہ اچھا دیکھ کر بہتر سے بہترین کام کرنے کی امنگ پیدا ہوئی۔یہ فلم میرے لئے ایک چیلنج تھی اسکا ہر سین میرے لئے چیلنج تھا۔ یاد رہے کہ پردیس فلم میں شاہ رخ خان کے علاوہ مہیما چودھری، اپوروا اگنی

ہوتری، امریش پوری، آلوک ناتھ، اور ہمانی شیو پوری نے اہم کردار ادا کیے تھے۔ بلاک بسٹر اس فلم میں شاہ رخ نے مرکزی کردار ادا کیا اور ماہیما نے ان کی ہیروئین کا کردار ادا کیا۔ شاہ رخ خان نے ارجن کا کردار ادا کیا، ایک ایسا شخص جو غیر ملکی سرزمین میں آباد ہے لیکن پھر بھی اپنے ملک کی ثقافتی اقدار پر یقین رکھتا ہے۔ ایس آر کے نے فلم میں اپنی شاندار اداکاری سے ناظرین کے دلوں میں جگہ بنائی۔ماہہیما چوہدری کی یہ پہلی فلم تھی، فلم کا میوزک آج تک سپر ہٹ ہے الگا یاگنک اور کمارشانو کی خوبصورت آوازوں نے سننے والوں کو آج تک اپنے سحر میں مبتلا کر رکھاہے.

عالیہ بھٹ اور شاہ رخ خان کی فلم ڈارلنگز کا جب سے ٹریلر ریلیز ہوا ہے اس فلم کے بارے میں ہر طرف بہت زیادہ بات کی جا رہی ہے. گزشتہ روز شاہ رخ خان نے ایک ٹویٹ کر کے لکھا کہ میں‌فلم کی ریلیز کو لیکر کافی فکر مند ہوں لیکن خوشی ہے کہ تم نے بطور پرڈیوسر اپنی ذمہ داریاں نبھائی ہیں، جب تک فلم ریلیز نہیں‌ہوجاتی یقینا میں‌نروس ہوں لیکن میں یہ بھی سمجھتا ہوں‌کہ ہم نے ایک اچھی فلم بنائی ہے. اس ٹویٹ کے جواب میں عالیہ بھٹ نے لکھا کہ ” آپ میرے ہمیشہ سے ہی میرے پسندیدہ اداکار/شخص/پروڈیوسر ہیں! میرے ساتھ کام کرنے کے لیے آپ کا شکریہ”

یاد رہے کہ عالیہ بھٹ کا شمار بھارتی سنیما کی سب سے زیادہ پسند کی جانے والی اداکاراؤں میں ہوتا ہے انہیں بالی وڈ میں ایک دہائی مکمل ہونے والی ہے.انہوں نے کیرئیر کی شروعات کرن جوہر کی ہدایت کاری میں بننے والی اسٹوڈنٹ آف دی ایئر سے کیااس میں ان کے ساتھ سدھارتھ ملہوترا اور ورون دھون نے اہم کردار ادا کئے تھے.اس کے بعد وہ ہائی وے، اڑتا پنجاب، پیاری زندگی، رازی، گلی بوائے اور حال ہی میں فلموں میں بھی نظر آئیں اور رواں برس ان کی فلم گنگو بائی کاٹھیاواڑی نے کامیابی کے ریکارڈز قائم کئے ہیں.اداکارہ کے ساتھ ساتھ اب وہ پرڈیوسر بھی بن گئی ہیں اور ڈارلنگز ان کا پہلا پراجیکٹ ہے .

عالیہ بھٹ اور شاہ رخ خان کی آنے والی فلم ”ڈارلنگز” کا ٹریلر ریلیز ہونے کے بعد سے ہی سب کی نظریں ان پر لگی ہوئی ہیں۔ اس فلم میں وہ نہ صرف ایک اداکار کے طور پر نظر آئیں گی بلکہ ڈارلنگز کے ساتھ وہ بطور پروڈیوسر بھی ڈیبیو کرنے جا رہی ہیں اور بات یہ ہے کہ وہ شاہ رخ خان ان کے ساتھ فلم کو پروڈیوس کر رہی ہیں.عالیہ بھٹ اس پراجیکٹ اور اپنے کردار کو لیکر کافی ہیں پرجوش. آج کل وہ فلم کی پرموشن کررہی ہیں اور اس دوران ہونے والے انٹرویوز میں وہ بتا رہی ہیں کہ انہوں نے اس فلم میں ادکااری کے ساتھ پرڈیوس کرنے کا فیصلہ کیسے کیا.عالیہ بھٹ نے کہا کہ فلم ڈارلنگز میرے دل کے بہت قریب ہے اوریہ

فلم میرے لئے ہمیشہ ہی سپیشل رہے گی. عالیہ نے کہا کہ میں نے جب فلم کی کہانی سنی تو مجھے اس کی کہانی بہت منفرد لگی اور اپنا کردار بھی روٹین سے ہٹ کر لگا تو میں نے اسی وقت فیصلہ کر لیا کہ نہ صرف اس میں اداکاری کروں گی بلکہ پرڈیوس بھی کروں گی مجھے لگا کہ یہ بہترین ٹائم ہے کہ میں فلم پرڈیوس کروں . عالیہ بھٹ نے کہاکہ اس فلم کی کہانی ماں بیٹی اور شوہر کے گرد گھومتی ہے دیکھنے والوں‌کو اس کہانی کا آئیڈیا بہت پسند آئیگا.اس میں بیوی اپنے شوہر کو اپنے ساتھ ہوئے برسوں کی بدسلوکی کا بدلہ لینے کے لیے اغوا کر لیتی ہے۔ اس کی ماں اس کام میں لڑکی کی مدد کرتی ہے۔ شیفالی شاہ فلم میں عالیہ بھٹ کی والدہ کا کردار ادا کر رہی ہیں.

بالی وڈ کے کنگ کہلائے جانے والے شاہ رخ خان اور نوجوان نسل کے نمائندہ فنکار کارتیک آریان کی حال ہی میں ملاقات ہوئی ہے دونوں کی ملاقات کے حوالے سے بہت ساری باتیں کی گئیں. یہ ملاقات اس لئے بھی چرچے میں ہے کیونکہ اس میں شاہ رخ خان نے کارتیک آریان کے کان میں کچھ کہا.اس ملاقات کے بعد کافی چہ مگوئیاں ہو رہی تھیں سب کو بے چینی تھی یہ جاننے کی کہ آخر کار کنگ خان نے کارتیک آریان کے کان میں کہا کیا ہے. کارتیک آریان نے بھی آخر کار خاموشی توڑ دی اور بتا دیا

کہ شاہ رخ خان نے ان کے کان میں کیا کہا. کارتیک آریان نے کہا کہ جب مجھ سے شاہ رخ ملے تھے تو انہوں نے میرے کان میں میرے کام کی تعریف کی میں نے ان سے پوچھا کہ آپ ن میری فلم بھول بھلیاں ٹو دیکھی ہے تو انہوں نے کہا کہ دیکھی ہے ” بیٹا تم نے بہت اچھا کام کیا ہے اس میں” کارتیک آریان نے کہا کہ مجھے جب حالیہ دور کا کنگ کہا جاتا ہے تو کہتا ہوں مجھے پرنس کہہ لیں لیکن کنگ نہ کہیں ایک تو یہ شاہ رخ خان کے لئے استعمال ہوتا ہے وہ اس کے حقدار ہیں دوسرا یہ کہ مجھے ابھی بہت دور تک جانا ہے لمبا سفر طے کرنا ہے. یاد رہے کہ کارتیک آریان کی فلم بھول بھلیا ٹو نے اس سال کامیابی کے ریکارڈز قائم کئے ہیں.