Tag: شرجیل میمن

سندھ حکومت نے 50 ڈبل ڈیکر اور 500 الیکٹرک بسیں ٹرانسپورٹ نظام میں شامل کرنے کا فیصلہ کیا ہے-

سندھ کے سینیئر وزیر شرجیل انعام میمن کی زیر صدارت مختلف پبلک ٹرانسپورٹ منصوبوں کے لئے بس ڈیپوز کے لئے زمین کی فراہمی اور ٹرانسپورٹ پلان سے متعلق اہم اجلاس ہوا جس میں سیکریٹری ٹرانسپورٹ اسد ضامن، ڈائریکٹر جنرل کراچی ڈیولپمنٹ اتھارٹی آصف جان صدیقی، مختلف اضلاع کے ڈپٹی کمشنرز اور متعلقہ محکموں کے اعلیٰ حکام نے شرکت کی۔

اجلاس میں حکام نے پبلک ٹرانسپورٹ منصوبوں کے لیے اور بسوں کی پارکنگ و آپریشن کے لیے درکار اراضی کے حوالے سے تفصیلی بریفنگ دی اور مختلف اضلاع میں دستیاب سرکاری اراضی، مجوزہ مقامات اور مستقبل کی ضروریات کا بھی جائزہ لیا گیا۔

اجلاس میں شرجیل مین نے کہا کہ سندھ حکومت کی جانب سے 50 ڈبل ڈیکر بسیں اور 500 الیکٹرک (EV) بسیں ٹرانسپورٹ نظام میں شامل کی جارہی ہیں، نئی بسوں کی آمد سے ٹرانسپورٹ نظام میں نمایاں بہتری آئے گی، ڈی سیز اپنے اپنے اضلاع میں دستیاب خالی سرکاری اراضی کی نشاندہی کریں تاکہ ماس ٹرانزٹ منصوبوں کے لیے بس ڈپو قائم کیے جا سکیں،سندھ حکومت شہریوں کو جدید، آرام دہ اور ماحول دوست پبلک ٹرانسپورٹ فراہم کرنے کے اپنے عزم پر کاربند ہے، حکومت کی کوشش ہے کہ نئی بسوں کو فوری طور پر عوامی خدمت کے لیے سڑکوں پر لایا جا سکے۔

سینئر وزیر سندھ شرجیل میمن کا کہنا ہے کہ معرکہ حق میں بھارت کوعبرتناک شکست دی ،پاک بھارت جنگ میں افواج پاکستان نے اپنی صلاحیتوں کالوہا منوایا،مولانا فضل الرحمان کے بیان سے ہر پاکستانی کی دل آزاری ہوئی۔

کراچی میں پریس کانفرنس کرتے ہوئے انہوں نے مطالبہ کیا کہ مولانا فضل الرحمان اپنے بیان کو واپس لیں،الفاظ واپس لینےسےمولانا فضل الرحمان کی عزت کم نہیں ہوگی،معاملےکوانا کا مسئلہ نہ بنائیں مولانا فضل الرحمان کے بیان کوبھارت میں شہ سرخیوں میں جگہ ملی،وہاں خوشی منائی گئی ،ایسا بیان دینے سے گریز کیاجائے جس سے ہمارا دشمن خوش ہو،مولانا فضل الرحمان کیلئے دل میں بہت احترام ہے۔

شرجیل میمن نے کہا کہ ہمارے شہدا ہمارا فخر ہیں،ملک کیلئے لڑنے کے جذبے کی قیمت تنخواہ نہیں ہوتی،جوان گھر سےنکلتےوقت والدین سے شہادت کی دعا کی درخواست کرتے ہیں،شہدا کا رتبہ ہمیشہ بلند رہے گا، بھارت اب پاکستان میں پراکسیز کے ذریعے جنگ لڑ رہا ہے،بیان بازی سےشہید کےرتبے کو کوئی نقصان نہیں پہنچتا ،پاک بھارت جنگ میں پوری قوم متحد تھی،پیپلزپارٹی نےکبھی اپنی افواج کےخلاف بات نہیں کی بھارت کےخلاف ہرمحاذ پر پاکستانی غازی ڈٹے رہے،مولانا فضل الرحمان بیان واپس لیں، ان کےقدوقامت میں اضافہ ہوگا۔

انہوں نے کہا کہ اس بار گندم کی اچھی فصل ہوئی،منافع خوروں نے گندم کی ذخیرہ اندوزی کی ،سندھ حکومت نے ذخیرہ اندوزوں کے خلاف کارروائی کا فیصلہ کیا،17 لاکھ ٹن گندم برآمد کی،سرکاری نوٹس جاری کیےگئے کہ ذخیرہ کی گئی گندم سرکار کےحوالے کی جائےگندم مارکیٹ میں آنے سےقیمت میں 13فیصد کمی ہوئی،گندم کی ذ خیرہ اندوزی کرنے والوں کارروائیاں جاری ہے،حکومت سندھ نے ڈاکٹر آکاش کے قتل کافوری نوٹس لیا،پولیس نے فوری ایکشن لیتے ہوئے ملزمان کو گرفتار کیا۔

شرجیل انعام میمن نے کہا کہ وزیراعظم کےفیصلےملکی معیشت کومدنظر رکھ کرہوں گے،گندم پرپنجاب اورسندھ نےاپنی اپنی پا لیسی بنائی،پنجاب سے افغا نستان گندم جانےکی اطلاع درست نہیں،سندھ سےپنجاب گندم جانےکےشواہد موجود ہیں آئین کےتحت گندم کی بین الصوبا ئی ترسیل نہیں روکی جا سکتی ،مصطفیٰ کمال پہلے وفاقی وزارت سےمستعفی ہوں،نشست چھوڑکرضمنی انتخاب لڑیں، پتہ چل جائے گا۔

کراچی:سینئر وزیر سندھ شرجیل میمن نے فاروق ستار کی پریس کانفرنس کو ایم کیو ایم کی سیاسی بلیک میلنگ قرار دیتے ہوئے کہا ہے کہ ایم کیو ایم عوامی اعتماد کھو چکی، اسی وجہ سے شارٹ کٹ ڈھونڈ رہی ہے-

سینئر وزیر سندھ شرجیل میمن نے فاروق ستار کی پریس کانفرنس کو ایم کیو ایم کی سیاسی بلیک میلنگ قرار دیتے ہوئے انہیں کراچی کے لیے کیے گئے وعدوں پر عمل درآمد نہ ہونے پر وفاق سے سوال کرنے کا مشورہ دیا وفاقی مداخلت کو سیاسی دباؤ کے لیے استعمال کرنا بلیک میلنگ کا ثبوت ہے، ایم کیو ایم عوامی اعتماد کھو چکی ہے، اسی وجہ سے اب شارٹ کٹ ڈھونڈ رہی ہے۔

ان کا کہنا تھا کہ سندھ کے معاملات وفاق کے ہاتھ میں دینے کی بات وفاقی ڈھانچے کے خلاف سازش ہے، سندھ کے عوام نے پیپلز پارٹی کو واضح مینڈیٹ دیا ہے، یہ مینڈیٹ کسی پریس کانفرنس، دھمکی یا سیاسی بلیک میلنگ سے تبدیل نہیں ہوسکتا، ایم کیو ایم اپنی ناکامیوں کا ملبہ سندھ حکومت پر ڈالنے کے بجائے وفاقی اتحادیوں سے سوال کرے۔

واضح رہے کہ پریس کانفرنس میں ایم کیو ایم کے رہنما ڈاکٹر فاروق ستار نے وفاقی حکومت کو خبردار کرتے ہوئے کہا کہ لاپتہ ساتھیوں اور گورنر شپ سمیت دیگر مطالبات منظور نہ ہوئے تو اسپیکر قومی اسمبلی کو خط لکھیں گے۔

فاروق ستار نے پریس کانفرنس کرتے ہوئے کہا کہ لاپتہ ساتھیوں، آرٹیکل 140 اے، سندھ کی گورنر شپ اور اربن ڈیولپمنٹ پیکج جیسے مطالبات منظور نہ ہوئےتو ایم کیو ایم پاکستان جلد اسپیکر قومی اسمبلی کو ایک خط لکھے گی اور اپنے 22 اراکین کے لیے اپوزیشن بینچوں پر جگہ بنانے کی درخواست کرےگی 2022 میں پیپلز پارٹی اور ایم کیو ایم کے درمیان معاہدے پر چیئرمین بلاول بھٹو زرداری نے دستخط کیے ، وزیر اعظم شہباز شریف بھی اس معاہدے کے ضامن اور گواہ تھے، آخری وارننگ ہے، وزیر اعظم معاہدے پر عمل درآمد کروائیں کراچی کو وفاق کے حوالے کرنے کے لیے انتظامی یونٹ بنائیں، فاروق ستار نے دعویٰ کیا کہ پیپلز پارٹی نے بتایا ہے گورنر سندھ کو ہٹانے میں اُن کا ہاتھ نہیں ہے، وفاق اس معاملے پر وضاحت کرے۔

سندھ کے سینیئر وزیر شرجیل انعام میمن نے تمام حجاجِ کرام اور عالمِ اسلام کو عیدالاضحیٰ کی مبارکباد پیش کی-

راول ہاؤس راہوکی، ٹنڈوجام میں میڈیا سے گفتگو کرتے ہوئے سندھ کے سینیئر وزیر اور صوبائی وزیر برائے اطلاعات، ٹرانسپورٹ و ماس ٹزانزٹ شرجیل انعام میمن نے کہا کہ آج کے اس مبارک دن ہمیں متحد ہو کر یہ پیغام دینا چاہیے کہ ہم اپنے تمام پرانے اختلافات اور مسائل کو پسِ پشت ڈال کر عید کی خوشیاں باہمی محبت اور یگانگت کے ساتھ منا رہے ہیں۔

انہوں نے کہا کہ وزیرِ اعظم شہباز شریف اور فیلڈ مارشل سید عاصم منیر نے عالمی امن کے قیام کے لیے اہم کردار ادا کیا ہے، جبکہ انسانیت سب سے مقدم ہے اور ہر انسان کی جان بے حد قیمتی ہے نفرتوں کا خاتمہ وقت کی اہم ضرورت ہے اور ملک کو بھائی چارے، رواداری اور باہمی مفاہمت کے جذبے کے ساتھ چلایا جانا چاہیے۔

انہوں نے کہا کہ 28ویں ترمیم کے حوالے سے ہونے والی گفتگو محض قیاس آرائیوں تک محدود ہے اور اس ضمن میں حکومت سے کوئی مشاورت نہیں کی گئی کراچی ہمیشہ سندھ کا حصہ تھا، ہے اور رہے گا، جبکہ بینظیر بھٹو انکم سپورٹ پروگرام ختم نہیں ہوگا کیونکہ اس کے ذریعے غریب اور مستحق خواتین کی معاو نت کی جاتی ہے عیدالاضحیٰ کے فوری بعد حیدرآباد میں لطیف آباد تا حیدر چوک روٹ کا باقاعدہ آغاز کر دیا جائے گا۔ ان کا کہنا تھا کہ حیدرآباد کی مقامی انتظامیہ شہر میں پانی کے مسئلے پر قابو پانے کے لیے بھرپور کوششیں کر رہی ہے۔

انہوں نے کہا کہ ریڈ لائن بی آر ٹی منصوبے کا ابتدائی اقدام حکومتِ سندھ کی جانب سے اٹھایا گیا تھا اور اس پر کام مسلسل جاری ہے، ہر ہفتے وزیراعلیٰ سندھ اور متعلقہ حکام خود دورے کر کے ترقیاتی کاموں کی پیش رفت کا جائزہ لیتے ہیں اشیائے ضروریہ اور تعمیراتی لاگت میں غیر معمولی اضافہ ہو چکا ہے، تاہم حکومت نے کنٹریکٹر کو برقرار رکھنے کی ہر ممکن کوشش کی، لیکن مجبوری کے باعث مذکورہ کنٹریکٹ ختم کرنا پڑا یہ منصوبہ کسی معمولی کمپنی کو نہیں بلکہ ایک بین الاقوامی کمپنی کے سپرد کیا گیا تھا۔

منشیات کے خلاف کارروائیوں پر کہا کہ کریک ڈاؤن نہایت سنجیدگی اور مؤثر انداز میں جاری ہے، کیونکہ یہ محض منشیات نہیں بلکہ ایک مہلک زہر ہے جو صرف ایک فرد ہی نہیں بلکہ پورے خاندان کو تباہ کر دیتا ہے پولیس منشیات فروش عناصر کے خلاف بھرپور کارروائیاں کر رہی ہے اور میڈیا سے بھی اس حوالے سے تعاون کی اپیل کی گئی ہے تاکہ نوجوان نسل کو اس ناسور سے بچایا جا سکے۔

خواتین کی بااختیار بنانے سے متعلق سوال کے جواب میں انہوں نے کہا کہ دنیا میں سندھ واحد صوبہ ہے جو اس مقصد کے لیے عملی اقدامات کر رہا ہے حکو مت سندھ خواتین کو پنک اسکوٹیز فراہم کر رہی ہے، ساتھ ہی انہیں ڈرائیونگ لائسنس کے حصول اور تربیت میں بھی معاونت دی جا رہی ہے اسکیم کے آغاز سے قبل صرف 150 خواتین کے پاس لائسنس موجود تھا جبکہ اب 25 ہزار خواتین نے لائسنس کے لیے درخواست دی ہے۔

شرجیل میمن نے کہا کہ غیر قانونی تجاوزات کے ذریعے ٹریفک کی روانی متاثر کرنے والے عناصر کے خلاف سخت کارروائی کی جائے گی۔ چیئرمین بلاول بھٹو زرداری کی جانب سے شاہراہِ بھٹو کے افتتاح کے بعد بعض عناصر کی جانب سے صوبے کی تقسیم سے متعلق بیانات پر انہوں نے ردعمل دیتے ہوئے کہا کہ ایسے عناصر ترقی اور عوامی فلاح کے منصوبوں کے خلاف ہیں۔

انہوں نے مزید کہا کہ کراچی میں بعض جماعتوں کا روزگار ہی یہ بن چکا ہے کہ وہ روزانہ کسی نہ کسی بہانے پریس کانفرنس کرتی ہیں اور بیان بازی کرتی ہیں منشیات کا مسئلہ صرف سندھ نہیں بلکہ پورے پاکستان کا مسئلہ ہے، تاہم بدقسمتی سے صرف سندھ کو تنقید کا نشانہ بنایا جاتا ہے۔

انہوں نے کہا کہ سندھ میں پانی بالائی علاقوں سے آتا ہے جبکہ پنجاب میں زیرِ زمین میٹھے پانی کی فراوانی اللہ تعالیٰ کی نعمت ہے انہوں نے کہا کہ سندھ کے حالات دیگر صوبوں سے مختلف نوعیت کے ہیں، جبکہ بجلی اور گیس کی فراہمی کے مسائل پر مسلسل آواز اٹھائی جا رہی ہے اور وفاقی سطح پر ناانصافی کا سامنا ہے۔

انہوں نے کہا کہ وہ جماعتیں بلدیاتی اداروں کو بااختیار بنانے کی بات کرتی ہیں جو خود بلدیاتی انتخابات سے فرار اختیار کرتی رہی ہیں انہوں نے کہا کہ جن ادار وں اور نمائندوں کو عوامی مینڈیٹ حاصل ہے انہیں اپنے دائرۂ اختیار کے مطابق اختیارات بھی حاصل ہیں حکومت تجاوزات کے مکمل خاتمے کی خواہاں ہے کیونکہ اس سے ٹریفک کے سنگین مسائل جنم لیتے ہیں قانون میں قتل کی واضح سزا موجود ہے اور کاروکاری کے نام پر قتل کرنے والا فرد سنگین جرم کا مرتکب ہوتا ہے، جبکہ تمام قوانین موجود ہیں اور ہر فرد کے خلاف قانون کے مطابق کارروائی عمل میں لائی جاتی ہے۔

وزیر اطلاعات سندھ شرجیل میمن کا کہنا ہے کہ سندھ حکومت رواں ماہ ہی شاہراہ بھٹو کو مکمل طور پر کھولنے جارہی ہے۔

کراچی میں پریس کانفرنس کرتےہوئے شرجیل میمن نے کہا کہ سندھ کے سینیئر وزیر شرجیل انعام میمن نے کہا ہے کہ کراچی کے لیے شاہراہِ بھٹو اور ڈی سیلینیشن پلانٹ جیسے منصوبے شہری سہولیات میں انقلاب برپا کریں گے انہوں نے دورۂ چین اور کراچی میں ڈی سیلینیشن پلانٹ کے منصوبے کو شہر کے لیے بڑی پیشرفت قرار دیتے ہوئے کہا کہ یہ اقدامات کراچی کے دیرینہ مسائل کے حل میں اہم کردار ادا کریں گے۔

شرجیل میمن نے کہاکہ شاہراہ بھٹو موٹر وے ایم نائن کو ڈائریکٹ کنکٹ کرےگی، شاہراہ بھٹو کو رواں ماہ مکمل طورپرکھولنے جارہے ہیں جس کے بعد ٹر یفک مسائل حل ہوں گے، عوام کو سہولت ہوگی کراچی پورٹ سے ایک روڈ بنایا جارہا ہے جو قیوم آباد تک آئے گا، کراچی میں اس وقت برجز، انڈر پاسز اور روڈ انفراسٹرکچر پر بھی کام جاری ہےجبکہ کے ایم سی اور دیگر ادارےبھی اس عمل میں شریک ہیں حکومت کی اولین ترجیح شہری سہولتوں کی فراہمی ہے۔

انہوں نے مزید کہا کہ ریڈ لائن بی آر ٹی منصوبے میں مختلف تکنیکی اور انتظامی چیلنجز درپیش رہے، جن میں یوٹیلٹی ٹرانسفر اور دیگر مسائل شامل ہیں حکومت نے کوشش کی کہ عوامی پیسے کو بچاتے ہوئے منصوبے کو آگے بڑھایا جائے، تاہم بعض مشکلات کے باعث معاہدہ ختم کرنا پڑا اور اب اس پر دوبارہ کام جاری ہے۔

انہوں نے کہا کہ ریڈ لائن بی آر ٹی کی وجہ سے ہمیں بد نامی سہنا پڑی ہے، کنٹریکٹر کام مکمل نہیں کر پارہے تھے اس لیے ریڈ لائِن منصوبہ کسی اور کو دیا، اس منصوبے کی تاخیر پر عوام کو زحمت ہوئی اس کے لیے معذرت خواہ ہیں چینی کمپنیاں کراچی میں ڈی سیلینیشن پلانٹ لگانے جارہی ہیں، ڈی سیلینیشن پلا نٹ سے کراچی میں پانی کی کمی کا مسئلہ حل ہوجائے گا، ڈی سیلینیشن پلانٹ مہنگا ہوگا مگر اسے لارہے ہیں۔

وزیر اطلاعات سندھ نے کہا کہ ایک منشیات فروش خاتون کو گرفتار کیا گیا ہے، اس پر اداروں کی حوصلہ افزائی کرنی چاہئے، ہم نے بھی اس خاتون کو گرفتار کرنے کی کوشش کی مگر ہمیں کامیابی نہ مل سکی سندھ کی تمام سڑکیں اور ہائی ویز اس وقت محفوظ ہیں، ہمیں پولیس کی حوصلہ افزائَی کرنی چاہئے۔

انہوں نے کہا کہ صدر زرداری کے دورہ چین میں پینے کے صاف پانی، زراعت اور لائیو اسٹاک سے متعلق منصوبوں پر ایم او یو سائن کیے، سی پیک کے بانی کوئی اور نہیں بلکہ آصف زرداری ہیں، میرے علم میں آج تک 28 ویں ترمیم کی کوئی بات نہیں، میری اطلاعات کے مطابق وفاقی حکومت کی جا نب سے کسی ترمیم کی بات نہیں کی گئی۔

کراچی: معرکہ حق میں کامیابی کا ایک سال مکمل ہونے پر سندھ حکومت کے زیر اہتمام شہر قائد میں یادگاری تقریب کا انعقاد کیا گیا۔

تقریب میں وزیراعلیٰ سندھ مراد علی شاہ، چیئرمین پیپلزپارٹی بلاول بھٹو، سینئر وزیر شرجیل انعام میمن، ارکان اسمبلی، اعلیٰ سول و عسکری حکام اور دیگر اہم شخصیات نے شرکت کی،تقریب کا آغاز تلاوتِ قرآن پاک سے ہوا جبکہ قومی ترانہ بھی بجایا گیا۔ تقریب میں معرکہ حق کی کامیابی سے متعلق دستاویزی فلم بھی پیش کی گئی۔

سینئر وزیر شرجیل انعام میمن نے خطاب کرتے ہوئے کہا کہ معرکہ حق میں پاک فوج نے دشمن کو منہ توڑ جواب دیا، یہ دن پوری قوم کے لیے عید سے کم نہیں تھا پاکستان ایک مضبوط ملک ہے اور کوئی بھی اسے میلی آنکھ سے نہیں دیکھ سکتا،پاک فوج نے دنیا کو واضح پیغام دیا کہ پاکستان ایک طاقتور ریاست ہے۔

شرجیل میمن نے کہا کہ شہید ذوالفقار علی بھٹو نے ملک کو ایٹمی طاقت بنایا جبکہ شہید بینظیر بھٹو نے میزائل ٹیکنالوجی کی بنیاد رکھی،بلاول بھٹو نے بھی عالمی سطح پر پاکستان کا مؤقف مؤثر انداز میں پیش کیا پوری قوم اپنی مسلح افواج کے ساتھ کھڑی ہے اور معرکہ حق کی کامیابی قوم کے لیے خوشی کا دن ہےمعرکہ حق کے بعد بلاول بھٹو زرداری نے عالمی سطح پر پاکستان کا مقدمہ بھرپور انداز میں لڑا،بلاول بھٹو زرداری نے بھارت کے دورے کے دوران کشمیر کے مسئلے کو مؤثر انداز میں اٹھایا اور عالمی برادری کو حقائق سے آگاہ کیا۔

شرجیل میمن کے مطابق بھارت کی حکمران جماعت نے بلاول بھٹو زرداری پر سخت ردعمل دیتے ہوئے ان کے خلاف بیانات دیے اور غیر معمولی سیاسی تنقید کی،بھارتی میڈیا نے اس دوران منفی اور غلط رپورٹنگ کی جبکہ پاکستانی میڈیا نے ذمہ دارانہ اور مثبت کردار ادا کیابھارت کے بعض چینلز پر یہ تاثر دیا جاتا رہا کہ لاہور اور کراچی کو نقصان پہنچا ہے، جو سراسر غلط اور بے بنیاد تھا، پاکستانی فضائیہ نے معرکہ حق میں دشمن کو بھرپور جواب دیا اور پاکستان نے اپنی دفاعی صلاحیت کا واضح ثبوت دیا۔

چیئرمین پاکستان پیپلزپارٹی بلاول بھٹو زرداری نے اپنے خطاب میں کہا کہ ایک سال قبل پاکستان نے بھارت کو بدترین شکست دی اور پاک فوج نے دشمن کو منہ توڑ جواب دیامعرکہ حق پاکستان کی تاریخ کا ایک سنہرا باب ہے، جس میں پوری قوم نے مثالی اتحاد، جذبے اور عزم کا مظاہرہ کیا۔

انہوں نے کہا کہ معرکہ حق میں ہر پاکستانی نے اپنا کردار بخوبی نبھایا، جبکہ افواج پاکستان نے میدان جنگ میں دشمن کو شکست دی، پاکستان کے سفارتکاروں نے بھی سفارتی محاذ پر بھرپور کردار ادا کیا اور دنیا کو مؤثر انداز میں پاکستان کا مؤقف پیش کیا، ہم نے دنیا کو واضح پیغام دیا کہ پاکستانی قوم جھکنے والی نہیں ہےیہ کامیابی پوری قوم کی یکجہتی کا نتیجہ ہے اور دنیا کو بتا دیا گیا کہ پاکستان ایک مضبوط ملک ہے۔

سینئر وزیر سندھ شرجیل انعام میمن نے کہا ہے کہ پاکستان واحد اسلامی ایٹمی طاقت ہے اور مختلف محاذوں پر کامیابیاں حاصل کر رہا ہے،حالیہ پیش رفت کے بعد پوری دنیا کو پاکستان کی اہمیت کا اندازہ ہو گیا ہے-

کراچی میں پریس کانفرنس کرتے ہوئے سینئر وزیر شرجیل انعام میمن نے کہا کہ دو روز قبل اسلام آباد میں ہونے والے اہم ایونٹ نے عالمی سطح پر پاکستان کی اہمیت کو اجاگر کیا، جس کا کریڈٹ سول اور ملٹری اداروں کو جاتا ہے، انہوں نے وزیراعظم، صدر اور آرمی چیف کو مبارکباد بھی پیش کی۔

انہوں نے کہا کہ پاکستان واحد اسلامی ایٹمی طاقت ہے اور مختلف محاذوں پر کامیابیاں حاصل کر رہا ہے،حالیہ پیش رفت کے بعد پوری دنیا کو پاکستان کی اہمیت کا اندازہ ہو گیا ہے اور ‘معرکۂ حق’ میں کامیابی کے بعد ملک کا عالمی وقار بلند ہوا ہے جبکہ بھارتی میڈیا اس صورتحال پر پریشان نظر آیا، بھارت کے لیے موجودہ صورتحال ایک امتحان بن چکی ہے اور سفارتی میدان میں وہ پیچھے جا رہا ہے، جبکہ پاکستان عالمی سطح پر اپنا مثبت اثر و رسوخ بڑھا رہا ہے اور اپنے خارجہ تعلقات کو مزید مضبوط بنا رہا ہے، پاکستان ایک ذمہ دار اور باوقار ریاست کے طور پر ابھر رہا ہے جو امن، استحکام اور ترقی کے لیے پرعزم ہے، اور دنیا میں ایک امن پسند ملک کے طور پر پہچانا جاتا ہے۔

انہوں نے کہا کہ صدر کی زیر صدارت ہونے والی میٹنگ میں چاروں وزرائے اعلیٰ شریک ہوئے، جبکہ بینظیر انکم سپورٹ پاکستان کے ذریعے اہم ڈیٹا اکٹھا کیا گیا دنیا کا بڑا ہاؤسنگ منصوبہ شروع کیا گیا ہے جس کے تحت 21 لاکھ خاندانوں کو گھر فراہم کیے جا رہے ہیں، جبکہ “بینظیر ہاری کارڈ” بھی متعارف کرایا گیا، تین لاکھ سے زائد چھوٹے کاشتکاروں کو فی ایکڑ 1500 روپے دیے گئے، گندم کی فصل کو بارشوں سے نقصان پہنچا تاہم کاشتکاروں کو ادویات فراہم کی گئیں اور اس سال گندم کی بہتر پیداوار حاصل ہوئی۔

انہوں نے کہا کہ پیٹرول کی قیمتوں میں اضافے کے بعد حکومت نے فیصلہ کیا ہے کہ موٹر سائیکل استعمال کرنے والوں کو ماہانہ 2 ہزار روپے دیے جائیں گے، جس کے لیے درخواست کا طریقہ کار جلد جاری کیا جائے گا عالمی منڈی میں تیل کی قیمتوں میں اتار چڑھاؤ کے اثرات پاکستان پر بھی پڑتے ہیں، کیونکہ ملک کو درآمدی تیل پر انحصار کرنا پڑتا ہے، لہٰذا پالیسی فیصلے انہی عالمی حالات کو مدنظر رکھ کر کیے جاتے ہیں پاکستان کے بیانیے کو عالمی سطح پر اجاگر کرنے کے لیے وفاق اور صوبے مل کر کام کر رہے ہیں، جبکہ لندن فیسٹیول میں سندھ حکومت کا منصوبہ “میرا لیاری” بھی پیش کیا جائے گا۔

شرجیل انعام میمن نے کہا کہ اس کے خلاف آگاہی مہم بینظیر بھٹو کے دور سے جاری ہے، جسے بعد میں مزید وسعت دی گئی آصفہ بھٹو زرداری نے بھی اس مہم میں اہم کردار ادا کیا انہوں نے عوام سے اپیل کی کہ وہ پولیو کے خاتمے کے لیے جاری مہم میں بھرپور حصہ لیں اور اپنے اردگرد لوگوں کو اس حوا لے سے آگاہ کریں، کیونکہ یہ ایک قومی اور انسانی فریضہ ہے۔

سندھ کے سینئر وزیر شرجیل انعام میمن نے عیدالفطر کے موقع پر زائد کرایے وصول کرنے والے ٹرانسپورٹرز کے خلاف بھرپور مہم شروع کرنے کی ہدایات جاری کر دی ہیں۔

سینئر وزیر شرجیل میمن نے پولیس، تمام اضلاع کی انتظامیہ، این ایچ اے، ٹریفک پولیس اور ٹرانسپورٹ سمیت تمام متعلقہ اداروں کو ہدایت کی ہے کہ وہ زائد کرایہ وصول کرنے والوں کے خلاف فوری کارروائی یقینی بنائیں۔

شرجیل میمن نے کہا کہ بعض ٹرانسپورٹرز کی جانب سے خودساختہ طور پر کرایوں میں اضافہ مسافروں پر اضافی مالی بوجھ ڈال دیتا ہے، جو کسی صورت قابل قبول نہیں ہے عوام کو زیادہ سے زیادہ سہولت فراہم کرنا اور بغیر اجازت کرایوں میں اضافے کو روکنا متعلقہ اداروں کی بنیادی ذمہ داری ہے تمام افسران اپنے اپنے دائرہ اختیار میں زائد کرایہ وصول کرنے والے ٹرانسپورٹرز کے خلاف بلاامتیاز کارروائی کریں اور روزانہ کی بنیاد پر کارروائیوں کی رپورٹ محکمے کو ارسال کریں۔

امریکا کسی نہ کسی طرح آبنائے ہرمز کو دوبارہ کھول کر اسے محفوظ اور آزاد بنا دے گا،ٹرمپ

انہوں نے کہا کہ مسافروں کو سرکاری مقررہ کرایوں پر محفوظ اور سہل سفر کی سہولت فراہم کرنا حکومت کی اولین ترجیح ہے، اس لیے تمام متعلقہ ادارے فیلڈ میں متحرک رہیں اور عوامی شکایات کا فوری ازالہ یقینی بنائیں۔

ایران اپنا دفاع ضرور کرے، تاہم ہمسایہ ممالک کو نشانہ نا بنائے،حماس