Tag: شوبز انڈسٹری

نامور اداکاروں کے بہن بھائیوں کا شوبز میں آنا کوئی نئی بات نہیں ہے ، بہت ساری مثالیں‌ موجود ہیں جن کے ماں باپ کے بعدان کے بچے شوبز انڈسٹری میں آئے ، کسی نے نام کمایا اور کسی کو ناکامی کا سامنا کرنا پڑا. اداکارہ مہوش حیات جو کہ کامیاب اداکارہ ہیں ان کی بہن افیشن حیات کافی عرصہ سے شوبز انڈسٹری میں‌ہیں تاحال ان کو کامیابی نہیں مل سکی . افیشن نے بہت کوشش کی ہے مہوش حیات کے زریعے بھی ان کو کافی کردار ملے ہیں لیکن وہ اپنی صلاحیتوں‌کا لوہا نہیں منوا سکیں. افیشن نے گلوکاری کر کے بھی دیکھ لی ہے اور ماڈلنگ بھی اداکاری مسلسل کررہی ہیں لیکن کامیابی نہیں‌مل سکی . یہاں تک کہ افیشن نے ایچ ایس وائے اور مہوش حیات کے ساتھ ایک ٹیلی فلم میں بھی کام کیا لیکن شاید ان کی قسمت

کی دیوی ان سے روٹھی ہوئی ہے. یاد رہے کہ افشین آج کل ڈرامہ سیریل” تنکے کا سہارا” میں رومانہ کا کردار ادا کرتی نظر آ رہی ہیں۔ افشین حیات کو ڈرامے میں سونیا حسین کی بہن بنایا گیا ہے لیکن وہ اپنی پرفارمنس سے ناظین کو بالکل بھی متاثر نہیں کرسکیں جس پر انہیں تنقید کا نشانہ بھی بنایا گیا ہے۔زیادہ ناظرین کا خیال ہے افشین کو ڈرامے میں کام ان کی بہن کی سفارش سے ہی ملا ہے۔ افشین کو ایکٹنگ کا چانس تو مل گیا ہے لیکن وہ اپنے کام سے انصاف نہیں کرسکیں.دیکھنا یہ ہے کہ بہن مہوش حیات کی سفارشیں اور افیشن کی قسمت کب ان کا ساتھ دیتی ہے.

پاکستانی اداکارہ لاشانہ جنہوں نے فلم، ٹی وی اور سٹیج پر اپنی صلاحیتوں کا لوہا منوایا انہوں نے کم وقت میں اپنی پہچان بنائی . انہوں نے جتنا بھی کام کیا وہ یقینا شائقین کو یاد رہ گیا. لاشانہ بہت تیزی سے شوبز انڈسٹری میں آگے بڑھیں جتنی تیزی سے وہ آگے بڑھیں اتنی ہی تیزی سے وہ شوبز انڈسٹری سے غائب بھی ہوئیں. انہوں نے کئی برس کے بعد حال ہی میں ایک انٹرویودیا ہے اس میں انہوں نے کہا ہے کہ میں نے ہمیشہ معیاری کام کرنے کو ترجیح دی. مجھے بھارتی فلموں میں کام کرنے کی پیشکش ہوتی رہی لیکن میرا جینا مرنا پاکستان کے ساتھ ہے اور میں سمجھتی ہوں کہ میں پاکستانی ہوں تو مجھے پاکستان میں رہ کر کام کرنا چاہیے جو لوگ بھارت میں کام کررہے ہیں وہ ان کی مرضی ہے میں اس پر

کمنٹ نہیں‌کرنا چاہتی ہر انسان اپنی مرضی میں آزاد ہوتا ہے وہ جو چاہے مرضی کرے .میرے ضمیر نے گوارہ نہیں کیا کہ میں انڈیا جا کر کام کروں اس لئے وہاں سے ہونے والی ہر پیشکش کو ٹھکرا دیا . انہوں نے کہا کہ میں جب شوبز انڈسٹری میں آئی تھی کہ تو مجھے نہیں پتہ تھا کہ لوگوں سے کیسے ڈیل کرنا ہے اس لئے مجھے بہت زیادہ نقصان بھی اٹھانا پڑا لیکن ٹھیک ہے تجربے وقت کے گزرنے کے ساتھ ہی ہوتے ہیں .

بہت کم ایسا ہوتا ہے کہ شوبز انڈسٹری کے لوگ اپنے پروفیشن کے بارے میں کوئی ایسی بات کریں‌جس کو سن کر ہر کوئی رہ جائے حیران . لیکن کچھ لوگوں‌کو شاید خبروں میں‌رہنے کا ہنر آتا ہے. اشنا شاہ کا شمار بھی ایسی اداکارائوں میں ہوتا ہے جو بے دھڑک ہو کر سچ بولتی ہیں اور پھر تنقید کی زد میں آجاتی ہیِ اشنا شاہ نے کبھی یہ پرواہ نہیں‌کی کہ میں سوشل میڈیا پر ویسے بھی زیر بحث رہوں گی اگر روٹین سے ہٹ کر کوئی بات کی. اشنا شاہ نے حال ہی میں سوشل میڈیا پر ایک پوسٹ کی ہے جس میں انہوں نے شوبز انڈسڑی کے لوگوں کے بارے میں کہا ہے کہ یہاں زیادہ

تر لوگ فراڈ ہوتے ہیں، لوگ جو ہوتے ہیں وہ بتاتے یا دکھاتے نہیں. پی آر کمپنیاں بیانیہ بناتی ہیں اورلوگ اس طرف بھاگ اٹھتے ہیں جس طرف ہجوم ہوتا ہے. یاد رہے کہ اشنا شاہ کا شمار پاکستانی کی اچھی اداکارائوں میں ہوتا ہے جنہوں نے کم وقت میں اپنی جگہ بنائی ہے. اشنا شاہ سکینڈلز کی زد میں بھی رہی ہیں لیکن یہ کبھی گھبراتی نہیں ہیں اور جو دل میں آتا ہے بول دیتی ہیں. اشنا فی الحال سکرین پر نظر نہیں آرہیں لیکن امید ہے کہ وہ جلد کسی اچھے پراجیکٹ کے ساتھ نظر آئیں گی.

اداکارہ صرحا اصغر جنہیں کافی پسند کیا جاتا ہے یہ سوشل میڈیا پر کافی متحرک رہتی ہیں صرحا اصغر انسٹاگرام پر اکثر اپنی ڈانس وڈیوز بھی شئیر کرتی رہتی ہیں. صرحا بہترین اداکارہ ہونے کے ساتھ ساتھ بہترین رقاصہ بھی ہیں. انسٹاگرام پر ہر وقت متحرک رہنے والی صرحا اصغر نے حال ہی میں ایک وڈیو جاری کی ہے جس میں بنی ہیں حاملہ خواتین کے لئے انسپریشن. وہ اس وڈیو میں وزش کرتی ہوئی دکھائی دے رہی ہیں اور انہوں نے کہا ہے کہ حمل کے دوران ورزش کرنا کوئی بہت اچنبے کی بات نہیں ہے. ماں‌بننے کا عمل کوئی بیماری نہیں ہے بلکہ ایک

خوبصورت احساس ہے. صرحا کے مطابق حمل کے دوران روز مرہ کی روٹین کو چھوڑ کر بالکل ہی اپنا آپ بھول جانا مناسب نہیں ہے اس دوران اچھا کھانا کھانے کے ساتھ پر سکون رہنا اور ورزش کرنا بہت ضروری ہوتا ہے . صرحا کی حالیہ وڈیو بتاتی ہے کہ حمل کے پیریڈ کو سر پر سوار نہیں کرنا چاہیے بلکہ خود پر توجہ دینے کے ساتھ ساتھ واک ورزش ہر چیز کرنی چاہیے . یاد رہے کہ صرحا اصغر کا ایک یوٹیوب چینل بھی ہے جہاں یہ اپنی صلاحیتوں‌کا اظہار کرتی رہتی ہیں. صرحا ڈراموں میں نظر آتی ہیں لیکن ابھی تک انہوں نے ایسا ڈرامہ نہیں‌کیا جس میں ان کا کردار مرکزی ہو.

عمموما شوبز انڈسٹری میں عمروں کے ساتھ ساتھ اپنے مالی حالات بھی دوسروں سے چھپائے جاتے ہیں لیکن کچھ لوگ ایسے بھی ہیں جو اپنے بارے میں کھل کر سچائی بیان کرتے ہیں . اداکارہ و میزبان فضا علی کا شمار بھی ایسے فنکاروں میں ہوتا ہے جو اپنے بارے میں کوئی بات نہیں چھپاتے. فضا علی نے پہلی بار کھل کر بتایا ہے کہ وہ جب شوبز انڈسٹری میں آئیں تو کن حالاتوں میں تھیں . انہوں نے حال ہی میں ایک انٹرویو دیا ہے اس میں انہوں نے بتایا ہے کہ میں جب شوبز انڈسٹری میں آئی تو میرے مالی حالات کچھ زیادہ اچھے نہیں تھے. میرے والد کینسر کے مریض تھے

مجھے ان کے علاج کے لئے پیسے چاہیے تھے ، گھر کی تمام تر ذمہ داری مجھ پر تھی میں تعلیم حاصل کررہی تھی . میں لنڈے بازار سے کپڑے لا کر پہنتی تھی اور زرا بھی شرم محسوس نہیں کرتی تھی . پھر میں نے بہت زیادہ محنت کی خدا نے میری محنت کا صلہ مجھے دیا اور ایک وقت مجھ پہ ایسا بھی آیا کہ میں نے اپنا گھر خریدا کہاں میرے پاس ایک فلیٹ کا کرایہ دینے کےلئے پیسے نہ تھے. فضا علی نے کہا کہ مشکل حالات میں گھبرانا نہیں چاہیے بلکہ ڈٹ کر مقابلہ کرنا چاہیے. یاد رہے کہ فضا علی اداکاری کے ساتھ ساتھ پروگرام ہوسٹ بھی کرتی ہیں.

عتیقہ اوڈھو کا کہنا ہے کہ آج ماضی کی نسب بہتر اور اچھا کام ہو رہا ہے یہ بات ماننے والی ہے ، اب بلکہ زیادہ کام ہو رہا ہے اور سب فنکاروں کو کام مل رہا ہے. عتیقہ نے ساتھ ہی ساتھ یہ بھی کہا کہ آج کے فنکار کام کے معاملے میں سنجیدہ نہیں ہیں سیٹ پر آکر تو وہ ڈائیلاگ یاد کررہے ہوتے ہیں. زیادہ تر نوجوان اداکار اپنی عمر کے حساب سے ہیرو اور مرکزی کردار ادا کرنے کی خواہش رکھتے ہیں، جس وجہ سے انہیں کام کم ملتا ہے۔عتیقہ اوڈھو نے کہا ہے کہ کسی بھی فنکار کا کا دس فیصد کام اچھا ہونا چاہیے لیکن میں اپنے کیرئیر کی تین دہائیوں پر نظر ڈالوں تو پتہ چلتا ہےکہ میرا 70 فیصد کام معیاری اور اچھا ہے. عتقیہ اوڈھو نے کہا کہ میں نے کبھی بھی ہلکے کرداروں والے سکرپٹس کواوکے نہیں کیا. عتیقہ کا مزید کہنا

ہے کہ میری خوش نصیبی ہے کہ مجھے لوگوں کی طرف سے مسلسل پیار اور محبت مل رہی ہے. یاد رہے کہ عتیقہ اوڈھو اداکارہ ہونے کے ساتھ ساتھ بیوٹیشن بھی ہیں ان کا اپنا ایک میک اپ برینڈ بھی ہے. عتیقہ اکثر اپنی ذاتی زندگی کو لیکر خبروں میں رہتی ہیں، لیکن وہ کبھی بھی کسی بات سے نہیں گھبراتیں وہ اس بات پر عمل پیرا ہے کہ ” زندگی ایک بار ملتی ہے اسے جی بھر کے جیو” .

مشی خان عفت عمر پر تنقید کرنے کا کوئی موقع ہاتھ سے جانے نہیں‌دیتیں. مشی خان کو عفت عمر پر یہ غصہ ہے کہ وہ پہلے عمران خان کی اگر حمایتی تھیں تو اب وہ کیوں ان کے خلاف بولتی ہیں دوسری طرف عفت عمر کہتی ہیں کہ عمران خان nے جس طرح کے دعوے کئے تھے وہ ویسے نہیں‌نکلے ان کے دعوے اور ان کی شخصیت دونوں مختلف ہیں. عفت عمر ادھر کوئی ٹویٹ کرتی ہیں ادھر مشی خان تنقید کرنے پہنچ جاتی ہیں. حال ہی میں جب عفت عمر نے اپنے شوہر کے ساتھ ٹویٹر پر تصویر لگائی اور کیپشن میں لکھا ” میں‌ ہوں اپنے صنم کی بانہوں میں ، تم جلو اور مرو یوتھیو” . اس تصویر پر مشی خان نے قوٹ ری ٹویٹ کر کے

لکھا کہ ”کیوں یہ کوئی بریڈ پٹ ہے جو ہمیں جلنا ہے ، ہمارا ٹیسٹ تم سے بہتر ہے ،ایسا صنم تمہیں مبارک ہمیں کیا ” .

عفت عمر نے اپنی ایک اور تصویر شئیر کرکے اسکا کیپشن لکھا ” برن ( جلو) . اس رپر بھی مشی خان پہنچ گئیں اور قوٹ ری ٹویٹ کرکے لکھا ” اس میں‌جلنے والی کیا بات ہے ڈارلنگ، بورنگ اور لنڈے کے ڈریس جیسی لک ہے ، خوش فہمی سے نکلو بہن” یاد رہے کہ مشی خان ہر اس انسان کو آڑھے ہاتھوں لیتی ہیں جو عمرا ن خان کا حمایتی نہیں ہے ان کے رویے میں اس حوالے رتی برابر بھی لچک نہیں ہے۔

بلبل پاکستان کا خطاب پانے والی گلوکارہ نیرہ نور کے انتقال کی خبر سے شوبز انڈسٹری کے لوگ ہیں کافی اداس، شوبز شخصیات نے سوشل میڈیا پر کچھ ان الفاظ کے ساتھ اپنے دکھ کا اظہار کیا .اداکار عمران عباس نے کہا ہے کہ ” افسوس کہ بلبل پاکستان اب ہم میں‌ نہیں رہیں ہم نے ایک خوبصورت آواز کو کھو دیا ہے. اداکارہ ریما خان نے گلوکارہ کی مغفرت کی دعا کی. یوسف صلاح الدین نے گلوکارہ کے انتقال پرغزل کے اشعار لکھ کر یاد کیا” سب کہاں‌کچھ لالہ و گل میں نمایاں‌ہو گئیں، خاک میں‌کیا صورتیں ہوں‌کہ پنہاں‌ہو گئیں”.سجل علی نے لکھا ” وطن کی مٹی گواہ رہنا ‘ .عثمان پیرزادہ نے لکھا کہ نیرہ نور ہمیں‌چھوڑ گئی ہیں ان کی آواز اور یادیں

ہمارے دلوں میں زندہ رہیں گی.اداکار شاہنواز صدیقی نے لکھا ” میری پیاری بھابھی نیرہ نور اپنے خالق حقیقی سے جا ملیں. ثانیہ سعید نے لکھا” ہمیں‌ ماتھے پر بھوسہ دو کہ ہم نے جگنوئوں کے تتلیوں کے دیس جانا ہے ”. فیشن ڈیزائنر بی جی نے لکھا ” پاکستان کی عظیم گلوکارہ انتقال کر گئیں. جویرا سعود نے لکھا ”روٹھے ہو تم تم کو کیسے منائیں پیا”. اداکار احسن خان نے بھی لکھاکہ” گلوکارہ کی اللہ مغفرت کرے” . اداکار احمد علی بٹ نے لکھا کہ ” بلبل ہمیں آج رات چھوڑ گئی آنٹی اللہ آپکی مغفرت کرے” . گلوکار احمد جہانزیب نے لکھا کہ ” نیرہ نور کی آواز نسلوں تک ان کے ساتھ رہے گی.گلوکارہ مہک علی نے لکھا کہ ” مجھے ابھی بھی یاد ہے میں نیّرہ نور جی کے گائے ہوئے مِلی ترانے سکول کے مُقابلوں میں گایا کرتی تھی ،نیّرہ جی آواز کے ساتھ ساتھ ایک بہت اچھی شخصیت کی مالک تھیں .نیّرہ جی اور ان کی آواز ہمیشہ ہمارے دِلوں میں زندہ رہیں گی”.