Tag: شوبز

ممبئی: بالی ووڈ جوڑے سدھارتھ ملہوترا اور کیارا اڈوانی نے اپنی پہلی اولاد کے والدین بننے والے ہیں جس کی آمد کی خوشخبری انہوں نے مداحوں کے ساتھ شیئر کی۔

باغی ٹی وی: جمعہ کے روز جوڑے نے انسٹاگرام پر ایک پوسٹ کے ذریعے یہ اعلان کیا کیارا نے ایک دلکش تصویر شیئر کی، جس میں وہ اور سدھارتھ ایک ننھے بچے کے موزے تھامے نظر آ رہے ہیں، کیپشن میں انہوں نے لکھا کہ ہماری زندگی کا سب سے بڑا تحفہ (بچے کا ایموجی) جلد آ رہا ہے۔

کیارا اور سدھارتھ کی اس خبر نے مداحوں اور فلمی صنعت کے ستاروں کو خوشی سے جھومنے پر مجبور کر دیا سوشل میڈیا پر مبارکبادوں کا تانتا بندھ گیا شوبز فنکاروں نے جوڑے کے لیے نیک تمناؤں کا اظہار کرتے ہوئے دونوں کو دعاؤں کے ساتھ مبارکباد دی-

پبلک اکاؤنٹس کمیٹی نے پی ٹی آئی دور حکومت میں کرپشن کی تحقیقات کیلئے اہم قدم اٹھا لیا

سدھارتھ اور کیارا نے فروری 2023 میں جیسلمیر کے سوریہ گڑھ ہوٹل میں ایک شاندار تقریب میں شادی کی تھی،کیارا اڈوانی حال ہی میں فلم "گیم چینجر” میں رام چرن کے ساتھ نظر آئیں جبکہ ان کے آئندہ پراجیکٹس میں "ڈان 3” اور "وار 2” شامل ہیں-

ہنگامی بنیادوں پر وفد افغانستان بھیجنا چاہتے ہیں،وفاق ٹی او آرز منظور کرے،بیرسٹر سیف

ٹرمینیٹر، ٹائٹینک اور اوتار فلموں کے خالق جیمز کیمرون نے امریکا چھوڑ دیا-

باغی ٹی وی : جیمز کیمرون، دی ٹرمینیٹر، ٹائٹینک اور اوتار کے خالق، کینیڈا کے فلم ساز ہیں، وہ 16 اگست 1954 کو کاپسکاسنگ، اونٹاریو، کینیڈا میں پیدا ہوئے،کیمرون ایک کینیڈین ہدایت کار، اسکرین رائٹر، اور پروڈیوسر ہیں وہ اپنے اختراعی خصوصی اثرات اور بڑے پیمانے پر پروڈکشن کے لیے جانے جاتے ہیں-

ڈائریکٹر جیمز کیمرون نے’’ٹرمنیٹر‘‘، ’’ٹائٹینک‘‘ اور ’’اوتار‘‘ جیسی یادگار فلمیں بنا کر عالمی شہرت پائی، وہ کینیڈا میں پیدا ہوئے مگر بیشتر زندگی امریکا میں گذاری، ڈائریکٹر امریکی شہری بننا چاہتے تھے مگر امریکا نے جنگیں شروع کیں تو اس ملک سے متنفر ہو گئے، اب وہ نیوز ی لینڈ کے شہری بن گئے ہیں اور کبھی امریکہ نہیں رہنا چاہتے، نئی فلمیں بھی کیوی کے دیس میں بنائیں گے۔

دنیا میں سب سے طویل اور سب سے مختصر دورانیے کا روزہ کہاں ہوگا؟

انہوں نےحالیہ انٹرویو میں کہا کہ ٹرمپ کا امریکا تمام مہذب و معقول باتوں سےمنہ موڑ رہا ہےجو نہایت خوفناک رجحان ہےاگر امریکیوں نے اپنے مفادات کی خاطر اعلی انسانی اقدار کو ملیامیٹ کردیا تو انہیں نظریاتی طور پہ کھوکھلا ہو کر تباہ ہونے میں دیر نہیں لگے گی۔

کیمرون کی پہلی فلم 1978 کی سائنس فکشن مختصر Xenogenesis تھی، جسے انہوں نے لکھا اور پروڈیوس بھی کیا،کیمرون کی کامیاب فلم The Terminator (1984) تھی، جسمیں آرنلڈ شوارزنیگر نے اداکاری کی تھی کیمرون نے ٹائٹینک (1997) کے لیے بہترین تصویر، بہترین ہدایت کار، اور بہترین فلم ایڈیٹنگ کے لیے اکیڈمی ایوارڈز جیتے، کیمرون نے اوتار (2009) اور اس کے سیکوئلز کی ہدایت کاری اور تحریر بھی کی، کیمرون کو اپنے کام کے لیے متعدد اکیڈمی ایوارڈز اور نامزدگیاں ملی ہیں۔

غزہ جنگ بندی معاہدہ:اسرائیل نے امریکی تجویز منظور کر لی،حماس کا توسیع سے انکار

ہولی وڈ امریکی اداکارہ 39 سالہ مشیل ٹریچن کی گھر سے لاش برآمد ہونے پر شوبز شخصیات سمیت ان کے مداحوں نے ان کی موت پر اظہار افسوس کیا ہے۔

خبر رساں ادارے ’ایجنسی اے ایف پی نے اپنی رپورٹ میں بتایا کہ ریسکیو اہلکاروں نے ایمرجنسی فون کال موصول ہونے پر مشیل ٹریچن کے فلیٹ پر پہنچے کر انہیں مردہ حالت میں پایا۔رپورٹ میں امریکی نشریاتی اداروں کا حوالہ دیتے ہوئے بتایا گیا کہ ہسپتال لائے جانے پر ڈاکٹرز نے اداکارہ کی موت کی تصدیق کی۔پولیس نے ابتدائی طور پر بتایا کہ اداکارہ کی موت کے حوالے سے کسی بھی غلط چیز یا کھیل کا کوئی شبہ نہیں، کمرے میں کسی طرح کی کوئی مشکوک چیز نہیں دیکھی گئی اور نہ ہی اداکارہ کے جسم پر کوئی مشکوک چیزیں تھیں۔

اے ایف پی نے امریکی نشریاتی ادارے ’اے بی سی نیوز‘ کی رپورٹ کا حوالہ دیتے ہوئے بتایا کہ مشیل ٹریچن نے کچھ عرصہ قبل ہی جگر کی پیوندکاری کروائی تھی اور وہ متعدد طبی پیچیدگیوں کا شکار بھی تھیں۔ڈاکٹرز، پولیس اور رشتے داروں نے ابتدائی طور پر اداکارہ کی موت کو طبعی قرار دیا ہے اور کسی بھی قسم کے شک کا اظہار نہیں کیا۔اداکارہ کی موت کی خبر سامنے آنے کے بعد شوبز شخصیات اور مداحوں نے اظہار افسوس کرتے ہوئے ان کے اہل خانہ کے لیے دعائیں بھی کیں۔

واضح رہے کہ مشیل ٹریچن نے بطور چائلڈ آرٹسٹ کیریئر کا آغاز کیا تھا، انہوں نے بچپن میں ہی امریکی ٹی وی ڈراموں سمیت ہولی وڈ فلموں میں کام کرنا شروع کردیا تھا۔مشیل ٹریچن نے ہولی وڈ کی نامور شخصیات کے ساتھ بھی کام کیا اور ان کا شمار امریکا کے چند معروف ترین چائلڈ آرٹسٹس میں ہوتا تھا۔مشیل ٹریچن کی موت کے بعد معروف ہولی وڈ شخصیات نے سوشل میڈیا پوسٹس شیئر کرتے ہوئے ان کی موت پر اظہار افسوس کرتے ہوئے انہیں خراج تحسین بھی پیش کیا۔

یاد رہے کہ اس سے قبل آسکر ایوارڈ یافتہ امریکی اداکار جین ہیکمین نیو میکسیکو میں اپنے گھر میں اہلیہ اور پالتو کتے کے ساتھ مردہ حالت میں پائے گئے ہیں۔رپورٹس کے مطابق گزشتہ روز 95 سالہ جین ہیک مین اپنی 63 سالہ اہلیہ بیٹسی اراکاوا نیو گھر میں مردہ پائے گئے۔چھ دہائیوں پر محیط کیرئیر میں جین ہیکمین نے 2 اکیڈمی ایورڈز (آسکر ایوارڈز) بھی اپنے نام کیے، اداکار کی عمر 95 سال اور انکی اہلیہ کی عمر 64 برس تھی۔ پولیس کے مطابق تاحال دونوں کو قتل کرنے کے کوئی شواہد سامنے نہیں آئے ہیں.

آسکر ایوارڈ یافتہ امریکی اداکار جین ہیکمین اور اہلیہ کی لاشیں برآمد

سندھ میں 13 جعلی ادویات کمپنیوں کے ناموں سے فروخت ہونے کا انکشاف

امریکی کمپنی نے اڑنے والی کار کی کامیاب آزمائش کر لی

انڈونیشیا : ہم جنس پرستی پر 2 افراد کو سر عام کوڑے مارے گئے

ممبئی: بالی ووڈ کی 78 سالہ معروف لیجنڈری اداکارہ ارونا ایرانی تھائی لینڈ کے دارالحکومت بینکاک میں گر کر زخمی ہوگئیں۔

باغی ٹی وی : رپورٹس کے مطابق دو ہفتے قبل بینکاک میں اداکارہ گر گئیں تھیں اور وہیں ان کا علاج جاری تھا تاہم ان کے زخمی ہونے کے حوالے سے تفصیلات نہیں بتائی گئیں، اداکارہ بیساکھیوں کی مدد سے چل رہی ہیں، اداکارہ کو اسپتال سے ڈسچارج کرنے کے بعد بینکاک سے ممبئی واپس لایا گیا جہاں انہیں وہیل چیئر کے ذریعے ائیر پورٹ سے باہر لایا گیا۔

ویڈیو اور تصاویر میں دیکھا جا سکتا ہے کہ ان کے پاؤں پر پلستر موجود ہے اور ان کے ہاتھ میں بیساکھیاں ہیں اداکارہ کا ممبئی میں ڈاکٹروں کی اسپیشل ٹیم علاج کرے گی تاہم انہیں اس وقت شدید تکلیف کا سامنا ہے۔

واضح رہے کہ لیجنڈری اداکارہ ارونا ایرانی نے ہندی، کنڑ، مراٹھی اور گجراتی فلموں میں 500 سے زائد کردار ادا کیے ہیں جن میں زیادہ تر معاون اور کردار اداکارہ کے طور پر تھیں، وہ بچپن میں ڈاکٹر بننے کی خواہش رکھتی تھیں لیکن مالی مشکلات کی وجہ سے چھٹی جماعت کے بعد تعلیم چھوڑنا پڑی انہوں نے 1961 کی فلم ’گنگا جمنا‘ میں بطور چائلڈ آرٹسٹ ڈیبیو کیا جہاں انہوں نے عذرا کے بچپن کا کردار نبھایا اس کے بعد وہ ’’ان پڑھ‘‘ میں نظر آئیں جس میں انہوں نے مالا سنہا کے بچپن کا کردار ادا کیا۔

ان کی مشہور فلموں میں ’’فرض، بوبی، فقیرا، سرگم، ریڈ روز، لو اسٹوری اور راکی‘‘ شامل ہیں بعد میں انہوں نے پروڈکشن اور ہدایت کاری میں بھی قدم رکھا اور مہندی تیرے نام کی، دیس میں نکلا ہوگا چاند، ربا عشق نہ ہووے اور ویدیہی جیسے مشہور ٹی وی ڈرامے پروڈیوس کیے۔

ممبئی: شاہ رخ خان، اجے دیوگن اور ٹائیگر شروف کو ایک گمراہ کُن اشتہار کی توثیق کرنے کے بعد عدالت میں پیش ہونے کا نوٹس جاری کر دیا گیا ہے۔

باغی ٹی وی : بھارتی میڈیا رپورٹس کے مطابق یہ اشتہار پان مسالہ برانڈ ’الائچی‘ کے لیے تھا، جس پر ریاست راجھستان کے شہر کوٹا میں ایک شکایت درج کی گئی ہے،اندر موہن سنگھ ہانی نامی ایک شہری نے ان اداکاروں کے خلاف قانونی کارروائی کی درخواست دی۔

شکایت کنندہ نے کہا کہ اشتہار میں پان مسالہ کی مصنوعات کی جھوٹی تشہیر کی گئی اور نوجوانوں کو گمراہ کرنے کی کوشش کی گئی، شاہ رخ خا ن، اجے دیوگن اور ٹائیگر شروف کے پان مسالہ برانڈ کے گمراہ کن اشتہار اور اس کی ٹیگ لائن ’بولو زبان کیسری‘ نے سب کی توجہ حا صل کر لی ہے، جس کے سبب اندر موہن سنگھ ہانی نامی شخص نے تینوں اداکاروں کے خلاف شکایت درج کرائی ہے۔

میئر کراچی مرتضیٰ وہاب عباسی شہید اسپتال کی لفٹ میں پھنس گئے

شکایت کنندہ کا کہنا ہے کہ شاہ رخ خان، اجے دیوگن، اور ٹائیگر شروف کئی نوجوانوں کے لیے رول ماڈل ہیں اور وہ ایسی پروڈکٹ کی تشہیر کے حصہ دار ہیں جس کے اشتہار میں دعویٰ کیا گیا تھا کہ مصنوعات میں کیسر (زعفران) شامل ہے، حالانکہ ایسا نہیں تھا، جس سے نوجوانوں کو غلط معلومات دی جا رہی تھیں۔

درخواست میں مزید کہا گیا کہ کمپنی نے اپنے دعوؤں کے حوالے سے کوئی ثبوت فراہم نہیں کیا، اور پیکیجنگ پر لکھے گئے انتباہات اتنے چھوٹے تھے کہ انہیں پڑھنا تقریباً ناممکن تھا، جس سے شفافیت پر سوالات اٹھتے ہیں۔

مصطفیٰ عامر قتل کیس،ملزم ارمغان کا ریمانڈ نہ دینے والے جج سے اختیارات واپس

کوٹا کنزیومر ڈسپیوٹ ریڈرسل کمیشن نے شکایت کی بنیاد پر کارروائی کرتے ہوئے شاہ رخ خان، اجے دیوگن، ٹائیگر شروف اور پان مسالہ بنانے والی کمپنی کو نوٹس جاری کر دیا ہے اور انہیں عدالت میں پیش ہونے کا حکم دیا ہے، درخواست گزار نے اشتہار پر فوری پابندی اور قانونی کارروائی کی درخواست کی ہے۔

ممبئی: بالی ووڈ کی پروڈیوسر رینو چوپڑا نے کہا ہے کہ شاہ رخ خان نے ان کےبیٹے کی پہلی فلم اتفاق کیلئے بغیر سود کے فنڈ دیا تھا-

باغی ٹی وی : آنجہانی فلمساز روی چوپڑا کی اہلیہ اور پروڈیوسر رینو چوپڑا نے ایک حالیہ انٹرویو میں شاہ رخ خان کی سخاوت کی تعریف کی، انہو ں نےبتایا کہ کس طرح شاہ رخ نے اپنے بیٹے ابھے چوپڑا کی ہدایت کاری میں بننے والی پہلی فلم ”اتفاق“ کو سپورٹ کیا تھا جب کہ ان کے پاس اسے بنانے کے لیے پیسے نہیں تھے اور انہوں نے اس رقم پر سود لینے سے بھی انکار کر دیا تھا۔

فلمساز رینو نے کہا کہ شاہ رخ خان 2017 کی فلم ”اتفاق“ کے لیے کیسے آئے؟ انہوں نے کہا کہ جب ہم اتفاق بنارہے تھے تو شاہ رخ کے دفتر اور ہمارے دفتر کی دیوار مشترکہ تھی ، ہم نے ان کے ساتھ فلم کرنے کا فیصلہ کیا ، میں نے ان سے پوچھا کیا میں آؤں؟ انہوں نے کہا نہیں آپ نہیں آئیں گے، میں آپ کے پاس آؤں گا، تاہم جب وہ تین ہفتوں تک ان سے ملنے نہیں آئے تو چوپڑا نے پہل کرنے کا فیصلہ کیا۔

شیخ حسینہ کی حکومت کا خاتمہ کرنیوالے طلبا کا سیاسی جماعت بنانے کا فیصلہ

چوپڑا نے کہا کہ جب وہ شاہ رخ کے پاس پہنچیں تو انہوں نے کھلے دل سے مجھے ویلکم کیا اور پوچھا کہ میں کیا چاہتی ہوں؟ جب میں نے ان سے کہا کہ میرے پاس فلم کی سرمایہ کاری کے پیسے نہیں ہیں تو انہوں نے کہا، ’وہ میں لگا دونگا‘، ’میں نے بتایا کہ میرا بیٹا اپنے دل سے فلم بنائے گا یہ میرے سب سے چھوٹے بیٹے ابھے کی پہلی فلم تھی۔ انہوں نے کہانی بھی شاید نہیں پڑھی اور حامی بھر لی ۔ انہوں نے کہا، اگر آپ کا بیٹا اس میں ہے تو میں اس کا ساتھ دوں گا۔

رمضان المبارک اور عید الفطر کی تاریخوں کی پیشگوئی

انہوں نے کہا کہ سپر اسٹار نے سود لینے سے انکار کردیا جب فلم مکمل ہو گئی، دیگر تمام مالیات کی طرح، عام طور پر سود کی شرح بھی ہوتی ہے لیکن شاہ رخ نے کہا، ’نہیں، یہ میرے لیے حرام ہے میں اسے نہیں لوں گا”اتفاق“ کو شاہ رخ نے پروڈیوس کیا تھا اور ابھے چوپڑا نے اسے لکھا اور ڈائریکٹ کیا تھا اس فلم میں سدھارتھ ملہوترا، اکشے کھنہ، اور سوناکشی سنہا نے مرکزی کردار ادا کیے تھے اور باکس آفس پرفلم نے اچھا بزنس کیا تھا۔

ہم نےکسی آئی پی پی کو زبردستی منوایا نہ دباؤ ڈالا،معاون خصوصی برائے پاور