Tag: شوبز

کیلیفورنیا: بالی وڈ اداکارہ نرگس فخری اپنے دیرینہ دوست ٹونی بیگ کے ساتھ رشتہ ازدواج میں بندھ گئیں۔

باغی ٹی وی : بھارتی میڈیا رپورٹ میں دعویٰ کیا گیا ہے کہ اداکارہ نرگس فخری اور ٹونی بیگ نے حال ہی میں لاس اینجلس میں خفیہ طور پر شادی کی ہے جس میں صرف خاندان کے افراد اور قریبی دوستوں نے شرکت کی، نیا نویلا جوڑا شادی کے بعد ان دنوں سوئٹزرلینڈ میں ہے۔

دوسری جانب جوڑے کی جانب سے شادی کی کوئی بھی تصویر سوشل میڈیا پر مداحوں سے شیئر نہیں کی گئی اور نہ ہی دونوں میں سے کسی نے شادی کی خبر کی تصدیق یا تردید کی ہے تاہم مبینہ تقریب کی تصاویر سوشل میڈیا پلیٹ فارمز پر وائرل ہیں، وائرل تصاویر میں شادی کا خوبصورت کیک موجود ہے جس پر ’ہیپی میرج‘ لکھا ہے اور اس پر جوڑے کے نام کے ابتدائی الفاظ آویزاں بھی ہیں، دوسر ی تصویر پلے کارڈ کی ہے جس پر ’NF‘ اور ’TB‘ لکھا ہے۔

بھارتی میڈیا کے مطابق نرگس فخری اور ٹونی بیگ 3 سال سے ڈیٹ کررہے ہیں، ٹونی بیگ کے حوالے سے بتایا جاتا ہے کہ وہ لاس اینجلس میں مقیم کشمیری نژاد بزنس مین ہےجوڑے نے دبئی میں نئے سال 2024 کا استقبال ساتھ کیا تھا جہاں بالی وڈ اداکارہ کے سابق بوائے فرینڈ ادے چوپڑا بھی موجود تھے۔

اداکارہ نرگس فخری نے شادی سے قبل بھارتی میڈیا کو دیئے گئے ایک انٹرویو میں ٹونی بیگ کا نام لیے بغیر کسی سے تعلق میں ہونے کا اعتراف کیا تھا اور ان کا کہنا تھا کہ ’میں تفصیلات میں نہیں جانا چاہتی لیکن میری زندگی میں کوئی ہے اور میں بہت خوش ہوں ۔

واضح رہے کہ امریکا سے تعلق رکھنے والی نرگس فخری بالی وڈ کی متعدد فلموں میں اداکاری کے جوہر دکھاچکی ہیں جن میں مدراس کیفے، پھٹا پوسٹر نکلا ہیرو، میں تیرا ہیرو، ساگاسم، اظہر، ڈشوم اور تورباز جیسی فلمیں شامل ہیں۔

لندن: پاکستانی اداکارہ میرا کی بہن شائستہ عباس نے میرا پر عائد 10 برس کی پابندی کے حوالے سے وضاحت کی

باغی ٹی وی : پاکستانی اداکارہ میرا کی بہن شائستہ عباس نے انکشاف کہ انگریزی نہ آنے کی وجہ سےمیرا پر لندن میں آنے پر پابندی لگ گئی ہے، انہوں نے بتایا کہ جب میں 6 برس کی تھی اس وقت ہمارے والد کا انتقال ہو گیا تھا جس کے بعد گھر کی مکمل ذمے داری میرا پر آ گئی تھی، میرا تمام بہن بھائیوں میں سب سے بڑی ہیں۔

شائستہ عباس نے بتایا کہ وہ برطانیہ میں وکیل ہیں، میرا نے تمام بہن بھائیوں کو اعلیٰ تعلیم دی، تمام اہلِ خانہ کو والد کے انتقال کے فوراً بعد ہی برطانیہ میں سیٹل کر دیا تھا، ہماری مکمل تعلیم لندن کی ہے میں کچھ وقت کے لیے پاکستان آئی تھی، وہاں بزنس کی تعلیم حاصل کی لیکن جلد ہی لندن واپس آنے کے بعد میں نے وکالت کی تعلیم حاصل کی۔

چاہت فتح علی خان نے ’چل چھیاں چھیاں‘ کا ری میک بھی بنا دیا

انہوں نے بتایا کہ میرا نے ویزا درخواست فارم میں غلط انگریزی لکھ دی تھی، جس کی وجہ سے ان پر 10 برس کی پابندی لگی تھی، جو اب مکمل ہو چکی ہے میرا کی غلطی بہت معمولی سی تھی لیکن برطانوی حکومت نے اسے بہت سنجیدگی سے لے لیا اور ان پر 10 برس کی پابندی لگا دی تھی، یہ ان دنوں کی بات ہے جب ہمارے درمیان اختلافات چل رہے تھے، میں لندن میں رہنا چاہتی تھی جبکہ میرا پاکستان میں رہنا چاہتی تھیں اور یہ بھی چاہتی تھیں کہ میں پاکستان واپس آ کر شوبز انڈسٹری جوائن کروں لیکن میں ایسا نہیں چا ہتی تھی۔

آئی سی سی کی ون ڈے رینکنگ جاری،شاہین آفریدی اور بابر اعظم کی تنزلی

ممبئی: سوشل میڈیا انفلوئنسر اپوروا مکھیجا کی قریبی دوست ردا تھرنا کو ریپ کی دھمکیاں ملنے لگی ہیں۔

باغی ٹی وی : بھارت میں ایک یوٹیوب شو کی وجہ سے تنازع میں مزید شدت آنے لگی،ردا تھرنا کو ریپ کی دھمکیاں ملنے لگیں یہ دھمکیاں اس وقت سامنے آئیں جب یوٹیوب شو ’انڈیاز گاٹ لیٹنٹ‘ میں ان کے متنازع ریمارکس سوشل میڈیا پر وائرل ہوئے۔

ردا تھرنا نے اپنے سوشل میڈیا اکاؤنٹ پر لکھا کہ مجھے کبھی شک نہیں ہوا کہ کچھ لوگ صرف عورت ہونے کی وجہ سے خواتین سے نفرت کرتے ہیں،خواتین محض سانس لینے، جینے، خود سے محبت کرنے اور ترقی کرنے کے جرم میں نشانہ بنتی ہیں ایک عورت اگر وہی مسئلہ اٹھائے جو کوئی اور کرے تو اس پر زیادہ سخت ردعمل آتا ہے۔

معروف بالی ووڈ اداکارہ اور ہدایتکارہ لاہور پہنچ گئیں

واضح رہے کہ منگل کے روز بھارتی حکومت کی ہدایات پر یوٹیوب نے متنازع قسط کو پلیٹ فارم سے ہٹا دیا یہ شو جون 2024 میں شروع ہوا تھا اور اب تک 18 اقساط نشر ہو چکی تھیں یہ معاملہ یوٹیوبر رنویر الہ آبادیہ عرف بیئر بائسیپس کے قابلِ اعتراض کمنٹس کے بعد شروع ہوا تھا انہیں بھی اس تنازع میں شدید تنقید کا سامنا کرنا پڑ رہا ہے۔

144 سال بعد اے پی کو اوول آفس اور ایئر فورس ون تک رسائی سے روک دیا گیا

ممبئی پولیس نے بدھ کے روز اس معاملے میں اپوروا مکھیجا سمیت چار افراد کے بیانات قلمبند کیے تھے،اس تنازع کے بعد اپوروا مکھیجا کو آئیفا ایوارڈز کے سفیروں کی فہرست سے ہٹا دیا گیا ہے یہ تقریب آئندہ ماہ جے پور، راجستھان میں منعقد ہونی ہے کیونکہ اپوروا مکھیجا بھی رنویر الہ آبادیہ کے ساتھ ’انڈیاز گاٹ لیٹنٹ‘ کی اس قسط میں شریک تھیں جس میں یہ تنازع کھڑا ہوا اور انہیں کے ریمارکس نے تناز ع کو مزید ہوا دی تھی-

سوشل میڈیا انفلوئنسر کا ایلون مسک کا بچہ جنم دینے کا دعویٰ

بالی وڈ اداکارہ جیکولین فرنینڈس کو ویلنٹائن ڈے پر سکیش چندرشیکھر کی جانب سے ایک محبت بھرا خط اور قیمتی تحفہ ملا ہے۔

باغی ٹی وی : بھارتی میڈیا کے مطابق سکیش چندرشیکھر کروڑوں روپے کے فراڈ کے الزامات میں 2015 سے جیل میں قید ہےجب 2021 میں تحقیقاتی ایجنسی انفورسمنٹ ڈائریکٹوریٹ نے اس کے خلاف تحقیقات شروع کیں، تو اس کا تعلق بالی وڈ اداکارہ جیکولین فرنینڈس سے سامنے آیا چندر شیکھر سے منسوب کروڑوں روپے کے منی لانڈرنگ کیس میں اداکارہ جیکولین فرنینڈس بھی ملزم نامزد ہوئیں۔

بعد ازاں ملزم سکیش چندر شیکھر نے جیکولین فرنینڈس کی منی لانڈرنگ میں ملوث ہونے کی تردید کی سکیش کا دعویٰ ہے کہ وہ جیکولین کو ڈیٹ کر رہا تھا، اور ان دونوں کی کچھ تصاویر بھی انٹرنیٹ پر وائرل ہوئیں،تاہم جیکولین نے ان دعوؤں کو مسترد کیا اور کہا کہ سکیش نے مجھے دھوکہ دیا اور خود کو ایک معزز بزنس مین کے طور پر پیش کیا۔

چیف جسٹس پاکستان کااہلیہ کے ہمراہ ایس او ایس ولیج پشاور کا دورہ

اس کے علاوہ جیکولین نے سکیش پر دھمکانے اور ہراساں کرنے کا الزام بھی لگایا، جس کے باعث وہ شدید خوف اور ذہنی دباؤ کا شکار ہوئیں جیکولین فرنینڈس نے سکیش چندرشیکھر کے پیغامات روکنے کے لیے درخواست دائر کی ہوئی ہے تاہم اس کے باوجود ان پیغامات اور خطوط کا سلسلہ جاری ہےاور گزشتہ روز 14 فروری کو ویلنٹائن ڈے پر شیکھر کی جانب سے جیکولین کو ایک اور محبت بھرا خط اور قیمتی تحفہ ملا ہے-

بھارتی میڈیا کا دعویٰ ہے کہ جیکولین فرنینڈس سے ماضی میں مبینہ تعلق میں رہنے والے ملزم سکیش چندر شیکھر نے جیکولین کو ویلنٹائن ڈے پر خط کے ہمراہ شاندار تحفہ بھی بھیجا ہے چندر شیکھر نے ویلنٹائن ڈے پر اداکارہ کو خط کے ہمراہ قیمتی پرائیویٹ جیٹ( نجی طیارہ) تحفے میں دیا ہے۔

5 اکتوبر جلاؤ گھیراؤمقدمہ میں سلمان اکرم راجہ قصوروارقرار

بھارتی میڈیا کے مطابق سکیش چندر شیکھر نے جیکولین کے نام خط میں لکھا کہ ‘ جیکی، میں تم سے بہت، بہت محبت کرتا ہوں، تم جانتی ہو کہ ہمارے لیے ویلنٹائن ڈے کتنا خاص ہے، ہماری محبت کا آغاز اسی دن ہوا تھا، وہ دن جب ہم نے ایک دوسرے کو مکمل طور پر قبول کیا اور معاف کیا یہ ہمیشہ ہماری زندگی کا سب سے خاص دن رہے گا ویلنٹائن ڈے ہے، تو میں تمہیں سرپرائز دیے بغیر کیسے رہ سکتا ہوں؟ تمہارا ویلنٹائن ڈے گفٹ ایک خاص طور پر تیار کردہ گلف اسٹریم جیٹ ہے’۔

بھارتی میڈیا کا کہنا ہے کہ چندر شیکھر نے خط میں بتایا کہ اس جہاز کا رجسٹریشن نمبر جیکولین کی تاریخ پیدائش ہےاپنے خط میں چندر شیکھر نے یہ بھی ذکر کیا کہ وہ اس جیٹ کو اپنی ٹیکس ریٹرنز میں ظاہر کرے گا۔

مفتی قوی نے راکھی ساونت کو رلا دیا

قبل ازیں جیکولین فرنینڈس کو سُکیش چندرشیکھر نے تہاڑ جیل سے کرسمس کے موقع پر ایک خط کے ساتھ فرانس کے جنوبی علاقے میں 107 سال پرانا انگوروں کا باغ تحفے میں دیا تھا-

سکیش چندرشیکھر نے جیکولین کو اپنے خط میں "بیبی گرل” کہہ کر مخاطب کیا اور انہیں کرسمس کی مبارکباد دیتے ہوئے اپنی محبت کا اظہار کیا تھا

سکیش نے لکھا تھا کہ "تمہارے بغیر میرا سانتا کلاز بننا ناممکن ہے اس سال میں تمہیں صرف شراب کی بوتل نہیں بلکہ محبت کے ملک ‘فرانس’ میں ایک پورا باغ تحفے میں دے رہا ہوں، جس کا تم نے کبھی خواب بھی نہیں دیکھا ہوگا جلد ہی تمہارے ساتھ اس باغ میں چہل قدمی کرنے کے خواہشمند ہوں-

پاکستان میں دہشت گرد حملوں کی بڑھتی وجہ افغان طالبان کی مدد قرار

بھارت میں رنویر الٰہ آبادیہ کے متنازع بیان پر پولیس تحقیقات میں شو کے متعدد افراد کو طلب کر لیا گیا ہے۔

باغی ٹی وی : بھارتی یوٹیوبر اور پوڈکاسٹر رنویر الٰہ آبادیہ نے کامیڈین سمے رائنا کے شو میں ایک انتہائی غیر مناسب سوال پوچھا جس پر ملک بھر میں غم و غصہ کا اظہار کیا گیا۔

رنویر الٰہ آبادیہ کا سوال تھا کہ کیا آپ اپنے والدین کو اپنی ساری زندگی جنسی تعلقات میں مشغول دیکھنا پسند کریں گے یا ایک بار میں ان کی زندگی روکنے کے لئے آپ اس میں شامل ہوں گے؟“ اس سوال کے بعد شو کا ویڈیو کلپ وائرل ہوگیا اور فوری طور پر اس پر احتجا ج شروع ہوگیا۔

حسینہ واجد کی حکومت نےے انسانیت کے خلاف جرائم کیے

مہاراشٹر سائبر پولیس نے اس معاملے کی تحقیقات کا آغاز کیا اور اس کے تحت شو کے میزبان سمے رائنا، رنویر الٰہ آبادیہ اور دیگر مشہور سوشل میڈیا انفلوئنسرز کو طلب کر لیا ہے جنہوں نے اس شو میں حصہ لیا ان میں مزاحیہ اداکار تنمے بھٹ، اداکارہ راکھی ساونت، انٹر نیٹ پرسنالٹی عرفی جاوید، اداکار سدھانت چترویدی اور سوشل میڈیا سیلیبریٹی دیپک کلال شامل ہیں۔

پولیس نے شو کے حوالے سے فحش مواد نشر کرنے کا الزام عائد کرتے ہوئے 30 افراد کے خلاف ایف آئی آر درج کی ہے، جن میں شو کے ججز، شرکا، منتظمین اور دیگر لوگ شامل ہیں، اس میں کہا گیا ہے کہ شو میں شریک افراد نے غیر مہذب اور گندی زبان کا استعمال کیا، اور ایک شریک نے اروناچل پردیش کے بارے میں متنازعہ ریمارکس بھی کیے۔

آئی سی سی نےشاہین شاہ آفریدی،سعود شکیل اور کامران غلام پر جرمانہ عائد کر دیا

دوسری جانب مہاراشٹر خواتین کمیشن کی چیئرپرسن روپالی چاکنکر نے کہا کہ کمیشن نے پولیس کو شو کی نشریات روکنے اور اس پر ضروری قانونی کارروائی کرنے کی ہدایت دی ہے انہوں نے یہ بھی کہا کہ کمیشن اس معاملے پر رپورٹ طلب کرے گا۔

اسی دوران، آسام کے وزیر اعلیٰ ہمانتا بسوا سرما نے بھی سوشل میڈیا پر اس معاملے میں سخت کارروائی کرنے کا اعلان کیا تھا اس کے بعد ان کی ریاست میں بھی رنویر الٰہ آبادیہ اور دیگر کے خلاف مقدمہ درج کیا گیا،پولیس نے شو میں شامل دیگر افراد کے بیانات بھی ریکارڈ کر لیے ہیں، جن میں آشیش چنچلانی اور اپوروا مکھیجا شامل ہیں یہ معاملہ ابھی بھی تحقیقات کے مرحلے میں ہے اور اس پر مزید کارروائی کی توقع ہے۔

امریکا کےریویرامنصوبے پر اعتراض نہیں مگرفلسطینیوں کو غزہ سے نہ نکالاجائے،سعودی سفیر