ممبئی: بھارتی کامیڈین کپل شرما سمیت 4 معروف شخصیات کو قتل کی دھمکیاں موصول ہوئی ہیں۔
باغی ٹی وی : بھارتی خبر ایجنسی این ڈی ٹی وی کی رپورٹ کے مطابق سگندھا مشرا، کوریوگرافر ریمو ڈی سوزا، اداکار راج پال یادیو اور کپل کو قتل کرنے کی ای میلز موصول ہوئی ہیں پولیس کی جانب سے دعویٰ کیا جارہا ہے کہ دھمکیاں بیرون ملک سے موصول ہوئی ہیں۔
بی این ایس کی دفعہ 351(3) کے تحت ایک نامعلوم شخص کے خلاف امبولی پولیس میں ایف آئی آر درج کی گئی ہے جس کی پولیس نے تحقیقات شروع کردی ہےای میل میں لکھا تھا کہ ہم آپ کی حالیہ سرگرمیوں کی نگرانی کررہے ہیں اور ہمارا ماننا ہے کہ یہ ضروری ہے ہم آپ کی توجہ ایک حساس معاملے کی طرف دلائیں، یہ کوئی پبلسٹی اسٹنٹ یا آپ کو ہراساں کرنے کی کوشش نہیں ہے، ہم آپ سے گزارش کرتے ہیں کہ اس پیغام کو انتہائی سنجیدگی اور رازداری سے لیں۔
پاکستان امریکہ کے ساتھ خوشگوار تعلقات کا خواہاں ہے،ترجمان دفتر خارجہ
پولیس کے مطابق ای میل بھیجنے والے نے اختتام پر نام ‘بِشنو’ لکھا ہوا تھا ،ای میل میں ان مشہور شخصیات سے 8 گھنٹے میں جواب طلب کیا گیا ورنہ انہیں ذاتی اور پیشہ ورانہ اعتبار سے نتائج بھگتنے کی دھمکیاں دی گئی ہیں۔
پولیس کے مطابق ابتدائی تحقیقات سے معلوم ہوا کہ ای میلز کا آئی پی ایڈریس پاکستان سے ٹریس ہوا ہے مزید تفتیش جاری ہے تاکہ معاملے کی تہہ تک پہنچا جا سکے۔
سیف علی خان واقعی زخمی تھے یا صرف ایک” اداکاری” تھی،حملے پر سوال اٹھ گئے
کامیڈین کپل شرما نے حال ہی میں پولیس میں شکایت درج کرائی ہے، ان سے پہلے سگندھا مشرا اور ریمو ڈی سوزا نے بھی یہی میل موصول ہونے کے بعد پولیس اسٹیشن میں شکایت درج کروائی تھی راج پال یادیو کو یہ میل گزشتہ سال 14 دسمبر میں موصول ہوئی تھی جس کے بعد انہوں نے 17 دسمبر کو پولیس میں شکایت درج کرائی، یہ میل راج پال یادیو کے میل کے اسپام باکس میں پڑی تھی۔
راج پال یادیو نے این ڈی ٹی وی کو بتایا کہ میں نے امبولی پولیس اور سائبر کرائم ڈیپارٹمنٹ میں شکایت درج کرائی ہے، اس کے بعد میں نے کسی سے اس پر بات نہیں کی، میں ایک فنکار ہوں اور میں اپنی پرفارمنس سے سامعین کو محظوظ کرنا چاہتا ہوں، ایجنسیاں اس معاملے کو دیکھیں-
پشاور ،بھکاریوں کیخلاف آپریشن، 24 ٹھیکے داروں کی نشاندہی، 120بھکاری گرفتار
یہ واقعہ 16 جنوری کو بالی ووڈ اداکار سیف علی خان پر چاقو سے حملہ کرنے کے چند دن بعد پیش آیا ہے حملہ آور کا مقصد چوری بتایا گیا تھا، پولیس نے معاملے کو سنجیدگی سے لیتے ہوئے سیکیورٹی اقدامات بڑھا دیئے ہیں اور مزید تحقیقات کا آغاز کر دیا گیا ہے۔
