Tag: شوبز

ممبئی: بابا صدیقی کے قتل کے بعد سلمان خان کی جان کو خطرہ مزید بڑھ گیاہے یہی وجہ ہے کہ ان کی سیکیورٹی کو بھی سخت کردیا گیا ہے-

باغی ٹی وی : بابا صدیقی کے قتل کے بعد سلمان خان کی جان کو خطرہ مزید بڑھ گیاہے یہی وجہ ہے کہ ان کی سیکیورٹی کو بھی سخت کردیا گیا ہے،سلمان خان کے باڈی گارڈ شیرا کا ایک پرانا انٹرویو آج کل سوشل میڈیا پلیٹ فارم پر تیزی سے وائرل ہورہا ہے، جس میں انہوں نے اداکار کی حفاظت میں سب سے بڑے چیلنج کا ذکر کیا تھا۔

بابا صدیقی کے قتل کی ذمہ داری بھی اسی گینگ نے قبول کی ہےجو کچھ عرصے سے سلمان خان کو مسلسل جان سے مارنے کی دھمکیاں دے رہا ہے اور جنہوں نے کئی بار سلمان خان پر حملہ کرنے کی کوشش بھی کی ہے، اس موقع پر ان کے باڈی گارڈ شیرا کی ایک پرانی ویڈیو سوشل میڈیا پر مداح دوبارہ شیئر کر رہے ہیں۔

جس میں انہوں نے کہا تھا کہ سلمان خان کی جان کو خطرہ ہے اور جن اسٹارز کی جان کو خطرہ ہوتا ہے انہیں بھیڑ میں نکلنا مشکل ہوتا ہےشیرا نے سلمان خان کی حفاظت میں درپیش سب سے بڑے چیلنج کا ذکر کرتے ہوئے کہا تھا کہ اگر آپ کسی بڑے اسٹار کی حفاظت کی ذمہ داری اٹھاتے ہیں تو آپ کو صحیح وقت پر صحیح فیصلے لینا ہوتے ہیں شیرا نے سلمان خان کی سیکیورٹی میں سب سے بڑا چیلنج ان کے مداحوں کو ٹھہرایا۔

انہوں نے کہا کہ ان کے لیے سب سے بڑا چیلنج ان کے مداحوں کو سنبھالناہے، جب سلمان خان ہجوم میں جاتے ہیں تو لوگوں کا جم غفیر سنبھالناایک چیلنج بن جاتا ہےہمارا کام سلمان خان کی حفاظت کرنا ہوتا ہےجبکہ مقامی سیکیورٹی اہلکار بھیڑ کو سنبھالتے ہیں-

واضح رہے کہ شیرا گذشتہ 25 سالوں سے سلمان خان کے باڈی گارڈ کی حیثٰیت سے ان کی حفاظت کے فرائض سر انجام دے رہے ہیں-

ممبئی: پاکستان کی بلاک بسٹر فلم ‘دی لیجنڈ آف مولا جٹ’ کی بھارت میں ریلیز روک دی گئی۔

باغی ٹی وی : بھارتی میڈیا کے مطابق پاکستانی فلم ‘دی لیجنڈ آف مولا جٹ’ آج 2 اکتوبر بدھ کے روز بھارتی ریاست پنجاب کے سینما گھروں میں ریلیز ہونی تھی لیکن ہندو انتہا پسند پارٹی نے فلم کی ریلیز روک دی،اس حوالے سے فلم کے ڈسٹری بیوٹر ندیم منڈی والا نے بھارتی میڈیا سے گفتگو کرتے ہوئے کہا کہ ‘دی لیجنڈ آف مولا جٹ’ کی ریلیز کے خلاف بھارتی عدالت میں درخواست دائر ہے جس کی وجہ سے بھارت میں فلم کی ریلیز روک دی گئی ہے۔

ندیم منڈی والا نےکہا کہ بدقسمتی سےفلم ‘دی لیجنڈ آف مولا جٹ’ کی ریلیز ایک بار پھر تعطل کا شکار ہو گئی ہے اور جب تک عدالت اپنا فیصلہ نہیں دیتی، کوئی کچھ نہیں کر سکتا، جب بھی فلم کی بھارت میں ریلیز ممکن ہوگی تو یہ پاکستانی فلم انڈسٹری کے لیے ایک بڑی کامیابی ہوگی۔

آرٹیکل 63 اے: نظرثانی اپیلوں پر تیسری سماعت آج ہو گی

یاد رہے کہ اُڑی حملے کے بعد 2016 میں پاکستانی فنکاروں کو بھارتی فلم انڈسٹری میں کام کرنے پر پابندی لگائی گئی تھی۔

پریکٹس اینڈ پروسیجر آرڈیننس 2024: درخواستوں کے قابل سماعت ہونے سے متعلق دلائل طلب

ایران کی جانب سے اگلا حملہ اس سے کہیں زیادہ تکلیف دہ ہوگا،ایرانی سپریم …

ممبئی: بالی ووڈ اداکار گووندا نے اپنے ریوالور سے غلطی سے ٹانگ میں گولی مار لی جس کے بعد انہیں اسپتال منتقل کردیا گیا۔

باغی ٹی وی : بھارتی میڈیا کے مطابق بالی ووڈ اداکار اور شیوسینا کے رہنما گووندا کو اپنے ہی لائسنس یافتہ ریوالور سے غلطی سے ٹانگ میں گولی لگنے کے بعد آج علی الصبح اسپتال لے جایا گیایہ واقعہ صبح تقریبا ساڑھے چار بجے اس وقت پیش آیا جب وہ باہر جانے سے پہلے ہتھیار رکھ رہے تھے اسپتال کے ذرائع کے مطابق گووندا کو صبح ساڑھے پانچ بجے اسپتال میں داخل کرایا گیا تھا اور اب ان کی حالت خطرے سے باہر بتائی جارہی ہے۔

بھارتی رپورٹس کے مطابق ابتدائی اطلاعات سےمعلوم ہوا ہے کہ گولی ان کے گھٹنے میں لگی، جس کے بعد انہیں ممبئی کے ایک اسپتال میں فوری طور پر طبی امداد فراہم کی گئی،ابھی تک گووندا کی فیملی اور ٹیم نے ان کی حالت کے بارے میں کوئی سرکاری بیان جاری نہیں کیا ہے۔

گووندا کے منیجر ششی سنہا نے بھارتی میڈیا کو بتایا کہ گووندا کولکتہ جانے کی تیاری کر رہے تھے وہ اپنا لائسنس یافتہ ریوالور رکھ رہے تھے کہ اچانک وہ ان کے ہاتھ سے گر گیا اور ایک گولی چلی جو ان کی ٹانگ میں لگی ڈاکٹر نے گولی نکال دی ہے اور ان کی حالت ٹھیک ہے وہ اس وقت اسپتال میں ہے۔

بھارتی رپورٹس کے مطابق پولیس صورتحال کا جائزہ لینے کے لئے موقع پر پہنچ گئی ہے اور انہوں نےگووندا کے ریوالور کو تحویل میں لے لیا ہے، فی الحال اس معاملے کی تحقیقات جاری ہیں۔

ممبئی: بالی وڈ گلوکار روہن پریت سنگھ نے اہلیہ اور نامور گلوکارہ نیہا ککڑ کے ساتھ طلاق کی افواہوں پر خاموشی توڑ دی۔

باغی ٹی وی : حال ہی میں گلوکار روہن پریت سنگھ نے ایک انٹرویو میں گفتگو کرتے ہوئے نیہا ککڑ سے طلاق کی افواہوں کے حوالے سے بتایا کہ ‘افواہیں تو افواہیں ہیں، وہ سچ تھوڑی ہیں، وہ تو بس بنی بنائی باتیں ہیں، کل کچھ اور تو پرسوں کوئی کچھ بولے گا، ان سے آپ اپنے ذاتی رشتے پر کوئی فرق نہیں پڑنے دیں۔’

روہن پریت سنگھ نے کہا کہ لوگوں کا کام ہے، اگر انہیں مزہ آرہا ہے تو انہیں کرنے دو، ہماری زندگی ہے اسے ہم اپنے حساب سے گزارتے ہیں،ذاتی اور پروفیشنل زندگی الگ ہونی چاہیے، بات اس کی ہوتی ہے جو کامیاب ہو، تو باتیں ہوتی رہنی چاہئیں تاکہ پتا چلے آپ ترقی کررہے ہیں۔’

واضح رہے گلوکار جوڑی روہن پریت سنگھ اور نیہا ککڑ نے 2020 میں شادی کی تھی، دونوں کے درمیان طلاق سے قبل بچے کی پیدائش کی خبریں سامنے آئی تھیں جس کی بعد میں تردید ہو گئی تھی۔

ہم ایک جاہل قوم ہیں،اداکارہ امر خان نے ایسا کیوں کہا؟

حزب اللہ کا موساد ہیڈ کوارٹر پر حملہ،اسرائیل نے تصدیق کر دی

ایف بی آر کا نان فائلرزکی کیٹیگری ختم کرنے کا فیصلہ