ممبئی: بالی وڈ کے مشہوراداکار نصیرالدین شاہ نے کہا ہے کہ پاکستانی دوستوں اور مداحوں سے جلد ملاقات کی امید ہے۔
باغی ٹی وی : کراچی کے ساحل کنارے سجی ادیبوں، قلمکاروں اور دانشوروں کی محفل، کراچی لٹریچر فیسٹول کے آخری روز آئینِ پاکستان، خبر کے سفر، ٹی وی ڈرامے کے بدلتے نقوش کے حوالے سے بات کی گئی سرپرائز سیشن کے دوران بھارتی اداکار نصیرالدین شاہ نے آن لائن شرکت کی۔
سوناکشی سنہا کے ناقابل ضمانت وارنٹ گرفتاری جاری
نصیرالدین شاہ کا کراچی لٹریچرفیسٹیول میں آن لائن گفتگوکرتے ہوئے کہنا تھا کہ اللہ نے چاہا توجلد پاکستان میں موجود دوستوں اورمداحوں سے ملاقات ہوگی۔
نصیرالدین شاہ کا مزید کہنا تھا کہ اداکار ہی نہیں بلکہ ہرشخص ہیرو بننا چاہتا ہے لیکن دنیا کوصرف اچھا کام یاد رہتا ہے اداکاری کے شعبے اورادب کا ایک دوسرے سے رابطہ ضروری ہے میں سمجھتا تھا کہ ناچ گانا میرے بس کی بات نہیں-
بالی ووڈ اداکار کا کہنا تھا کہ مرزا غالب اورفیض احمد فیض جیسے شاعروں نے میرے تخلیقی سفرمیں اہم کردار ادا کیا اوران شخصیات کی وجہ سےہی ادبی میلوں میں دلچپسی پیدا ہوئی۔
اداکار محب مرزا اور صنم سعید کی فلم "عشرت میڈ ان چائنا” ریلیز
واضح رہے کہ حال ہی میں نصیر الدین شاہ نے انکشاف کیا تھا کہ وہ اونوماٹومانیا (Onomatomania) نامی بیماری میں مبتلا ہیں جوکہ ایک نفسیاتی مرض ہے انہوں نے ایک انٹرویو میں اس بارے میں کھل کر بتایا کہ وہ کس طرح اونوماٹومانیا نامی بیماری میں مبتلا ہیں۔
نصیرالدین شاہ نے کہا تھا کہ میں اونوماٹومانیا نامی بیماری میں مبتلا ہوں، میں مذاق نہیں کر رہا، یہ ایک طبی حالت ہے آپ اسے ڈکشنری میں دیکھ سکتے ہیں یہ ایک ایسی بیماری ہے جس میں آپ بغیر کسی وجہ کے ایک لفظ یا ایک جملہ، ایک آیت یا تقریر کو دہراتے رہتے ہیں، میں اس طرح ہر وقت کرتا ہوں اس لیے میں کبھی بھی بالکل آرام نہیں کرتا، ہاں تک کہ جب میں سو رہا ہوں تب بھی وہ جملہ دہراتا رہتا ہوں-
اونوماٹومانیا (Onomatomania) کیا ہے؟
Onomatomania بعض الفاظ اور ان کی سمجھی جانے والی اہمیت کا تعین ہے۔ Onomatomania والے لوگ ان مخصوص الفاظ پر جنون رکھتے ہیں جو وہ بار بار استعمال کرتے ہیں۔
طبی ماہرین نفسیات کے مطابق اونوماٹومانیا (Onomatomania) ایک ایسی حالت ہے جہاں شخص کسی خاص لفظ، فقرے یا سطر کو بار بار دہرانے میں مصروف رہتا ہے اور بات چیت میں اسے بار بار استعمال کرنے کا رجحان رکھتا ہے۔
ماہرین کے مطابق یہ ایک نفسیاتی بیماری نہیں ہیں وہ کہتے ہیں کہ اونوماٹومانیا کو بیماری یا نفسیاتی حالت نہ کہیں، یہ کچھ لوگوں کو صرف اس صورت میں پریشان کر سکتی ہے جب یہ ہماری روزمرہ کی زندگی کو متاثر کرتی ہے جس میں ہماری ذاتی اور پیشہ ورانہ زندگی شامل ہے۔
