لاہور: ٹیلی ویژن کے سینئر اداکار فاروق ضمیر کو مداحوں سے بچھڑ ے 5 سال ہوگئے-

باغی ٹی وی : فاروق ضمیر 1941 کو پیدا ہوئے، انہوں نے گورنمنٹ کالج سے آرکیالوجی میں بی ایس سی کی ڈگری حاصل کی، دوران تعلیم ہی ان کا رجحان اداکاری کی طرف ہوگیا تھا فاروق ضمیر نے فنی کیریئر کا آغاز 90 کی دہائی سے کیا، انہوں نے رانی اور گڑیا سمیت متعدد معروف ڈراموں میں اپنی صلاحیتوں کے جوہر دکھائے ڈرامہ ”رانی“، ”گڑیا“،”سراغ زندگی“ اور ”کاغذ کی ناؤ“ نے تو ان کی شہرت کو چار چاند لگائے۔

بالی ووڈ میوزک ڈائریکٹر بپی لہری انتقال کر گئے

فاروق ضمیر نے اپنی اداکاری اور ڈائیلاگ ڈیلیوری کی وجہ سے منفرد مقام رکھتے تھے،وہ ایک رجحان ساز شخصیت کے مالک تھے فنی صلاحیتوں کے اعتراف میں حکومت پاکستان کی جانب سے انہیں2001 میں صدارتی ایوارڈ سے بھی نوازا گیا۔

سانس کی تکلیف کے باعث فاروق ضمیر 76برس کی عمر میں 23 فروری 2017 کو لاہور میں انتقال کر گئے لیکن ان کی جاندار اداکاری آج بھی ان کے مداحوں میں زندہ ہے۔

بھارتی اداکار پروین کماردل کا دورہ پڑنے سے انتقال کر گئے

پاکستان کے ابھرتے ہوئے اداکار ہارون کادوانی کا کہنا ہے کہ فیروز خان کی اداکاری کے ساتھ میری اداکاری کا موازنہ کرنا میرے لیے اعزاز کی بات ہے۔

باغی ٹی وی : تفصیلات کے مطابق حال ہی میں ٹیلی فلم ’’روپوش‘‘ میں نظر آنے والے اداکار ہارون کادوانی پاکستان کے معروف پروڈیوسر عبداللہ کادوانی کے بیٹے ہیں ہارون کادوانی اداکار فیروز خان کے ساتھ بے حد مشابہت کی وجہ سے مشہور ہیں۔

عالمی توجہ حاصل کرنے والےایمریٹس اشتہار میں برج خلیفہ مسخر کرنیوالی خاتون کون ہے؟

سوشل میڈیا پر جہاں لوگ ہارون اور فیروز خان میں مماثلت پر بات کرتے نظر آتے ہیں، وہیں لوگوں کا خیال ہے کہ ہارون کادوانی اداکاری کے ساتھ ساتھ فیروز خان کا اسٹائل بھی کاپی کرتے ہیں اور اسی وجہ سے انہیں اکثر سوشل میڈیا پر تنقید کا نشانہ بھی بنایا جاتا ہے پچھلے دنوں اسی حوالے سے ہارون کادوانی اور فیروز خان پر بنائی گئیں میمز بھی کافی وائرل ہوئی تھیں۔

حال ہی میں ایک انٹرویو کے دوران جب ہارون کادوانی سے فیروز خان کو کاپی کرنے کے حوالے سے سوال پوچھا گیا تو انہوں نے کہا میرا نہیں خیال کہ میرے چہرے اور فیروز خان کے چہرے میں کوئی مماثلت ہے لیکن اگر لوگوں کو ہم دونوں کو دیکھ کر ایسا لگتا ہے تو اس میں، میں کچھ نہیں کرسکتا۔

ہارون نے مزید کہا جہاں تک اداکاری کی بات ہے تومیں کہنا چاہوں گا کہ میں فیروز خان سے متاثر نہیں ہوں لیکن یہ میرے لیے بہت اعزاز کی بات ہے کہ لوگ میری اداکاری کا موازنہ فیروز خان کی اداکاری سے کرتے ہیں کیونکہ فیروز خان ایک معروف اور منجھے ہوئے اداکار ہیں-

واضح رہے کہ ہارون کادوانی کی ٹیلی فلم ’’روپوش‘‘ کو لوگوں کی جانب سے بہت اچھا ردعمل ملا ہے اس ٹیلی فلم میں ان کے ساتھ اداکارہ کنزہ ہاشمی نے مرکزی کردار ادا کیا تھا-

گلوکارعلی نور نے جنسی ہراسانی کا الزام لگانے والی خاتون صحافی سے معافی مانگ لی

معروف پاکستانی اداکار فیروز خان کے ہاں بیٹی کی پیدائش ہوئی ہے-

باغی ٹی وی : تفصیلات کے مطابق فیروز خان نے انسٹاگرام اسٹوری کے ذریعے اپنے مداحوں کو بیٹی کی پیدائش کی اطلاح دی اور اللہ کا شکر بھی ادا کیا فیروز خان نے اسٹوری میں ہیش ٹیگ کے ذریعے بتایا کہ انہوں نے اپنی بیٹی کا نام ‘فاطمہ خان’ رکھا ہے۔

اداکارہ شلپا شیٹھی بہن اور والدہ سمیت عدالت میں طلب

فیروز خان کو بیٹی کی پیدائش کے موقع پر مداحوں کی جانب سے مبارکبادپیش کی جارہی ہے۔

یاد رہے جوڑے کے ہاں یہ دوسرے بچے کی پیدائش ہے، اس سے قبل 3 مئی 2019 کو فیروز خان کے گھر پہلے بچے کی پیدائش ہوئی تھی جس کا نام محمد سلطان خان رکھا گیا تھا اداکار فیروز خان اور علیزے مارچ 2018 میں رشتہ ازدواج میں منسلک ہوئے تھے، کچھ عرصہ قبل یہ خبریں بھی منظرِ عام پر آئی تھیں کہ جوڑے کے درمیان علیحدگی ہوگئی ہے تاہم فیروز نے اس حوالے سے تصدیق نہیں کی تھی۔

اداکارہ سونیا مشال نکاح کے بندھن میں بندھ گئیں

فیروز خان پاکستانی فلموں میں اداکاری کے ساتھ ساتھ کئی معروف ڈراموں میں اپنی اداکاری کے جوہر دکھا چکے ہیں فیروز خان پاکستانی فلم ’زندگی کتنی حسین ہے ‘ میں اداکاری کر چکے ہیں جبکہ ڈرامہ انڈسٹری میں بھی فیروز خان’ خانی‘ اور ’رومیو ویڈز ہیر‘ جیسے معروف ڈراموں میں اداکاری کی-

نئےدور یا شہری فلموں کےنام پر کوڑے کا ڈھیرمت بیچیں،کنگنا کا دیپیکا کی فلم پر تبصرہ

تفصیلات کے مطابق اداکارہ سونیا نے گزشتہ شب اپنے نکاح کی تصدیق کی اداکارہ سونیا مشال کے نکاح کی تقریب گزشتہ روز اسلام آباد میں منعقد ہوئی تھی جس میں ان کے قریبی دوست اور احباب موجود تھے سونیا مشال نے اپنی زندگی کے سب سے خاص موقع پر ہلکے رنگ کا خوبصورت لباس زیب تن کیا ہے جس کے ساتھ اُنہوں نے سفید اور سبز رنگ کے گجرے بھی پہنے۔اداکارہ کے شوہر نے بھی اپنی اہلیہ کے لباس سے ہم رنگ لباس پہنا۔

مداحوں کی جانب سے سونیا مشال کی زندگی کے نئے سفر پر نیک خواہشات کا اظہار کیا جارہا ہے۔

اداکارہ کی جانب سے انسٹاگرام پر نکاح کی اسٹوریزشئیر کی گئیں ہیں جبکہ سوشل میڈیا کے مختلف پلیٹ فارمز پر بھی انکی خوبصورت تصاویر وائرل ہورہی ہیں سونیا نے انسٹاگرام اسٹوری پر مداحوں اور ساتھی اداکاروں کی جانب سے مبارکباد کے پیغامات بھی شیئر کیے تاہم انہوں نے اپنے شوہر سے متعلق کوئی تفصیل نہیں دی لیکن کہا جارہا ہے کہ سونیا مشال کے شوہر ان کے قریبی دوست ہیں۔

واضح رہے کہ سونیا مشال نے 2014 کے بعد اداکاری کا آغاز کیا تھا اور اب تک وہ دو درجن کے قریب ڈراموں اور ٹیلی فلموں میں کام کر چکی ہیں۔ ان کے معروف ڈراموں میں ’عشقاوے، سندیس، خواب سرائے، مہر اور مہربان، میرا کیا قصور تھا، شکوہ نہیں کسی سے، بن بادل برسات، نیلی زندہ ہے اور صنف آہن‘ شامل ہیں۔

کراچی: پاکستان ڈرامہ انڈسٹری کی نامور اور لیجنڈری اداکارہ شگفتہ اعجاز کے والد انتقال کرگئے۔

باغی ٹی وی : پاکستان ڈرامہ انڈسٹری کی نامور اور لیجنڈری اداکارہ شگفتہ اعجاز نے اپنے والد کے ساتھ ایک یادگار تصویر سوشل میڈیا پر شیئر کرتے ہوئے مداحوں کے ساتھ یہ افسوسناک خبر شیئر کی۔

ممتاز ادیب انتظار حسین کی آج چھٹی برسی منائی گئی

شگفتہ اعجاز نے والد کو اپنی طاقت قرار دیتے ہوئے کہا ’’تم جو گئے تو جیسے، میرے بازو ہی ٹوٹ گئے‘‘۔

اداکارہ نے اپنے والد کے دائمی سکون اور مغفرت کے لیے دعا کی سوشل میڈیا پر دیگر فنکار اور صارفین بھی اداکارہ کے والد کے لیے افسوس کا اظہار کرتے ہوئے انہیں صبر کرنے کی تلقین کررہے ہیں۔

ماڈل و اداکارہ سبیکا امام کو قتل اور تیزاب کے حملے کی دھمکیاں

واضح رہے کہ گزشتہ ماہ مارچ میں اداکارہ کی والدہ انتقال کرگئیں تھیں انسٹاگرام پر اپنی والدہ کی تصویر شئیر کرتے ہوئےاس حوالے سے لکھا تھا کہ میری مضبوط اورحوصلہ مند ماں اس دنیا میں نہیں رہیں۔ آپ کے ساتھ میری روح بھی آج مرگئی۔

اداکارہ شگفتہ اعجاز کی والدہ کے انتقال پر شوبز فنکاروں کا اظہار افسوس

بالی ووڈ اداکارہ کترینہ کیف کی بہن ازابیل کیف پاکستانی گلوکار بلال سعید کی میوزک ویڈیو میں نظر آئیں گی مداحوں کو ان کے گانے کی ویڈیو کا بے صبری سے انتظار ہے-

باغی ٹی وی : ازابیل اپنی بہن کی طرح رقص میں خاص مہارت رکھتی ہیں۔ انہوں نے گذشتہ سال 2021ء میں ریلیز ہونے والی فلم ‘ ٹائم ٹو ڈانس ‘سمیت کئی موویز اور میوزک منصوبوں میں اپنی صلاحیتوں کے جوہر دکھائے ہیں-

بھارتی امیگریشن نے گپی گریوال کو پاکستان آنے سےروک دیا

گلوکار بلال سعید نے گزشتہ روز سماجی رابطوں کی ویب سائٹ انسٹاگرام پر اپنے گانے کی ویڈیو کا پوسٹر شیئر کیا اور مداحوں کو بتایا کہ اس میں پہلی بار ان کیساتھ کترینہ کیف کی چھوٹی بہن ازابیل نظر آئیں گی۔ انہوں نے اس موقع پر جدائیاں کا پوسٹر بھی شیئر کیا۔

اقراعزیز سیریل کلرکی زندگی پر مبنی فلم”جاوید اقبال” پر پابندی لگنے پر برہم

خیال رہے کہ یہ گانا بلال سعید اور انگلینڈ کے پنجابی گلوکار ایزو کی تیار کیا ہے، جسے گذشتہ سال 14 اکتوبر کو ریلیز کیا جا گیا تھا۔

اس گانے کا میوزک ایزو نے ترتیب دیا ہے جبکہ اس کے بلال سعید پرنس دی آرٹسٹ سنگھ اور ایزو نے خود لکھے ہیں۔ یوٹیوب پر اس گانے کو پسند کیا جا رہا ہے۔ اب تک لاکھوں افراد اس کو سن چکے ہیں –

سنجےدت اورسنیل شیٹھی اسکرین پر 12 سال بعدایک ساتھ نظرآئیں گے

واضح رہے کہ ازابیل کیف نے گزشتہ برس فلم ’’ٹائم ٹوڈانس‘‘ کے ذریعے بالی ووڈ میں ڈیبیو کیا تھا۔

پاکستانی معروف گلوکارہ آئمہ بیگ نے ٹک ٹاک پر چند گھنٹوں میں ہی اہم سنگِ میل عبور کرلیا-

باغی ٹی وی :تفصیلات کے مطابق آئمہ بیگ نے تصدیق شدہ اکاؤنٹ کے ساتھ ٹک ٹاک پر اپنے سفر کا آغاز کیا، جس کے چند گھنٹوں بعد انہیں ہزاروں صارفین نے فالو بھی کرلیا آئمہ بیگ کو 24 گھنٹوں میں ٹک ٹاک پر اب تک 8 ہزار 118 مداحوں اور صارفین نے فالو کیا۔

پی ایس ایل 7 کا ترانہ ریلیز٫مداحوں کی تنقید ٫علی ظفر کو یاد کرنے لگے

انہوں نے اپنے اکاؤنٹ سے صرف ایک آئی ڈی کو فالو کیا اور چار ویڈیوز شیئر کیں جن میں ایچ بی ایل پی ایس ایل 7 کے آفیشل ترانے کا ٹیزر بھی شامل ہے۔ گلوکارہ کی جانب سے شیئر کی جانے والی ان ویڈیوز کو24 گھنٹوں میں 69 ہزار سے زائد بار دیکھا جاچکا ہے۔

آئمہ بیگ ٹیکس نادہندہ،گاڑی ضبط کرنے کا نوٹس جاری

واضح رہے کہ آئمہ بیگ پاکستان کی مقبول ترین گلوکاروں میں سے ایک ہیں، جنہوں نے پچھلے سات سالوں میں پاکستانی میوزک انڈسٹری کو کئی مشہور گیت دیئے اور مقامی اور بین الاقوامی ایوارڈز بھی اپنے نام کیے آئمہ بیگ ٹک ٹاک سے پہلے صارفین سے انسٹاگرام، ٹویٹر اور دیگر سوشل میڈیا پلیٹ فارمز کے ذریعے رابطے میں رہتی ہیں، انسٹاگرام پر اُن کے تصدیق شدہ اکاؤنٹ کو 39 لاکھ مداح فالو کررہے ہیں۔

گلوکارہ آئمہ بیگ کے بینک اکاؤنٹس منجمد

خیال رہے کہ ایچ بی ایل پی ایس ایل 7 کا آفیشل ترانہ آفیشل انٹرٹیمنٹ پارٹنر ٹک ٹاک پر ریلیز کیا گیا تھا ایچ بی ایل پی ایس ایل 7 کے لیے ترانے کا ٹائٹل ’آگے دیکھ‘ کو عاطف اسلم اور آئمہ بیگ نے اپنی آواز سے چار چاند لگائے ہیں جبکہ اس گانے کو عبداللہ صدیقی نے کمپوز کیا ہے۔

پی ایس ایل 7 کا ترانہ ریلیز٫مداحوں کی تنقید ٫علی ظفر کو یاد کرنے لگے

ہر سال شائقین کرکٹ کو زیادہ سے زیادہ راغب کرنے کے لیے میگا کرکٹ ایونٹ کے لیے ترانہ ریلیز کیا جاتا ہے اور اس بار ٹک ٹاک کو یہ اعزاز حاصل ہے کہ ایچ بی ایل پی ایس ایل نے اپنے ساتویں ایڈیشن کا ترانہ سب سے پہلے اس کے ڈیجیٹل پلیٹ فارم پر ریلیز کیا ہے ٹک ٹاک ایچ بی ایل پی ایس ایل کے ساتویں اور آٹھویں ایڈیشن کا آفیشل انٹرٹیمنٹ پارٹنر ہے جبکہ اس ترانے کو بھی ٹک ٹاک نے اسپانسر کیا ہے۔

اسٹیج فنکار نسیم وکی اور آغا ماجد کی گاڑی پر نامعلوم افراد کی فائرنگ